Tuesday, April 22, 2008

لا تكن مغرورا

اولا انا بشكر صديقتى المدونة يوما كتير جدا على مساعدتها ليه فى تغير القالب بجد جننتها معايا الليومين اللى فاتوا فى تغير القالب شكرا ليكى بجد ويارب متكونيش قررتى تقطعى علاقتك بيه بعد اللى شوفتيه منى
ثانيا انا بعتذر لاخى الصغير والمدون ساجى عشان انا كنت وعدته انى اول بوست هنزله هيكون تاج اكسير التفاؤل معلش بقى يامصطفى للاسف خرجت من مود التفاؤل مش هعرف اجاوبه الوقتى بس اكيد فى يوم ما هنزله شكرا ليك على كل حاجه بجد



حبيبي لا تكن مغرورا
ولا تظن أن سحر عينيك يغرقني
ولا أهدابك السمراء تنقذني
احبك نعم وألف احبك
ولكن لا تدع الغرور يصيبك
فإن أغضبتني مرة ستكون الاخيرة
فليس بحبك وحده أحيا
فكرامتي عندي أولا وثانيا وأخيرا
احبك كثيرا كثيرا
ولكن صدقني إن تركتني
لن أسهر ليلى أناديك
وان طال فراقك
قد أتعذب وقتا قصيرا
لكنني لن اندم كثيرا
فأنت اخترت الرحيل
وأنت منذ البداية
نصبت نفسك ملكا على قلبي
لقد قررت ان تهواني
وقررت أيضا أن أهواك
وظننت أنني
في بحور حبك هائمة
وفى غابات عينيك تائهة
وفى حنين صوتك عاشقة
فأصابك الغرور سيدي
وظننت أنني لن أحيا بدونك
وأتعذب لرحيلك
حاول أن تعود كما كنت
كما عرفتك
كما أحببتك
ودع هذا الغرور جانبا
فقلبي يهواك
وعيني تهواك
وإن عدت
فستجدني كما كنت
انتظرك دائما فى جنتى
ودعني أنصبك ملكا
على قلبي بإرادتى

-----------------

2002

38 comments:

youma said...

بما اني اول سطر بقى
حأكون اول تعليق

متخافيش انا حأقطع علاقتي بيكي يعني حأقطع علاقتي بيكي

فمتشغليش بالك يعني
دي الوقتي السنة لي جاية بعد بكرة

اهي كلها ارزاق
__________

بغض النظر عن صحوبيتنا

البوست يجنن

بجد لما الي بتحبيه بيقايض على انك مينة فيه ويحسسك بعلاوة وترفع انو عارف قد ايه انتي بتحبيه دا شيء بيخلينا نفقد الاثارة في الحب

بنبقى متوقعين كل حاجة من الطرف الآخر
والطرف الآخر بيحس بأن كرامة نقص منها حاجة عشان هوا مش عبد

هوا له قلب يمكن يكره ويمكن يحب

بجد بوست اثار حاجة ملفتة جدا

خودوا بالكم ياشباب

بحييك
ياصاحبتي
ههههههه

دنيتى الجميله said...

الف مبروك يا رحيل على التغير الجميل وكل تغير وانتى طيبه
التجديد فى حياتنا حاجه حلوه اكيد
وصاحبتك يوما اكيد استمتعت انها قضت معاكى وقت طويل لقضاء حاجه ليكى انتى عايزاها
اما البوست بقى
امممممممممممممممم
مش عارفه اقول ايه حلو فى حاجات وصعب فى حاجات

حكايه الكرامه فى الحب دى مش عارفه ايه الصح فيها واكيد صعب ان عند وجود مشكله ننسى الحبيب ومنسهرش الليل ده اكيد من ورا قلبك
هههههههه
وعجبتنى قوى الكلمات الاخيره

حاول أن تعود كما كنت
كما عرفتك
كما أحببتك
ودع هذا الغرور جانبا
فقلبي يهواك
وعيني تهواك
وإن عدت
فستجدني كما كنت
انتظرك دائما فى جنتى
ودعني أنصبك ملكا
على قلبي بإرادتى
الكلمات هايله يا رحيل
دمتى بالف خير
سلاااااام

Tamer Nabil said...

كلمات جميلة


تسلمى ومشكورررة عليها


تحياتى

ra7eel said...

صديقتى الحبيبه جدا يوما

ايه ده انتى بتبعينى كده عينى عينك وناويه كمان تقطعى علاقتك بيه
بقى دى اخرتها
اقرف فيكى يومين تعملى كده
هههههههههههههه
تعرفى فعلا اوقات لما حد يتأكد من حب الطرف التانى ليه بيسوق الهبل اه والله خلاص بقى مهو متاكد
ههههه

بس مين ده لا فعلا خدوا بالكم ياشباب

تحياتى وحبى لكى
-----------------------------
دنيتى الجميلة

اهلا بيكى ويارب تكونى بخير
هى يوما فعلا استمتعت جدا لدرجه انها هتقطع علاقتها بيه قريب

انتى معاكى حق فى موضوع الكرامه بس المشكله ان فى نوعيه معينه كده من الرجاله اخده الموضوع بالدراع خلاص اول مايطمونوا ويكونوا واثقين من الحب ده خلاص بقى يعملوا اللى هما عايزينه على اساس انهم مهما عملوا البنت مش هتبعد
ده كان قصدى بس
شكرا لتواجدك الدائم
تحياتى وحبى
------------------------------
تامر نبيل

شكرا لمرورك

نورتنى
تحياتى لك

salwa said...

مبروك الشكل الجديد

والبوست جميل جدا

واهم من كل شئ
حمد لله على السلامه

نورتي مدونتك وعالم التدوين كله

youma said...

بهززززززززززززر
والله

رحيل انتي قمر والله وغلاثتك دي زي العسل
في ناس كدا تغلث بس تتحط على الجرح يبرد

هههههههههههه
والله انا بحبك جدا
ومتبقيش تقولي كدا تاني
مش حأقطع علاقتي ولا حاجة
وزي مقلتلك محدش يقدر يقطع عرق من عروقوا
بحبك جدا
وربنا يخليكي ليا

dr.gesho said...

ايون كده مش السواد اللى كنت عملاه فى الاول البوست جميل جدا بس ليه رجعتى تانى للبوستات القديمه انا بقلق لما بتعملى كده
تحياتى

أحلام عمرنا said...

متناقضه يا رحيل
يعني في الأول حسيت انك بتحبيه حب جنون وبعدين حسيت انك مش حيفرق معاكي أوي بعده عنك وترجعي تاني تحني ليه وبعدين تحسسيه انه مش مهم في حياتك
معلش ناقد رخم أووووي أنا
يا رب ميكونش كلامي ضايقك وأرجوا ان تشرفوني في مدونتي

فرنسا هانم said...

مبروك على النيو لوك
حلوه انصبك ملك على قلبى بأرادتى
شعرك جميل كالعاده
مع ان سنك كان صغير لما كتبتيه الا انه ممتاز

د/اجدع بنوته said...

احبك نعم وألف احبك
ولكن لا تدع الغرور يصيبك

ازاى ميصبش بالغرور ورحيل الحلوه بتحبه

ده يصاب ويصاب ويصاب

هههههههههههههههه

رائعه يارحيل وكمان م 2002

ايوه كده طلعى م تحت البلاطه

سمراء said...

وماذا عن المحاولة
هل عاد كما كان ؟
هل مازلت تنتظرين عودته ؟
اذا كنا احببنا شئ اصيل فلن يتغير
جميعنا نتغير في افكارنا تصرفاتنا احلامنا اشكالنا
ولكن لا يتغير كيان احدنا

كلماتك جميلة ولامسة
اشكرك
سمراء

ra7eel said...

عزيزتى سلوى

شكرا جدا ليكى

الله يسلمك ويبارك فيكى

تحياتى وتقديرى
----------------------------
يوما

حبيبتى عارفه انك بتهزرى
هو انتى تقدرى تتكلمى جد فى كده
هههههههه ربنا يخليكى ليه يارب
حبى لكى
-------------------------------
dr, gesho

ياهلا ياهلا
ادينى شيلت السواد ةبالنسبة للبوست عادى والله بس مفيش جديد دلوقتى

شرفتنى ومنورنى دايما
--------------------------------
احلام عمرنا

متناقضه ده العادى بتاعى يابنى
لا مش زعلانه من كلامك عادى بجدنقدك
بس جايز انا تناقضى فى كل حاجه فى حياتى حتى الحب

شكرا لمرورك
----------------------------------
فرنسا هانم

ايه النور ده
شكرا ليكى ربنا مايحرمنى من زياراتك
تعرفى ان اكتر سنه كتبت فيها
كانت 2002 بس مكنتش صغيره قوى يعنى

تحياتى واحترامى لكى
-----------------------------------
د/اجدع بنوته

كده اان هتغر بجد ومحدش هيعرف يكلمنى تانى

شكرا ليكى ياقمر
نورتينى
----------------------------------
سمراء

اولا شكرا على زيارتك
ثانيا اما عن المحاولة فلست املك ردا لها فتلك الكلمات من الكلمات التى لا مرجع لها من واقعى فقط هى تخيلات

تحياتى وتقديرى لكى

Sherif said...

القالب الجميل أكثر من رائع

الألوان تنم عن رقة وعذوبة تخفى ورائها شخصية صعبة المراس

يشهد على هذا الاعتداد الجميل والاعتزاز بالنفس .. حديثك اليه

هذه هى رحيل التى اتخيلها

zOzO said...

مش عارفه اقولك ايه يا ساره ؟

بس بجد انتي مبدعه


البوست فعلا يجنن وحلو اوي


" انا اه بحبك بس مش تتغر من غيرك هقدر اعيش "


حلو بجد


تسلم ايديكي

تحياتي ليكي حبيبتي

كاميليا said...

رحيل .. حياتى

مبروك النيولوك الجديد للمدونة

وقلبى بيقولى
ان كمان فيه نيولوك تانى
جوه
هنا
فى
قلبك

بحبك

عـــفـــراء said...

baskootمبروك ياصديقتى المبجلة
بس حيرتينى كل مادخل الاقى شكل جديد اركزى بقى
مش عارفة لية ماليش نفس اعلق على البوست دة بذات
وبعدين مغرور سبيه وطيرى هوة الحب فية غرور كرامة اة انما غرور مايتسماش حب
ياعزيزتى وهوة فية حب اليومين دول
بس حلوة الكلمات اوى

خالص تمنياتى لكى

علاء سالم said...

السلام عليكم

بجد قالب جميل تصميمه رقيق وبسيط .

..............

كلمات الخاطره جميله كما تعودنا منك
وبرده القلب الجامد والطابع الثوري اللي عندك دول موجودين وظاهرين في الكلمات حتى من 2002
هههههههههههههههههههههههه

مصطفى السيد سمير said...

اية بقى موضوع الغيبة المتكررة دي

الموضوع كدة مايطمنش
بالنسبة للقصيدة
ما اسوا الملوك اللي بننصبهم بارادتنا
تحياتي

منى said...

حمد الله على السلامه يا رحيل

المره دى بقى انا معك قلبا وقالبا
الغرور والكبر فى اعتقادى هو الحاجه الوحيده اللى ممكن تقتل اى مشاعر جميله
تسلم ايدك يا ساره
تحياتى

ra7eel said...

sherif

اهلا بك دائما
وشكرا لك كثيرا على كلماتك

على فكره تانى مره الاسبوع ده يقال لى تعبير صعبة المراس

شكلها حقيقه فعلا
ههههههههههه
نورتنى
تحياتى واحترامى لك
------------------------------
زوزو

زيك ياقمر اخبارك ايه

كويس ان البوست عجبك

ربنا يخليكى يارب
تحياتى وحبى
----------------------------------
كامى الجميله والرقيقه

الله يبارك فيكى
انا قولت بعد الغيبه دى لازم ارجع بجديد عشان الملل
هههههههههههههه
غالبا هى المدونه الحاجه الوحيده اللى اقدر اغيرها

تسلميلى يارب وماتحرم من طلتك عليه ابدا
انا كمان بحبك
---------------------------------
عفراء

ادينى ركزت على شكل اهو
خير ياست عفراء ملكيش مزاج تعلقى ليه؟

المهم انا معاكى الموضوع مش موضوع كرامه قد ماهو رفض للغرور فى الحب

تحياتى لكى
----------------------------------
علاء سالم

مرسى ياعلاء كويس ان القالب عجبك

وبعدين تعالى هنا
انا قلبى جامد ؟ تصور من 2002
مليش حق بجد
بس انت عارف راى فى الرجاله ميستهلوش غير كده
هههههههههههههههههههه
خالص تحياتى واحترامى لك
-------------------------------
مصطفى السيد سمير

ياهلا يامصطفى
معلش الغيبه بسبب ظروف النت بقى

شكرا لمرورك
تحياتى وتقديرى
----------------------------------
منى

منورانى بجد يارب تكونى بخير
الحمد لله ان احنا متفقين
انا معاكى ان الغرور ممكن يقتل اى مشاعر جميله
تحياتى وحى لكى

Omar El-Tahan said...

فكرة الموضوع رائعة .... والحقيقة أن المحب غالباً طماع وأناني ... والحب كثيراً ما يكون ديكتاتور .... ولكن كل التجارب أثبتت أن أجمل النتائج تتحقق بأن نترك الحب يتنفس بحرية بعض الشيء .. أن نرى اختيار الحبيب لنا بكامل حريته ... أن نبذل المزيد من الجهد للحفاظ على الحبيب كلما توطدت العلاقة .. أن نشعره دائماً بالحاجة اليه .. أن نجدد في عواطفنا وطريقة التعبير عنها

الموضوع شيق جداً ورسالة في منتهى الذكاء لمن يعي ويفهم ...

خالص التحية

linda said...

هههههههههه

مش بقولك يوما دي متخاصمة هي والأخلاص والوفاء

ههههههههههههههههههههه

اما بالنسبة للبوست

ففيه رونق مش عادي

تناقض الحب

بتحبيه ومش فارقة معاك لو راح ومشي

بجد يارحيل كدا حسيتي؟

غريب الأحساس


ربنا يخليك لينا

ومطوليش الغيبة تاني

Whispers just for a Night said...

ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التالي
http://kawlansadida.blogspot.com/2008/04/blog-post_21.html
وجزاكم الله عن إسلامكم خيراً

shreen said...

رحيل
قوة وكبرياء
ممتزجتان بالحب

وليس العكس كما اعتدنا
ان يكون الحب هو الممتزج بالكبرياء

تعلن هذة النقطة عن نفسها بقوة فى هذان البيتان رغم تباعدهما

لكنني لن اندم كثيرا
فأنت اخترت الرحيل
وأنت منذ البداية
نصبت نفسك ملكا على قلبي

ثم البيت المقابل له
وإن عدت
فستجدني كما كنت
انتظرك دائما فى جنتى
ودعني أنصبك ملكا
على قلبي بإرادتى


ادى البنات ولا بلاش
:)

shreen said...

اة صحيح
معلش نسيت اقولك

مبروك ع النيو لوك

dr.Roufy said...

سارة وحشتيني بجد
ايه اخبارك يا جميلة؟
طبعا مش محتاجة اقول ان كلماتك زي كل مرة اخترقت روحي ولمستني جدااااااااا
دمتِ صديقة مبدعة

اميره الصعيد said...

بصي هو الكلام معبر جدا ورائع بس انتي مش معايا ان الواحد لما يلاقي حبيبته بتتغزل فيه بالشكل ده لازم يتغر

shreen said...

سارة جايه اقولك ليك تاج عندى
فوتى خديه

مفقوعة مرارتي من حماتــــــــــــي said...

إللي يقولك مافيش كرامة في الحب يبقي كداب
الحبيب اللي مايحافظش علي كرامة حبيبه يبقي مش حبيب
تحياتي

sendbad said...

مبروك النيو لوك ومبروك علي البوست الرائع ده احساسك فيه واضح جدا
دايما بوستاتك فيها حاجة جديدة
وشكرا ليوما تحياتي

DayDreaming said...

التعليق ده للنيو لوك عشان بجد جميل جدا تصدقي هفكر اغير بتاعي
لازم تعرفيني على يوما بأه ههههههههههه

لما اروح اقرا البوست واجي اعلق عليه

دمعاتي said...

وهوه مين تحبيه وميتغرش يارحيل

كلماتك عذبه كالعادة
.......
مبتشوفيش ميرا
مختفيه بقالها مده
عاوزين نعمل اجتماع عائلي قريب
حتى لو على النت لان احتمال ما انزلش البلد

princess dodo said...

اه من الغرور والثقة بالنفس
واه من من لم يفرق بينهما

.
.

جميله كلماتك صديقتى الجميله
وجميل القالب الجديد


خالص تحياتى لكِ

kafrawy said...

معتقدش انة لو رجع هيلاقينى موجود لسة ؟


حد عايز قلب فاضى ........؟

كاميليا said...

مبروك النيولوك

اتمنى ان شكل المدونة الجديد يمنحك بعض التفاؤل
وتضعي فيها اجمل سطورك واسعدها يارب

طبعا البوست عالى الاحساس

دمتي رقيقة

Tamer Nabil said...

انا جيت مش وجدت جديد


قولت اسلم عليكى وامشى


ربنا يكرمك

تحياتى

ra7eel said...

Omar el-tahan

اهلا بيك

اعتقد ان انت فعلا جبت الخلاصه
وكلامك فعلا صح جدا

شكرا لمرورك
--------------------------------
صديقتى الجميلة ليندا

هههههههههه كده شهد شاهد من اهلها واتاكدت انها هتقطع علاقتها بيه
بس ده بعينها ولا هديلها الفرصه دى ابدا على قلبها وقلبك
ههههههههههههههه

فعلا هو تناقض الحب
نورتينى ومنورانى دايما
----------------------------------
Withpers just for night

شكرا على التنويه

جزاك الله خير
---------------------------------------
صديقتى شرين

جميل ان الكلمات اعجبتك

شكرا لكى كثيرا
تحياتى وحبى
------------------------------------
د روفى

انتى كمان وحشتينى ووحشنى انين مدونتك

شكرا ليكى ربنا يخليكى يارب
------------------------------------
اميره الصعيد

ياهلا اهلا بيكى فى اول زياره واتمنى تتكرر

شكرا لمرورك
------------------------------------
شرين

شكرا على التاج

على وجاى التنفيذ

تحياتى وحبى
--------------------------------
مفقوعه مرارتها من حماتها

اهلا بيكى
صح كده لازم كل واحد يحافظ على التانى وميجرحووش
شكرا على مرورك

ra7eel said...

سندباد

اهلا يااه عشان من شافك عندى

منورنى بجد
فعلا شكرا ليوما
وشكرا ليك وجودك
--------------------------------
ميرا

ههههههههههههه
لما اشوف هتغيرى مدونتك امتى

من عنيه اعرفك عليها
هى حد عسل جدا جدا
---------------------------------
دمعاتى

سامح باشا
بطل بكش بقى هههههههههههههههه
اميره لسه معلقه فوقك حالا ايه متبقلتوش على باب التعليقات ولا ايه
ياريت نعرف نجمع قريب بجد
تحياتى لك وتقديرى
----------------------------------
برنسس دودو

فعلا شعره بسيطه بين الاثنين

شكرا لمرورك ياقمر
منورانى
---------------------------------
كفراوى

طيب يلاقيك فين يافندم؟؟؟؟؟؟؟؟؟؟

ههههههههههههههههههههههه
شرفتنى ونورتنى
---------------------------------
كامى

الله يبارك فيكى

ربنا يخليكى ومايحرمنى من طلتك ابدا

شكرا على وجودك الدائم
------------------------------------
تامر نبيل

انت تشرف فى اى وقت

شكرا على متابعتك
تحياتى لك