Thursday, July 24, 2008

لحظــات النهايـة


عندما يتصيد كلا منكما الأخطاء للثاني فأعلما أنكما وصلتما للنهاية
عندما تتبادلان الاتهامات من جرح ؟ ومن خان ؟
ومن كان باق على عهده فاعلما أنكما في مفترق الطرق

عندما تكون الجراح هي فقط ما بقيت بينكما في كل اللحظات
فاعلما أنكما على مشارف طريقين مختلفين

عندما يتمسك كل منكما بموقفه صح كان أو خطأ
فأعلما أنكما لم تعدا قلب واحد
عندما يفقد الحب رونقه بينكما فأعلما أنكما لم تعدا محبين
عندما تشتاقان فلا يبادر أحدكما بالسؤال عن الأخر
فأعلما أنكما فقدتما بينكما الحنين
عندما يهم أحدكما بغلق تلك الصفح التي كانت
فأعلما أنه لا مجال للعودة من جديد
عندما يصبح الألم كل ما تبقى من قصة عشق بينكما
فأعلما أنكما لم تعدا عاشقين
عندما تقسو القلوب ويضغط كلا منكما على جراحه بقوة

فأعلما أنكما أبدا لن تعودا كما كنتم
عندما تختلفان فتتحجر الدمعات في الأعين ولا تنهمر عند الفراق
فأعلما أن إحساس بينكما قد انهزم
عندما تنكسر بداخلكم فرحة اللقاء فأعلما انه قد حان وقت الفراق
عندما يحدث كل ذلك اعلما انه كان هناك خطأ ما منذ البدايات
فلو كان حبا حقا لم يكن ليجرح أو يؤلم ويصير ذكرى مع الأيام
ولو كان حبا حقا لما كان البعد اختياركما
وما انتهت قصتكما بإرادتكما
ولكنها حقا أقــدار

47 comments:

zOzO said...

هيييييييييييييه

اول تعليق انا

حضري الفلوس اللي قولتي عليها بقي

منتظره تبعتيها علي الميل بقي

هههههههههههههههه

حجزت اول كومنت

هروح اقرا واجي

zOzO said...

ولو كان حبا حقا لما كان البعد اختياركما
وما انتهت قصتكما بإرادتكما
ولكنها حقا أقــدار


كل شئ نصيب طبعا
زي ما قولتي
كلماتك كالعاده يا ساره
جميله ورقيقه
وف نفس الوقت مؤلمه


انا تقريبا حسدتك ولا ايه يا ساره
لا بجد
هههههههههه
فكيها شويه
وبلاش المود اللي زي الفل دا
وش مفروس اكيد
هههههههههه

ربنا يوفقك يارب
دايما

عـــفـــراء said...
This comment has been removed by the author.
blue-wave said...

بالفعل
انها اقدار
تحياتى

و القادم....أجمل said...

جميلة يا رحيل
للأسف بيحصل كتير
و بيفترقوا

أقدار

!!

إحترامي لك ِ يا جميلة

:)

سلوى said...

إيه الحكمه دي يا ساره

عارفه أنا قرأت مرة
إن المشكله الأزليه بين الرجل والرأه هي

أن الرجل يكابر

والمرأه تعند

لو طبقنا المقوله دي على كلامك
نلاقيكي مثلا قلتي

عندما تشتاقان فلا يبادر أحدكما بالسؤال عن الأخر
فأعلما أنكما فقدتما بينكما الحنين

هنلاقي الرجل بيكابر إنه يسأل
والمرأه بتعاند
على نظام كده اشمعنى أنا اللي أبدأ

وفي النهايه هي فعلا أقدار
وقسمه ونصيب

:)

بس برضه كل اللي قلتيه ده حكم
أحسنتي

جوجو said...

السلام عليكم
ازيك يا سارة تصورى اول مرة اعرف انك بتعرفى تكتبى كنت فاكرة انا بس ههههههههه بس جميله والله

المبرمج المحترف said...

بجد كلاماتك كلها حكمه وعبر وفعلا البوست دا جميل

تخياتى

رحــــيـل said...

زوزو

فلوس ايه؟
انا جيبت سيره فلوووس؟
ياخبر لالالالالا
شكلك وقعتى على ودنك وانتى صغيره
ههههههههههههههههه
انتى تؤمرى بجد
بس مش بجد قوى يعنى
لا يازوزو
انا تمام لسه فى المود الكويس او بحاول اقنع نفسى بيه

ربنا مايحرمنى من طلتك ياقمر
*******************************
blue-wave

أهلا دكتور
نعم اقدرا هى

شرفتنى
**********************************
والقادم اجمل

لولو ازيك
منورانى دايما
الفراق بيبتدى صعب
وبيزيد اكتر مع الايام
بس بيوصل لنقطه ويثبت وبعد كده يقل
ويفضل فى القلب نقطه سودا بتجرح كل لما نفتكرها

حبى ومودتى لكى
**********************************
سلوى

انا مصدقتش لما شوفت اسمك منور عندى زى زمان
استنى
لولولولولولولولولولولولوولولولوولولولولوولولولوولولولولولووى

حمد الله على السلامه يااحلى سلوى
فرحت مووت بجد يالا مستنين بوست جامد كده
شوفتى ياسلوى بقيت بقول حكم
ياخير حد كان يتصور انى اقول حكم فى يوم ما
بس تقولى ايه بقى فى الدنيا نطقتنى
ههههههههههههههه

مش مشكله عند ومكابره بس
تعرف المشكله الاكبر لما يكون الاختلاف على مبدأ ومفيش نقطه التقاء ومحدش يضحى وخصوصا لما يكون صراع بين صح وغلط

تحياتى وحبى وتقديرى
ومودتىواحترامى
وعشان خاطرى متغبيش تانى
**********************************
جوجو

اه اختى ياجماعه محدش ياخد فى باله
كانت فاكره بس هى اللى بتعرف تكتب حلو
وش مفروووس
انا قولت غلطه ان البت دى عرفت سكه المدونات
ربنا يسمحك ياهيام
**********************************
المبرمج المحترف

اهلا بيك

وشكرا جدا على مرورك

تحياتى لك

مدحت محمد said...

عارفة يارحيل انا حاسس انى اى قصة حب بتبقى فيها طرف بيحب اوى وطرف مبيحبش خالص

عشان كدة القصة بتفشل

وبتنتهى النهاية المأساوية دى

بس بجد اعتقد اللى بينهيها قساوة طرف

محبش
وكرامة طرف حب

لان لو الطرفين كانو متمسكين ببعض بجد مكانش هيبقى فى نهاية للطريق
بل كل حياتهم هتبقى بداية


رحيل انا عملت مدونة جديدة
بجمع فيها اجمل القصائد الرومانسية اللى كتبت فى بلوجر

اتمنى تخشى تدينى رايك فى الفكرة
ده اللينك اهو
http://romantic-messages.blogspot.com/

منى said...

رااااااااااائع يا ساره
تفاصيل احساس كل لحظه وموقف
تعرفى يا ساره رايى دايما الاحترام قبل الحب
لما نحترم حد نبقى مقتنعين بيه
وبالتالى الطبيعى اننا نحبه
لكن مش عارفه ازاى بيقولوا حد بيحب حد رغم انه شايف فيه عيوب كتير
صحيح محدش من غير عيوب بس المهم نقبل كل واحد بكل اللى فيه
والاحترام المتبادل مش يخلى حد يقسى او يهين التانى
فهمتى حاجه؟؟
معلش يا ساره لسه بهيس اصلى اتكلمت كتير امبارح وهناك مفاجاه قريبا حصريا على مدونه سلوى
تحياتى

زُمُرده said...

سارتي العسوله

كلماتك دقيقه ومعبره جدا
ياريت كل اتنين قبل ما يبعدوا يقروها
ياريت في كل مرحله يقفوا ثوان ويسألوا مفسهم هما اقرب ولا ايعد لبعض

------------------
عندما تختلفان فتتحجر الدمعات في الأعين ولا تنهمر عند الفراق فأعلما أن إحساس بينكما قد انهزم
عندما تنكسر بداخلكم فرحة اللقاء فأعلما انه قد حان وقت الفراق
---------------------
جميله دي

بس ساعات الكرامه وبعض مشميات الكبر بتحول وبتقف بين عشاق اديوا لعقولهم وومظاهرهم اكتر من قلوبهم

-------------
في تعليق البوست اللي فات
طبعا مش هنقضيها زيارات للمدونه
لان في صاروخ موجه ناوي يضرب مدونتي قريب اوووي
وانت عارفه المواصلات لهنا صعبه
ده عنواني
كوكب تاني- 55 شارع القلوب المفقوده-القلب رقم 88
خدي بالك من السلم وانت طالعه

وده ميلي لو تهتي
bondoah55@yahoo.com

سلام يا سارتي

dr.gesho said...

صحيح بوست مكتئب شويه بس كل اللى فيه صح
فعلا دى علامات نهاية اى علاقه
تحياتى

سنووايت said...

جميلة انتي يا سارة
كل كلمة مكتوبة حقيقة
ولكن يمكن الوصول اليها بيكون صعب
هي فعلا لحظات النهاية وكتير بنخاف من النهاية وبنحاول نهرب منها لكنها الاقدار

المحارب المتيم said...

رحيل

اعتذر اولا عن تقصيرى فى حقك


ثانيا

ايه الكلام الروعة ده بس الحزن دة كله ليه

فى الحقيقة مش عارف اقول حاجة من روعة كلماتك
اى والله مش عارف اقول حاجة

عندما تشتاقان فلا يبادر أحدكما بالسؤال عن الأخر فأعلما أنكما فقدتما بينكما الحنين

تحياتى

مريم said...

لا عتاب فى المحبة بل والاجمل ما قاله الصوفى من ان العذر غربة
اى حتى العذر لا مكان له بين المحبين لانه يعنى ان هناك مسافة سمحت بوجود اقتناص للخطا والبحث عن عذر

عندما احب احب حتى الذوبان ولا اهتم بكككككل ما يقال لانى اؤمن ان ما بينى وبينه لا يقال

افتقد المحبة بلاغربة ,بلا مسافات

اول كومنت عندك وارجو تقبل تحياتى

كراكيب said...

ايه داااااااه
ايه الفظاعه الـمـفـظعنة دي

حلوة جداااااا يا رحيل على فكرة
الكلمات بجد خطيرة جدا وتحفة جدا

هي غيرتلي مودي وخليتني مكشرة ايوة
بس ده اكتر حاجة تبينلك انها فعلا وصلتلي بسهولة

miro el niro kwaniro

EmY said...

كلامك جميل لدرجه ان مافيش كلام يتعلق بيه عليه

تحياتي

صوت من مصر said...

اسف على التاخير لكن نداله بقى هعمل فيها ايه
باذن الله هقرا كل البوستات الى فاتتنى

abo salah said...

بعد السلام عليكم


جميل بس مؤلم أوى

بس عندك حق فى كل كلمة

فعلا كلام رائع

دى زيارتى الأولى وأن شاء الله
مش هتكون الأخيرة

تحياتى

Omar El-Tahan said...

كثير من قصص الحب الحقيقي تنتهي بالفراق و هذا ما يجعلها مميزة و ظاهرة ... لذا فأنا لا أتفق مع السطر الأخير .. لأن الكثير من قصص الحب الحقيقية انتهت بإرادة المحبين لأن الإستمرار أصبح أكثر مرارة من الحفاظ على ذكريات جميلة عن أيام مضت

قلوب بتغنى said...

عندك حق
فى الحاله دى يبقى الحب ضاع
متفقه معاك تماما
تحياتى

حاول تفتكرنى said...

ستبقى المباردة دائما رهن التردد ، مهما غدت فينا وراحت كلمة عندما

ربما لابد من هذا السيل من القبلات والصفعات المتبادلة حتى يشعر الطرفان أنه قال ما عنده
كل ماعنده

ولكنها بالفعل
اقدار

تحياتي

رئيس جمهوريه نفسى said...

سيبك انتى رجعتينى سنتين لوراء يوم ما انا وخطيبتى زحلقنا بعض عملنا كل اللى انتى بتقولى عليه بالملىميتر على راى عصام الشوال المعلق الكروى المعروف
طبعا بتسالي على النتيجه الى تلت التصرفات دى من جانبنا محدش فينا بيرد السلام على التانى

نهر الحب said...

عندما
يحدث هذا اعرف انها نهاية الطريق
ولا حوار بعد تحجر الدموع

سلمت اناملك

youma said...

المهم اننا ندرك ما يحدث بداخلنا من تغيير والمهم اننا نتفهم جيداً بأن الامور لم تعد كما كانت والاكثر اهمية هو تخطينا لهذا الألم الذي حتماً سيزول ما دمنا لا نتجرع منه إلا الألم فبتأكيد لن نجني من توقفه إلا تخفيف حدة الألم


اممنتياتي لكِ بالسعادة وراحة القلب
تعبتي قلبي
ربنا يريحك ونخلص

وتفك

nasimlibya said...

بدايات النهاية من اصعب البدايات
وفعلا هي الاقدار

mohamed hesham said...

أستاذة ...

قهوة بالفانيليا - شيماء علي said...

رحيل..
أول مرة أعرف ان اسمك سارة :)
كلامك جميل ..
مرحباً بكِ على أرض الواقع
:)
___________
كنت عاوزة اقولك ان ليكي عندي واجب :)
تعالي المدونة بتاعت قهوةبالفانيليا
عشان تاخديه
:)

summar said...

:(
enty feen ba2a elayam de
i miss you wallahi
mafrood net2abel aktar
3arafeni a5barek
take care w yarab tekony be5eer

linda said...

عارفة حاجة يارحيل

انا مش بشوف هالحاجات على الأساس دا

رحيل
الحب مرحلة صعبة ويلي بتمري بيه دلوقتي
هو حاجة روتينية جدا وبتصير في كل قصة حب

صدقيني لو فلحظة غضب سكتي شوية وفكرتي بعقل وتذكرتي الحاجات الحلوة بدل الحاجات الوحشة كنت عرفتي انك مش حتاقدري تقوليله حاجة جارحة


انا والله بتمنى اني اشوفك سعيدة

واهم حاجة متغلبة على الحالة دي


يارب تكوني بخير

shreen said...

اهى الاقدار صديقتى
ام اختيارنا ؟

انحن من نقرر انهاء قصص الحب بيدينا؟
ام ان القدر يكتب لها النهاية؟

ايمكننا ان نعاند الاقدار؟
ام ان للقدر دوما الغلبة فى النهاية؟

احقا
فلو كان حبا حقا لم يكن ليجرح أو يؤلم ويصير ذكرى مع الأيام


الانة انتهى ايعنى ذلك انة لم يكن حبا ام ماذا ؟

قديما كنت اظن انى املك اجابات هذة الاسئلة

والان ضاعت الاجابات مع ضربات الاقدار
وظلت الاسئلة كطيور محلقة فوق رأسى

دون ان اجروء على اجابتها من جديد

mo7amed mamdo7 said...

اختى رحيل مش عارف لية بتحسسينى ان عندك 100 سنة كل مبقرءلك حاجة بجد محتاج انى اشوفك باين عليكى معالم الفرح اتمنى تبقى فى صحة وسعاده وتكونى بمليون خير

horas said...

لا اختلاف انها حقا اقدار
ولكن
قد يتم تصويب بعض الاخطاء علي سبيل فلترة المياه العكرة
وقد يتمسك احد الاطراف بموقفه لتقويم الطرف الآخر الذي يأخد وقتا ثم يعترف انه كلن فعلا بحاجه لذلك التقويم
وقد لا يهم أحدهما بالمبادره كنوع من العتاب الذي كلما يطول كلما كانت العودة أجمل
قد لا تخرج الدمعات من الاعين ولكنها تنساب بالدواخل كحمم بركانية تحرق صاحبها لتضحى أشد ألما
فأقسي ما في الحب عذابه
وعن خبرة عميقه
قد يكون أحلي ما فيه
عذابه أيضا
.....
أقول قد..
قد..

واحد ميت said...

اولزيارة لى واول تعليق شخصى لى

المدونة رائعو فى الشكل والمضمون

والبوست جميل اوى
وكل كلمة فيه حكمة لوحدها

باذن الله مش هتكون الزيارة الاخير

تقبلوا تحياتى
http://a7lam-el7aya.blogspot.com/

Sherif said...

فى شأن الحب .. لاعتاب ولاحساب
انما بسمة مشرقة وترحاب

لكن إن كانت هذه النتيجة .. فهى الخير من الله .. لانه بتأكيد يحمل لنا الكثير منه

فقط .. من الصعب أن نفهم ذلك الا بعد حين

لهذا .. ألتمس لنا بعض العذر فى الشعور بالضيق .. والاحباط .. لكنه لايرتقى الى اليأس أبدا

تحياتى لبوست حقيقى .. يحدث لكل منا

shady said...

طبيعي جدا اللاي اتقال في البوست دا

متهيألي له كذا سبب

اولها الاحساس الغبي بالتملك المصاحب للحب .. بيخلي كل طرف شايف التاني ملكه يتضايق من اي حاجة تشغل التاني عنه حتي لو كانت طبيعية

برده عدم الثقة .. والمقصود هنا الثقة بالنفس قبل الثقة بالطرف التاني .. علي طول واحد شاكك ان التاني مش بيحبه كفاية

طبيعي لو دخل في الموضوع اي كدب او خيانة ولو لمرة واحدة بتبقا مشكلة طول فترة وجودهم مع بعض واحتمال انها تبوظ الموضوع كله كبير


الموضوع فيه حاجات كتير اكتر حتي من اللي كتبتها ومحتاج مناقشة أكتر بجد .. بس بوست جميل حبيبت احييكي عليه

شكرا

شادي

amal said...

انا بحاول الاقى كلام على قدر جمال كلماتك مش عارفه!!

عجبنى البوست اوى اوى فعلا
حقيقى مفيش مجال لكلمة لو كان حب بجد
لان حتى الحب اللى بجد ممكن ينتهى
ارادة ربنا فوق كل شئ

فقط نقول قدر الله وما شاء فعل

جـيـداء said...

الايام كفيلة بانها تنسى كل حاجة
بس لو احنا ادينالها الفرصة
صدقينى بجد

:)

rovy said...

جميله كلماتك يا رحيل وفعلا الاقدار احيانا بتكون اقوى ..

اتمنى ان يهبكى الرحمن كل السعاده و ان لا تفترقى ابدا عن احبائك ..

تقديرى و تحياتى

دمعاتي said...

كل نهايه ليها اسبابها
بس لما قريت الكلام اللي انت كتباه
لقيت ان كل سطر لواحده كافي انه يمثل نهايه
انما التشكيله دي على بعضها تكفي لجريمة قتل مع سبق الاصرار و التدوين

رحــــيـل said...

مدحت

اهلا بيك
كلامك صح فعلا عجبتنى قوى جملتك
بس بجد اعتقد اللى بينهيها قساوة طرف
محبش
وكرامة طرف حب

بجد انت لخصت حاجات كتير قوى
مبروك المدونه الجديده
***********************************
منى

حبيبتى ازيك
طبعا الاحترام اهم من الحب نفسه
ممكن يكون فى حب ومفيش احترام للاسف تبتقى ماساه بكل الطرق
بس لما الواحد بيحب بيعرف يتقبل عيوب الطرب التانى او يتقبلها
بس مش بيشوفها غير من زوايه هو بس

منورانى يامنمن
******************************
زمرده المتمردة

صديقتى الجميله
شوفى لو بيحبوا بجد وبقين على بعض مفيش كرامه بينهم
لكل طرف شاف ان الطرف التانى فعلا يستحق التضحيه
مرسى جدا على العنوان
اخيرااااااااااااااااااا
هههههههههههههههههههههههههههههه
ربنا يخليكى يارب
*********************************
Dr. gesho

اهلا يااحمد مختفى فين يابنى؟
وبعدين ايه بوست كئيب دى ايه الجديد يعنى
مهو العادى بتاعى
ههههههههههههههههه
يارب تكون بخير

رحــــيـل said...

سنووابت

اهلا اهلا باحلى دكتوره
فعلا اووقات كتير بنهرب وبنفضل نأجل فى النهايه
على امل انها متجيش
بس مش بنعرف نهرب كتير
برده لحظه النهايه بتيجى
تحياتى وحبى
*********************************
المحارب المتيم

اهلا عرفه انا اللى مقصره مع الجميع كنت مشغوله جدا الاسبوع اللى فات
مرسى جدا جدا ليك ولكلماتك

تحياتى لك
**********************************
مريم

اهلا بزيارتك الاولى
جميل كلامك جدا انا الاخرى افتقد تلك المحبه التى بلا غربه وبلا مسافات
تحياتى وتقديرى لكى
**************************
كراكيب

اهلا ميرو اخبراتك
شكرا جدا واسفه لو كنت غيرتلك مودك
انا قولت قبل كده اللى مزاجه حلو ميجيش انا خايفه عليكم ياجماعه
ههههههههههههههههههههههه
ربنا يخليكى يارب

رحــــيـل said...

ايمى

اهلا ايمى منوره الصفحه بجد
شكرا جدا لوجودك وتعليقك

تحياتى لكى
**************************
صوت من مصر

لا لا ولا يهمك مش تتاسف
المهم انك بخير
تنور فى اى وقت
****************************
ابو صلاح

وعليكم السلام
اهلا اهلا
شكرا ليك مرورك وتعليقك

تحياتى لك
*****************************
عمر الطحان

اهلا اهلا اهلا
بعد الالم والخوف من استمراره
يقفد الحب رونقه
ولا يتبقى الا وجع الذكريات
ففى لحظه ينسى الطرفين ذكرياتهم التى كانوا يرونها جميله

تحياتى وتقديرى وشكرا على مرورك الكريم

رحــــيـل said...

قلوب بتغنى

اهلا بيكى
شكرا لمرورك وتعليقك
هو فعلا كده ضاااع

تحياتى لكى
*****************************
حاول تفتكرنى

ستبقى المباردة دائما رهن التردد ، مهما غدت فينا وراحت كلمة عندما
معك كل الحق
ولكن ستأتى اللحظه التى تعلن فيها كلمة النهاية وتسدل الستار على قصة كانت

تحياتى وتقديرى
******************************
رئيس جمهورية نفسى

اهلا محمود
هههههههههههههههههههههه
واقع ملموس مجبتش كده اان حاجه من بره
ربنا يوفقك ويكرمك يارب يامحمود
***************************
نهر الحب

حقا انها نهاية طريق

شكرا لكى مرورك وتعليقك

تحياتى وتقديرى
****************************
يوما
حبيبه قلبى
افكنى افكنى

يابنتى هاتى شهاده ميلادك وانتى جايه اتاكد انك مش مصريه
هههههههههههههههههههههه
ربنا يخليكى ليه يارب

رحــــيـل said...

Nasimlibya

حقا انها من اصعب البدايات واوجعها

تحياتى لك

شكرا لمرورك
****************************
محمد هشام

شكرا جدا جدا ليك
احرجتنى بجد

تحياتى لك وشكرا لمرورك
****************************
قهوه بالفانيليا

اهلا شيمو ازيك

مرسى على الواجب هاجى اخده اكيد
بس سامحينى كنت مشغوله شويه
تحياتى وحبى
***************************
سموره ازيك

انا فى الدنيا كنت مشغوله شويه
شكرا لسوالك
انا بخير
تسلمى
***************************
ليندا
صديقتى الجميله
انا بخير يابنتى وكويسه والله
بس انتى عارفه الكتابه تنفيس بقى
هههههههههههههههههه
اوقات الجرح بيكون صعب
اصعب من انه يديكى فرصه تفتكرى الحاجات الحلوه
خصوصا لما فجاها تحسى انه كان وهم انتى بس اللى عايشاه
تحياتى وحبى لكى
******************************
شرين

اقدر حيرتك جدا جدا
تدرين انى احسها واتسائل معكى
وادرى انه لا اجابات لنا
فالبحث عن اجابه صار شئ مؤلم

تحياتى وحبى لكى
***************************
محمد ممدوح

اهلا بيك
ههههههه 100 سنه لالالا عشان مكدبش انا بقالى فى الدنيا 24 سنه
والله مفرقت كتير عن 100 اهى كلها ايا بتتعاش وبتنقضى
هههه انا اصلا شكلى مش مدى على كابه ازدواجيه بقى هعمل ايه

شكرا على متابعتك

تحياتى لك

رحــــيـل said...

حورس

اسعدنى مرورك
وافتقد كلماتك المميزه جدا فهل عدت لمدونتك من جديد؟
اما بالنسبه لتعليقك فهى منظور خاص جدا
عنى ارى ان اصعب مافى الحب عذابه فهو مايؤدى لانهائه دوما
الحب منظور خاص يراه كلا منا من زوايته الخاصه

دومت بكل خير
*****************************
واحد ميت

شكرا لك مرورك
وتعليقكك

تحياتى لك
****************************
شريف

اهلا اهلا بيك
عذرا لتقصيرى
شكرا كثيرا لكلماتك التى تحمل الكثير من المعنى
تحياتى وتقديرى
**************************
شادى

فعلا هى اسباب كتير ياشادى انا اكلمت عن احاسيس بتيجى بعد كل الاسباب
مجرب مشاعر بنحسها لما يحصل فراق


شكرا جدا ليك زيارتك وتعليقك
*********************************
امل

شكرا جدا جدا
وجودك ومرورك وتعليقك

تحياتى وتقديرى
****************************
جيداء

حقا الايام كفيله
فلنعطيها وقتها

شكرا مرورك الاول
تحياتى لكى
**********************
روفى

اهلا اهلا منورانى بجد
شكرا جدا جدا ليكى
كلماتك ودعواتك
تحياتى وحبى
****************************
سامح
عاش من شافك يابنى انا البوست ده هدخله التاريخ
خلى ناس كتير من زمان محدش شافها تظهر
هههههههههههههههه
اه فعلا جريمه بس والنبى انا مش ناقصه بعيد عنى
ههههههههههههههههه
هستناك يوم مدونين الدقهليه