Saturday, May 24, 2008

تضارب مشاعر

اولا انا اسفة جدا انى مردتش على التعليقات وشكرا لكل اللى علق على البوست اللى فات
واهلا بكل المدونين اللى اول مره يشرفونى فى مدونتى
وشكرا جدا جدا لكل اصدقائى اللى بيشرفونى دايما
واللى كلامى مش بيكمل غير بجد بتعليقاتهم
ثانيا انا كنت ناوية ارد على التعيلقات كلها فى بوست هنزله
هو تقريبا رد على البوست نفسه اللى فات
بس معلش هأجله شويه مش بعرف انشر بوست مش حاساه فى وقتها
ثالثا اول مره افكر اقفل التعليقات البوست ده بس فعلا مقدرتش
انا مش عملت المدونه عشان اكتب وافضفض وبس
لاء بجد انا بكون سعيدة جدا بأى تواصل بينى وبينكم
رابعا اسفه انى مقصرة بجد اليومين دول تحياتى وحبى لكم جميعا
----------------

عندما تتضارب المشاعر وتتداخل المسميات
عندما نقف على حافة الجنون لا ندرى إلى أين سيقودنا إحساسنا ؟
أو إلى أين سترحل بنا مشاعرنا؟
عندما نقف حيارى في منتصف طريق لا معالم له سوى مجرد أمنيات
عندما نصر على الهروب من أحزاننا إلى طريق نعلم يقينا انه مسدود
طريق آخره حلم قد يكون فنكون معه
أو آخره سراب فنتوه في ظلمته
هل حقا يمكننا السيطرة على تلك المشاعر الهاربة من بين طيات القلوب؟
هل حقا يمكننا وئــد إحساسنا بأمان نتمناه أن يكون؟
وهل للقسوة أن تولِد بداخلنا سوى قسوة وان احتملناها مرة و مرات ؟
غريب أمر هذا الحب حقا
عندما يعتصر قلوبنا ألما وحزنا
بعد أن يكون لنا وطناٌ وعمرا

43 comments:

Salwa said...

هييييييييه

أول تعليق
أقرأ وأرجع لك

ghoneem said...

اهلاً بيكي

تاني تعليق....
أقرأو أرجع تاني

ra7eel said...

سلوى

منورااانى دايما
انتى قاعده على باب المدونه ولا ايه
هههههههههههههههه
-----------------------------
غنيم

ياهلا بيك
هما مدونين الدقهليه كانو قاعدين سوا على باب المدونه
ههههههههههه
طيب مش تقولوا كنت جيت
منورنى

Salwa said...

تتساءلي وتتعجبين
تسكن الحيره قلبك
وفيها تسكنين
سارة ..
ألا تعرفين؟؟
هكذا الحب منذ آلاف السنين
سارة .. بكرة أحلى
وغدا .. ستتأكدين
وتقولي سلوى قالت
وكانت أول المعلقين

:)

أيوة كده اضحكي يا شيخه

ربنا يوفقك يا ساره
وبكره أحلي
إن شاء الله

*****

Salwa said...

ايوة يا ستي
قاعده على باب المدونه
عندك مانع؟؟

بحسب يعني

وبعدين أدينا قاعدين من ساعه
ولا شفنا شاي ولا قهوة
ينفع كده يعني ؟؟


:)

dr.gesho said...

لا المره دى بجد معرفش اقول غير رائع الاحاسيس دى كلنا بنحسها فى اوقات كتير بس انتى عبرتى عنها بشكل جمييييييييييل
تحياتى

ghoneem said...

أهلاً بيكي تاني

انت في عندك تضارب اليومين دول باين جداً في كتاباتك ..!!!!

تناولك للمواضيع بياخد اتجاه نحو الشجن وده عامل تأثير قوي لكلماتك

أختيارك لعنوان البلوج "محاولات البحث عني" أختيار موفق وكتاباتك علي نفس الطريق للبحث عن رحيل

أحييكي علي تأثير كلماتك وأحب أقولك ممكن تسيطري علي تلك المشاعر
ممكن تصلي بك الي بر الأمان
ممكن أن تقودي انت مشاعرك
المهم والفيصل هو ماذا تريدين بحق

أتمني لكي كل التوفيق والنجاح

تحياتي

كاميليا said...

الارادة .. وقوة الارادة

ثم تحديد الهدف واختيار الطريق

تنقية المشاعر من كل ما يؤلمها ويحزنها

شئ مهم كمان ومهم جدا

ان نترفق بقلوبنا ونحبها


على كل حال هى فترة ولابد ان تأخذ وقتها كاملا
ثم تستقر الصور المهزوزة فى اعيننا

تحياتى وحبى

رئـــــيسـة حزب الأحلام said...

اولا الحمد لله اننى لم اجرب الحب يوما
يمكن لاننى اكرة ان اكون ضعيفة واعلم اننى عندوا احب ساكون ضعيفة وهذا مايبعدنى عنه والحمد لله لم اجرب الالم ولكنى اعتصر من الوحدة
تحياتى

la3lahakhier said...

الحب
بابنا الى
الله

DayDreaming said...

غريب ومش اي غربه

اول بوست احسه من فتره في وسط الكام بوست المليانين كآبه:)
حلو اوي

ra7eel said...

سلوى

ايوه ياعم بنكتب كلام حلو اهو طلعى طلعى كل اللى عندك
ههههههههه
وبعدين ولا تزعلى نفسك واحد شاى هنا وصلحه
وكمان تلات اربع خمس سندوتشات هنا
اى طلبات تانيه انتى تؤمرى بس
منورااانى دايما
---------------------------------
dr.gesho

ايه ده بجد والله الكلام عجبك؟
طيب كويس الحمد لله
ان كلامى وصل لحد يابنى انا كاتبه وكنت حاسه بلخبطه كده
وقولت خلاص كده بقيت مجنونه رسمى
ههههههههههههههه
تحياتى وتقديرى
-----------------------------
غنيم

اهلا بيك تانى
لاء شوف حضرتك التضارب ده مش اليومين دول
ده تقريبا العادى بتاعى من زمان
عشان كده انا سميت المدونه محاولات للبحث عنى
فعلا المهم انى انا اللى اقود مشاعرى واسيطر عليها مش العكس

شكرا لك تواجدك ومرورك
تحياتى وتقديرى

حسن محمد توفيق said...

العزيزة
رحيل
سعيد بزيارتنى الاولى لمدونتك وبما شاهدت فيها من مشاعر رقيقة وكلمات رائعة
لماذا رحيل ؟
وانت فى ريعان الشباب
لابد من الامل والتفاؤل رغم كل ما يحيط بنا من ازمات فيكفى حديث الرسول الكريم والذى يقول فيه
( تبسمك فى وجه اخيك صدقه
فى انتظارك ولك كل التحية

funckydoctor said...

قد تكون هذه لذته وروعته

ra7eel said...

الرقيقة كامى

بجد تسلسل واقعى جدا
اراده
تحديد هدف
اختيار طريق
تنقيه مشاعر
واظنها حقا خطوه مهمه جدا
تنقيه المشاعر هذه
ومااصعبها حقا

كامى شكرا لك تعليقك المتميز دائما
تحياتى وحبى
---------------------------------
رئيسة حزب الاحلام

اهلا بيكى
مش عارفه اقولك برافوا عليكى انك دايما بعيد عن الحب
ولا اقولك ان مش دايما بيكون ضعف
تعرفى الحب الصح بيقوى مش بيضعف
الحب اللى بجد فعلا بيينى مش بيهدم

الوحده صعبه بس اوقات بتكون ارحم من جرح حد عزيز عليكى
شكرا لمرورك
--------------------------------
لعلها خير

ونعم بالله
بنتوه وبنلف ونتخبط فى الدنيا ونرجع تانى
المهم دايما نكون عارفين طريقنا
شكرا لكى
---------------------------------
ميرا

اى خدمة يابنتى
انا قولت قبل كده عند سامح
نحن عائله تحترف الكآبه
تحت امرك يافندم
اى كابه تعوزيها تعالى على هنا
ولا على ايه اجيلك انا
منوره يامرمر

ra7eel said...

حسن محمد توفيق

اهلا بيك بزيارتك اللى مش الاولى شكلك ناسى ان حضرتك جيت هنا قبل كده
دى التانيه يافندم
مرسى جدا على كلامك

الموضوع مش موضوع سن مااعتقدش ان الحزن ليه عمر معين
بيكون نتيجه مواقف وتجارب
مش تقلق مش دايما الدنيا سوده واقات بتكون بمبى
تحياتى لك
--------------------------------
funckydoctor

لذته وروعته؟
ام جراحه وعذابه؟
احنا تقريبا بنستعذب جراحنا والامنا
غاويييييين نكد

هههههههههههههه
شرفتنى

L.G. said...

شوفي يا مؤمنة
الحب عامل زي الدوامة لازم تفضلي فيها لحد آخرها ساعتها تقدري تتغلبي عليها لكن لو عافرتي وانت في أولها حتطحنك
المهم اثناء الدوامة تاخدي بالك من القروش والقناديل
وتفضلي تدعي ان ربنا ياخد بيدك لبر الأمان بس كده
لا حتقدري تقاومي ولا تعملي حاجة أصلا
كلمة بس لرئيسة حزب الاحلام
ازاي تبقى رئيسة الحزب ومجربتيش حياة اعضاء الحزب ؟؟؟

كمان عزيزتي صدقاً
نحن لا نختار الحب أبداً
الحب هو الذي يختارنا
لم يكن تحكما منك ولكن فقط عافاك الله منه وقد ياخذك الحب يوما في دوامته ؟؟ من يعلم ورحيل وقتها حتقف جنبك ان شاء الله تكون بره الدوامة :)))
دمتم لي وقلبتوا علينا المواجع

princess dodo said...

هكذا الحب ائما
تناقضات\

هى ما تؤلفنا جميلتى

.
.

عُدتِ بألف خير

rovy said...

كلماتك جميله قوى ومليانه احساس
اتمنى ان تجدى طريق السعاده والامل
وان يملاء دربك الحب الصادق
كل الود ودمت بخير .. ودام احساسك العالى .
تحياتى

rovy

عـــفـــراء said...

السلام عليكم
حبيبتى قرات موضعك كثيرا وبعد قراتى لم اجد رد بداخلى او تعليق لما كتبتى
بل وبداخلى كل هذا التضارب
ولا اجد اى مسمى لما بداخلى
ولكن دعينا نسمية بوهم كما قلتى من قبل
دعينا نسمية قانون تحكمة الحياة علينا فنطلق علية حب
فاين قوتك وعزيمتك اين تصابرك
فسمى مابداخلكى كما تشائى انتى
فستجدى وقتها انة ليس هناك دافع للتضارب
تحياتى ياست سارة

sendbad said...

اوقات كتير الحيرة والقلق بيسيطروا علينا يمكن عشان حاجات كتير في حياتنا بتبقي مش واضحة المعالم وحاجات كتير بنلقيها بتتغير من حولينا رغم انها كانت من اساسيات حياتنا وكل يوم بنفقد معني جديد وحلم جميل واخلاقيات وعادات بس هي حالة بتيجي وتروح المهم في الاخر نفدر نسيطر علي انفعالاتنا عشان نقدر نكمل
تحياتي الخالصة

Whispers just for a Night said...

موعدنا غداً لنتحد ولو لدقيقة
الساعة الرابعة عصراً نرسل رسالتنا الأخيرة
http://kawlansadida.blogspot.com/2008/05/blog-post_24.html

25/05/2008

alshrifus kingdom said...

ليس انتى فقط من لديه هذه المشاعر اغلبنا ان لم نكن كلنا ولكن ... من هو الذى يستطيع ان يسير مشاعره وفق المأمول منه اعتقد اجابه سنعجز اغلبنا عنها لان المشاعر ليست ملكنا بل ملكـ الذى بسببه التهبنا فنصبح اسرا لهواه والسعيد فينا من قاوم او على الاقل لم يستسلم لتلكـ المشاعر مهما كان ما تحمله الينا من حب او ضعف

سنووايت said...

وقفت بمنتصف الطريق
فقد طالت المسيرة
نعم أشعر ببعض التعب وربما بدأ يتسلل الي الملل
رغبة تتملكني تلح علي بأن أعود من حيث أتيت
لازال ينبض بداخلي بعض الأمل
محاولا" دفعي الي هناك
تأبي أن تحملني قدماي
فما تبقي من الأمل يجرني للوراء
ويعود بي الي البداية
محاولا" بشي الطرق اثنائي عن المضي
رغم انني أصبحت بمنتصف الطريق..

لازلت في مكاني
أتأمل طرفي الطريق
فالمضي قدما" يحمل صعابا" ما عدت أقوي علي تحملها
وان كان المضي صعبا"
فالعودة باتت مستحيلة
فما عدت أري اثار خطواتي
فكيف اعود بعد ان وقفت بمنتصف الطريق

ويعود يحملني الأمل
الي هناك
فلربما صادفت وهما"صاحبته
الي هناك
ولربما صدقت كذبا" يأخذني
الي هناك
فالعودة باتت مستحيلة
والمضي لن يوصلني يوما"
الي هناك
فكيف أمضي في طريق بلا نهاية
وكيف أعود الي حيث كانت النهاية
..فهل أبقي
هنا
بمنتصف الطريق؟!!!

تحياتي
سنووايت

Tamer Nabil said...

طول حياة اى انسان يارحيل وهو ماشى فى طريق او اكتر

بس الافضل لما يجد طريق لايناسبة من الافضل البعد عنة والحروج منة نهائى


ربنا يكرمك


تحياتى

سمراء said...

الحب طاقة لايمكننا منعها من الخروج
ترسم لنا احلاما وامنيات
وتجرح عندما تصطدم بعدم تحقيق الامنيات

ادعوك لقراءة الموضوع الجديد تساؤلات
اشكرك على مرورك وتعليقك
سمراء

ra7eel said...

L.G

انتى عسل بجد اه والله
ومعلش بجد لو كنت قلبت المواجع
بس مش عارفه ليه بحس قوى تعليقاتك
وبفتكر دايما كلمه انتى قولتيها انى بفكرك بنفسك
تفتكرى عشان كده بحسك كلامك قوى

نحن لا نختار الحب أبداً
الحب هو الذي يختارنا

انا مش معاكى فى ده قوى عارفه ليه
لان اوقات بيكون قدامنا ان احنا نرفض
بس احتياجنا او ضعفنا فى وقت ما هو اللى بيخلينا نسلم
مع ان احنا كنا ممكن نقاوم ونشغل عقلنا شويه
مش كله قلب قلب كده

ربنا يخليكى يارب
----------------------------------
برنسس دودو

اهلا ياقمر فينك من زمان
امتحانات بقى ومذاكره؟
ربنا يوفقك يارب
اهى التاناقضات دى هى اللى هتجننا قريب
نورتينى يادودو
---------------------------------
روفى

اهلا بيكى
شكرا جدا على مرورك وتعليقك
ودعواتم الجميله

تحياتى

ra7eel said...

عفراء

وعليكم السلام
طبعا ياروشا انتى من الناس اللى تقريبا بكون عارفه ردها من قبل ماتكتبه
عشره بقى وكده
مش تقلقى كل احساسك واصل
منوره يابت
-----------------------------------
سندباد

ياهلا ياهلا
فينك ياسندباد من زمان
فعلا حاجات كتير بتتغير
واحلام كتير بتختفى وغيرها بيفرضه علينا الزمن

شرفتنى
فى انتظارك دائما
-----------------------------------
Whispers just for a night

جزاكم الله خيرا

تحياتى لك
--------------------------------
Alshrifus kingdom

اعلم اننى لست وحدى وان الكثيرون يشعرون بها
حقا السعيد من يقاوم ولا يستسلم لها

شكرا لمرورك
تحياتى لك

ra7eel said...

سنووايت

فكيف أمضي في طريق بلا نهاية
وكيف أعود الي حيث كانت النهاية
..فهل أبقي
هنا
بمنتصف الطريق؟!!!

انتى بجد روعه
كلماتك حسيتها قوى قوى
تسلمى يارب
-----------------------------------
تامر نبيل

معاك والله ياتامر
الافضل ان لما نلاقى طريق مش مناسب نبعد عنه نهائى

شكرا لمروك
تحياتى وتقديرى
---------------------------------
العزيزه سمراء

انتى كلامك صح جدا
وتمت الزياره يافندم
نورتينى
تحياتى وحبى

Dr-hema said...

إيييييييييييييه دنيا
كلام جميل ومشاعر رقيقة
بس ليه اليأس ده
الدنيا فيها خير
ولا مسدود ولا حاجة
:)
د/هيما

الإتربي اللولبي said...

مساء الخير

محاولاتك جميله يا أخت رحيل

أتمنى وصولك للهدف

و أتمنى دوام زيارتك

و شكرا على تعليقك اللطيف

سلام عليكم

EmY said...

تعرفي يا رحيل تضارب المشاعر ده فعلآ يمكن ان يقود الي الجنون
حين لا تعرفين بما تشعرين اهو فرحه ام حزن اشتياق ام ملل

لما تبقي مش قادره تحددي اي حاله مزاجيه انتي بتعيشيها و مش عارفا انتي واقفه علي ارض صلبه ولا امواج بحر

كلام معبر جدآ علي الرغم من قصره
تحياتي

هبة المنصورى said...

مشكله فعلاً
بس متهيألى إن ده مابيبقاش حب حقيقى

الحب عمره ماجرح
عمره عمره ماجرح
ولاعمر بستانه طرح
غير الهنا وغير الفرح

ده مقطع من "ألف ليلة" بتاعة ثومه
وكل اللى أقدر أقوله إنك لما تتلخبطى أوى كده وتتأزمى كده وماتلاقيش حد يفك الإشتباك يبقى لسه ماوصلش

نورتى مدونتى
وهاضيفك على ليستة الجيران عشان أخبط عليكى من وقت للتانى

Soooo said...

اول مره اقف عاجز مش قادر اشد من أزرك

ربنا يكون في عونك
حاكم الحب كده
بهدله بجد

ربنا يسعدك ويريح قلبك ويكرمك ويوفقك ويرضيكي دنيا وآخره يارب


سلاموووووووز

إبـراهيم ... معـايــا said...

مدونتك حلوجووة قووي يا رحيـل، شكلي أول مرة أعدي عندك هنا، وحلوة أغنية إيمان البحر، مممممممم ، محتاجين نكبر الخط بس شويتين
.
.
كلماتك حالة إنسانية طبيعية قوووي، بس فيها رغم كل ذلك أمـل ... وإن كان للخوف مكان .

تحياتي ، ومرور أول

عرفة فاروق السيوطى ( الاديب العاشق) said...

السلام عليكم

اولا انا قريت اغلب فضفاتك


وعجبنى جدا الاسلةب الرومانسى الحالم اللى بتكتبى بيه

بس احب عمره ما كان وهم وفعلا الحياة بتستمر معاه رغم الجراح


تحياتى

وعلى وعد بتكرار الزيارة

واتمنى تشرفينى

الاديب العاشق

عرفة فاروق السيوطى

تحياتى مرة ثانية

ra7eel said...

د. هيما

اه والله دنياااااااااااااااااااا
مش يأس والله
هى بس شوية فضفضه
ادينا مستنين الخير يجى
ههههههههههههههههه

شكرا على مرورك
-----------------------------------
الاتربى اللولبى

مساء النور
شكرا جدا ليك ولزيارتك

وان شاء الله اكون قارئه مستمره لمدونتك

تحياتى لك
-----------------------------------
ايمى

فعلا يايمى انتى كلامك صح جدا جدا
صعب قوى لما يكون الواحد مش عارف يحدد حالته المزاجيه
وكمان مش شايف ملامح طريقه

نورتينى متبقيش تغيبى عليا
تحياتى وحبى
-----------------------------------
هبه المنصورى

ياهلا ياهلا
صح ياهبة فعلا هو ممكن ميكونش حب حقيقى
فعلا مدام لسه محدش فك الاشتباك يبقى موصلش

شكرا جدا جدا على زيارتك

ra7eel said...

سوووو

بجد كفايه وجودك وزيارتك ليا
سوووو
عادى عادى
كله بيعدى وبيفوت
شكرا على تعليقك
ربنا يخليك
نورتنى
----------------------------------
ابراهيم....... معايا

شكرا جدا جدا
بس على فكره دى مش اول مره تعدى هنا
بس عملت نيو لوك بقى وكده
من عونيه هكبر الخط شويه

اسعدتنى زيارتك وهستنى تكرارها
---------------------------------
عرفه فاروق السيوطى

وعليكم السلام
اهلا بيك
وشكرا جدا على زيارتك وتعليقك

الحياه رغم كل شئ فعلا بتستمر مهما كان الجرح
انا كمان بقيت من متابعينك بجد موضوعك الاخير جميل جدا وقضيه مهمه
هستنياك تشرفنى تانى
تحياتى وتقديرى

.:.-=- ELGaZaLy-=-.:. said...

اية كمية الاحسايس دى يا رحيل,,لا بجد جميلة اوى

د/أبا يحيى وادم said...

السلام عليكم ورحمه الله وبركاته
نعم يمكن السيطرة على هذه الحاسيس
بالامل بالتفائل بالعمل بالايمان بالله ثم بانفسنا
والسلام عليكم

رهف said...

رحيل
مش لقيه كلام اقوله انتى تقريبا بتكتبينى مبسوطه اوى ان فى انسانه رقيقه زيك موجوده فى عالمى الصغير وبفكر اقفل مدونتى واقرائنى عندك انتى بجد بتكتبى اللى جويا
تحياتى لكى يا اجمل رحيل

احساس لسه حى said...

عزيزتى
صح غريب امر الحب

بعد ما بيكون مصدر لسعادتنا وفرحنا

يبقا المصدر الاول والاكبر لاوجعنا

بس مش يمكن ده مش هو الحب

ويكون سراب بنسميه حب

اكيد الحب عمره ما يوجع

الا بغير ارادته

تحياتى

سلام

ra7eel said...

Elgazaly

اهلا بيك
شكرا جدا على الزيارة والتعليق

خالص تحياتى
-----------------------------------
د/ ابا يحيى وادم

وعليكم السلام ورحمة اله وبركاته
اهلا بيك يادكتور
انت محق تماما
شكرا لك كثيرا
تحياتى لك تقديرى
----------------------------------
الجميلة رهف

تقفلى مدونتك ده كلام برضه؟
انتى بجد بتكتبى باسلوب وطريقه رقيقه جدا
مستنيه الجديد بتاعك مش عارفه ليه انتى اتاخرتى علينا كده
منورانى ياقمر
ربنا يخليكى
-----------------------------------
احساس لسه حى

كلامك صح الحب عمره مابيوجع

اوقات بيكون وهم احنا اللى بنكبره

شكرا على مرورك
تحياتى