Saturday, December 29, 2007

رسالة اخيرة


هل تذكرني ؟....هل تذكر أيامنا الأولى معا ...عندما عرفتك صادقا نقيا شهما نبيلا
.وأنا بكل طفولتي وبرائتى احتميت بك واتخذتك صديقا رائعا...ومثلا أعلى ...وشخصا جميلا وفيا أحببت صحبته
كان بيننا شيئا لا افهمه ....حوار ونقاش ......راحة وأمان
ود وسلام......صمت واحترام ....شوق وحنين ......صراحة وغموض
جمعتنا أقدار لا يد لنا فيها
ومع انه لم يكن شئ بيننا قد أتضح ...حاولت كثيرا أن ابتعد لا اعلم لماذا ؟
ولكنك أبيت ذلك.. وحرصت دوما على اللقاء دون حوار أو كلام
ولكن بهذا الإحساس الدافئ الذي كان يجمعنا وشعرت انك تريدني بجانبك
فأبيت أن أتركك وحدك .......نتقابل فأسمعك .....وتحكى عن كل شئ
الأهل والأصدقاء والعمل والحياة ,,,,,وأنا دائما أحببت أن أسمعك
تقص على ذكرياتك وتفاصيل حياتك ,,,,,,,وعرفت يا سيدي كيف تحتويني
شئ بيننا كان مشترك
هل هي غربة كلانا عن الأهل ,,أم غربة إحساسنا الدائم هي التي جمعتنا ؟
فكلانا كان يبحث عن وطن ,,,,وكنت أنت وطني
وأنا التي لم يكن لها وطن من قبل ,,,,وكنت وطنك أو ظننت اننى كذلك
وما الوطن سوى شعور بالأمان ,,,الم تكن تشعر معي بأمانك؟
الم تقل لي يوما اننى مرآتك التي تنظر فيها فتراك
وكنت دوما ضميرك الذي يحاسبك ,,,,الم تكن تلك هي كلماتك لي ؟
وسرعان ما تحولت الصداقة لحب جارف .....دون كلام
فكانت نظرات العيون وهمسات القلوب ..ذلك الإحساس الدافئ الذي جمعنا هل كان وهما؟
أحببتك نعم وألف أحببتك وكيف لا احبك وقد كنت وطني وعنواني؟
جمعني بك إحساس رائع ....لم اشعر يوما بغربة معك
كأننى ولدت ياسيدى بين يديك ..وأحببت فيك كل شئ
وعشقت تفاصيل حياتك التي عشتها معك بكل لحظاتها
سعادتك التي كانت تجعلني أطير فرحا
وحزنك الذي كنت اعشقه والذي طالما أعطاك سحرا خاصا
وابتسامتك التي تقابلني بها .. وحنين في صوتك وشوق في عينيك .....وحنانك الذي جعلني أهيم بك شوقا
ولحظات نجاحك ........وهزيمتك .....وخوفي عليك من هذا القلق الدائم
وكيف لا يكون كل هذا ؟ونحن نقضى معا تفاصيل أيامنا من الصباح إلى المساء؟
ولكن لم يدم صفاء أيامنا طويلا .....وتبدل بنا الحال إلى غير الحال
واليوم أتساءل كثيرا هل أنت من أحببته بالأمس ؟
هل خدعتني منذ البداية؟ ولم تكن كما أحببتك يوما؟
أم أنها هزائم الحياة هي التي جعلت منك
هذا الشخص الذي لا اعرفه؟ ......هل احببتنى يوما؟
أم انك يا سيدي لم تعشق سوى ذاتك؟
فأنت لم تعشق يوما أنثى لذاتها بل كل انثى أحببتها
أحببتها من اجلك انت,,,,,, لقد جرحتني كثيرا بل كنت تذبحني مع كل قصة تبدأها
ونفترق ونعود.....نعود لنفترق من جديد
وكل مرة تعدني بأنها الأخيرة .....وكم من مرة أخيرة يا سيدى مرت علينا
وكم من وعد وعدتني إياه .........فقضينا معظم أيامنا فراق
قلت يوما لى: اننى أجرحك كثيرا
معذرة يا سيدي لم أكن املك سوى كلماتي لأجرحك بها
فكنت أنا كالطير المذبوح الذي تتناثر من حوله دمائه
وكلماتي كانت دماء جرحى منك فكنت لا املك غيرها
في لحظة غضب أو جنون منك
ونفترق ونعود ...يوما وأسبوعا أو شهرا ......وتجرحني
فنفترق ...ونعود .....لحظات نشعر فيها بالغربة هل هذا كان إحساسنا من قبل؟
وأوقات نعود ....كأننا كنا معا بالأمس يجمعنا إحساسنا القديم
ولكنني .....لم اعد اشعر بهذا الحب الجارف الذي كان
شئ بداخلي قد تغير ....اشتاق إليك .....نعم اشتاق
واحتاج إليك في لحظات ضعفي كما لم احتج إنسان من قبل
هل هذا هو إحساس الصداقة القديم؟ أم انه بقايا حب بداخلي ؟
هل هو احتياج لشخصك أنت أم هو احتياج لشخص كنت أحبه؟
لا ليس لشخصك فأنت الآن شخص لا اعرفه.. ألهذا السبب اشعر معك بالغربة الآن ؟
صفاتك وطباعك وطريقة حياتك الآن بعيدة تماما عن الحب والنقاء
أنت الآن مثلك مثل غيرك من البشر لم يعد فيك هذا الاختلا ف الذي لمسته من قبل
عندما أراك الآن اتعجب كثيرا فمن قبل كنت اعشق تلك الملامح
التي أراها اليوم غريبة عنى ...واتسائل؟؟؟ هل أحببتك يوما ؟
وهذا الصوت لماذا اشعر به منافقا كذابا؟ أين الصدق بيننا؟
والثقة التي كانت بلا حدود ؟...لماذا اشك الآن في كل كلمة تقولها؟
وفى كل نفس يخرج منك؟ ......لماذا اشعر تجاهك بأحاسيس غريبة عنى؟
لماذا؟
هل لاننى حقا لم اعد احبك
؟
نعم لم اعد احبك
------------------------------
تحديث:البوست ده مكتوب فى شهر 7 اللى فات كنت نزلته فى مدونه تانيه كنت عاملاهاعلى موقع مكتوب كان اسمها احلام عمرناهى ملهاش وجود حاليا لانى مسحتها

53 comments:

Sherif said...

ربما كنت تحبين للحب ..

هل يمكنك أن تعطيه فرصة أخرى؟

اسمعيه ولو لمرة أخيرة .. أحيانا أشعر بأنك لاتطاوعى قلبك ..فكل هذا الكلام الجميل .. يوحى بشئ ولو ملأه العتاب

تامر سليط said...

ربما نستطيع ان نتخلى عن الحبيب لكننا لا نستطيع ان نتخلى عن الحب فالحب يا سيدتى كائن مستقل بذاته يخلق فلا يملك سوى البقاء رغم اختلال التوازن

يرحل لكنه دائما يبقى معنا حاملا لحظات البقاء والاجترار

يختلف الحبيب يرحل او يبقى او يهجر لكن دائما تظل صورته التى رسمناها تحمل معها بقاليا المشعر واخلال التوازن

dr.gesho said...

حمدا لله على السلامه :) ايوه كده هنرجع للبوستات الجامده تانى اكيد الاكتئاب وصل...... بس هوا فيه حاجتين اولا ليه يا سيدى دى مش ماشيه مع كلام الحب اللى فى الاول ده و بعدين صعب ان المشاعر اللى فى اول البوست تتقلب للنقيض بالشكل ده فى اخر البوست .... ربنا مايحرمناش منك و من بوستاتك و ماتحتاريش ان شاء الله ربنا هيوفقكك و تختارى صح

DayDreaming said...

رحيل فينك من زمان

معلش انا مش في حاله تسمحلي بالتعليق على ااي نوع من انواع المشاعر
بس البوست عجبني وتعبني
بس كده برده تمسحي مدونة احلام عمرنا :) ده كفايه ذكريتها
خالص لامنيات بالتوفيق

Rehab Mostafa said...

بجد بجد بجد بجد أكثر من رائع
انتي بجد وصفتي حاله بتحصل لناس كتير
تسلم أفكارك ويسلم قلمك يارب
بس في جمله قريتها قبل كده كنت عايزه أقولها لكي

لا تندم على حب عشته .....حتى ولو صار ذكرى تؤلمك
فاذا كانت الزهور قد جفت وضاع عبيرها ولم يبقى منها غيرالأشواك
فلا تنسى أنها منحتك عطراً جميلاً أسعدك

احساس لسه حى said...

عزيزتى
نحب ونعرف من نحب نرتبط بمن نحب نرى ان من احببنا ليس من ارتبطنا بيه
انا كاتب شئ اسمه اتركيه اتمنا يعجبك


اتركيه رغم انكى تحبيه اتركيه
فليس هذا الشخص الذى كنتى تنتظريه
تذكرى فتى احلامك هل هو هذا الشخص
كان هو فتغير كل ما فيه
تذكرى كلماته التى قالها ليكى
تذكرى همساته نظراته تعلقه بيكى
جعلك تحبينه فى صوره غيره
واظهر حقيقته بعد ان ملكى
انتى الان تقدرين على السكوت
ستنتظرين احساسك ان يموت
فلم يموت احساس امراه ابدا
تموت هى واحساسها لا يموت
لا تضيعين عمرك فى الانتظار
الحياه قصيره اتخذى القرار
فاما ان تعيشيها كما تحبيناو ان تحيى فى النار
وده اللينك بتاعه
http://hosam-sunray.blogspot.com/2007/02/blog-post_23.html
تحياتى
سلام يا افندم

no chance said...

السلام عليكم
اولا الموضوع جميل طبعا كعادتك
ثانيا عاوز اقول حاجة
انا مبسوط جدا بجد
انك غيرتى شكل المدونة
ومبسوط انك بداتنى تكتبى بشكل جديد
حاسس انك بداتى تغيرى من اسلوبك القديم شوية وان نظرت الحزن والشجن بدات تقل
والتشتت برضه ان شاء الله يقل لحد مينتهى
كل سنة وانتى طيبة

خااااااااالص تحياتى

ra7eel said...

sherif

حقا قد يكون احساسى مجرد احتياج للحب نفسه
ولكن لا اعتقد ان هناك فرص اخرى متاحه
تلك الكلمات حقا كانت النهاية
شكرا لك كثيرا على مرورك
خالص تحياتى
-----------------------------
تامر سليط

حقا لا نستطيع ان نتخلى عن الحب نفسه
بس ممكن ناخد من اجازه يعنى ممكن تقول فتره نقاهة للمشاعر
صوره الحبيب نرسمها نحن فهى ملك لنا وليست ملك لشخص نظنه الحبيب فنحن من نسقط عليه تلك الصوره التى فى مخيلتنا
نورت المدونه
----------------------------
dr.gesho

الله يسلمك يااحمد
لاء الاكتئاب لسه موصلش البوست ده انا كتباه من 5 شهور
موضوع ان المشاعر تنقلب للنقيض عادى جدا لان اكيد فى اسباب حولتها لكده
شكرا لزيارتك ربنا يخليك
------------------------------
daydreaming

مرمر انا فى الدنيا لسه عايشه
مالك يابنتى هقابلك على الشات بقى؟
اه ذكريات اول مدونه بقى واحلامنا فيها وليها
ايه رائيك نعيد التجربه تانى واهو بقى عندنا خبره شويه فى عالم التدوين
معلش لو كان البوست تعبك
نورتينى يامرمر

ra7eel said...

رحاب مصطفى

شكرا جدا ليكى يارحاب ربنا يخليكى
عارفه اوقات بيكون فى ندم بس على الوقت الواحد يضيعه من عمره وعلى مشاعره الجميله
بس اكيد اى تجربه بنمر بيها لازم نتعلم منها
نورتينى يارحاب
خالص تحياتى وتقديرى
---------------------------------
احساس لسه حى

حسام فعلا كلمات جميله جدا

اكيد هجى ازورك تانى انا فعلا مقصره مع الجميع

شكرا جدا للزياره
تحياتى وتقديرى
----------------------------
no chance

وعليكم السلام
ازيك يااحمد
شكرا ليك جدا
كويس ان شكل المدونه عجبك وكمان الاسلوب
ربنا يخليك
على فكره انا كان عندى مشكله فى فتح التعليقات فى مدونتك مع كام مدونه تانيه بس الحمد لله الاموضوع اتحل اكيد هرجع تانى ارخم عليك فى مدونتك
شكرا لزيارتك

rack-yourminds said...

السلام عليكم

بوست رائع ,

كلماتك حلوه كتير ومؤلمه كتير كمان

كل سنه وانتي طيبه

rainbow said...

الصديقة العزيزة سارة

لا ينتهى الحب عزيزتى ابدا .. للاسف تلك حقيقة مرة مهما دخل حياتنا حب جديد تبقى مكان القديم ندبة او جرح غالبا اشياء نذكرها بسبب وجود ذاكرة وبسبب الاعتياد الاعتياد هذا المرض اللئيم نحن نعتاد وجود الحب نعتاد ضعفنا امام من نحب نعتاد وجوده وعدم وجوده الا ذكرى نعاتاد اشياء حتى على كراهتها تظل حبيسة وراء ضلوعنا .. ولا ننسى ابدا

كل ما يحدث هو انتقالنا الى مرحلة تلو الاخرى مصطحبين تلك الندوب معنا محاولين اختراق الحياة نحو وطن جديد .. رغم عدم تأكدنا انه يستحق تلك التسمية

كلماتك المريرة تصنع بعمقها طريقا جديدا اتمنى ان تسلكيه عزيزتى
طريق البداية البداية الجديدة

استمرى

الله معك واصدقائك معك

خالص حبى وصافى مودتى

هدى

بنوته مصرية said...

بجد بوست هايل

بس ممكن تديلو فرصة كمان يمكن ينصلح حاله

كل سنه وانتي طيبة

رودي

السيد شبل said...

يمكن دى اول مره بدخل على مدونتك ...
اولا كل سنه وانتى طيبه وبتمنى ان السنه الجايه تكون اجمل و اسعد ...
ثانيا :
انا قريت كتير ف مدونتك ...مدونة هايله وجميله اكيد بتعكس شخصيتك الرائعه
ثالثا :
عارفه احلى واهم حاجه لفتت نظرى ف البدايه لمدونتك ... الصورة الجميله للبنت اللى حاضنه دبدوبها الصغير ... صورة جميله شفتها طبعا مع تعليقاتك البسيطه العميقه ...
حلوة قوى الصورة ... بتفكرنى بكل بنت صغنونة رقيقة بتفكرنى بأختى وهيا لسه صغيرة ... بتفكرنى بالبنات اللى كانوا معايا ف ابتدائى ...
كل سنه وانتى بجد طيبه

osama said...

لا بل تحبينه هو فهذا الفيض فيض حرقة عاشق ابدعت في سكبها ...
فنحن لا نملك متى وكيف ولماذ ...؟

سرد رائع وعذب...

دمت بكل ود..
خالص تحياتي

MKSARAT SAYED SAAD said...

تداخلات المشاعر كثيرا ما تصيب اصحابها بهذة النتائج
اعتقد من يحب سيبوح بحبة ولن يعطية مسميات اخرى كتمهيدات ومقدمات للوصول الي الحب
ومن تختلط علية الامور بين المعاملة الحانية وطيرقة الحب ايضا يدفع الثمن
لكن يبقى شئ واحد ادراك كل الامور غاية لا تدرك
تحياتي

Ragi said...

الموضوع مؤثر جدا وبيعبر عن ازمة الشباب وحيرته فى العلاقات الغرامية
هذه الحيرة شيء انسانى نبيل فحتى نحن نحتار من فهم انفسنا فما بالك بفهم الاخرين
كل عام وانتى بخير

Dr. Diaa Elnaggar said...

إنها ليست تدوينة يا سارة، إنها مونو دراما بكل ابعادها من بداية، ثم تصعيد، ثم الذروة، ثم الحل ثم الخاتمة. نص رائع، استمتعت بقراءته أيما استمتاع. أعجبتني المقابلة التي يعيش عليها النص ما بين تصورات الذات وخداعها ربما، وما بين حقيقة الواقع وآلامها. اسمحي لي أن أضيف هذه الجملة في دفتر اشعاري:

هل هي غربة كلانا عن الأهل ,,أم غربة إحساسنا الدائم هي التي جمعتنا ؟
فكلانا كان يبحث عن وطن ,,,,وكنت أنت وطني
وأنا التي لم يكن لها وطن من قبل ,,,,وكنت وطنك أو ظننت اننى كذلك
وما الوطن سوى شعور بالأمان ,,,الم تكن تشعر معي بأمانك؟
الم تقل لي يوما اننى مرآتك التي تنظر فيها فتراك
وكنت دوما ضميرك الذي يحاسبك

رائعة بشكل لا يمكن وصفه.

عميق تحياتي

ضياء

زُمُرده said...

هابى نيو يير ... وحاجات حلوة وطراطير .... وجاتوه وفطير....والأهلي خطير ..... والريس لسه قدامه كتير


هآجي تاني اعلق لأن الموضوع عايز تركيز

only spot said...

تحياتى ليكى وبجد بوست رائع
كل سنه وانت طيه و2008 سعيد

youma said...

هذه هي احاسيسنا عندما يتضارب العقل مع القلب ويبدأ النزاع بين ان نرفض اقتناعنا بحبهم وبين ان نستسلم لأحاسيسنا بلا ان نحسب لها الحسابات
وعندما يتكرر هذا الصراع مرة تلو المرة تل المرة
نشعر بما تشعرين الآن بالضبط
نمل هذ الاحساس داخلنا
ويبدأ يتولد داخلنا شعور بالسذاجة

بوست رائع
بيصف حالة بنعيشها كلنا وبنعاني منها

احييك

linda said...

للأسف هكذا هم مع الحب
لا يدركونه تماما بل جلّ مايعلمونه هو متعة اللحظة سكون اللحظة وإعطاء الحمل لمن يستطيع تحمله ومن تم يرحلون بعيدا ...يرحلون دون أن يدروا أنهم طعنوا القلب الوحيد المتبقى في دنيا لا تستقبل القلوب


صديقتي وعزيزتي الغالية
لا تكثرتي له
لا تعطيه فرصة اخرى فالخائن هو الخائن
أعطي لقلبك فرصة فهناك دائما من يستطيع حبنا أكتر منه
ويستطيع مراعاتنا ولملمة جراحنا بحنان لا يعرفه أمثاله

أبدي سنتك بالصفاء ...وأتركى مامضى خلفك

اتمنى لك كل السعادة


كل عام وانت بخير

يارب يخليك ويكتبلك يلي فيه الخير

coca said...

راحيل راحيل راحيل

كل سنه وانتي طيبه وبالف خير يارب

وحشتني كتاباتك الهاديه التي تبعث في ا لنس هدوء ومتعه في القراءه

كل عام وانتي ابلف خير

تحياتي

كفراوى said...

لم يعد هناك سوى الغرباء


_كل سنة و انتى طيبة -رحيل _

محمود said...

شفاك الله من هذا الوهم الكبير ،وأدعو الله العلى القدير أن يهبك إنسان يقدر شخصك الفطرى النقى و يكون زوجا بار بزوجته و سببا لدخولك الجنة.
محمود

ra7eel said...

Rack-yourminds

وعليكم السلام ورحمه الله وبركاته

شكرا جدا جدا

كل سنه وانت طيب وبخير دايما

خالص تحياتى
------------------------------
Rainbow

عزيزتى هدى
وحشانى بجد قوى ويارب تكونى بخير
حقا ياهدى نحن نعتاد وجود الحب فى حياتنا
وليس وجود الحبيب نفسه
نعتاد الذكرى او نعتاد التذكر ونتعذب به
حقا الحب لاينتهى ولكن حبا لاشخاص ما ينتهى ويموت
مع مرور الايام
وتبقى الذكرى الحزينه لتظل دافع للنسيان اكثر من الندم على فراق شخص ما
شكرا لكى صديقتى
-----------------------------------
بنوته مصرية

اهلا رودى

كل سنه وانتى بالف خير

لا اعتقد ان هنااك مجلا لفرص اخرى
فلقد استنفذها جميعا
هستنى زيارتك تانى
تحياتى لكى
-----------------------------
السيد شبل

اولا بجد تعليقك اسعدنى جدا وزيارتك

ثانيا كل سنه وانت دايما اسعد وبخير

ثالثا شكرا جدا لكلماتك الرقيقه

رابعا بجد عجبنى احساسك بالصوره
اصل انا كمان بحسها كده وانت اول حد يحسها ويعلق عليها
نورتنى جدا
تحياتى وتقديرى

ra7eel said...

Osama

لا بل هو بقايا لاحساس جميل قد مات
فأفرغته فى كلماتى كى لايبقى بداخلى اى بقايا
افرغته لابدا صفحه جديده ليس فيها

شكرا لمرورك
خالص تحياتى وتقديرى
---------------------------------
سيد سعد صاحب احلى مكسرات

حقا تداخلات المشاعر هى التى توصلنا لتلك المرحلة من التوهان من الحيرة فى تحديد ماهيه العلاقات

شكرا لك ياصديقى ياعزيز
تحياتى وتقديرى
-----------------------------------
Ragi

حقا هى ازمه علاقات

نسعى دائما لفهم الاخرين ونحاول الوصول
الى مايفكرون فيه ولكن
مانصل ايه قد يكون فى الاخر مجرد اوهاما تخيلناه نحن

كل عام وانت بالف خير
تحياتى وتقديرى
---------------------------------
استاذى الفاضل د. ضياء النجار

بجد فعلا وحشنى جدا تحليل حضرتك لكلامى

دائما تعليقك بيكون ليه طابع خاص

شكرا جدا على تعليقك
واكيد هيكون شرف ليه ان كلامى فى شئ
ممكن تضيفه فى دفتر اشعارك

فهى ايضا من اكثر الجمل التى احسها فى النص باكمله

خالص تقديرى وتحياتى

ra7eel said...

زمرده

هابى نيو يير

يارب يكون عام جديد كله هنا عليكى يارب

هستنى تعليقك

تحياتى
------------------------------
Only spot

كل سنه وانتى سعيده وبخير

شكرا جدا ليكى

تحياتى ومودتى
-------------------------------
حبيبة قلبى يوما

حقا انها احاسيسنا عندما يتضارب العقل والقلب
ويظل الصراع قائما
الى ان نمل من الجراح والالم
يبتدى الحب فى النقصان الى ان يتلاشى وتبقى جراح
الزمن وحده كفيل بانه ينسينا اى جرح
بحبك جدا جدا يوما
حبى دائم لكى
----------------------------------
صديقتى الجميله ليندا

هكذا هم فعلا مع الحب ياصديقتى
انتى محقه لا توجد فرص اخرى
الخائن سيظل خائن
لا حل له سوى الرحيل والبعد

شكرا لكى كثيرا وكل سنه وانتى دايما بخير
دومتى صديقتى
---------------------------------
كوكا

كل سنه وانتى بخير وسعاده وهنا دايما

شكرا لمرورك
ربنا يخيليكى

تحياتى
--------------------------------
كفراوى

هل نحن الغرباء ام الاخرووون

كل سنه وانت بالف خير
تحياتى
------------------------------
محمود

اممممممممممم
رئيس جمهوريه نفسه طبعا
بقلق لما تعلق باسمك من غير النيك نيم بتاعك

شكرا جدا على دعائك
ربنا يخليك
تحياتى وتقديرى

Salwa said...

ساره
أولا
كل سنه وإنت طيبه وسعيده وبصحه أنت وكل من حولك

ثانيا
كلماتك جامد أوى يا سارة
وحلوة أوى
وكلها أحساس كده

جامده يا سارة
إنت فعلا متمكنه
ربنا يوفقك يا رب
دمتى بكل خير

Mask said...

بعدما ينتهي الحب
وتتلاقى اعيننا في عين من كنا نحب
يتعجب المرء
هل هذا من كنت احب
هل هذا من كنت لا اتخيل نفسي بعيدا عنه
لماذا الان هو عادي
بل لما الان لا استطيع تخيل حياتي معه
هل كنت منوما مغناطيسيا
ام كان وهما وافقت منه اليوم

انها رساله اخيره معبره يارحيل
دمت بكل ود

shreen said...

كل هذه المشاعراعتملت بداخلك صديقتى
الحب
فالحيره
فالشك
والتشكك

فراق
فعوده

عوده ففراق

تغير كامل من النقاء للدهاء

انت تعلمين جيدا انى ادلرك ما يعتمل بداخلك من مشاعر واضطرابات

وانت وحدك من يستطيع الاجابه عن سؤال
اذا ما زلت تحبيه ام لا؟

لكنى ادرك شيئا واحدا
ان جزء منه سيظل دائما يحيا بداخلك

مهما اهلت عليه اطنانا من التراب
سيختفى
لكنه لن يزول

Boba said...

انا عجبني البلوج بجد من غير مجاملة

فرنسا هانم said...

كل سنه وانتى طيبه يا رحيل
فينك ؟
بجد تستاهل ان تعيدى نشرها مره اخرى

klmat said...

ياااااااه ياساره
البوست ده رائع جدا ومحسوس اوى لفرط
صدقه ولكون ان الحاله دى بتتكر بس انتى
صغتيها باسلوب راااائع جدا
هذا الرجل بيلعب بالعواطف
يؤسفنى انى اقول كده بس هى دى الحقيقه
هو بيحب يعيش الحاله
وبيرضى غروره ابتعدى عنه واصمدى وعمليه الصمود دى اساسيه وحاتحبى نفسك اكتر وحايحاول تانى هو مش خسران بس بعدك عنه رغم احتياجك للحب افضل هو فهم مفاتيحك من صدقك معاه
وبيعرف امتى يضغط ابتعدى يابنتى وربنا
ينور بصيرتك يااارب
وكل سنه وانت طيبه وسعيده

Soooo said...

الله عليكي

حقيقي الله عليكي

قلتي كلام كتير بمشاعر اكتر

عجبني قوي

واليوم أتساءل كثيرا هل أنت من أحببته بالأمس ؟
هل خدعتني منذ البداية؟
ولم تكن كما أحببتك يوما؟

للأسف .. الحب في الزمن ده بقى مظلوم معانا ومظلوم مننا



سلامووووووووز

samo said...

ra7eel

مش احنا اللى بنختار الحب ؟؟

ولا اللى بنحبه ؟؟

ولا وقته ؟؟

كلنا من جوانا بنحب الحب بنحب احساس انه فى شخص مهتم بينا

شخص ممكن يضحى بكتير اوى علشان بس يرضينا

وده احساس جميل بس ممل

عارفه لما الانسان يستنى الحب كتير اوى وبعدين يزهق ويمل الفكره ككل

يمكن يكون الحب قدر انه يوقعك بس ما سيطر عليكى

يمكن تكون مجرد تجربه كنتى لازم تمرى بيها علشان تعرفى حاجات وتتعلمى مفاهيم

عمرنا ما بنتعلمها الا بالتجربه

يمكن يكون بيحبك ويمكن تكونى انتى كمان

كلماتك مهما كانت جميله ومؤثره الا انها مجرد كلمات
بس نصيحتى ... حاولى تغفرى وتسامحى

... او تنسى وتكبرى

وتعتبرى انها صفحه .. و good bye

اتمنى انى اكون قلت شئ مفيد بس بجد
اهنيكى

sagittarus said...

السلام عليكم
..ازيك رحيل ..بجد كنت كمان شويه وهتحايل عليكى تنزلى بوست انا مش عارف اودى جمايلك عليا فين ..انتى قارئه ومشجعه مستديمه ليا
بدون مقدمات انا هطرح نقد ادبى بعد اذنك..لان المقال رائعه فعلا
وبتحسر على مدونه احلام عمرنا دى جدا
بوست زى ده ومن 5 شهور..
1_براعه الاستهلال واضحه فى النص حيث بدا باستفهام غرضه التعجب واظهار الحيره (هل تذكرنى) وبعدين خدتنا البطله فى فلاش باك لورا ..بدأت تعيد الزمن الجميل اللى فيه الحبيب كان بيتميز بالنقاء والأبتسامه والصفاء والصراحه والحزن وكان بيحكيلها ذكرياتك وبيفتح قلبك وبيحس معاها بالحنان
2_جت جمله رائعه فى النص كده ..اعتراضيه بس فى الجون..شئ بيننا كان مشترك ..فيها تقديم وهى حرفيه عاليه فعلا ..وبعدين مسأله الوطن ده تشبيه رائع
3_جمله برده جمله لم يكن لها وطن غيرك..ياه نفسى واستثناء بارع ممزوج مع تشبيه يفيد أنها اول قصه حب ولذلك تعيشها بكل إخلاص وحب..
4_ فيه نقطه كده ..حوار ونقاش ود وسلام صمت واحترام..العلاقات هناك جمع بين السبب والنتيجه
او المتلازمات ..نيجى بقه ل صراحه وغموض مش عارف مش راكبه ليه ازاى صراحه يتولد عنها غموض هنا بيبقى متضادات ..يعنى قلبت موازين الازدواج ..[س معناها لوحده جميل جدا
5_استخدام التساؤلات ولغه الحوار يضفى حيويه للنص يكاد يتخيله القارئ مسرح ممثل
6_جميل قوى فكره انك عشتى كل لحظاته معاه ..انتى حبتيه فعلا ..من علامه الحب ..الصمت والاستماع والتمتع بكل ما عايشه الحبيب من تجارب مش الرغبه فى الحديث ..على عكس الصديق بحب اتكلم عن انى اسمع
7_بعدين الفلاش باك انتهى ورجعنا للزمن الحالى ..مع تبدل الحال ..ومع ذلك تظهر الحجه من الاوعى الى مازال يحبه ..ربما هى هزائم الحياه التى غيرتك
8_هننا بقه التضارب المشاعرى الررائع فى نفترق ونعود ..ثم نفترق ونعود بتاع 3 مرات كده ..جميل التكرار هنا بيوحى بمدى المعاناه من الهجر
والتسامح العالى
9_عجبنى التشبيه بتاع الطائر المذبوح ..هو تقريبا كان بيقرا مدونه احلام عمرنا وبتبثيه كل الجروح اللى هو سبب فيها ..مصحوبه بإعتذار ان كانت ضايقته
ياه على الحب والإحساس
10_صراع الكرامه والشوق يمتدان فى السطور القليله التاليه ..إلا ان تنتصر الكرامه بعد تدخل عامل انعدام الثقه ..فالشئ الذى احبته فيه لم يعد له وجود..اصبح كغيره من البشر
فقد رونقه وسحره الخاص..طحنته الحياه
11_لم اعد احبك ..كانت نتاج صراع ذهنى فظيع ..تكراراها بقه بيفيد محاوله إقناع العقل للقلب بها ..رغم فشله الشديد فى ذلك
12_فاضل حته صغيره نحويه كده..لم أحتج..يجزم بحذف العله ..لا تكتب(لم أحتاج)...
13_بجد خطوه جريئه منك انك حذفتى مدونه أحلام عمرنا بس أكيد احتفظتى بما جادت به قريحتك من ألم الحب الضائع
أتمنى تنشرى بعضا منه
14_ بجد ربنا يوفقك فى كل حياتك آمين

فى القلب said...

لاء ياجميله هومتغيرش


كان طول الوقت عايش حقيقته


بس أنتى ألى مكنتيش عايزه تشوفى


وبعدين قررتى تشوفى الحقيقه


عموماًولا يهمك كانت لحظات جربنا فيها المتعه وذودتنا خبره بالحياه واخبرها

رئيس جمهوريه نفسى said...

العزيزه رحيل
لملمى نفسك وتثرى بالنسيان وارحلى عنه فى هدوء فهو لم يعشق ولن يعشق سوى ذاته لن تجدى اى المحاولات فى اعطاء فرصه اخرى فقد استنفذ كل الفرص دون جدوى ابحثى عن ذاتك دون الحاجه اليه اخلقى وطنك فهو ان كان الوطن لكى يوما فهو مع الاسف وطن ذائف

كاميليا said...

هناك تدوينات نادرة
بعد أن نقرأها .. نشد غطاء الصمت
على العقل والقلب .. ونلمل بقايا اوتار المشاعر التى تمزقت
ونجلس فى اصغر ركن فى المكان

هذا مافعلته بى هذه التدوينة

ولكنى بعد قراءتها .. لا ادرى عدد المرات
أحييى تلك القوة التى تشع من بين سطورها
وأربت على ذلك القلب المتسامح الجميل

لكى حبى رحيل

كاميليا

summar said...

مش عارفة ياسارة
بس دايما لو بصينا من ناحيتنا بنشوف حاجات
ممكن تكون مش كاملة اوى
بس عموما كله بيفيد
والحب بيعمل اكتر من كده
ولو معملتيش ده هتكونى محبتيش صح
:)
سي يو ياقمر

ra7eel said...

اولا قبل ما ارد على التعليقات عايزه اعتذر للمعلق محمود
لاعتقادى انه هو محمود صاحب مدونه رئيس جمهوريه نفسه
اسفه لسوء التفاهم
----------------------------------
عزيزتى سلوى

وانتى بخير وسعاده دايما

شكرا جدا ياسلوى على الكلام الحلو ده
ربنا مايحرمنى منك

تحياتى وحبى
------------------------------
Mask
اهلا سامح

فعلا ياسامح بنوصل لمرحله فقط تكون للتعجب
كيف هذا........؟
وتأتى الاجابة
فى الحب لا نعرف لماذا ؟ وكيف؟
فقط نحب
لان الحب لا يحتمل تلك الاسئله فمتعته حقا فى لغزه
تحياتى
-----------------------------------
عزيزتى شرين

شكرا جدا لاحساسك بالبوست
ادرك جيدا انك تشعرين به

تحياتى وحبى لكى
----------------------------------
Boba

شكرا ياصغيرتى لمرورك

انتى مدونه عسل جدا
تحياتى لكى
--------------------------------
فرنسا هانم

وانتى بخير وسعاده

انا فى الدنيا ظروف نت على شويه ظروف تانيه

شكرا لمرورك نورتى المدونه

ra7eel said...

كلمات اميره

شكرا لوجودك وكلماتك

كلامك كله تمام
بس متقلقيش عليه تعديت المرحله دى منذ زمن
تحياتى وتقديرى
---------------------------------
سوووووووووو احلى عجوز عنده 30 سنه

فعلا ياسو الحب مظلوم معانا بس هنعمل ايه
ماحنا اللى بنعيشه مش حد تانى
شكرا ليك كتير

خالص تحياتى وتقديرى
-----------------------------------
سامو

كلامك بجد جامد قوى وحقيقى فعلا

احنا مش بنتعلم غير لما نمر بالتجربه نفسها فعلا

اكيد هنسى وهكبر زى مانت قولت
شكرا لمرورك وذاكر كويس
تحياتى لك
-----------------------------------
Sagittarus
ساااجى

وعليكم السلام ورحمه الله وبركاته

جمايل ايه بس هو بعد التعليق الجامد ده مين يكون ليه جمايل على التانى?
انا بجد لما قريت التعليق بتاعك حسيت باحساس مختلف للبوست
لفت نظرى لحاجات انا نفسى مخدتش بالى منها
وبعدين اساسا انت مدون هايل بجد ربنا يوفقك
شكرا جدا جدا على نقدك واسمحلى ارد على بعض ماقولت:
اولا اسمحلى اشكرك على التصحيح النحوى كنت حاسه ان الكلمه دى فيها حاجه غلط
بجد شكرا ليك
ثانيا
مدونه احلام عمرنا دى ليها حكايه غير ماانت متصور
دى كانت ا,g فكره لاول مدونه وكانت مع بتن عمتى
هدفها ان احنا ننشر فيها احلامنا اللى اتحققت واللى ماتحققتش
لينا ولغيرنا عشان نصبر بعض ونشجع بعض
اتنشر فيها موضوعين عن الاحلام والموضوع ده بس
وبعد كده انا سيبتها لان مكنتش حاسه بتفاعل هناك
وكنت لسه مش وصلت نت فى البيت فكان صعب اتابعها
ومكنش حد معين بيقراها اوانا كنت قاصده ان حد بعينه يقرا الكلام ده

ده فقط للتوضيح

وبجد نورتينى جدا

ra7eel said...

فى القلب
عزيزتى اوشا

جايز انتى محقه فعلا
فى لحظه مااحنا فى التجربه نفسها
الرؤيه بتختلف عن لما بتنتهى تماما

اكيد خدت خبره واتعلمت منها
شكرا لمرورك
تحياتى وتقديرى
-----------------------------
رئيس جمهورية نفسه

محمود عاجبك اللخبطه دى
ههههههههههههههه
فعلا لن تجدى اى محاولات اخرى

اعجبتنى جدا انه وطن زائف
شكرا جدا يامحمود على مرورك
تحياتى وتقديرى
--------------------------------
كامى احلى زهرة

كنت انتظر زيارتك وتعليقك
واحساسك المتميز لما اكتب

شكرا لكى كثيرا ياعزيزتى

تحياتى وحبى لكى
------------------------------
سموره

اخبارك ايه ياسكر
زعلانه جدا انك دليتى مدونتك بجد
شوفى ياسمر
اكيد معظمنا لما بيحكم على تجربه بيحكم عليها من خلال نظرته هو ليها و من خلال احساسه بيها

سعيده بزيارتك جدا ابقى طمنينى عليكى

زُمُرده said...

جااااااااااامد اوي البوست ده
الشجن والمشاعر اللي فيه قويه جدا جدا
عارفه كتييييييير اوي بنشوف الناس بقلوبنا قبل عيونا وعقولنا

كتيييييير بنحس ونترجم كل ما يراه العقل بلغه القلب

وتبدأ سلسله الحيره
صوت القلب واحساسه وصوت العقل ورؤياه
ونتوه بينهم وتفضل الحيره لحد ما يتغلب احد الطرفين برؤيته
بس الاكيد انه هيسيب أثر مهما صغر

أرض جافه عطشانه مستنيه قطره ميه
اول ما يجي الفيضان...تشرب ..ترتوي
وتنمو شجره الحب
بس لو الميه فاسده اصلا.. هتموت الشجره ان آجلا أو عاجلا

بوست عجبني اوي اوي

السـيد شبـل said...

ازيك يارحيل ...

اتمنى تكونى بخير وكل سنه وانتى طيبه


موضوع مهم للغايه ......

يكشف الستار عن المؤامره الصهيونيه على المدونات

تجدونه على
مدونة السيد شبل بلا اسم


www.bela-esm.blogspot.com

rack-yourminds said...

السلام عليكم

مفيش جديد يعني
-------

متشكر جدا علي تعليقك الجميل عندي

تحياتي وسلامي

DR.HAMAS said...

أحاسيس إخراجها رائع

انا عندى موضوع لعله يفيد جدا

تحت عنوان

همسة لأخواتنا المسلمات

http://dr-hamas.blogspot.com/2007/12/blog-post_29.html

أتمنى يفيدك


جزاكم الله خيرا

د.حمــــــاس

السـيد شبـل said...

رحيل شكرا لا هتمامك ووضعك لمدونتى فى قائمتك ...
لكن انا اتعودت على ان اللينك يكون فيه اسمى ...ممكن؟!!!

dr.Roufy said...

بجد رائع يارحيل
كلامك سرد الحكاية كلها بسلاسة ودفء
تساؤلاتك موجعة..فحين نهزم في حبنا الأصدق تهتز بداخلنا الصور وتنهار المسلمات ..يصيب الروح زلزال مدمر لا يبق ولا يذر
ومهما حدث تظل الذكرى تؤرق القلب المضطرب ابدا
تحياتي

منى said...

عزيزنى رحيل
بوست رائع يلخص فتره طويله من العمر
وتجربه قد يمر بها الكثيرون
وما دمت قد وصلت لقرار
اوافقك الراى فى عدم الرجوع
ولكن

ومن منا لا يحب الحب ارى ان تمنح العقل القياده

وليكن الاحترام مقدما علىالمشاعروعندما يحن الوقت
ويمنحك الله من يستحق
اترك لقلبك العنان
واسعد ومن تحب بمشاعرك الدفينه منذ سنوات
تحياتى ياجميل

doha said...

السلام عليكم ياسارة
كل سنة وانتى طيبة
الحقيقة مسابوليش حاجة اقلها
على العموم انتى بجد اسلوبك ممتاز اوى
وبرضه بتضامن مع كل اللى قالوليك
بلاش الرجوع
وبرافو على فكرة نقل التدوينة
خالص تحياتى

ra7eel said...

زمرده

مرسى ياجميل على رجوعك تانى
ربنا يخليكى

انتى كلامك منطقى جدا وعجبنى قوى
كله صح فعلا
وتشبيه الارض والميه جميل فعلا

نورتينى يازمرده
تحياتى ليكى
-------------------------------
السيد شبل

اهلا بيك مره تانيه وتالته
شكرا على سؤالك
زروت مدونتك ةوفعلا موضوعك هايل
وكمان غيرت اسم مدونتك عندى وخليتها باسمك
اى خدمه ياباشا
تحياتى وتقديرى
----------------------------------
Rack-yourminds

وعليكم السلام

الجديد قريب جدا ان شاء الله

وبعدين بتشكرتى على ايه بس
نزل انت موضوع كل يوم وملكش دعوه
متبقاش تغيب كده

خالص تحياتى وتقديرى

ra7eel said...

د. حماس

شكرا لزيارتك

انا فعلا روحت قريت موضوعك
مجهود جيد وحقيقى وااقعى جدا

تحياتى لك
----------------------------------
د. روفى

اهلا بيكى
ربنا يخليكى
من التعليقات اللى بقيت انتظرها دائماتعليقك فعلا

تحياتى وحبى
----------------------------------
منى

شكرا على مرورك يامنى
كلامك منطقى يامنى
نورتينى
تحياتى وتقديرى
-----------------------------
مدحت

وعليكم السلام

مش لام تقول بس بجد كفايه وجودك
ربنا يخليك
اما بالنسبه لنقل المدونه
فده كان لانى مفيش تفاعل انا حسيته فى مدونات مكتوب
ليس الا
خالص تحياتى وتقديرى
---------------------