Friday, July 18, 2008

صمت وعزلة


أسير في الطرقات في استهتار تام اعبر طريقي بلامبالاة متناهية
أسير بين السيارات كأنني لا أراها
شعور بالا شعور
و بعيناى ارسم فى ذهني صورة لكل ما أراه يهمني أول لا يهمني
فقط أتأمل كل شئ كي اصل إلى لا شئ
فقط هي نظرات بتمعن من اجل الهروب من تفكير يقودنى لجنون أكيد
سيارات محلات أناس واقفون سائرون أو ينتظرون
كل منهم وحده حكاية مستقلة يتشعب منها عدة حكايا أخرى
يتكون من خلالها قصة هذا العالم التي لا يعلم متى ستنتهي إلا الله
ولكن هل منهم مثلي من يمشى متأملا هكذا في الوجوه دون سبب يذكر
شئ غريب كلهم لهم نفس الملامح حزن دفين وألم السنين
وذكريات لم يعد لديهم وقت ليتذكروها
حتى شعورهم باللامبالاة هم أيضا لم يعودوا يبالون
سوى بأنفسهم مأكلهم مشربهم حياتهم الخاصة
حريصون كل الحرص على عملهم وان كانوا لا يحبوه
ولدى كل منهم شئ في حياته يتشبث فى الحياة من اجله
ليس حبا فيه بقدر ما هو واجب أو تعود آو لأنها سنة الحياة
عنى فقدت كل إحساس بأهمية اى شئ
هذا الشعور الذى يدفعك للخروج من منزلك صباحا لتعمل
أو ترى أصدقائك أو تجدد في حياتك
لم يعد لدى شئ مهم اصابتنى بلادة فى مشاعرى وعواطفى
أصبحت لا احزن لا افرح ولا حتى اشتاق لأحد
فقط صمت و ذهول وانتظار لمجهول لن يأتي
فقدت قدرتي على البوح من خلال تحريك شفتاي
كم صارت الكلمات حقا ثقيلة
عزلة أدخلت نفسي فيها بعيدا عن أصدقاء و أقارب
لا أريد أن أرى احد أو أتحدث او يسألني احدهم
هذا السؤال السخيف
جدا مالك؟
ويليه حوار أسخف انتى متغيره مش انتى ضحكتك ابتسامتك فين؟
نشاطك حيويتك انطلاقك؟
هتفضلى كده كتير؟ طيب والحل انتى مبسوطة كده؟
معقول كل الناس غلط وانتى اللي صح؟

ولا اجد إجابات لهذا الحوار السخيف جدا الذي صرت اسمعه يوميا
سوى ان اقلب الموضوع تهريج أسخف يزيد سخافة الموضوع
فيشعر الطرف الأخر بسخافة الموقف وينتهى كالعادة
بغضب الطرف الأخر ويأسه من الكلام معي
وضيقه من برودي فى الرد عليه
اضحك وأقول
مش دايما كانت كل الناس بتقولي أتهدى
انتى مش بتتعبى سفر وخروج وشغل وأصحابك مش هتبطلى تنطيط
ادينى اتهديت

فعلا اشعر جيدا بهذا المعنى بداخلى فعلا اتهديت قوى من جوايا
لم يعد بداخلى هذا الذى كان
تنتابنى حالة كسل وخمول وارهاق مستمر لم اعرفها من قبل
ليس كسل خارجي بقدر ماهو كسل فى كيانى الداخلى
تعبت حقا دوما كنت اتمنى لحظة هدوء فى حياتى
لم تأتى ابدا وان ظننتها اتت اذ بى اجدها سرابا ووهما
فهربت الى نفسى ابحث عن هدوئى وحدى علنى اجدنى
علنى ذات يوما اجد لدى تلك الطاقة التى كانت يتحدث بها الجميع
والذى كان البعض ينتقدها ويستنكرها
لم يطالبون بها الان؟
فقدتها وفقدت معها الكثير من احلامى
فقدت قدرتي عليها وأنا التي كم عشقتها
وعشقت هروبي إليها فطالما كانت احلامى جنتي
احلامى الماضية أخذت طريقها للزوال
وأحلام حاضري باتت مستحيلة في ظل الأوضاع الراهنة
أحلام مستقبلي لم يعد لها ملامح
فقدت ريشتي التى كنت ارسم بها احلامى الجميلة
حكاياتي التى كنت أعيش فيها ضاعت منها تفاصيلها
فقدت أملى ان تتحقق يوما
فقط أريد صمتا لا ينتهي
ليس حزنا و لا إحباطا و لا اكتئابا
هو فقط فقدان لكل المشاعر حلوها ومرها
لاشئ حقا لاشئ سوى فراغ بداخلى وسراب
طالما حاولت الهروب منه لكننى لم اعد اجيد فن الهروب
***************************************
تعليق ساجى اخى الصغير
والذى يأتى دوما اروع مايكون بجد شكرا جدا جدا ليك يامصطفى
الفراغ الجاف يتسكع بداخل الروح ..يـُكبل قدرتها على النهوض والنجاح .. يقضي على محاولاتها الضعيفه وليده الآن قبل أن يكتمل نموها .. لابد من قتل الفراغ بالعمل والهدف .. حلم الغد الباسم ..الأمل في حياه أفضل .. أين ضاعت الأحلام؟؟ أظنها توارت خلف حجاب سميك من دعوى الا فائده .. سحقا وبوارا ً لها من دعوه !! بل - على النقيض- لابد من قيمه مضافه للحياه من خلالك .. تـُأثر وتتأثر .. حياه ساكنه بلا تفاعل مع الناس تـُعـد موت .. تحلل لكل نبض ونفس أثناء التخلق ... الصداقه معنى نبيل . قل من يحظى بصديق يحتضنه ويخفف عنه .. نلهو نلعب ونقضي أوقات .. أوليس هذا بهدف !! ترويح عن النفس .. نتعاون على البر سويا .. كلها منفعه .. المرء إن تـُرك وحيدا ً أصبح شيطانا ً يفتقد لواعز يعيده إلي الطريق إن ضل وتاه ... عودي يا حياه إلي النفوس
-------------
***********************
ملحـوظــــة
بقالها مدة بتزن عليا عايزانى اعملها مدونة
وانا مكبره منها هو باين كسل منى
المهم هى زهقت واشتكتنى ليوما هههههه فهيام عملتلها مدونة
اه نسيت اقولكم انى بحكى على اختى الصغيرة
جــوجـــو

31 comments:

zOzO said...

هيييييييييييييييييه
لحقت اول تعليق
الحمد لله اول مره
هيييييييييييييييييه
هعمل فرح
هروح اقرا برحتي واجي تاني

zOzO said...

ورخامه بقي اخد كمان
واحد
هو بفلوس يعني
برحتي بقي
واحنا كمان بلديات
ههههههههههههههههههههه
اصل مفيش مره الحقه
هههههههههههههههههههه

zOzO said...

شئ غريب كلهم لهم نفس الملامح حزن دفين وألم السنين
وذكريات لم يعد لديهم وقت ليتذكروها

وبلاده كمان ف المشاعر
كنت متاكد من ده وربنا
ان البوست الجاي هيبقي كدا
يارب يكون شعور كده ويروح لحاله
يارب


الف مبروك لاختك
ويارب تبقي مش زي الكابه بتاعتك دي
يااااااااااارب
ههههههههههههههههههههه

عـــفـــراء said...

السلام عليكم
تاملت كثيرا وماذلت اتامل وابحث بعينى فى كل عين تمر
فلم ارى معالم وجهى بينهم بل زرعت الامبالاة بداخلى بنظراتهم الخافتة
فاصبحت بينهم وفقدت كل شعور يدفعنى اليهم واصبح الصمت بداخلى يهوى بل وحياتى الدافنة
وجدت فرق كبير كالعادة بيننا هو رفضك لكلمة على الرغم من انها من الممكن ان تصل بيكى الى مايريح قلبك لو انكى تردين ولكن داخلك رافض لما تعنية لتلك الكلمة
من الممكن ان تكون عطف او شفقة او تجميل من غيرك ولكن يكفى انه فعل بيها لتخفيف مابداخلك
ماذا بكى وانك تتمنيها فى ظل الصمت المحيط بكى وكانها طوق نجاة مهما كان مسمها
صديقتى على الرغم من كثرة جدالنا ولكننا لم نقصد سوى راحتك وليس انهداد داخلى كما تسمى
فكل ما كنا نعية هوة اقترابك منا
ومحاولة لعدم فقد رشيتك التى مازلتى تبحثى عنها وهي بيدك اليمنى
رفيقتى :-
انها موجات من امواج البحر تفوت
تلحق بنا ونمر امامها وتفوز
فبيدك مجداف ادفعى وبقوة
وليهدا الموج وتعود النسمة
ولتعلو ريشتك لترسمى
موجك الذى دفعك الى هنا
فصار بداخلى وبداخلك
"رحيل"
فلعل يهدا موجنا ويعود بنا من جديد
كل التحية...

كاميليا said...

رغم كل ما تقولين

رغم كل هذا

لست قلقة عليك

لأننى أثق تماما

آن سارة تعرف جيدا ما تريد

وكيف تصل إليه

كل ما تحتاجه هو فرصة

نقطة بداية

وستجدها لأنها لا تكف عن البحث عنها

أثق فى قدراتك .. افكارك .. امنياتك

ويوما ما .. ستشرق الشمس


تحياتى وحبى

رحــــيـل said...

زوزو

هههههههههه عسل والله يابت بموت فى شقاوتك دى
انا بعد كده هعمل اوت كومنت بهدايا ليكى
بس مش بنبونى هههههه
التلاته يازوزو افترااااا
اى خدمه انا بس محبتش اخيب توقعاتك فقولت اجبر بخاطرك
ههههه
على اساس يعنى ان انا بكتب تفاؤل على طووول وانى مش بكتب كئيب ابدا خالص غيرعشان مكسفكش
هههههههههههههههه
*********************************
عفرااء

اهلا روشا وعليكم السلام
اولا عارفه بجد انك حاسه كلامى طبعا يعنى عشره سنين
بس انا مبقاش عندى استعداد اسمع كلام حاسه انه مش بقاله فايده معايا مش بيجيب نتيجه اى كان مسمى الكلمه
جدالنا مش سبب انى اتهديت
لاء دى قسوة الدنيا والمواقف والتجارب والناس والاحلام اللى مش بتتحقق
الصمت اريح انا قولت وسمعت كل الكلام اللى ممكن يتقال

حقا انها موجات
ولكنى لم امل رحيلى ولا امل انتظاره
شكرا لكى على كل شئ
تحياتى وحبى
***********************************
كامى صديقتى الجميلة

شكرا جدا جدا
بجد لكل كلامك
وتشجيعك
فعلا كل مااحتاجه نقطه بداية
اتمناها تأتى سريعا
حتى لايطول الانتظار

شكرا على توجدك الدائم
تحياتى وحبى وتمنياتى لكى بكل الخير

rovy said...

السلام عليكم و رحمة الله
اختى رحيل
اللى انتى بتمرى بيه ده شىء عادى صدقينى مفيش حاجه بتستمر لازم يجى علينا فترات زى اللى بتوصفيها المهم انك تكونى عارفه انها فتره ان شاء الله مش حتدوم و كمان ياريت تصلى و تدعى الرحمن سبحان اللى بيبدل حال من حال
انا فى حاله نفسيه صعبه شويه ما كنتش عاوزه اعلق وانا في حالتى دى خصوصا على البوست ده لكن برضه حسيت انى لازم اكلمك واقولك ان شاء الله احساسك بكره حيختلف بس انتى اوعى تستسلمى لاحساسك ده لازم تقاوميه و ان شاء الله بكره تكتبى لنا بوست كله امل و تفاؤل ..
ربنا يكرمك و يرزقك السعاده و راحة البال ..
دمتى حبيبتى فى رعاية الله الرحمن الرحيم
تقديرى و تحياتى

نهر الحب said...

مشاعر حزينة
تحاول الخروج والمواجهه والوقوف لكن الجرح دفين
ربنا يوفقك يارب

نور said...

ساره
ازيك عامله ايه يا رب تكونى بخير
بصى اللى بتمرى بيه دا اكيد فتره وهتعدى و انا حاسه بيكى لأنى جربت الأحاسيس دى قبل كده
مش هقولك حاولى تخرجى من الحاله دى و لا حاولى تعملى كذا وكذا
بس تقبل الفتره دى زى ما هيا و هتعدى زى ما جت بس اكيد زى ما كامى قالت الشمس هتطلع
حبى ليكى ويارب تبقى بخير دايما ومبرووك لجوجو

ادم المصرى said...

يااااااااااه ايه الشعور الدقيق الغريب الوصف والمعالم واسر الحزن الرهيب وحاله التوهان دى ليه كدا بقه انا بقالى كتير ملفت عندك اجى القى كدا وتوهينى معاكى فى بوستك ده من كتر اعجابى بيه قرأتو مره ونص اه والله بجد مره ونص عجبنى جدا الى الامام دائما

صوت من مصر said...

لماذا الصمت والعزله

dr.gesho said...

اعتقد ان ده اكثر بوستاتك اكتابا
المره دى كمان مضاف اليه بعض من الياس و الزهق والقرف
يااااااااااه بقى مالك سؤال سخيف للدرجه دى طيب مش كنتى تقولى علشان مارخمش عليكى خلاص وانا مالى مش هاسالهولك تانى
--غلطتين على الماشى--
لما يطالبون بها الان؟
لم مش لما
حتى شعورهم باللامبالاة هم أيضا لم يعدوا يبالون
لم يعودوا
هو فقد فقدان لكل المشاعر حلوها ومرها

فقط مش فقد

مش كنا اتفقنا انك هتبعتيها الاول اصححهالك
يا رب تحدث المعجزه و تخرجى من الحاله المزمنه دى
تحياتى

rainbow said...

صديقتى الرقيقة سارة

رغم كل ما لف نصك من حزن وتشوش .. الا اننى وجدت داخله على عكس ما كتبتى تماما !! طاقة غير عادية

نعم لا تتعجبى لمست طاقة هائلة على وشك الانفجار .. الا تعرفين وتشعرين بهذا ؟ انتِ فقط غير مدركة للامر لانكِ داخله
نظرة من الخارج وستجدين كم انتِ مشرقة ولو ككلمات تغلفها كآبة ولكنها تضمر انسانية وفكر ورغبة غير محدودة للانطلاق الكامل

اثق تماما كونك ستكونين بكل خير
فسارة التى حدثتها مرات قليلة حفرت داخلى صورة لروح مفعمة بحيوية نادرة تنتظر المخرج المناسب للتوثب والانطلاق

احبك صديقتى
واتمنى لكِ كل سعادة ممكنة

هدى

Sherif said...

لاشئ يهم

هى كلمة احسان عبد القدوس .. معنى ذلك أن كلنا يمر بفترات طويلة باهتة .. كأن الدنيا نسيت تلوينها .. لكننا نعيشها لأنها كتبت علينا

اعتبريها فترة استرخاء عقلى ونفسى .. وفرصة للتأمل .. اقول لك .. مرت بى تلك عندما هاجرنا فى الأوائل .. لاشغلة ولامشغلة وفى ايدك عيال وعايش على الاعانة بعد عز ودلع

كنت اقول لنفسى وقتها .. فرصة لالتقاط الانفاس .. قبل أن يفاجئك الطوفان الذى لاتقيم معه رأسك .. استمرت هذه الفترة 9 شهور كاملة .. ثم جاء الطوفان الذى يملأ حياتك كما سيحدث معك بإذن الله فتجدى الحال انقلب فجأة كأن مسرحا أضاء .. وبدأ فصل آخر

هونى على نفسك .. دوام الحال من المحال

مدحت محمد said...

اعتقد يارحيل هى مرحلة وقتية بتمرى بيها لسبب او لاخر وهترجعى زى الاول واحسن ان شاء الله لان الطبع بيغلب التطبع

تحياتى وتقديرى

linda said...

رحيل حاسة انك طولتي بالمرحلة دي؟

ومش بتحكيلي؟

:(


يارب تكوني بخير

منى said...

احساس انى ماشيه فى الشارع ومش هامننى العربيات او بمعنى اصح مش حاسه بيها اساسا واحيانا القطر كمان ربنا يستر بقى
كتير اوى بحسه
انك عايزه تقعدى ساكته لا تتكلمى ولا حد يكلمك كنت اليومين اللى فاتوا دول فى المود ده بالضبط
يبدو كما تقول الاخت نجوى دائما بيبقى فيه رش فى الجو
بس النهارده زارتنى ش صديقتى اللى كتبت عنها قريب فاتغير المود خالص 180 درجه وجيت هنا لاجدك تحاولين دون قصد اخذى لتلك المنطقه مره اخرى
بس ههرب يا ساره

رحــــيـل said...

Rove

وعليكم السلام ورحمه الله وبركاته
اهلا روفى
شكرا جدا جدا على تعليقك
ربنا يخليك ياربى
ويروق بالك

تحياتى وحبى
***********************************
نهر الحب

اهلا بيكى
فعلا هى محاولات بس اوقات بتصيب واقات بتخيب

شكرا لكى
تحياتى
***********************************
نور

منوره يانووووور
انا الحمد لله تعرفى هى فعلا احسن حل انى اعيش الفتره دى
واحاول اعيش لحظات هدوء وبعد كده اعمل ريفريش واخرج تانى

شكرا لمرورك وابقى خلينى اشوفك
***********************************
ادم المصرى

اهلااا ادم
هههههه
انا عايزخ اعرف بس اشمعنى مره ونص؟
ههههههههههههههه
شكلك تعبت اصلا ونفسك اتقطع عما خلصت المره الاولى
شكرا لمرورك وتعليقك
***********************************
صوت من مصر

محمد ازيك؟
زهق يابنى والله
هعمل ايه بس

شكرا ليك

رحــــيـل said...

Dr.gesho

اهلا اهلا يادكتور
ههههههههههههههه عشان محرمش حد من الكابه مش كنت منتظر بوست كئيب؟
اى خدمه

اه سؤال سخيف جدا اصل المشكله انى مبقاش عندى اجابه ليه
اان كل الكلام قولته ومبقاش يريح اصلا ولا الكلام بيحل ولا بيربط
دول 3 غلطات مش غلطتين
كلمه فقط تالت مره اغلط فيها وكاتبها فقد
يالا بقى ملحقتش ابعته عشان تصححه اصل انا لما تطلب معايا انزل بوست لازم وحتما ولابد ينزل فى ساعتها

شكرا ليك
***********************************
Rainbow

هدى وحشاااانى
يارب تكونى بخير
لم اتعجب فأنا تعودت منك دائما رؤيه مختلفه لما اكتب
منظور اخر غير الذى تراه اى عين

شكرا لكى كثيرا مرورك الذى اسعدنى والذى افتقده حقا

خالص حبى ومودتى لكى
***********************************
sherif

شكرا لتواجدك وحضورك وكلماتك
حقا هى فترة استرخاء علها لا تطول عن ذلك
وانا لازلت فى انتظار الطوفان الذى سيملأ حياتى

خالص تحياتى وتقديرى واحترامى لك
***********************************
مدحت محمد

ياااااااارب تبقى مرحلة وتعدى
شكرا لك كثيرا

تحياتى وتقديرى
***********************************
ليندا
صديقتى الجميله

هى فعلا شويه طولت
بس سامحينى انا فعلا تعبت من الكلام ومش بحكى اصلا
ولا بتكلم
ملتزمه الصمت
عامه الكلام بقى بيوجع اكتر مابيريح

فتهر وهتعدى
شكرا ليكى ياقمر
***********************************
منى

هههههههههههههههههههههه
اهربى بجد بسرعه قبل ماتلاقى نفسك بتتشدى غصب عنك
ويابنتى نصيحه بجد
وانتى مزاجك عالى وحاسه انك تمام متدخليش مدونتى انا خايفه عليكى بجد
ههههههههههههههههه
منوره يامنى بفرح والله لما بلاقى تعليقك

حمامة said...

مررت بهذا من قبل
بكل ما فيه
التجول العابث
التأمل الواهن
اللامبالاة
نفس السؤال
ودائماً تأتى نفس الإجابات
ونفس ردود الأفعال عليها
صمت وعدم رغبة فى الحديث
حتى لأقرب الأصدقاء

إذاً فما الحل ؟؟؟


فقط تحتاجين لبداية جديدة
ابحثى عنها فيمن حولك

:)

Shereen said...

سعيدة بمرورى هنا
واتمنى قبول زيارتى وتكرارها عندى
ماشاء الله تتمتعين بأسلوب شيق وكلمات محترمة
تحياتى

فارس بلا جواد said...

رحيل
بوست حلو جدا
وواقعى شويه

تحياتى

Dr.m said...

السلام عليكم
كلمات معبره ..والدليل إني اكتئبت وأنا بقرأها ..م
ليه الكآبه دي

آه الحياه فيها كتير يحزن بس لازم نطلع احنا الفرحه منها بنفسنا
لازم نتعلم ازاي نفرح ..ازاي ننسى الألم..ازاي نعيش الحياه بدون تعاسه أو ملل

تحياتي
سلام

مهيار said...

رحيل

بوحك مخضب بالالم و مكسو بالحزن و مع ذلك يبقى شهيا فلا خيار للانسان الا ان يظل مسافرا راحلا يبن الابتسامة و الدمعة.....
رحيل عندما تقولين " ليس حزنا و لا إحباطا و لا اكتئابا
هو فقط فقدان لكل المشاعر حلوها ومرها
لاشئ حقا لاشئ سوى فراغ بداخلى وسراب
طالما حاولت الهروب منه لكننى لم اعد اجيد فن الهروب
" فإنك تفسرين الحالة و ليس ذلك مطلوبا من كاتب الخاطرة دعينا نحن نأول الكلام وفق ما نراه و كذلك نعيش معك بعضا مما تعيشين
رحيل ..... كل الود و كل الورد لك

أحسن تـستاهـل said...

الحال من بعضه

وش بيتنهد وماشي زهقان وبيحدف طوب برجله

مها ميهوووو

زُمُرده said...

سارتي النابضه بما في قلبي

ازيك

مش هقولك اني بنفذ اللي بتقوليه بحذافيره
بس للاسف ده واقعي

ولاول مره معنديش تعليق غير انه مسلسل فقد بريقه من كتر ما عشت لحظاته

عارفه زي ما يكون جواك زرع وخضره وحياه
وفجأه كل شيء بيتصحر ويدبل بلا سبب
ولا في حد يروي ولا في ميه اصلا

مش هكأبك انا كنت جايه اطمن عليكي

تصدقي بتوحشيني اوي معرفش ليه

سلام يا عسولتي

ghoneem said...

اهلاً بيكي

بقالي مدة مش بعلق عندك تقصير مني بس هوة الحر والله والشغل وكدة أرجو المعذرة
هوة اللي فهمته ان انت مش عندك استعداد تسمعي كلام أو ردود أنا متأكد انك تفهميها وتعرفيها أكثر مننا .......
كلامك واقعي وموجع ومش لاقي رد عليه

بس كلمة واحد قبل ما أخلع
الدنيا خصم قوي لا يهزم
وعندما يعتبرك خصم ويشغل باله بيكي
حينها ..يجب أن نهدئ هذا التوتر في
العلاقة ولو لفترة
صالحي الدنيا وماتشغليش بالك بحد
ولا سبت

وسلام

تحياتي

بالتوفيق.................

مدحت محمد said...

ليكى تاج عندى

على فكرة الصورةالاولانية كنت بحبها اكتر

حرام تغيريها بجد

Anonymous said...

أعتقد أن هذا ما يسموه النضج فكرتيني بوالدتي كانت دائما تعيب علىّ أن أصدقائي زي الرز على حد تعبيرها وزملائي في الرحلات كانوا يقولون اتهدي

اتهديت ومعتقدش إن ممكن نرجع تاني بس انتي اتهديتي بدري قوي

التدوينة دي لمست عمق القلب والعقل عندي بس خلي بالك بجد وانتي بتعدي الشارع ويمكن تخرجي منها لما ربنا يرزقك حب جديد

قلبت المواجع ربنا يسامحك
كلام أخوك ولو إنه قد يكون صحيح ولكنه صعب التطبيق فوق ما يتصور
إل جي

رحــــيـل said...

حمامة

شكرا جدا لمرورك
انها حقا بداية جديده كل ماحتاجه

تحياتى لك
********************************
شرين

اهلا بيكى
انا اسعد
شكرا جدا جدا لتعليقك
********************************فارس بلا جواد

اه فعلا واقعى جدا
شكرا على متابعتك ومرورك

تحياتى لك
******************************
Dr.m

اهلا بيك
اسفه جدا انى اكئبتك
وشكرا لكلامك كتير

نورت المدونه
*********************************
مهيار

شكرا على وجودك
قد يكون هذا التفسير لى وليس لكم
فأنا هنا اتحدث لنفسى اكثر
شكرا على محاولاتك معى

تحياتى وتقديرى
*****************************
احسن تستاهل

معلش يامها
يارب تكون حاله وتعدى
هتعدى ان شاء الله

شكرا على وجودك

رحــــيـل said...

زمردة

انتى كمان وحشانى وبفرح قوى لما الاقى هنا
اممممم هو احنا هنفضل نقضيها زيارات بلوجات وبس
ومش هنزور ميلات بعض ولا ايه؟
هههههههه

هو فعلا مسلسل فقد بريقه

شكرا جدا على سؤالك وتعليقك ربنا يخليكى
تحياتى وحبى
*********************************
غنيم

اهلا اهلا يادكتور
لا عادى ولا يهمك اانا عارفه ان الدنيا حر
بس ممكن تبقى تيجى اخر النهار فى التراوة ههههه

شكرا جدا لكلامك وللنصيحة

منورنى دايما ومش تبقى تغيب انا هعمل غرامات بعد كده

تحياتى وتقديرى
***********************************
مدحت محمد

شكرا على التاج يامدحت
معلش انا جاوبته قبل ماارد على التعليق واجى اشكرك
بس الكهربا كانت بتقطع كل عشر دقايق طول اليوم
ولو مكنتش الكهربا يبقى النت

وادينى رجعت الصوره الاولى بناء على طلب الجماهير انا كمان مكنتش مرتاحه كده كنت حاسه حاجه ناقصه

شكرا جدا جدا
***********************************
ال جى

النضج ؟ ايه ده اخير كبرت وهبطل شغل العيال و التهور اللى اان فيه؟
هههههههههههههه اه اتهديت بدرى بس برجع تانى اان الموضوع بياخد فترات معايا بس بيسيب دايما اثر فى النفس حتى لما يخلص

دايما انا وحشه كده وبقلب عليكى المواجع معلش يالولو سامحينى
هى بتكون شحنه ولازم تخرج

نورتينى