Thursday, October 18, 2007

غربة قلب


هجرت بلادى مودعة الجميع
وتركت خلفى حب وشوق
وفجر وربيع
وحزن ودمع
وذكرى تضيع
وسجنت انات قلبى
وصرخات عمرى
ولهفة عينى من شباك طائرتى
وودعت ضعفا فى كيانى
كان يسكننى
وبنيت فى قلبى جدار
بين ماكان وما سيكون
وبدأت من جديد
فى بلد بعيد
وحيدة بلا صديق او رفيق
وبدأ يغلبنى الحنين
الى ارضى وبلادى
وصوت الماضى ينادى
ويجذبنى رحيق الذكريات
لبرائة الطفولة
وحلم الشباب
ويستيقظ الشوق بداخلى
ليفتح باب الحب القديم
وانادى انادى
فلا مجيب
اشتاق لمدرستى القديمة
لقصائدى ورواياتى الصغيرة
واحلام الصبا
تركتها كلها قبل ان ات هنا
ياليت معى مفتاح لباب الشوق والحنين
لاغلقت عليهم ملايين السنين
ومن حيرتى وضيقى
قررت ان اكتب لصديق
اشكو له وحدتى
وهمى وغربتى
فمسكت قلمى وجهزت ورقتى
لكن
كلماتى ضاعت
وحروفى تاهت
وشعرت اننى غريق
او كمن ضل الطريق
ونسيت عنوان الصديق
وتعودت غربتى
وعشت حياتى
بلا فجر او مغيب
وفى ليلة
سمعت صوت الاذان
ورأيت مأذنه شامخة
وسط ميدان
فنادانى الشوق من جديد
وشعرت فى قلبى بلهيب
وذكريات وايام يداعبنى

طيفها من بعيد
فهل البى النداء واعود؟
اعود؟
اعود؟
وقررت
اعود اليوم على قدمى
بدلا من عودتى فى تابوت

42 comments:

إرهص براحتك يا زوق said...

الحمد لله لحقت المره دي أرد الأول
بوست حلو وخفيف وبأسلوبك الرائع الشجني
مش عارف أرد عليه!!!

إحساسك عالي وغالي ياساره
أتمني ليكي التوفيق
يااااااارب

رئيس جمهوريه نفسى said...

كلماتى ضاعت
وحروفى تاهت
وشعرت اننى غريق
او كمن ضل الطريق
ونسيت عنوان الصديق
بجد شدونى دول على الاخر صعب قوى لما تضيع الكلمات وتوه الحروف مجمل القصيده رائع مزج غربه النفس بعربه الوطن عالى وبتمنى فى يوم اشوف ليكى حاجه متفائله شويه
على فكره الاغنيه بصوت سميره سعيد حتكون مناسبه ليكى اكتر

DayDreaming said...

ممتنعه عن التعليق لحد ما الاقي لمسة تفاؤل بس ده ميمنعش ان الكلمات عجبتني اوي :)

رئيس جمهوريه نفسى said...

رحيل انا تطفلت ضفتك على الايميل لو معندكيش مانع ااقبلى الاضافه

rack-yourminds said...

بجد كلماتك جميله جدا ومؤثرواسلوبك رائع والبوست كله بينضح بالمشاعر والاحسايس الجميله

تسلم ايدك

د. ضياء النجار said...

العزيزة رحيل،

فهل البى النداء واعود؟
اعود؟
اعود؟
وقررت
اعود اليوم على قدمى
بدلا من عودتى فى تابوت


نقطة الانقلاب أو الانعطاف هذه في آخر القصيدة، ليست فقط رائعة، بل تختزل في داخلها عبقرية شاعرية ليس لها كهف أو وادي، بل فضاء تعبيري مفتوح على سموات الشعر السبعة.

عميق تحياتي

ضياء

د. ضياء النجار said...

العزيزة رحيل مرة أخرى،

بالرغم من الحزن الظاهري في القصيدة، إلا أنها قصيدة إيجابية غريبة على النفسية الشرقية، فهي نهاية قررت فيها أن تكوني فاعلة وليس مفعولا بك، ولذا حق أن تتغير الحياة إلى الأفضل!0 أو هكذا أرجو.

تحياتي

ضياء

ra7eel said...

إرهص براحتك ياذوق
سعيدة بجد
انك اول تعليق المره دى
ربنا يخليك
منورنى دايما


رئيس جمهورية نفسى
مزيج بين غربة النفس وغربة الوطن
تعليق عجبنى قوى بجد
بالنسبه للاغنيه بحسها
بصوت مصطفى اكتر
وبالنسبه للتفاؤل هحاول بجد
شرفت المدونه
خالص تحياتى


daydreaming
ممتنعه عن التعليق
ما علينا المهم انك جيتى
بس المشكله ان شكلك كده هتكونى ممتنعه كتير
وفى حاجه قولتها قبل كده
مش معنى ان الاحساس السائد فى المدونه حزين
انى مش متفائلة
بالعكس انا متفائله جدا
ضاقت ولما استحكمت حلقاتها فرجت وكنت
اظنها لا تفرج
مسيرها تروق وتحلى يامرمر
ربنا مايحرمنى منك



rack-yourminds
نورت المدونه
ربنا يخليك
كل الكلام ده ليه
ده انا كده هتغر
خالص تحياتى



د ضياء النجار
بجد مش عارفه اقولك ايه شكرا جدا لتعليق حضرتك
وبجد سعيده انك حسيت الايجابيه اللى فى الخواطر
وحسيت فعلا بمعنى كان جوايا
لانه فعلا حزن ظاهرى وبقرارالنهاية الامر اختلف تماما
تحياتى

rainbow said...

سارة
كلماتك على ما تحمل من شجن ضمنى الا اننى المح ضوء فى نهاية الطؤيق .. فها هى تقرر العودة من غربة الاوطان وربما يمهد هذا للرجوع من الغربة الداخلية

تفائلى عزيزتى فمن رحم الليل العنيد يولد الفجر مهما طال الليل

تحياتى

altwati said...

إن شاء الله تعودين
في أتم صحة
وإن كنت عدت فعلا فحمدا لله على سلامتك
تحياتي

Salwa said...

قررت ان اكتب لصديق
اشكو له وحدتى
وهمى وغربتى
فمسكت قلمى وجهزت ورقتى
لكن
كلماتى ضاعت
وحروفى تاهت
وشعرت اننى غريق
او كمن ضل الطريق
ونسيت عنوان الصديق
وتعودت غربتى
وعشت حياتى
بلا فجر او مغيب

جميله جدا

وفقك الله

تحياتي

horas said...

انتى بتعبري عن مشاعر داخليه
بطريقه حلوة اوى يا سارة
اسلوبك جميل
ومعانيكى اقوى
وان كنت هتكلم عن المعنى
متضيعيش وقت كبير فى التفكير
القرار سليم
لان التابوت متشوق للامتلاء
ومن يدرى؟؟

مصطفى السيد سمير said...

كلام جميل
اي حاجة بتتكلم عن الحنين
بتخليني
أنزف
لك تحيتي

e7na said...

شعرت بتفاؤل
يجعلنى انتظر التغيير فى التدوينه القادمه

اسلوبك جميل
ورقيق

ra7eel said...

rainbow
فمن رحم الليل العنيد يولد الفجر مهما طال الليل
انى انتظر هذا الفجر دوما ياعزيزتى
تسعدنى زيارتك كثيرا هدى
بتنورى المدونه



altwati
شكرا لزيارتك
بس انا شخصيا عمرى ماسافرت بره مصر
مع انها امنيه دائمه بالنسبالى
تحياتى


salwa
شكرا لمرورك
ولتعليقك
ربنا يخليكى
خالص تحياتى

ra7eel said...

الرائع حورس
شكرا لك كثيرا لزيارتك
ولكلماتك التى انتظرها دائما
فدواما ارائك تهمنى
خالص تحياتى لك



مصطفى السيد سمير
شكرا لمرورك
ولاحساسك الرائع
تحياتى


e7na
والله كويس انك حسيت بتفاؤل
بس خايفه تصدم فى التدوينه القادمه
على فكره البوست ده من خواطرى الماضيه 2002
بتسعدنى زيارتك بجد
شكرا ليك

Salwa said...

الإيميل فين يا لولو

Ragi said...

سارة العزيزة
صورة المئذنة فى الميدان ، تعبر عن فطرة كل مسلم ومسلمة، دائما لا ملجأ الا الى الله ندعوه ان يهدينا الى الطريق المستقيم
وعندما يتخلى الناس عنا الاحباء والاصدقاء ، نجد نور الله دائما فى قلوبنايبصرنا بالحق والجمال
بارك الله فيكى ياسارة

dr.gesho said...

كل البوستات بتاعتك حلوه فيها احساس عالى قوى بس بجد غربة قلب ده احلى حاجه فيهم عشان كده علقت عليه هوا بس
استمرى و بالتوفيق دايما

sayed saad said...

اعود اليوم على قدمى
بدلا من عودتى فى تابوت
جملة ختمتى بها وصفك للغربة والخنين الي الوطن والى نفسك كثير من الناس يغفلون عنها تحياتي على اسلوبك جعلتينى اشعر بالحنين الى الوطن رغم انى لم اسافر

princess dodo said...

جميل أوى يا ساره
بيعجبنى القافية المتبدلة
خلال القصيدة أوووى

وأنتى عبرتى عن مشاعرك بشكل جميل


ومبروك النيولوك


سلام يا جميلة

ra7eel said...

ragi
معك كل الحق فى تعليقك
شكرا لك
خالص تحياتى


dr.gesho
شكرا د. احمد
ربنا يخليك
نورتنى



sayed saad
اتا كمان كل لما بقراها بشعر بحنين للوطن
مع انى انا كمان عمرى ماسافرت بره مصر
شكرا لمرورك
شرفت المدونه


princess dodo
اهلا اهلا برنسيسة التدوين
وانا بقول المدونه منوره ليه؟
شكرا ليكى بجد
ربنا يخليكى

Hadota .. حدوتة said...

انا حاسة بيكى اوى عشان انا كنت عندى نفس الاحساسات لانى كنت فى يوم من الايام عزلت وسبت كل حاجة ورايا

فعلا احساس صعب جدا

تحياتى

كلماتك معبرة اوى
:)

Soooo said...

يالهووووووووووووي
يالهووووووووووووووووووي
ايه الحلاوة دي
ايه البساطه دي
وجون وجون وجووووووووووووون

سوري اذا كنت باهزر بس بجد والله هايله
احساس هاااااااااااااااااااااااااااايل
وكلام بسيط ومعبر وسهل يخش جو القلب ويتربع في البطين الايمن

لا بجد بوست هاااايل فعلااااا

المدونه كلها هايله الحقيقه

والسلاموووز ختامووووز

مواطن زهقان said...

بجد احساس رائع ياسارة وكلام جميل جدا

تسلم ايدك والله

نورسين said...

صديقتي الحميمة في عالم التدوين
رحيل
غربة قلب عنوان رائع وكلمات حانية دافئة مفعمة بالحس القوي النقي ،، اعجبني احساسك بالصديق وحزنت لحروفك التي تاهت ولم تصله فعنوانه ايضا قد تاه عن ذاكرتك المسكينة ،،
حبيبتي
صورتي اشكالا من الحنين ،، حنين للوطن ،، حنين للحبيب ،، حنين للذات الحائرة
لا اعرف كيف أحي قلبك وقلمك وروحك التي طارت لتطمئن علي ،،
أنا ايضا اشتقتك كثيرا ... اعذريني حبيبتي فقلمي استعصى علي ويرفض مطاوعتي ،، ونفسي وكأنها آنست اللابوح .. اشعر بأني لا اشعر .. سامحني ان كنت اصبتك ببعض يأسي ، ولا تقلقي فكل شيء يمضي
سعدت لسؤالك عني كثيرا

دمت لي صديقتي على الدوام

ra7eel said...

حدوته
فعلا احساس صعب قوى لما تلاقى ذكرياتك
بتضيع منك
ويارب ماتحسى الاحساس ده تانى
تحياتى ليكى ياقمر


soooo
اهلا بيك فى المدونه
وبعدين سورى ليه ؟
هزر ياعم ولا يهمك
شرفتنى بجد
وياريت الزياره تتكرر



مواطن زهقان
شكرا ليك ياحمد
ربنا يخليك
تحياتى

ra7eel said...

صديقتى نورسين
شكرا لكى ولكلماتك الرقيقة
ومن منا لا يستعصى عليه قلمه فى بعض الاوقات؟
المهم
انت تكونى انت بخير ياعزيزتى
افتقدك كثيرا
وخلى بالك من نورسين
حطيها فى عنيكى
لكى منى كل الحب والتقدير

summar said...

رحيل
ياسلام يابنتى والله الاغنية دى كنت بغنيها من يومين معرفش جت على بالى ليه هههه
انا بحبهاااااااااا
على فكرة كمان
البوست الاخير ده روعة جدا
(ولهفة عينى من شباك طائرتى)
جميلة جدا
كلها جميلة
ياه ياسارة
والله يابنتى نفس الكلام بحب اقوله ومبعرفش
جميل جميل

harmless said...

الاخت العزيزة
لا اختلف على جمال كلامك الرائع الذى يمتلئ بالاحاسيس الانسانيه الراقيه واشارك كل قراءك الاعجاب به وبقائلته الانسانه الجميله الرقيقه

ولكنى لاسباب غير معروفه ولاهداف غير مدروسه اريد ان اشاكسك
هكذا بدون استئذان او حذر راجيا ان تعدى على خير

اريد ان اسالك من وحى التعليقات وردودك
هل سفرك كان الضعف ام عودتك هى الضعف؟

هل لحظه الانقلاب وقرار العوده هى لحظه ايجابيه ام لحظه سلبيه؟

هل الانسان كثير المعارف والاصدقاء من عدة بلاد ومجتمعات افضل ام الانسان صاحب العدد المحدود من الاصدقاء من المحيطين به من مجتمعه اللصيق

هل ثقافة وخبرات من عاش وتفاعل مع عدة ثقافات ومجتمعات ونظم عمل ونظم اجتماعية اكبر ام ثقافة من لم يخرج من قريته او مدينته؟

اختى العزيزه
هلا فكرتى يوما ان تعتبرى نفسك فى مهمه ثقافيه تنويريه حياتيه واندمجتى فى مجتمع جديد وثقافه جديده واكتسبتى خبرات وعرفتى انماط واشتركتى فى جاليات وانشطه اجتماعيه او ثقافيه ونهلتى من علوم وخبرات هذا المجتمع الجديد لعامين او ثلاثه قبل العوده الى الوطن
ام استسلمتى لمتاعب الغربه والام الفراق بسهوله؟

اوعى النرفزه
دى شويه مشاكسه بس والله

علاء سالم said...

السلام عليكم
إزيك يا رحيل
خاطرة بتقدير إمتياز مع مرتبة الشرف

ياليت معى مفتاح لباب الشوق والحنين
لاغلقت عليهم ملايين السنين

الله عليكي بجد والله
هو دا الشغل اللي على أصوله
وهو دا الكلام اللي يدخل على القلب بلا استئذان.

ra7eel said...

summar
ربنا يخليكى ياسمر
بجد سعيده جدا ان البوست عجبك
والله ياسمر عالم التدوين ده رائع
انتى من الناس اللى بجد سعيده انى عرفتها
بتنورينى دايما


harmless
اولا شكرا لزيارتك جدا
وثانيا كل مشاكساتك على الرحب والسعه
ثالثا وده الاهم
ان انا عمرى ماسافرت بره مصر
وعمرى ماركبت طياره
واقصى غربتى كانت ايام الجامعه
وكنت كمان فى نفس محافظتى
اما بقى بالنسبه لاسئله حضرتك
فتتلخص فى الاتى
ان انا حلم حياتى اسافر بره مصر واعيش فى مجتمع تانى
انا بعشق السفر
تجربه فعلا ممتعه جدا انى اتعايش مع ثقافات مختلفه
واندمج فى مجتمع اخر
ولكن لفتره من الزمن
ولا تكون هجره دائمه مثلا
اكيد هستفاد كتير من تجربة زى دى
شوفت بقى الموضوع سهل ازاى ولا نرفزه ولا اى حاجه
شرفتنى جدا


علاء سالم
انا كده دخلت التاريخ مش كده؟
اكيد بعد الكلام اللى انت قولته ده
دخلته من اوسع ابوابه
دى شهادة اعتز بيها
شكرا جدا ليك
ربنا يخليك

Soooo said...

الزياره تتكرر ؟؟؟

اصلان اصلان اصلانننننن
البلوج ده بتاعي خلاص


ولا انتي ليكي رأي تاني؟؟؟
لو ليكي رأي تاني الم عدتي واسرح على باب الله اشوفلي لقمه في مدونه تانيه

كاريزما said...

تسجيل مرور..

و نصيحة..

تحتاجين لما هو أكثر من

مجرد قرار

عموما

قرارك يكفي

لمنع محاولة انتحار

أحسك

ra7eel said...

soooo
ياخبر ده انت تنور
لاء تنور ايه فى برده حد ينور مدونته؟
انت تشرف دايما
وتلم عدتك ليه بس ياعم؟
البيت بيتك
اقصدى المدونه مدونتك


كاريزما
انتحار ايه بس؟
انت كبرت الموضوع قوى
على العموم
نورت المدونه
شكرا لمرورك

coca said...

اولا العنوان رائع
ثانيا الصوره اروع
كلمات مصوره مبهره بمعني الكلمه


اعود اليوم على قدمى
بدلا من عودتى فى تابوت

لا اعتقدهم كثيرون من يقررون الرجوع
عاده يكون قد فات الاوان

mo7amed mamdo7 said...

ربنا يباركلك فى احساسك العالى بجد احلى كلا بقراة فى البلوج بتاعك
بس بيتعبنى معاناتك من الوحدةبجد مزعلانى
تحياتى ليكى

doha said...

انتى عقدتينى
الواحد مبيقولش شعر على كدة
ماشاء الله
جميل جدا
اكتر حتة عجبتنى
من اول
وبدأت من جديد
برافو عليكى

ra7eel said...

coca
شكرا ليكى
نورتى المدونه
هستناكى تانى
تحياتى


mo7amed mamdo7
ربنا يخليك
واسفه لو كنت بتعبك
مش بيكون قصدى اتعب حد ابدا
شرفتنى


doha
عقدتك ليه بس؟
انت اسلوبك حلو قوى
وبعدين انا مش بحب كلامى يتصنف على انه شعر
او نثر او اى شكل
انا بحب لما اكتب اكون حره فى كتباتى من غير تصنيف عشان ماتقيدش بحاجه معينه
انا بكتب اللى بحسه من غير مااحط كلامى فى قالب معين
ده بس للتوضيح
وشكرا جدا لكلامك ليه
ربنا يخليك

كاميليا said...

الله عليكى

كل كلمة كان لها صدى مدوى فى قلبى لاننى اعيش كما وصفتى بقصيدتك
غربة .. حب مستحيل .. شوق .. وحدة .. حيرة وعيون تائهة بحثاً عن مكان من نقطة اللا مكان

احييكى على مدونتك الجميلة ومعانيها التى تلمس القلوب

بنت مصر said...

كلام جميل بسيط مش متكلف يلمس القلب

ra7eel said...

كامليا
شكرا جدا لمرورك
ربنا يخليكى
وسلامتك من الغربه
والوحده
والتوهه
انا عارفه قد ايه مشاعر صعبه
نورتينى



بنت مصر
هو فعلا اهم حاجه انه يلمس القلب
شكرا لكلامك
ولمرورك
شرفتى المدونه