Saturday, March 8, 2008

مفيش نصيب


اهئ اهئ اهئ اهئ عااااااااااااااااااااااااااااااااااااااا
اه من هنا لمده شهر قدام هفضل اعيط انى مروحتش لقاء المدونين بجد انا بعتذر لكل المدونين انى معرفتش اكون موجوده بجد غصب عنى يوم الجمعه بليل رجلى اتجزعت وتقريبا فيها شرخ انا لسه مش روحت للدكتور بس انا مش قادره امشى عليها المهم انى بليل فضلت اقول لنفسى ان شاء الله هصحى كويسه وهقدر امشى عليها وهسافر اصل انا بستنى اليوم ده من زمااااااااااان قوى بجد ومتخيلتش انى ممكن مكونش موجوده معاكم
كان نفسى اشوفكم جدا جدا
سبحان الله بجد انا اكدت بليل على هدى عبد القادر ونورسين وخلود صلاح انى جاية وخلاص مرتبة امورى انى هصحى اسافر لكن قدر الله وماشاء فعل
صحيت قولت اجى على نفسى واجرب امشى لكن مين ده بعيد عنكم الم صعب جدا جالى انهيار بجد
بعت رسايل بقى انى مش جايه الساعة 6 صباحا فعلا مزعجة انا عارفه بس معلش بقى سامحونى على ازعاجى على الصبح كده
كنت ناويه ان البوست ده يكون عن يوم اللقاء بس مفيش نصيب وبكرر اعتذارى للجميع واسفى انى معرفتش اجى
خالص احترامى وحبى وتقديرى لكم جميعا
شكرا جدا لكل اصدقائى اللى سألوا عليه بجد اسعدنى سؤالكم

27 comments:

حسن توفيق said...

العزيزة
رحيل
انا سعيد بزيارتى الاولى لمدونتك وان اكون اول من علق على هذا البوست
انا حسن محمد توفيق بلدياتك ومن مؤسسى اتحاد المدونيين المصريين
وادعوك للتواصل معنا وياريت تزورى مدونة الاتحاد من مدونتى وتتعرفى على ما نهدف اليه ربما ساهمتى معنا فيما نحن عازمون ..فى انتظارك ولك كل الشكر
مدونة الاتحاد
egyptadwin.maktoobblog.com

linda said...

سلامتك يارحيل ألف سلامة


ربنا معاك وحيشفيك بأذن الله

بس بيني وبينك كدا برضو احسن ههههههه عسان انا مكنتش جاية اصلا هههه

بهزر اكيد

معليش الجاي احسن


خودي بالك من نفسك

فرنسا هانم said...

الف سلامه ليكى
وبلاش عياط
خيرها فى غيرها
وبعدين انا جبت معايا علبتيه مناديا هاندى
ولما تخلصيهم قوليلى
خالتك فرنسا

فرنسا هانم said...

علبتين مناديل

تصحيح

shreen said...

سلامتك يا رحيل
سلامة رجلك

عارفه والله هاقولك حاجه يمكن غريبه شويه

يمكن تكون جت خير

الله واعلم
انا كمان ما رحتش رغم انها كانت كبرت فى دماغى

وكنت ناويه اروح

القطه خربشتنى خربوش كبير فى وشى
شكله غبى جدا

قلت مش معقول اول مره الناس تشوفنى

تلاقينى شرين واخده مطوه فى وشها
فما رحتش

انت يا ريت طمنينى على نورسين
مدونتها باحاول افتحها

بيكتب انها مش موجوده

وسلامتك كمان مره

MKSARAT SAYED SAAD said...

رحيل الف سلامة عليكي وان شاء الله تبقى كويسة بسرعة وتخفي
هو فعلا كان اليوم حلو وجميل كان ناقص وجودك بس معنا بس معلشي تتعوض المرة الجاية ان شاء والف سلامة عليكي مرة تانية
سيد سعد

zOzO said...

الف سلامه عليكي رحيل
وان شاء الله تبقي كويسه
ربنا يشفيكي
تحياتي ليكي حبي

princess dodo said...

سلامت ياجميلة
طيب طمنينى عليكى
عاملة ايه دلوقتى

يارب تكونى بخير

dr.gesho said...

سلامتك
والا يهمك ان شاء الله اللقاءات جايه كتير
على فكره دا غالبا جزع فى الاربطه
هما 3 اسابيع فى الجبس و هتبقى زى الفل
كشف ببلاش اهو اى خدمه
سلامتك مره تانيه

DayDreaming said...

سلامتك يا رحيل
عشان تبئي تسمعي الكلام بس

د/اجدع بنوته said...

الف سلامه عليكى حبيبة قلبى

وان شاء الله بسيطه

وابقى طمنينا

وملحوقه الجيات كتيير

ان شاء الله

كاميليا said...

الف سلامة عليكى ياقمراية

إن شاء الله تخفى وتروحى المرة الجاية

مع حبى

مدحت محمد said...

الف سلامة عليكى يارحيل
خيرها فى غيرها
تتعوض ان شاء الله

دمعاتي said...

سلامتك ياساره
الف سلامه عليكي
معلش الاعطال الفنيه مش بتيجي غير في الاوقات الصعبه
وان شاء الله تتعوض
مش عاوز اقولك ربنا بيعاقبك عشان كنت رايحه الاجتماع من ورايا
يله انا هخلي قلبي كبير
وهسامحك
يله قومي بالسلامه بسرعه

دنيتى الجميله said...

الف مليون سلامه
بعد الشر عليكى
والحمد لله انها جت على قد كده
بس طمنينى انتى عامله ايه دلوقتى
يااااااااااارب تكونى بخير
أسأل الله العظيم رب العرش العظيم ان يشفيكى

أحمد المصري said...

يا ستي تروحيلهم تاني في أي وقت..
المهم رجلك تهتمي بيها ..اللهم انت الشافي.

mo7amed mamdo7 said...

الف سلامة على حضرتك تخفى ان شاء الله بالسلامة والمرة الجاية تتعوض وقدر الله وماشاء فعل تحياتى ليكى

Mahmoud(WHYME) said...

الف سلامة عليكى وبالشفاء العاجل بإذن الله
أعجبتى طريقة كتابتك الجميلة
تحياتى لقلمك المنفرد وعقلك المفكر
محمود

monaliza said...

أول مرة ازورك الاقيكى تعبانة كده عموما سلامتك الف سلامة وهى اتحسبتلى زيارة مريض
قدر الله وماشاء فعل

أنا مش موافق said...

عزيزتى

الف سلامة يا افندم

وخيرها وفى غيرها وتتعوض

ومحدش عارف السعادة فى وجودك النهارده فيبن بالضبط

واللقاءات كتيرة بس المهم تخدى بالك بعد كده

انتى كده مش هتلعبى الماتش الجاى صح

تحياتى
سلام

Sherif said...

سلامتك يارحيل

المهم انت عاملة ايه .. الجايات اكتر من الرايحات .. اللى يرتب ده يرتب غيره وتكونى احسن باذن الله هو ده الاهم

كمان باقى الاصدقاء يفكروا ييجوا لانه كان لقاء جميل وغريب فى نفس الوقت

تمنياتى لك بالشفاء العاجل يارب

منى said...

رحيل
الف سلامه عليكى يا جميله
ومعلش بقى خيرها فى غيرها
عشان تحرمى تروحى من غيرنا
بس بجد سلامتك يا ساره
يا رب تكونى بخير
ابقى طمنينا عليكى

زُمُرده said...

سلاماااااااااااااات يا جميل

حصل خير وقدر الله وما شاء فعل

تتعوض المره الجايه


وحشتيني

Soooo said...

الف لا بأس عليكي
وان شاء الله تكفير ذنوب وزيادة حسنات
شدي حيلك انتي بس وكلي كويس عشان ان شاء الله المره الجايه لما المدونين هيتقابلو مش هيقعدو ويتكلمو في اي حوار وخلاص
لأ
ان شاء الله هنروح نتبرع بالدم لو حد عايز يتبرع .. وبعدين هنطلع على دار لرعاية الايتام نقعد معاهم شويه ونهزر معاهم ونلعب معاهم

وشوفي الموضوع ده
http://nouranelshamly.blogspot.com/2008/03/blog-post_10.html




سلاموووووووووووووووووووز

علاء سالم said...

السلام عليكم

ألف سلامه عليكي يا سارة
إن شاء الله متعوضه في اللقاء الجاي
وخيرها في غيرها .
وتأكدي إن دي إرادة ربنا وإنها الخير ليكي .
المهم ماتنسيش تطمنينا عليكي
خالص تحياتي

Sola said...

salamtec ya gamiela

ra7eel said...

اصدقائى
شكرا لكم جميعا
تعليقكم وسؤالكم
انا بقيت احسن الحمد لله
شكرا
لكم منى كل التقدير والحب والاحترام