Saturday, March 29, 2008

جنون التناقض


لا ادري إلى أين سيقودني تناقضي؟ حتما سأفقد عقلي يوما ما
ما هذا الصراع المستمر بلا توقف؟ أتحرر أبغى ؟أم استقرار وهدوء؟
انطلاق, جنون, حياه بلا قيود, كم اعشق جنوني وانطلاقي في الحياة
كم أحب السير في الطرقات بلا هوية فقط أسير وأتأمل وجوه المارة
كل هؤلاء البشر يعيشون ولكل منهم حكاياته, أحزانه, أفراحه, دراماته الخاصة ,همومه .أفكاره و معتقداته
وكم من البشر يعيشون في هدوء تام يقضون حياتهم ببساطة متناهية جدا
فلا تأملات ولا أفكار معقدة فقط يأكلون ويشربون
ينامون ويستيقظون, يتعلمون ويعملون, يتزوجون وينجبون ويقومون بتريبة أطفالهم أو يهيئ لهم أنهم يربون فنحن شعب يفتقد ثقافة التربية الحقيقية فنحن جيل ربته الأيام والليالي علمتنا مواقفنا وتجاربنا أكثر مما تعلمنا في بيوتنا
لا ادري إن كان عيبا أم ميزة لكنني أوقات تمنيت أن أكون منذ صغرى نشأت على مبادئ وأسس فكرية وعقلية اثبت عليها وتكون منارتي في الحياة ليس فقط التربية من خلال سياسة الصواب والخطأ دون تقديم مبرر أو مرجعية لهذا الصواب أو الخطأ سوى الناس والمجتمع والعادات والتقاليد
لا ادري من أين أتاني هذا التحرر الفكري وتلك الثورة التي تجتاحني على كل ما هو تقليدي و روتيني والذى يرى المجتمع أن الخروج عنه يعد انحرافا أو جنونا أو مرضا نفسيا كما تتدعى أمي وأصدقائي وأقاربي
لا ادري لم يصرون على أنني احتاج لطبيبا نفسيا؟
حقي أن أحيا حياتي كما أريدها أنا. أن اعمل عملا يناسب شخصيتى أن استقل بذاتي وان اسكن في المكان الذي أفضله
حقي أن ارفض حياتي في مكان ما وان كانت بلدتي التي تربيت فيها ونشأت حقي أن أحاول الخروج منها حقي أن أسعى لتحقيق مستقبل أراه أنا أفضل
ولكن كيف هذا؟ وأنا فتاة فكل مشكلتي في الحياة
أنني فتاة كيف لي أن أجرؤ في التفكير هكذا؟
هي حياتي أنا. أنا أكثر معرفة بما يناسبني وما تستطيع أن تتحمله نفسي أو لا تتحمله
كم اكره تلك الصورة التقليدية التي يصرون على رؤيتي فيها
كم أحب حياتي كما أتصورها واعشق هذا الجنون وأحب تناقضاتى
اظننى أتنفس هذا التمرد الذي يسكنني عند ,إصرار, ثورة
و تمرد يراه كل من حولي جنونا قد يصل بي إلى قسوة في بعض الأحيان لكن رغما عنى
تناقض غريب لاحظه الكثيرون
فأين تكمن تلك الثورة وأنا احمل ملامح هادئة لا تنم أبدا عن تلك الشخصية المتمردة هل يكمن في صوتي القوى الذي يراه الناس أيضا إحدى تناقضاتى لأنه لا يتناسب مع تلك الملامح والطباع التي تبدو هادئة و لا توحي أبدا بأي ثورة أو تمرد
قالت لي إحداهن ذات مرة وكنت لا اعرفها فقد تعاملت معها من خلال عمل ما ولم نكن تقابلنا قالت عندما رأتني
صوتك مش لايق على شكلك خالص صوتك بيدل على شخصية قوية جدا وشكلك هادى وطيب ومش بتقولي غير حاضر وطيب ونعم
فضحكت انا فتلك الكلمات غالبا ليس لها وجود في قاموس حياتي وخاصة إذا كان أمرا يخصني أنا شخصيا
وأيضا صديقتي الجميلة التي قابلتها أخيرا قريبا قالت كلمات تحمل نفس المعنى تقريبا
وغيرهن كثيرون وكلمات تحمل نفس المعنى
وبعض الناس أراهم يوميا وأتعامل معهم لا يعلمون عنى سوى تلك الصفات الهادئة ليس خداعا منى أو زيف فأنا دائما أتعامل بطبيعتي جدا لأبعد الحدود مع كل من حولي
وأوقات اعشق هدوئي وأحب تلك السكينة التي تنتابني
وأفكر أن أحيا كما يراني البعض في تلك الحياة التقليدية
التي تعيشها صديقاتي وقريباتي استقرار زواج تقليدي برجل يرونه مناسبا ولا أراه أنا سوى كغيره من الرجال فأحيا حياتي بنفس الصورة التقليدية
لكنى سرعان ما أفيق من تخيلاتي تلك فلست أنا من تستطيع التكيف والتأقلم مع أي وضع كان
فأي رجل هذا الذي يستطيع أن يتفهم تناقضي؟
ويستوعب تلك الشخصية أو الشخصيات التي بداخلي؟
أين هذا الرجل الذي سيعشق هذا الجنون؟
ويخمد تلك الثورة أو يتعامل معها بلا خوف أو قلق؟
أين هذا الرجل الذي يستطيع أن يقهر عندي فتتحطم أمامه كل حصوني؟
أين هذا الذي سيمتص تمردي فأهدأ و اطمئن إليه فيردني إلى نفسي؟
أين هذا الرجل الذي سيسكن إليه حزني ويسكنني حزنه؟
اين هذا الرجل الذى وحده يستطيع ان يداوى كل جراح مضت ؟
ويحمل برقة قلبى بين يديه فابتسم اخيرا لأن قلبى معه
يستوعبنى يحتويني يخلقني من جديد ؟
أين هذا الذي سيجيب على كل تساؤلاتي الحائرة
ويرحمني من تفكيري الذي سيقتلني يوما؟
أين ذلك الرجل الذي يستطيع أن يرسم لي طريقا أسير فيه ويأخذ يدي برفق ونسير فيشرح لي معالم طريقنا فلا استمع إليه لأنني على ثقة تامة به أسير دون أن اسأل متشبثة بذراعه يكفيني انه يعرف الطريق فأرحل معه بلا تردد فانا على ثقة انه سيصل بي إلى منتهاه؟

كنت دائما اعلم أنى سأتعذب كثيرا بسبب تلك الأفكار وذلك الجنون الذي يغلفنى واعلم أكثر أن هذا الرجل لم يكن يوما ولن يكون أبدا
يقيني أنني لن أجده كما اتمناه وان لم أجده لن أتنازل يوما أوأرضى بحياة ليست لى لمجرد ان هذا هو المفروض ان يكون
وهنا يبقى الاختيار الأخير والبديل والوحيد الذي كنت على يقين دائم من انه سيكون سأجدنى وحدي ولن أتنظره سأسير فى طريق رسمته لنفسي رغما عن الجميع فمستقبلى كما رسمته أنا هو بديلي الوحيد ونجاحي في حياتي العملية هو حلى أيضا الوحيد
--------------------------------------------------------
تحديث
بعد استقرار دام لاكثر من سته اشهر نت فى البيت فصلت النت عن البيت عوده الى السيبر مره اخرى معلش بقى هتأخر شويه عليكوا فى الرد على التعليقات وفى متابعة مدوانتكم بجد هتوحشونى جدا جدا بجد هحاول اتابع على قد مااقدر

52 comments:

s@gi said...

إحساسى مش بيخيب أبدا ً ..الحمد لله
بدأت أؤمن بالتخاطر التليباثى بين الأرواح المتلامسه فى الفضاء السرمدى
سأقرأ وأحلل
غالبا سيتطلب ذلك بعض الوقت
وسأعود للرد
شكلها كده وجبه دسمه يا رحيل
متسبكه من جوا اللعبكه الضلمه اللى عندك..بحب قرايتها ..بس بتقلقنى عليكى اكتر ..مش هطول ..بس ليا عوده
وحظك حلو انا ف المود ومش هرحم
نياههه
سلامى ودعواتى كتير

s@gi said...

عذرا ً سألعب -أنا- دور الغواص الماهر المنقب عن الدرر ف قاع البحار

لا .. لا بل أنا الحائك لنسيج الإبداع البراق من وسط أقمشه -فضلات الحرير - لتضفيرها فى ثوب قشيب فاتن

أرانى فى ثوب الساحر بردائه الأسمر ذو البطانه الحمراء ..ليخرج من منديله الكستنائى حمامه محلقه..بيضاء

عجبت لكى يا فتاه العشرينات
كيف تجمعين كل تلك البحور والعوالم فى كيانك الهش..كيف بك وأنتى مهبط لتداعيات حضارات سابقه
وجدت من روحك النقيه مرتعا ُ لهيا لعمليه
غسيل الأرواح
أقف مشدوها ً..انحن من نختار أقدارنا
نسير ونسير وفق خطه مرسومه
أم اننا من نمتلك ذلك القلم -بلاممحاه- لنسطر بها أحداث حياتنا

لوعرفتم القدر ..لإخترتم الواقع

لكن هى طبيعتنا ..التمرد
لا احد يرضى بحاله ..سعى دؤوب نحو أحراز المزيد.الشراهه .. الطمع .. التطلع لحياه أفضل .. العزوف عن القناعه..التناقض الداخلى

كأنى بك فى نصك الخلاب ...تتنقلين كما فراشه ضاله تبغى امتصاص رحيق كل الأزهار فى ربوع البستان

ولكن مهلا ً ..لن يطيب طعم العسل من خلاياكى ..فهو ممزوج ..متناقض
أبعد ما يكون عن الصفاء
فلا تتعجبى إن قل روادك
لا تيأسى من عزورف المتذوقين عن إنتاجك
فحتما ً لهو من كيال ..له من متذوق
له من مقدر..له من غواص

هو ايه اللى انى بنقوله ده
ماعلينا
نعود بعد الفاصل للنقد الكلاسكيى

la3lahakhier said...

البوست عايزة وقت كبير اوى للقراءة ثم القراءة التانية ثم التحليل
الخلاصة دا كلام كبيييييييييير
المرة الجاية اكون فاضية واتصفح براحتى
كل التحية اختى الكريمة

s@gi said...

بحث ..كما عودتينا عن ذاتك الهاربه
الشارده
النازحه لأطر الخيال
الحائده عن الطريق المرسوم التقليدى
الحائره ..المحيره
***
1 - تاره تصفين التناقض بالجنون
هو نص عنوانك الصارخ
تاره أخرى تعشقين هذا الجنون
هو فى نظرك قمه العقل والثبات
***
فى إرسالك السابق فى التعليقات
دعيتى ىلى بالثبات
تفوهتى بكلمه أثارت حنقى وجم سخطى
(مش مهم تثبت على ايه
المهم تختار طريق وتثبت عليه )
لعل التعبير خانك ..حتما ً..فالإستقرار هو نتيجه ليس هدف
الهدف والغايه التى أفنى لأجلها الكثير..أرواحهم
هى البحث عن الحقيقه
عن النفس
فكما يقول علماء الصوفيه
من عرف نفسه فقد عرف ربه
بحث عن الروح الساكنه
عن الله المسير لها
الخالق لها
كيفيه تناغم الروح ع بارئها
كيفيه المحافظه عليها نقيه كما حبه المطر النورانيه
**
2_
بر الأمان والصواب أحرى من الثبات والإستقرار فالأخير ناتج للاول
****
حياه بلا قيود ..سير بلا هدف وجهه
تامل لوجوه البشر..مقارنه المفكر بالجاهل..تلك مفردات ليست بالغريبه على..لن أنصحك بالتخلى عنها
فهى الكود المميز لكى وسط آلاف الأرواح الضاله ..هى نورس..هى بيرق حمايه لكى
لكن حذار فهى سلاح ذو حدين
كثره الضغط العصبى ..التفكير الزائد
كل هذا يقتل بداخلك الصفاء ..الرغبه فى الاستجمام
قاموسك مع الزمن سيفقد مصطلحات لازمه للحياه ..كالسعاده والامل ..الراحه .. الهدوء ..اللعب

3_
يا أيتها المدرسه التربويه .. بعدما دارت عجل الأزمان بك.. تمردتى على مبادئ تربيتك
وحق لكى ذلك
غلط وعيب وحرام
بلا ايه توضيح .. ولا ثمه سبب منطقى
تهميش للعقل .. تضخيم للإنتقام اللأأهى وغضب الرب..بلا أى إحترم لعقل الإنسان الذى بطبيعه الحال سيهتدى لخالقه ويلتزم الصواب
لكن بعدما يفقد النظام مصداقيته
لإخفاءه الحقائق
لكن لسنا بقضاه ولا بأيدينا سيوف كى نقتص منهم
هم ضحيه مثلنا .ضحيه توارث أجيال وفقه تعامل خاطئ..علينا ان نرثى لحالهم ونحمد الله على نعمه العقل وان الليالى علمتنا قبل ان تضحك علينا
أبكتنا..فهنيئا لكى يا روح معذبه

4_
أراكى طفله تود العوده للنمطيه .. تصدق الخرافات عن الجنيه وعن عروس البحر ..وعن وعن
تبحثين عن نقطه اندلا الثوره
حتى يتسنى لك بسفينه الزمن ان تعودى لتصيح الأخطاء ولتنعمى بالسير مع التيار..توأدى المعرفه "سبب الشقاء

5_
وصمه المرض النفسى ..لم ينجو منها احد
ليس عندى بالطبع ايه موانع فى أن أزور طبيب نفسى
ولكن كيف بى وانا طبيب نفسى وهو أيضا مريض نفسى..احس انها دعابه سمجه وجب علينا ترديدها طاعه لألى الامر
والاحدث .عليك عفريت ..انت ممسوس يا ضنايا..وعلى إيضا الطاعه والذهبا لتقضيه سيناريو كوميدى مع الشيخ المبروك..وقد كان
معادله لا حل لها

6_
تريدين غثبات حياتك ..السفر للقاهره ..تحقيق أحلامك..تظنين انها هينه تخلعين على كونك فتاه ..بكل غضبك وثورتك ..وفشلك فى تحقيق حلمك ..لكونك فتاه منعوكى السفر..منعوكى ..أرغموكى ..لهذا لجات إلى نزار كبلسم لتضميد جروحك
أراك انتى القاتله ..انتى المسببه للجورح بآمالك ورفضك للتكيف مع الواقع المفروض عليكى ..رغبه للتمرد دونما محايله ونتيجه سلميه مهادنه
***
المجهول لا نعرفه .. لابد من الإستعانه بالخبرات ..أبائنا على الرغم من الفجوه العمريه والفكريه بيننا إلا انهم يعلمون أكثر منا فى أمور الحيه والمستقبل ..لابد من الطاعه
إذا استطعتى ان تقنعى وتلك هى الحكه .. المحايله ..الدمعات البنوتيه على حجر بابا
أكيد هتبقى افضل
تكيفى مع الواقع ..كونى اكثر مرونه
يا رحيل
***

7_
أتنفس هذا التمرد الذى يسكننى
ألست قائلا ًقبلا ً ..انتى تتمتعين بالسيناريو القاتل
لكن تنقصك خبره الحبكه السينمائيه
تدرين شيئا ً عن حافر قبره بيده
لو استمريرتى على عصيانك وشطوطك عن المجتمع..الجنون والهذيان هو نتيجه منطقيه..انغمسى فى نسيج المجتمع
اقضى على فرضيه انكى غير طبيعيه
سوبر ومن ..متعدد الشخصيات
متناقضه ..انا مجرد فتاه عاديه
طبيعيه .. اسعى للعيش فى سلام
انظرى ماذا يفعلون .. التقليد والمحاكاه هم طريقك للنجاه
القارب بين يديكى لا تعومى ضد التيار متشبثه بخشبه مهترأه ..مسيرها السقوط
تخلى عن احد الأفكار حتى يتسنى لك الإستمرار فى الحياهإلا إذا كنتى زهدتيها ..ترغبين ف الموت ..فتلك قضيه أخرى..لكى الله على نفسك معينا

8_
إليك هذا التتابع
عند وثوره - هذيان وهلوسات - جنون - قسوه وغربه - فصام - موت بطئ

9_
مكمن الثوره ليس صوتك القوى
لكنه عقلك الثائر ..الذى يضخ أفكارا دائما
أصبح يقشع المآسى .. المصائب .. الحياه .. التفكير ..يصيبه الملل إذا تم ركنه ولو قليلا
التغير فى برمجته هو الحل والترياق
أسمعتى القول الرائج
عنده كهربا زايده ف المخ
أظنه هكذا
لا مانع من زياره طبيب عصبى
وليس نفسى
أظنك تمتعين بسيال عصبى زائد من
dopamine
ع العموم ربنا معاكى
بس صوتك ماكانشى قوى قوى يعنى
مش هتلر يعنى ولا حاجه
الشخصيه المتناقضه
الملامح الهادئه
التلقائه البسيطه
سياسه الأ السائده
هذا أنا لا انتى
**

10-
هنا رحيل ثانيه
بعد الصوره بجد حصل تحول
تحور
انسلاخ
ظهرت شخصيه أخرى على السطح
ما لبثت ان عاجلتها التمرديه بلطمه أسقطتها غريقه
أشق هدوئى
زواج تقليدى ..
هوب
قلبه أكروبات ف الهوا
عجز عن التأقلم
ربنا معاكى بجد

11_
مواصفات فتى الأحلام تقصها لنا رحيل الرومانسيه..إليك الآتى
حنون.. عبقرى ..متناقض ..مجنون..هادئ ..حيكم ..قوى ..طفل..مائى ..سكنى لها .. محتضن .. طبيب .. جراح .. مستمع .. عالم ..مخطط .. رقيق .. وائق
***
مش انا اللى قلت ده انتى
تفتكترى فى حد ف العالم بالمواضفات دى
أقلك انا فى
بس بلاش تستعجلى
زى ما قلتى تأقلمى وعيشى من غيره ومن غير انتظار ليه يهبط بمركب ملائكى ويجى يخطفك وتطيروا سوا
ولا اول ما تشوفى قمر بازغ تقولى هذا ملاكى
أكيد هتخسرى كتير
لو جه تاكدى انو هيطرق كل باب ويكسر حصونك وتلاقيه بقى بين ايديكى وانتى بين ايديه وربنا كتبلكوا الخير ف الدنيا والآخره
بس انا ف المواضفات
ونجمتى الكهربيه فيها نفس المواصفات
وانتى فيكى نفس المواصفات
يبقى اكيد فى نجم كهربى ليه مواصفات
دورى عليه فى مجره مجاوره
ممكن تلاقيه وممكن يلاقيكى
والاكيد انكوزا هتلاقوا بعض
وساعاتها ابقى اعزمينى ع الفرح

12-
عذاب النعمه النقمه
.. انتى بتجورى فى الرحى دى دوقتى

13_
خيال بلاش تحجميه بالعقل
من حقه انك تحافظى عليها فى مساحات واسعه وعليها سياج من العاطفه بعيد عن تحكمات العقل الغبيه
لا تنازلات
دى مشكله فيكى ..خليكى مرنه شويه
مالا يردك كله لا يترك جله

14-
وحده بلا انتظار
شخصيه عاقله تطغى على العاطفه
بديل عملى للإحساس بالنجاح وتعويض
النقص والفراغ العاطفى
لإشباع الرغبات الحسيه
*****
مش أى حد يكتب اللى بتكتبيه ده يا رحيل..مش عارف أفرحلك ولا أقلق عليكى
بس الأكيد انى بدعيلك
ربنا يوفقك
يا اختى الكبيره قوى

s@gi said...

خلاصه الرغى اللى فوق ده
موعد بين ورده ومقصله
بقلم رحيل
******* ******
دايما بلاقينى هنا بين سطورك
سلامى ودعواتى
ودايما موفره عليا تعب الكتابه والصراخ

منى said...

بصراحه s@gi
مسبش حاجه مقلهاش
واتفق معه فى معظم النقاط
اتمنى ان ارى رحيل الحقيقيه فى البوست القادم
تحياتى

linda said...

لست أرى تناقضاً بل شخصية لأنسانة مميزة جدا ربما قد عاشت في ظروف عادية كمعظمنا لكنني اراها مميزة حقا

لم تسئليني يوما عن رأي بعد أول محادثة لنا أو بعد رؤيتي لصورك

وماذاك الا لأن الذهول قد أنتابني ولم أقف سوى حائرة مع هكذا شعور

تطلب مني الكثير فقد تحادثنا عنك مطولاُ
ففي الصورة هدوء فعلا ولكنها تخفي أشياءاُ كثيرة منها القوة
بينما كان في صوتك نعومة وحس رائع بالصفاء
لم أصفه بتناقض بس بالتميز فهكذا أنسانة لا تحتاج لتفسير فهي واضحة ونقية لكنها تحتاج لبشر مثلها لا هؤلاء الذين يتخبطون بين الفهم وعدم الإدراك

أما هذا الرجل فسيأتي صدقيني
فالصورة غاية بالجمال
والروح تكملها حقاً




لا تيأسي صديقتي وكوني واثقي بأن لك مالا يملك أحد هذه الأيام

أما عن حالة التى تمرين فيها فهي مرحلة وحتعدي


بحبك يأغلى صديقة

ra7eel said...

s@gi

كتبت البوست ده ومستنيه تعليقك خصيصا وكنت حاسه بضمون اللى هتقوله من قبل ماتكتبه
وكعهدى بك نقد قد يبدو لاذع فأتقبله بصدر رحب وان اختلفت معه
ولكن يقينى انك قد تشعر بما يجول فى نفسى الحائرة لانى اعرف انك انت ايضا
تصيبك بعض حيرتى فى اوقات ما اعمل انه لعلك وجدت الطريق وعرفت كيف ستكون
بجد بجد فرحانه ليك وبعدى ان ربنا يثبتك دايما
--------------------------------
كتبت تقول

نسير ونسير وفق خطه مرسومه
أم اننا من نمتلك ذلك القلم -بلاممحاه- لنسطر بها أحداث حياتنا

تعجبت لذلك التشبيه الرائع ان كنا نملك هذا القلم الذى بلا ممحاه
فلا مجال لان نمحو مانخطه فما يكتب فى حياتنا يظل عالقا بها طيله العمر حقا

لا احد يرضى بحاله
اظنها شعره هى الفرق بين الرضا والطموح
ولو كل منا رضى بحاله دون السعى لتحقيق نجاح ما فى حياته ماتقدمت البشريه
ولظلننا على بدائيتنا التى كانت

لن يطيب طعم العسل من خلاياكى ..فهو ممزوج ..متناقض
أبعد ما يكون عن الصفاء

هل تعلم ان تلك الكلمات ارعبتنى حقا..........
-------------------------------
كلماتى التى اثارت حنقك وسخطك
لا ادرى كيف انت فهمتها ولم هى اثارتك
قد يكون تعبيرى خاننى فعلا ...... وقد كنت اعنيها حقا
على فكره انا مش فاكره انا كتبتها ازاى
بس اوقات لما برد مش دايما رحيل اللى انت تعرفها هى اللى بتتكلم
جايز حد تانى جواها
*******
الاستقرار نتيجه وليست هدف
الهدف هو البحث عن الحقيقة وعن النفس

هل تعتقد ان رحلى البحث ستنتهى يوما ان كانت هدفا فياله من
هدف صعب الوصول اليه
الاستقرار نتيجه البحث والبحث بلا نتائج اذا لا يوجد استقرار
يالها من حياه ......
*********
2-لكن حذار فهى سلاح ذو حدين
كثره الضغط العصبى ..التفكير الزائد
كل هذا يقتل بداخلك الصفاء ..
انت محق تماما
فكل يوم اشعر بقسوتى تزداد على نفسى قبل اى شخص اخر
*********
3-تصحيح معلومات
انا مش مدرسه على فكره
انا ب تجاره ادراه اعمال وبشتغل ادارية فى معهد ازهرى
نعم اتمرد على مبادئ تربيتى ولكنى لا اقتص من احد كل مارغبه الا اكون انا الاخرى ضحيه جديده لتوارث الاجيال واذا فى يوم رزقنى الله اطفالا لايكونوا ضحايا ايضا لابد من وقفة
اننى فقط كل ماابغاه ان احيا حياتى كما اريدها انا وحدى من سأعيشها

ra7eel said...

تابع رد ساجى

4-وأد المعرفه سبب الشقاء
هل ترانى اريد وأدها حقا؟ من حولى هم من يريدون وأدها
من يردونى اسير مع التيار لاادرى كيف ؟ هل اخدع نفسى من اجل ارضائهم؟
***********
5-المرض النفسى امى تتدعيه دائما بعد كل جدال ومشكلة
اصداقائى هم ايضا يرددونه
اقاربى يستمعون الى باستغراب ويضربون كف بكف
العلاج مش عيب فعلا بس لما اكون مريضه بجد
***************
6-رفضى للتكيف مع الواقع اخذ منى جولات ومحاولات شتى
صدقنى فشلت وخرجت من محاولاتى اكثر حزنا من ذى قبل
وخرجت منها اكثر اصرار على ماتعتليه نفسى الحائره من ثوره
___
المجهول لا نعرفه ولا هم ايضا
لا اقتنع بتطبيق خبرات احد على حياتى وخاصه ان كنت اراه حياتى
بشكل مختلف عن حياتهم

كونى اكثر مرونة..... كما قولت حاولت ففشلت
ولا اظننى ساكرر المحاوله يوما ما
*******************
7-عصيانى؟؟؟
اى عصيان هذا انا اطلب ابسط حقوقى احيا حياتى كما اريد
لست مجرد فتاه عاديه طبيعيه كم تمنيت ان اكون هكذا يوما
لعلى كنت سأكون اسعد حالا بالتأكيد
ولكن كيف لى بالتمثيل انى هكذا كما تتدعى
واى سعى للعيش فى سلام اى سلام تقصده فى هذا المجتمع
اظنه لاوجود له حقا
*************
8- تتابع منطقى جدا جدا اعلم انها النهاية حقا شكرا للتأكيد
******************
9-عقلى الثائر حقا لايهدأ ثانيه عن التفكير
سأجن حتما لا بديل سوى الموت
هل تعتقد ان الطبيب حقا هو الحل؟
مشكلتى فى اننى مقتنعه اننى لست مريضه حقا

هذا انا لا انتى بجملة التشابه حتى تعبيراتنا فى التعليق هل كتبتها يوما عندك فى احدى تعليقاتى على وصفك لنفسك حقا ياله من تشابه
*****************
10- مش بقولك مجنونه
*************
11- تفتكرى فى حد فى العالم بالمواصفات دى
كنت متوقعه الاجابه انى بحلم وطبعا مفيش
بس طمنتنى انى فى حد كده
على العموم لو حصل ولا قيته اكيد هعزمك مش تقلق
يديك ويدينى طولة العمر يامصطفى ههههههههه
************
12- مش فاهمه او هيست ومش مركزه
*********
13- هى فعلا مشكله انى مش عارفه اكون مرنه مع انى بكون كده فى اوقات تانيه ومواقف كتير
انت نفسك قولت فى تعليق ليك هنا قبل كده انى شخصيه مرنه
وترجع تقولى طبيعيه ومش متناقضه طيب لو انا قولت انت هتصدق
************
14-وحده بلا انتظار النهاية المتوقعه
فسرتها صح جدا
*********
تفرحلى ليه بجد؟ ولا تقلق برضه غالبا ساظل انا ميناء بلا مرسى
وموجه بلا شطأن
هكذا اقلمت حياتى ولم اعد انتظر استقرار بها
*******
لاء خلاصه الرغى اللى فوق ده انك طلعت منى كلام ووقفتنى برده قدام نفسى
كنت منتظره تعليقك بجد
عارفه ان البوست ده هيكون سبب فى نقد ليه من ناس كتير وجايز ناس تستغربه
بس اتمنى ان مايصدرش احكام مسبقه دون نقاش

تحياتى وتقديرى واحترامى لك اخى

ra7eel said...

La3lahakhier

نورتينى بجد وشكرا على الزياره

تحياتى
------------------------
عزيزتى منى

اهلا بيكى
فعلا ساجى غسلنى وعصرنى وكوانى
وفرج عليه مدونين مصر كلهم
ومخلاش حاجه مقلهاش
ههههههههههههههههههههه
شكرا ليكى يامنى بجد
تحياتى وتقديرى
-----------------------------------
صديقتى الجميلة ليندا

اخجلتنى كلماتك حقا
وعجز قلمى عن الرد عليها

فشكرا لكى كثيرا
دمتى بكل خير وود

s@gi said...

اكسير التفائل
شبه إهداء ليكى
ممكن يخرجك م الحاله دى
اذهبى لتلقى الهديه
واسف إذا كنت استخدمت حق مش ليا
*** ** ** ***
أنا بكلم نفسى وأختى
يبقى لاغى العقل زى ما انتى عارفه
بتكلم بالخيال والا وعى ..اتمنى فعلا انك تقفى مع نفسك.. انا شكلى كده خنقت المدونين.. مبلطج ع الصفحه م الصبح
بس يلا مبسوطلك كتير وخلاص
سلامى ودعواتى

ra7eel said...

s@gi

شكرا على اكسير التفاؤل هاخده حالا
بس ليه بتتأسف

يابنى المدونه مدونتك اساسا والمحاولات محاولاتك والبيت بيتك

وتيجى فى اى وقت وتعلق براحتك

انا كنت فعلا مستنيه تعليقك على البوست ده خصيصا

تحياتى لك

shreen said...

رحيل

اكاد اشعر ان جميع افكارك
هى صراعات مع افكارك !!!

صديقتى
تمردك
جنونك
رفضك للثوابت

هو سر تميزك

لا تجعلى احدا يضعف من هزيمتك او يحيلك الى دمية يحركها

تميزى انت
سيلمح من يستحقك
تميزك هذا

ويعتنقه
ويعتنقك

ولن يحاول كسر تمردك
او انهاء تناقضاتك

بل سيحتويها
ويجلها ويعظمها

لانها فى الاساس هى سبب اختياره لك

فقط تمتعى بالثقه والصبر وقوة الاراده

وسوف تجدى من
يفهم
ويقدر
ويحتوى

كل هذا
دون ارغبه فى كسره او تغييره

الثقه
والصبر
وقوة الاراده

اثبتى على موقفك
وستتحق نبؤتى تلك لك

من كل قلبى
اقولها

اثق تماما
انه موجود

فانت تستحقى من هو بمثل تميزك

تحياتى صديقتى المتمرده

صوت من مصر said...

رحيل بجد مشاعر كتير جدا ومتناقضه وصعبه جدا الحياه بالطريقه دى

princess dodo said...

صديقتى الجميلة
لم الحيره؟
بداخل كل منا قدر كبير
من التناقض
هو ما يؤلفنا جميعاً
فى اعتقادى

.
.

رائعه انتِ كذلك
لا تتغيرى
أحببناكِ هكذا

وعاوزه اشوف الصورة انا كمان

:)

تحياتى لكِ

klmat said...

السلام عليكم
ساره انتى صادقه مع نفسك والتناقض ده موجود عندنا كلنا بس بنسب متفاوته
انتى وصلتى للحل النجاح فى الحياه العمليه
اساسى وبعده النجاح بيجى فى الباقى
وقدر الامكان حاولى ان لاتصدمى بالأهل
كل جيل وله افكاره .
عارفه الحياه هى اعظم مدرسه حتى
لو كان الأهل وضعوا اسس وقوالب التمرد
موجود لانه شعور داخلى وطالما للأفضل ولا يخالفالدين فهو بمثابه طموح واختيار
اسلوب للحياه تتمنيه ليه لأ
فى صوره ناجحه جدا لهذا التمرد
هى فتحيه العسال اللى تمردت على حياتها
وعلمت نفسها واصبحت شخصيه معروفه
ده تمرد ايجابى
فارس الأحلام حايظهر
فجأه دون بحث والدنيا زى ما بيقولوا اخذ وعطاء لازم ناخد شويه ونتنازل شويه
اتمنى لك التوفيق والهناء فانت جديره
بهما مع خالص حبى وتقديرى

Mahmoud(WHYME) said...

كالعادة تتحفينى بموضوعاتك الهامة وإسلوبك الساحر
ra7eel ur really a perfect writer
تحياتى لك
محمود

Mahmoud(WHYME) said...

كالعادة تتحفينى بموضوعاتك الهامة وإسلوبك الساحر
ra7eel ur really a perfect writer
تحياتى لك
محمود

كاريزما said...

رحيل...

أقرأني هنا..

ليس سهلا كتابة فضفضة كتلك


صريحة.. شفافة..

كلمات تعبر عنك..و حياتك
من خلال عدسات تلونت بأحاسيسك

أحييكي.. فقد كتبتي عني توا

و شرحتي مفهومي عن البحث عن شريك الحياة..

حقيقة.. أستغرب توافق كل ذا التناقض


تحياتي

Doba said...

يا بنتى ما احلاه هذا التناقض
لا يقود ابدا للملل
دائما وابدا انتى فى حالة متجددة

ولكننى تفتقرى فقط

للأستمتاع بكل تلك الامشاعر واللحظات المتناقضة بدلا من انتقادها ونهرها ومحاولة تفاديها

اسمتعمتى بجنونك
وقوتك
وضعفك
وحيرتك

استمتعى بكل اللحظات
لكى كل الود

هبة

فى القلب said...

رحيل
عارفه الأنسان المميزفقط هومن يستعمل عقله
وكثير من التساؤل يدور بخاطره مثلك و الرفض لمجتمع قائمعلى فروض أغلبها يتناقض مع العقل
أنتى طبيعيه ميه فى الميه حبيبتى

ولكن

لما لا تبدأى أنتى بالتغير وتكونى أنتى النواه التى ستنير لأولادها الطرق
وستجيب على كل تسألتهم وخصوصاً لوكانو فى ذكاء أمهم

لماذا لا تختارين الحياه الهادئه الطبيعيه ثم بعدذلك تحويلها ألى مثل يحتذى به
و تسعدين ساعتها بنجاحك و راحه بالك

عفراء said...

حبيبتى تاكدى انك فعلا لن تجدى من تبحثى عنة او ماذكرتى تلك الصفات التى تتمنيها فية وبعدين مالة لما نعيش كدة هتفرق اية يعنى واحيانا الجنون بيكون حل للى احنا فية وانتى طبعا مش محتاجة جنون انتى مجنونة خلقة
لية بقى مانعيش حياتنا زى ماهية ونسيب المقدر لربنا لية نتعب ونفكر لية نضايق فى نفسينا لو فكرنا يوم بعقلنا هنلاقى كل حاجة سهلة ومبسطة ومش محتاجة تفكير ليةبقى دايما الاكتئاب والملل بقى جذء من حياتنا ليةاليأس والضياع وعدم القدرة على التفكير لية مش عارف بجد يارحيل واخدنا الحياة لحد فين ...؟؟

رهف said...

الجميله رحيل
كل منا له تناقضات ولكن المشكله الحقيقيه اننا لانحسن التعبير عنها احيانا
اكاد اجزم ان كل واحده تريد الأستقلال بحياتها والعيش فى مجتمع آخر يحترم عقليه الأنثى ويقدرها او على الأقل مجتمع يطبق تعاليم الأسلام فى فن معامله المرأه
عزيزتى
تناقضاتك تعبر عنا جميعا
وليتنا نستطيع الوصول لحاله الأستقرار
واخيرا عزيزتى تحياتى وحبى على الدوام

Salwa said...

من كل ضد وضد

التناقد شئ حلو ليه
ساعه جنون وساعه عقل وحكمه
ساعه أنطلاق وساعه سكون
ده الانسان
بس فيكي شئ رافض وشئ قابل
بدليل أن رأيتي أن كل التناقضات دي ستنتهي بالعثور على الرجل الذي يفهم كيف يتعامل معها
اللي هتمش وراه وانت كل ثقه فيه
مش خايفه يتوهك

شوفي يا ساره يا حبيبتي
طالما انت فيكي الحاجات دي يبقى في شخص تاني فيه نفس الحاجات دي
المفروض هو اللي ربنا خلقه من نفسك
طبعا مش هيبقى ملاك
بس هتتحملوا بعض

ربنا يرزقك به ان شاء الله

أما حكايه الصوت
مش مصدقاها أوي
أنا سمعت صوتك
صوت بنوته حلوة

دمتى عزيزتي بكل خير

Soooo said...

حاسس اني بقالي كتير ماجيتش هنا

بصي ياستي
حتى احكم الحكماء بيعيشو لحظات جنون وتمرد على نفسهم وعلى وضعهم

كل واحد فينا جواه تمرد .. وده طبيعي
كل واحد مننا مريض نفسي .. وده عادي
كلنا فينا متناقضات وعند وثورة وتمرد

الاختلاف الوحيد بين كل واحد مننا والتاني
هو ايمانه من جواه انه ليه دور في الحياه

واصلي بحثك عن دورك في الحياه
وحتما ستجديه




سلامووووووووووووووز

زُمُرده said...

اول مره ازرو حد
والاقي بوست ياخدني قوي
وسره اني حاسها صدى صوتي
مرايتي

ازاي احنا مش صحاب لحد دلوقتي

بالرغم اني كلمه مره اجد منك فيا
بس المره دي فوقت كل تصوراتي

---------------------

خليك انت مهما قالوا
هتتعبي هتتألمي
بس الاكيد انك هتتمعي براحه نفسيه محدش هيطولها ابدا

قد تترددي
قد تشكي في نفسك
في العالم اللذي تحيبنه
قد تتصوري انك خاطئه
او انا الطريق ليس لك

لكن اؤكد لك
انه حقك في ان تكوني انت


*زمرده...المتمرده*

كاميليا said...

رحيل

بعد المناقشات دى كلها
اللى قريتها بينك وبين اصحابك

مش اقدر اقول

غير

ربنا يسعد قلبك
ويريح بالك
ويحقق كل آمالك
يا رب

بحبك اوى كتير

MKSARAT SAYED SAAD said...

التناقض التمرد العتراض على ثوابت داخلنا او حولنا كلها وجوه لشخصياتنا وعلى كل منا ان يختار ما يعترض به على روتين شخصيتة الذي ينتقل بالتبعية الي حياته
لكن التناقض شئ صحى جدا مادام تحت سيطرتنا
دمت بكل ود صديقتىالعزيزة
سيد سعد

rainbow said...

الصديقة الغالية سارة

عزيزتى قرأت موضوعك وردود الاصدقاء وانا مع اغلبها فقط اردت ان الفت نظرك لشىء قد تظنين انه غير موجود لكنه واقع : كل او اغلب الفتيات المصريات لهن نفس افكارك وظروفك .. كل ما اختلف فى الامر نبيا هو المكان والاسماء وكثير من القدرة على التعبير !!0

عزيزتى نحن شرقيات عربيات ننحدر اغلبنا من بيئة ريفية او صعيدية مليئة بتلك القوالب التى نود تغييرها بكل ما اوتينا من قدرة على الحلم لكن للاسف انها اقوى من التغيير لكن صدقينى هى ليست اقوى من الزمن فقط التغيير بطىء جدا مثل نظريات التطور يحتاج الى اآلاف السنين

لا اقول هذا لاحبطك اكثر فكلنا مررنا بعمر العشرين وتعاملنا مع ثوراته التى ادمت قلوبنا بحنين قاتل الى التغيير انها مرحلة حبيبتى وان شاء الله ستمر لن تنطفئى فقط سيتغير شكل احتراقك ويأخد ردود ومناحى جديدة بحكم السن والخبرات المتراكمة ورويدا رويدا ستملكين بعض امرك وتستطيعين التعايش مع من حولك مغيرة ما تستطيعين تغييره فى نطاقك

كلمة اخيرة اعرف اننى اطلت لكن اود ان اكرر كلمات العزيزة شيرين بخصوص الصبر والارادة
ثم تعلم الانتظار دون ضجر ( كيف ؟ ) بأن تتأكدى انه موجود ان شاء الله تعاملى مع الحياة دوما من هذا المنطلق انه قادم لا محالة فقط موعده لم يحن بعد

حبى لك ودعائى

هدى

dr.Roufy said...

بين طرفي النقيض تتأرجح الحياة عزيزتي
هي الحياة..مزيج من المتناقضات المتجانسة
:)

د/اجدع بنوته said...

ظروف الحياه نفسها بقت تجبرنا ع التناقض

لانها اصلا ظروف متناقضه

قدام عينك اللى مش لاقى ياكل وبيشحت

وقدام عينك التانيه اللى نازل م عربيته طالع يتغدى ف مؤمن

يعنى حياتنا هى المتناقضه

واجبرتنا نبقى متناقضين

احساس لسه حى said...

عزيزتى

كلنا عايشين فى تناقضات

وصراع مع النفس الخير والشر

اللى جوه النفس

وكلنا نعرف الصح فين والغلط فين من غير تجيه مجتمع وعادات وتقاليد

وليس كل تقليدى يجب ان نتحرر منه


وليس كل ما يتمناه المرئ يحققه

وليس كل ما يتمناه وحققه راحة له

وساعات اللى بيخرج من داره يتقل مقداره

وخروجك من واقعك ودنيتك ليس بالشئ السهل


والشكل كتير بيخدع والشكل مش مراه للى جوانا اكيد


والقدر هو اللى بيحدد بكره لينا وشوفى الممكن وحققيه


واكيد الرجل التى تبحثين عنه رجل بموصفات خاصة

اسالى نفسك

هل تتمنين هذا الرجل الذى يتحملك بالموصفات التى اكيد موجوده فى هذا الرجل

واكيد عندما تلاقى رجلا تتمنيه سوف تتغيرين وتتغير امانيك


وامشى فى طريقك ومتبصيش لبعيد

وخلى كل خ0طوة تحدد اللى بعدها

وربنا يريح قلبك

تحياتى
سلام

DayDreaming said...

طبعا بما ان الكلام ده مش جديد عليا وعارفاه كويس اوي فعايزه اقولك حاجتين
اولا ان انا مش شايفه اي تناقض في كلامك ولا في كلامك ع تصرفاتك بالعكس
المشكله فيكي المشكله في مجتمع عقيم اي حد بيخرج فيه عن الاطار المألوف والمتعارف عليه يبقى ارتكب جريمه حتى لو مكنش بيعمل حاجه غلط او حرمها ربنا

ثانيا بأه وده الاهم متفكريش كتير عشان متجننيش سيبيها تمشي زي ما هي ماشيه واللي ربنا رايده هيكون

مـ~ـاجدولين said...

اولا مدونه جميله

ثانيا حديثك حول نفسك طبيعي
واجمل شئ ان تكون ذو شخصيه متعدده ولها جوانب تبدو متناقضه لكنها ليست كذلك أنت الهدوء والضجيج والصدق والمجامله

تحيتي لك

Dr. Diaa Elnaggar said...
This comment has been removed by the author.
Dr. Diaa Elnaggar said...

عزيزتي سارة

أنا اختفيت، وانت اختفيت ولكن أتمنى من الله أن تكون كل أحوالك بخير.

اسمحي أن أهدي لك هذه الأبيات للشاعرة المصرية الجميلة جليلة رضا التي رحلت عن عالمنا وعالم الشعر وهي صغيرة. كتبت تقول:

قد أبكي قد أندب حظي
قد تصحب يومي أحزاني
لكني حين أحط الرأس
اخيرا في فرشي العاني
أهمس في رمق باسمة
يا نفس لا تخشي هواني
في ركن من هذي الدنيا
يوجد إنسان يهواني

تخيلي بقى يا سارة إن أول بوست قريته عندك وعلقت فيه كتبت ليك نفس الأبيات دي!!!!!!!!!!!!

يا لها من شفافية عالية تلك التي تتمعين بها، ونقاء شخصية لا يمكن وصفه.

تقبلي عميق تحيتي وخالص مودتي

ضياء

علاء سالم said...

السلام عليكم

إزيك يا سارة . البوست دا فعلاً قوي جداً وعميق جداً .

بجد أنا حسيت كل كلمه فيه يمكن لأن فيه تشابه كبير بين ما كتبتيه وبين أشياء في حياتي .
ويمكن لأن ما يدور في داخلك أنا عشته بالفعل ولكن مع بعض الإختلافات بين ما يعيشه رجل وما تعيشه فتاة.


ولكن كيف هذا؟ وأنا فتاة فكل مشكلتي في الحياة أنني فتاة كيف لي أن أجرؤ في التفكير هكذا؟

صدقيني يا سارة إن قيود الحياة والتقاليد وكل هذه الأنواع من القيود ليست فقط على الفتيات .

للرجال أيضاً قيود على مقاساتهم فالإنسان الحر في إختيار أفعاله و إختيار حياته ومكانه وعمله ليس له وجود في زمن تقل فيه الإختيارات أمام الجميع . فيسير الإنسان في الحياه وكأنه آله لا يمكنه تغيير مكانه أو تعديل حياته .

راجى said...

التناقض الذى نشعر به داخلنا طبيعى جدا
لاتقلقى
تحياتى

kafrawy said...

اعتقد ان الرجل دة لسة موجود
بس لسة مجاش وقتة
انما التناقض ف الافكار اعتقد برضة مش انتى لوحدك
حياة الاحلام

التفكير اصبح مشكلة ف الايام دى
خاصة و ان المرض النفسى انتشر بصورة كبيرة عامة انا بعانى من تفكير اكتئابى تزامنى بحثى
مش قادر اخلص منة

تحياتى ليك يا افندمو كلمة اخيرة
الصبر

Sherif said...

لست من البنات اللاتى يضفن نسخة تقليدية أخرى فى هذه الدنيا

وربما كان هذا أروع ما فيك .. لأن التمرد قرين التجديد .. لو لم يوجد لاستحالت الدنيا الى حالة استنساخ مستمرة وصور مكررة

من ناحية أخرى .. وهذا هو الموضوع ..من قال لك انك لن تجدى رفيقك المتمرد مثلك .. المتجدد الى درجة الجنون .. إن لم يظهر الآن فسيلوح فى الافق فى الوقت المناسب ..

إسألينى أنا .. فهلا انتظرتى قليلا؟

weswes said...

رحيل
التناقض سر الوجود
سر تميز البشر عن بعضها
تعايشنا مع تناقضنا هو الذى يكسبنا القدره على تقبل الاخرين باختلافهم
:)

walaa said...

يارب النت يجى بسرعه يارب
ايه حكاية النت اللى بيفصل ده
اولا الحياه التى نعيشها عباره عن تجارب ومواقف تكسبنا الخبرات اما المنزل فهو يعلمنا اساسيات الحياه والحلال والحرام والعيب والغلط اما باقى الخبرات تكون من الحياه واللى يشوف اكتر يتعلم اكتر

ثانيا انا معاكى مبحش التقليد واللى احنا نمشى على نهج هكذا ما وجدنا عليه اباءنا اذا كان اباءنا لا يواكب تقاليدهم العصر الحديث
بس برده مننساش اللى احنا بنات ومنخروجوش على الاطار ده
ويارب تلاقى الشخص اللى يوافق شخصيتك
تحياتى ولاء

el_assel said...

أعتقد ان التناقض ده حاجة طبيعية جدا في الانسان
وكل واحد لازم يعيش الحياة اللي هو يختارها
طالما هو من العقل بحيث يكون مسئول عن قراراته
فحياته هو اللي حيعيشها مش حد تاني
الواحد ساعات بيحب يعيش في هيصة ودوشة
وساعات بيبقي كاره الناس وعايز يعيش لوحده
التناقض هو اساس حياتنا


اما بالنسنة لكونك بنت فاعتقد ان دي مش مشكلة خالص
الفرق بين الولد والبنت دلوقتي هو مجرد الشنب واللحية

ممكن تكون والدتك واصدقائك خايفين عليكي شوية من المجتمع
بس اعتقد ان المشكلة دي حتختفي كمان كام سنة جدا
لما تلاقي هذا الرجل اللي انتي بتتكلمي عليه
ربنا يوفقك باذن الله
انا مؤمن بان جزء من روح كل واحد فينا ممتزجة بروح انسان تاني او انسانه تانية
والروحين دول مكتوب لهم اللقاء
بس هي مسالة وقت




مدونتك جميلة جدا




سلاماتي

رهف said...

عزيزتى رحيل
اتاخرتى علينا كثير بكلماتك الجميله
ياريت اشوف حاجه قريب
وربنا معاكى

coca said...

وحتيني جدا وحشتني مدونتك وتعليقاتك بجد

يارب النت يرجعلك علي طول

catroz said...

احلى حياه
لما نستمتع بكل لحظه بجنون

reem said...

التناقض حاجة طبيعية فى اى انسان بس كتير لو زاد عن حده بيتقلب ضده وبيبقى نقمة مش نعمة بس انا من الناس اللى بتعب من التناقض اللى فى شخصيتى واوقات بحب التناقض دخ بصراحة مش عارفة
البوست جميل جدا والمدونة عامتا تحياتى لقلمك الرائع

s@gi said...

انتىىىىىىىىىىىى فين يا رحيييييل؟؟
طمنينا عليكى
علشان انا أقربت اتخنق م البوست الرخم اللى بيطلعلى لسانه بإستفزاز يجى بتاع 4 مرات ف اليوم
طب ..بصى سطرين كده قولى انا بخير من اى سيبر .. ويبقى كتر خيرك
أتمنى تكون مش زى انقطاع النت الأولانى
واتمنالك كل خير ف اى حته والسلام
دعواتى كتير كتير يا اختى

Wireless said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Wireless, I hope you enjoy. The address is http://wireless-brasil.blogspot.com. A hug.

Whispers just for a Night said...

السيدة الكريمة

تابعي على مدونة قولاً سديداً رد الحكومة الهولندية على حملة المدونة لدعوة الحكومة الهولندية لسن قوانين ردعية تمنع حدوث الإستهزاء بالمقدسات الدينية ورد المدونة عليهم على الربط التالي
http://kawlansadida.blogspot.com/2008/04/blog-post_18.html

وجزاكم الله عن نبيكم خيراً

youma said...

اجمل مافيكي هو هداالكم من التناقضات
اضرخي حين تشعرين بذلك فليس كل الحياة رغد وهناء
وليس كلها حزن وشقاء
فمن اين نأتي بالحياد في التعامل مع الاشياء لو كانت حياتنا هي المليئةبالتناقشات لم نخلق لنكون مسخ يسير بلا هوية او غاية خلقنا لتكون لنا رسالة في الحياة وهذا اكثر ما اعجبني في كلامك انك تعرفين ما تريدين وتصرين عليه وان كان هذا يدل على شيء فإنه يدل على ملامح شخصية تريد ان تكون شيئا في هذه الحياة

ملامحك شخصية تحمل الكثير من الرقة لأنك فتاة تحلم وتعشق الحياة

قوة الشخصية هي شيء يدل على رجاحة عقلك ونضجك الذي احييك عليه فكثيرات تخلو عنه وضاعو وتلاشت هويتهم

كمن ذكرتيهم مسبقاً

تعاملت معك
عرفتك عن قرب
واتشرف جدا بأنني اصادق ضخصيةرزينة وعاقلة ولها بعد في التفكير
حنونة وهادئة وقمة في الاخلاق

يسعدني بأنني صديقتك

L.G. said...

شوفي يا بنتي
أنا تيتة في الموضوع ده حقولك حاجة حطيها حلقة في دوانك
العرف والتقاليد أقوى أحيانا حتى من الدين متخبطيش راسك في الحيطة
الراجل اللي بتدوري عليه ده قاعد في الجنة يا تروحيله يا تخدي أي حد تاني شبهه شوية يا اما تيجي تقعدي جنبي
حاجة كمان الناس بتحسدك أكيد لأنهم مش عارفين يعملوا زيك
بس مش واخدين بالهم ان هم بيعيشوا الحياة وانت بتقاومي وكده مش حتتحركي صدقيني
اتنازلي شوية عن بعض طموحاتك وحاولي تحققي اللي تقدري عليه
والمرض ده جالك من القراية والتليفزيون وان أهلك ماخادوش بالهم منك وسابوكي تفكري كتير وتسمعي كتير فحصلك كده
تحياتي
تيتة