Tuesday, October 23, 2007

مشاعر


هذه المقالة قرأتها منذ سنوات
فى عدد من مجلة زهرة الخليج
كانت للكاتبة امنيات سالم

احسست كلماتها بشدة
واعجبتنى جدا فاحتفظت بها لدى
اقراها كثيرا و اكاد احفظها
وقد كتبت تقول

حدثتنى سيدة انجليزية

انتم عاطفيون بشكل مبالغ فيه
تبكون بحرقة.......... تعشقون حتى الموت
تتوقف الحياة ان اصاب احد من الذين حولكم مكروه
كأن الكون يتمركز حوله وحول عواطف جياشة
لا تأتى لكم إلا بمزيد من التعب النفسى
وجدت حديثها حقيقيا
نحن لا نملك إلا مشاعر نهبها
والحب لدينا شعور فائق الوصف
ولدينا القدرة على حب الكون بكل تفاصيله
الصغيره والكبيرة
وقلوبنا دافئة بحزن لا مبرر له
سوى انه تاريخ من الوجع والخيبات العظيمة
وربما كانت التنشئة والمجتمع سببيبن رئيسيين
فى تحولنا الى اشخاص عاطفين
لا نفكر الا بقلوبنا
ولا يمكننا ان نكون اكثر جلدا
على مصائب الزمن الكثيرة
لكن
على الرغم من ان البعض يرى
انها حالة من الضعف والمبالغة
لكنها الحقيقة التى تقول
بأننا اهل دفئ عظيم لا يفهمه سوانا
وسوى من يقترب من نارنا فى ليل الشتاء المعتم
وربما كانت هذه سمة الشرق
التى يبحث عنها الغربى
الدفئ ...المشاعر التى تمنح دون مقابل
والسؤال بصدق عن حال الصحة والروح
لانها تظهر الحاجة الى تكافل ومؤازرة
وحوار مع اخرين يقدرون المشاعر التى تملئ صدرك
واى ان كانت مخاطر هذه العاطفه المجنونة
فأنها خلقت شعراء ليس كمثلهم احد
وستخلق شعراء لا يشبههم احد
وعيون سوداء عميقة وجملية وحزينة
تتحدث عن روح صاحبها من غير عبارات او معانى
واسألنى ماذا تفضلين ؟
اصدقم القول وودت لو ولدت فى انجلترا
وصرت لا ابالى الا بى
لكان الحال افضل والحياة
ستكون فى ناظرى ابهى بلا شك
وفى النهاية
تبقى لو لفظ غير واقعى
وان تمنيناه

الى هنا تنتهى تلك المقالة التى اراها انا رائعة فى وصف مشاعرنا
انها حقيقة بلا ادن اشك
كما اننى اتمنى انا الاخرى احيانا
انى لو كنت ولدت فى انجلترا وصرت لا ابالى الا بى؟
واتسائل
هل حقا كانت الحياه ستكون ابهى فى ناظرى؟
وهل انا من ذلك النوع الذى يستطيع ان ينفصل كليا او حتى جزئيا عن من حوله؟
هل استطيع حقا ان اعيش دون اصدقائى؟
دون بشر اتفاعل معهم ويتفاعلون معى؟
وان كانوا اتعبونى وارهقونى
وان كنت اشتكى منهم واتعذب من بعضهم
وان كنت احب جلوسى الى اكثر من اى شخص اخر
وتأتينى اجابتى منى
لا
انت قد تهربين وقتا
ولكن
تعودين سريعا
تشتاقيهم
تحنى اليهم
تنسى
بمجرد ان يرن هاتفك وتجديهم
تنسى
بمجرد ان تقابلى احدهم ويبتسم
تنسى
بمجرد ان تجلسى اليهم
وتأنسى بهم
تنسى
ويبتسم قلبك لرؤياهم
وترفرف روحك بهم ومعهم واليهم
واخيرا
تبقى لو لفظ غير واقعى

......... وان تمنيناه

36 comments:

رئيس جمهوريه نفسى said...

من حسن حظى انى فتحت الباب وفذت باول كومنت موعود معاكى وده من حسن حظى بس من سوء حظى لانى مش حعرف الحوار الى بيدور فى رحى التعليق علشان افهم اكتر
بس انا برضو كده بتمنى كتير وحلم حياتى فى اوقات انعزالى جزيره ومجموعه الكتب المفضله ومجموعه اغانى منير بس هل كنت حبقى سعيد
سعاده الانسان يا رحيل مش فى انو يكون لوحده اله بتتحرك بوقت وميعاد خاليه من المشاعر الحياه مشاركه
(وجعلناكم شعوبا وقبائلا لتعارفو)
رحيل الانسان شجره كلما ذادت اوراقها زاد بهائها وحسنها
ورق شجرتك اصحابك ودول مش حتلاقيهم ولا حتكسبيهم الا بتبادل مشاعر صادقه
تحياتى

Darsh said...

شعور البني الغربي إن كل اللي بيعملوا هو الصح .. مستفز
الناس دول ما بيقبلوش أي إختلاف من أي شعب غيرهم.
لازم نبقى يعني اسطنبة منهم عشان نبقى كويسيين في نظرهم؟؟
أنا أرفض إني أبقى اسطنبة غربية و فخور بكل ما هو شرقي.

الباحث عن الحقيقة said...

وتأتينى اجابتى منى
لا

دى غريزه فى الشعوب الشرقية
الدفء والعواطف والصدافة والاسرة
المفاهيم الاجتماعية دى بتختلف فى شكل ممارستها بين الشرق والغرب
سبحان الله
تفتكرى ايه السبب؟

علاء سالم said...

السلام عليكم
إزيك يا رحيل أخباركِ إيه

أختلف معك في الرأي
إنتي بتتكلمي عن الناس في إنجلترا وكأنهم مالهمش أصحاب ولا أحباب ولا بيعيشوا حياة إجتماعية
بالعكس
كل اللي عندنا عندهم ولكن بفرق الأسلوب والثقافة.
إحنا بنظهر عاطفيين أكتر منهم لسبب واحد وهو إننا ماعندناش غير العاطفه
لكن هما عندهم العاطفة والعقل معاً
إحنا بنعشق حتى الموت وبنبكي بحرقه وكل الكلام ده بس مش لأننا ملائكه وعاطفيين وقلوبنا رقيقه
ولكن لأننا نعيش في قهر وكبت في كل شيئ حتى في الحب .
أما هناك فلا مجال لحزن مشابة لأن الحياه هناك أصلاً لا تتشابه مع الحياة هنا.

sayed saad said...

نحن نقول نحن الموجب وهم السالب
وهمو يقولون نحن الموجب وهم السالب

انا يعنيني ان لا اشعر بالجفاف في حياتي
تعودة ان ارى النيل يجري يشق ارض المحروسة يروينى معها
ولو كنت في وسط الثلج لكانت ايضا ارائي متسمة بالببرودة
لا هم سيتغيرون ولا نحن
تحياتي

إرهص براحتك يا زوق said...

دا سر الإختلاف بين المجتمعات الشرقيه منها مصر والمجتمعات الغربيه وحكايه المشاعر دي زياده عندنا شويه لأننا كما قال الأستاذ نشأت التغلبي بأننا إحترافنا البكاء
وعلي فكره كلمه شرق وغرب دي مجاز مش واقع وبالنسبه للصداقه والحب رغم إن الدول العربيه شرقيه مجازاً إلا أنها تفتقد ذلك !!!
ممكن تسمي الحاله دي بالحاله العاطيفيه المصريه إحنا شعب عاطفي ثقفنا لكل الناس و عيطنا علي كل الناس

فكرتني بكلمه واحد بريطاني كنت قابلته في الإسكندريه سنه2002 سألته أنا لما بتفرج علي الأفلام بتاعتكم مش عارف إزاي إنتوا تقدمتم رغم إن في كل الأفلام أكتر حاجه بتنقشوها الحب والسهارات والكلام ده
قالي
Work hard, Love hatd
ياعني حب بكل مشاعرك وإعمل برده بكل مشاعرك
سلامي يا ساره

كاميليا said...

بالفعل نحن كشرقيون نختلف كثيرا عن اهل الغرب.. نحن نتنفس مشاعر واحاسيس.. لذا يكون من الصعب علينا التعايش معهم فى تناغم وتفاهم طوال الوقت.. فاذا كنت تعمل معهم.. عليك ان تفصل مشاعرك تماما.. ولا تأخذ الكلام الا حرفياً دون ان تعمقه.. ولو انهم كى يخرجوا من هذا المأزق دائما مايقولون
This is work, do not take it personally
عندما يلحظون تأثير كلامهم الجاف على ملامحك.
مقدرش اقول انهم صح.. او احنا صح.. كل اللى اقدر اقوله إننا مزودنها شوية ويمكن ده راجع للظروف اللى كلنا بنعيشها فى هذا الزمن

تحياتى لاجمل احساس حى قابلته فى حياتى

ra7eel said...

رئيس جمهورية نفسه
ده من حسن حظى انا انك اول كومنت
انا واثقة ومتأكده ان السعاده مش فى ان احنا نكون لوحدنا
رغم ان احنا ساعات كتير بنتمنى كده
صدقنى انا اصحابى هفضل باقيه عليهم لاخر لحظه
بجد بحبهم جدا
شكرا ليك ولتعليقك
_________________________________
darsh
انا اشاركك رفضك انى اكون اسطنبة غربية
وفخوره ايضا بكل ماهو شرقى
وبخاصة مشاعرنا الدافئه
خالص تحياتى ونورت المدونه
___________________________________
الباحث عن الحقيقة
انا شخصيا ميهمنيش ايه السبب قى المشاعر دى
انا يكفينى ان المشاعر دى تبقى موجوده
دون ان تنقص او تهتز او تختلف هذا كل مااتمناه حقا
شكرا لمرورك
وتحياتى لك
__________________________________
علاء سالم
وعليكم السلام
اهلا علاء منورتى
اولا اختلف براحتك مفيش مشكلة
الاختلاف فى الرأى لا يفسد للود قضية
ثانيا
اولا ده مش كلامى انا
ثالثا
انا متفقه تماما معاك انه اختلاف ثقافة واسلوب حياه كامله
بس مختلفه معاك فى ان الكبت والقهر هما السبب فى مشاعرنا دى
اصل ده معناه ان المشاعر دى عقد نفسية اتخلقت فى ظل ظروف قاهره
يعنى معنى كده ان كل المشاعرالحلوه اللى فى حياتنا مش حقيقة؟
ياراجل حرام عليك
___________________________________

ra7eel said...

sayed saad
حقا لا هم سيتغيرون ولا نحن
الاهم ان تبقى مشاعرنا صادقة
خالص تحياتى
___________________________________
إرهص براحتك ياذوق
احنا فعلا بنحب بكل مشاعرنا
اما فى العمل فلا
هى دى بقى مشكلتنا
احنا فعلا لو اتعاملنا مع شغلنابحب بجد مش مجرد ان احنا مضطرين نشتغل
اكيد الوضع هيختلف تماما
ونحقق المعادله اللى مش راضيه تظبط معانا
منورنى دايما ياحمد
ربنا يخليك
___________________________________
كاميليا
شكرا لمرورك مره اخرى
اسعدتنى زيارتك
شوفى بالنسبه لمين الصح
مش هى دى المشكله
هما مستريحين كده واحنا كمان
وبالنسبه للتعامل معهم
اكيد فى نقطة تلاقى زى مانتى قولتى
خالص تحياتى

على باب الله said...

كان حظي حلو أني وجدت مدونتك عجبتني بجد

و عجباني قوي حالية النوستالجيا اللي في البوست

و يمكن يكون عندي تفسير غريب شوية للموضوع

يمكن حرارة المشاعر بتمشي بالتوازي مع درجة حرارة الجو

يعني البلاد الباردة .. بتبقي مشاعرهم باردة

و البلاد الحارة بتبقي مشاعرهم ملتهبة

و تفضل تلتهب تلتهب .. لحد ما تشعوط خالص في البلاد الأفريقية ( اللي كل خميس و جمعة يعملوا أنقلاب و ثورة علي الحكم ) .. إحتمال

بس هو في الغالب ... تخاريف

محدش ياخد علي كلامي

كاريزما said...

رحيل..

تساءلت مثلك

لمً َ تحكمنا العاطفة الى هذا الحد؟؟

اعتقد ان له علاقة بطبيعة حياتنا

الروتينية اللاعملية..

فالعاطفة منفسنا

لنعبر عن وجودنا..

طالما كنا محتلين على مر العصور و السنين

و جميعنا.. عمالة

تصوري الشخصي..

rack-yourminds said...

الله الله علي هذا البوست بجد جميل جدا

بجد انا بسمتع كتير بموضعاتك وكلماتك الجميله


تحياتي لكي

rainbow said...

سارة
البوست اكتر من رائع لانه بيتكلم عن اهم شىء بنلف وندور عليه فى حياتنا ( المشاعر ) صحيح احنا عاطفيين وصحيح بنحب وعندنا دفىء مالوش حل لكن ما عندناش جودة .. يعنى ايه يعنى (( ان الله يحب اذا عمل احدكم عملا ان يتقنه )) صدق رسول الله صلى الله عليه وسلم .. يعنى بنحب على ما تفرج وبنشتغل من غير ما نجيد اوى اللى بنعمله عندنا حالة كده زى ما نكون مش مستويين كفاية بنمط .. فاهمانى بنسوف بنأجل بنعلق اى فشل عاطفى او عملى على شماعات كتير بنهرب من الحقيقة ونقول ربنا يسهل .. عارفة طولت عليكى

انا فوجئت انك وضعتى لينك مدونتى عندك اول مرة اشوفه مش عارفة اقولك ايه بس بجد اتمنى اكون فعلا بقول حاجة مفيدة تحياتى ودعائى
هدى

ra7eel said...

على باب الله
نورت المدونة
وممكن يكون تفسيرك صحيح مفيش شئ مستبعد اليومين دول
وبعدين خرف زى مانت عايز ولا يهمك
انا اكتر كلام بصدقه التخاريف
خالص تحياتى
___________________________________
كاريزما
تصورك الشخصى على الرحب والسعه
المهم ان تبقى مشاعرنا
هذا مالا نختلف عليه
اسعدنى مرورك مره اخرى
_________________________________
rack yourminds
شكرا ليك بجد
شرف ليه ان مواضيعى تعجبك
ربنا يخليك

ra7eel said...

rainbow
هدى
زيارتك من الزيارات اللى بتسعدنى بجد
وبالنسبة لموضوع المشاعر ده اكيد عندك حق فيه بس المهم ان يكون فى مشاعر بجد موجوده بنا
وبالنسبة لانك بتقدمى حاجه مفيده
قانا بجد بحب مدونتك جدا
ربنا يكرمك هدى

e7na said...

تذكرت وأنا اقرأ كلماتك تلك الصفات التى يتحدثون بها عن طيب أهل القريه والألفة بين بعضهم البعض وسؤالهم عن بعضهم والالتفاف مع مكروبهم والتخفيف عنهم
واحاول ان ابحث عن ذلك ولا أرى شيئا

المبالغه
نعم نحن نبالغ ...فى بداية الامر نفرغ شحنات مشاعرنا وبعدها ينتهى كل شىء

مشكلتنا كعرب ان الأنا عاليه ومتضخمه عندنا جدا نرى أننا الشعب العاطفى الوحيد وأن الغرب لا يقدر المشاعر الانسانيه

ـــــــــــــــــــــــــــــــــــ
تليقاتك كانت تنبىء بشخصيه مرهفه وحساسه وروح أديبه وها نحن نتأكد من ذلك يوم بعد يوم

horas said...

لولا الذى تود تلك الكاتبة التبرأ منه
لما صمدنا امام كل تلك النوائب
لما كان لنا وجود
هم يحسدوننا بالطبع
لكن ينقصنا فقط
التوظيف الجيد
بوست قوى
وتعليقك على المقال اقوى منه فعلا

shreen said...

رحيل

اعجبتنى المقالة كثيرا ويبدو انى قرأتها او سمعت عنها نقاشا فى مكان ما
لانى اتذكر هذة الجمل

ولكنى ابدا لم ارغب ان اكون
الا مصرية دافئة
حتى وان اتت مشاعرنا علينا بالالم واحزن
فمن يتألم ويحزن فذلك يعنى انة يملك قلبا لا يزال ينبض

اما من لا يبالى ولا يجد شيئا يحزنة
فبألتاكيد لن يجد شيئا يسعدة

سيصبح انسانا مفرغا من الداخل\

مجرد جبلة خارجية بلا اعماق

فلنحمد اللة على حزننا ومشاعرنا

ولنحزن على كل من وضع مكان قلبة
صخرا لا يبالى

نورسين said...

كما اننى اتمنى انا الاخرى احيانا
انى لو كنت ولدت فى انجلترا وصرت لا ابالى الا بى؟

أحسنتي الاختيار صديقتي العزيزة ،، سعيدة بك وبتعليقك على المقالة الرائعة حقا لوصفها لمشاعرنا التي اظنهم يفتقدونها هناك في عالمهم البارد
رحيل : الاروع من المقالة تعليقك حبيبتي كم اعادني لهدوئي ، وذكرتني بوقوفي بساحة صديق عزيز ابث له حزني الدامي و اصمت رغما عني ،، لأختصر حالتي بكلمات بالكاد وصله بها صوتي المختنق " انا مش عايزة حد تاني ؟ مش عايزة .. أعرف أي حد؟" إلا اني تراجعت حقا بك وبمن حاولو معكي حبيبتي ،،
وبكلماتك ايضا أعود أكثر
لآ
انت قد تهربين وقتا
ولكن
تعودين سريعا
تشتاقيهم
تحنى اليهم
تنسى
بمجرد ان يرن هاتفك وتجديهم
تنسى
بمجرد ان تقابلى احدهم ويبتسم
تنسى
بمجرد ان تجلسى اليهم
وتأنسى بهم
تنسى
ويبتسم قلبك لرؤياهم
وترفرف روحك بهم ومعهم واليهم
واخيرا
تبقى لو لفظ غير واقعى
......... وان تمنيناه

حبيبتي التي لم أراها
اشكرك سارة
اشكر قلبك الودود الحاني

د. ضياء النجار said...

العزيزة رحيل

اسمحي لي، وقد شعرت منذ زمن بعيد عندك أنني صاحب بيت ولست ضيفا على المدونة أن أعلق على بعض ما ورد في التعليقات من آراء.

رحيل:

لا أتفق مع تفسير الجنوح العاطفي لدينا بأن السبب فيه هو "المجتمع والتنشنه" على حد تعبير الكاتبة، فهذان الأمران لا يمكن تصنيفهما على أنهما "أسباب" بالمفهوم العلمي، أي المقدمة التي أدت إلى النتيجة. ورأيي الشخصي أن الموضوع أكبر من المجمتع والتنشنة، التفكير العاطفي هو مضاد التفكير العلمي، التفكير العاطفي هو الذي يفرز عبارات لم نتأمل معناها بشكل جاد، وبالتالي ندور في فلك عبارات غير محددة الدلالات. نحن شعوب متخلفة علميا وفكريا، ولازال لدينا كثير من الظواهر التي سادت في عصور الظلام والعصور الوسطى، بدءا من العفاريت اللي في الحمامات ، مرورا بالاعتقاد في السحرة والمشعوذين، وانتهاء بسيطرة فكرة الموت على ثقافتنا الدينية والعامة. إن التخلف العلمي والفكري هما السبب، وتستطيعين أن تري هذا في مسار النقاشات لدينا، عاطفية إلى أبعد الحدود، ولذلك فهي تنتهي إما بهذا الكرسي المشهور في كلوب النقاش، أو "بالأمص"0.

لن يحدث تغير في فكرنا وسلوكنا وطريقتنا التعبيرية، إلا إذا أصبح التفكير العلمي، أي أن المقدمات هي التي تؤدي إلى النتائج هو الطابع المكون لشخصيتنا، كما كنا سابقا في يوم من الأيام، أيام كانت "شمس الله تشرق على الغرب"، حسب تعبير زيجريد هونكه.

الاستاذ درش،

أتراك في رفضك لما هو غربي فعلا فخور بكل ما هو شرقي، وأكررها "بكل" ما هو شرقي، لا أريد أن اطرح لك أمثلة تدحض من أطروحة الفخر هذه، ولكني أسألك أن تراجع هذه العبارة بينك وبين نفسك على الأقل.

dr.gesho said...

انا ضد المشاعر الزايده عن الحد عشان كده هما عمليين اكتر لكن برده حكاية انى افكر فى نفسى و بس مش مقبوله مقدرش اتخيل الدنيا من غير اصحابى و اهلى دول اهم كتيير من اى حاجه تانيه و اكيد ساعات بنيجى على نفسنا علشان خاطرهم.
(مثل المؤمنين فى توادهم و تراحمهم و تعاطفهم كمثل الجسد الواحد اذا اشتكى منه عضو تداعت له سائر الاعضاء بالحمى و السهر)
بوستاتك دايما متميزه يا ساره بس برده غربة قلب فى المركز الاول بالتوفيق دايما

ra7eel said...

e7na
شرفتنى جدا
انا كمان بحاول ادور على المشاعر دى عارفه انها بتوه فى زحمة الحياه
بس انا بخلقها
بعمل رصيد ليه مع الناس اللى بحبهم
وبلاقيهم معايا
رغم انى قابلت ناس وحشة كتير
بس الاكيد
ان فى مشاعر كده بجد وحقيقيه
وبعدين انا شايفه ان الموضوع مش انا ولا حاجه
هما عندهم مشاعر برده اكيد
بس عملين اكتر مننا
شكرا جدا لكلامك ربنا يخليك
__________________________________
الرائع حورس
حقا ينقصنا
التوظيف الجيد
لك جزيل الشكر
على مرورك وتعليقك الذى يسعدنى
نورت االمدونه
___________________________________
عزيزتى شرين
شوفى ان احنا نحزن
ونتعود الحزن او نستمتع حتى بلحظاته
جميل
لكن اللى مش جميل ان حزننا يشدنا لتحت
نشيله فوق راسنا فيدفنا واحنا لسه عايشين
احزانا المفروض تكون تحت رجلينا عشان ترفعنا لفوق
عشان نقدر نكمل
تكون دافع لينا
عشان نبدأ من جديد
فاهمانى شكرا لمرورك__________________________________

ra7eel said...

صديقتى الغالية نورسين
بل الاروع والاروع حقا
ان كلماتى اعادتك لهدوئك ياعزيزتى
اتمنى حقا ان تكونى بخير
دائما وابدا
بجد كنت قلقانه عليكى من بوستك الاخير
اصدقائنا فعلا هم ملاذنا
ولو مشاعرهم صادقه بجد
بتكون اصدق علاقه فى حياتنا
ربنا يهنيكى يارب ويسعدك دايما
خلى بالك من نفسك
___________________________________

د.ضياء
طبعا حضرتك صاحب بيت ده اكيد
وحتى لو فى اختلاف فانا بحترم جدا اراء حضرتك وبنتظرها دايما
وكنت متوقعة راى حضرتك تقريبا
ان هيكون فى المضمون العلمى
والجميل جدا بالنسبالى ان اسمع وجهة نظر مختلفه عن تفكيرى وطريقتى فى الحياه
كما اننى اتنمى حقا ان نصل بانفسنا الى تلك المرحله التى تحدثت عنها
ولكن ايضا مع الحفاظ على مشاعرنا الجميلة
شكرا جدا لمرورك وزيارتك وتعليقاتك اللى بنتظرها دائما
________________________________
dr.gesho
بجد زيارتك مرة تانيه اسعدتنى جدا
الموضوع مش مشاعر زايده ولا مش زايده
يااحمد المهم المشاعر تكون موجوده عشان نقدر نعيش
شرفتنى د. احمد

د. ضياء النجار said...

رحيل،

بالمناسبة عندما تصلين لهذه المرحلة العقلانية في التفكير والتعيير ستكتشفين أن الحياة أجمل وأن المشاعر بالمناسبة أكثر استقرارا وعمقا لأنها أحاسيس وقرت في القلب وصدق عليها العقل.

لكن الوصول لهذه المرحلة موضوع مرهق أيما إرهاق ليس فقط في الاستعداد الذهني والنفسي ، بل في المقام الأول لما قد تُضطرين له من اتخاذ لقرارات أخلاقية تكون في أحيان كثيرة متعارضة مع السلوك الجمعي السائد، وهو عين ما كان يواجهه كل مصلح والأنبياء على رأسهم حينما كانوا يسألون عن عبادة الأصنام فكان يأتيهم الرد العاطفي الذي لا يراجع الموروث من ناحية صحته وخطأه: إنا وجدنا آباءنا لها عابدون. صدق الله العظيم

تحياتي

ضياء

Ragi said...

سارة العزيزة
العواطف غريزة انسانية منحها الله لعبادة بدون تمييز
ولكن
نحن الشرق اوسطيين ( عربا كنا او غير عرب ) لا نبخل بها على انفسنا او على غيرنا من الناس فنظهرها ونحتفل بها ونسعد ونشقى بها فى حين ، ويشاركنا فى ذلك ذوى الدم اللاتينى من الاسبان والبرتغاليين من اسبانيا والبرتغال الى امريكا اللاتينية
من منا لا يرى احتفالات البرازيل الراقصة الصاخبة والناس محتشدة فى حميمية مثلما يحدث فى الموالد فى مصر
اما فى البلاد الباردة فى الشمال فقد تعودوا ان يخفوا مشاعرهم ويدفنونها ويجزون على اسنانهم ويبلعون حناجرهم ولا ينطقون الا رياء ونفاقا
شاهدى زوجان من اهل الشمال البارد فى مطعم مثلا وهما يأكلان طعاما ، بطاطس مهروسة مثلا ودجاج مسلوق وهما وفى صوت خافت يقولون اووه هاو لفلى هاو دليشس فقط لا غير ويتناولون الطعام فى ميكانيكية والية تدل على انهم حتى عندما يمارسون الجنس فى الفراش يمارسونه وكأنهم يأكلون البطاطس المهروس والدجاج المسلوق
طبعا مافيش مقارنة احنا اجدع ناس
تحياتى

mo7amed mamdo7 said...

بقولك اية والله احنا احياننا بنبقى عايزين نبقى كدة وشوية عايزين نبقى لكن فى الاخر احنا مشاعرنا كده بس اقولك على حاجة احنا ديما بندى للحاجة زياده عن حقها بنضيع وقت كتير وده طبعا بيقصر علينا وربنا يستر

shreen said...

رحيل
شكرا على تعليقك الرقيق
انا بافتح الماسنجر
وانت مش بتدخلى

انا احسن تعليق يوصلنى من حد
انةكلماتى لمست قلبة

ودة اللى قولتية

الف شكر

ra7eel said...

د.ضياء
مرورك مره اخرى يشرفنى ويسعدنى
اتخاذ القرارات سواء وصلت للمرحلة دى او لاء
بيكون فى معارضين كتير
انا اتمنى انى اوصل لانى اوقات كتير بحس ان عاطفيه فى حكمى على الامور زياده شويه
جايز مع الايام اوصله
شكرا لمرورك
__________________________________
ragi
لا نبخل بها على انفسنا او على غيرنا من الناس فنظهرها ونحتفل بها ونسعد ونشقى بها
عجبنى قوى تعليقك
فعلا احنا مشاعرنا حلوه قوى
شكرا جدا لمرورك
نورتنى
___________________________________
mo7amed mamdo7
احيانا واحيانا
صح كده
بس المهم
احنا اصلا ايه؟
شكرا لمرورك
__________________________________
شرين
ربنا يخليكى
انا فعلا بحس كلامك قوى
النت عندى مهنج اليومين دول
بس يارب اعرف اكلمك بليل

linda said...

أثارتني كلماتك

وصرت أفكر من جديد
وأدركت وقائع كلماتك

فتمنيت لو كنت قطعة من الجليد بدلا أن أتمنى الولادة في بلاد الغربة
تمنيت لو كنت أنسانة لا تبالي
لا تشعر
لا تحن
ولا تحب

كم جميل لو كنت أنانية

أدركت من كلماتك قوة وجمال حب الذات

رغم أعلم مسبقا أنني فاشلة بأختباري هذا
وعدم قدرتي بخوضه

ومع هذا سأتمتى


تحياتي لك فقد أثرتني جدااااااا

Sherif said...

راحيل

اسم جميل من اسرة سيدنا موسى

لكنه معنى أيضا .. فهل كنت تقصديه

كل كلامك هو ما يحس انسان حقيقى .. فمن كلماتك .. حياتنا ليست مكان .. فقط اناس ..ليست هنا أو فى انجلترا .. لكن أين هم من أعيش بهم ومعهم ..

إن كانت كلماتك انت .. فهذه من أروع ما قرأت ..لأنها جرتنى الى ما قبلها
سيسرنى ان تزورى معرضى

Salwa said...

كل شعب يتميز بشئ
وليس من المفترض أنهم أفضل أو العكس
فأنا أعتقد

أن الأمر يشبه التكيف مع المنطقه الذي يعيش فيها الإنسان

بالضبط كمن يتكيف ليعيش في منطقه قطبيه
ومن يتكيف ليعيش في منطقه حارة جدا

نحن هكذا ومميزون هكذا
تعليقك كان رائع جدا رحيل
أحييكي عليه

بالتوفيق دوما
تحيااتي

ra7eel said...

linda
حقا نحن نتمى فقط ياعزيزتى
ومن دواعى سرورى اننا نفشل دائما
فكيف لنا ان نحى لانفسنا فقط؟
خالص تحياتى لكى
وشرفتنى زيارتك
___________________________________
sherif
اولا نورت المدونه
ثانيا حقا ان اسم راحيل كما كتبته انت اسم ام سيدنا يوسف
ولكنى اقصد من الاسم معناه رحيل
ثالثا
بالنبه للمقاله فانا كاتبه فى المقدمه انها مش ليه انا بس معلقه فى الاهر عليها
هى لكاتبه اسمها امنيات سالم
واكيد ان شاء الله هاجى ازور معرضك
__________________________________
salwa
نورتينى بجد
فعلا كل شعب بيتميز بشئ مختلف
والحمد لله ان احنا متميزين فى المشاعر
يارب نقدر نحافظ بس على اللى باقى منها
خالص احترامى وتحياتى لكى

dr.Roufy said...

فعلا..دي طبيعة فينا
ويمكن عمرهم ما هايقدروا يقدروها..ويفهمونا من الناحية دي
كفاية ان قيس وليلي قصة حقيقية
بينما روميو وجولييت مجرد خيال لشيكسبير


بس المهم فعلا اننا نحافظ على مشاعرنا نقية..وسليمة

تحياتي

coca said...

راحيل كلام قريب اوووووي لقلبي كانني بكلم نفسي
الاغرب اني لسا كنت بفكر في الموضوع دا وانا بتفرج علي فيلم اجنبي
بس موصلتش لاجابه يعني مثلا ليه الرسول يقول علي قوم الاشعريين هم ارق الناس افئده
يمكن علشان احناعلشان معظمنا مسلمين وارتباطنا بربنا روحاني والسلام دين يخاطب القلب واالعقل من بعده
مش عارفه

hana said...

يمكن احنا عندنا دفا المشاعر والارتباط
بمن حولنا نتيجة حياتنا اللى كثير عاطفية وفيها ترابط بشكل كبير عن الغرب
يمكن تلاقى الابن او البنت لسه بباباه ومامته بيفكروله ويخافوا عليه حتى لو وصل وعدى العشرين او الثلاثين
وتلاقيهم برضوا داخلين فى حياته او حياتها.
عندنا عاطفة فى علاقتنا بزيادة خلقت جوانا روح
الدفا والمشاعر الملتهبة الحساسة
والالم يمكن كثير
ويمكن كمان العاطفة عندنا اوقات تمنعنا من اننا ننحقق احلامنا وطموحتنا.حتى حبنا ممكن تقف العاطفة امامة ونتخلى عنه
ارضاء لمن نحب كالاب والام مثلا
ونعيش فى حزن والم وجرح نتيجة العاطفة اللى جوانا واللى قلتنا



العاطفة شىء جميل ومشاعرنا ودفانا كعرب جميل
لكن انا كمان اشوف انه الغرب يعيشوا العاطفة وعندهم مشاعر واحساس مرهف لكن مقنن.


له حدود وضوابط يقدروا من خلالها
يفصلوا بين العلاقات ويخلوا الدنيا حواليهم
متزنة فميبقاش فى الم لطول الوقت او جروح كثيرة
كمان بيعجبنى فى الغرب انهم يقدروا يعيشوا حياتهم ومشاعرهم ويقولوا ارائهم
ويواجهوا الدنيا بيها وبحبهم لو احتاج الامر انما احنا الجب للغير
بيخلينا نخاف على الامهم وبتعذب احنا
اوووو خدنى كلامى لبعيد
يالله
دمتى بكل خير
تحياتى لكى

ra7eel said...

dr.roufy
عجبنى قوى مقارنتك بين قصه قيس وليلى وروميو وجوليت
شكرا لزيارتك
خالص تحياتى
___________________________________
coca
انتى موصلتيش لاجابه
بس انا عجبنى تفسيرك اوى
ممكن يكون فعلا ده سبب من ضمن الاسباب
نورتينى
__________________________________
hana
خدك الكلام لبعيد وخدتينى بجد معاكى
خلتينى احاول معاكى فى تفسير مختلف للموضوع
احنا فعلا لما بنحب دايما بنخاف على مشاعر اللى بنحبهم واحنا اللى بنتألم من احساسنا بيهم
بس هنعمل ايه فعلا قدرنا ان احنا نكون كده
نورتينى ياهنا
ويارب تكونى فى هنا دايما