Friday, August 8, 2008

كدبت عليك


مش انا كبرت شوية
وقصيت ضفايرى
وطولت حبيتين
وبقيت اعرف اكدب
زى الناس الكدابين
عارف اول لما كدبت
كدبت على مين؟
كدبت عليك
لما اتقبلنا بعد سنين
وبنبرة صوت فيها الحنين
قولتلك اشتقتلك
مش عارفه ليه قولتلك ؟
جايز كنت بجاملك
او يمكن برضى غرورك
او حبيت اسعد قلبك
او لحظه حبيت اعيشها
وخلاص عدت
كدبت عليك
لما قولت لسه بحبك
كدبت عليك
لما بكيت
لما قولت خلاص وداع
هو احنا امتى رجعنا
عشان تقولى لقانا ده هو الاخير
ولا اقولك
عادى يعنى
اهو كله خير
مثلت دورى تمام
بقيت شريره
وبألف وش
وبالف لون
وبقيت بغش
وبقيت بخون
علمتنى الكره بجنون
فاكر لما كنت ليك
بر امان
بس دلوقتى مبقتش
ادور على الحنان
مبقتش عندى زى زمان
للمره الاولى اكدب عليك
بس احنا كده خالصين
مهو انت كمان كدبت زمان
ولا انت نسيت
**********
قلبى البرئ مبقاش برئ
لونت جدرانه بلون الجفا
غلفته قسوة
صفيت دماه
مبقاش جواه
غير نبض خالى من الوفا
ملهوش امان
مفهوش مكان
لحلم تانى يملا الفضا
قلبى الحزين مبقاش حزين
مبقاش يحس جرح السنين
بقى قلب خالى من الوجع
حته حجر
مع انه كان
مصبوغ بلون الورد
ويدق دق
اول ما يلمح طيف حبيبه
تحت القمر
يجرى عليه
يلمس ايديه
يحس انه خلاص
ملك الكون باللى فيه
اه منها السنين
وم اللى بتخبيه
لما فجأه نلاقى روحنا
حد تانى غيرنا احنا
****************
انا اول مره احاول اكتب عامى هو تجديد بقى مش اكتر
جت كده استحملوا بقى هههههه

47 comments:

كاميليا said...

عارف اول لما كدبت
كدبت على مين؟
كدبت عليك
لما اتقبلنا بعد سنين
وبنبرة صوت فيها الحنين
قولتلك اشتقتلك
مش عارفه ليه قولتلك ؟
......

جميلة اوى دى

بوست اعتراف من الطراز الأول
ولكنه ليس اعتراف قدر هو نقد لحال من حولنا .. ورفض لما يصدمنا فيهم

كتابتك بالعامية راقية
مثلما تعودنا عليها بالفصحى

دام قلمك
ودامت رقة مشاعرك

تحياتى وحبى

linda said...

رحيل

يمكن نكون فعلا عاوزين نكدب
ونغش
ونقسى

بس فلحظة ضعف مش راح نقدر

وانا مش حقول انك بموقف دا حتقدري تكدبي عليه

الحب مش حيقدر يخبي المشاعر وخاصة لما بتتقابلو بعد فراق وسنين ضايعة

البوست رائع

بس بحب اعيش الحالة واشوف لو كنت فعلا بموقف مشابه حتصرف زيك او لا


أسمحيلي أندمج مع كلامك
واسفة لو معجبكش

سلوى said...

شوفي يا سارة الغاليه وإنتي عارفه

من ناحيه الكلام والفكرة
هقولك جميييييييييل فعلا جميل
موسيقى التحدي اللي فيه
ومحاوله التخفي ورا قناع من حجر

جميل يا ساره

بس مش هتقنعيني إنه قناعك

تحياتي
ودمت دايما متألقه
دا إنتي فظيعه يا بنتي

صوت من مصر said...

اخيرا كتبتى بالعاميه ؟
وللعلم الكدب مش عيب ؟

شهريار العشق said...

رحيل


لم الرحيل وانت دائما هنا

ربما لأنك تبحثين عن الوطن (الحب) ولكن

منذ متى والحب يأتى لمن يبخث عنه

اتابعك منذ مدة

وارجو أن تشرفيننى بزيارة مدونتى التى

أنشأتها لفرط اعجابى بعالم التدوين

تحياتى

واحــد ميــت said...

كلماتك جميلة

لكن انا بصراحة مش بحب الكدب ابدا
ويمكن بكره اللى بيكدب كمان

بس بتكتبى بالعامية حلو اوى على فكره

البوست جميل والكلمات كويسه اوى

تقبلى تحياتى

ادعوكى لزيارة مدونتى الجديده
http://agml-qlb.blogspot.com/

Sherif said...

لست أقل جمالا ولا روعة بالعامية

نفس الاحساس الصادق الجميل ..

كأنك تقولين أكرهك .. وألومك .. لأنى فى الواقع .. أحبك

zOzO said...

حلوه اوي يا ساه بجد
رغم انها عاميه بس تحفه
محدش قدك دلوقتي يا ستي
هههههههههههههه


يعني انتي شريره بقي
الواحد يخاف ع نفسه بقي


اكدي طبعا عندك حق
ربنا يسامحه ويسامح كلوا

zOzO said...

قلبى البرئ مبقاش برئ
لونت جدرانه بلون الجفا
غلفته قسوة
صفيت دماه
مبقاش جواه
غير نبض خالى من الوفا
ملهوش امان
مفهوش مكان


حلوه دي اوي يا ساره
عجبتني بجد

تموتي انتي ف الكابه والحزن
الله عليكي يا ساره
هههههههههههههههه

مدحت محمد said...

ههههههههههههه

لا انا بضحك على تعليق زوزو الصراحة بتاع الكآبة ده

استحملونى عشان بكتب عامى لاول مرة

الصراحة هستحملك عشان قلتى الجملة دى

والله برافو عليكى ياسارة

مش عشان كدبتى لا

عشان ابدعتى فى كتابة العامية

youma said...

كل لي سبقوني اتكلمو عن روعة كتباتك بالعامية وعن مدى اتقانها بجد بجد حاجة فيها فكرة حلوة قوي ومتغطية من كل الجوانب بشكل ذكي جداً ده غير اني شايفة ان الكتابة بالعامية عندك منفردة عن اي حد ده بالنسبة الي ابدااااااااااااااااع


كل كلمة حسيت انها تكتبت بإحساس عالي جداً.. راقي جدا

ياريت تفضلي تكتبي بالعامية لأن اجدتيها بإتقان


بصي من الاخر
اي حد يقرأ الكلام يعلق على حتتة الكذب بس لو هو استنى شوية ودقق واعطى النص حقه حيلاقي ان كل واحد فينا جواه الحتة دي لما ينطق كلام هو مش حاسه قوي لما يكابر ويلون احساسه بمية لون لما يبص للي قدامه ومينطقش وهو جواه بحر من الكلام المجنون كل ده بيحصل جوانا بس محدش بيواجهه بصدق مجنون
زي معملتي بالزبط

براااااااافو لو عليا اقعد اصقفلك للصبح

واقول واعيد وموفيش كلامك حقه

انا عجبني جدا
جدا
جدا
جدا
جدا
جدا
جدا
جدا
جدا
جدا
لسة معاكي وقت ولا كفاية كده؟؟؟

ههههههههه
تحفة بكل المقاييس
انتي احسن حد كتب بالعامية السلسة البسيطة
من دون مايقول كلام شبه بعضه وخلاص

تحياتي
يامبدعة

دعاء مواجهات said...

جميلة اوى

لمست حاجات كتير فيا

وحاجات مؤمنة بيها

وحاجات بتألمنى بجد

تحيااتى لكل حرف

تجربة موفقة

تقبلى تحياتى

اتمنى دوام التواصل

بيس

كاتب مصري said...

ده حلو جدا والله كلام جميل وعجبني جدا
حلوة المعاني دي حلو إن الواحد يكلم نفسه بصوت عالي
فكرك جميل ينم عن عقل بيفكر مش كده وخلاص
كل ودي

Hadota .. حـدوتة said...

تحفة والله يارحيل
طب ياريت من دا كتير

يابنتى انتى فنانة حتى لو كتبتى بالاشارات
:D


فكرة البوست بجد جميلة

بصى
اصل
خليكى معايا بس هقول اهو



اممممم

ياستى اصل


بصراحة البوست من حلاوته مش عارة اقول بقى


تحفة والله يا رحيل

:)

د/اجدع بنوته said...

يخربيت حلاوة ده كلام

اكتبى عامى ع طول

بجد شابووووووو كبير

ده احسن كلام قرتهولك

ات از ماى فيفورت

summar said...

مش انا كبرت شويتين
وقصيت ضفايرى
وطولت حبيتين
وبقيت اعرف اكدب
زى الناس الكدابين
عارف اول لما كدبت
كدبت على مين؟
كدبت عليك


مفروض هو يرد عليكي يقلك..لا ياشيخة
:))ايه البرءة دى

دخلة جامدة وجميلة
ــــــــــــــــ

بقيت شريره
وبألف وش
وبالف لون
وبقيت بغش
وبقيت بخون
علمتنى الكره بجنون

دى كمان عجبتنى الحتة دى
ـــــــــــــــــ

لما فجأه نلاقى روحنا
حد تانى غيرنا احنا

دى برده جملة جميلة
ومركزة
:)
جميل ياسارة بس اكتبي اكتر
بجد هتعملى حركات جامدة اوى
حركات شعرية:))

Rehab Mostafa said...

علمتنى الكره بجنون
كلها جميله جداً يا ساره... لغه عربيه أو عاميه برضه كلامك جميل :)

أنا عارفه انك زعلانه مني :$ ... متزعليش بس غيابي ظروف خارجه عن ارادتي :)

حاتم عرفه said...

حلوة قاااااااوى
كلنا كدبنا
بس مفيش حد كان اعترافه بكدبه جميل كدة
كدبتك كانت صادقة من جواكى
وكانت أصدق بكتير من كدبته

الشك هو الطريق إلى اليقين
اللى وصلتيله
ووصلناله معاكي
تحياتي

حاول تفتكرنى said...

دائما نجد لديك الجديد
حتى إن أختلف الأسلوب الذى اعتدنا عليه منك

والمضمون جديد
فكثيرون يمارسون أنواعا متباينة من الكذب
وقليلون من يشعرون انهم بالفعل يمارسونه


احييك

رحــــيـل said...

كامى

شوفتى ياكامى وانا بعترف وبكدب
ههههههههههه
بقيت شريره ازاى

شكرا جدا ليكى يااحلى كامى على كلامك

انتى حد رقيق قوى وانا بحب جدا ورايك يهمنى دايما

يارب تكونى بخير دايما
*********************************************
ليندا

شوفى ياندا اولا بجد شئ يسعدنى انك تعيشى الحاله وتشوفى هتتصرفى ازاى

اوقات الحب بينتهى وبيكون فاضل بقايا مشاعر
معظمها ذكريات او تعود المهم ان بعد سنين وبعد جراح كتير
مش بيبقى حب ابدا صدقينى

يابنتى انتى لسه صوغيوره والدنيا شايفاها وردى
***********************************************
سلوى

مش عارفه اقولك ايه
اولا بجد شكرا ليكى تشجيعك ليه
ثانيا انا فعلا حاسه انى شويه وهركب القناع ده والبسه
اصل مؤمنه تماما ان القسوه مش بتولد غير قسوه
المصيبه بقى مش انه يكون مجرد قناع لاء ده يكون الوش الحقيقى

ربنا يخليكى يارب ومايحرمنى من عقلك الكبير
**********************************************
صوت من مصر

اهلا اهلا محمد
اه اخيرا هو انتى كنت مستنينى اكتب عامى
طيب كنت قول وانا كنت احاول من زمان ههههه
الاء هو الكدب مش عيب هو حرام

تحياتى لك

رحــــيـل said...

شهريار العشق

مرحبا بك فى عالمك التدوين
بس هو يمن قالك انى دايما هنا اوقات كتير بكون هناك برضه
هههههههههههههه

حقا انه البحث الدائم عن الموطن

شكرا لك متابعتك وزيارتك
**********************************************
واحد ميت

ولا اانا بحب الكدب ولا الكدابين
بس اوقات بتلاقى نفسك غصب عنك فى قلب حدث معين
وبتتصرف برد فعل غير اللى انت المفروض تعمله هو مش كدب هو سوء تصرف

شكرا جدا لزيارتك ومتابعتك

تحياتى لك
***************************************************
شريف

اهلا اهلا بيك

شكرا جدا على تعليقك
دائما تنظر للجانب المشرق فى الكلمات

تحياتى واحترامى
*****************************************************
زوزو

اهلا ياقمرى
ايون دلوقتى حاليا فى نفس ذات الوقت
انا بعلنها للجميع انا شريره شريره نيهياهاهاهاهاهاهاهاهاهاها
خافو على نفسكم ياجماعه

معلش يازوزو بالنسبه لموضوع السماح ده انا مبقتش بقدر عليه بصراحه
ربنا ينتقم من الظااااااااااااااااااااااااااااااااااااااااااااااالم
مش بوقولك بقيت شريره
وبعدين انتى عارفه انا اعز الكابه مووووت موووووووت

شكرا ليكى ياقمر
ومتزعليش منى

رحــــيـل said...

مدحت محمد

اهلا اهلا بالناس اللى قافله مدونتها
مش هستريح غير لما اعرف اللى ورا الموضع غلسه انا اصلا
متخدش فى بالك المهم انك بخير

وبعدين يعنى انت هتستحملنى عشان الجمله دى بس
قصدك يعنى انا لا اطاق وانك مستحملنى بالعافيه
بقى ده يامدحت دى اخرتها لالالالالالالا مكنش العش
مكنش عيش ومدونات يابنى
ههههههههه
شكرا ليك بجد ربنا يخليك
****************************************************
هيامى

حبيبه قلبى
اللى تلقت الصدمه الاولى اصلها اول واحده قريت البوست ده
قبل مانشره كان لازم حد يقراه ياجماعه الاول وجت فى هيام
يالا ربنا يتولاها برحمته انا عارفه قربت تقطع علاقتها بكل المصرين بسببى
البنت اتجننت شكلها بتتكلم عن حد تانى قصدها اكيد على كلام مش كلامى

جد بقى شويه تعرفى فعلا الحاجات دى بتدور جوانا كتير قوى
وان ده اللى بيخلينا فى اوقات كتير لما نكتب حاجه نستغرب انها طلعت منا
وازاى جالنا اصلا الفكره دى وازاى صغناها بالشكل ده


شكرا يوما بجد ليكى لولا اصلا تشجيعك ليه انى انشرها مكنتش انتشرت
الناس دى هتعدى عليكى لانك السبب في وجودها هههههه
***************************************************
دعاء مواجهات

اهلا دودو ازيك ياجميل
شكرا جدا لوجودك

وتعليقك الجميل
بكون مبوسطه لما احس ان كلامى لمس حد غيرى
وان حد حسه

تحياتى وحبى
************************************************
كاتب مصرى

اهلا اهلا بيك وبكل ناس الدقهليه
بلدياتى بقى وكده

شكرا جدا على كلماتك وتعليقك
وبعدين انا اصلا احسن واحده تكلم نفسها بصوت عالى وواطى
مجنونه ايوه ايوه مجنووووونه

شكرا لمرورك

صوت من مصر said...

اه الكذب حرام بس كذب بيفرق عن اخوه وبعدين ربك حليم ستار وكلنا بنكذب محدشصادق 100 % لاننا بشر ولا ايه ؟

رحــــيـل said...

حدوتة

اهلا اهلا اهلا منوره

ايه ده طيب فى ايه ؟ احم احم
طيب اروح انا اشوفنى على اول الشارع
وش احمر مكسوف

ربنا يخليكى
مرسى جدا على كلامك وتعليقك
**********************************************
د/ اجدع بنوته

اهلاااااااااا يادكتوره منورانى

انتى شايفه كده اديها عامى على طول

والله انا هجرب وزى ماتيجى

بس محدش يرجع يقولى اقفلى مدونتك بعد كده
ويكون طلب جماهيرى لما الناس تزهق وتتخنق من الكابه
هههههههههههههههه

شكرا ليكى
*************************************************
سموره

استاذه انتى ياسمر فى العامى اصلا
كنت مستنيه رايك بجد وتحليلك
شكرا جدا على كلامك هنا وعلى ملاحظاتك ليه على الميل
هاخد بالى منها المره الجايه ان شاء الله

هههههههههههه تعرفى انا كنت عايزه جمب كل جمله كدبت عليك
احط ايموشن بيطلع لسانه هههههههههه بريئه خالص انا

شكرا شكرا شكرا ياسمر
************************************************
رحاب مصطفى

رحاب فرحت قوى لما شوفت تعليقك
سبحان الله انا امبارح كنت لسه عندك على البلوج بشوف فى جديد ولا لاء
واستغربت لما لاقيتك عندى النهارده

تسلمى يارب
مرسى بجد وانا مش زعلانه اكيد بتكون ظروف
انا بس بفتقد كل اصحابى ووجودهم هنا

مستنين جديدك

رحــــيـل said...

حاتم عرفه
ياهلا ياهلا
على كده اكدب على طول
ده بدل لما تقولى عيب وميصحش والبنات الحلوين المودبين مش يعملوا كده
على اساس انى فى حضانه يعنى
هههههههههههههههههههه

شكرا جدا على تعليقك ومرورك يااحاتم

ربنا يخليك
*************************************************
حاول تفتكرنى

منورنى دايما بجد

فكثيرون يمارسون أنواعا متباينة من الكذب
وقليلون من يشعرون انهم بالفعل يمارسونه

دائما يحمل تعليقك الكثير من الحكمه والعقل

شكرا لك كثيرا كثيرا
تحياتى وتقديرى
*************************************************
صوت من مصر

هههههههههههههههههههههههه
على رايك يامحمد كدب عن كدب يفرق
تعرف ان فى ناس اصلا مخلوقه عشان يكدب عليها
ومينفعش معاها الصدق
للاسف بقى اغلبيه

شكرا لمتابعتك

تحياتى وتقديرى

HANY YASSIN said...

السلام عليكم
تصرف غريب
احياناً اشعر ان المرأة كائن غريب مش طبيعي
ليه ضحكت عليه

مش عارفه ليه قولتلك ؟
جايز كنت بجاملك
او يمكن برضى غرورك
او حبيت اسعد قلبك
او لحظه حبيت اعيشها
وخلاص عدت
كدبت عليك
تحياتي لك
هاني يس

زُمُرده said...

؟?؟?؟? سارتي الغاليه ؟?؟?؟?؟?

اولا اعذري تاخيري ولو معذرتنيش هعلق برضه اصلي مبلطه في المدونه دي بقى

ثانيا بوستك راااااااااااااااائع
عامي عربي هلوغريفي اسباني عاجبنا وحلو اوي

ثالثا: اعتقد انها كذبت عليه في الاول كنوع من الرغبه في انها تعيش احساس معين كله حنين لما مضي
واعترفت بالكدب علشان تكسر زهوة فرحه وانتصاره بعد مرور السنين انها مازالت تحبه
كمان علشان تثبت لنفسها اولا وليه ثانيا انها قويه جدا قدرت وتحولت واتغيرت واصبحت القسوه دم عروقها
وان كان من جواها شيء نادم ببس عارف انه لا سبيل غير التظاهر على الاقل بانها تغيرت

ده راي
رابعا: اما اكتر حاجه عجبتني

------------قلبى البرئ مبقاش برئ
لونت جدرانه بلون الجفا
غلفته قسوة
صفيت دماه
مبقاش جواه
غير نبض خالى من الوفا
ملهوش امان
مفهوش مكان
لحلم تانى يملا الفضا
قلبى الحزين مبقاش حزين
مبقاش يحس جرح السنين
بقى قلب خالى من الوجع
حته حجر
مع انه كان
مصبوغ بلون الورد
ويدق دق
اول ما يلمح طيف حبيبه
تحت القمر
يجرى عليه
يلمس ايديه
يحس انه خلاص
ملك الكون باللى فيه
اه منها السنين
وم اللى بتخبيه
----------------

تفتكري يا رحيل
ممكن
لما فجأه نلاقى روحنا
حد تانى غيرنا احنا
ممكن ييجي يوم ونبقى كده
نقدر نتحول ظاهريا وداخليا ونقسى ونغش ونخون وما نعرف نصون

وحشتيييييني

أحسن تـستاهـل said...

جميلة يا رحيل
كتكوتة اوي في كلامك المرة دي مش عارفة ليه حسيتك كده
مسكرة اوي

مها ميهوووو

رحــــيـل said...

هانى يس

وعليكم السلام
اهلا بيك

مش موضوع ان المراه كائن غريب
لاء اوقات كمان بيكون الراجل اغرب وبيكون كائن مستفز لابعد الحدود
ده بقى اللى بيضطر المراه انها تكون كائن غريب

شكرا لمرورك
تحيات لك
***********************************************
زمرده القمر

انتى اكتر حد حس البوست ده
زى مانا كتبته بجد

تحليلك للبوست هايل كانى انا اللى بفسره

اوقات كتير بنحس ان من كتر قسوه الدنيا احنا كمان بقينا قاسين

بنقسى على نفسنا قبل مابنقسى على اى حد غيرنا على فكره

مش عارفه بجد ممكن نتغير ولا لاء

شكرا جدا جدا على متابعتك
وجودك بيفرحنى كده وبحس انى مزاططه
****************************************************
احسن تستاهل

اهلا مها ازيك

شكرا ليكى
مسكره وعسوله
كده النمل هيتلم علينا هنا
ههههههههههههههههههههههه
وهرش مبيد حشرى ومعدش حد يجى

ربنا يخليكى يارب
تسلمى

حمامة said...

مثلت دورى تمام
بقيت شريره
وبألف وش
وبالف لون
وبقيت بغش
وبقيت بخون
علمتنى الكره بجنون


*******


جميلة اوى

انا اول مرة اعرف انك بتكتبى عامى
والله لدرجة انى افتكرت نقلاه من حد معروف
ده انتى طلعتى فنانة كمان ف العامى

بجد جامده ووالله من غير مجاملة
تسلم ايدك

ابقى عدى عندنا :)

dr.gesho said...

ايه الجمال ده
خلاص انا قررت ابدا مشوارى الفنى و اغنى
و هبدا بالاغنيه دى
بجد تنفع اغنيه جامده جدا خصوصا لو غنيتها بصوتى الرائع

خللى بالكو بقى و خدوا ساتر

موناليزا said...

احساسها عالى اوى
وخبرتها مش بالساهل

همس الاحساس said...

بجد كلماتك رائعه جدا
بسيطه وتدخل القلب
التحدى ومحاولة فعل ما قام الناس بفعله فينا حلو
بسى خدى بالك مش بكل الاحوال لانه فى الاخر بيضر

بجد اول مرة ازور مدونتك بسى بجد رائعه

Zanooba (Zeinab sab9n) said...

ماشاء الله تحفة تحفة بجد و عجبتني دي أول زيارة لمدونتك قريت فيها بوستين ده و اللي قبله و الإثنين أحلى من بعض فماشاء الله العامية و الفصحى هايل و تقبلي مروري
السلام عليكي

سنووايت said...

تلقائية جميلة تدخل القلب من اول كلمة يا سارة
محاولة جيدة للكتابة بالعامية
ورغم ان كلامتك بتحمل له صدمة , المفروض لكن قلتيها ببساطة شديدة رغم كل اللي بتحمله من الالام واستهزاء بالواقع
عارفة حسستيني اني قدام طفلة صغيرة اول مرة تعمل غلطة وبتعترف بيها
جميلة

الحياه وانا said...

والله انتى زى السكر
بجد وربنا
استمري
وان شاء الله هتكوني احسن
تحياتى

ســـهــــر said...

عارفة برغم الضغوط اللى علينا واحساس الظلم والقهر اللى حسينا بية
أوقات بيتهيألنا اننا بقينا قاسيين وشخصيتنا وتفكيرنا اختلفوا تماما

لكن الآكيد يا جميلة ان كل دى مجرد أحاسيس عابرة

ونصيحه صغيرة منى يارب تتقبليها لو فى يوم حسيتى انك بقيتى كدة
حاولى على قد متقدرى تتخلصى من الاحساس دة مفيش اجمل من انك تعيشى نقية وواضحه

وانا متوقعاكى كدة واكتر كمان
دمتى جميلة حد الجمال

واول زيارة ليكى عجبتنى مدونتك جدا بالتوفيق

سهر

قهوة بالفانيليا - شيماء علي said...

شطورة :)
شطورة :)
شطورة :)
يا رحيل يا أمورة :)
بجد تجديد .. و جديد ..
ايوة كدة نوعي .. و اهو تغيير .

abo salah said...

بعد السلام عليكم

محاولة ناجحة للكتابة بالعامية

بجد امتعتينى

قلبى البرئ مبقاش برئ
لونت جدرانه بلون الجفا
غلفته قسوة
صفيت دماه
مبقاش جواه
غير نبض خالى من الوفا

تحياتى

رحيـــــــــــــــــــــــل said...

رحيل
رائع ما كتبته بجد حلو كتير يلي كتبتيه بجد يعني وكمان انا اول مره شوف المدونه دي وكمان اسمك على اسمي
ودا فرحني كتير
بس بجد كتير حلوه المدونه بجد
ويارب نكون اصحاب
اختك الفلسطينيه
رحيل

دعاء على said...

أحلى تجديد :)
ما شاء الله جميله جدا مع انها فضيحه جدا ههههههههههههه
ربنا يوفقك و زى ما تيجى معاك اكتبى

رحــــيـل said...

حمامه

الف مبروووك على الخطوبه بجد فرحتلكم
ربنا يتتم بخير

شكرا جدا ليكى مرورك
اه اول مره بقى الحمد لله انها عجبتكم
تحياتى وتقديرى
**********************************************
د /جيشو

والله كويس انك لسه عايش
هههههههههههههههههههههه

المشكله انك لوغنتها انا هبطل اكتب اصلا
هههه
شكرا ياحمد على وجودك

تحياتى لك
******************************************
موناليزا

اهلا ياحبيبتى ازيك
يارب تكونى بخير

شكرا جدا ليكى
واكيد خبرتها مش بالساهل

تحياتى واحترامى
*******************************************
همس الاحساس

اهلا بيك زيارتك الاولى
شكرا جدا لكلامك
وللنصيحه

تحياتى

رحــــيـل said...

Zanooba

اهلا بيكى
نورتينى بجد
شكرا جدا لكلامك ولتعليقك
ربنا يخيليكى

تحياتى وحبى
***************************************************
سنووايت

اهلا ياقمر
شكرا جدا على كلامك
هههههه
برده طفله هو الواحد ميعرفش يبقى شرير ابدا

شكرا ليكى كتير
************************************************
الحياه وانا

اهلا بيك
نورتينى بجد

حاضر هستمر بس محدش يرجع يشتكى بعد كده
هههههههههههههههههههه

تحياتى وتقديرى
*******************************************
سهر

اهلا اهلا بيكى ياجميله
انا معاكى انها بتكون لحظات عابره

بس القسوه مش بتولد غير قسوه بجد

شكرا لكلامك ونصيحتك

تحياتى وحبى

رحــــيـل said...

شيما على

اهلا بيكى ياستاذه
بجد قصصك روعه ياشيمو


شكرا جدا ليكى ولكلامك
تسلميلى
************************************
ابو صلاح

بعد وعليكم السلام
شكرا جدا لك

نورتينى والله

تحياتى وتقديرى
*****************************************
رحيـــــــــل

اهلا برحيل الاخرى واهل بكل اهل فلسطين
شكرا جدا لمرورك

واكيد طبعا هاجى ازورك ونكون اصحاب

دومتى بكل ود
*******************************************
دعاء على

اهلا يادعاء
شكرا جدا ليكى
بقى كده انا بكتب فضايح
هههههههههههههههههههه
نورتينى

بنت الاسلام said...

طيب هو كدب ليه تبقي زيه

حب انتقام ولا ايه

القصة اللي تبدا بكدب بتنتهي بكدب

بس بجد اسلوبك سهل وسلس ووصلتي فكرة جميلة

وركزتي علي الحنان قوي بس للاسف حنان زائف

حنان كاذب

تحياتي

HARD TIMES said...

للاسف الكذب اصبح صفة من صفات المجتمع بل اصبح عادة يويمه
اما تناولك للكذب بين المحبين صورة مختلفه جداً اوقات الحبيب يكذب علشان بيحب اوي وخايف اللي بيحبه يضيع منه
دة مش مبرر بس للاسف هو حب ودة كان الحل، أحيكي يا راحيل علي اسلوبك وطريقة تنولك للقصة والحوار والفكرة
فكم هي قاسية ومحزنه
اتمني لكي التوفيق

و القادم....أجمل said...

رووووووووعه
بحب العامي جدا
يمكن لأنه أسلوبه بسيط
:)

كتير من الناس
و المواقف اللي بنقابلها
بتجبرنا إننا نتغير
بس تفتكري بنتغير بجد
و لا مجرد كلام
؟!!!!

أبدعتي في العامية
:)

بالتوفيق دايمااااا