Friday, May 16, 2008

وهمٌ اسمه الحب


حقا وهما وزيف ولا وجود له ,اخترعناه نحن لنسد فراغا داخلنا
أو لاحتياجنا لشخص ما, نظن وقتا ان حياتنا ستتوقف بدونه
ولكن ستستمر حياتنا رغم كل الجراح
قد تتغير بداخلنا أشياء, تموت أشياء, تختنق أشياء,
وتولد مشاعر بغيضة تجعلنا أكثر قسوة واشد صلابة
فلتسقط كل كلمات الحب الزائفة
التي لن تعلو يوما عن أنها مجرد أحرف كاذبة
ولتسقط كل همسات الحب الخادعة التي لن تتحول يوما إلى حقائق صادقة
ولتسقط كل لحظات الحب التي سرقناها نحن من أيامنا القاسية
ولتسقط كل مشاعر دافئة ظننا أنها من برد الشتاء لنا حامية
ولتسقط كل أحلامنا الوردية التي بنينا منها بيوتا زائلة
ولتسقط كل ابتسامات العشق التي كانت من القلوب نابعة
ولتسقط كل الأحاسيس التي جعلت قلوبنا في سماء الحب محلقة
وليسقط كل الحنين الساري في الروح الهائمة
فلتسقط كل الكلمات, اللحظات, الهمسات,المشاعر,
الأحلام,الابتسامات, الأحاسيس , والحنين
فليسقطوا جميعا, ولتعلو فقط قسوة تغلف القلب,
تعلو فقط وحدها دون اى مشاعر أخرى
فلا مشاعر أخرى باقية

47 comments:

s@gi said...

فلتسقط الحياه ولننعم بالموت
----
شايفك لبستى عبايه قاتمه ودخيلتى المقبره
دفنتى كل حاجه جميله جواكى
دفنتى الحلم ببكره
او كده بتوهمى نفسك
--------
رحيل
أخيتى
انى والله مشفق عليكى
مش معنى اننا مش طايلين الحاجه - دلوقتى
أو إن الجرح كان قاسى بعض الشئ
نكره الحاجه ونعمم
------
دى مبدأيا
لى عوده بعد الغوص بين السطور
سلام
بس فى ثؤال
هو فاضلا يه تانى عايشه علشانو

و القادم....أجمل said...

أختلف معاكي
الحب ليس وهما أو زيف
بل من أجمل الحقائق

===================

الخاطرة رائعه
بها الكثير من المعاني و الأحاسيس
مثل القوة في السرد
و التمرد على الحب
و الحب حتى النخااااع

:)

دمتي متألقة و مبدعة

:)

norahaty said...

السلام عليكم ورحمة الله وبركاته
RA7EEL****
وهمآ اسمه الحب
حقا وهما وزيف ولا وجود له ,اخترعناه نحن لنسد فراغا داخلنا
أو لاحتياجنا لشخص ما, نظن وقتا ان حياتنا ستتوقف بدونه
ولكن ستستمر حياتنا رغم كل الجراح
قد تتغير بداخلنا أشياء, تموت أشياء, تختنق أشياء,
وتولد مشاعر بغيضة تجعلنا أكثر قسوة واشد صلابة
فلتسقط كل كلمات الحب الزائفة التي لن تعلو يوما عن أنها مجرد أحرف كاذبة
ولتسقط كل همسات الحب الخادعة التي لن تتحول يوما إلى حقائق صادقة
0.0.0.0.
كلمات قليلة ولكنها صادقة ضمنت لك قارئة مستديمه. قدنختلف فى اشياء وقد نتفق فى اشياء ولكنى سأكون مواظبة على الحضور ان شاء الله .ارجو قبولى
وتحياتى

مدحت محمد said...

ولتسقط كل مشاعر دافئة

انتى تقصدى المدونة بتاعتى ولا ايه بالظبط

هههههههه

عارفة يارحيل
فى قصيدة اسمها فقط اتذكرك كنت كاتبها

قلت فيها
احبك انا اريد تغيير هذه الكلمة
فقد قاللها الكثيرين

انا لا اقول احبك
بل انتى تشعرين
انى لم انم هذه الليلة
كى اتذكرك

هو فى حب
بس فى ناس للاسف بينصبو بالاسم ده ياسارة


ولو مفيش حب
فى قلب انسان
هيقدر يعيش ازاى

سارة
هى فترة وهتعدى

رئـــــيسـة حزب الأحلام said...

فعلا احنا فى الزمن انعدم فية الرومانسية ولم يتبقى لنا غير فسوة القلوب والنفوس
وربنا المعين

Salwa said...

ساره الجميله

إكتبي ما تريدين

كل شئ هياخد لحظته ويعدي

كلماتك بجد قويه

بس تذكرى دائما
أنه دائما

تشرق الشمس من جديد

دمتى بكل الخير جبيبتي

كاميليا said...

ولتسقط كل لحظات الحب التي سرقناها نحن من أيامنا القاسية
ولتسقط كل مشاعر دافئة ظننا أنها من برد الشتاء لنا حامية
ولتسقط كل أحلامنا الوردية التي بنينا منها بيوتا زائلة
ولتسقط كل ابتسامات العشق التي كانت من القلوب نابعة
ولتسقط كل الأحاسيس التي جعلت قلوبنا في سماء الحب محلقة
وليسقط كل الحنين الساري في الروح الهائمة
فلتسقط كل الكلمات, اللحظات, الهمسات,المشاعر,
............

كيف يسقط الحب؟؟

كيف؟

اذا كان الحب قاتل .. فأنا أعشق قاتلى

وإذا كان الحب سيف .. سأهديه قلبى ليستقر به

وإذا كان الحب عذاب .. فما أعذب ألمه

وإذا كان الحب شوكاً .. فأسير على بساطه

الحب أجمل مافى الوجود
حتى وإن كان خالى الوعود


بوست جميل ياسارة
كلماته تقول أنا أكرهك ايها الحب
لإنى لا استطيع ان اعيش بدونك
فأنا أحبك

يعجبنى اسلوبك وطريقتك فى الكتابة
جداااااا


تحياتى وحبى

Wish I were a Butterfly ... said...

أول مرة آجي البلوج دة. بجد رقيق أوي أوي لأقصى الحدود، و باين من طتاباتك إنك إنسانة رقيقة أوي و أسلوبك في التعبير أكتر من رائع

إحنا فعلا لما بنحب أوي بعدين نفقد الحب دة بنحس إن حياتنا هتنتهي على كدة و مش ممكن نكمل من غيره، بس تفتكري بالضرورة لازم يبقىمكان الحب اللي فقدناه دة قسوة و بس؟
أيوة بنتجرح و أيوة بنحلم قلوبنا تكون حجر عشان مش نحس بافتقادنا للحب... بس تفتكري فيه حد يقدر يعيش من غير حب؟؟؟

تحياتي لأسلوبك الرائع و كلماتك اللي مليانة إحساس. :) بجد جميلة

حاول تفتكرنى said...

ليس بهذه السهولة
أن نسقط كل تلك الاشياء
نحن من نسقط
وهي ابدا لن تسقط معنا

حتى غلظة القلب لن نقدر عليها
حتى الزييف وما شابهه
فكل هذه الاشياء لا سلطان لنا عليها
فقط نملك اتجاها
فقط نحتاج توجيها

هذه ابجديات الواقعية

تحياتي

linda said...

تستحقين ان ننحنى لك أحتراما
تستحقين تصفيقا هائلا لروعة ماكتبتي ياصديقتي

حقا أهنيك

أبدعتي فعلا

لا أستطيع التعبير فقط رائعة

Soooo said...

همممممم

بصي بقى ياستي
الحب مش وهم .. ده أولا
الحب احتياج
احتواء
تكامل
تبادل
حنان
جنان

لو انتي شايفه انك تقدري تعيشي من غير الحاجات دي .. يبقى معلش عيني في عينك ومش هتقدري

انا معاكي في انك غضبانه او متضايقه
فضفضي ياستي وقولي كل اللي تحبي تقوليه
وكلنا هنقول معاكي الحب ده ابن ستين في سبعين .. لكن لما بنروق ونقعد مع نفسنا
بنكتشف ان الحب فعلا ده احسن اختراع في الدنيا

روقي بقى يابنتي
روقي





سلاموووووووووووز

Soooo said...

اه حاجه كمان قبل ما انسى
صححي اسم الموضوع وخليه
وهمٌ إسمه الحب
لأن وهم مبتدأ مرفوع بالضمه




سلامووووووووووز

nanooo2100 said...

ايتها الرقيقه
الحب موجود في كل مكان وزمان
انا اكاد اشعر بكي حقا
فقد مررت بلحظات افقدتني فيها احساس ومعنى الحب
عندما استعطت ان اتغلب عن نفسي وقلبي واقرر ان انسى من جرحني
ولكن الحياه دائمه مليئه بالحب والغدر
اما الحب الحقيقي فهو الذي يدوم هو الذي يجعلك تملكين العالم باسره
صديقيني حبيبيتي فعن تجربه
ان افتقدت الحب في لحظه
سوف يعوض الله عليكي
وتجديدن من يستحق قلبك الرقيق
تحياتي لكي

حمامة said...

لا تجعلى قسوتهم
وحماقتهم
وغباءهم
يقتلوا ما فى قلبك
فلا تعيروا لهم اى اهتمام
واتركيهم كالكلاب تعوى
ولكن تعلمى
فكل منا يخطىء ويخطىء ويخطىء
ولكن عليه ان يتعلم من اخطاءه لنصيب ف المرة القادمة
صدقينى تلك الأحاسيس ما تزيدهم إلا فخراً وزهواً

اتمنى لكِ الخير والتوفيق
بتكتبى حل اتمنى تشاركى ف مشروع المدونات :)

http://www.facebook.com/group.php?gid=13820826455

ghoneem said...

اهلاً بيكي

انت صدمتي كل الناس اللي قرأت البوست ده طبعاً الا أنا !!!!!!
عارفة ليه؟؟؟؟؟؟؟؟؟؟؟

لأني الوحيد اللي عارف انك نسيتي تكتبي ملحوظة ملهاش لازمة
أكتيها يابنتي عشان الناس كدة مش هتعرف تنام

كلماتك جميلة ومؤلمة وأراها تحتاج فعلاً الي
ملحوظة ملهاش لازمة

لكي مني كل التحية والتقدير

بالتوفيق...........

عـــفـــراء said...

حبيبتى رغم معرفتك بمدى اعجابى بتلك الموضوع لاننا تناقشنا فية من قبل
ولكنى لا استطيع الرد او التعليق
لانك عبرتى عن معنى غزير بكلام قليل وبسيط بل وشامل
وما يعيننى قولة ان الحب ليس بوهم فقط ولكنة بقانون يحكمة القدر والحياة
...............

monaliza said...

كلمات قاسية وروعتها فى واقعيتها
ولكن اسمحيلى ياحبيبتى فالقادم اجمل بكثير ومش من تجربة نيأس وهقوللك على كلمة كان مدرس فى ثانوى مرة قالهالنا"مش عشان واحد شرب مرة وزور مايشربش تانى" كان اسلوبه وعو بيقولها يضحك ولما كبرت وفهمت المعنى على حقيقته لقيتها بجد حكمة مش مجرد كلمة عادية
يارب دايما تكونى بخير
..................
لكى منى خالص الشكر على مساندتك لى وجعلها الله فى ميزان حسناتك

L.G. said...

نحاول معاكي

لا يا سارة كما قيل في التعليقات السابقة لالا
وإن كان حبك وهما تعلمت منه نضجت تفهمت زادت حكمة الحياة
سعدت لحظات ولو كانت زائفة زائلة الدنيا بأكملها زخرف زائل أليس كذلك

يا سارة نقف فوق تجاربنا ونعلو
هي دي حكمة السنين أمال ليه بيقولوا ان كبر السن حكمة عشان بنكون اتعلمنا حتى من الأوهام

الحب حقيقي ومزيف زي الخواتم كده دوري على الدمغة اللي عليه الأول :))

افتكري كل لحظة حلوة في حياتك واتمسكي بالاحساس الطيب والذكري الجميلة حتى لو المرحلة انتهت ورحت في سكة جديدة
ده رأيي بجد وعن تجربة
محدش وحش 100 % ولا حد كويس 100 % افتكري الطيب وارمي الوحش من وفق كوبري طلخا والقطر معدي

صوت من مصر said...

كتير قولت زيك بس اكتشفت ان الى مش بيحب مش عايش لانمه لازم يحث الحب ولا ايه ؟

WhItE HeArT said...

أيه ده كلماتك خلت الدنيا حوليا صوده قوي ده لولا نور الكومبيوتر كان زماني مش شايفني

بأه الحب اللي عمالين نكتب فيه كل ده بأه خداع وألم في لحظه

مش ممكن انا مش موافق حتى لو تألمنا شوية مش معناه انه كله خداع هوه صحيح انا قبل كده كتبت ان الحب خداع زيك بالظبط بس بصراحه مكنتش موافق نفسي بس كانت قسوة الجرح اكبر من عمق الفكر

ويارب ميكنش ده اللي جبرك انتي كمان

تقبلي تحياتي

klmat said...

عزيزتى ساره
يبقى الحب دائما حقيقه واقعه
قد يتبدل الحبيب لخيانته او لظروف
كثيره وتستمر الحياه والحب .ونتعلم ونعى
الدنيا اكثر عندما نتعرض للغدر ونصبح اكثر قوه لكن اثناء تعلمنا قد نشعر اننا كناواهمين واذا بنا نصادف من نحب مره اخرى خواطرك دايما تدفع للتأمل والتفكير
ربنا يسعدك ويوفقك

MKSARAT SAYED SAAD said...

رحيل
بطلت نصك تتحدث تحت وطأت الجرح والالم لكن عندما تفيق من جرحها وبعد سنوات معينه ستدرك
ان الحب احساس مثل باقي الاحاسيس المزروعه فينا مثل الكره مثل الشرف مثل الانانيه
نحن بايدنا نستخدمها بطريقة صحيحة او خاطئه وبالتالي باقي الاحساس يقع عليها نفس الفرض
---\
هذا ليس تقليل من ما اصابها
من صدمة مشاعر
لأنها فعلا صدمه وليس اكثر من ذلك
ليس في الاحساس ولكن في توصيف ذلك الاحساس
دمتى بكل ود
سيد سعد

rainbow said...

يا صديقتى

افتقدتك جدا

سارة الرقيقة كنسمة الصباح
لا يبدو انكى تجيدين ارتداء قناع القسوة
فكما قالت الغالية كامى : انتى تسبين الحب لانكى لا يمكن الا ان تحبيه !0

الحب سارة ليس وهما وخطأ الاشخاص فى حق احد قوانين الحياة كالحب او الايمان او الكرامة لا يعنى انها تصير وهمية .. ابدا المخطىء هو منفذ القيمة وليست القيمة نفسها فهى اكبر من ان يغيرها تصرف

لو كان الاختيار خطأ مرة او اثنتين او حتى عشرة فلا ضير المهم الا تتغيرى انتى ابدا ودون كلماتى هذا امر واقع ستظلين على رقتك وعذوبتك وانتظارك الجميل لزيارة الحب الحقيقى فى صورته الصحيحة بإذن الله

كونى بخير حبيبتى

دمتى صديقة غالية واخت رائعة

هدى

HANY YASSIN said...

لاحتياجنا لشخص ما, نظن وقتا ان حياتنا ستتوقف بدونه


كلامك منتهى الصواب نعم نظن فى بعض الاحيان اننا لا نقدر على العيش بدون شخص ما
يجعله هذا يتملكنا كما يشاء لكن عندما نفيق ننتفض لنأخذ ثأرنا
هكذا الانسان كائن غريب متقلب

دمتم بكل ود

نتشرف بزيارتكم مدونتى

hanyyassinblog.blogspot.com

منى said...

لا
فلتسقط القسوه
ولتعلوا كل الاحاسيس الجميله
كده يا رحيل يهون عليكى تقولى تسقط الاحاسيس
وانا اروح فين
؟
فلتسقط كل الكلمات الزائفه والاحرف الكاذبه
اوافقك الراى هنا

لكن هناك دوما كلمات جميله
ومشاعر نقيه
دعينا نبحث عنها
او نقضى العمر فى انتظارها
ولو لم نصادفها
يكفى اننا حلمنا بها

اراكى قريبا

شـمو نشـادر said...

يا خبر ..
ليه كده يا بنتى بس التشاؤم ده ..
ده انتى لسه صغنتوته ..
مش احساس وحش اللى ممكن يبوظ علينا كل احسيسنا الحلوه ..
ومش حد جرحنا هيخلينا منقدرش كل الناس اللى بتحبنا ..
و يا رب اجى المره الجايه الاقيكي مزقططه ومفرفشه ..
وانا عازمك عندى على فنجان قهوه ..
تحياتى ..
أسامة أمين

dr.gesho said...

يا ساتر يا رب
لا ماهو بصى بقى تكتأبى انتى حره
تشوفى الدنيا سوده براحتك
نفسك تنتحرى دى حاجه ترجعلك
انما تموتى الحب لا اهو ده اللى مش هاسمحلك بيه ابدا
هوا احنا ايه اللى لسه حلو فى حياتنا عشان تموتلنا الحب كمان عملك ايه الغلبان ده عشان تقولى انه وهم
لا يا طنط الحب موجود هوا بس يمكن الظروف اللى احنا عايشنها مخلياه فى العنايه المركزه انما لسه ماوصلش لمرحلة الاحتضار
راجعى نفسك فى انتظار البوست القادم
تحياتى

آية مش هنا said...

دعيني أفترض معك جدلا ..
ان الحب كذبة و خدعة اخترعناها ..
هو كذلك .. فليكن ..
بس ليه تسقط كل الأشياء دي ..
نحن نختلسها و نختارها و نبحث عنها لاسعادنا ..
أما القسوة فلا تبقي في الحياة سوى شقاء ...
فلننعم بالسعادة .. حتى لو على سبيل الخداع ..
مدونتك رائعة بجد :)
تحياتي

رئيس جمهوريه نفسى said...

الحب وهما من تخيلنا لو لم نجده على الارض لخترعناه
تحياتى

دمعاتي said...

قال لي صديقي المهاجر
الحب هو وقود الانسان النووي
وهو اما ينفجر فيك وفي من تحب ويملا دنياك بغبار ذري
وإما يصنع لك طاقه مهوله تدفعك للامام في حياتك بسرعه الصاروخ والبسكلته
ما تحدثتي عنه في البوست بالتاكيد من النوع الاول الذي ينفجر
حفظنا الله واياكم

اخلع انا بقه قبل ما هدومي تلقط غبار ذري

funckydoctor said...

بل ما أقسى أن نقسى على أنفسنا

محمد العدوي said...

لو وهم اسمه الحب

يبقى وهم اسمه الصدق . والصفاء . والعدل

يبقى وهم اسه النور

من الاخر يبقى وهم اسمه الخير بالجملة ..


هو بس ما يصنع هذا الاحساس تعجلنا الوصول للحب .. فنتوهمه في اي حاجة تقابلنا تمت لشبهه بصلة .. ثم ميطلعش هو

لكن ببساطة .. أعد المحاولة . ستنجح


:)

ayman badr said...

ليه تدفنى المشاعر الجميلة دى لمجرد إنها طلعت لشخص خطأ او غير مناسب متغلفيهاش بالقسوة لإنك أول واحدة هتتعبى منها وانتى قولتيها ممكن نكمل الحياة بعد تخيلنا إن حياتنا هتقف من غير الشخص ده
أول زيارة ومش الأخيرة واعتبرينى زائر دائم
تحياتى

أبا يحيى وادم said...

لام عليكم ورحمه الله وبركاته
جزاكم الله خيرا اولا على طرح مثل هذا الموضوع
أنا لا اتفق عك فى كثير جدا مما قولتى
- أخترعناه نحن لنسد فراغا داخلنا أو لاحتياجنا لشخص ما-
لا يا رحيل فهو سنه الله فى الكون وضعها بنا وبيننا وفينا نتعامل بها لكننا قد مخطى فى اختيار المكان الصحيح فقط
وكل الظاهر الكونيه تدل على ذلك
وأنظرى العالم الحديث حينما بداء فى التخلى عن العاطفه وتعامل بالماديات والعقليات فقط ماذا حدث؟

أتفق معك فى اننا لن تتوقف حياتنا بدونه وذا هو الصحيح لاتجعل حياتك وعمرك يتوقف على احد مهما كان هو فانت اعلم بنفسك من غيرك واقدر على ادارتها وتوجيهها واعاده تاهيلها ولكن ما قد ينتج عن مثل هذه المشاعر من قسوة وكراهيه وفقدان الامل بالحياه من دونه ماهو الاخطا بالبدايه وهو الاندفاع الشديد جدا بدون اى حسابات عقليه ونفسيه وامور اخرى كثيره
لى كلمه دائما اقولها
الحب ماهو الا راس ميزان كفتيه هما العقل والقلب فلا تغلبوا كفه على اخرى
اعتذر على الطاله
والسلام عليكم ورحمه الله وبركاته
أخوك
د/احمد جمال

Sherif said...

رحيل العزيزة

ربما كانت فترة حرجة .. صعبة
لكنى أعتقد أن من يحمل قلبا رقيقا مثلك .. سوف يغير رأيه تماما حينما تعثرين على نصفك الآخر ..فإلى ذلك الحين

كل الخير والسعادة لك

Baker said...

شكلة تجربة مزعجة بس احب اقولك متعمميش حكمك لو لقيتى الحب مع انسان مناسب كلامك هيبقى عكس كده خالص
بصىالحب مالوش زنب لكن الزنب لسؤ الاختيار
تحياتى

Tamer Nabil said...

الحب احساس وشعور جميل

ومشاعر صادقة وموجودة لكن اذا كان البعض لايفهم لغى العواطف ويستغل الاخرين مدعيا بالحب فهذا شاذ عن القاعدة الاساسية

ربنا يكرمك يارب

تحياتى

سمراء said...

ظلم الحب بين المدعين انهم يحبون
المشكلة مش في الحب المشكلة في اللي بيقولوا انهم بيحبوا
دائما في فجوة بين النظرية والتطبيق
قلبي معاك
سمراء

mostafarayan said...

لاء الحياة مش غامقة قوي كدة
الحب هيفضل موجود
لو انجرحتي انسي وحاولي تكملي ... لازم تقدري تكملي
تحياتي ليكي

youma said...

ان استطعنا العيش من دون ل هذه المشاعر لكان الامر اسهل بكثير مما نتخيل

ولكنها دون جدوى
كل هذه المحاولات لأن يتشبع القلب بالقسوة دون جدوى

فلنحاول ان نتعامل مع قلوبنا بطيبة اكثر ولنمنحها السعادة بحب آخر

فلا جدوى من ان نمحو هوية قلوبنا

قلوبنا خلقت للحب

لا لشيء آخر

دنيتى الجميله said...

حبيبتى ساره
ليه بس كده
انتى فعلا زى موصفتى نفسك فى البروفيل كل مره شخصيه غير التانيه
بس الحب مش وهم قوى كده
بس ساعات فعلا بيبقى وهم
ههههههههه
تناقض صح
بس هو كده

semsem said...

لا يا ساره
حرام عليكى
مش شويه الم او حتى جرح يغير نظرتنا للحياه
فى حب
فى امان
فى سعاده
بس ساعات الوقت بيبقى غلط
ساعات بيبقى انسان صح ف وقت غلط او
كوننا اسأنا الاختيار
او حتى اتخدعنا
لالالالالالالالالالا
الحب موجود
حب ربنا لينا
حب اهلنا
حب الحياه
حب الحب حتى

Dr-hema said...

شوفى حضرتك قصدك بأنهى نوع من الحب

؟؟؟؟؟؟؟؟؟؟؟؟؟؟

فهناك الحب الغريزى بين الأم وأبنائها

وهناك الحب المصطنع الذى نحاول ان نعيش فيه
والأخيرهوالحب الفاشل

د/هيما

la3lahakhier said...

السلام عليكم
يبدو انى فاتنى كثير سامحينى لانشغالى كل التحية

الحشرى - سيد يونس said...

الحب لو كان وهماً أختى ما كان أحد يعرف الرومانسية ويعرف طعم العيش

ولكن هناك منغصات تجعله يكون سرابا وليس وهما

وليس كل الحب وهم ولكن من الممكن أن يكون سعادة دائمة

رهف said...

صديقتى
كم جميل ان تكتبى كل مره بشخصيه جديده بس المره دى حاسه انى شايفه دموع متحجره فى عينيكى ترفض زيف الحب والمحبين
ولكن حبيبتى الحب موجود وبالتأكيد ستصادفيه يوما صادقا
حبيبتي اتمنى لكى كل كل الخير
تحياتى

سنووايت said...

مدنوتك هادية اوي ومريحة نفسيا
الحب مشاعر , مجرد مشاعر
يمكن احنا اللي بنحولها لاوهام
لكنه في النهاية مجرد احساس يعني شيء غير مادي ودا اللي بيدينا فرصة نقول انه اوهام
وهي حياتنا كلها ايه غير شوية اوهام هنفوق منها كمان شوية
حتي لو اوهام جميل انك تعيشيها مع شخص مناسب