Saturday, November 17, 2007

تراكمــــــات


أحاسيس كثيرة معقدة بداخلي
حزن وشوق حنين و خوف رهبة وقلق
أخاف جدا من أيامي القادمة
لم اعد انتظرها بشوق كما كنت
أهابها جدا
فكل حلم لا يكتمل
أصبحت أخاف أن احلم فلا يتحقق حلمي
أو أحب فيضيع حبي
أو أصادق فنتفرق من جديد
كنت اهرب من حاضري لأحلامي
لكنى حقا تعبت
فالأحلام أصبحت نارا لا جنة كما كانت
----------------------
أجدني أوقات احزن بلا سبب
فقد احزن
اعلم جيد أنها بقايا جراح مضت
فهي حقا مجرد تراكمات
ويالها من تراكمات
تلك النقط السوداء التي تظل عالقة في قلوبنا
بعد كل جرح وألم
حينما أتذكر أول مرة عرفت فيها معنى كلمة حزن
متى ؟
يا لله منذ زمن بعيد
أتسائل
كيف أحسسته وأنا في هذا السن الصغير؟
كيف ذقت طعمه مبكرا؟
وتمر الأيام
واكبر قليلا
ليستمر حزني معي
واحلم انا بغد أفضل وبمستقبل اهدأ
واحلم
واكبر أكثر
فلا غد أفضل يأتي
ولا أحلام تتحقق
بل انه في كل يوم جرح جديد
كلمة قاتلة ...........نظره حارقة
حب يضيع .............صديق يخون
أحباء يرحلون
حاضر يمر لتصبح أحداثه ........ مجرد تراكمات
تضاف لتراكمات ماضي حزين
لحظات تمر كأنها دهر
وأنا مازلت احلم
-----------------------------
اليوم
اشعر باستقرار بارد وهدوء قاتل
لا شئ يحدث سوى أشياء طالما تمنيتها لا تحدث أبدا
تتكرر نفسها كل يوم في إصرار
كأنها تتحداني وتقول ارني ماذا بيدك تفعلين؟
ارني أين قوتك التي تزعمين؟
ارني كيف من دائرتي ستخرجين؟
وأنا اعلم احتاج لثورة
احتاج لقرار حاسم
سيغضب حتما الجميع
احترق كل يوم
مابين عمل لا أطيقه وحياة ليست لي
وبين أحلامي التي كانت
ومازال يداعبني طيفها من بعيد
احتاج لبركاني أن ينفجر
اعلم انه لو انفجر سأطيح بكل التقاليد
وسأرحل حتما عن تلك السخافات
واترك خلفي ضعفي
وارحل بمنتهى القسوة
لأبدأ من جديد

47 comments:

dr.gesho said...

حبيت اكون اول كومنت المره دى مع انى كنت ناوى مكتبش كومنت على البوست اللى فيه اكتئاب لانى الايام دى عايز انسى الاكتئاب شويه.......... بس اشمعنى التركمات الحزينه بس هيا اللى بتسيب اثر فينا ليه ماننسهاش و نفتكر التراكمات الحلوه او نحاول نمسحها بيها. لازم يكون فيه شوية تفاؤل انا اؤمن ان التفاؤل بيولد نجاخ حتى لو الظروف اللى حوالينا كلها ضدنا (انا عند ظن عبدى بى) ...... يا ريت البوست اللى جاى يكون متفائل شويه........سلام

أحمد المصري said...

امال انتي عاملة المدونة ليه؟..مش عشان تنفجري فيها برضه؟..عموما في الحالة دي مفيش غير حلين..تنفجري هنا
أو تقعدي في الأودة مع نفسك ..و شوية شوية الموضوع حيهدى و البركان يخمد..لحد ماييجي يثور تاني..و تعملي حاجة من الإتنين اللي فاتو..أحسن من إنك تنفجري في الناس..لإن ده مش حلو0

كاميليا said...

أجمل حاجه فى الدنيا.. انك تكتبى .. وتكتبى .. وتكتبى عن كل اللى جواكى
مش تتوقفى ابداً .. مهما كان مؤلم.. ومهما الاخرين قالوا لك كفاية.. برضو اكتبى .. واوصفى احساسك,, واعلنى افكارك.. وطلعى صوت قلبك.. خليه يصرخ زى ماهو عاوز..
كلنا هانسمعك.. ونفهمك.. ونقدر كل اللى الصراعات اللى جواكى.. وهنفكر معاكى.. بس الأول تطلعى كل اللى جواكى.. وممكن بعد ماتخلصى تشوفى الحل بنفسك.. تشوفيه من تعليق.. من كلمة من صديق..
الحياه مش سهلة ابداً
وإحنا كمان لازم مش نكون سهلين مع الحياه
لازم مش نديها الفرصة كامله تفرض علينا قانونها.. احنا كمان لازم نقاوم.. بس بالعقل.. لو الحياه قالت ده مش ينفع.. والعقل قال ده مش ينفع يبقى يمشى الكلام.. ولو العقل قال ينفع يبقى نفكر ازاى نخلى الحياه توافق وتغير بند من بنودها.

تمنياتى لك براحة البال والسعادة والهناء

كاميليا

shreen said...

رحيل
يا حبيبتى كل ده جواك
انت طبعا عارفه انى حساك يا رحيل
عارفه انى فهماك
لان كل اللى كتبتيه ده جوايا
حساه احساسك ده
لانه احساسى
رحيل بجد
مش عارفه اقولك ايه علشان اشجعك
لانه كل اللى هقولهولك
قلته لنفسى وما نفعش

انظر لكلماتك تلك وارتجف

أحاسيس كثيرة معقدة بداخلي
حزن وشوق حنين و خوف رهبة وقلق
أخاف جدا من أيامي القادمة
لم اعد انتظرها بشوق كما كنت
أهابها جدا
فكل حلم لا يكتمل
أصبحت أخاف أن احلم فلا يتحقق حلمي
أو أحب فيضيع حبي
أو أصادق فنتفرق من جديد
كنت اهرب من حاضري لأحلامي
لكنى حقا تعبت
فالأحلام أصبحت نارا لا جنة كما كانت

الاحلام يا رحيل لم تعد فقط نارا
بل كابوسا يأتى من اعماق الجحيم لا يتركك الا بعد ان تترك نيرانه على جسدك علامات العذاب الذى مررت به لتخترقى هذه النيران

اعلم جيد أنها بقايا جراح مضت
فهي حقا مجرد تراكمات
ويالها من تراكمات
تلك النقط السوداء التي تظل عالقة في قلوبنا
بعد كل جرح وألم

نعم يا رحيل النقاط السوداء لدماء جفت بعد كل جرح
موجوده بقلوبنا
وتتزايد مع العمر ومع حجم الجرح
حتى يأتى يوما
يصبح القلب بأكمله
عباره عن نقطه دم سوداء كبيره

اشفق عليك يل رحيل من قسوه هذا الاحساس
وان كنت لا امتلك ما يزيله عنك
الا قلبا مفتوحا لك
وكتفا لتبكى عليه متى شئت
فقد يساعد هذا بركانك على الانفجار
لتتركى ضعفك وترحلى بمنتهى القوه
وليس
بمنتهى القسوة

Ragi said...

انا ارى ان تتركى فعلا كل الاحزان وراء ظهرك ولا تعودين كما كنتى بل انسانة جديدة طازجة كالمولود الصغير بكل البراءة والتسامح

فرنسا هانم said...

بتقولى ايييييييييه
حاولوا معايا
قومى ياستوا انا
قومى كده اغسلى وشك وتعالى
سنك كام علشان كل ده ؟
مريتى بمصايب ايه علشان كل ده ؟
اخرسى لما اخلص كلامى
شفتى ايه فى حلو الدنيا ومرها ؟
وقعتى فى كام الف مشكله علشان كل ده ؟
ولا كلمه اسمعينى
قلت اسكتى
يا بنتى
يا حبيبتى
الدنيا فتحالك زراعها
الدنيا مش بنعشها الا مره واحده
عيشيها بالامل
متضيعيش حياتك فى اليأس
تضيعيش حياتك فى اليأس
تضيعيش حياتك فى اليأس
تضيعيش حياتك فى اليأس
تضيعيش حياتك فى اليأس
تانى ولا كفايه ؟؟؟؟؟؟؟؟؟

alaa salim said...

السلام عليكم
إزيك يا رحيل

في حياة كل منا أحلام عاش يتمناها
وواقع مفروض عليه .
وليس كل ما يتمناه المرء يدركه

من أهم سمات الحياة الدنيا أنها لا يكتمل فيها شيئ.
فكما يقول الشاعر:

لكل شيئٍ إذا ما تم نقصان
فلا يغر بطيب العيش إنسان

هي الأمور كما شاهدتها دول
من سرهُ زَمنٌ ساءته أزمانُ

osama said...

يا داخلي الثائر
دع البركان يغلي
دعني انصهر
اتلاشى
فلا يبقى
انا
ولا قلب
حائر
................

دفعتني سطورك فعدت بالذاكرة الى تلك الخاطرة التي كتبتها منذ فترة ... وجدتها تعبر عن الحالة التي ربما هي حالة عامة تسيطر علينا جميعاً...
بوست جمل
دمت بكل ود..
خالص تحياتي

klmat said...

ra7eel
كلنا بنمر بظروف صعبه انا عن نفسى مرت عليا ايام قاسيه جدا وكنت شايفه ان مالهاش حل بس كان جوايا حاجه تانيه بتقول حاتفرج وفعلا حصل ومش حاقولك نتيجه مجهود منى ابدا كان حلها من عند اللى ليغفل او ينام . حصلت مصادفه ربانيه غير متوقعه بكل المقاييس ولا فى الأفلام الهندى واتحقق احساسى الأمل مهم جدا
بس فى حاجات بتساعد الواحد منها المشى فى
مكان بتخبى انا كنت بمشى لوحدى على البحر
كنت بارجع افضل
وان شاء الله اللى جاى افضل
امبارح فات لا نبكى عليه
بكره فى علم الغيب
النهارده موجودين فى نحاول نسعد به
ربنا يفرجها ويروق بالك واذكى ربنا كتير وربنا معاكى
اسلوبك رائع رائع ونقلتى مشاعرك بصدق
تحياتى ودعولتى بكل الخير

رئيس جمهوريه نفسى said...

رحيل عودا حميد يا باشا
ليه يا بنتى كل ده مش عارف ليه الياس وعدم التفال والخوف من بكره
بتحلمى حلم مش بيتحقق عادى احلمى غيرو وكملى احلام حتى لو عارفه انها ممكن متحققش وعلى راى من قال فين شرف المحاوله
كل الى سبب ليكى الحزن ده مريت بيه بس الحياه بتستمر عارفه يا رحيل يعنى ايه ترجعى من سفرك شهرين علشان اختك تموت بين ايديكى تانى يوم رجعوك
عارفه يعنى ايه تسيبى حب عمرك وبعد كام ساعه تعرفى انه مات
تخيلى كم الحزن الى ممكن يسببه الموقفين دول
بس بكمل وبرمى حزظنى على جنب يمكن بفتكر حزنى وانا لوحدى وفى لحظات كتير بس برجع تانى برسم ابتسامه ان مكنش علشانى علشان الى حواليه
كملى يا رحيل ومتخليش حزنك يسيطر عليكى
ثورى وانفجرى اخرجى من دائره تقاليد وسيطره مالهاش اى لزمه اطلعى بره حياه الناس عايزاكى تعشيها دورى على نفسك
عيشى حياتك زى ما انتى عايزه تعيشى مش زى ما الحياه عايزاكى تعشيها
اسف على الاطاله بس بوستك طويل
عودا حميد دى علشان بوست الكائبه بعد بوست التفائل الى سبق

عليوه said...

انتى مغمقاها ليه كده وخايفه اوى من حاجات كتير مع ان المثل بيقول اللى تخاف منه ما يجيش احسن منه وربنا بيقول عز وجل (وعسى ان تكرهوا شيئا وهو خير لكم ) بس حتى وانا شايف انك مخنوقه عبرتى كويس جدا عن ده بجد كان بوست مكتئب بس جميل فى نفس الوقت

3ala asm masr said...

بجد مش لاقيه اى تعليق غير انى اقولك كل اللى كتبتيه انا عايشه فيه مع اختلاف او بداية طريق الاختلاف
انا كمان بخاف اوى من الثانيه اللى جايه مش من اليوم اللى جاى لتحصل فيه حاجه مشكله او مصيبه لا قدر الله
خايفه احلم لانى والله عمرى ما حلمت حلم وكمل او اتحقق او فرحت مره وعدت على خير وكل حياتى اللى عيشاها اتفرضت عليا بشكل او باخر المهم انى مختارتش اى حاجه فيها
بخاف احب لان كل حاجه حبتها بعدت عنى اصحابى وكل حد حبيته فالاخر افترقنا
بس دلوقتى قررت انى بجد اعيش بحريتى على اد ما اقدر واحاول اعمل اللى انا عايزاه وبحبه وبحلم بيه ولولفتره صغيره مدام كده او كده كل حاجه بتروح ومبتكملش
يبقى افرح شويه احسن ما ازعل على طول
تحياتى

ra7eel said...

dr.gesho
------
اهلا يااحمد حقيقى استغربت لما لاقيتك معلق عشان عارفه انك مكنتش ناوى تعلق على اى بوست كئيب
شوف
اما جيت افكر فى كلامك حاولت افتكر لحظات السعاده اللى عدت عليه اكيد موجوده
زى الاوقات اللى بقضيها مع اصحابى واحساسى بيهم ولحظات نجاحى ايام دراستى ونجاح اخواتى ولما كان فى مناسبه سعيده عند حد من اصحابى

لحظات وبتعدى
وفى لحظات سعاده بتكون حاجه من الاتنين
يا اما بتكون لحظات وهمية وبنفوق منها على كابوس ودى لما الواحد بيتذكرها بيفتكر اد ايه كان ساذج لانه كان عايش وهم

وفى لحظات بتكون حقيقيه بس للاسف انتهت على برده نهايه حقيقه جدا وياريتها كانت وهم

وبعدين ماانا كنت منزله بوست تفاؤل من كام اسبوع كفايه
مش عايزاكوا تتعودوا بس

شكرا لتعليقك بجد اتبسطت بيه
---------------------------------
احمد المصرى
---
المشكله انى قبل مانزل اى بوست كئيب وفعلا ببقى منفجره فيه بفكر فى الناس اللى بندخل عندى بحس انهم شويه وهيطخونى بالنار
هى فعلا ياحمد انا عملاها عشان انفجر فيها احسن مانفجر فى الناس لان موضوع ان اقعد فى اوضتى مع نفسى مبقاش بيجيب نتيجه غير اكتئاب اكتر
خالص تحياتى ليك
---------------------------------
كامى احلى زهرة
---------------
بجد والله متتخيليش كلامك ريحنى قد ايه
كنت قلقانه فعلا من رد فعل البوست ده بس كان لازم اكتبه كان لازم اخرج شحنة غضب جوايا
اللى بيقولى كفايه تكتبى بوست كئيب
فعلا الموضوع مش بايدى يعنى مش هنوى ابطل اكتب يبقى ايطل
بس كلامك كامى طمنى انا فعلا هفضل اكتب لغايةمااوصل لنفسى اللى انا اساسا عملت المدونه دى عشان احاول الاقيها
ولو مفيش حد هيسمعنى غيرك فده كفايه انى اكون كسبت صديقة زيك
ربنا يخليكى يارب ومايحرمنى منك ابدا
---------------------------------
شرين حبيبتى
------
اعرف جيد انك تحسين كل كلمة وكل حرف كتبته
واعرف ان لك قلبا رقيقا وحنونا جدا ياعزيزتى
شرى مش لازم يكون فى كلمات تشجعينى بيها بجد يكفينى احساسك بيا وان عندك الاستعداد انك تسمعينى
رغم ضعفى عند كتابتى تلك لسطور الا اننى لا احب ان اقرأ نبرات اليأس التى بين كلماتك
عزيزيتى رغم يأسى اشعر ان القادم قد يكون افضل
سنحاول معا حتى نخرج من تلك الدائرة ولنكون اقوى
وتلك النقط السوادء فاتمنى حقا لها الزوال من قلوبنا لنبدأمن جديد ولنعود كما كنا قلوبا بيضاء صافيه نقيه فلنحاول معا
ويكفينى حقا قلبك المفتوح لى
وكتفك لابكى عليه
شكرا لكى ياصديقتى
---------------------------------
العزيز راجى
--------
احاول دائما ترك الاحزان ورائى واتمنى دوما ان ابدا حقا من جديد
ان اولد من جديد
ولكنها ليست فقد الذكريات
انها احداث تظل ملازمه طوال الحياه ليس بمقدور احد الهروب منها
فكم اتمنى ان اهرب انا من عالمى كله اوقات كثيره

شكرا جدا لمتابعتك ولمرورك
خالص تحياتى لك
--------------------------------

ra7eel said...

فرنسا هانم
-------
براحة بس انت داخله فيه شمال كده ليه
ده بدل ماتخدينى فى حضنك اقعد 3 4 ساعات اعيط
وبعدين متسكتنيش وتقوليلى اغسلى وشك
انا لما احب اعيط مش بحب حد يقولى كفايه انا اعيط لغاية مااخلص براحتى
اخرص حاضر
شوفى ياخالتو عندى 23 سنه
عارفه انى مش مريت بمصايب كتير ممكن تكون مصايبى على قدى مش مصايب كبيره يعنى بس هى احزانى
ممكن حد تانى مش يشوفها كده انا عارفه
وبعدين هو الحزن بالسن؟
لالا كام الف مشكله ايه؟
انا عارفه بجد انى احسن من غيرى كتير وانى ممكن حاليا ميكونش عندى مشكله تتهد ليها جبال بس زى ماقولت ممكن تراكمات من الماضى وقلق من اللى جاى وقرف وملل من الحاضر بس
شوفتى الموضوع بسيط ازاى
شكلى هضرب مش عارفه ليه
على العموم حاضر
مش هضيع حياتى فى اليأس
مش هضيع حياتى فى اليأس
نورتينى بجد والله
واحلى سلام وتحيه لاحلى فرنسا هانم
---------------------------------
علاء سالم
-----
اهلا علاء
اول عجبنى قوى بيتين الشعر دول
ثانيا
ليس كل مايتمناه المرء يدركه
عارف مشكلة الجمله دى فى ايه؟
كل لما حاجه مش تكمل ننصبر بيها نفسنا
هى دى المشكله انها بقت شماعة
بس كويس ان احنا لاقينا شماعة بدل حتى ميكون فشلنا ملوش مبرر
شكرا ياعلاء على مرورك
تحيااااااااااااااااااااااااااتى
----------------------------------
اسامة
----
يا داخلي الثائر
دع البركان يغلي
دعني انصهر
اتلاشى
فلا يبقى
انا
ولا قلب
حائر

بجد بجد انا بتمنى فعلا كده كتير
فلا ابقى انا ولا قلب حائر

شكرا كثيرا لمرورك
خالص تحياتى وتقديرى
--------------------------------
صديقتى كلمات
--------------
شكرا جدا على كلماتك
عارفه انا دايما فعلا لما بتضيق قوى ببقى عارفه ان خلاص الفرج جاى ودايما اقول:
ضاقت ولما استحكمت حلقاتها فرجت وكنت اظنها لا تفرج
انا واثقه ان ربنا مش بينسى حد وكلامى معاكوا صدقونى مجرد فضفضه مش قنوط من رحمة الله
بحاول اطلع اللى جوايه عشان اصفى للدنيا
ربنا يهنيكى يارب ويسعدك دايما
تحياتى وحبى لكى
---------------------------------
رئيس جمهورية نفسه
-------------
بجد اسفه لو كنت فكرتك بأى حزن مر بيك
ربنا يصبرك يارب وتكون اخر احزانك
عارف يامحمود بحاول اوقات كتير فعلا ارمى ورا ضهرى بس للاسف فى حاجات يوميه فعلا بتجنننى جايز بتغاضى عنها اوقات او بتناسى لكن بتيجى لحظه بيكون فعلا لازم انفجر فيها
المشكله انى فعلا لو ثورت وانفجرت وقررت اغير حياتى هزعل ناس كتير منى ومنهم اقرب الناس ليه للاسف احنا مش عايشين لوحدنا

اول ماقريت عودا حميدا دى قولت على ايه ياترى؟
انا متأخرتش فى تنزيل بوست جديد المره دى
ومكنتش اخده اجازه
عما وصلت للاخر فهمت ههههههههه
عشان مكونش حرماكوا من حاجه اى خدمة
ومتعتذرش على الاطاله مش بنا الكلام ده طبعا طول زى مانت عايز
شكرا ياريس
---------------------------------
عليوه
--------
اهلا اهلا بيك
قدرك بقى اول زياره بوست كئيب كده
شوف عليوه ونعم بالله ده كل اللى اقدر ارد بيه على كلامك عندك حق طبعا
وشكرا جدا لزيارتك وان شاء الله متكونش الاخيره
خالص تحياتى
--------------------------------
على اسم مصر
----------
نورتينى
عارفه انا قد ايه هو فعلا احساس صعب
وبجد اسفع لو كنت سببتلك اى الم او فكرتك بأحزان فى حياتك انا مش بحب اشوف حد يائس كده على فكره رغم انى اوقات بضعف كده برده
بس تعرفى فعلا قرارك فعلا هو القرار الصح الواحد يعيش اللحظه اللى مالكها وسيب اللى جاى لله ويحاول ينسى الماضى اللى انتهى وراح
هستناكى تانى ان شاء الله ويكون حظك افضل فى بوست مش كئيب
خالص تحياتى لكى

DayDreaming said...

اقولك ايه بس يا رحيل
يا ريت عندنا القدره على الانفجار بالشكل ده لكن حتى لو حاولنا مبننفجرش غير في نفسنا

MKSARAT said...

عباءة الحزن كثيرا عندما نقع في دائرة الملل سرعان ما تمتد مشاعرنا اليها لنرتديها لا نعلم السبب او نبحث عن مبررات اغلبها تكون في الماضي يفسر ارتدائنا تلك العباءة دون سبب مقنع
ونصحوا على التمرد على كل شئ حولنا بما في ذالك نحن
صديقتى لو تمردنا بحق وحققنا كل ما بداخلنا تأكدي في هذة اللحظة اننا لم نعد ضمن العالم الثالث
نحن نحزن ونفرح وكثيرا لا نجد سببا لذلك وتلك
لكننا نبقي على ملازنا الوحيد اقصد مشاعرنا قد يشوبها احيانا بعض التشوهات بسبب مبدأ العكس الذي نتعامل به دائما لكن لو تأكدنا من وجدو امل ولو ضعيف يقبع تحت طبقات حياتنا البشرية سنظل نقاوم
اسعد الله ايامك
تحياتي ومودتي

klmat said...

عزيزتى رحيل
انا حاسه بكى واللهى وعارفه انك مش يائسه من رحمه الله انتى بتكتبى احساسك بصدق بتفضفى معانا مش احنا اصحاب
ارجوكى تعرفى ان ده مش قصدى
انتى عارفه ساعات بيكون مافيش اسباب وجيهه للحزن لكن بنشعر كده مش بايدينا بس انا جربت الاحساس ده بس
كنت بقاومه بقرأه القرآن او بذكر ربنا كتييييييير
يعنى ممكن وانا ماشيه اسبح فى سرى
وادعى صدقنى حاتفرق عن تجرب
خصوصا دعاء سيدنا موسى عن تجربه
" ربى انى مما انزلت الى فقير"
ربنا يفرجها عليكى ويفرح قلبك
عايزه اقولك ان البوست ده
اوحى لى ببوست حاكتبه قريب
من قلبى بتمنى لك كل سعاده
وماتزعليش من خالتك فرنسا
خالتك وعايزه مصلحتك
تحياتى القلبيه
سلامى

Mask said...

دأئما ما يكون الحزن و الذكريات الأليمه هيه الحافز للابداع..
للتغير
أو كما قلتي لتبدأ من جديد..
مرحبا بحزن علمني معنى الفرح
مرحبا بدمعه علمتني قيمة الابتسامه
انها الحياه يارحيل يوم تدمعين فيه دموع الفرح واخر تنساب على الخدود فيه دموع الألم..
ولكن لنهون على انفسنا قليلا ولنحاول ان نقتنص من الحياه ابتسامة ..
ابتسمي يارحيل
وتحيه لتراكماتك

ra7eel said...

daydreaming
---------
مرمر ايه يابنتى بس اللى جابك عارفه انك مش ناقصة
ولا انا عارفه اقولك ايه
ربنا يفرجها من عنده
لو مسافرتش الاسبوع ده هحاول اجيلك
ننفجر سوا على البحر
----------------------------------
مكسرات
------
تحليلك رائع حقا ياصديقى
انها فعلا تشوهات بسبب مبدأالعكس الذى نحيى بيه
ليتنا نملك القدرة على التمرد حقا ولا يكون مجرد امنيات
ليتنا ننفجر ونثور
ليتنا نرحل عن اوهامنا
حتى يصير وجودنا حقيقيا
ولاحاول انا التمسك بالامل
عزيزى شكرا جدا لتعليقك المتميز دائما
----------------------------------
كلمات
-----
صديقتى مرحبا بك مرة اخرى
شوفى انا فاهمه قصدك والله
وعارفه ان عندك حق فى كل كلمة بتقوليها
وعارفه فعلا قد ايه الذكر بيكون ليه تاثير قوى جدا لانه فعلا من العبادات المقربه ليه بس ممكن اكون فعلا مقصرة الايامدى فيه بس هحاول ان شاء الله ارجع تانى ربنا يخليكى يارب
بجد شكرا جدا لاهتمامك
وهستنى البوست بتاعك الجديد
اما انى ازعل من خالتى فرنسا فابدا ابدا مزعلش منها
ربنا يخليهالنا ومايحرمناش منها
تحياتى وحبى لكى
-------------------------------
mask
منور ياسامح بجد

مرحبا بحزن علمني معنى الفرح
مرحبا بدمعه علمتني قيمة الابتسامه

حلوين قوى السطرين اللى فاتو دول

ابتسم حاضر
بس على فكره انا مش مكشرة اساسا
ربنا يخليك ياسامح
خالص تحياتى

rainbow said...

العزيزة جدا سارة
ممكن تدى كل حاجة حقها لو سمحتى ؟! يعنى الحزن اديله حقه عيطى انفجرى ثورى اعملى كل اللى نفسك فيه .. وافرحى مش ممكن ما بتفرحيش .. ممكن لو شوفتى منظر جميل تفرحى .. لو لعبتى مع طفل صغير .. لو اتفرجتى على فيلم حلو او سمعتى اغنية جميلة .. لازم تفرحى .. استمتعى بالفرح وكمان اغرقى فى الحزن .. ايوة زى ما قريتيها اغرقى فيه تشبعى بيه الحزن هو اكبر معلم لنا وان لم يقتلك سيقويكى ..

يا ريت ليا طلب .. فى حد يهمك غير ربنا سبحانه وتعالى ؟ الاجابة لو لأ يبقى خلاص .. اعملى اللى انت عايزاه ولا تخشى سواه .. وانتى ماشية حزينة فى الشارع حزنك بيفرق مع حد ؟ وانتى بتدوبى الم حد بيحسلك ؟ لأ خلاص لا تهتمى لاحد سوى من يهمونك ويخصونك غير كده اضربيها صرمة .. استمتعى بسنك بكل ما يقدمه لك العالم من خبرات لن ـاخذيها على طبق من ذهب .. انها الحياة عزيزتى مجموعة معقدة من التناقضات اشترى كل شىء ولا تحاولى ان تفرزى كل مشاعر على حدة

انفجرى
ثورى
استمتعى

من الآخر عيشى يا سارة .. عيشى كما انت لا تتقمصى اى شخصيات اخرى

صديقة بجد تحت امرك

هدى

Salwa said...

سارة الرقيقه

الدنيا يوم كده ويوم كده
بس إنت خليكي قويه
وتأكدي أنه لا حال يدوم

كلام رئيس جمهوريه نفسه جامد جدا

ربنا معكم بجد

مش عارفه أقول إيه
بس ياريت أشوفك ع المسنجر

تحيااااااااتي

princess dodo said...

ما اقساها التراكمات
حين تنهشنا
وتغزو عالمنا

وما اصعبها الحياة
حين تكون حيادية
فلا شئ يؤلمنا ولا شئ يفرحنا

***

الماضى دائما يطاردنا
كشبح
ومتى نتوهم انه قد مضى
يعود بنفس الزخم ونفس الرسوخ
متباهياً بثباته داخل الوجدان

***

كلماتك حقا رائعة
وكم آلمتنى بقدر ما أعجبتنى


أسعدك الله حبيبتى

خلود صلاح said...

احتاج لبركاني أن ينفجر
اعلم انه لو انفجر سأطيح بكل التقاليد
وسأرحل حتما عن تلك السخافات
واترك خلفي ضعفي
وارحل بمنتهى القسوة
لأبدأ من جديد

انطلقى يا ساسو .. وخدينى معاكى

Soooo said...

صدقيني في امل في انك تخرجي من التراكمات والحاجات اللي عندك
عارفه هو ايه
انك تبتسمي
تضحكي من قلبك
تفتكري اي موقف او اي منظر ضحكك
صدقيني هترتاحي




سلامووووووووووز

الربان said...

تحياتي

الحزن شعور انساني...لا بد ان نمر به خلال رحلتنا اليومية في الحياه...لكن لا يجب ان نعيشه...اقصد يجب الا نسمح له بالاستمرار معنا...

الاحزان بتطهر النفس مما قد يعلق بها من تفاهات الدنيا...

و الاستمرار في الحزن يفتح ابوابا لاحزان أخري... لهذا ارجو منك الا تستسلمي و أن تقولي قدر الله و ما شاء فعل...و لا حول و لا قوة الا بالله العلي العظيم...اكثري من ترديدها و ان شاء الله سفرج الله عنك...

القلق و الخوف يمكن ان تتحول الي طاقة مبدعة و محركة...و يمكن ان تتحول الي مرض لو زادت عن الحد...
أكثري من قول لا حول ولا قوة الا بالله العلي العظيم... و ان شاء ستطمئن نفسك...و تنعمي بالرضا النفسي.

تحياتي و تقديري و تمنياتي الطيبة

youma said...

كاتبة فوق مربع التعليقات
حاولوا معايا
سأحاول
علك تجدين شيئاً يوقظ القوة والارادة فيك
اصنحك ان تجدي قبل ان تبدأي في تغيير الاشياء الغير مرغوب بيها في حياتك يجب ان تجدي شيئا يسعدك شيئا يجعلك تدركين قيمة الحياة شيئا يرجع لك الامل في ان تحبي ان تنالي الافضل لنفسك لأنك تستحقين ان تكون يالافضل.. ابحتي عن قلب ابحتي عنه في ايا من كان صديق حبيب اخ اخت اب ام اي كائن ولو كان كلب وفي المهم ان يكون له قلب .. اخترعي الحب واستنهضي الخمول في داتك وابدأي في تغيير مسار الحياة المكبلة داخلك .. بعدها تتولد لديك القوة لأن تكافحي من اجل هدا الحب وان تختاري الافضل دائما لنفسك..

يمكن اكون معرفتش اوصل اعبر صح
يمكن كلامي مش مفهوم شوية
بس كله بيضمن انك تخترعي الحب
وتوهبيه للي حواليك
وبعدها شوفي انتي حتحبي نفسك والحياة من حولك ازاي وحتحبي تشوفي كل الي حواليك مبسوطين واكيد حتكوني مبسوطة وقتها


على فكرة انا بحبك

Doba said...

كنت هعلقك تعليق طويل ومفصل وهقطعك علشان منتيش مستمتعة جدا بحياتك على الرغم من كل قرفها بس لقيت كل الناس حواليكى وقطعوكى حب ومودة

طلعى كل اللى جواكى - كل المشاعر الوحشة واللى مضايقاكى - بس لازم بعدها تقفى على رجلك صح وتمشى بخطوات ثابتة

واكيد هتقابلى مطبات تانى وتالت بس اهم من كل حاجة انك تقابليا وانتى قوية مش ضعيفة وهشه - الحياة مبتخلصشى من المشاكل بس الحداقة بقى انن نلعب معاها صح ونصمم اننا نجيب اجوان على قد منقدر

اضحك
اضحك
اضحك اضحك اضحك

ليه تتضايق وتزعل وتغضب

يلا باى
هبة

نورسين said...

أحاسيس كثيرة معقدة بداخلي
أجدني أوقات احزن بلا سبب
وتمر الأيام
واكبر قليلا
ليستمر حزني معي
واحلم انا بغد أفضل وبمستقبل اهدأ
واحلم
واكبر أكثر
فلا غد أفضل يأتي
ولا أحلام تتحقق

اليوم
اشعر باستقرار بارد وهدوء قاتل
احترق كل يوم
احتاج لبركاني أن ينفجر
.
.
لأبدأ من جديد

رحيل : حبيبتي كتبت كل افكاري وعذابات نفسي ،، اي ارواح لنا تلتقي دون ان نعلم ،، تمارس معا حزنا اسود...... قصصتي كل دواخلي الدفينه ... الكئيبة ،، الميتة،، المنهزمة ،، المهلهلة
يكفي وان كان هناك المزيد من ال....

تراكماتك تراكماتي ،، وادعو ان لا تكون ..فأكيدة ان تراكماتي لعينة ... يكفي أن تكون لعناتها لي وحدي ،، حبيبتي ،، أقول لك ما أقول لذاتي ..
اهدئي صغيرتي ،، تناسي إن لم تنسي ،،

أعلم انها امور بلا تطبيق .. أعجز حينا و وأكذب على نفسي وادعي اني استطعت حينا

سامحيني ،، ولكن انت من ملأت قلمك بمداد دمي المؤكسد ،، الملوث ،، بل ربما نقيتي بعضه شيئا. لتخطي به بعض ألمي .. تحياتي لقلمك
صحيح مبروك على التجديد في المدونة الروعة بتاعتك ودايما يارب في تجديد

تحياتي لك صديقتي

مواطن زهقان said...

ازيك ياسارة عاملة ايه
والله وحشتنينى
بس معلشى زياراتى للن قليله اليومين دول
ومتالقة كالعادة طبعا

Tamer Nabil said...

الاحلام

جميلة ومطلوبة

والمطلوب اكثر ان نحاول ان نحقق ولو شىء بسيط منها ولانفقد الامل

كلمات جميلة

تحياتى

horas said...

هو بوح داخلى
شديد الجمال
والروعة
والقسوة ايضا
ماذا تنتظرين لكى تنفجرى بارادتك
ان تنفجرى رغما عنك
خذى قرارك
وتحملى نتائجه
الاتتخذين الرحيل اسما
ارحلى
عن كل ما هو ليس انتى
عن كل مالا يتماس معك
الحل
هو الرحيل
فلتفعلى ما عجزت انا فعله
فلترحلى
لتبدأى
طريق الوصول

amro said...

عزيزتى
الحياة بلا حلم هى كابوس مريع
القدرة على الحلم دليل الحياة
لان الامل فى غد اكثر جمالا واملا ينطلق حتما من الحلم
وحين نحس بعادية الاشياء تلك التى لم تعد تتجدد ابدا ولا يحدث فيها شىء، فلابد ان نتمسك بقدرتنا ليس فقط على الحلم وانما على تحقيقه
الحلم الحقيقى قرار لابد من اتخاذة اعتقد ان هذا هو الثورة والانفجار الكبير الذى يجب ان نمارسه لنستمر حالمين
تحياتى

dr.Roufy said...

ياه..التراكمات دي هي الى بتشكل ارواحنا..وذكرياتنا
بس فعلا ياترى اول مرة حسيت بالحزن كان امتى؟
دا كان بدري قوي..قوي, ساعات بيتهئ لي انه مولود معايا وبيكبر مع قلبي من يومه

بوست رائع وعميق
تحياتي

Sherif said...

من الصعب أن أقرأ لك .. فلا أكتب
تحررى رحيل من كل ما يقيدك .. فالحياة أحق أن نعيشها لأنها منحة من الله .. لامن البشر ..

أقول لك .. كونى مع الناس دائما .. فهم الحياة.. والحلم .. والأمل

ra7eel said...

صديقتى العزيزه هدى
--------
مين قال انى مش بفرح ؟مش لما فرحت فرحتكوا معايا اى نعم هى كانت مره وعدت بس اهى دليل على انى بفرح برده
بس عارفه انت كلامك صح وتمام قوى انا بحاول فعلا انى اعمل كل حاجه بضمير بزعل بضمير وبفرح بضمير

وفعلا الحزن رغم انه بيكسرنى لحظة فبيقوينى الف لحظه بعدها

وانتى ماشية حزينة فى الشارع حزنك بيفرق مع حد ؟ وانتى بتدوبى الم حد بيحسلك ؟
لأ والف لاء ياهدى محدش بيحس ومع ذلك بيحشروا نفسهم وبيدوا الحق لنفسهم الف مره انهم يحاسبوكى

شكرا ليكى ياهدى بجد ربنا يخليكى
----------------------------------
عزيزتى سلوى
----
لا حال يدوم
حقا
اهو انا بقى فى انتظار ان يتغير هذا الحال الذى لايدوم
ربنا يفرجها قريب ويتغير ياسلوى دعواتك
ربنا يخليكى
خالص تحياااااااااااااااتى
-----------------------------
برنسيسه دودو
----------
منورانى دايما بجد

وما اصعبها الحياة
حين تكون حيادية
فلا شئ يؤلمنا ولا شئ يفرحنا

فعلا فعلا يادودو هى كده بالظبط

شكرا ليكى
حبى وتحياتى لكى
----------------------------------
خلوووووووود صلاح
----------
يالا بينا يالولو حضرى الشنطة ولا هى جاهزه من المره اللى فاتت هنسافر وننطلق سوا
بينا على بلد العجاااااااااايب
والله ياخلود هتكونى احلى صحبة
انا جاهزة انتظرينى جايز يجى اليوم اللى نقدر نثور فيه فعلا
حبى الدائم ياست الحزن والجنان

ra7eel said...

سوووووووووو
احلى عجووووز
------
عارف بعمل كده اوقات بجد
مش كئيبة لدرجة الموت انا يعنى
انا بسعد فعلا بلحظات فرحى اللى بعشها الوقتى لحظاتى الماضيه
بحاول استحضرها اوقات كتير
شكرا لنصحيتك
ربنا مايحرمنى من زيارتك
سلاموووووووووووز
-----------------------------------
الربان
--------
نورت المدونه

الاحزان بتطهر النفس مما قد يعلق بها من تفاهات الدنيا
بجد انت جبت الخلاصة جملة فى غاية العمق

فعلا الحزن بيفتح باب لاحزان اخرى
انا شخصيا اول لما حاجة تضايقنى بفتكر كل حاجه مرت عليه قبل كده

سعدت بزيارتك جدا وبتعليقك ربنا يكرمك
خالص تحياتى
----------------------------------
صديقتى الحبيبة يوما
---------
عرفتى توصلى صح انا حسيت كلامك قوى
دايما اقول مستنيه حاجه تحصل
بس لاقيت ان لازم التغير يكون من جوايه عشان يكون حقيقى
الحب فعلا حل انا لما بضيق قوى بحتاج لصحابى جدا للمتنا سوا
واحساسنا بعض
فهماكى وبحاول فعلا بجد
شكرا على تعليقك الجميل ده
وانا كمان بحبك
-----------------------------------
دوبا
----
علقى براحتك ولا يهمك
شوفتينى وانا بتقطع والله كتر خيركوا فعلا انكم مستحملنى
ربنا يخليكوا يارب وما يحرمنى منكم
باين مشكلتى ياهبة موضوع الجوان ده مش بعرف اجيب
طول عمرى مش بحب الكورة
شكلى كده هضطر اتابع يمكن اتعلم
اضحك
حاضر
ههههههههههههه ههههههههههههه ههههههههههههههههه
انتى تؤمرى
مرسى ياهبه بجد ربنا يكرمك

ra7eel said...

نورسين حبيتى
--------
كم اشعر بصدق كل كلمه وحرف لك اتدرين لماذا؟
لانك تعلمين اننى الاخرى اجدنى بين سطورك وكلماتك
حقا ......اي ارواح لنا تلتقي دون ان نعلم ،، تمارس معا حزنا اسود

حبيبتى
ان كانت تركماتنا مختلفة فى التفاصيل
فهى بلا شك نفس الاحاسيس المعقده
نفس القلق من القادم
نفس الرهبة من الايام
نفس اللعنات ياصديقيتى

بل لتساميحنى انتى ان كنت ارهقت قلبك
وانعشت ذكرياتك
وجددت تراكماتك
وايقظت اللعنات

سامحينى واعذرينى فيما كتبت
لانها حقا تراكمات ماضى لعين
حبى الدائم نورسين
---------------------------------
مواطن زهقان
---
يااااااه ياحمد حمد الله على السلامه
فينك؟
مش مشكله الزيارات القليله يارب تكون بخير بس
ده انت حتى غايب عن مدونتك
منور ياحمد
ربنا يخليك
-----------------------------------
تامر نبيل
------
شكرا جدا لمرورك
هى فعلا الاحلام جميله بس المشكله لما تقلب بوهم
بتبقى صعبه قوى
ربنا يخليك نورتنى

ra7eel said...

الرائع حورس
--------
ارهقنى سؤالك
ماذا تنتظرين لكى تنفجرى بارادتك
وارعبتنى الاجابة
ان تنفجرى رغما عنك
حورس
ليت الرحيل سهلا
ولكن اصبحت فكرة تراودنى بشده وتلح علية تلك الايام
اعلم انى سأرحل يوما ما
عميق تحياتى وتقديرى
--------------------------------
Amro
----
فعلا الاحلام هى اللى بتهون علينا مفاجأت الحياه وصدمتها

الحلم الحقيقى قرار لابد من اتخاذة
اعتقد ان هذا هو الثورة والانفجار الكبير الذى يجب ان نمارسه لنستمر حالمين

فعلا ده مكن يكون الفرق بين احلامنا الحقيقية واحلام اليقظه او اوهامنا
شكرا جدا لمرورك وتعليقك
خالص تحياتى
--------------------------------
د .روفى
---------
اهلا اهلا بيكى
مش كاظم بيقول
لم اعرف ابدا ان الدمع هو الانسان
ان الانسان بلا حزن ذكرى انسان
اعتقد ان احنا لو فضلنا ندور على اسباب لحزننا هنتعب قوى
من البحث ومن الاسباب لو حتى وصلنلها

نورتينى بجد
-----------------------------
Sherif
-----
شكرا جدا لمرورك الذى يسعدنى حقا
اسعى حقا للتحرر
فمحاولاتى هنا سعيا منى لايجاد نفسيى
وسعيا لتلك اللحظة التى ارحل فيها خالص تحياتى وتقديرى لك

linda said...

عزيزتي كلنا نتعلم الحزن مبكرا

يبدوا اننا نستيقظ بيوم مميز على وجود الحزن غصبا

بس هالتراكمات ياعزيزتي هي شيء مفرح
فعند خروجها نشعر بالخفة الروح وكأننا ولدنا من جديد

تقبلي تحياتي

د. ضياء النجار said...

العزيزة سارة،

متفهم تماما شعورك العام والرغبة في التغيير، وهي ليست بالضرورة رغبة شخصية محضة، فمجمتعنا يصنف من ضمن المجمتمعات الجمعية في مقابل المجمتع الفردي، ومشكلة المجمتمع الجمعي أن كل فرد فيه يعطي لنفسه الحق في التدخل في حياتك، ويرى أنه يعمل من أجل مصلحتك، ولا يرى أنه بذلك يقتل فرديتك التي تحتاجين إليها بقدر احتياجك للمجمتع من حولك. ونصيحتي المتواضعة: اتخذي ما ترينه صائبا، وافعلي ما تشعرين أنك مسئولة أمام ضميرك على فعله، كما قال الأستاذ المنفلوطي.

عميق تحياتي

ضياء

أحمد المصري said...

أنا مدونتي لو كنتي عارفاها من الأول
كانت تسد النفس..كآبة كآبة يعني خاصة أسلوبي مكنش حلو ومازال محتاج كمان..وحتى الآن بس بحاول أخلي الأسلوب ساخر شوية يمكن عشان كده مفيش ناس كتير بتيجي..بتخاف القرف اللي عندها يزيد..بس أنا مش هاممني اللي بييجو يعلقو عندي عارفهم-و انتي منهم طبعا- وناس بقدرهم جدا..لإنهم استحملوني و لإنهم فعلا محترمين وبيقدرو شعور الواحد..مش مهم الناس لو اتنين بيعلقو عندك و بيواسوكي دي كفاية..مش كده؟

rack-yourminds said...

الحزن الناتج عن ضياع الحلم ستجديه بيسكن في كثير منا

تحياتي لكي

doha said...

لالالالالالالالا
احلمى
الى مبيحلمش ده انسان فاشل
متخافيش من انك تكونى صداقات جديدة
او تحلمى
وزى ماقال احمد طلعى كل الى جواكى فى المدونة والناس بتسمعك وبتتفاعل معاكى
انا ضد التشاؤم
بس مقدرش ابقى ضد الحزن لانى بتعرضله كتير
وبتبقى تراكمات
بس ميمنعنيش انى احلم
او اتفاءل
تقبلى تحياتى

e7na said...

الموضوع شكله كبير

حالة ملل
وتضارب مشاعر
وحزن بلا سبب

ساره
هى حاله طارئه كثيرا ماتمر بنا
نعود بعدها الى قواعدنا سالمين وفرحين ومرتاحين

روقى

ra7eel said...

عزيزتى ليندا
-----------
فعلا الواحد لما بيخرج التراكمات دى على الورق بيستريح نوعا ما

شكرا لمرورك
خالص تحياتى وحبى
------------------------
استاذى الفاضل د ضيا
---------
حقيقى دى مشكلة مجتمعنا اللى بيدى الحق انه يدخل فى حياة كل واحد بشكل غير عادى
بيراقب كل تصرافاته بيلغى شخصية الفرد وكيانه
استاذى
سأحاول جاهده ان اعمل بنصيحتك
خالص تحياتى وتقديرى
----------------------------
احمد المصرى
-------
شكرا جدا لمرورك مره اخرى
وشكرا بجد للتشجيع
عارف انا فعلا مش يهمنى عدد التعليقات قد مايهمنى اصحابى اللى بحبهم يكونوا موجودين وان التعليقات تكون من ناس حاسه بيه وقادره تقدر شعورى
انت كلامك صح فعلا
تحياتى وتقديرى
--------------------------
rack-yourminds
-----------
يسعدنى وجودك ومتابعتك

الحزن ده فعلا جوانا كلنا كتير منا حلم واحلا مه ضاعت فى زحمة الدنيا

تخياتى لك
----------------------------
دوحا
---
منورنى دايما
شوف انا كمان ضد التشاؤم
بس ممكن تقول انها لحظت ضعف منى
فحبيت اخرج احساس جوايا وحبيت افضفض معاكوا
مش هبطل احلم حاضر


تحياااتى لك
---------------------------
احنا
---
اهلا اهلا يااحمد
يارب تكون حالة طارئة بجد ومترجعش
اصل احساس صعب قوى
عارفه انه كتير بيمره بيه
ربنا يهونه على الجميع يارب
شكرا ياحمد لمرورك
تحياتى وتقديرى

بنت مصر said...

ra7eel
الذكريات ..ههههههههههه...هي الحياة كده لازم نتسامح معاها حتى لو جرحتنا لازم في حاجه اتكيد لازم في حاجه ضافتهالنا بصي في كتاب
the secret
مكتوب ايه عن التسامح مع الماضي >>الذكريات ....التراكمات زي ما بتقولي

the true forgiveness is to say thanks god for giving me this experience

unforgineness is type of self abuse

اللي حصل خلاص انا عارفه انه بيجرح وبيؤلم بس هي الدنيا كده الالم مش لحد معين هي الحياه كده كل الناس كده

قريت قبل كده في كتاب M.J.Rayn
Do not say why me ??
why not you ??
this is life
u must be stronger

اما بالنسبه للبركان اللي جواكي انفجري وخلي حمم البركان اللي جواكي تدوب كل العوائق اللي في طريقك انفجري بصي


Don’t ask what the world needs. Ask what makes you come alive, and go do it.
Because what the world needs is people who have come alive.

ra7eel said...

بنت مصر
شكرا لمتابعتك
لمرورك
انا عارفه صدقينى ان كل الناس كده
كنت قريت مقوله فعلا بتعبر عن حالنا
فيما معناه
انه لايوجد شخص الا وفى قلبه هم او فى عقله مايشغله
عجبتنى جدا المقوله الاخيره

خالص تحياااااتى