Wednesday, March 12, 2008

جرح فى الروح


يتحدثون فلا اسمعهم
يذهبون ويجيئون فلا أراهم
حولى دائما ولا اشعر بهم
لم اعد اريد ان افعل شئيا
فقط اصمت ويصمتون
او ليتركونى لصمتى وحزنى
ويرحلون
مللت الكلام والافعال
مللت الضحكات المزيفة
والابتسامات الصفراء
مللتنى ومللت الحياة
فقدت تركيزى واصبح عقلى مشتتا
اسبح فى سيل من الذكريات
وشريط حياتى يمر امامى
فأرى فشلى ...
حزنى... المى
مستقبلى الذى لم اعد اراى معالمه
فقط احيا لحظاتى لاننى احياها
واقع مفروض
اصبحت لا انتظر حدوث جديد
غير موتى
وحتى الموت
وجدتنى لا استعد له
كيف سأقابلك ربى؟
ولكنى لم اعد اشعر بأنفاسى او نبضات قلبى
شئ بداخلى مفقود مكسور مهزوم
شئ بداخلى قد مات
قد يكون احساسى بالحياة
قد اكون ميتة فعلا
وتلك هى روحى هائمة
وان كانت روحى فقط
لماذا مازلت اشعر بحرقة فى القلب؟
وجرحا مازال ينزف الما وحزنا؟
---------------------
عذرا اصدقائى
عذرا لان كل محاولاتكم بائت بالفشل معى
حقا اشعر بخجلى منكم
ولكنى مللت التمثيل بأنى بخير
مللت محاولاتى لان اخرج من دائرة
احكم غلقها الزمن حولى
فاصبحت اسيرة بها
فلا مفر من قدرى
عذرا لكم وشكرا لكل محاولاتكم
ومساندتكم لى
ووقوفكم بجابنى دوما
سامحونى
فلم اعد قادرة ان ابدأ من جديد

36 comments:

arsenalwy said...

اية يابنتى دة

كلمات جميلة جدا وبائسة جدا

اتمنى من اللة ان لا تكون معبرة عنكى

شكرا

arsenalwy said...

والف سلامة عليكى

انا لسة واخد بالى

الف سلامة عليكى ياجميل

s@gi l'ombre said...

السلام عليكم
أتمنى تكونى لسه انتى
** ***
اصرخى..تألمى ..استمتعى بلحظات الحزن
لا تفقدى صوتك ..لا تخرجيه مبحوحا
مكتوما ..لا تتظاهرى بالسعاده
كونى أنتى ..لا من نريدها
لا من يريدها أصدقائك
لا من يريدها أهلك
عند الفرحه ابتسمى .اسمعى العالم أجمع دوى قهقهاتك..
عند الحزن والألم ..اصرخى
ابعثى برذاذ آلامك لتلويث الكون الذى لوثك..انتفضى ..ثورى
على كل الإبتسامات الصفراء من حولك
على كل الضحكات المفتلعه
بأعلى صوتك ..انهضى فوق جبل عالى من الخيال تصنعيه
آآآآآه
مددى يديك للسماء عاليا ً مع فتحه منفرجه تتوسطها رأسك الطاهره
اصرخى ..لا تكتمى الآلام
فتنفجر لهولها رأسك
قلبك مثقل بالهموم..لا تزيدى الضغط عليه..كونى انتى يا طفله العالم الملوث
أنت النقيه ..الطاهره
حتى وان عركتها الحياه المدنسه
انتى البريئه الساذجه
حتى وان نضحت الطبيعه عليها من لؤمها
انتى المبتسمه الضاحكه .زغير العابئه بالغد المفعم بالمشاكل والهموم
حتى وان أحكم الزمن الإسار والدائره الضيقه على فكرها وعقلها وقلبها
تمردى
اسبحى ضد التيار
واجهى
قاومى
لا تستسلمى
لا تأبهى بالأصوات من حولك
لا تحملى عبأ غيرك
فكرى فى نفسك
انقذى نفسك
غيرى حزنك وألمك
اخلقى الجو المناسب لكى وحدك
ضعى الألوان الفاتحه
اشطبى وامحى كل سئ فى الصوره
فلتتوسطى الكدر وحدك
اطمسى الأصوات واخرسيها
فلتسمعى صوت ذاتك الصادقه فقط
اهربى من وسط الحشود الغفيره
ادخلى فى حرم ديرك الواسع
ترهبنى على مبادئك الساميه
كونى انت لا غيرك
انت الملكه المتوجه
انت الطفله النقيه
انت المرأه الصادقه
أنت الحوريه الأرضيه
نحن لا نفصل فى الحب ..مقاسات
نحبك كما انتى
اصدقائك يحبونك كما انتى
كلبشى فى ملامحك ..ادخلى جوا عباءتك
ارجعى لذاتك ..شريط الذكريات
اقتحمى شاشه العرض..بدلى السئ بالحسن
المر بالحالى ..القبيح بالجمال
ضعى ألوان زاهيه
..بدلى الحزن ..فرح
الألم .. أمل
الفشل .. نجاح
اصنعى عالم خاص من الماضى
كى يتولد مثيله فى المستقبل
أنت حيه ..حيه بإحساسك الغض النقى
هاك ..اكسير الحياه تجرعيه
عودى للحياه الفانيه
تمتعى بلحظاتك فيها
تجردى من إحساس العدم
انت حيه ..روح تسكن جسد
استعبدى الجسد لخدمه الروح
حلقى بجناح الحياه..الرغبه فى العيش
الامل فى الغد المشرق الباسم
أرجوكى ..لا تفقدى مع الفشل
لذه العوده والبدا من الصفر
لا تيأسى من معاوده الكره
بعد تنظيم الصفوف
وتحصين الدفاع
تقبلى الهزيمه على انها تجربه تضاف لخبراتك
كونى ترياقا من السم
ادخريه لمحاوله قادمه
انت قادره
حتما ستعودين كما انت
لكن كل شئ بميعاد
* **** *** ****** ***
أمضاء
اخوكى اللى بيمر بنفس حالتك
ونفسه يصرخ نفس صرختك
بس عنده أمل فى بكره
وبيدعى
ويستغفر
لسه فى نفس
لسه فى أمل
لسه فى بكره
** ** ** ***
بلاش تبقى لوحدك ..ارجعى للحياه
ولا تنسى الجمال فى عين الرائى
شوفى الحياه حلوه ..وخضرا وبمبى
هتبقى كده صدقينى
ربنا يوفقك
سلام وفى رعايه الله ..
** ** **
كلمه اخيره
بدعيلك دايما..ربنا معاكى

ra7eel said...

arsenalwy

اهلا بيك
وشكرا على مرورك
على فكره انا اى كلمه بكتبها بتكون من جوايا عشان مدونتى بالنسبالى مرايتى
الله يسلمك
تحياتى وتقديرى
---------------------------------
s@gi

اخى الاصغر
لا املك عندما اقرأ كلماتك سوى تدمع عيناى

لكنى لم اعد قادرة على الاستمتاع بلحظات حزنى كما كنت من قبل
اصبحت فوق احتمالى
اصبحت حملا لااستطيع حمله
اصبحت خنجر يطعن فى القلب
والقلب اصبح خاويا الا من تلك اللحظات الحزينه
الم ووجع وحيرة وفقدان اى احساس بالامل
فقد احيا لانه لايوجد طريق اخر
فقط انتظر الموت ولا اشعر بكل ماافعله من تفاصيل يومية

وكيف لى ان ابدل شريط الذكريات؟
كيف وهى كالنقش فى الحجر
كيف وهى حقيقة مضت؟
كيف وكل ذكرى تشكلنى
تصنع اجزائى الامى تجاربى
كيف التبديل
لا مفر اخى لامفر من الذكريات

شكرا لك كثيرا
فكلماتك دوما تضعنى امام نفسى
لكنى حقا مرهقة جدا جدا
قد تكون مجرد حالة وتمر واتمنى ذلك
ولكن خوفى ان تكون اصبحت عادة وحياه جديدة اخترتها انا دون ان ادرى
ولكن ساقتنى اليها الاقدار رغما عنى
فكثيرا انا حاولت البدء من جديد ولم اخرج من هذا الجديد الا وانا اشد حزنا وجرحا وقسوة على نفسى
---------------------------
اصمد انت وكن فى حياتك اقوى
فأنت تملك مايؤهلك لذلك
اثق انك ستجتاز محنتك حتما
حاول ولا تمل المحاولة
اتمنى دوما ان تكون بخير
ربنا يوفقك ويثبتك

MKSARAT SAYED SAAD said...

هل فكرتي يوما انك لستى اول انسان يواجه الحزن وانك لستى اخر انسان سيواجه
جربي صديقتى العزيزة ان تخرجى من نفسك
طبعا ستسأليني كيف ... سأخبرك
تخيلي انك تخرجي من نفسك وتقفي خلفها
وانك بمجرد خروك تحولتي لشئ غير معروف الهوية شئ شفاف لا يرى لا يدرك واتركي نفسك فترة وارجعي اليها لكن قبل ان تمتزجي بها تأمليها ستجديها ازدادت سؤا اكثر من ما كانت علية
وهنا ستدركي ان الحزن الذي انت عليه الان يوجد اصعب منه يستحيل علاجة
اتمنى لك السعادة والخير وتذكري لا يوجد بيننا احد بلاجرح او حزن
دمتى بكل ود وسعادة

د/اجدع بنوته said...

ليه بس كده

حاولى توسعى الدايره م حولك

وان شاء الله الامور هتتظبط

ربنا يقويكى

Mahmoud(WHYME) said...

إسلوبك فالكتابة ينم عن عبقرية فذة
وإن كان تسكن حروف كلماتك كثير من اليأس وقليل من البهجة كثير من الغنى الفنى فالكتابة وعلى ما أعتقد إنعدام الأخطاء
وفى النهاية أحسست أن بكلماتك عبرت عن إناس كثيرين وقد أكون انا منهم
تحياتى لعبقريتك الرائعة وقلمك المنفرد
وأشكرك على مرورك وتعليقك الرقيق بمدونتى المتواضعة
محمود

Mahmoud(WHYME) said...
This comment has been removed by a blog administrator.
Mahmoud(WHYME) said...
This comment has been removed by a blog administrator.
ra7eel said...

مكسرات سيد سعد

شوف سيد انا مقولتش انى لوحدى اللى عندى احساس بالحزن ولا انى احساسى اصعب من غيرى
انا عارفه كويس ان كل الناس مجروحه وحزينه
انا لما كتبت الكلام ده كنت بفضفض بيه وبعبر عن احساس جوايا حاساه بس

شكرا جدا لتعليقك ولمرورك
تحياتى لك
---------------------------------
د/ اجدع بنوته

اهلا يبكى ياقمر

ان شاء الله تكون مسالة وقت

شكرا ليكى ربنا يخليكى
تحياتى وتقديرى
------------------------------
mahmoud(whyme)

شكرا لك تعليقك ومرورك

انا عارفه ان حاله الحزن دى كتير بيمروا بيها

انت من المدونين المتميزين
فى اسلوبك وعرض افكارك
تمنياتى بالتوفيق

Rehab Mostafa said...

أوقات الحزن أكتر من لحظات الفرح دايماً
بس كله بيعدي والله
ربنا يكرمك ان شاء الله :)

سوري علشان أنا بتأخر عليكي كتيير :$:$ سوري بجد

يارب تكوني بخير

فرنسا هانم said...

انشاء الله ازمه وتعدى
بس المهم
تخرجى ثابته شامخه
كما انتى
وعجبنى قوى كلامك

شئ بداخلى مفقود مكسور مهزوم
شئ بداخلى قد مات
قد يكون احساسى بالحياة
قد اكون ميتة فعلا

هزنى من جوه

dr.gesho said...

لا لا كله الا كده
الا الانتحار
كده دخلتى فى منحنى خطر
بس على فكره كل ما الاكتئاب بيكون عالى عندك كل مالبوست بيبقى شديد
تحياتى

مدحت محمد said...

جرح الروح ده بيبقى جرح صعب وعلاجه
اصعب واطول
لكن انا ارفض استسلامك ويأسك
استعينى بالله
ثم
باقرب اصدقائك وباذن الله كل شىء يتحل
تحياتى

west said...

بعيد هم الاسلوب جميل والكلمات منتقاه
كم يألمنى ان ارى ان هناك من يتألم ولم يعد يشعر باى جمال فى الحياه
معظمنا ان لم يكن كلنا قد نكون مررنا بمثل هذه الفترات وان انتهت فليش معنى ذلك انها لن تعود ولكن حتى الموت وان كنا فى مثل هذه الاوقات نعتقد انه قد يكون مريحا فليس حلا لان لكل منا ساعته فان كنا سنحيا حتى هذه الساعه فهل سنظل فى هذا الطريق المظلم؟
عندما تشعر بان الحياه بمثل هذه القسوه والظلمه فكر فى الجميل فيها ايضا ان تكون صحيح البدن نعمه ان يكون والدك ووالدتك الى جوارك الحمد لله وحتى ان فقدت احدهما مثلى الحمد لله ان لى اما رائعه لك اصدقاء يحبونك متعلم هذه ايضا نعمه مستور ماديا نعمه فيه ناس مهتمه ترد عليك لما تعرف انك زعلان وتفرح لك لما تكون فرحان زى اصحابك العسل اللى فى البلوج من غير مايستنوا منك مصلحه نعمه كبيره اوى صدقينى لو تفكرى ده هتحمدى ربنا وهتطلعى كسبانه كتير
لو الكلام دا كله مش مقنع يبقى اتبعى مبدأى فى الحياه اللى لخصته فى الكلمات دى:

كل يوم يفوت عليا يمر
أموت وأموت وأتولد تانى من جديد
كل ما طعم الحزن يبقى مر
قلبى يقوى ويبقى أجمد م الحديد
وأحس أكتروأكتر إنى حر
لما قيودى فى إديا تزيد
عايش وحيد والحزن فيا يجر
أحسن ما أعيش واهم بإنى سعيد

DayDreaming said...

ساره انا قررت بسبب بوستك ده اقفل مدونتي واعتزل عالم التدويين
ومتسأليش عن علاقة الاتنين ببعض

بس مش عارفه اغلقها ازاي

zOzO said...

اسلوبك حلو بجد حلو اوي كمان
جااااااااااااااااامد
تربيه المنصوره بقي
ههههههههههههههههههه
ايه يا بنتي الحياه خليها بمبي شويه
كله حزن والم وفراق ارحمي نفسك شويه
محدش واخد منها حاجه
بجد فكيها شويه
اتمناكل التوفيق
بالنسبه للميل مش عارفه انتي هتعرفيه ازاي
ربنا يسهل شوفي حل وابقي قوليلي عليه
اوكي تحياتي لكي حبيبتي

إبـراهيم ... معـايــا said...

طب بصي ، ... عدي يومين، ولا ثلاثـة... أكيد الموضوع هيختلف ، ولو ..شوية ...


مش بعرف أتكلم ....


عمومًا ..... أشوفك على خير

Anonymous said...

سارة
مش قادرة اقولك حاجة ،، بس عايزة اوصلك كمان ومش عارفة ،، انا عايزة اكلمك ضروري ،، حاولي تفتحي الموبايل ..صوتك وحشني

كوني بخير يا سارة .. انتي اقوى من لحظة حزن هتعدي ، هتعدي ، لو مش بمزاجك هتعدي غصب عنك .. بس انا اكيدة انها هتعدي باراددتك الكاملة .. عشان لسة اللي جاي مش عارفينه .. ويارب يكون احلى هو ده اللي ممكن نتمناه ، انه يكون احلى .. يمحي اي ذكرى
سارة
عايزة اكلمك ضروري بجد

حاولي تاني ،،
صاحبة المحاولات اللانهائية
وحشتيني بجد

MKSARAT SAYED SAAD said...

رحيل انا عارف ومقدر فضفضتك معنا ودشئ غالي جدا عندي انا شخصيا
انا قصدت انى لما اوريكي ان في ناس حزنها اكتر يمكن دة يخليكي تخرجى بسرعة من حالة الحزن صدقيني محاولة منى لخروجك بسرعة مش للتقليل خالص
دمتى بكل ود

Tamer_silit said...

انكسارات ما قبل النهوض

بحب اسميها كده كل ما بقول اللى بتقوليه ده
مش حقولك تعملى ايه او ليه او ازاى
الحزن عاتدى والانكسار عادى والتعب عادى

اللى مش عادى انه بيعدى وان كل مرلاة بنقف قدام نفسنا ونسأل ازاى عدى
وازاى بقينا اقوى
بيعدى لاننا بنخاف نموت والحزن موت واحنا ما بنرضاش نموت بالتالى بنعيش

كملامك ده اكبر دليل على انك حتعدى

قلب ينبض لله said...

تعرفي انك بكلامك دا وصفتي فترة كنت مريت بيها من عدة شهور

بنعيش ندعي اننا بخير
ونضحك ونعيش
وفي الاصل احنا ميتين

بس خليني أقولك انه لازم نتجاوز المرحله دي
مش علشان حد ولا علشان حاجه معينه
انما علشان ربنا
فلتنبض قلوبنا لله ولتكن حياتنا كلها لله

اه كنت ها انسي مدونتك رااااائعه

امين سر said...

أنت
يا سارقة ياء النداء من حروفي
لماذا أنتِ مرتبكة ؟
نعم أعنيك أنت
ادعوك للإنضمام للفكرة
فانتِ وحدك .. تلك التي لم تأت
هذا طريق لم يكن يعرفه احد
و لا يعرف احد
طريق لم تعرفه اقدام المارة
و لم تدنسه من قبل عجلات سيارة فارهة وقودها من عرقك و دمي
تعالي معنا و املئي الدنيا بالضجيج
نظرة على اسرار اون لاين لن تضيرك
و مشاركتك تأكدي انها مصدر سعادة لنا
http://asraronline.com/vb/

monaliza said...

لاتقنطوا من رحمة الله
ليه اليأس ده كله دى الدنيا مش مستاهلة

عمر المصرى said...

يا رب دايما فى أفضل حال وتمر علينا لحظات ولحظات تذكرنا بغيرنا ونتعلم منها
مدونتك جميلة وتستحق المتابعه تقبلى تحياتى

ra7eel said...

رحاب مصطفى

اكيد يارحاب ان اوقات الحزن اكتر وكل مادا بتزيد

ياريت فعلا كله يعدى
شكرا ليكو وجودك
ومش يهمك على التأخير انا عارفه ان اوقات بتكون ظروف
تحياتى
---------------------------------
فرنسا هانم

منوره يااحلى فرنسا

ربنا يخليكى ومايحرمنى من طلتك عليه
---------------------------------
Dr.gesho

الانتحاااار حرام يااحمد
مش معقول الواحد يخسر دنيته واخرته

اكتر حد بيفرح باى بوست كئيب بكتبه
اى خدمه
تحياتى
----------------------------------
مدحت محمد

اهلا بيك
ونعم بالله يامدحت
هو فعلا جرح الروح بيكون اصعب
اتمناها ايام وتنقضى
تحياتى لك
--------------------------------
West

اولا شكرا جدا لكلماتك ولتشجيعك
ثانيا مقدره كل كلامك ومقتنعه بيه بس صدقنى بتكون لحظات ضعف مميته غصب عنى
ثالثا الكلمات اللى بتلخص مبدأك فى الحياه جميله جدا

تحياتى وتقديرى

ra7eel said...

Daydreaming

مرمر خير تقفلى مدونتك ليه؟

يابنتى سيبيها اهى كلها تهيؤات ومحاولات لعل وعسى
منورانى دايما
-----------------------------------
Zozo

شكرا ليكى ياجميل على زيارتك وعلى كلامك
هحاول اخليها بمبى بس ادعيلى انتى
ربنا يكرمك يارب
-----------------------------------
ابراهيم ..... معايا

اهلا بيك

هحاول بس المشكله انها بقت حاله متأصلة
البوست ده انا كاتبتاه بقالى مده ومكنتش ناويه انزله وحاولت
اغير المود ومنفعش وحسيت تانى كل كلمه فيه
لا مفر من القدر

شكرا لمرورك
تحياتى
-----------------------------------
Anonymous

مش كتبتى اسمك؟

بس انا حساكى حد قريب منى جدا جدا
معلش الموبايل فى مشكله يومين تلاته وهشغل الخط تانى ان شاء الله
انا عارفه ان كل حاجه بتعدى بس المهم بتعدى ازاى
بتسيب جوانا اثار كتير تفضل عايشه فينا طول العمر

لسه اللى جاى مش عارفينه بس انا بقيت بخاف منه جدا ومش متشوقه ليه
ومبقتش حتى قادره اتوقعه

سافه انى قلقتك معايا وقلقت ناس كتير

تحياتى وحبى لكى
----------------------------------
مكسرات سيد سعد

اهلا بك صديقى مره اخرى

شكرا للتوضيح وللزياره مره اخرى
ومقدره فعلا قصدك وفهمته جدا
خالص تحياتى وتقديرى

ra7eel said...

تامر سليط

مرحبا بك من جديد
انكسارات ماقبل النهوض ياريتها فعلا تكون كده

كنت الاول بخرج اقوى من اى حزن
ودلوقتى بقيت بخرج اقسى على نفسى
واضعف من اى وقت

شكرا لمرورك
تحياتى وتقديرى
-----------------------------------
قلب ينبض لله

مرحبا بك
ادعوا الله ان تمر على خير
فلست سعيده بها ولا بنفسى هكذا
لكنى مللت المحاوله

شكرا لمرورك
تحياتى وتقديرى
----------------------------------
امين سر

شكرا لمروك
وتحياتى لكلماتك
وبالتأكيد سأتى ان شاء الله
نورتنى
--------------------------------
Monaliza

ونعم بالله

هى فعلا مش مستاهله

شكرا لمرورك
------------------------------
عمر المصرى

شكرا لك مرورك
نورت المدونه

خالص تحياتى وتقديرى

صوت من مصر said...

بجد جميل جدا بس خلى فى حبه تفائل ؟

goodman said...

انها الوحدة وسط الجميع
والاحباط وسط المتحمسين
لوهلة ظننت ان الحديث عنى

ra7eel said...

صوت من مصر

اهلا بيك
ان شاء الله يكون فى تفاؤل قول يارب
نورتينى
تحياتى
-----------------------------
goodman

اسعدتنى زياراتك

وفعلا زى ماتن قولت انه الوحده وسط الجميع
تحياتى وشكرا لمرورك

zOzO said...

ساره انتي حد كويس وحلو اوي
حد من اللي صعب اننا نلاقيه اليومين دول
وخليكي واثقه من حاجه زي دي
انا بجد حبيتك من غير ما اعرف عنك حاجه خالص
بس بجد خليها بمبي شويه
وانا هدعيلك
وعايزه ميلك
عايزه اقرب منك
اشوف مالك
تحياتي ليكي حبيبتي

رهف said...

عزيزتى رحيل
ارى دموعك وانتى تكتبين واحس حرقتها على خديكى
لن اقول ان لكل منا لحظات أكتئاب يشعر فيها بكل ماتقولين ولن اقول اخرجى من دائرتك كما فعل الباقون
ولكن سأقول لكى ان تبكى وتصرخى ولكن
اعلمى ان الحزن صياط يضربنا بأردتنا والحياه دوامه لنا فيها ايام ساعات
ابنى لنفسك مجدا واجعلى حزنك
ايا كان سببه دافعا للأمام
وفقكى الله عزيزتى وابدل حزنك فرحا
دومتى بكل الود

ست الحسن said...

طيب أنا هحاول معاكي

التعبير عن الذات في لحظات الضعف هو منتهى القوة


كوني نفسك مهما حدث

L.G. said...

شوفي يا بنتي
ياااه فكرتيني بالذي مضى وانقضى
المهم يا ستي الموت مش حيسمع كلامك حتعيشي غصب عنك
فطنش تعيش وتاكل قراقيش وكل ما حتكبري حتلاقي الفرح أأقل والحماسة أأقل والصحة وقوة الذاكرة
كدا يعني هو احنا مش كنا أربعة برضه :))
شوفي تعالي اسأليني حقولك حتعملي ايه بعد 3 سنين ولما تقلب معاك صفر نحن السابقون

DayDreaming said...

كان نفسي الاقي كلام اقولهولك او حتى احاول اخفف عنك شويه بس لاقيت اي كلمه هكتبها هتزود الموضوع كآبه