Sunday, June 15, 2008

يوم ميلادك


يوم ميلادك هذا العام
قررت ألا تذكرك رسائلي
وأن أمحوك من ذاكرة هاتفي
وأن أسقطك من لحظات يومي

وأن ترحل عنى فى احلام ليلى
*******
يوم ميلادك هذا العام
لن تسمع صوتي مهنئاً
حاملا حنيني و شوقي
ورعشة خوفي
أو حتى

.
.
.
ثورة غضبى
******
يوم ميلادك هذا العام
لن تأتيك كلماتي بكل الدفء
وكل الحب
لنتعاتب ونعود
أو تأتيك أحرفي الغاضبة
وبكل قسوة
نتجادل ونثور
.
.
.

ونعود
******
يوم ميلادك هذا العام
شاءت أقداري
أن أطوف ببلادٍ
كانت لنا بها ذكرى
ومع كل طيف بها
كانت لنا قصة
فتذكرت سنوات مضت
وأحلاماً رسمناها معاً
فصارت لك

.
.
.
ولغيري
*******
يوم ميلادك هذا العام
لم انتظره كما كنت
لنذكر معاً
همساتنا التي كانت
ونقلب سوياً في صفحات الحنين
لنعيد معاً بعض من صفاء السنين
فأنا هذا العام
قررت أن أغلق كل دفاتري القديمة
وان ارحل عن كل لحظاتي الأليمة
******
يوم ميلادك هذا العام
قصصت ضفائري
فما عدت طفلتك التي كانت
فلا يقتل براءة القلب
سوى قسوة الحكايات
هذا العام
لم يعد بداخلي هذا الشوق الجارف
والحنين المنهمر لسماع صوتك
ولكني فقط أتسائل
هل افتقدتني فى
يوم ميلادك هذا العام؟

71 comments:

summar said...

جميلة اوى اوى ياسارة
هو ده الكلام
بجد معبرة وقوية
ومزبوطة

بس فى الفقرة الاخيرة
******
يوم ميلادك هذا العام
قصصت ضفائري
فما عدت طفلتك التي كانت
فلا يقتل براءة القلب
سوى قسوة الحكايات
هذا العام
لم يعد بداخلي هذا الشوق الجارف
والحنين المنهمر لسماع صوتك
ولكني فقد أتسائل
هل افتقدتني فى
يوم ميلادك هذا العام؟
****
نفسي تقولى انك مش فارقة افتقدك او لا
او تقولى
انك متأكدة انه افتقدك
حاجة بالمعنى ده
علشان مجرد انك تتسائلي ياترى افتقدنى ولا لا ده فى حد ذاته اهتمام انتى نفيتيه فى اول فقرات
:)
جميل
واكيد افتقدك
:)

كاميليا said...

كل سنة وهو طيب

وكل سنة وانتى طيبة

وجميلة

ومتسامحة

علشان قلبك برئ وجميل

بالتأكيد سيفتقدك
لانه ببعدك.. فقد عيد ميلاده


بحبك اوى

ayman badr said...

كل ينة وهو طيب إنه قدر يخليكى تكتبى المشاعر الجميلة دى وتطلعيها بس انتى كل تدويناتك هترحلى هترحلى مترحلى بقى وتخلصينا
ههههههههههه
بهزر اوعى تزعلى لأ بجد بوست جميل ومعبر
تحياتى

youma said...

الغالية رحيل

إن كنتي فعلاً قد هجرتي كل هذه الحكايا لما العودة لهذا التساؤل من جديد؟؟

غادري مدن الحزن واهجري جراحك
فلا شيء يستحق امنية عيد ميلاد قاتلة كهذه

تحياتي البوست اكثر من رائع

نحبك

ahmed said...

يا خرابى يا رحيل
انتى رجعتى تانى للعياط
انا كنت فضلت فترة اجى هنا القيكى متفائلة وكنت اقول كويس فى تغيير لكن اجى دلوقتى الاقيكى تقول يوم عيد ميلادك وكنت هعيط اصلا وانا بقرا الموضوع

يا ست الكل
بجد بجد بجد
يا ريت اقولك اى بس
اقعد اقولك بقى بصى لنص الكوباية المليان والكلام الفاضى دة

بصى
والله بجد الحياة بسيطة وصغيرة مش مستاهلة الشجن ولا الغناء للشجن ولا التمسح فيه سيبك من الجو الغامق دة وانطلقى خليكى سعيدة

بجد انا كل لما اقرالك حاجة زى كدة بحس انك كل حياتك هموم وماسى

انا عارف اننى طولت وعارف انك مش عارفة انا مين بس يا ريت تفكرى فى السعادة بس

مش معقولة يعنى فترة الشباب اللى هى اجمل فترة تضيع فى الكلام دة

تحياتى

دعاء مواجهات said...

كلمات بالرغم من جفائها الا انها

دافئة وموحية

قلما تصرعنى كلمات الشعر

وكلماتك صرعتنى وجعلتنى افكر كثيراا

تحياتى لقلمك

انتظرك اتمنة نكون اصحااب

__________________________________

بدعوكى وكل زوارك لزيارة المدونة دى
بجد مختلفة

http://3la7orytna.blogspot.com/

HANY YASSIN said...

جميلة بجد
مشاعر يستحقها من لا يقدر الحب والمشاعر الجميلة
شعرك فى منتهى الجمال
خالص تحياتى لك
هانى يس

Anonymous said...

سارة محتاجة اتواصل معاكي ضروري
ايميلي
GCM4U1@yahoo.com
بجد والله محتاجاكي ضروري
سلامي

سلوى said...

ساره

مش عارفه أعلق

خلتيني مش عارفه أعلق

zOzO said...

ونقلب سوياً في صفحات الحنين
لنعيد معاً بعض من صفاء السنين
ياااااااااااه
حلو اوي التشبيه ده ياساره
عارفه بيدل ع ايه ان كان ف حب بجد
رغم انه ضاع بس كان بجد


كمان عجبتني دي
فما عدت طفلتك التي كانت
فلا يقتل براءة القلب
سوى قسوة الحكايات


حلو اوي
يا ساره
بجد ابدعتي
بس مش جديده عليكي
من يوم ماعرفتك وانتي كده
تسلم ايديكي

Rehab Mostafa said...

كلامك جميل زيك
-------
يوم ميلادك هذا العام
شاءت أقداري
أن أطوف ببلادٍ
كانت لنا بها ذكرى
ومع كل طيف بها
كانت لنا قصة
-------
فلا يقتل براءة القلب
سوى قسوة الحكايات
هذا العام
لم يعد بداخلي هذا الشوق الجارف
والحنين المنهمر لسماع صوتك
ولكني فقط أتسائل
هل افتقدتني فى
يوم ميلادك هذا العام؟
-------

تسلم أفكارك بجد

تايه في وسط البلد said...

طيب بتسألي ليه؟

ghoneem said...

اهلاً بيكي

جميييييييييييييييل جدا جدا جدا
تعبرات أكثر من راااااااااائعة وكل سنة وهوة طيب

بجد تميزتي المرة دي واحساسك جميل جدا وألفاظك وأختياراتك موفقة

عجبني أوي كلمات كتير وصور كتير وعجبني عنوان البوست

أحييكي أيوة كدة الشغل الجامد بدأ يطلع أهو

بس هوة انت لازم ترحلي ..؟

تحياتي ليكي ولكلماتك
دمتي بخير وبالتوفيق دايماً

تحياتي

mo7amed mamdo7 said...

الله يانور يابرنسيس والله واسف انى مجتش هنا من زمان بس صدقينى ظروف

mostafa rayan said...

يظهر انه كا مزعلك قوي
بصي اللي يقسي عليكي انسيه
ومادام قررتي تنسيه يبقي بقى مش مهم افتكرك ولا لاء
تحياتي لكي

زهرة الياسمين said...

إحساسك رائع فعلا
النسيان نعمة من الله
انسى و يكفيكى ما تحملتيه من قسوة
فلا تقسى على نفسك

عـــفـــراء said...

السلام عليكم
انا مش هقول كلام قوى ونابع من داخلك
ولكن يكفى ان اقول بعد قراتة
ان اليوم هو يوم ميلادك انتى
تحياتى

صوت من مصر said...

كل سنه وهو طيب
؟
حلوه موت ؟
بجد تسلم ايدك

قهوة بالفانيليا said...

رحيل..
صدقيني
انك تفتكري يوم ميلاده دي ظاهرة غير صحية!!
و مش المفروض تتفكري الا ما تعلمتيه فقط ..
عارةف ان دة صعب
بس جميل اللي كتبتيه

الربان said...

تحياتي

مشاعر نبيلة و جميلة...و اسلوب رقيق معبر....
لكن...تري لما تتذكرين عيد الميلاد...و تناجين نفسك بهذه الابيات الرقيقة؟

و أيضا....ان لم يتذكر هو كل هذه الاشياء الجميلة و المشاعر الفياضة...فهو لم يكن يستحقها..و لا يستحق ان تتذكري يوم مولده...

معذرة ان كانت كلماتي ثقيله بعض الشيء.
تحياتي و تقديري

rack-yourminds said...

السلام عليكم

ازيك يا اخت رحيل ,انا قلت ادخل اشكرك علي سؤالك الدايم ,بجد مهمااقول مش هقدر اوافيكي انتي بجد انسانه رائعه ,والدنيا هتفضل بخير طول ما فييها امثال حضرتك ,ربنا يحفظك ويحفظ والديكي وحقق الله كل امانيكي ...,انا الحمد لله بخير وبصحه وبسلامه ,بس مليش نفس اكتب ولا اعلق ,ويبدو ان اجازتي هتطول ,,علي فكره انا خلصت كل الاكل اللي في التلاجه واهلي يا يا عيني غلبوا معايا من كتر الاكل ههههه كان الله في عونهم هههههه

مره اخري بشكرك جدا يا اخت رحيل ,ربنا يحفظك, يلا بقي انا هقوم الان اجيب فطارههههه

تحياتي وسلامي

Tamer Nabil said...

كلمات جميلة عزيزتى رحيل

المحتوى لايحتاج الى تفسير من يفقد شىء يبحث عنة وان لايبحث فهو ليس عزيز علية

ولايشعر بغيابة
تحياتى

Tamer Nabil said...

نسيت اقول

انا نزلت الحلقة الثانية من ارض النور

تحياتى

أحسن تـستاهـل said...

مش هقدر اقول اكتر من ان الاحساس بسيط وسهل وبيوصل

حلوة يا رحيل

استمريييييييييييي
انا بقول اهوه

مها ميهوووو

أمل فتحى عزت said...

اسعدنى المرور بمدونتك وأتمنى لك التقدم والمزيد من الاهداف النبيلة


كما أدعوك لزيارة مدونتى والتى محتواها


تعالوا نسافر المسافات الى زمن من المحبة لاينتهى


كما أدعوك لقرأة قصتى


(بكل لغات العالم أحبك)

MKSARAT SAYED SAAD said...

ما اصعبها اللحظات المتعبه
والذكريات المؤلمه
علاقتنا بالاشياء التى نسمعها بالاماكن التى نزورها ببعض المواقف تظل منقوشه داخلنا لا يمكن لها ان تمحى
صدقتى يا رحيل
دمتى بكل ود
سيد سعد

سنووايت said...

الموضوع لفت نظري لان كتبت من فترة خاطرة تحمل نفس الاسم وان كانت خاطرتك تفوقها روعة وجمالا
جميلة جدا جدا
بالتأكيد سيفتقدها

:(

حنين.. said...

جميله اوى يا رحيل.... حرام عليكى . خليتنى اعيط. مع انى ما حبتش ابدا , بس خليتنى أألف حكايه وأحط نفسى فيها. من الاخر عايشتنى حاله كدا حزينه بس كللماتك جميله

Noha El-arabi said...

جميييييييييييل يا رحيل

Esraa Hamed said...

اول زيارة ليا لمدونتك و بجد البوست جميل جدااا
و المدونة كلها رااائعة

تسلمي يا قمرة

الدنيا واسوتها / جيهان said...

السلام عليكم

بجد كلام معبر وفكرة البوست جميلة
الكتابة من حق كل انسان ومش شرط تكون الحالة اللى بكتب عليها حصلت ليا
وكويس انك اشارتى الى هذا
تحياتى

موناليزا said...

مهما كانت من خاطرة فهى بحق رائعة
وتيجى بالسلامة ان شاء الله

la3lahakhier said...

انا اعترض واشجب واصوت كمان يعنى كنتى فى القاهرة وماعبرتنيششششششششش ماشى يا رحيل
لك واجب تعالى خديه وحخاصمك تانى

Bongo said...

بوست جميل
و كلمات اجمل

-------------

تروحي و رتجعي بالسلام يا جميل :)

dr.gesho said...

جميل جدا
بس انا عاوز اعرف حاجه
يعنى انتى مبهدله الراجل طول القصيده والاخر تقولى هل افتقدتنى ام لا
وانتى يهمك فى ايه بعد كل ده
حاجه من الاتنيين ياما كل اللى اللى مكتوب فى الاول محصلش ياما عاوزاه يكون مفتقدك علشان ترضى غرورك
عموما كويس انها خواطر بس و تروحى و تيجى بالسلامه

زُمُرده said...

اكثر من راااااااااائعه

عجبتني اوي
وأن أسقطك من لحظات يومي

لن تأتيك كلماتي بكل الدفء
وكل الحب
لنتعاتب ونعود
أو تأتيك أحرفي الغاضبة
وبكل قسوة
نتجادل ونثور

اما دي قويه جدا جدا

فلا يقتل براءة القلب
سوى قسوة الحكايات

بالرغم من قسوة الكلمات
إلا اني شعرت فيها بموجة حنان مستخبيه بين السطور
كم تتمنى ان يعود
وعلى بعدها يثور
ويتساءل في كل حين
تراها نسيت يوم ميلادي وذكريات السنين
ام هجرت بلاد الحنين
ام باتت بدقات لشخص جديد

--------------
جميله اوي خواطرك
بجد تحفه اوي

Soooo said...

مش غريب عليكي ياساره انك تقولي كلام باحساس عالي زي اللي بتقولي بيه مواضيعك ده

بجد احساسك حلو قوي وبيوصل دايركت كده للي بيقراه

وياستي احنا اصلا اهل وبنحب نتكلم ونفضفض مع بعض

وبعدين ده اسمه كلام .. تنزلي القاهره من غير ماتقولي .. طب مش كنتي تقولي عشان نفرش الارض رمله ونجيب فرقة حسب الله

القاهرة نورت بيكي ياستي .. ومنتظرين عودتك لمدونتك وانك تنوريها


وربنا يسعدك ويكرمك ويبسطك ويرضيكي دنيا وآخره يارب




سلامووووووووووووز

مدحت محمد said...

تروحى وترجعى بالسلامة ياسارة


يارب

على فكرة انتى مبدعة جداااااااااا
بنحنى احتراما لكلماتك واسلوبك الرائع الجذاب

من نحية بقى هل الشعر يمثل حقيقة يعيشها الشاعر
ام خيال ينسجه ليعبر به عن حالة

اعتقد الاجابة الاخيرة

ومش بعرف ارد على اللى بيقول ربنا يخليكم لبعض

او انساها هى متستاهلش

دى لما بتشوف متستاهلش دى بتنكد عليا
ههههههههههه
وانا بقى اقوم ازيط فى الزيطة واقول اه فعلا
متستاهلش ههههههههه
تحياتى ليكى ياباشا

الإتربي اللولبي said...

ده كده أصبح يوم وفاته

تحياتي على المحاوله الجميله دي و اختيارك ليوم الميلاد كمحور للحدث

سلام عليكم

nanooo2100 said...

كم تجذبني كلماتك دائما اليها
واشعر بان مدونتك ليست فقط محاوله للبحث عنك انتي
ولكنها ايضا تجد بينها نفسي ككثيرا
.
.
.
.
احيكي حبيبتي
على قوه تعبيراتك
وعلى قوه احساسك
بالرغم من حزنه
الا انه يحوي ويعبر عن رقه
.
.
.
ولكني فقط أتسائل
هل افتقدتني فى
يوم ميلادك هذا
.
.
استشعرت هنا مى قوه الحب التي تجمع تلك القلبين
وبانها لم تنتهي كما تصفين
.
.
.
ام انه هو احساس
بانه لابد ان يندم على حبيبته
.
.
حقا احيكي يا حبيبيتي

love River said...

بوست هايل
ياريتنى اعرف امسح رسايل موبايلى انا كمان
وانسى
جميل بجد كلامك
تروح وترجع بالسلامة

التنين المحارب عرفة فاروق السيوطى said...

كلام جميل قوى

بس مش لازم الكلمتين اللى من تحت دول

يعنى عيشى الناس معاكى فى الجو

ومش غلط اننا نعبر عن مشاعرنا

تحياتى

الحمقاء المضلله innominate x said...

عجبتني جدا و عامه هو اللي خسران

funckydoctor said...

كلام رائع
ترجعى بالسلامة

منى said...

رغم الحزن المتخفى وراء نبره القوه
لكنى احيى الحسم
فلا داعى للشعور بان شئ ما قد افتقدناه
يوم ان يفكر فى اخرى
يختفى من ذاكره الهاتف والعالم
احترامى لقلبك الابى
تحياتى وحبى

blue-wave said...

يااااااااااااااااة
دانا لو منه انتحر بعد الكلام دا:)
تحياتى على كلامك الجميل الحزين

Anonymous said...

السلام عليكم ورحمة الله وبركاته
من فريق حبا فى رسول الله نأسف لعدم الاستئذان ولكن وجب التنوين فبعد اذن صاحب المدونة نرجو التوجه لمدونة la3lahakhier_2 للمشاركة فى التطبيقات العلمية للحملة
جزاكم الله عن نبيكم كل الخير
مع دعائنا وشكرنا لصاحب المدونة
فريق حبا فى رسول الله

Anonymous said...

السلام عليكم ورحمة الله وبركاته
من فريق حبا فى رسول الله نأسف لعدم الاستئذان ولكن وجب التنوين فبعد اذن صاحب المدونة نرجو التوجه لمدونة la3lahakhier_2 للمشاركة فى التطبيقات العلمية للحملة
جزاكم الله عن نبيكم كل الخير
مع دعائنا وشكرنا لصاحب المدونة
فريق حبا فى رسول الله

حمامة said...

جميلة جداً
فى ذكرى مولدهم
يكون يوماً ثقيلاً
ومهما تناسينا نتذكر


ترجعيلنا بالسلامة :)

L.G. said...

لو كنت لا تتذكريه كنت نسيت موعده كنت لم تهتمي لكتابة تدوينة كنت ضحكت على ما فات

دع الوقت ينسيك الموعد صدقيني بعد سنتين كده حتلاقي الشهر كله عدى وتقولى ياه ده كان عيد ميلاد الله يرحمه وعدى :))
على الحب وسنينه

semsem said...

يااااااااااااااه يا ساره
الكلام جاااااااامد بجد
خواطر جميله
اجمل ما قرات لكى بجد
تحفه فعلا
ومعبره اوى
_______________
غير كده انتى وحشتينى اوى
ويارب تكونى بخير اللهم امين
اختك سمسم

Rosa said...

يوم ميلادك هذا العام
قصصت ضفائري
فما عدت طفلتك التي كانت
فلا يقتل براءة القلب
سوى قسوة الحكايات
-----------
رائعه رائعه بجد
حتىاختيار الصوره حلو قوي
واضح فعلا انها لم و لن تتذكره في يوم ميلاده و لن تقوم بعمل أي شيء خاص
فقط ستمضي اليوم في محاولة نسيان وتجاهل ذلك اليوم
------
تحياتي

walaa said...

تروحى القاهره وترجعى بالسلامه
مستنينك اوعى تغيبى فى القاهره دا حتى الجو حار هناك
اما بالنسبه للخاطره
هو لييه لما غيير احلامه واحلامها وراح ادها لواحده تانيه هى لسه فاكره عييد ميلاد
المفروض تمحيه من الذاكره خالص ومتفتكرش اى حاجه من ناحيه
هى كده لسسه بتحبه
تحياتى ولاء

rovy said...

ترجعى بألف سلامه ياارب
جميله قوى كلماتك و احساسك صادق و عالى جدا .. احييكى بجد على هذا البوست الرائع ..
كل الود والتقدير
تحياتى
rovy

محمد العدوي said...

أكيد آه

:)




جميلة

nour shahen said...

كلامك جميل قال حاجات كتتيره
كان نفسى اقولها لكنى حتى لو حاولت مش هقدر اعملها
اللي القلب حبه في دقيقه صعب ينساه في سنين حتى ...
قلبتى ذكريات الماضى عليا
لكن احساس جميل ان قلبنا يقدر يحب على الاقل نطمن اننا لسه عايشين
تقبلى تحياتى واعجابى

bota said...

السلام عليكم

رائعه بجد لمستني اوي وحسيت نفسي عايشه فيها
ربنا يوفقك وتروحي وترجعي بالسلامة

حنين.. said...

رحيل مستنايكى..... انا خلصت امتحانات وعايزه اقرأللك حاجات جديده...... وترجعى بالف سلامه يا جميل

love River said...

فين جديدك يا رحيل؟؟
منتظرينك

حاول تفتكرنى said...

جميل معبر

حرف رفيع المستوي


تحياتي

أحمــــد said...

بسم الله الرحمن الرحيم
أدعوك لزيارة مدونتى
http://ommee.blogspot.com

بارانويا said...

وخايفة ليه
تقولى انك حبيتى
وانجرحتى
وكرامتك اتوجعت

بس
بجد بجد
مش هتعرفي تنسيه..

رحــــيـل said...

سمر

ربا يخليكى ياسمر
كويس انها عجبتك
شوفى بالنسبه للفقره الاخيره
مكنش المشكله فى المعنى مكنش هو اللى مقصود
بس انا حبيت اختم الكلمات باول مابدات
افتقدنى او مش افتقدنى مش هتفرق كتير

تحياتى وحبى لكى
***********************************
كامى

عروستنا الحلوه
كل سنه وانتى دايما بهنا وخير وسعاده
تسلمى ربنا يخليكى يارب

حبى ومودتى
**********************************
ايمن بدر

انا فى انتظار الرحيل مش تقلق
اكيد فى يوم هيحصل
وساعتها مش هوريك وشى
ههههههههههههههههههههههه
شكرا ليك بجد

تحياتى وتقديرى
***********************************
حبيبه قلبى يوما

نعم هجرت حبيبتى
هى مجرد كلمات وخواطر

حبى ومودتى وهيامى بك
******************************
احمد

منور ياباشا
بس انا نفسى اوضحلك حاجه الموضوع مش موضوع عياط
عادى يعنى وبعدين تعيط ليه وانت بتقرا عامه لو دل تأثرك ده على حاجه فبيدل على نجاحى فى انى اوصل احساس انا تقريبا اختلقته وانت صدقت واندمجت وتاثرت ده اكيد نجاح ليه
بس على فكره انا مش بعيط
الحياه فعلا مش مستاهله
انتظر البوست القادم

تحياتى وتقديرى
***********************************
دعاء مواجهات

شكرا لكى مرورك وتعليقك
واعذرى تقصيرى وغيابى
واكيد هنكون اصحاب

تحياتى لكى
***********************************
هانى يس

اهلا بيك
شكرا لكلماتك

تحياتى
********************************
انينموس

تم ياافندم
منوره ياقمر بجد
حبى ودعواتى
********************************
سلوى
صديقتى ا لعزيزه

وجودك يكفى

حبى وتقديرى
***********************************
زوزو

مرسى ليكى
كويس انها عجبتك

وهستنى اشوفك يوم الاتنين اوعى تزوغى
مستنياكى ياقمر

رحــــيـل said...

رحاب مصطفى

شكرا ليكى يارحاب متابعتك
وتعليقك
ربنا يخليكى يارب
تحياتى وتقديرى
******************************
تايه فى وسط البلد

عادى بسال غلاسه

شكرا لمرورك
******************************
غنيم

اهلا اهلا يادكتور
شكرا لتشجيعك الدائم
ربنا يخليك يارب

الرحيل اكيد

تحياتى وتقديرى
********************************
محمد ممدوح

ياااااه ياهلا ياهلا بالناس البتغيب تغيب وترجع
ولا يهمك يارب تكون بخير
ربنا معاك
وشكرا على مروروك
****************************************
مصطفى ريان

هههههههههه
اه كان مزعلنى هههههههههه
عادى يعنى
فعلا اللى يقسى لازم يتنسى

شكرا لمرورك
*********************************
زهرة الياسمين

اهلا بيكى
فعلا النسبان نعمة

شكرا لكى ولكلماتك

تحياتى لكى
*********************************
عفراء

وعليكم السلام
هههههههههههههه
ولا يوم ميلادك انتى
غيره بقى ياروشا
يارب تكونى بخير
**********************************
صوت من مصر

كل سنه وانت اللى طيب وبخير يارب
شكرا على المرور
ربنا يخليك
**********************************
قهوة بالفانليا

ااولا شكرا جدا على مرورك وتعليقك
ثانيا انا ترحلى عن كل ذكرياتك صعب
ولكن يكون تاثيرها مع الايام اقل فاقل
الى ان تتلاشى

تحياتى وحبى
**********************************
الربان

شكرا لك مرورك الاول

تذكرتها فقط من اجل ان اكتب
تذكر هو لو لا لايهمنى
فقط اان كتبت

يافادن لاداعى للمعذره على الرحب والسعه كلام حضرتك
تحياتى واحترامى

رحــــيـل said...

Rack-yourminds

وعليكم السلام
بجد بجد فرحت لما لاقيت تعليقك عندى وقريت اسمك زى زمان
يارب فعلا تكون بخير دايما وتكون فتره وتعدى وترجع لينا تانى
عامة انا كنت حاسه انك موجود وبتابع كل مدونات اصحابك زى ماكنت بينا دايما
ربنا يكرمك ويهديك للى فى الخير
وبعدين ولا يهمك لو الاكل خلص نشحنلك من عندنا
تحياتى وتقديرى واحترامى
***********************************
تامر نبيل

اهلا بيك
منورنى دايما
اسفه على تقصير اكيد هاجى اقرا اللى فاتنى
تحياتى وتقديرى لك
**********************************
احسن تستاهل

شكرا جدا يامها
ربنا يخليكى يارب
وحاضر هستمر
تحياتى وتقديرى
*********************************
امل فتحى عزت

شكرا على مرورك

وان شاء الله اكيد ليا زياره عندك
تحياتى لكى
*******************************
الصديق سيد سعد صاحب احلى مكسرات

حقا بعضها يظل منقوش داخلنا
ويبقى الفرار والتوهه وسط زحمة الحياه لنرحل عنه
اعتذر بشده عن تقصيره

تحياتى لك
*********************************
سنووايت

اهلا اهلا بيكى

بجد بجد مكسوفه قوى منك عشان مقصره بس انا متابعه بجد
ان شاء الله هرجع قريب تانى لكل اصحابى وحبايبى

شكرا ليكى
تحياتى وحبى
**********************************
حنين

اهلا فى اول زياره
ياخبر كل ده حصلك بسببى
لالالالا اسفه بجد انى خليتك حزينه كده

ربنا يفرح قلبك يارب
شكرا ليكى
*********************************
نهى العربى

شكرا يانهى على مرورك وتعليقك
نورتينى

تحياتى لكى
********************************
اسراء احمد

شكرا ليكى ياسراء
ربنا يخليكى
ويارب متكونش اخر زياره

تحياتى وحبى
*********************************
الدنيا واسوتها/ جيهان
وعليكم السلام

اهلا بيكى ياجيهان
فعلا المهم الواحد يكتب حقيقه او واقع هى الكتابه منفس لينا
تحياتى لكى

رحــــيـل said...

موناليزا

شكرا ليكى
يارب تكونى بخير دايما
دومت بكل خير
حبى لكى
**********************************
لعلها خير

مقصره اان عارفه وعايزه الضرب كمان
المره الجايه هاجى اخد الواجب بتاعى
بس من غير خصام

تحياتى وتقديرى
*********************************
بونجو

شكرا بجد
ربنا يخليكى يارب

الله يسلمك
*********************************
د/ جيشو

اهلا يادكتور
براحتى اان بهدله زى مانا عايزه
وبعدين ايه التفسير الغريب ده
بسال غلاسه يااحمد ايه يعنى مانت عارف انى رخمه

بس تفتكر ممكن اكون عايزه ارضى غرورى
جايز برضه
يارب تكون بخير
**********************************
زمردة

اهلا باللى منورانى
شكرا شكرا شكرا
وانتى بجد تعليقك اجمل
ربنا يخليكى ياقمر
خالص حبى ومودتى
**********************************
سوووو

اهلا اهلا باحلى عجوز
والله كنت لسه بقول فى حقك كلمتين
انك من الناس اللى بتفهم الكلام ومش بتاخده بمعنى تانى
وبتقدر الحاله اللى بيكتب فيها الكلام وكده وبيان ده فى تعليقك بجد

ربنا يخليك يارب وفعلا احنا فعلا اهلا وبنحب نتكلم ونفضفض مع بعض

ربنا يخليك يارب ويكرمك
تحياتى وتقديرى واحترامى
***********************************
مدحت محمد

الله يسلمك يامدحت
شكرا على سؤالك الدائم ومتابعتك وتشجيعك

الفكره مش فكره حقيقى ولا لاء
الفكره ان اوقات انت بتكتب بشكل ويتفهم بشكل تانى
عادى الواحد اتعود على كده خلاص
هههههههههههههههه
على رايك فعلا الواحد يرد على اهوء المعلقين وفجاه يالاقى نفسه عايش فى دور مش بتاعه
تحياتى وتقديرى
***********************************
الاتربى اللولبى

هههههههههه
ياخبر بقى يوم وفاته حقى بقى انزل نعى فى الجرايد بالبوست ده
واهو كله فايده

شكرا جدا على مرورك
تحياتى لك
**********************************
نانووو 2100

وانا ايضا اجدنى بين سطورك
معلش اسفه على تقصيرى وغيابى
شكرا جدا على كلامك بجد ربنا يخليكى

تحياتى وتقديرى لكى
******************************
Love river

اهلا بيكى

صدقينى مع الايام هتعرفى وهتقدرى
مجرد وقت
شكرا جدا ليكى
تحياتى لكى

رحــــيـل said...

عرفة فاروق السيوطى

اهلا اهلا شكرا ليك
انا بش محبتش كل واحد يعيش الكلام براحته وافتح مجال للخيالات
لما بكتب ويكون احساس بجد بسيبه مفتوح علىا لعموم البوست الجاى هيوضح حاجات كتير
تحياتى لك
*********************************
الحمقاء المضلله

اهلا بيكى
شكرا على مرورك
دايما بقول مش تفرق كتير مين اللى خسر
تحياتى
***********************************
فانكى دكتور

شكرا ليك
الله يسلمك
تحياتى لك وتقديرى
***********************************
منى

اهلا يامنىيارب تكونى بخير
انتى فعلا كلامك صح جدا

شكرا ليكى سوالك الدائم
تحياتى وحبى
**********************************
Blue-wave

هههههههههههههه مش كده انا هنزل نعى المره الجايه
شكرا جدا على مرورك وزيارتك

تحياتى لك
**********************************
انينموس

وعليكم السلام ورحمة الله وبركاته

شكرا على التنويه
جزاك الله خيرا
*********************************
حمامه

وتقل الذكرى مع الايام وتتلاشى

الله يسلمك
شكرا على مرورك
تحياتى
************************************
l.g

ههههههههه
هجيب مصحف المره الجايه احلف انه خلاص
وانها فعلا من اجل الكتابة مش تأثر يعنى

منوره دايما يارب تكونى بخير يارب
الله يرحمه
***********************************
سمسم

اهلا بيكى انتى كمان وحشانى بجد جدا
ياريت اعرف اشوفك قريب

ربنا يخليكى يارب
تحياتى وحبى
********************************
روزا

شكرا جدا لكى
نورتينى
تحياتى وتقديرى

رحــــيـل said...

ولاء

اهلا يالولو تسلمى يارب
فعلا الجو كان ناار هناك بس يومين حلوين
الذكريات كالنقش على الحجر اصبحت جزئا منا لكنها تتلاشى مع الايام
او تتوه منا فيقل تاثيرها حتما

شكرا لوجودك الدائم
تحياتى وحبى
***********************************
روفى

الله يسلمك
شكرا جدا لكلماتك
ربنا يخليكى
دومت بكل خير
**********************************
محمد العدوى

هههههههههه
ولا لاء مش هتفرق كتير
شكرا لمرورك ووجودك

تحياتى لك
**********************************
نور شاهين

شوفى ياقمر اولا انتى نورتينى
وثانيا عايزه اقولك حاجه بجد بجد بجد مش بينسى حب كنا فاكرينه حقيقى
غير لما نحس بحب تانى حقيقى اكتر
وكله مع الايام بيعدى

ربنا يهنيكى يارب
وشكرا جدا على كلامك
***********************************
Bota

وعليكم السلام
اهلا بيكى
شكرا جدا جدا
وتسلمى يراب
نورتينى
**********************************
حنين

شكرا ياحبيبة قلبى على سؤالك
المهم تكونى حليتى كويس
ربنا يوفقك وقريب فى بوست جديد ان شاء الله

تحياتى وحبى
********************************
Love-river

اهلا بيكى
معلش على تاخيرى قريب جدا ان شاء الله
وبجد متشكره جدا جدا على متابعتك وسوالك
ربنا يخليكى يارب
**********************************
حاول تفتكرنى

شكرا جدا جدا

ربنا يخليك

تحياتى وتقديرى
***********************************
احمد

شكرا ياحمد على مرورك
وان شاء الله هزورك
تحياتى
***********************************
بارانويا

اهلا بيك
خايفه؟
هخاف ليه ومن مين
مش خوف يافندم بس مجرد تنويه ان الموضوع مش مأثر بالشكل الفظيع
مش بحب اخدع حد او انقل صوره مش موجوده
حاجات كتير بكتبها ومش بكتب تحتها ملاحظات عشان بتكون حقيقه
وبجد بجد نسيته
شكرا على مرورك

linda said...

ينهار ابيض

انا كنت حاطة كومنت
هو راح فين؟


------------------------------------
رحيل كلامك وصل بطريقة غريبة

انا كنت بالجامعة لما قريته

ومش هحكيلك عملي اي

بس بجد واوووووووووو


بهنيك

و القادم....أجمل said...

يوم ميلادك هذا العام
ستشرق شمسي
و تتفتح الأزهار
سأكون أنا
بلا خوف و لا ألم
سأنتصر على حزني
و أمحو كلمة ندم

~.~.~.~.
.~.~.~.~

دُمت ِ رائعه
و مبدعه

:)

Sara said...

كل كلمة انتي كاتباها حساها قوي ووصلتني قوي حبيت بس اقولك كده