Tuesday, February 12, 2008

أين انت؟؟؟؟


هل رأيت يوما طفلة صغيرة تائهه؟
فقدت ابويها
تقف فى منتصف الطريق
تتلفت يمينا ويسارا
تبحث عن وجها بين الوجوه تعرفه
فلا تجد سوى غرباء يجيئون و يرحلون
تقف يملأها الخوف

تنهمر دموعها
يقترب احدهم منها يسألها عن حالها؟
فتهرب كلماتها منها
فقط تجرى وتجرى

لتهرب من كل البشر
تبحث عن ملاذ كي تختبأ فيه
تبحث عن قلب ترتمي بين احضانه
تبحث عن مستقر لها
هل رأيتها من قبل؟
اننى هي تلك الطفلة بدونك
وان سواك غرباء يجيئون ويرحلون
وانك أنت ملاذي وملجأي
ووطني ومستقري
ودنيتي وحياتي
فأين انت؟؟؟

58 comments:

DayDreaming said...

تلاقيه في مشوار وجاي متقلقيش

لا بجد التشبيه اللي اخترتيه رائع جدا
وبصراحه عجبني البوست المره دي اكتر من اي مره معرفش ليه يمكن عشان قصير:)ويمكن عشان محاوله جديده ولا ايه؟؟؟

mohamed hesham said...

جيد ... استمري

dr.gesho said...

يا صباح الاكتئاب
ايوه كده دلوقتى اقدر اقول انك بداتى ترجعى لمستواكى تانى بس لسه شويه
والله موجود انا متاكد كل الموضوع انك مش عايزه او رافضه تشوفيه

مصطفى السيد سمير said...

تشبيه قاسي قوي
حاولي تكوني اهدا من كدة في تعاملك مع نفسك

summar said...

احساس وحش اوى
مش عارفة اقلك ايه
مافيش ملاذ.ولا امان
علشان مافيش بشر
معلش
:)

Rehab Mostafa said...

كلام جمييل أوي وتشبيهات حلوه أوييي بجد :) تسلم أفكارك

walaa said...

عندما نحب من القلب نجد الحبيب هو كل شىء فى الحياه
فهل هو يستحق كل هذا الحب
قبل ان نشعق بجد نجد الحبيب الذى يستاهل هذا الحب والود
دمت على خير
ولاء

L.G. said...

يمكن راح مشوار على رأي التعليق الأول الحالمة النهارية
وبعدين يمكن في علم الغيب

s@gi l'ombre said...

فى هاء ناقصه فى تائهه
وفى كلمه غلط .. المفروض تبقى فقط بدلا من فقد تجرى وتجرى

****
البوست بادئ باستفهام يفجر كل احاسيس الفضول جوا اى بناءم
رحيل بتكتب رومانسى
غريبه شويه
شويه وبنقلب بقه لرسم موقف فعلى بريشه رائعه
أجدت وأوجزتى..حلوه فعلا
وبعدين قلبه تانيه
يعنى بتدور فى ااول وبتهرب فى النص
وتتمنى فى الآخر
ختمت بامنيه رائعه أجابت كل التساؤلات اللى اتفجرت فى الموضوع
خاطره حره تركتيها تنساب بأنامل مرتعشه جعلتك تهملى فى التلوين والصياغه
فأخرجتى خبيئه نفسك ورغبتك فى نعومه ويسر
تركتى الا وعى ينطلقى فى دهاليز الرغبه
انتى بارعه فى المجال ده استمرى
اكتبى تلقائيا
بس واضح انك كنتى فى مود وحش قوى ما كتبتيها خلاكى ماتاخديش بالك من أخطاء املائيه
انتى بتهتمى بالتفاصيل قوى
ع العموم لعل المانع خير
وربنا يكتبلك الخير دايما
وربنا يوفقك يارحيل يا بنت ام رحيل

s@gi l'ombre said...

على فكره ..صعب تلاقيه قوى قوى
لأنك فريده
واللى يفهمك قليل قوى
واللى يعرف يتكيف مع ابداعك برده قليل..ابحثى ولا تتسرعى فى الاختاير
ولتخضعىه للمنطق والعقل والنظره المستقبليه لا للعواطف
تحياتى

صوت من مصر said...

انا فى مشوار وراجع بس قبل ما ارجع تحبى اجيبلك شوكلاته وانا جاى
؟
كلام جميل جدا

klmat said...

ازيك ياساره
يارب تكونى بخير
على قد جمال التعبير
على قد الشعور بالخوف والريبه
ياااااه
يارب يتم التلاقى ويطمئن
قلبك ويفرحه
مع من يستحقه
تحياتى القلبيه

Soooo said...

حلوة قوي يارحيل
بجد من احلى واهدى ما كتبتي

انا فعلا حسيت بالحاله بتاعتك قوي
حسيت بحالة حيرتك وتخبطك بطريقه حلوه قوي

وبعدين ايه ده
انتي مختفيه ليه كده يابنتي

اظهر وبان عليك الامان




سلامووووووووز

Hadota .. حـدوتة said...

جميل اوى يا رحييييل
احساسك اكتر من رائع
انا كمان زيك ونفسي فى الامان والحماية دى
بس يللا
الامل موجود
مسيره يجي
والدنيا تضحك
مين عارف

تحياتى
:)

شريف طلال said...

على فكره انا مش هقدر اتكلم كتير
انا الى اقدر اقول عليه انك أثرتى فيا جامد جداً
بجد واللهى
شكراً ليكى على الموضوع الجميل ده و ألى فوق الوصف
تحياتى

دنيتى الجميلة said...

تعبير جميل جدا لحاله طفله تايهه وتصور صعب جدا اخدنى لخوف وضمه شديده فى قلبى
واتمنيت انى اضمها لحد متلاقى مامتها
وجيتى انتى تقوليلى انك انت تلك الطفله
ربنا يجمعك بالانسان اللى يستاهل كل الاحاسيس دى
بس ميرحش فى حتا من غيرك وميبعدش عنك ابدا
ليكى منى كل الحب

قومى الى الابد said...

رائع التشبيه جدا واضح انك رومانسية اوى وفى حاجة جواكى مكسورة اوى بردو على العموم اتمنى ليكى التوفيق فى رحلة البحث عن نفسك

rack-yourminds said...

سوف تجد هذه الطفله يوما ما وطنها ومستقرها وحياتها ودنيتها عندما تصادف طفل اخر يبحث عن كل هذه المعاني الجميله

دايما كلماتك في منتهي الجمال

تسلم ايدك

coca said...

رائعه تشبيهاتك يا راحيل ووحشتني كتاباتك اسفه لعدم متابعتي في الفتره الاخيره

فكرتني بالقصيده بتاع فاروق جويده
هذه البلاد لم تعد كبلادي

ننشعر فيها كشعور طفل يحاول الوصول الي وجه يعرفه اي شي يعرفه ولكنه فقط تاه

رائعه

تحياتي

ra7eel said...

Daydreaming

مشوار فين يابنتى بس؟
ياخوفى ليكون راح يجيب بوسطه
هههههههههههههههههههههه
كويس ان البوست عجبك مش تقولى انك عايزه قصير
هاجى فى مره انزلهولك ابيض من غير كلام خالص
انتى بس تؤمرى
-----------------------------------
Mohamed hesham

شكرا لك

تحياتى
---------------------------------
Dr gesho

ياصباح الفل
هههههههههه
برده مركز معايا طيب كويس انك بتقول انى بدأت ارجع
موجود فين يابنى بس؟ تفتكر انا اللى رافضه ومش عايزه فعلا
ايه ده على اساس انى معقده مثلا ولا عايزه نضاره
هههههههههه
منورنى ديما يااحمد
-----------------------------------
مصطفى السيد سمير

مش عارفه تشبيه قاسى ده مدح ولا ذم؟

على العموم شرفتنى
تحياتى وتقديرى

ra7eel said...

Summar

فعلا ياسمر هو احساس بشع
بس اتمنى ان يكون فى بشر
اكيد فى ناس لسه كويسه
ربناي يسعدك وتلاقى حد كويس
----------------------------------
Rahab mostafa

اهلا رحوبه ازيك؟
يارب تكونى بخير
شكرا جدا ليكى
تحياتى
----------------------------------
Walaa

فعلا ياولاء المهم نلاقى حد يستاهل
والاهم ان نحس معاه بكل المشاعر الحلوه دى
شكرا ليكى
خالص تحياتى
-----------------------------
L g

انتى شايفه كده؟
يعنى انا المفروض استنى لغايه لما يخلص مشواره
المشكله بقى مشوار ايه بقى اللى بسلامته فيه وسايبنى؟
هههههههههه

نورتينى

ra7eel said...

s@gi l"ombre

يابنى ارسيلك على نيك نيم دوختنى

بالنسبه للاخطاء تم التصحيح يافندم
والله فعلا مش عارفه عدت عليه ازاى؟

رحيل بتكتب رومانسى
غريبه شويه
هههههههههه طيب بس غريبه ليه؟

تعليقك بجد متميز دائما بتحرجنى فعلا بكلامك الجامد ده
شكرا جدا
بس انا مش بحب اخضع للمنطق والعقل والنظره المستقبليه
مش عارفه ليه؟
خالص تحياتى وتقديرى لك
----------------------------------
صوت من مصر

اهلا اهلا خلاص انا مستنيه الشكولاته مش تنسى
شكرا لمرورك
--------------------------------
Klmat

عزيزتى امير
منورااانى
الحمد لله تمام تسلميلى
شكرا جدا لدعواتك الجميله دى
ربنا يخليكى
---------------------------------
Soooo

بقى انا برده اللى مختفيه ياسوووو؟
فين نورك من زمان ياراجل ياعجوووز
سعيده بجد ان البوست عجبك

منونى قوى قوى قوى
----------------------------------
حدوتة

ازيك ياسكر
شكرا جدا جدا ليكى
اه ياحدوتة غالبا مش لينا غير الامل
يارب فعلا تيجى يوم لدنيا تضحك فى
تحياتى وحبى

ra7eel said...

شريف طلال

اهلا بيك فى اول زياره
انا اللى شكرا جدا على مرورك وتعليقك
خالص تحياتى
-----------------------------------
دنيتى الجميلة

ازيك ياقمر
انت بجد رقيقه قوى وضمتك وصلت يافندم
ربنا يخيلكى ليه
ههههههههه لا مش تقلقى مين دى اللى هتخليه يروح حته من غيرى؟
ههههههههههههه
ربنا يكون فى عونه
----------------------------------
قومى الى الابد

شكرا جدا على مرورك وتعليقك وتحليلك
اتمنى تكرار الزياره
شرفتينى
----------------------------------
Rack-yourminds

اسعدتنى كلماتك جدا بجد
تعليق رائع فعلا
شكرا جدا جدا ليك
خالص تحياتى وتقديرى
----------------------------------
Coca

شكرا جدا ليكى
ولا يهمك ياقمر المهم تكونى بخير

مرسى على مرورك وتعليقك
تحياتى وحبى

linda said...

ربما هو هناك حيث ينتظر تلك الطفلة
كي تشقّ طريقها وحدها
وكي يعترف بها أمرأة ناضجة ستحافظ على قلبه من الفرار


أبدعتي بجدّ


دمتي لنا

على باب الله said...

كلمات جميلة بسيطة و تمس القلب

أتمني لك كل التوفيق

---

خالص تحياتي

أنا حر said...

بوست رائع ومميز لأن حروف كلماتك نقلت لنا ذلك الاحساس الذي يسكن داخلك
تحياتي

maii bahaa said...

ستجديه حتما...لأنه أيضا في طريق آخر يبحث عن وجهك بين الوجوه في لهفة وينتظر لحظة اللقاء
فأنت أيضا ملاذه وملجأه
ووطنه ومسستقره

ولابد أن ينتهي طريقك وطريقه في نقطة إلتقاء

وإلى ذلك الحين لا تملي البحث
تحية جامده لكلماتك
:)

rainbow said...

صديقتى الجميلة سارة

اوتدرى عزيزتى تشبيه المحب بالطفل الضائع دون من يحب اقرب للحقيقة جدا لهذا يلمس شعورنا جميعا كما لاحظت من التعليقات حتى الفكاهية منها اسلمت ضمنيا بهذه الحقيقة

تحياتى لقلمك الرقيق
وعفويتك الصادقة

هدى

MKSARAT SAYED SAAD said...

صديقتى الرقيقة رحيل
صباح الخير
حالة ما بعد فقد الحب اشبة بالرقص على حد السكين ندمن الرقص فوق هذا الحد ونحن مجبرين ولا نهتم بدمائنا وهى تسيل وكلما وجدنا قلوب اخري تسعى لراحتنا نلتصق اكثر واكثر بهذا الحد حتى يغوص فينا اكثر ولا ينفصل
شئ ليس بأيدينا فسلطان الهوي يفرض جبروته علينا لأن هذا كان لنا فية اختيار
كعادتك تكتب موهبتك قبل يداك
تحياتي
سيد سعد

لـــى لــــىِ said...

وانك أنت ملاذي وملجأي
ووطني ومستقري
ودنيتي وحياتي
فأين انت؟؟؟

إنه إلى جوارك
أقرب إليكى من حبل الوريد
حولك فى كل مكان

فقط
توجهى إليه
ونادي عليه

قولى

يارب

تمنياتى بحياه سعيد ومستقره
يااجمل بنوتة حيرانة

سلاماتى

لى لى

أحمد المصري said...

عجبتني جداا
مش عارف أقولك ايه تاني..اعتقد كل حاجة حلوة اتقالت و معدش فيه حاجة حلوة تانية اقولها..

Sherif said...

رحيل

كل عام وانت طيبة

Ahmed Al-Sabbagh said...

رائع

بجد بتوحشنى مدونتك

تعرفى انك من اوائل الناس اللى دخلو عندى المدونة

زمااااااان

ايام ما كنت بدون وانا عندى سنتين ونص

:)

تقبلى تحياتى

وكل سنة وانتى طيبة

احمد

رئيس جمهوريه نفسى said...

ولكم باك رحيل
اهو كده بوست كئيب تمام وفى الصميم حاجه تفرح

النجمة الصامدة said...

شاركني بالتصويت على فكرة كتابي الأول
www.somood.blogspot.com

منى said...

جميل يا رحيل
لعله هناك فى عالم الغيب
يقرا رسالتك
ويعلم كم انتى بحاجه اليه
ليته ياتى سريعا
محملا بالاشواق
ليسعد وتسعدى
تحياتى وامنياتى

أنا إنسان said...

دوري عليه كويس
لو مالاقيتهوش
اعمليه

Paulo Sempre said...

Nice blog
Thanks
I live in Portugal
Paulo
Kisssssssss

gannah said...

حلوة اوى اوى اوى اوى

معاذ فتحى .. فارس الأزهر said...

السلام عليكم
حياكم الله
انا مدون دقهلاوى جديد
وسعيد بهذه المدونة الرائعه
اكرمكم الرحمن
وتقبلوا مرورى

احساس لسه حى said...

عزيزتى
رغم احتياج الطفلة لابويها واحتياجك لحبيبك فالطفلة باحساسها الجميل وباحساس اى ابوين اخرين يمكن ان ترتمى فى احضانها وتنسى ابويها

وانتى اذا لم يبحث عنكى ولا يجعلك تائهه فى منتصف الطريق فاقدة لحنانه ستملين وتتعبين من هذا الحب ومشاعرك ستنتظر اللحظة والشخص الذى يملاها بكثير من الحنان

تحياتى
سلام

Abd-Alrahman & NOUR said...

كلامك جميل اوي اوي

بجد كل مرة ازور فيها المدونة دي بتكبر في نظري
يارب دايما في تالق وفي مود كويس
عبدالرحمن

اى حاجة said...

السلام عليكم

اوزيك يا رحيل قصدى يا سارة عاملة اى
وتبقى مدونتك من احب الامدونات عندى لانك الاكثر استقرارا والاكثر وضوحا

مش هقولك جسيد ولا رئع بس هقوزلك انك شخصية رائعة بجد
محترمة محترمة محترمة



تقبلى تحياتى


سلام يا باشا

إرهص براحتك يا زوق said...

حاجه ممله
كما تعودت منك دائماً
يعجز الكلام عن التعبير
رااااااااااااااااائعه ياساره
تعرفي مفروض تنزلي البوستات دي في ديوان ليكي
صدقيني
هتقعدي ناس كتير في بيوتها
إلي الأمام دائماً

فرنسا هانم said...

يا ولاد الحلال بنت تايهه طول كده
فى رجلها الشمال فيها خلخال زى ده
لا بجد
فعلا لما يكون الانسان مع اللى بيحبه بتبقى الدنيا كلها معاه
زدينا جمالا من اشعارك الجميله
خالتك فرنسا

رمـــوز الحيـــاه said...

كلمات جميله وحساسه تحمل فى حناياها مزيج من مشاعر الخوف والحيره والحزن ....

اطلقى لنفسك العنان عزيزتى ولا تدعى الاحزان تحتويكى فدعى الاحزان تبكى من جبروت ابتسامتك ...

بوركتى اخيتى ورزقك المولى ما تتمنيه

علاء سالم said...

الله عليكي يا سارة

إيه الكلام الجامد دا
بجد معاني جميله و أسلوب أجمل

dr.Roufy said...

آآآه
من التوهة..والغربة

أين..أين..أنت

كلامك رااااااائع ياسارة
عرفتي ترسمي المعني مظبوط

تحياتي

اجري على الله said...

تايهه ما بين الخلق وبقالك وزمان
والحلم رسم الصبح باجمل الاوان
والصبح لازم تسبقه الضلمه
ولو تصبري تتحقق الاحلام


تحياتي
اتمنى ان نتواصل
الشاعر بن هلال

دوحة said...

فتشى عنه جيدا ياسارة فقد تجدينه فى قلبك

مثلية فقط said...

تعبير حلو كثير
عندما نفقد
الطريق
ومن يدلنا على الطريق
تتحول الحياه إلى غابه موحشه
و كل طريق مفتوح يكون طريقا مجهولا
كل ماذكرته مشاعر طبيعية
لأن إفتقاد الأمان ضعف بحد ذاته
خصوصا إذا كان الإنسان يجرب ذلك للمرة الأولى
لكن هل تعلمين بأنه من المفروض أن يعيش كل واحد منا حياته لوحده دون أن يعتمد أو يثق بأحد بشكل مطلق
للأسف لا يمكن لشخص أن يضمن بقاء أبويه معه للأبد و لا أهله و لا أصدقاءه
الحياه متغيرات و مراحل و حياتنا بهذا الزمن بالذات تحتاج للقوة و الثقة بالنفس و محاربه الضعف بكل أنواعه

أعتقد بأن كل واحد يجب أن يكون صديق نفسه و صريحا وواقعيا ليستطيع أن يواجه الحياه
نحن ضعفاء بطبيعتنا يمكن أن نبكي لمجرد الشعور بالفرح يمكن ألا ننام من القلق يمكن أن نحبط لأن أحد الأشخاص خذلنا
نحن لا نعيش في عالم مثالي و لا مع ملائكة
خالص تحياتي
مثلية فقط

MĕŢø & ŘǿŖêĔ said...

كم اشعر بالخوف أبي ... كم اشعر بالغربة أبي ... كم احتاج للآمان أبي ... وكم أشتاق لأصرخ وأقول أبي

رقيق وأليم هو احساسك

دمت جميله

روري

horas said...

اقترب
ولكن كلمة السر
ألا تبحثي عنه
فاتبعيها
وانتظرى


مبدعة كعهدى بكى

dina said...

طب و الله فكرتيينى بمقال كدا بتاع الرافعى كان عن اطفال تايهة و كدا..سيبك انتى ..انتى اجمد و الله...الناس دى راحت عليها..دلوقتى دا زماننا تحت شعار احنا الزغاليل احنا
ههههههه
لا بجد و الله بوست جميل و اكتر حاجة عجبتنى السطر التانى دا هو دا تحديدا اللى فكرنى بالرافعى

نورسين said...

إلتقينا في الحافلة

مصادفة كانت مقاعدنا متجاورة

لا أذكر كيف بدأ بيننا الحديث

إلا أن عبارة نطقت بها لي كي أضعها حلقة في أذني كما يقولون وقد كان

تتردد عبارتها داخلي من يوم لآخر ،، لا أذكر اسمها ولا عن اي شيء آخر تحدثنا
إلا أن عبارتها تتأكد لي بمرور الايام كقاعدة بلا شواذ
كانت تقول عن قناعة " مفيش راجل مستقبل ست"

حبيبتي تذكرتها لا اعرف لما
وبرغم ذلك اقول لك حبيبتي انه سيأتي
وربما الوقت لصالحه
فلا تملي الانتظار وقسوته

كوني دوما بخير

samo said...

ra7eel

جميل اوى التشبيه
واجمل المعنى

يعنى تكون تايه عن اللى انت محتاجله
يعنى يكون معاك وفى لحظه يختفى
يعنى ايه فى ناس كتير ممكن تضمك بس انت بتبحث عن واحد بس

عارفه الموضوع ده فكرنى بسؤال دايما اسأله لنفسى

ياترى من الافضل اننا ما نلاقى اللى نحبه ويحبنا ...........ولا اننا نلاقيه ويتوه مننا ؟؟

ياترى الافضل اننا نحب وننخدع ولا اننا ما نحبش اساسا؟؟

ياترى مكتوب علينا انن نفضل كده
نخرج من حزن لحزن ومن خوف لوحده ؟؟

طولت عليكى وخرجت عن موضوع البوست
المهم
بجد موضوع جميل وخصب

واتمنالك الاستمرار
وبعتذر عن التأخر الدائم فى الرد على بوستاتك الجميله

سلام

دمعاتي said...

رقيق للغايه تشبيه احتياج الحبيبة لحبيبها
باحتياج الطفله لابيها
تشبيه ينقلنا لعلاقه هي حنان وامان في المقام الاول
حقيقي بوست قوي سلس
مليان عاطفه ورقه وبراءه

حمامة said...

للأسف نتيه كثيراً بعدهم
ولكن لماذا نجعلهم هكذا من البداية
تُرى ضعفنا وحدنا ؟

جميل