Thursday, July 3, 2008

رحلة عشق


اليوم سأرحل عنك
وسترحل أنت
تقابلنا
عابري سيبل في رحلة حزن
توقفنا
علنا نستريح من صخب حياة
عشقنا
أحلامنا جنونا أحزاننا
لكننا اكتشفنا
أن لكل منا اتجاه
فقررنا
فراق واشتياق
واخترنا
طريقين منفصلين
واستعجلنا النهايات
لكن تمهل
دعنى الملم أشيائي الصغيرة لديك
فهذا قلب قد هواك بصدق
وتلك نبضاته عشقت حتى الموت
وهذا كل حناني وهبته لك
كنت سأنسى
عيناى تلك
والتى روتك بصدق
ولم تعد ترى غيرك انت
وفرحتي التي كانت
بحثت عنها وبحثت
لكنها قد تلاشت
قد توارت
حين علمت برحيلى عنك
وبقايا أحلام
في الركن مختبئة
وجُل أمان لن يكن
سوى في حضنك أنت
وبعض أشواق لم تزل حارقة
وهمسات عشق لم تزل نابضة
يترجونِ بصمت
أن أبقيهم هنا
آبوا أن يأتوا معي
تركوني ارحل خاوية
فلا شوق ولا حب ولا قلب
بعدك أنت
فلا رجل غيرك
يأتيني بكل العشق
ويهديني الحب بحب
ويُقبل أحلامي برفق
يروى انهاري بشوق
سيدي
سأكمل رحلتي
بلا استراحات عشق
وبلا همسات شوق
فقط سأكمل في رحلتي
بذكراك أنت

42 comments:

S@G! said...

طريقين منفصلين .. مفعول بقه ونعت
-----
لكل منا طريق وليس من
---
سبيك .. خطأ إملائي
--------
خاطره بارعه مكثفه للغايه
بدأت برحيل -معتاد-لكنه نتيجه لرحيل سابق من قبله هو .. وأضافت وسترحل أنت الله على هذين الكلمتين
سترحل عن حياتي
او ربما سترحل يئسا
لكن قرار الرحيل نابع مني ..وبسبب قسوتك
----
فلاش باك للوراء في منتهي الباسطه بسلاسه نهر حاني
تقابلنا ..استرحنا من صخب حياه
روحين لاقوا بعض
نصين امتزجوا .. انفصلوا عن العالم المحيط
التقاء رائع .. أفسده رحيل
وفراااق
ونجم عن اشتياق يلسع ف الروح المتوهجه
----
وعند الرحيل .. لملمت البطله أشيائها
او حاولت
لكن
بلا قلب ولاعيب
ولا حب
ولا شوق
ولا حنان
كل هذا في ضراعه ألبستهم صفه إنسانيه وهي النطق والرجاء بأن يبقوا
حيث ولدوا ..وحيث تربوا
في مدينه العشق
مع الرجل الوحيد الذي حرك الحب
---
ولم يعد من الأشياء
غير همسات شوق
ونبضات حب
وذكريات تؤلم وبشده
---
لكن هاهي البطله القويه العمليه
تكشر عن أنيابها
فلن تبكي وإن بكت لن تموت
ستكمل حياتها
مغلقه القلب ..تعيش على ذكري
--------
بجد فرحت أوي لما قولتي اليوم
أتمني يبقي قرار بجد
أحلي رحيل هترحليه صدقينى
اقطعي عرق وسيحي دمه
----
أمان لن يكون في حضن سواك
يااااه "لن " هنا روعه بجد
بس صدقينى القلب اللى نبض مره هينبض تاني
ومش نهايه الحياه
وعنيكي هترجع تاني تصرخ وتقول هو ده
بس فين وامتي؟؟هي دء الأسئله اللي مالهاش إجابه
----
رحله عشق
عنوان مناسب أوي
بس نهايه عشق كانت هتبقي أفضل على أساس انو انتهي
بس واضح انو لسه ما انتهاش
ماهو لسه في ذكري
بس فى فراق واشتياق
---
عودا حميدا
سلااااام

dr.gesho said...

فهذا قلب قد أهواك بصدق
وتلك نبضاته عشقت حتى الموت
وهذا كل حناني وهبته لك
بجد بجد جامد جدا
جايبه كل المشاعر دى منين
الراجل اللى يفرط فى حد عنده كل المشاعر دى ناحيته اكيد يبقى مجنون رسمى
لا بس احنا بقينا جامدين اوى اهه
تحياتى

مواطن زهقان said...

ايه دا
لا لا بجد ياساره

احساس لايمكن
وكلمات لاتقاوم

تسلم الايادى

zOzO said...

طبعا بعد المقال بتع مصطفي
مش عارفه اقول ايه ؟

وخصوصا اني مش ف مود التعليق خالص
بس حلو يا ساره
تسلم يا جميل

مهيار said...

هل أمطرت عيناك ؟

مشتعل بك هذا البوح


والحرف جمر يحرق تلابيب الكلام


رائع رغم الوجع

**********


لم يبق

من جنون الهوى ...
سوى أشباح ذكريات ..
يكسوها الجليد ..
و أنقاض فؤاد مستغيث...

تحيتي و لك كل الود و كل الورد

youma said...

رحيل كل كلمة كانت قد صابتني في مقتل ما.. وكل معنى من هذه المعان شدني إلى عالم رحلت عنه وماعدت قادرة على استرجاعه من جديد
فردتني إليه كلماتك المنطلقة بقوة الحنين قبل حتى ان يحين موعد الرحيل

في منتهى الحب
في منتهى الإخلاص
في منتهى العشق

قلبك وكلماتك
ومشاعرك

احييك

مدحت محمد said...

رحيل تانى

جميل جدا وصفك للرحلة يارحيل

وأد ماانا معجب جدا بالكلمات أد ماانا اعجبت جدا بتعليق الاستاذ
S@G! /

تحياتى ليه ولحضرتك

استنى هختار اجمل مقطع عجبنى
سأكمل رحلتي
بلا استراحات عشق
وبلا همسات شوق
فقط سأكمل في رحلتي
بذكراك أنت

هو ده
على رأى تامر حسنى

blue-wave said...

لست اعتقد اننا يمكن ان نحيا فقط على الذكريات
يجب ان نتجاوزها بذكريات اكثر فرحا او اكثر تفاؤلا
والا سنظل للأبد غارقين فى الذكرى
تحياتى

Anonymous said...

السلام عليكم
مش محتاجة فضايح علشان اعرف انك عرفتى
فاكيد اسلويى بيكون واضح ولو انتى مش هتعرفينى فيترى مين ياعشرة 7 سنين
اما من ناحية انى ماقولش
فانا مش شايفة انها هتفرق كتير وخصوصا معاكى انتى ومن الاوجب بدلا من الملاماه هوة احترام رغبتى
من المؤكد من خلال كلماتك ان الرحيل جزء لا يتجزء منكى وانا لا ارفض الرحيل بصفة عامة لانه جزء منا ايضا وفى كل شئ متوقع الرحيل
فاكملى رحلتك
باستراحاتها الجميلة
بهمساتها الرقيقة
فهل تكون ذكرى يارفيقتى بدون همسات نحيا بها !!
او استراحات عشق نتنفسها!!
اكملى رحيلك مهما كان صعابة ومهما مر بة من خربشات لن يحلو الرحيل بدونها
فهل نسيتى كلامك لي
دمتى دائما بكل الخير

تحياتى لكى ....

shady said...

عمل جميل

انا قرأته وقرات البوست اللي قبله والاتنين مرتبطين باسمك (رحيل)

العمل حسيته محتاج تكثيف أكتر شوية .. خصوصا في بدايته رغم جماله

سعيد بردك عندي

شادي

حاول تفتكرنى said...

كلمات مختارة بعناية

لا شك أنها تصرخ بملايين المعاني

فنحن دائما نبحث عن حرف يأسرنا

تحياتي

ghoneem said...

السلام عليكم

أجمل ماكتبتي بالفعل
تغيرات وصور ولحظات جميلة جداااااا
أنا قريت البوست كذا مرة
وقريت تعليق مصطفي كمان "عامل بوست لوحده "
بس بجد البوست ده يستاهل وفعلاً جميل جداااا

محاولاتك ازداد بريقها وبدأت تنضج
استمري والجاي أحسن ان شاء الله

تحياتي
بالتوفيق.............

ahmed said...

اى يا رحيل دة

اقولك اى بس


بصصى

يعنى

كلام جامد اوى

بس هو فى حد ممكن يقوله

او فى حب كدة اصلا

مدام انتى قولتى كدة يبقى فى حد ممكن يقوله
بس انا متاكد ان الحد دة هو انتى بس



سلامى

nahla.a said...

كلامك جميل اختى ورائع بها احساس جميل..تحياتى

عاشقة الحب said...

خواطر جميلة
و كلمات رقيقة
يعجز لساني عن وصف
بساتطها

بالتوفيق

Dr.m said...

السلام عليكم
قصيده مميزه وبرده عن الرحيل
تحياتي
سلام

linda said...

كلمات شلتني حقا
مش قادرة احكي بجد يارحيل


فقط تقبلي تحياتي

funckydoctor said...

روعة روعة
مش عارف اعلق أقول ايه
تحياتى

منى said...

تعرفى يا ساره
اناشايفه ان البوست ده من اجمل ما كتبتيه
رغم الوجع اللى فيه
بس تحليلى مش هعرف اكتبه لو لقيتك على الايميل هبقى اقولك
وحشتينى اوى

MKSARAT SAYED SAAD said...

يقبل احلامي برفق
اعتقدفعلا لا يوجد بعده ابدا
جميله رائعة اعجبتنى جدا
تحياتي
سيد سعد

حمامة said...

عابري سيبل في رحلة حزن
توقفنا
علنا نستريح من صخب حياة

عجبنى التعبير ده اوى
وغالباً ما نأتى جميعاً الحب
عابرى سبيل
:)

هــــــــــــــــايدي said...

سيدتى ان كنتى احببتى كل هذا الحب فلما الرحيل
انى احب بل غارقه فيه لو انهم اعطونى الدنيا ما عن حبيبى رحلت
بس الاحساس جميل بجد

princess said...

هاى
الكلام معبر جدا ورائع جدا
تحياتى:)

زُمُرده said...

سارتي الجميله

ارحلي ولملمي الذكريات
واحمليها معك لبلاد جديده
تذكري واكثري واكثري من التذكر
حتى تصلي....اجل ستصلي لمرحله من التعود
وتصبح الذكريات مجرد حدث روتيني يفقد قوته شيئا فشيئا
حتى يفقد بريقه ونار آلامه


جميل بوستك
عاجبني قوي قوتك في اختيار الرحيل
حتى مع


وبقايا أحلام في الركن مختبئة
وجُل أمان لن يكن سوى في حضنك أنت
وبعض أشواق لم تزل حارقة
وهمسات عشق لم تزل نابضة

ستظل حارقه حتى حين ثم تصبح رماد


حلوه اووووي دي

ويُقبل أحلامي برفق
يروى انهاري بشوق
سيدي
سأكمل رحلتي
بلا استراحات عشق
وبلا همسات شوق
فقط سأكمل في رحلتي
بذكراك أنت

يارب تكوني بخير

كراكيب said...

سأكمل رحلتي
بلا استراحات عشق
وبلا همسات شوق
فقط سأكمل في رحلتي
بذكراك أنت

حلوة اوي كلماتك يا سارة
فظيعه بجد
والكام بيت دول حلوين اوي جدا خالص

مبسوطة من زيارتي للبلوج بتاعك

miro

قهوة بالفانيليا - شيماء علي said...

هذا القرار ..
لربما يرش أحدهم الطريق بالورد ..
و ينثر قطرات الندى على جبينك ..
و يجدك اصبحاً أجمل ..!
ربما ترجعين عن القرار ..
حينها سيتغير الطريق..
سعدت بكِ
:)

م محمد الدستاوي said...

موضوع يبكي
ويقلب المواجع بس جميل

وكان عندي بس ملاحظه

فهذا قلب قد أهواك بصدق

أعتقد (قد هواك ) مش أهواك

محمد فكري said...

كلمات جميلة :)
في انتظار القادم ان شاء الله..
شكراً

aliaawwe said...

i am new in blogging world
this my blog
http://aliaawwe.blogspot.com
waiting for your comments
thanks

3ala asm masr said...

حلوه اوى اوى
واحساسها حلو اوى
تسلم الايد اللى كتبت

mostafa rayan said...

تحياتي لقصيدتك الجميلة

Anonymous said...

اشتقتك حبيبتي
اشتقت متعتي هنا مع حروفك الرقراقة
ابداع تلو آخر
هذه أنت حبيبتي
*****
لكن تمهل
دعنى الملم أشيائي الصغيرة لديك
فهذا قلب قد أهواك بصدق
وتلك نبضاته عشقت حتى الموت
وهذا كل حناني وهبته لك
كنت سأنسى
عيناى تلكوالتى روتك بحب
ولم تعد ترى غيرك انت
وفرحتي التي كانت
بحثت عنها وبحثت
لكنها قد تلاشتقد توارت
حين علمت برحيلى عنك
وبقايا أحلام في الركن مختبئة
وجُل أمان لن يكن سوى في حضنك أنت
وبعض أشواق لم تزل حارقة
وهمسات عشق لم تزل نابضة
يترجونِ بصمت
أن أبقيهم هنا
******
صديقتي
اقدر عمق احساس قلمك
إلا أني أود أن أخبرك أن الذكرى ستليها أخرى
ربما أحلى
ربما لا
ولكن ستأتي
فلا شئ يدوم ما دمنا أحياء
اطوي الصفحات القديمة واقرئي أخرى تالية ..
واستمتعي وانخرطي
واحيي
وستمحو ذكرى سابقتها
...

وحشتيني
...
تحياتي وانحنائي
لإبداعك العميق

نورسين

أحمد المصري said...

أحيانا يكون التوقف عن الرحلة أكثر رحمة من الإستمرار بذكرى..لكن البعض يحب ان يتآلف مع قسوة الحياة0

بسنت said...

جميل اوى الاحساس هنا
مهما كان الرحيل
دايما بتبقى فى ذكريات سواء حزينه او سعيدهاسمها ذكريات
يعنى ماضى
وفى الرحيل لابد ان ننظر فقط للمستقبل
تقبلى تحياتى

رحــــيـل said...

s@g!

اهلا اهلا اهلااااااااااااااااااااااااااااااااا
شكرا جدا على تصحيح الكلمات
طبعا تعليق اكثر من رائع
مش عارفه اقولك ايه بس بجد انت اكتر حد بيقرأ كلامى بنفس احساسى

مبروووك النجاح ويارب دايما لقدام
تحياتى وتقديرى
**********************************
Dr.gesho

اهلا يادكتور احمد
جايبه المشاعر دى من المحل اللى على اول الشارع بجيب كل يوم بجنيه
ههههههههههههههههه
وبعدين يابنى الرجاله مش بيفرق معاها اصلا فيلم المشاعر ده
بلا نيله
شكرا جدا جدا ليك منورنى دايما
**********************************
مواطن زهقان

عودا حميدا يااحمد
ربنا يطمنك على النتيجه يارب
شكرا جدا ليك
**********************************
زوزو

وجودك وحده يكفى
ربنا يروق بالك ياقمر ياااااااااااااااارب
منوره البلوج والجروب وبلقاس والدقهليه
وربنا يخليكى للشعب المصرى كله
**********************************
مهيار

اهلا بيك مرورك الاول
وشكرا جدا على تعليقك ومتابعتك

تحياتى لك وتقديرى

رحــــيـل said...

يوما
حبيبة قلبى

اسفه لو كانت كلماتى وجعتك
بجد حقك عليه

بحبك جدا
*****************************
مدحت محمد

اه رحيل تانى وتالت
احنا ورانا غيره ههههههههههههههههههههه
اه فعلا كلمات ساجى رائعه
شكرا جدا جدا على وجودك الدائم

تحياتى وتقديرى واحترامى لك
**********************************
Blue-wave

اهلا بيك
تلاشى الذكريات رويدا رويدا كما تغرب الشمس بعد اشراقا ساطع فى بدايه اليوم

شكرا على مرورك وتعليقك
تحياتى
******************************
عفرااااء

وعليكم السلام
بقى كده عشره 7 سنين تقولى عليها فضايح
يانهار ياوقعتك الهباب بس اما اشوفك
وبعدين ايه مش هتفرق دى ياباى على الرخامه ايه ده
عثل عثل ياخواتى اسمحيلى اقولك تك ضربه

لا منستش كلامى تصدقى هو انا باين اللى غاويه وجع قلب هاااا دنيا
ابقى علقى باسمك يابت بدل ماجيلك
**********************************
Shady

اهلا بيك مرورك الاول
شكرا ك تعليقك وملاحظاتك

تحياتى لك

رحــــيـل said...

حاول تفتكرنى

شكرا جدا مرورك وتعليقك
دومت بكل خير

تحياتى وتقديرى
***********************************
Ghoneem

وعليكم السلام
اهلا اهلا يادكتور

بجد بجد شكرا جدا على تشجيعك الدائم
بترفع من معنوياتى كتير
ربنا يخليك

وبالنسبة لتعليق مصطفى هو فعلا عامل بوست لوحده
ههههههههههههههههههههه
محلل البوست بشكل رائع فعلا
شكرا جزيلا
تحياتى وتقديرى
***********************************
Ahmed

ازيك يااحمد ايه اخبارك يارب تكون بخير
اولا شكرا جدا ليك
ثانيا تعرف انى سالت مره نفس سوالك ده قبل كده فى تعليق ليه
مش عارفه اقولك ايه بجد ومش عارفه موجود ولا لاء حب بالشكل ده مع انى انا اللى كاتباه
بس كل اللى اقدر اقوله
انى الدنيا مش بتقف على حد وبتستمر رغما عنا وعن الجميع فهذه اقدرانا

تمنياتى لك بكل الخير
**********************************
Nahla.a

اهلا اهلا بيكى
شكرا جدا مرورك وتعليقك
تحياتى لكى
**********************************
Dr.m

وعليكم السلام
اه برده عن الرحيل

شكرا ليك
تحياتى
***********************************
صديقتى الجميلة ليندا

عذرا لكى حبيبتى
وبجد بجد شكرا على وجودك

تحياتى وحبى

رحــــيـل said...

عاشقه الحب

اسفه جدا على خطأ الترتيب فى الرد
واهلا بيكى
شكرا جدا جدا على كلماتك ومرورك

تحياتى لكى
*********************************
Funckydoctor

اهلا بيك يادكتور ربنا معاك فى الامتحانات
مرسى جدا على متابعتك

تحياتى وتقديرى
*****************************
منى

شكرا جدا يامنى
بس خلى بالك انا كده هتغر ومحدش يعرف يكلمنى بعد كده هههههههههههههههههه
منورانى دايما
والتحليل وصلنى ياافندم
تحياتى لكى وحبى
********************************
مكسرات سيد سعد

اهلا اهلا صاحب احلى مكسرات
شكرا جدا مرورك وتعليقك

تحياتى لك
*****************************
حمامة

حقا جميعنا عابرى سيبل
الا ان تجمعنا اقدرانا بأوطان لننا

تحياتى وتقديرى

رحــــيـل said...

هـــــــــــايدى

اوقات لا توجد حلول بديله
وحده الرحيل رغم كل الحب
لكنى اتوقف اوقات لاقول لو كان حبا صادقا ماتبعه رحيل

ادام الله عليك حبك
شكرا لك مرورك
********************************
Princess

اهلا بيكى
شكرا جدا لكى
********************************
زمردة المتمردة

ياهلاااااااااااااااااااااااااااااااااا
دائما تعليقك متميز
يحمل بين حروفه الكثير والكثير

بجد شكرا كتيييييير قوى
********************************
كراكيب

اهلا ياميرو
شرفينى بجد ويارب متكونش الزياره الاخيره
شكرا ليكى كلامك

هستنى تنورينى تانى
تحياتى لكى
********************************
قهوة بالفانيليا

وقد يصر كلا منهما على طريقه
ويصير ماكان ذكرى مؤلمه تتلاشى مع الايام

سعدت انا اكثر بوجودك
تحياتى وتقديرى لكى
********************************
محمد الدستاوى

اهلا بيك
تحب اجيبلك مناديل؟
ههههههههههه
شكرا على الملاحظه انا على فكره كنت كاتبها كده وعدلتها كذا مره بس هرجعها ان شاء الله

شكرا لمرورك

رحــــيـل said...

محمد فكرى

اهلا بيك
شكرا جدا مرورك

تحياتى لك
*********************************
Aliaawwe

اهلا بيكى فى عالم التدوين
شكرا لك مرورك
**********************************
3ala asm masr

اهلا ياهنوده ازيك يااارب تكونى بخير
مرسى جدا ليكى تسلمى ياقمر
***********************************
مصطفى ريان

اهلا بيك
وشكرا جدا جدا

تحياتى لك
*********************************
نورسين

صديقتى الجميلة
منذ ان وقعت عيناى على اول احرف فى التعليق
عرفت انها انتى حبيبتى

بل انا حقا من اشتاقت بشده لهمس كلماتك ولبريق احرفك
كم اتمنى ان تعودى يوما

اعلم حقا انه لاشئ يدوم مادمنا احياء
اعذرى لى كلماتى
ولكنها مجرد لحظات ستمر حتما

اغفرى لكى تقصيرى معكى
خلاص مودتى وحبى
******************************
احمد المصرى

عودا حميداا
حقا التوقف يكون اكثر رحمة
فالذكرى ستتلاشى يوما

تحياتى لك
********************************
بسنت

اهلا بيكى
شكرا على تعليقك ومرورك
شرفتينى بجد

تحياتى لكى

و القادم....أجمل said...

يا الله على الجمال

عارفه بقرأ الخاطرة
و بسمع موسيقى الحلم الضايع

انتي بجد هايلة

و كلامك احساسه عالي اووووووي


مفيش كلام تاني يتقال

دايما مبدعة

:)

Sara said...

جميلة جداااااااااااااااا جداااااااااااا جداااااااااااا بجد من اروع ماقريت
بجد برفعلك القبعة احساس هايل