Monday, December 10, 2007

قرار....تأمل...علاقات




قرار
---------
أصعب اللحظات واعقدها بالنسبة لي هي لحظة اتخاذ قرار
رفض القرار أسهل كثير من قبوله فأي أن كانت النتائج المترتبة على الرفض لن تحتاج إلى كل تلك العمليات الفكرية المعقدة التي أقوم بها عند قبول اختيار ما وما سيترتب عليه من أحداث وتفاصيل ستشكل حياتي بأكملها بلا اشك
اكره تلك اللحظة كثيرا وخاصة أنني لا اقتنع سوى برأي الشخصي في النهاية فلابد أن يكون القرار ناتج من أعماقي كي أقوم به
هناك قرار ما عندما أقرره اعرف أنى لابد أن أكون في قمة جنوني و ألغى هذا الجزء الصغير المتبقي من عقلي تماما
فقط أطلق لجنوني العنان
وأسير على مقولة خالد كساب:< للأسف مشكلتك ملهاش حل جنونك عاقل جدا بس عقل العاقلين من حواليك مختل.>
وأتوقف لأتساءل ما هي حدود العقل وما هي القرارات التي تتماشى مع العقل؟
هل هي تلك القرارات التي يقبلها المجتمع ويقرها الآخرون ؟ هل تلك القرارات التي لا تجرح احد مع أنها تخصني أنا؟
وكيف لي أن اعرف أن كان قرار لي قد يجرح أشخاص لم اقصد يوما اجرح احد منهم ؟
أم تلك القرارات التي تنبع من أعماقي والتي أكون على علم من أنها حقا درب من دروب الجنون؟
لماذا إذا أفكر بها ؟ لماذا هناك احتمال أن اقبلها ؟ لماذا كل هذا الصراع حول قرار يعد جنونا؟
هل لأنني أريد ذلك حقا؟ أم مجرد هروب؟ أم انه فضول أو احتياج لخوض تجربة جديدة اعلم يقينا أنا أنها ستنتهي حتما بجرح جديد ؟ لماذا إذا قبلت الخوض فيها؟ ولماذا يقيني بالفشل ؟

--------------------------------------
تأمل

-----------
وقفت وقفة مع نفسي فكرت في تجاربي الماضية سواء على المستوى الشخصي أو العملي
فوجدتني تمنيت أشياء منذ زمن تحققت ولكن لم تحقق كما تمنيتها يوما
فعلمت أن المشكلة تكمن في ذاتي
إنني حين احلم وأتمنى فقط ارسم في خيالاتي هذا الجزء الأجمل و الأمثل دائما للأمور فقط دون توقع للجانب الأسوء
لذلك عرفت سبب حيرتي حين تمنيت عملا ما ووجدتني فيه كحلم جميل ثم استيقظت على كابوس الواقع
لأنني لم أدرك في أحلامي الجانب السلبي الذي قد يواجهني يوما
حين تمنيت ورسمت صوره ما لشخص ما وعندما وجدته لم يكن سوى مرآه تعكس أمنياتي القديمة
أشياء كثيرة وأشخاص قابلتهم ومواقف تمنيتها تحدث وحدثت ثم ماذا؟
لا تكتمل وتنتهي بطريقة غريبة جدا
وتأكدت انه
لا شئ يحدث عبثا فدوما هناك حكمة لنا أو رسالة من الله لكي يعلمنا شئ ما تلك الحكمة قد لا ندركها على المدى القصير أو قد لا ندركها أبدا
المهم اننى تأكدت أن الأقدار تحمل لنا الكثير
فلا عجب مما قد يحدث فلا شئ يحدث باختيارنا فكل شئ مقدر
والقرار قد يكون ظاهري لنا ولكنه بالطبع ليس كذلك فكل شئ مكتوب ومقدر
إذا لماذا الحيرة في اتخاذ قرار؟
---------------------------------------
علاقات
-----------
كنت أوقات اشعر أنى لا أتعلم من أخطائي ولكني اليوم عندما فكرت في طبيعة علاقاتي مع الآخرين وجدتني
تعلمت شئ مهم
هو اننى لا اخذ الأمور على ظاهرها ولا أتخيل أوهاما ولا اسمح لنفسي أن تحيى تهيئوات لا وجود لها
فإن كان هناك شئ في داخل أشخاص ما فهو يخصهم طالما لم يصرحوا به ولا شأن لي بما يجول في خواطرهم
ولا داعي للتوقع أو التخمين وان كانت الدلائل تشير إلى شئ ما فلن اشغل بالى بها طالما لم يصرحوا بها
فهي في الأخر ستكون أوهامي أنا ولا شأن لهم بها إن كانت حقا أوهام فوحدي انا من سيدفع ثمن تلك الأوهام لا احد غيري
هل سأكون اسعد حالا وأنا أتجاهل مشاعر أحسها جيدا لمجرد اننى قررت أن أتعامل مع الآخرين بواقعية؟
---------------------------------------
مهيسه تمام عذرا اصدقائى بس فعلا كنت محتاجه أفضفض معاكوا
بجد وحشتونى جدا
بس فعلا حاسه أنى مشتته ذهنيا ومش قادرة أقرا اى جديد حاولت حاسيت أنى مش قادرة أتفاعل ومش قدرت اعلق مش لاقيه كلام مش مركزه فعلا سامحوني بجد لو كنت مقصرة معاكوا
و ياريت تتدعولى إن ربنا يهديني للي في الخير واللي يرضيه
-------------------------------------------
خبر هام وعاجل
مدونة رئيس جمهورية نفسى لصاحبها محمود تم تغير اللينك بتاعها لان المدونه اتهكر عليها حسبى الله ونعم الوكيل
وتم بحمد الله افتتاح مدونة جديدة وده اللينك الجديد ليها وياريت اللى ضايف المدونة عندة يغير اللينك القديم يشيله ويحط الجديد بداله

41 comments:

alaa salim said...

السلام عليكم

إزيك يا سارة
البوست النهارده دسم جداً وعميق جداً
بالنسبه للقرار
انا شايف إن الإنسان إذا رتب أولوياته وعرف هو عايز إيه هايعرف يتخذ قراراته بكل سهولة.


بالنسبه لتأملك فهو صحيح وكلنا بنمر بيه .
الإنسان دايماً بينظر لكل بعيد نظره غالباً لا تكون عميقة ولا تظهر السلبيات وهذا ما يسبب الإحباط دائماً


أما حكاية العلاقات فأنا أختلف معك فيها.

انتي بتقولي
لا داعي للتوقع أو التخمين وان كانت الدلائل تشير إلى شئ ما فلن اشغل بالى بها طالما لم يصرحوا بها.

مش كل شيئ الإنسان بيشعر بيه بيقدر يصرح بيه لأي حد وفي أي وقت.
وأحياناً بتكون وسيلة الطرف الآخر هي التلميح قبل المصارحه لمعرفة مثلاً رد الفعل بشكل غير مباشر
المقصود من كلامي إن الإنسان لازم يتجاوب مع ما يحس بيه إما تجاوب إيجابي أو سلبي وأن يكون هذا التجاوب بنفس قدر الدلائل أو الظواهر اللي لاحظها

MKSARAT SAYED SAAD said...

رحيل ازيك
تأتي الرياح بما لا تشتهي السفن هذا شئ وارد حدوثة لكنه اتصف الاحتمالية ولأنة اتصف بذلك اذن يكمن ان تأتي رياح اخرى تشتهيها السفن
طالما اخذنا قرارت واحتملت الصواب والخطأ ونحن ادركنا ذلك بعد فترة من اتخاذنا تلك القرارت اذا هذا يعني اننا بالتجربة وبالخبرة فعلا نستطيع اتخاذ قرار سليم قدر المستطاع لكي عبار جميلة كتبتيها تقولي فيها
-----------------
تعلمت شئ مهم
هو اننى لا اخذ الأمور على ظاهرها ولا أتخيل أوهاما ولا اسمح لنفسي أن تحيى تهيئوات لا وجود لها
----------------
انتى وصلتى لهذا المعني بعد التجربة وهذا الذي ساعد على رؤيتك لكثير من الامور بدقة اكثر وبالتالي تعامل ادق قدر المستطاع
صدقتى اتخاذ القرار صعب والقبول به سهل لكن في القرارات المصيرية التروي مطلوب لابعد مستوى
تحياتي الدائمة وعميق مودتى
------------------------
منتظر الاميل

محمود said...

رحيـــــــــــــــــــــــــــــل
كل قرار او وقفه مع النفس ليها ضحايا شءنا ام ابينا بس متخديش قرارات فى حياتك تكونى انتى الضحيه بتعها لمجرد ارضاء الاخرين ويكونو راضين عنك مش حيفيدك كتير ارضاء الاخرين وانتى مش مقتنعه بنفسك وقراراتك والعكس تحياتى
مازلت بكرر ليكى معيار الرقابه ذاتى من داخلك انتى وكملى فى سياسه الطز للاخر فى حاله ما كان مش متفق معاكى فى الى انتى شيفاه صح لنفسك

dr.gesho said...

حمدا لله على السلامه
واضح انك فى ازمه نفسيه بسبب القرار اللى مش عارفه تاخديه ده بس نصيحه حكاية انك مش بتقتنعى غير برايك دى مش كويسه لازم يكون فيه حد تشاركيه التفكير او حتى تفكرى معاه بصوت عالى بجد هتفرق كتييييييير ربنا يوفقك و تاخدى القرار السليم

rack-yourminds said...

السلام عليكم

يا ستي فضفضي براحتك

ان شاء الله ربنا يوفقك ويهديكي للي فيه الخير..,امين يا رب

تحياتي وسلامي

رئيس جمهوريه نفسى said...

البلوج الجديد يا رحيل
http://raeys.blogspot.com/

DayDreaming said...

يابنتي ولا تفكري ولا تتعبي نفسك وسبيها ماشيه زي ما ماهي ماشيه

ربنا يهديكي للي فيه الخير

فرنسا هانم said...

ساره
ازيك
عامله ايه ؟
اوعى تقولى عامله محشى
احسن اجى عندك بالفريره بتاعتى
احسن عجله تصنيع فرنسى هانمى
ربنا يوفقك فى قرارك
ويهديكى الى القرار السليم
وحشااااااااااااااانى
جدا

أبوشنب said...

اتخاذ القرار عملية سهلة مش صعبة

اذا ربطناها بالواقع مش بالعاطفة

يعني وفري كل المعلومات اللي توضح لك الصورة

وشوفي الافضل ليكي

وما تنسيش استخارة ربنا قبل كل شيئ

ثم اعقلها وتوكل ومتخافيش من اي نتايج بعد قرارك

لأن القرار الخاطئ احيانا

بيكون ارحم في عواقبه من القرار المتأخر عن موعده

احساس برضوا حى said...

عزيزتى
اى قرار لازم يدور حولين المممكن والمعقول والمقبول وتسبيها على الله والنتيجة هتكون حسب المكتوب
واى قرار بدل انتى شيفاه مجنون اكيد جواه شئ من الخطاء وخطأه اكتر من صوابه
اجعلى قرارك بعيدا عن رغباتك دائما واجعلى القرار يحكمة العقل والاحساس والحق والحلال والضمير
انتى تاملتى شيئا كلنا نحسه ونمر بيه فمعظمنا لايحقق كل احلامه اوطموحاته حتى ما تريهم ناجين فى حياتهم فنجاحهم جميل بالنسبه لكى لانه لا يحقق ما يحلمون بيه وكثيرا من المواقف التى نمر بها وزى ما قولتى يمكن تكون رسالة من الله او شئ ربنا بيحمينا منه من غير ما نحس
العلاقات وطبيعتها اظن صعب الانسان يغير طبعه فيها لان ده شئ فى الروح والروح اللى بتدى صعب متديش والروح اللى تاخد دايمن هتعيش تاخد اهم شئ اتعلمى متتلدغيش من حد مرتين كفاية مرة واحده وربنا سريع العقاب متقلقيش
انا مش شايف تهيس خالص بصراحة
الخبر عرفته قبل ما اجيلك انا جى من عنده لعندك لسه حتى مفطرتش
تحياتى يا قمر
سلام

no chance said...

استاذة رحيل
عارف ن اسمك سارة بس رحيل احلى
المهم
شوفى يا ست الكل
انا بحترم رايك جدا وتحليلك لنفسك جدا لانك صريحة وواضحة مع نفسك اوى
بس
عندى نصيحة ليكى لو تسمحى
انا شايف ان اللى انتى بكتبى فى مدونتك مزكرات شخصية جداااااااااااااااا
وده مش صح كلنا عندنا صراعات نفسية بس مينفعش نكشف كل اللى جوانا لبعض خالص لازم يكون عندنا قدر من الخصوصية اكبر من كدة لازم تحتفظى بكثيييييييير من همومك لنفسك ومتعرفيش الناس عليها لاننك محتاجة علشان تبننى نفسك صح او تعرفى نفسك صح لكثيييييير من الخصوصية

يا ريت تكونى فهمتى قصدى ومزعلتيش
مش بقولك اقفلى المدونة لا خليها موجودة وابتكرى فيها وخليها تعبر عننك بس متعرفيش الناس حاجات مينفعش يعرفوها
انا قولتلكك كدة لانى بعيش هموم زى همومك بس كل مدا كل مبعرف اننى لازم اقررب من نفسى اكتر من انى اقرب من الناس
اتمنى تكونى فهمتينى صح


مش محتاجة اقوك ان الموضوع حلو وانا بفتح مدونتك كل يوم بس انتى مش بتكتبى من زمان من ساعة لن ارضى بنصاف الحلول

تقبلى تحياااااااااااااتى

كاميليا said...

رحيــــل

((أصعب اللحظات واعقدها بالنسبة لي هي لحظة اتخاذ قرار))

بل أصعبها مرحلة التنفيذ.. فهى كمن يؤدى حكم اعدام يومى.


((إنني حين احلم وأتمنى فقط ارسم في خيالاتي هذا الجزء الأجمل و الأمثل دائما للأمور فقط دون توقع للجانب الأسوء))

الاحلام لا تعرف الجانب السلبى وإلا لا تكن أحلام.. فاحلمى ياصديقتى.. لا زال الحلم ممكن.. ولا زال الحلم بلسم يشفى خربشات الواقع.


((هل سأكون اسعد حالا وأنا أتجاهل مشاعر أحسها جيدا لمجرد اننى قررت أن أتعامل مع الآخرين بواقعية؟))

نعم ستكونين أسعد حالاً كثيراً جداً.. فليس كل من حولنا مصنوعون من نفس النسيج.. بينهم من صنعت قلوبهم من صخر .. وبينهم من صنعت قلوبهم من حرير..
فتعاملى بواقعية حتى تكتشفى من منهم سينال رومانسيتك.

ربنا يسعد قلبك ويريح بالك ويحقق كل آمالك .. اللهم استجب يارب العالمين.

كاميليا

linda said...

رحيل

القرار هو قرارك انت
أستخيري وربنا معاك يارب

أما التأمل بجدّ عشت معاكي بكل كلمة فيه
والعلاقات كنت بتتكلمي بلساني انا كمان عايشة نفس الحالة

بدعيلك والله ياسارة

ربنا يوفقك يارب

أحنى معاك بكل حاجة بصالحك
والأكيد اقرب الناس ليكي هما كمان معاك حتى لو مش راضيين عليه بس معاكي بطريقة معينة

ربنا يوفقك يارب

البرديــــــة المصرية said...

قرار

فقط يحتاج القرار الى توقيع من ضميرك
وهذا يكفى تماما

التأمل
حتي لا تقعى فى الحيرة , يمكنك أن تصلي صلاة الاستخارة


علاقات
لن تستطيعي أن ترضي الناس جميعا
........

only spot said...

بصى يا رحيل اولا اهنيكى على طريقة عرضك لمشاعرك الصادقه
ثانيا ربما ندخل تجربه ونحن موقنين بفشلها وربما نصبح فى الاخر نحن الفائزين بنجاحها اى ان توقعنا يخفق وذلك لانكى كما قلت ان القدر يحمل لنا الكثير
حكمك على تلك التجربه بانها ستحمل لكى جرح جديد نابع من تجربه سابقه لها كانت منتهيه بفشل فحاولى يا صديقتى فقد انتزاع ايجابيات التجربه السابقه والتعلم من اخطاءها دون ان تؤثر على افكاركك بالسلب
ان اردتى ات تبتى فى امر لا بد اولا ان تتخلصى من ذلك التشتت المسيطر عليكى ولا تنسى ان العبد فى التفكير والرب فى التدبير وفققك الله للاحسن والصالح لكى دائما
ولا تنسى ان الدنيا لا تتوقف عند مرحله ولا تنتهى بفقدنا لحبيب او عزيز
تحياتى

dr.Roufy said...

لالا دا مش تهييس خالص
دا كلام عالى قوي يابنتي
وحسيته فعلا لأن كتير منه جوايا ومريت بيه

بوست عالى فعلا..
كل التحية
:)

ra7eel said...

علاء سالم
وعليكم السلام اهلا بيك ياعلاء
بالنسبة للقرار فوصلت ان الرفض اسهل بدون ترتيب اولويات وتوقع لنتائج قد تفشل

وللتأمل فعنى قررت انى اكون اكثر واقعيه فى تأملاتى فلم يعد هناك مجال لاحلام او اوهام اى ان كانت

وبالنسبة للعلاقات فعادى يعنى الاختلاف فى وجات النظر لا يفسد للود قضيه
ولكنى مازلت عند رأى فلن احيا تهيوات او اوهام لا تخص احد سواى فلا داعى لحماقات وسخافات لن اجنى من وراها سوى جراحات جديدة
خالص تحياتى وتقديرى
-----------------------------------
مكسرات سيد سعد
انا بخير الحمد لله
تأتى الرياح او لاتأتى فلم يعد يفرق فأنا لم يعد عندى تلك القدره على المجازفه فى انتظار ماسيكون او لايكون
حقا تعلمت ولكنى لا استفيد من هذا الذى اتعلمه سوى فى شئ واحد توقع الاسوء دائما ليس قنوطا ولكنها حقا التجارب والحياة
شكرا جدا على الميل
تحياتى واحترامى
----------------------------------
محمود رئيس جمهورية نفسه
مش متعوده تعلق باسمك فى البدايه فعلا معرفتش انت مين
بس حسيت ان الكلام مش غريب عليه
كل قرار بيكون ليه ضحايا؟
عارف اكتر حاجه بكرهها فى حياتى انى اجرح حد اى ان كان قربه او بعده منى
بجد صعب قوى
والاصعب انك تكون مش عارف هل فعلا انت بتجرح حد ولا اساسا قرارك مش هيفرق

مازلت متبعه تلك السياسه
منور ياسياده الريس
---------------------------------
dr.gesho
الله يسلمك ياحمد
مانا بفكر بصوت عالى معاكو
يعنى اجيب بقى مكبر صوت وافكر
لو قصدك على حد قريب فصدقنى مبقاش حد فاضى لحد وكمان مش سهل ان تلاقى حد يفهمك ويحس بيك
هنا كلنا بنهيس مع بعض
نورت ياحمد
-----------------------------------
rack-yourminds
وعليكم السلام

مانا بفضفض من ساعة مافتحت البلوج
والله كتر خيركوا انكم مستحملنى

ربنا يخليك وشكرا لمرورك

ra7eel said...

رئيس جمهورية نفسه
مبروك البلوج الجديد اعمل احتياطاتك بقى المره دى ربنا يوفقك
-----------------------------------
daydreaming
اهلا ياهانم انتى فين؟ وسامح كمان مختفى
ايه العيله الغريبه دى؟
يافرحتى يعنى ايه اسيبها ماشيه من غير تفكير ؟
اقولك احنا نحجز سوى عند اى دكتور نفسيه كويس من الواضح ان مش انتى بس اللى بيجيلك تهيؤات
ههههههههههههههه
وحشانى جدا ووحشنى التهيس معاكى
-----------------------------------
خالتى فرنسا
انا بخير ومش عامله محشى انا اخرى احمر بطاطس هههههههه
بس تعالى انتى وانا هتعلملك مخصوص اعمل محشى تنورى
ربنا يخليكى ليه وما يحرمنى منك منورانى دايما
-----------------------------------
ابو شنب
اهلا بيك فى زيارتك الاولى ليه
كلامك معقول
بس اللى مش معقول على الاقل بالنسبه ليه
لأن القرار الخاطئ احيانا
بيكون ارحم في عواقبه من القرار المتأخر عن موعده
ماعتقدش انى بالقوه اللى تخلينى استحمل نتائج قرار خاطئ
اشكرك جدا لمرورك وخالص تقديرى واحترامى
-----------------------------------
احساس برضه حى
الممكن والمقبول والمعقول؟
بالنسبة للمجتمع ؟ ولا بالنسبة لمين؟
عزيزى هناك الكثير من التقاليد التى تحكمنا مجرد تقاليد وبمخالفتها لا نفعل ذنبا فهى ليست نصوص قرأنيه او احاديث نبوية
فلماذا علينا التمسك بها فى بعض الامور والخروج عنها يكون امر غير مألوف بالنسبة للناس
كتبت تقول
واى قرار بدل انتى شيفاه مجنون اكيد جواه شئ من الخطاء وخطأه اكتر من صوابه
متتخيلش اثر العباره دى كان ازاى جوايا
بجد شكرا ليك حطتنى قدام نفسى بجد

بس مش صعب ان الانسان يغير طبيعته فى ناس كتير قسوه الدنيا ليهم بتقسيهم على كل اللى حواليهم فى محاولة منهم لاظهار القوه او الانتقام مع انهم اساسا بيكونوا من جواهم مش كده خالص
شكرا لمرورك
تحياتى وتقديرى
----------------------------------

ra7eel said...

No chance
اهلا بيك مره تانيه
بالنسبة للاسم كان للتوضيح بس
انا كمان بحب رحيل اكتر
اولا شكرا لكلامك جدا
وبالنسبه للنصيحة فاسمحلى اقولك
انا اساس مدونتى فضفضه شخصية
ياريت تقرا اول بوست عندى فى البلوج
عارفه انا هنا فعلا بفضفض براحتى جدا
ومهما قولت فاكيد لسه عندى كتير يخصنى ومش هتكلم فى
جايز بحتاج افضفض مع حد عشان يشاركنى برايه
علىا لعموم شكرا للنصيحه
ومش زعلانه بس انا هقف وقفه مع نفسى هاخد اجازه
وبعدين ارجع اقرر هستمر ازاى
وشكرا للمتابعه
خالص تحياتى وتقديرى
-----------------------------------
كامى احلى زهرة
تنفيذ القرار صعب لما يكون مؤلم او خطأ
اما الاحلام فبقت مؤلمه جدا اكتر منها بتهون عشان
بقيت بفوق منها على واقع مهزوم
فبقى قلتها احسن
فعلا قررت اكون واقعيه يارب اعرف انفذ جايز اكون اسعد حالا
شكرا كامى على تعليقك وعلى زيارتك
ربنا يخليكى ليه
-----------------------------
ليندا
صديقتى الجميلة
حقا هو قرارى انا
شكرا لدعائك ليه
بجد ربنا يخليكى ومايحرمنى منك
----------------------------------
البرديه المصرية
الضمير مشكلتى الدائمه فهو لايهدأ ابدا لدى
الصلاه بأذن الله موجوده
ارضاء الناس حقا غايه لن تدرك ابدا
شكرا لمرورك
خالص تحياتى
----------------------------------
Only spot
شكرا على كلامك ربنا يخليكى
احاول انتزاع الايجابيات لكنى حقا لااستطيع
الخوض فى تجربه جديده ليس بالقرار الهين
بس انتى معاكى حق مش ينعف اخد قرار
وانا مشتته لازم وقفه
شكرا جدا ليكى
خالص مودتى وحبى
----------------------------------
د .روفى
طمنيتنى انه مش تهيس بصراحه
عارفه اجمل حاجه لما لاقى حد حاسس بكلامى اكتر ماهو فاهمه
ممكن اى حد يفهم بس مش اى حد يحس
تسليملى
تحياتى ومودتى

shreen said...

رحيل ايا كان قرارك
القبول او الرفض
فهو قرارك انت
وانت فقط
ستتحملين تبعاته ايا كان

وادعو الله ان يوفقك الى ما فيه رضاه

the others said...

أنا معاك بالنسبة للعلاقات
أنا مليش دعوه باحساس حد او مشاعره طالما مصرحش بيها ليه اعيش في عالم من خيالي ..مش هو يقدر يخيليه واقع ..مش هفضل مستنية ...مشاعر حد ملهاش معنى اذا ما اعترفش بيها اذا مخرجتش للواقع هتفضل حاجه جواه مليش دعوه بيها ..

Salwa said...

ربنا يهديك لما فيه الخير ورضاه

شويه هدوء وتركيز مع النفس

وإنت توصلي

دمتى بحفظ الله عزيزتي

smraa alnil said...

سارة

اولا بالنسبة لقراراتك
فانتي مش هتعرفي نتيجة القرار الليهتاخديه ولا اثره علي غيرك الا لما تنفذيه

فقط ادخلي التجربة لتعرفي النتيجة النهائية


ووقتها ستتغير اشايء
فلطالما كانت هناك قرارات حبيسة انفسنا ولم ننفذها لاننا نشك في انها قد تؤذينا ولكن عند تنفيذها فانها تجلب نا الفادة كلها
ولربما العكس
المهم ان نجرب

بالنسبة لتأملك
فعلي مدار سنوات عمرنا سنجد ان ثلاث اربع ما تممناه وحلمنا به قد تحقق
ولن مش بصورة كاملة

اليس الحلم بسندريلا جميل ولكن عند تحقيقه لا زال تقف امامنا عقبات

بالنسبة لتعاملك

اي كان
كوني اني فقط

e7na said...

اذا سماؤك يوما تلبدت بالغيوم
فأغمض عيونك تبصر خلف الغيوم نجوم


روقى يا ساره كده وكله هيبقى تمام

ra7eel said...

صديقتى شرين

حقا هو قرارى

ووحدى من سأتحمل تبعاته

شكرا ليكى ياعزيزتى
تحياتى وحبى
----------------------------------
others بنت مصرية

فعلا ياشيمو المشكلة لما يطلع فى الاخر خيال ووهم
لو ممكن يتحول لحقيقة يبقى ليه نضيع وقت فى اوهام

شكرا لمرورك وربنا يوفقك
-----------------------------------
سلوى

فعلا الموضوع محتاج شوية تركيز

ربنا يسهل ان شاء الله

ربنا ما يحرمنى منك
-----------------------------------
سمراء النيل

فعلا ياانجى التجربة من بره بتكون غير لما الواحد يخوضها بنفسه
قرراتنا واحنا فيها ونظرتنا للامور بتختلف لما نكون براها

شكرا جدا لزيارتك اسعدتنى حقا
تحياتى وتقديرى
-----------------------------------
e7na

مروقه يااحمد هو فى اجمل من الايام اللى احنا بنعيشها حاليا؟
سيبك انت اهم حاجه بجد عندى اصحابى
هما بس اللى بيخلونى بجد سعيده جدا
ده انتوا لمتكوا بالدنيا
خالص تحياتى وتقديرى

منى said...

ربنا يهديكى يا رحيل لما يحب ويرضى
بس كويس انك كل فتره تراجعى نفسك واللى حواليكى
اكيد كل مره هتكتشفى حاجه جديده
تحياتى

rainbow said...

الصديقة الغالية سارة

مفتقداكى جدا

النت تآمر على العبدة لله مع مشاعر معقدة اخرى اقعدتنى عن المشاركة والمتابعة لكنى احاول من اجل اشخاص مثلك اصدقاء قريبون يهتمون بأدق التفاصيل فأخجل من التقوقع واعود للحياة رويدا رويدا


حبيبتى القرار اصعب ما فيه ليس اتخاذه وانما تنفيذه بجودة او بضمير مهما كانت صعوبته .. اهم شىء ان ننفذه ونكون قدر ردود الفعل التى ستطوقنا كالعادة كلما حدث واتخذنا حتى قرار بعدم الذهاب لطبيب !!0

التأمل والتفكير فى من حولنا عائق كبير عندما تتخذين قرارا فمن يعنوننا فقط هم من يعولون علينا وعلى قدراتنا وينتظرون الافضل دائما ونحاول ان نكون على مستوى ثقتهم وهذا ينتج صراع ابدى يتعملق بكبر حبنا لهم وقربهم منا .. وعن هذه النقطة اود ان اطمئنك ان من يحبوننا غالبا يفهموننا ويقدرون قراراتنا وقد نصل معهم لحل وسط دون ان تهتز ارضية علاقاتنا بهم لدرجة الزلزال لا قدر الله
فلا تترددى ضعيهم فى الاعتبار ولكن ليس بطريقة تعيقك عن التقدم لصالحك دوما

اتمنى ان تصلى لقراراتك دون ضغوط
دون تردد
والاهم ان تنفذى دون تراجع او ندم

اعتذر للاطالة

حبى الصادق ومودتى الصافية

هدى

Ahmed Al-Sabbagh said...

عزيزتى رحيل

رائع جدا

واشكرك على التنبية بتغيير لينك مدونة رئيس جمهورية نفسى

تحياتى

youma said...

الطبيعي اننا نندم على اشياء توهمنا وجودها .. هدا اكثر شيء شد انتباهي
في البوست لي قبل دا قلتي اني اتحمل اخطائي هدا شيء مسلم به اما انني اتحمل اخطاء غيري فهدا شيء لا اقبله .. وقد لفتني ان ادكر لكِ فلتحسبي الخطوة ألف مرة قبل ان تحاسبي عليها عوضاً عن غيرك

klmat said...

السلام عليكم
ازيك يا ساره وكل سنه واتى طيبه
شوفى بالنسبه لموضوع القرار لما يكون قرار مهم زى الجواز عشره عمر واولاد
حاتتربى العواطف مهمه جدا بس مهم التدين والأخلاق وكل المواصفات اللى تطمن ماينفعش الحب وبس او حب واحد
الجميع بيحكم عليه انه لايصلح لازم احتاط واحط الأحتمال السىء مش تشاؤم
لأ حيطه وحذر فى موضوع مهم لايحتمل مجاذفه
ناخد بالأسباب ونسيبها على الله
ليه اخد قرار وانا على يقين بفشله
احارب نفسى ليه!!!!
لازم نتعلم من اخطأناونعيد حسابتنا
-----------------------------
موضوع العلاقات كلنا بنتعلم كل يوم
احيانا كتيره بيكون احساسنا صادق
المثل بيقول حرص ولا تخون فى العلاقات الجديده يجب ان نكون حذرين والأيام
هى اللى بتبين
مش تهييس ياساره دى افكار سليمه
ربنا يلهمك نور البصيرهوالقرار الصائب
ولو حستى انك غلطانه عن قرار واتراجعتى بيبقى صح جدا الرجوع للحق فضيله
اتمنى لك من قلبى كل سعاده واعذرنى طولت
تحياتى وسلامى

كفراوى said...

مقولة خالد كساب:< للأسف مشكلتك ملهاش حل جنونك عاقل جدا بس عقل العاقلين من حواليك مختل


انا شايف ان حدود العقل

زى البحر

محدش عارف فين اولة
فين اخرة ........!

Soooo said...

في ردك على تعليقي في الموضوع اللي فات
قلتي انك لسه مش لاقيه نفسك


الموضوع ده بجد بيؤكدلي انك لقيتي نفسك
بس مش عايزه تتخذي القرار





سلاموووووووووووووز

mo7amed mamdo7 said...

اولا شكرا لزيارتك ليا
ثانيا كل سنة وانتى اطيب واطيب
ثالثا احنا مبنعملش الى ربنا كاتبهولنا .....لكن ربنا هو الى خالقنا فعارف احنا هانتصرف ازاى فكتب كل حركتنا ...لكن الخيار الاول والخير ليكى انتى .
رابعا وده المهم من خلال كلامك عرفت انتى مالك صدقينى كلامك حاسس فية بالم كتير بقولك اية اوعى تخلى اى حد فى العالم يخليكى مش سعيدة ولو للحظات اللحظة الى بتعدى علينا اكيد مش هاتيجى تانى.حولى تكونى سعيده على قد ماتقدرى ........
خامسا انا بجد حاسسبيكى وعارف انك فى موقف صعب ولحد منتقابل تانى وفقكم الله الا ماتحبونه وترضوه محمد ممدوح

مصطفى السيد سمير said...

يعني اية معلش فضفضت معاكم
هو التدوين اتعمل ليه
غير للتواصل والفضفضة
وبعدين خلينا نحس
ان لسة فيه ناس
بتحس
لك تحيتي

Mask said...

كل سنه وانت طيبه يارحيل
عاوز اقولك حاجه
اثبتي وخليكي متماسكه
صحيح حياه الانسان مجموعه من القرارات اللي بيبقه مطلوب منه يتخذها
وفعلا بتتغير حياته على اساسها..
بس كل ما الانسان بينضج بيبقه قادر على اتخاذ القرارات الصح..
وانت قدها

ربنا يعينك

Ragi said...

سارة
اولا كل عام وانتى طيبة بمناسبة عيد الاضحى
الحقيقة الخواطر فى البوست سلسة ومنطقية وجميلة
ارجو لكى التوفيق

sagittarus said...

كمان بقيتى ضرب شمساوى
لأ بجد بوست لذيذ
على فكره لحظات الابداع معظمها بتبقى فى مود زفت علشان بتجيب من جوا النفس بلا اى رتوش او بهارات وكده
بس اتفق معاكى فى القرار والتامل
انما العلاقات لأ ولف لأ
انا بفهم انسان بحسه وبتعامل معاه من المنطلق ده
استفت قلبك
انا مش مرتالح لواحد ..مش اقعد اقول لنفسى مجرد تهيؤات ولا خيالات جواى انا لوحدى وخلاص
لا اتعامل معاه من المنطلق ده
ولو حسيت ان فى فلانه بتحبنى وده بيبان من نظراتها مش مجرد وهم ببنيه
لأ فى احداث بتثبت ده مش اعمل عبيط
لا لازم اواجه البموقف وافهمها انى مش الشخص المناسب وكده
نعمه كبيره قوى ان الواحد يفهم اللى قدامه من نظراته وحركاته
مش ممكن نضيعها كده
فى النهايه ربنا يوفقك ويرزقك اطمئنان السريره
ويهديلك نفسك ويبصرك بطريقك ويملاله كله نور
آمين
سلام
حلو التاج على فكره

ra7eel said...

منى

شكرا ليكى
فعلا الواحد لما بيراجع نفسه كل فترة بيكتشف حاجات جديده
نورتينى
-----------------------------------
عزيزتى هدى

انا ايضا افتقدتك الفتره الماضية
اعلم تلك الحاله جيدا لكن الاستسلام لها
يؤدى الى الجنون بلا شك
يارب تكونى بقيتى احسن
المعظم شايف ان التنفيذ هو اللى صعب
مش عارفه بس انا حاسه ان الخطوه الاولى والاصعب دائما هى لحظه اتخاذ القرار
نفسه اما التنفيذ فلا فلا بأس به ان كان القرار اساسا عن اقتناع تام
حقا التفكير فى من حولنا يكون عائق فى كثير من الاحيان
شكرا لكى كثير ولحضورك الرائع
خالص حبى وتقديرى
----------------------------------
احمد الصباغ

شكرا لمرورك ولمتابعتك

خالص تحياتى وتقديرى
-----------------------------------
حبيبتى يوما

حقا نندم على اشياء توهمنا وجودها لتظل فى الاخر مجرد اوهام
معكى حق فلأحسب خطواتى دائما بنفسى
دومتى لى صديقتى

ra7eel said...

كلمات

وعليكم السلام
اهلا بيكى ياميره وانتى بالصحه وسلامه يارب
انتى محقه تمام فالحب وحده لا يكفى
شكرا ليكى جدا ولا تعتذرى عن الاطالة
ربنا يخليكى
خالص تحياتى وحبى
---------------------------------
كفراوى

اهلا بيك
عارف انا كمان مش عارفه حدوده فين
انا بحب مقوله خالد دى جدا بتعبر عن احاسيس كتير جوايا
نورتنى
تحياتى
---------------------------------
سوووووووو احلى عجوز

تفتكر مش عايزه ولا مش عارفه؟
اصل مش عايزه دى معانها انى عاجبنى توهتى كده وحيرتى
تفتكر انا ادمنت توهانى?
ممكن اكون مش عارفه فعلا
شكرا ليك جدا على متابعتك
خالص تحياتى وتقديرى
----------------------------------
محمد ممدوح

وانت طيب دايما وبخير وسعاده
متشكره جدا جدا لكلامك ربنا يخليك
عارف ايه المشكله اللى بتقابلنى عشان اكون سعيده بجد
انى عايزه لما اعمل حاجه تسعدنى متجرحش حد تانى
باى شكل هى دى المشكله وده طبعا صعب جدا
نورت المدونة
خالص تحياتى وتقديرى

ra7eel said...

مصطفى السيد سمير

نورتينى
افضفض براحتى يعنى محدش يضايق
خلاص نتفق اللى يضايق يقول
تصدق يامصطفى التدوين ده جميل جدا جدا
شكرا لمتابعتك
تحياتى لك
---------------------------------
سامح

وانت طيب ياسامح
بحاول اثبت بقدرالامكان
صدقنى ياسامح تعليقاتكوا بتدينى قوة واصرار غريب
على انى احاول دايما اكون قويه واخد
قرار صح
شكرا جدا
ربنا يخليك
------------------------------
العزيز راجى

كل عام وانت بخير وسعاده
متشكره لمتابعتك ولحضورك
خالص تحياتى وتقديرى لك
--------------------------------
Sagittarus

انا ضرب شمساويه من زماااان
فعلا انا اكتر مود بعرف اكتب فى وانا مزاجى زفت
بالنسبة للعلاقات بقى
شوف المشكله مش ان الواحد يحس باللى قدامه مهو ممكن يحس بيه وبعدين يعنى
انا مش بحب العلاقات اللى مش واضحه بحس انها متعبه قوى
بخاف اجرح حد من غير مااقصد
ربنا يكرمك
ومتشكرا جدا ليك
خالص تحيااتى وتقديرى

Mays said...

اعجبتني