Friday, June 6, 2008

عندما رأيتنى فى أعينهم



قال لى يوما كونى لى ضميرى الذى يحاسبنى ومرآتى التى ارانى فيها
وبعد ان كنت له مرآة كسرها وضميرا قتله ضاق بنقدى
كان يعلم اننى اكثر الناس صدقا معه كان يدرك ذلك جيدا
لكنه لم يكن يريد صدقا بل زيفا وخداعا
فتركته يدرك مع الايام نتيجة صراعه مع نفسه
حدثنى قريبا قص على كيف انه كان على وشك الارتباط بفتاة عرفها
وبعد ان اتفقا على كل شئ ولم يبقى الا ان يذهب لخطبتها قالت له
لدى مشكلة صغيرة سأنهيها ولنكمل ارتباطنا
اصلها طلعت مخطوبة كان يحكى وهو يضحك
اهو الم الخديعة هو الذى يضحكه؟
او تذكره لعدد المرات التى خدع فيها منهن وخدعهن؟
ان الحياة اختيارات وكل منا يدفع ثمن اختيارته وحده
-------------------------------------------------
كان يفهمنى بعمق ويرانى بشدة كنت نسخة منه
ادركنا هذا التشابه بيننا واستوعبنى جيدا وانا ايضا
كان الاقدر على التعامل معى كما كنت اتمنى يوما
لكننى اعلم يقينا ان الفراق حليفنا
اخاف عليه البعد اكثر من خوفى على نفسى
فمن غيرى اقدر على فهمك واقرب اليك
ليتك ترتاح يوما وتجد من تتمناها لك
هو يحب ذلك التحرر الذى يسكننى اوقات
و لكننى اكره تلك الشخصية بداخلى احاول دائما وئدها بكل الطرق
فأنا اعلم ان تركت لها المجال لتحيا ستقودنى لطريق هالك مسدود
عذرا سيدى مع كل التشابة بيننا فهناك فارق وحيد
فأنا لتحررى حدود ولجنونى عقل ولتهورى ضمير
------------------------------------------------------------------
صديق واخ صغير اراه كما يرى نفسه وهو يدرك ذلك جيدا
اضعه امام نفسه وهو ايضا
كان من اكثر الناس اتنقادا لى فأتقبله دائما بصدر رحب
فأنا اشعر هذا التناقض بداخله والمس هذا الصراع الدائم لديه
صار يضيق بكلامنا معا حديثنا حواراتنا
لاننى اذكره دوما بما يريد ان يهرب منه
صديقى كلمة اخيرة منى لا تكن للأيام لعبة
واعلم ان نهايات صراعتنا مع انفسنا لا تكن فى صالحنا دوما
لابد من وقفة لاعادة حساباتنا قبل فوات الاوان
ولتتذكر كلماتى السابقة فترة هى وستأخذ وقتها
لكن عليك ان تخرج باقل الخسائر لك او للمحيطين بك
كلمات اقولها لنفسى قبل ان اقولها لك
-------------------------------------------------
قالت لى صديقة تدرك صراعاتى وتناقضاتى ان اذهب اليه
ولنقل انه استشارى نفسى دكتور جامعى دارس علم اجتماع وحاجات كده
بيقدم استشارات نفسية للطلبة فى الجامعة وللشباب
لم اكن متحمسه للذهاب اليه ابدا فانا لست على سابق معرفه به
كمان اننى لست مقتنعه ان اجلس مع احد واقص عليه اشياء تخصنى
دون ان يكون شخص مقرب منى
ولكن ذهبت معها ذات يوم كانت تريد ان تستشيره هى
ووجدتها بعد ان خرجت من مكتبه قالتلى ادخلى
فنظرت لها عجبا انا؟ قالتلى اه بالمرة
لا انكر عليه انه من تلك الشخصيات المريحة جدا
وانه بما له من خبره سنوات تفوق ال25 فى ذلك المجال
يعرف جيدا كيف يجعلك تخرج كل مابداخلك دون ان تشعر
ويترجم تلك المشاعر والاحاسيس ببراعة متنهاية
ان يقلب بذاكرتك و يجول بحقولك المهجورة منذ زمن
تحدثنا بعض الوقت وقرأنى وترجمنى سريعا
لم يقل لى جديدا على فانا اعرف جيدا ماذا بى
واعرف علاجى ايضا كيف يكون
اتقفنا انى سأتابع معه لمدة شهرين مرة كل اسبوع
وأومأت برأسى موافقة وانا على يقين من داخلى اننى لن آتى اليه مره اخرى
هل لاننى لا احب ان يرانى احد او يتعامل معى بكل هذا الوضوح؟
او هل لاننى ادمنت تلك الحيرة والصراع الذى ينتابنى؟
او لاننى احب دوما حين اتعامل مع احد هكذا ان يكون من المقربين
وليس مجرد ان يسمعنى ليبحث عن علاج لى او ان تكون تلك هى مجرد مهمة يؤديها ليس الا؟
الى الان لا اعرف سببا جليا لقرارى بعدم الذهاب اليه مرة اخرى
-------------------------------------------------------------
قالت : لنا صديقة لم تراك سوى مرتين قالت عنك انك متهورة
وانك تستغلين حب الاخرين فتفعلى ماتريدين رغم معارضة المحيطين بك
وانتى على يقين انهم سيسامحونك وتعجبت لها لانها لا تعرفك عن قرب
تعجبت انا ايضا للكلام
متهورة انا حقا الى ابعد الحدود لكن لا احد يدرك ذلك عنى
الا اصدقائى ومن يتعاملون معى عن قرب
كيف عرفت دلك لم اتحدث معها الا كلمات قليلة جدا مجرد كلمات عابره
اما عن استغلال حب الناس فتعجبت لتفسيرها لى تعاملاتى بتلك الطريقة
وهى لم تتعامل معى. ووقفت كثير عن هذا النقد الغريب
هل انا حقا هكذا؟ لا لا يصل الامر الى حد الاستغلال
فقط هم لديهم القدره لاحتمال جنونى عصبيتى وتهورى
محتمل لانى لى رصيد جيد لديهم يهون بعض تصرفات العاصفة اوقات
اعلم انى اوقات اتعامل بشئ من اللا مبالاة
اوقات تنتابنى حالات ملل او يأس فتمر علي لا اظن ان ابقى على شئ وقتها
ولكن من اروع ماحدث لى ويحدث انى لى مجموعة رائعة من الاصدقاء
يستوعبوننى جيدا يتفهمون جنونى ويدركون حتما انه مهما يحدث منى
فأنا اعود لهم واعود كما كنت معهم
فهم الاهم دوما لدى وعلاقتى بهم من اصفى العلاقات واهداها فى حياتى
مجموعة رائعة حقا اجدها دوما بجانبى تهون عليه الكثير والكثير
سواء كانوا اصدقائى من حولى ومعى
او اناس عرفتهم هنا رغم بعد المسافات الا انهم دوما قريبون جدا
------------------------------------------------------------------
خلاصة هذا الحديث
اننى كنت اتخيل ان التعامل مع اشخاص يقرأونك جيدا شئ مميز ورائع
ولكنى بعد ذلك ايقننت شئ مهم
انه شئ خنقة بجد الى ابعد الحدود
وخاصة ان لم يكن قريبا منك الى الدرجة المطلوبة
عنى لن اتمنى ان يفهمنى احد وان اكون امامه كتاب مفتوح الا من سيكون نصفى الاخر
وحده من اتمنى ان اكون له كذلك
ايضا ان تفهم انت شخصا و تراه كما يرى نفسه
وتظن ان لك صلاحيات توجيهه من منطلق خوفك عليه او انه يهمك امره
لهو امر عائد الى هذا الطرف الاخر ومدى تقبله حقا لنقدك وايضا لتلك الفترة التى يمر بها
------------------------------------
بوست من بورسعيد

27 comments:

dr.gesho said...

اجمل حاجه فى الدنيايكون لينا اصدقاء فاهمنا صح واحنا كمان فاهمينهم صح بس فعلا تبقى حاجه تخنق لو حد مش قريب مننا و فهمنا صح قوى هنضحك عليه ازاى ده لو حبينا؟
البوست فيه فضفضه جميله الظاهر ان بورسعيد دى بطلع اللى جواكى كله
ابقى خللى بالك من الاخطاء الاملائيه بعد كده تعبتينى معاكى
سلام

منى said...

اعتقد انك بخير حتى وان كنتى حزينه
نادرا ما نجد من يحلل نفسه بهذه الطريقه
ليخبرنا او يخبر نفسه متى يخطا ومتى يصيب بل وتحاولين التغيير
ساره ليست مجامله
انك رائعه
وفقك الله لما يحبه ويرضاه
تحياتى وحبى

walaa said...

البوست ده من بور سعد
انت فى بور سعيد ولا انت جبتيه من بور سعيد يعنى بوست مستورد
هههههههههه انا بهزر معاكى يا قمر ووحشتنى قوى قوى قوى
وعندك حق مش لازم كل الناس تعرفها قوى لانها ملهاش لازمه
بس اسمحلى موضوع الدكتور ده
مفهاش حاجه انه يعرف عنك كل حاجه
طالما هو مجرد دكتور ومعاج مش اكتر مجرد انسان هريحك نفسا يبقى ليه لا اللى احنا نعرفه كل حاجه ادما فيها مساعده
تحاتى وحبى ولاء

ra7eel said...

dr.gesho

منور يااحمد وشاكرين افضال سيادتك على تصحيح الاخطلاء الاملائيه
هههههههه

الموضوع مش ان انت تضح على اصحابك بس انك تكون مقرى قوى ليهم بيكونوا دايما عارفين ردود افعالك ومتوقعين خطوتك الجايه
جميل ان اللى حواليك يفهموك بس بحدود
تحياتى وتقديرى
--------------------------------
منى

انا الحمد بخير ياحبيبتى ربنا مايحرمنى من سؤالك
يعنى ممكن تقولى انها اعاده حسابات ووقفه من وقت للتانى مع نفسما

شكرا ليكى يامنى
تحياتى وحبى لكى
---------------------------------ولاء

حمد الله على السلامه بجد
كنت مفتقده وجودك وكنت فى بالى والله قريب جدا وحاسه انى مقصرة معاكى ومش بسال عليكى
كويس انك بخير ورجعتى
هههههههه
انا فى بورسعيد ياستى بغير جو
تعرفى انا اكتشفت مؤخرا ان لازم العلاقات تكون بحدود مش اى حد الواحد يقرب منها قوى
اما موضوع الدكتور فبجد مش حسيت انى قادره اكمل معاه

تحياتى وحبى لكى

Salwa said...

قفى أمام نفسك الآن
إقبليها كما هي
لا تبحثي عنها
فقط إكتشفيها في المواقف التى تمكر عليكي
قد نحيا ونموت ونحن لا نعرف أنفسنا
فلا تقضى العمر في البحث
إنتي إنسان جميل جدا
تمتعي بحياتك من المنطلق ده
مش مهم رأي الناس
المهم رأيك إنت في نفسك وأمام ربك
لا تقفي عند تجربه
فأنت لم تخسري بسببهاشئ
فلا تخسري الآن لحظات عمرك في التفكير فيها
ولا تسجني نفسك في ذكري لا تستحق إلا أن تنظري لها من بعيد وتتعلمي منها دون أن يعتريكي أي حزن وهي تمر أمامك
انفضى كل الحزن والألم
عارفه إنه صعب
بس حاولي

وابدأي من الآن
إبدأي كما أنت ..

كلامي مش تعليق على بوست في مدونه
كلامي لساره الطيبه اللي شفتها

ربنا يحفظك ويحميكي

Salwa said...
This comment has been removed by a blog administrator.
summar said...

انا مش عايزة اتفلسف عليكي
بس اكتر من ده وجربته بجد
حاولت اكون مع حد اتخيلت ان احنا قريبين..وركزى اوى على اتخيلت دى
وجربت اكون مع ناس سطحية وبعيدة وبرده مسلمتش من كلامهم واتهامتهم بغرورى وان انا متعالية
وجربت اتعامل بطبيعتى بجد وندمت احيانا واحيانا لا
جربت انتقم واجرب شري واأكد لنفسي فكرة ان انا مش سهلة
وجربت برده ان انا اعدى والغى بجد
جربت كل حاجة فى العلاقات
وجربت برده ابعد عن اقرب اقرب ناس حبيتهم واقرب ناس فعلا ليا
وجربت بعد ماابعد اكتشف قيمتهم الحقيقية وانهم مش كده فعلا
وجربت برده اجازف واتعامل بمبدأ الحب واسمع كلام الهبل
وجربت اكيد احكم عقلى فى كل حاجة
جربت ابقى انا الدنيا..وجربت اخلى حد تانى هو الدنيا
مافيش نتيجة محددة هتلاقيها غير التأكيد الف مرة على اللى انتى عارفاه كويس اوى عن نفسك
صدقيني ياسارة
عارفة ان كلامى ده ممكن يتاخد عليا
بس الناس قليلة اوى ضئيلة يعنى
اقل من مساحة نقطة..بالنسبة لنفسك
اعملى اللى يرضيكي

ومهما عملتى ومهما كنتى روعة مش هتقدرى ابدا توصلى للى انتى بتطلعى اليه فى اى علاقة
علشان معظم الناس معندهاش القدرة دى على التواصل ومعظمهم مابيبذلش المجهود الكافى علشان يفهم غيره
محدش فى دماغه يتعب علشان يعرف حد
الا قليلين
اللى مش عاجبك الغيه من حياتك
واعملى اللى يضمنلك انه انتهى
كل للى يضمن لقلبك انه ناسيه
افتكرى بس اللى بيفتكروكى
وعلى فكرة برده خلى عندك حتة شك فى كلام الناس..يعنى مش كلهم صادقين اوى فى كلامهم ليكي
فى ناس بس بتحب تثبت وجود ومش وجود بالنسبة لك..بس وجود وخلاص
اى كلام يعنى
زى بالزبط معظم كلام البنات اللى لا يودى ولا يجيب
اكيد عارفاه
:)
انتى جميلة وماتنسيش ده
وماتسمحيش ابدا لاى حد انه يحسسك بأقل من ده
والا ذنبه على جنبه
:))
ربنا معاكى

محمد فكري said...

انا يسعدني التواجد هنا ..
وعاوز اقوللك نصيحة بس..
أولاً عجبني القالب الأدبي اللي اتكلمتي بيه..
وانا شايف إنه قريب من (قصص قصيرة جداً)
مع شوية قراءة أعتقد هايبقى جامد :)
ثانياً..بالنسبة لموضوع الفضفضة وكده..اختاؤي حد قريب منك قوي..قوي..
غير كده هاتكون النتيجة عكسية
بالطبيعي إننا لازم نحكي..لأن دي طاقة..نفسية لازم نفرغها.. ولكن للإنسان أو الإنساانة إللي هايتقبل ده مننا صح :)
شكراً ليكي

عرفة فاروق السيوطى ( الاديب العاشق) said...

عاوز اصفق من التصفيق بس مش عارف

اكتبها ازاى

ايه الاسلوب الاكتر من رائع ده

انتى كاتبة صحفية واديبة بالفطرة انتى

اتكلمتى عن نفسك بروعة ومصداقية هايلة
وكمان بمنتهى الابداع

فأنا لتحررى حدود ولجنونى عقل ولتهورى ضمير

يا سلام على التعبير الكبير قوى ده

مش بس ده اللى عجبنى

البوست كله

تعرفى انا كنت كدة زمان مبحبش اتكلم

عن نفسى مع الناس

بس اتخنقت من كتر اللى جوايا

فاتكلمت مع كل الناس للفضفضة

انا بحترم رأيك رغم اختلافى معاكى فى

جزئية عدم الكلام اللى مع نصفك التانى

الاصحاب المخلصيين برضو احيانا كتيرة

بيكونوا اكثر تفهما من غيرهم

اقول ايه تانى

مش لاقى كلام

بس الكلام مخلصش

المهم

تحياتى

والى لقاء

la3lahakhier said...

السلام عليكم
الموضوع واضح ان جو بورسعيد اثر عليكى
هههههههه
عارفة انا قصة الاجازات وتغيير الجو واحيانا بيتبقى تغيير دم وتغيير دماغ كمان
الحدود اهم شىء لانها بتضمن لنا الاتزان سواء باستمرار العلاقة او الانسحاب
استخيرى استخيرى استخيرى ثم استشيرى
ربنا يوفقك لما فيه الخير يارب
وحشتينى
سلميلى على بورسعيد

funckydoctor said...

ما أنا قولت اننا كلنا محتاجين طبيب نفسى
تحياتى لبور سعيد كلها

abdullah SH said...

بوست رائع والله وفضفضه طالعه من القلب واحترت كيف يقدر شخص يحلل نفسه بالطريقه دى ... انا نفسى اتعلمت كتير من البوست ده وبصراحه فيه كتير الغاز وعجبانى طريقة السرد ... سلمت اناملكـ رحيل

Wish I were a Butterfly ... said...

من أول كلمة لآخر كلمة في البوست حسيت إن أنا اللي بتكلم!! بجد بطريقة استغربتها أوي أوي، وزادت دهشتي لما لقيتك بتسألي نفسك على تحليل البنت ليكي..أنا لسة من كام يوم كنت بفكر كدة برده وفعلا مش عرفت إجابة!!أكيد مش قصدي أستغل حب أي حد لي وأضايقهم بس في نفس الوقت ..مش عارفة :). أنا فعلا حسيت كل كلمة قلتيهاأوي أوي أوي

مش عندي تعليق غيرإن كلماتك من جوة أوي أوي.ماشاء الله على طريقة تعبيرك دي. ربنا يديمها عليكي نعمة دايما

youma said...

معنديش غير جملة وحدة بس اقولها

انتي انسانة رائعة وبمنتهى البساطة

وبمقدر اي حد انه للوهلة الاولى يتعلق بيكي شديد التعلق

بيسعدني اني اكون صديقة وانتمي إلى هذا العالم الذي تحبينه

بيهمني امرك وبحب انك تبقي جنبي

ayman badr said...

يمكن جو بورسعيد هو اللى عل فيكى كده خلاكى نقفى قدام نفسك وتعتبريها مراية تشوفى فيها عيوبك واخطائك ومميزاتك كمان ويا ريت ان احنا يبقى عندنا نفس التصالح مع النفس ونتكلم بصراحة زى ما انتى اتكلمتى

حاول تفتكرنى said...

خير الكلام

الذين ولدوا في العواصف لا يخافون من هبوب الرياح


تحياتي

صوت من مصر said...

البوست ده تحفه يا رحيل وحلاوه انه بيفكرنى بقصه يا مريتى يا مريتى فاكرها ؟

zOzO said...

مش عارفه اقولك يا ساره
بس انا زيك برده
مش احب اي حد يعرف عني كل حاجه
وزي ما قولتي
اني اكون كتاب مفتوح لشخص ما لما يكون نصي التاني


واحلي حاجه انك يكون ليكي اصدقاء ربنا يخليهم ليكي
يكونوا فاهمينك صح
مش اصدقاء اليومين دول صعب انك تلاقي حد بسهوله
الحمد لله طبعا انتي عارفه الجروب بتاعنا
الحمد لله احنا فاهمين بعض اوي


تحياتي ليكي
وانتي وحشاني والله
ومش تقلقي عندي رياضه الماده الجايه
وهي ماده بابا
يعني الي حد ما مش قلقانه منها
بس ربنا يستر برده


في رعايه الله

مدحت محمد said...

انتى كنتى على البحر بقى

وطلعتى الابداع ده كله

هو انتى عندك حق جدا يارحيل

انسان يعرف عنك كل حاجة وتكونى قصاده كتاب مفتوح وهو مش نصك التانى او مش قريب منك

شىء رخم جدا

وحاولى تاخدى بنصيحة سلوى
هى صديقتك وعرفاكى اكتر

تحياتى

Dr-hema said...

بورسعيد مرة واحدة:)

Sherif said...

أحيانا من المهم أن نكون صادقين .. دون أن يكون مانقول مباشرا

بمعنى أحيانا يجب أن نلف وندور .. رفقا بمشاعر أقرب الناس الينا .. أو هكذا اعتقد ..

لازلنا نحتاج لذلك .. مع اننا صادقين

ra7eel said...

سلوى

صعب جدا ان احنا نقضى طول حياتنا بندور على نفسنا
بجد شئ بشع
انا ابحث عن طريق لخطواتى
عن مرسى لاحلامى
عن شئ داخلى مفقود

شكرا لكى صديقتى الحنونه
دعمك وتشجيعك ومساندتك

تحياتى وحبى
--------------------------------
سموووووره

منوره ولا زمااااان
مش عارفه بجد اقولك ايه
بس انى كل كلامك صح
فعلا اوقات بنتخيل حد انه قريب مننا
مجرد تخيل

بس عارفه اكيد بنتعلم من كل اللى بيعدى علينا فى حياتنا
وكل مادا نعرف الناس صح ونفهم الدنيا اكتر

عارفه انا سعيده بكل تجاربى وبكل الناس اللى عرفتهم فى حياتى حتى لو كانت ذكراهم مش حلوه

بس اكيد اتعلمت

شكرا سمووره
-----------------------------------
محمد فكرى

شكرا لمرورك وتعليقك
وعلى نصيحتك
اما بالنسبه للفضفضة
اوقات بحس فعلا زهقت من الكلام والفضفضه باللسان
الكتابه اوقات بتعبر كتير عن اللى جوانا اكتر من الكلام نفسه

تحياتى وتقديرى

ra7eel said...

عرفة فاروق

ايه يابنى الكلام الجامد ده؟
ياخبر هصدق وتبقى مصيبة

الاختلاف فى الراى وراد دايما
ولا يهمك

شكرا ليك
تحياتn
-----------------------------------
لعلها خير

وعليكم السلام
فعلا بتكون وقفه مع النفس وخصوصا لو تشابهت المواقف والمواضيع

شكرا جدا جدا ليكى
ربنا يكرمك ويوفقك يارب
----------------------------------
Funckydoctor

ههههههههههههههههه اه انا معاك فعلا كلنا محتاجين
بس لما نكون مش عارفين علاج نفسنا

التحيه لبورسعيد وصلت ياافندم
تحياتى
----------------------------------
Abdullah sh

شكرا جدا جدا على متابعتك ومرورك
شوفت بقى بحلل نفسى ازاى عشان محدش يقولى لروحى لطبيب نفسى
ههههههههههههههه
تحياتى وتقديرى

ra7eel said...

Wish I were a butterfly

اهلا بيكى

طمنتينى انى فى حد حاسس بالهبل ده غيرى
ههههههه
طيب كويس انى مش مجنونه لوحدى

مرسى بجد بجد ليكى

ربنا يكرمك ويوفقك ويسعدك
-----------------------------------
يومتى حبيبه قلبى

ايه ده نفسى يجيبه ايموشن هنا
عشان اجيب الايمشن اللى بيرمش بعنيه
وعامل مكسوف بقى ومحرج من الكلام الحلو ده

وش احمر مكسووووف
وواحد تانى بيبتسم ابتسامه حب لاحلى قلب
بموووووت فيكى بجد
-----------------------------------
ايمن بدر

هو يابنى جو بورسعييد
هههههههههه
شوف هو اى جو بعيد عن هنا بيوقفنى قدام نفسى
وبيخرجنى من اى مووود
مش تنسى الكبريت والجاز اللى هنولع بيه
هههههههههههههههههههه
منورنى ياايمن

ra7eel said...

حاول تفتكرنى

معك كل الحق
التجارب بتعلم كتير وبتقوى اكتر
شكرا ليك
تحياتى وتقديرى
------------------------------
صوت من مصر

جميل ان كل حد فينا يكون مراية نفسه

شكرا ليك مرورك وتعليقك
تحياتى وتقديرى
----------------------------------
زوزو

مش هتخلصى امتحانات بقى
وحشتييييييييييييينى
فعلا الصداقه بجد احساس رائع
وخصوصا لما تحسى ان معاكى وحواليكى مجموعة رائعه زيكم كده

هانت الاربع اخر ماده
فى انتظاااااااااااااااااااارك تخلصى بفارغ الصبر
ربنا معاكى يارب

ra7eel said...

مدحت محمد

اهلا بيك
ملحقتش اعقد علىا لبحر كتير والله المره دى
ههههههههههه
انا فعلا هحاول اخد بنصيحة سلوى

شكرا ليك
تحياتى وتقديرى
---------------------------------
د/هيما

تخيل بورسعيد
ومره واحده مش مرتين
شكرا على مرورك
تحياتى لك
----------------------------------
Sherif

انا اؤيد حضرتك بشده فى رأيك
ولنسميها دبلوماسية فى التعامل
ولا اظنها كدبا ابدا

تحياتى وتقديرى واحترامى

أحمد المصري said...

لقيتك معلقة عندي بتقولي انت فين فقلت أرد..الكلام ده من يومين بس..اعذروني مشغول عشان الإمتحانات و حرجع 8/7 إن شاء الله ..الواحد مشغول حتى مقدرتش اقرا البوست ..معلش حبقى أقرا البوستات اللي فاتتني كلها و أرد بعدين..اللي يخرب بيت الإمتحانات..و تحيا الكمنجة!!