Saturday, June 28, 2008

حلم الرحيل



جائنى أكثرمن تعليق على أنني استخدم كلمة الرحيل كثيرا ووجدتها حقيقة
فهى تظهر في معظم كتاباتي بشدة منذ أن بدأت اكتب منذ سنوات
وفى كتابات أيضا لم تنشر هنا ولن تنشر
لأنها كانت محاولات قديمة منذ الصغر لا تستحق النشر
ولكن وجدتها أيضا كانت مضمونا لكتاباتي
وأوقات أخرى استخدمها ككلمة عادية في مجمل النص
المهم انها موجودة دائما
وجدتني احمل بداخلي الكثير من هذا المعنى
فأنا دوما انتظر رحيلي
حلم يراودني منذ صغرى
دائما كنت اعرف أنى سأرحل عن بلدتي ,عن عائلتي,
عن اصدقائى ,عن مجمل حياتى هنا
حتى عملي الحالي اعلم يقينا أنني سأرحل عنه
أتمنى رحيلي بشدة لا اعلم إلى أين ولكني احتاج إلى الرحيل بقوة
فما أصعب أن تقضى حياتك في انتظار أن ترحل
وان تقضى حياتك الحاضرة وأنت تعلم يقينا أنها وضع مؤقت
لا تعلم إلى متى ستظل حياتك هكذا؟ أو متى سينتهي هذا الوضع؟
أو إلى أين سيأخذك رحيلك عندما يأتي؟
وهل حقا سأرحل أنا؟
أم سأظل أعيش على أمل الرحيل ما تبقى من العمر ؟
احمل بشدة هذا المعنى بين طيات عقلى وقلبى وروحى
يلازمني دوما فأتعامل مع كل الأشياء في حياتي الآن
على أنها لن تستمر لأنني سأرحل عنها
حتى علاقاتي الحالية هنا في بلدتي
اعرف أنها لن تستمر على وضعها الحالي
لأنني سأرحل عنها ايضا وستبقى مجرد ذكرى
وسينشغل الجميع كلا في حياته ودنياه
وعلى قدر شوقي ولهفتي لرحيلي إلا أنني أصبحت أوقات أهابه
أهاب ذلك المجهول الذي يغلف تفكيري
فليس لدى تصور واضح لما بعد الرحيل
كما أن فكرة البقاء تعد مستحيلة بالنسبة لي ليس لها أدنى وجود
فهي ليست أكثر من وضع مؤقت سينتهي حتما
أوقات عصيبة حقا هي أوقات الانتظار
وخاصة أنها طالت معي وأنني لن أملها ولن افقد الأمل فيها
****************
حلم أصبح يراودني بشده كل ليلة
يحمل بين تفاصيله نفس الفكرة وان اختلفت تفاصيله من يوم لأخر
أنني في بلدة غريبة ذاهبة لعمل أو لأصدقاء أو أقارب لا اعلم
المهم أنني دوما ابحث عن شئ أو أشخاص لا أجدهم
فأتوه عنهم أو ينشغلوا عنى
وهناك من يطاردونني لا تتضح ملامحهم
فأحاول طيلة الحلم الهروب والفرار
يبدأ الحلم بنهار معتم ضباب يغلف أرجاء المكان تصعب الرؤية
ويأتي الليل وأنا لازلت أحاول الهروب
وينقضي الحلم وقد تعبت من كثرة الجري والفرار الدائم

36 comments:

كاميليا said...

الرحيل .. كلمة حزينة
تحمل احساس غريب

تحمل الخوف من المجهول
برودة الغربة
وحشة الوحدة

الرحيل
قد تكون أمل فى التغيير
فى الحياه بشكل آخر
ولكنها تظل موجعة
مهما حقق الرحيل من نجاحات

اعذرينى يا سارة
لقد رحلت منذ اعوام
ولازلت اتمنى ان يعود الزمن للوراء
حتى لا أرحل

إكتشفت إني كائن غير قابل للرحيل
فرغم كل هذه السنوات
إلا أن قلبى وروحى وكيانى كله
هناك
عندك
بين السماء وارضك

تحياتى وحبى

Dr.m said...

السلام عليكم

كلمه الرحيل كلمه صعبه على النفس لما تحويه من فراق وغربه وتر أحباب وغير ذلك ممما لا تحبه المشاعر الإنسانيه..لكن حياتنا كلها رحيل سواء قل حجمه أم كبر فهو رحيل ..
بوست رائع ومميز..
مدونتك جميله..
تحياتي
سلام

blue-wave said...

من يحلم بالرحيل هو رافض لواقعه وعاجز عن تغييرة
ولا احسبك كذلك
تحياتى

حنان سعيد said...

الرحيل
ما اصعبه من احساس
ل اعتقد بان هناك من يتحمل الامه حتى وان تمناه
.
.
الرحيل ياخذنا بعيدا عن كل شيء حتى انه قد يأخذنا بعيدا عن انفسنا
.
.
وما اصعب من الرحيل ... هو انت تعيشي حياتك في انتظاره ...اعتقد حقا بانه الموت البطئ
.
.
حقا اني اخشى عليكي من هذا الاحساس
فكلماتك اخافتني عليكي كثيرا
حتى اني تمنيت ان يكون بيدي ما افعله لكي لكي تغيري ذلك التفكير السلبي الذي قد يدمر حياتك
ولكني افقت على اني مجرد قارئه لمدونتك التي طالما احببتها
..
ولكن ارجو منكي الا يتمكن هذا الاحساس منكي
ارجوكي اهذمي هذا الاحساس الذي قد يدمرك ....ويدمر رقتك التي استشعرتها في كلماتك
.
.
اتمنى ان تتغير نظرتك هذه قريبا
.
.
وتمنياتي لكي باجمل واهنأ حياه دوما

s@gi said...

موش ده البوست اللى كنت مستنيه
----
فين الوش الخشب !! بس كعادتك بتكتبينى ببساطه .. وبتجيدي التعبير عن نفسك
يارب توصلي لنقطه الإلتقاء
سلام
لي عوده ف حال نشوب اشتباكات

youma said...

نصيحة
حاولي متقضيش عمرك وانتي متخيلة انه مش عمرك وانك حتعيشي عمر تاني الحياة قصيرة ومش ممكن نعيشها فوهم اسعي ورا طموحك بس كمان حاولي تسعدي بحياتك على قد متقدري وشوفي الجميل لي فيها وارضي بيه بدل متعيشيه غصب عنك وانت مش راضية بيه لو ليكي كم يوم بس حتعيشيهم تفضلي تعيشيهم مبسوطة ولا مستنية الموت؟

بعد الشر عنك طبعاً
بس حبي حياتك على قد متقدري
عشان تتبسطي من جواكي
ومتفضليش تدوري على حاجة مش موجودة

بحبك قوي
خودي بالك من نفسك

summar said...

ازيك ياسارة
بتجيلي الحالة دى ساعات
حاولى بس تعدى بهدوء
وماتحسيش انها فترة حزينة
هيجيلك وقت تستقري فيه..حتى لو ماسبتيش المكان
المهم بس تطلعك لهدف الرحيل مايخدكيش من حياتك..ولو حصل..ماتحسيش انك فقدتى معنى حلمك
بمعنى انك ماتلاقيش حاجة فى النهاية

رهف said...

رحيل
انا عجبنى فكره الرحيل المسيطره عليكى بس المشكله ان الأحساس ده دايما بيفقدك الشعور بالأمان اتمنى ان تهدئى بالا
وبجد انا بعتذر عن التأخير فى التعليق بس صدقنى ظروف وهتعدى
فى حاجات جميله قرئتها سريعا واكيد هرجع اعلق عليها بس الوقت يتاح لى
تحياتى رحيل الجميله

دمعاتي said...

الدنيا سفر
وما السفر الا رحيل
ربما لا يكون رحيلك المنتظر هو فرار من الحالي
ولكن ان شاء الله سيكون لوضع افضل
ولحلم اجمل ستعيشه
فقط كوني واثقه انه لا شيء يدوم على حاله
ونتعشم ان ما سياتي سيكون افضل مما فات

صوت من مصر said...

الرحيل كلمه مش حزينه لانها من الممكن ان نرحل لاجلشىء غير مرغوب ؟
عموما البوست هايل
بيفكرنى بفيلم جنينه الاسماك؟

zOzO said...

البوست حلو يا ساره؟
بس سؤال يعني انتي عايزن ترحلي ليه ؟
ليه مش طب واصحابك وكل الناس
تعرفي انا ممكن اجل حاجه زي دي لو متعلقه بحد من اصحابي اوي
بجد والله
مالك يا ساره
ربنا معاكي

إبـراهيم ... معـايــا said...

الجميـلة سـارة، سعدت بلقاءك (طبعًا) ، جوخدت بالي من عدد مرات دخولي هنا .... أكيـد الرحيل حـالة بنعيشها كثيييير، يمكن عشان بنكتب، يمكن عشان بنحـس ....
منتظر رأيك ....
...
وخاـلص تحياتي

مدحت محمد said...

رحيل

كان والدى الله يرحمه
لما كان يشرحلى فى المذاكرة
وانا صغير يقلى
الفرق بين الهجرة والرحيل

يقلى الهجرة

هو مغادرة مكان سوف تعود اليه بعد حين

اما الرحيل
فهو مغادرة دون رجوع

فكل دقيقة تمر من حياتنا هى رحيل


اتمنى رحيلك ده يكون للخير دايما

dr.gesho said...

كتير مننا بيراودهم حلم الرحيل حتى اللى ماكنش بيراودهم قبل كده بدا دلوقتى يلح عليهم وكل ما الحاله بتسوء الحلم بيكبر بس مش لازم يكون ده الاختيار الوحيد لانه ممكن مايتحققش او يتحقق و يكون عدم الرحيل افضل علشان كده لازم يكون فى دماغنا حلول تانيه و اهلا بالكتئاب اللى فى اخر البوست ده
بس من الاخر رحيل اسم ظريف

Sherif said...

اذا كان الرحيل الى حيث سعادتك وراحتك فأهلا به

ولماذا نتخيل الرحيل بلا عودة ؟

رحلت كثيرا .. وعدت أكثر .. لأن احباؤنا داخل قلوبنا اينما ذهبنا

لكنه الرحيل الى كل جديد تتجدد به آمالنا .. وننتعش بهواء له نسيم مختلف وأرض جديدة .. واصحاب واحباء جدد فيزداد رصيدنا ..

والا فلماذا نقول " ان الذى فرض عليك
"القرآن لرادك الى معاد

ويقول المولى سبحانه وتعالى " قل سيروا
"فى الارض

هذا هو فهمى عن الرحيل .. لانى احب هذه الكلمة .. يزيدها جمالا .. الرفيق المحبب

لم افهمها على انها الفراق

زُمُرده said...

ازيك يا ساره
وحشاني والله

غريبه اوي بوستك ده
لأني بحس نفس الاحساس واسأل نفسي كتير لما ابقى في كل مكان لمتى هيجي وقت الفراق والرحيل
وياترى بارادتي ولا لأ
وياترى فراق لشيء افضل ولا
وياترى في معاد مناسب ولا
وهتبقى المرحله الجايه فين
وتنتهي بايه ومهما طالت ففي فراق ولقا باختيارنا ولا غصب عنا

المهم حاولي تستمتعي بكل لحظه مهما كانت لأني دايما عارفه انها هتبقى مجرد ذكرى ولو بعد حين

منى said...

لعل كثيرا منا يحلم بالرحيل وان اختلفت الاسباب والمقصد
وتباينت المحاولات
لكنك
جعلتىه هدفك الاكبر
وحلمك الاجمل
فاتخذتى منه اسما يجرى على لسانك طول الوقت كى لا تنسى حلمك
اتمنى لك السعاده فى كل مكان وان يهدا بالك سريعا
تحياتى

Anonymous said...

السلام عليكم
الى اين الرحيل.....
فنحن فى رحيل دائم فى غربة وعزلة عن النفس وليس معنى الرحيل هوة المغادرة لبعيد
ترحلى.. وتتركى كل من حولك وتتمنى ذلك
وغيرك يتمنى ان يكون هناك شخص واحد يعوضة عن غربتة ورحيلة الداخلى والدائم
ارحلى .. وابحثى هنا وهناك عنا
جائز عند رحيلك تجدى مالم تجديه هنا بيننا فعلاقاتك لن نستمر كما قلتى
على الرغم اننى لا اجد سبب يمنعها من الاستمرار سوى رحيلك الدائم التى تبحث عنة هنا وهناك ومنذ الصغر
تمنياتى لكى بالرحيل
اعتقد ان مافيش داعى تعرفى انا مين دة لو ماكنتيش تعرفى
سلام....

Dr- Hema said...

الرحيل شىء اساسى

بس لو الرحيل لأفضل يكون

أفضل

ولو الرحيل للأسوأ بلاش

بس لازما ولابد أن نرحل

انا عن نفسى أرحل متنقلاً من بلد إلى أخر بسبب ظروف الدراسة

ولكن هذا الرحيل الدائم يؤدى إلى كسر الملل ورؤية الجديد وإكتشاف المزيد

دومتى بود

د/هيما

ghoneem said...

السلام عليكم

جميل بجد أنك تدوري علي نفسك دايماً
وجميل أنك تصبري علي أي حاجة وتقولي لأني هرحل عنها
الرسول الكريم صلي الله عليه وسلم قال كن ف الدنيا كأنك غريب أو عابر سبيل

يعني نفس المعني اللي انت بتقوليه
الواحد يعيش وهو موقن برحيله
جميلة محاولاتك البحث عنك
وجمي اصرارك منذ صغرك علي هذا
لكن رتبي أفكارك
أنظري لأولوياتك حتي لا يختلط الأمر
ولا تحققي فائدة تذكر

أحييكي علي محاولاتك
خالص دعائي
بالتوفيق...............

nahla.a said...

ما اصبها من كلمة انها فعلا تحوى الكثير من المعانى وانها لكلمة حزينة بالفعل ولكن ان تتمنى الرحيل والله اجده شيئا صعبا لانك اذا رحلتى فاكيد سياتى اليوم التى تحبى ان ترجعى لمكانك واتمنى ان يكون رحيلك خير ان شاء الله تحياتى..

HARD TIMES said...
This comment has been removed by the author.
HARD TIMES said...

انا جيت اسلم والقي التحيه واقراء ووقول تعليق في المدونه ديه ... لقيتها مش عديه لكن مدونه من اللي هيا .. محتاجه وقفه وجلسه وأعدة ..ونمخخ ونقول بحريه ...اصلي دي مدونه من اللي هيه
لي عودة اخري بأذن الله لمتابعة حلم الرحيل
تحياتي لحضرتك

alwani said...

الجميع راحل ...جون استثناء
ولكن زيادة إحساسك بلحظة الرحيل
جعلك كاتبة فوق العادة
تحيتي لقلمك الرائع ولمحاولاتك في البحث عن الروعة

أتمنى إنك تشاركيني في أخر مواضيعي عن إساءة بعض المدونين وكيف ترد على هذه الإساءة لو زادت يوم ورا الثاني
وأتمنى ما تنسي تدعي لمن أساء بالهداية ولزوجته بالشفاء يارب

سنووايت said...

صدقتي
الرحيل هو حقيقة هنوصلها كلها سواء في الحياة دي او لما تنتهي
نفس تفكيري , دايما باقولهم كدة يقولوا انتي متشائمة , بس هو مش تشاؤم هو محاولة لتفهم الواقع علشان ما اتصدمش فيه
انا رايي ان سبب تعاسة الناس في الدنيا انهم بيعيشوا فيها علي انهم مخلدين وبينسوا ان كل شيء له يوم ويرحل حتي احنا

linda said...

رحيل

الكلمة من عدة حروف
حروفها الأولى منعشة
فهي روح
وحياة
أما الأخيرة منها
فغموضها وسوادها
يحرقني


سارة

متصورة اسمك الحقيقي مع الأسم دا عامل ايه؟

الحاجة دي يمكن تكون موجودة فية انا كمان
عشان انا كمان احيانا بحس اني حكون بمكان تاني
يمكن بسفر او بموت
بس دا موجود فعلا
بس بنسبة ضئيلة جدا
مش للدرجة يلي بتتكلمي عليها

عموما
كل شيء مكتوب ومقدر
مش حنروح لمكان منغير مابيكون لينا نصيب فيه


ويارب يكتبلك الخير وين ماكنت وفين مارحتي

وبينا معاد لو أحنى بعاد أكيد راجع ولو بيني وبينو بلاد

الإتربي اللولبي said...

رحيل ..

اسم جميل

و إن كنت أفضل ساره

لأن وجودك شئ سار فعلا .. مش رحيلك

على فكره اللقاء كان جميل .. و اتمنى تفكريني بالمعاد الجاي قبلها بأسبوع لأني اليومين دول عايش في المتاهة

أتمنى أقابلك على خير

تحياتي

سلام عليكم

ayman badr said...

عالة ترحلى كل شوية
ايه يا بنتى فيه كلمات تانية غير رحيل
غيّرى بقى
اهم حاجة مترحليش كده بسهولة عافرى وتمسكى بالحياة
تحياتى

رحــــيـل said...

كامى

ربنا يرجعك بالسلامه يارب
عارفه انك بتكلمى من منطلق تجربتك
وعارفه قد ايه كلمه الرحيل صعبه عليكى
ربنا يهونها عليكى
**********************************
Dr.m

وعليكم السلام
الرحيل رغم كل ماذكرته انت واقع

شكرا لك كثيرا
تحياتى
*********************************
Blue-wave

اوقات تسوقك الاقدار لواقع يصعب تغيره بشده
فلا تملك سوى الرحيل عنه

تحياتى لك
وشكرا لمرورك
*****************************
حنان سعيد

شكرا جدا جدا لكلماتك
لكن صدقينى اوقات كثيره يكون الرحيل حلا بديلا لامور كثيره
رغم عنى انتظره

دومتى بكل خير وحب

رحــــيـل said...

ساجى

اه مش ده قول يارب عشان اعمل بوست التوضيح بقى
هههههههههه
ان شاء الله مفيش اشتباكات
ربنا يخليك
*********************************
يوما حبيبتى

تعرفى انا فعلا هى دى مشكلتى انى عايشه عمرى وحاسه انه مش عمرى
حد يقولى بقى احب حياتى ازاى اذا كان اصلا مفيهاش حاجه من اللى كنت حلمت بيها؟

شكرا لكلامك انا كمان بحبك قوى
تسلميلى يارب
***********************************
سموره

هحاول بجد
وكمان هحاول امشى على الجدول اللى انتى قولتيلى عليه

ربنا يخليكى يارب
***********************************
رهف

اهلا بيكى فين جديدك من زمان؟
هى فعلا مشكله امان
عادى ولا يهمك المهم تكونى بخير
تحياتى وحبى

رحــــيـل said...

سامح باشا

اهلا اهلا
امييييييييييييييين يارب
ايوه ادعى ادعى كده ياسامح
يمكن يكون الجاى احسن

متبقاش تغيب كده
سلام
**********************************
صوت من مصر

اهلا يامحمد
فيلم جنينة الاسماك؟
امممممممم هحاول اشوفه عشان اعرف وجه الشبه

شكرا على مرورك
تحياتى لك
*********************************
زوزو الشقيه

سؤال مهم عايزه ارحل ليه؟
عايزه ارحل عشان زهقت
ههههههههههههههههه
انا كويسه باخدلى يومين كده وبحاول ارجع
مرسى ياقمر

ربنا يخليكى يارب ومايحرمنى منك
*****************************
ابراهيم....... معايا

اهلا اهلا
شكرا جدا يابراهيم انت نورتنا بجد
ههههههههههههه كويس انك مقولتش الجمله بتاع كل مره
مرور اول
على العموم دى رابع تقريبا

شكرا على مرورك وتعليقك
تحياتى لك

رحــــيـل said...

مدحت محمد

فكل دقيقة تمر فى حياتنا رحيل

انت محق فعلا

شكرا جدا جدا على وجودك الدائم وسؤالك
تحياتى وتقديرى
*********************************
Dr.gesho

طيب قولى انت حلول تانيه؟ اجيبها منييييييييين
اى اخدمه مش حارمه حد من اى اكتئاب

طبعا رحيل اسم ظريف هل عندك شك
تقدر تقول غير كده
هههههههههه
منورنى ياحمد دايما
********************************شريف

جميل جدا المعنى الذى تكلمت به عن معنى كلمه رحيل
اعتقده منظور اكثر تفاؤلا

تحياتى وتقديرى لك
********************************
زمرده

انا بخير الحمد لله
ازيك ياقمر
بجد بكون سعيده لما بكتب بوست يعجبك وتحسيه
انا بسال نفسى برده نفس الاسئله
ربنا يهدينا للى فى الخير

شكرا جدا ليكى
حبى ومودتى

رحــــيـل said...

منى

اهلا اهلا

ههههههههه
اه اتخذته اسما عشان منساش يبقى ملازمنى زى ضلى
منوره يامنى

شكرا على تعليقك الجميل
********************************
انينموس

وعليكم السلام
اكيد عرفت بس مش شايفه سبب انك متقوليش اسمك وتعلقى بيه
على العموم اعتقد انك اكتر حد عارف المفروض انا عايزه ايه وبفكر ازاى
مش عشره 7 سنين برده؟
خلينى ساكته وبلاش اكلم
سلام
***********************************
Dr.hema

احسن حاجه يابنى والله السفر والترحال
طيب ياريت يوم واحد من ايام الكليه

ربنا يوفقك يارب
تحياتى
*********************************غنيم

وعليكم السلام
فعلا انا محتاجه ارتب افكارى
بس انا برتبها واعمل اولاويات
عادى وتبوظ الدنيا تانى وتتلخبط
هههههههههههههه
انا تقريبا خدت على كده للاسف بقيت بتعايش مع الوضع ده

شكرا جدا لكلامك ولتشجيعك
تحياتى وتقديرى

رحــــيـل said...

Nahla.a

اهلا بيكى فى اول زياره
شكرا جدا على مرورك وتعليقك

تحياتى لكى
************************************
Hard times

اهلا اهلا مصطفى باشا منور يافندم
ههههههه وبرضه فاتوره النور عليك
شكرا على مرورك وتعليقك

تحياتى وتقديرى
************************************
Alwani

شكرا لكلماتك الرقيقه
واكيد ان شاء الله هشاركك الموضع لانه فعلا موضوع مهم
تحياتى لك
******************************
سنووايت

اهلا اهلا اهلا
منورانى بجد
انا كمان معاكى انه حقيقه بتختلف اشكالها من وقت للتانى
بس هو الثبات مش الخلود

دومتى بكل خير وحب
**********************************
ليندا

دايما بتفسرى الحروف والكلمات من منظور خاص جدا
شكرا لكى حبيبتى تواجدك واشراقك هنا
تحياتى لكى
**********************************الاتربى اللولبى

شكرا جدا ياحامد
ربنا يخليك
واكيد المعاد الجاى هنعرف كل الناس بيه

تحياتى لك
******************************
ايمن بدر

ارحل براحتى انا حره
انا بقى عجبانى الكلمه وماسكه فيها بايدى وسنانى
هههههههههههههه
شكرا ياايمن على مرورك
روح ذاكر بقى كلمتين ينفعوك
تحياتى وتقديرى

و القادم....أجمل said...

الرحيل شيء مؤلم
أنا عن نفسي مش بحبه
إحساس بعدم الإستقرار
و الخوف

لو انكتب علينا الرحيل
لازم نسيب بصمة كويسه في المكان
اللي هنرحل عنه
عشان يفتكرنا
الحيطان و الأرض و حتى السما

:)

---------------

ما علينا
ربنا ينور بصيرتك
و يسعدك

:)

Anonymous said...

دوما سيدتي لا تستقر نفس وروح فحاولي التوأمة بينهما يا صغيرتي وحينئذ ستعلمين انك لن ترحلي أبدا
غير أن رغبة المقربين هي التواجد دائما وحضورك الملفت للنظر

انزلي بقي من القطر اللي انتي راكباه
لك تحياتي