Monday, March 3, 2008

تاج تانى

فى محاولة للخروج من المود الكئيب اللى انا معياشاكوا فيه بقالى مدة قولت انزل التاج ده هو كان متمررلى من رحاب مصطفى بقاله
مده وانا رغيت كتير فيه ربنا معاكوا بجد
----------------
كنت طالب شاطر في المدرسة؟
هو انا مكنتش خايبة ابدا
انا فى ابتدائى كنت شاطره جدا واعدادى برده
فى ثانوى اتعلمت اكبر دماغى ونظام مذاكرتى كان يبدأ قبل الامتحانات بشهر
اما بقى فى الكلية فطبعا المذاكره كانت ايام الامتحانات نفسها
بس بصفة عامة كنت بحب المذاكرة ومكنتش بشيل همها
قدرات بقى هههههههههههههه
-----------------------------------
إيه كانت أحب ماده ليك في المدرسه والكليه؟
فى المدرسة اللغة العريبة و الاقتصاد فى ثانوى
فى الكليه كل مواد الادارة خصوصا التسويق وادراة الموارد البشرية
------------------------------------
أكره ماده ليك في المدرسه و الكليه؟
المواد العلمية كمياء وفزياء واحياء
الكلية الاحصاء
------------------------------
كنت عايز تطلع ايه وانت صغير ؟
ياااااااااااه حاجات كتير قوى
اول حاجه حلمتها انى اكون صحفية وبعدين مذيعة وكمان مضيفة طيران
بس انا فعلا انسب كليه لشخصيتى تجارة مكنتش انفع فى اى حاجه تانية
كان اختيار موفق جدا بالنسبالى
-----------------------------
أغرب حاجه اتمنيتها هي اني أبقى؟
اتمنيت حاجات كتير غريبة
بس ممكن يكون اغربها
انى اكتشف انى اساسا كائن فضائى جيت الارض غلط قدرى بقى هعمل ايه؟؟؟؟؟؟
-------------------------------------
اسم مدونتك؟
محاولات للبحث عنى
--------------------------
ولماذا اخترته؟
لانى فى الفتره دى كنت بجد حاسه انى تايهه قوى وانى مش لاقيانى او انى حد تانى غير اللى المفروض اكونه يعنى تقريبا اسم بيدل على حالة انا عايشاها فعلا
والغريب انى وانا بعمل المدونه مكنش فى دماغى اسم معين ووقفت عند الاسم كتير وفجأه خطر فى بالى الاسم ده
------------------------------------------
هل فكرت في اغلاق مدونتك؟ السبب؟
انا بحب مدونتى جدا بجد بحس انها مرايتى وبحب كل الناس اللى عرفتهم من خلالها وديما لما حد يقولى انه هيقفل مدونته بزعل واستغرب ازاى ممكن يتخلى عن مدونته
رغم ده جت على لحظه معينه كنت مكتئبه فيها جدا ومكنش عندى استعداد انى اكتب وحاسه انى عايزه انعزل عن العالم ففكرت اقفلها
بس مجرد لحظه وعدت
معتقدش انى ممكن اخد القرار ده فى يوم
-----------------------------
صورتك في المدونه ترمز لايه؟
الصوره لبنت صغيره حاضنه الدبدوب بتاعها قوى
مش عارفه ليه بحس ان البنت دى خايفه وانها بتحاول تحتمى فى الدبدوب بتاعها
انا بقى مدونتى الدبدوب بتاعى
-----------------------------------------
أحلى جمله قيلت لك في وصف مدونتك؟
بحب كل كلمة احسها من القلب فعلا بتفرحنى بجد
----------------------------------------
التعليقات بالنسبه لك .. أهميتها؟
التعليقات بالنسبالى تنقسم الى تصنيفات معينة
اولاها ان ممكن يكون التعليق مجاملة او اثبات حضور وده اهلا بيه وشكرا بجد انى عدى وساب تعليق
والتانى حد يكون فعلا معجب بالبوست اللى مكتوب وده بيسعدنى جدا انى بكتب حاجه تعجب الناس
والتالت والاهم واللى بيكون قليل جدا انى الاقى حد حس الكلام اللى انا كاتباه بنفس احساسى
وان يكون الكلام بجد لمس شئ جواه وده بحسه فى تعليقه
وده اكتر تعليق انا فعلا بفرح بيه
بصفة عامه انا التعليقات مهمة بالنسبالى بس مش عددها انا يهمنى رأى اصحابى القريبين منى واللى انا بكون مستنيه فعلا تعليقاتهم
التعليقات بتدينى ثقة اكتر وكمان اتعلمت منها شئ مهم ازاى اتحاور مع الاخرين بموضوعية
كمان بحب قوى اعرف الناس بتفكر ازاى وانطبعاتهم وخبراتهم كل ده بيبان فى التعليق
------------------------------------------
ما أحلى بوست كتبته ضع اللينك واذكر لماذا؟
لن ارضى بأنصاف الحلول لانه بحسنى فيه وكتبته بناء على رد فعل لموقف حسيت وانا بكتب بكل حرف وكان اسرع بوست كتبته وكمان التعديلات اللى كانت عليه بعد مخلصته كانت قليله جدا
---------------------------------------
أحلى مدونه قرأتها؟
كل مدونة حسيتنى بين سطورها او حسيت ليها صدى جويا لمس قلبى
------------------------------------
حد قل أدبه في التعليق؟ وعملت ايه؟
لاء الحمد لله مفيش ولو حصل اكيد هدليت التعليق ولو اتكرر حعمل خاصية التحكم فى التعليقات
---------------------------------------------
ايه اللي هيحصل لايميلك لما تموت؟
هيموت معايا
----------------------
اديت الباسورد بتعاك قبل كده لحد؟
قريب حصلت مشكله للاميل وقتها كان مع كل الناس اللى اعرفها هههههههههه
بس حاليا الباس الجديده مع اميره بنت عمتى بس وكل مره تنساه
------------------------------
اسمك؟
سارة بس انا بحب رحيل
--------------------------------
اسم الدلع المشهور بيه وسط اصحابك؟
بحس ان اساسا اسم ساره مش محتاج دلع بس اوقات بيقولوا ساسو بحب الاسم ده
او سوسو مبحبوش
واوقات صارصوره هههههههههه اخرتها
ماما بقى بتقولى ياسمسم بتغاظ جدا
------------------------------
مجال دراستي؟
تجارة ادارة اعمال
----------------------------------
شخصيتك نوعها ايه؟
لاء اساسا هما شخصيتين وجوا كل شخصيه تناقض الموضوع كبير مش لازم الله حليم ستار ههههههههههه
----------------------------------------
مودك ايه؟
متقلب جدا اجدا وانا بحب كده
----------------------------------
بتعمل ايه في وقت فراغك؟
بنام
----------------------------
الأكله المفضله؟
المكرونه بالشامل والبطاطس المحمرة
------------------------------------
السفر بالنسبه لك؟
ممتع جدا انا اساسا بعشق السفر
----------------------------------------
أكتر ست حاجات بكرهها؟
الروتين و التقاليد الكدب الفشل القيود الغباء
------------------------------
أكتر ست حاجات بحبها ؟
السفر النجاح الحريه الصراحة اصحابى النت
---------------------------------------
الشغل بالنسبه لك؟
لو فى مجالى يبقى حياة
لو شغلى الحالى يبقى موووت
-------------------------------
الكمبيوتر والنت بالنسبه لك؟
ادماااااااااااان
قمة المتعة
----------------------
بجد تمرر التاج لمين؟
لكل اصحابى يعنى اللى يدخل ويقرا التاج وشايف انه فعلا صديق او صديقه يجاوب عليه

24 comments:

dr.gesho said...

تاج ظريف بس التاج الاول كان اجمد
ماهى الناس كلها بتبقى شاطره فى ابتدائى
اسمها بشامل مش شامل
ايه الرخامه اللى انا فيها دى
اقولك كفايه كده المهم انى اول كومنت و خلاص
سلامممممممممممممممم

أحمد المصري said...

تصدقي فعلا البوست بتاع أنصاف الحلول ده أحلى بوست حسيت بيه أوي..و يمكن بلا مجاملة بجد واحد من أحسن البوستات اللي قريتها في حياتي كلها..تحياتي.

فرنسا هانم said...

اجابات جميله
وبالنسبه للتعليقات
من رايى الشخصى ان التعليقات مرأه المدون ينظر من خلالها عن طريقه
بس
سيبك انتى
بجد انتى كلامك كله يوصل للقلب
وكله احساس
تحياتى لكى
ها .....رحيل ولا ساره ؟؟؟

shreen said...

عارفه يا ساره
اغلب اجاباتك كانت هى اللى ممكن اقولها

ما عدا فى موضوع المواد اللى بتحبيها وبتكرهيها

وحكايه مودك وشخصيتك

لكن حتى الاكل
والمكرونه بالباشميل والبطاطس المحمره انا برده بحبهم

هاقولك حاجه
انا عارفه انى بقالى كتير ما باجيش
او بمعنى ادق ما بعلقش

انا علقتلك دلوقت على البوستين اللى فاتوا

بس ما تزعليش منى

انا بصراحه
مكبره عن اى حاجه
انا اللى رابطنى بالدنيا دلوقت

انى بانزل بوستات
وارد على التعليقات
واقفل الجهاز

واقعد يا اما انام
يا اما اقرا

انا قرفانه اصلا
انت عارفه هنا حتى الموبيل بتاعى خدوه منى

فانا مكبره خالص
وبس
انا مش هاوجعلك دماغك

ابقى طمنينى عليك

راجى said...

طبعا انا مقصر جدا فى الحضور عندك فتقبلى اعتذارى لانى باعتبرك صديقة غاليه لكن غصب عنى لان وقتى ضيق جدا
تقبلى تحياتى

منى said...

رحيل
يمكن اول مره اشوف التاج ده
عجبنى اوى وعجبتنى اكتر اجاباتك
ا رب تكونى بخير
تحياتى

د/اجدع بنوته said...

هههههههههههههه بقى كنتى بتحبى المزاكره

ماشاء الله

ومجتيش عندنا ليه

كنتى زمنك بتكرهيها عمى

كائن فضائى ازاى يعنى ههههه

يااااه لو كنا نبقى كده عايشين ف المريخ

ونيجى اصحابنا ف الارض

لووووووول خلتينى اهيس معاكى

تاج لطيف واجابات الطف

وانا طبعا بعتبر نفسى م اصدقائك

لو مكنش عندك مانع ياساره يعنى

بس التاج ده انا جاوبته قبل كده

فلو عندك تاج تانى

انا شرف ليا انى البس تاج م تحت ايد رحيل

ra7eel said...

dr .gesho
تصدق فعلا رخامه يااحمد
ههههههههههه
بس اتعودت عليها خلاص
وبعدين مش مهم اسمها ايه المهم طعمها ايه

منورنى دايما انا هعدلك كام مره كنت اول كومنت واديك جايزه
احتمال تبقى صنيه مكرونه بالبشامل
ولا بلاش اصل مين هيعملها اان اساسا مش بعرف
تحياتى لك
----------------------------------
احمد المصرى

اهلاب يك ياحمد
فعلا البوست ده انا بحس كل كلمه فيه
وكل حرف

تحياتى وتقديرى لك
--------------------------------
فرنسا هانم

منوره دايما بجد
شكرا ليكى
تسلمى يارب
خالص تحياتى وتقديرى
-------------------------------
شرين

ياااااه من زمان قوى مش شوفتك هنا بس ولا يهمك

انتى قلقتينى عليكى
حاولى تكونى بخير وياريت اشوفك قريب عايزه اكلمك
تحياتى وحبى
----------------------------------
راجى

استاذى الفاضل

ولا يهمك انا بكون مقدره جدا والله موضوع ان فى ناس بتكون مشغوله اوقات بتعدى علينا كلنا فلازم نعذر بعض
تحياتى وتقديرى
--------------------------------
منى

اخبارك ايه؟
شكرا لمرورك

طيب بما انك بقى الو مره تشوفيه جاوبى عليه هستنى اجاباتك

تحياتى وحبى
-----------------------------------
د/اجدع بنوته

نورتينى طبعا صديقه ده اكيد

اه شوفتى كنت بحب المذاكره بس عمرى ماتخيلت نفسى دكتوره ابدا ابدا

ربنا يعينك وتطلع من الطب على خير
ولسه بعقلك بجد

تحياتى وتقديرى

klmat said...

تاج جميل وباين فيه قوه شخصيتك
وعجبنى اوى تصنيفك للتعليقات
انا فعلا بفرح لما احس ان احساسى
وصل واللى بيعلق فهمنى حقيقى كل التعليقات بتسعد بس ده له طعم مميز
بدون مجامله البوست بتاع انصاف
الحلول جميل بس كل التدوينات على نفس المستوى . سامحينى فى التأخير عليكى
ربنا يسعدك يارب
خالص حبى وتقديرى

احساس لسه حى said...

عزيزتى
نسيب اول كام سؤال

ملهمش لازمه

السؤال المهم ليه اخترتى الاسم ده

واكيد كلنا فى اوقات كتيرة بنحاول نفهم نفسنا واللى جوانا نتخانق معها ونتصالح معاها وفى الاخر نعيش اللى الحياه بنفسنا

بس تفتكرى فى المدونة بتدورى على نفسك وبتخرجى اللى جواها كله بدون اى خطوط حمرا

ولا البحث عن النفس بتخرجيه كرموز وكأمثلة

اصل النفس دى جواها اوحش ما فينا واحلا ما فينا

وكلنا جوانا الوحش والحلو

الصورة حلوة واحساسك بالصورة جميل بس انا حاسس انها خايفه ليخدوا الدبدوب منها

تصنيفك للتعليقات جميل وصحيح

وبجد فى ناس تخش لاثبات حضور

وناس تانيه خشه للموافقه دايمن موافقه مفيش اعتراض

اما البوست اللى اخترتيه انا تشرفت وعلقت عليه

واختلفنا فيه للاسف

تحياااااااااااااتى

سلااااااااااااااااااام

Whispers just for a Night said...

نصرة منكم لرسول الله صلى الله عليه وسلم من فضلكم توجهوا للوصلة أدناة وضعوا البانرات في مدوناتكم فمن الدانيمارك إلى هولندا إلى الجزيرة ثم إلى أين؟؟؟؟؟؟؟؟؟
جزاكم الله عن نبيكم خيرا

http://nosra.islammemo.cc/websites.aspx

DayDreaming said...

حلو اوي موضوع كائن فضائي ده ههههههههههههههههههه
موتيني من الدحك
بجد بجد ومش مجامله استمتعت بالتاج وباجاباتك وطبعا بما اني قريبتك وصحبتك وحببتك قبلت التاج بس اول لما اعرف اضيف بوست جديد اصل عندي مشكله في المدونه

ملحوظه: انا فعلا نسيت الباس ورد اللي قولتيلي عليها :)

Sherif said...

رحيل

جميل التاج والفكرة المصاحبة ..عقبال مانشوفه فى اجملى ليلة لاجمل عروسة

رحيل من فضلك أكدى موعد يوم السبت الساعة 11 صباحا فى ساقية الصاوى

بلوجرز كتير من القاهرة ماتعرفش

ثانيا هل من الممكن دعوة اصدقاء لنا يحضروا اللقاء؟

Salwa said...

ساره
إنت إنسان جميل

عندك إعتراض ولا حاجه

وإجاباتك إجابات إنسان طيب

وطبعا هقبل التاج
بس هجاوبه بعد شويه

تحياتي عزيزتي

Rehab Mostafa said...

يااااه شكراً بجد انك افتكرتي التاج .... لن أرضى بأنصاف الحلول فعلاً بوست جميل
واجاباتك عجبتني رغم اني مستغربه أول مره أشوف حد بيحب مواد الادراه والحاجات دي .... بس أنا كمان بشكل عام بحب المذاكره
شكراً بجد على رك على التاج

مدحت محمد said...

رحيل
مبتحبيش اسم سمسم ليه ماهو جميل
ضحكتينى لما بتقولى كائن فضائى
اقلك حاجة
طول مانتى متقلبة
هتفضلى تحاولى تبحثى عنك
لحد ماتثبتى
ساعتها بسممكن توصلى
انتى واقفة فين وماشية ازاى
ورايحة لفين
تحياتى

zOzO said...

موضوعك حلو اوي
ودي تعتبر فعلا مشكله كل اللي خارجين من ثانويه عامه خصوصا الشعب كله نفسه يبقي دكتور
ههههههههههههههههههه
المهم ربنا يوفقك
واتمني نكون اصدقاء انا من المنصوره برده
تقبلي مروري
وياريت تزوريني بس انا لسه مبتداه
مواضيعي ع قدي يعني
اشوفك ع خير

ra7eel said...

كلمات
عزيزتى اميره

شكرا جدا لوجودك ولكلامك
مش مشكله على التاخير مع انى فعلا كنت مفقتقده واجودك بس انا عارفه انها بتبقى ظروف
شرفتينى بجد
تحياتى وتقديرى
----------------------------------
احساس لسه حى

اهلا حسام
انت معاك حق قى موضوع ان فى خطوط حمرا فى الكلام اكيد مش حاجه بتتقال بس على الاقل بخرج شحنه جوايا
وبالنسبه للبوست فالاختلاف فى وجهات النظر لا يفسد للود قضيه

شكرا لمرورك
----------------------------------
wishpers just for a night

شكرا جدا لمرورك
وعلى الرابط
تحياتى وتقديرى
-----------------------------------
daydreaming

اهلا ميرا
شوفتى ضحكتك ازاى اى خدمه بقى
مستنيه اشوف ردك على التاج وده طبعا اجبارى ياهانم مش بمزاجك
والله كنت واثقه انك نسيتى الباس وورد
هبقى اكتبهالك يابنتى عشان لو جرالى حاجه تورثى المدونه من بعدى
هههههههههههههههههه
---------------------------------
شريف

اهلا بيك شكرا جدا

انا اكدت على الناس اللى ارفعهم لو تعرف حد بلغه واعتقد ان مفيش مشكله من حضور اصدقاء

تحياتى وتقديرى واحترامى
----------------------------------
سلوى

كل حبى وتقديرى لكى
احرجتينى بجد ربنا يخليكى

مستنيه اجاباتك على التاج

نورتينى
-----------------------------------
رحاب مصطفى

شكرا على ايه بس كان عندى والله من ساعتها بس مكنتش لسه جاوبته انا اللى شكرا بجد اصله تاج لذيذ جدا

انا فعلا بحب مواد اداره جدا جدا

نورتينى ياقمر
-----------------------------------
مدحت محمد

اسم سمسم ده بيغظنى قوى بجد يامدحت
عندك حق انا فعلا متقلبه جدا وده ناتج لانى اساسا مش عارفه انا رايحه فين ولا بعمل ايه
دعواتك
تحياتى وتقديرى
-----------------------------------
زوزو

اهلا ياقمر واجدع سلام لبتوع المنصوره والدقهليه
طبعا هجيلك احنا بقينا اصحاب خلاص
شكرا جدا ليكى
تحياتى وتقديرى

west said...

البلوج جميل خاصه انه نفس الشكل اللى مختاره للبلوج يتاعى كمان الاسم قد يكون قريب ثالثا احنا بلديات لانى دقهلاوى انا لسه هاقرأ البوج كله بس على رواقه
عاوز استفسر عن الاجتماع دا حصل ولا لسه
وان شاء الله هيكون فى يوم تجمع فى اول شهر مارس فى القاهرة هيكون فى مجموعة من المدونين من محافظات مختلفة بجد حاسه انه هيكون يوم جميل جدا فى ناس كتير نفسى اشوفها واتعرف عليها

west said...

شكرا على الرد السريع
ثانيا انا اسف انى بتواصل معاكى عن طريق التعليقات لانى لم اجد لك ايميل فى البروفيل
هل فيه معلومات اكتر عن الاجتماع؟؟او فيه اى بلوج كاتب عنه؟؟
اسف للازعاج واكرر شكرى
هل فيه حد من المنصوره هيكون هناك؟

walaa said...

مبروك عليك التاج
حلو التاج ده بيقربنا اكتر ويعرفنا اكتر تفكيير كل واحد فينا
وتحياتى لحساسك العالى
اااه على فكره انتى بتعتبرينى من اهنوه تعليق
تحياتى ولاء

ra7eel said...

west

اهلا بيك شرفتنى بجد
شوف الاجتماع بكره ان شاء الله الساعه 11 فى ساقيه الصاوى
تقريبا مفيش معلومات تانيه تقريبا احنا هنتقابل هناك ونتعرف على بعض
على العموم سيبلى اميلك هنا
تقريبا انت فى مشكله فى تعليقى عندك ظاهر شكله غريب

تحياتى لك
-----------------------------------
ولاء

شكرا لمرورك فعلا التاج بيقربنا لبعض عشان كده اان هستنى اجاباتك على التاج ده

ولاء انتى منا لناس اللى تعليقاتها مميزه وبجد بحسك قريبه
تحياتى وحبى

Mahmoud(WHYME) said...

بوست جميل وردودك رائعة
تحياتى لقلمك المنفرد وعقلك الساحر وإسلوبك المتميز
محمود

ra7eel said...

محمود

اهلا بيك شكرا لمرورك ولتعليقك

تحياتى وتقديرى