Wednesday, August 13, 2008

طمنى قمرى

تحديــــــث
انضممت مؤخرا لفريق مدونة كلام البنات
بحب اصلا اهيس معاهم جدا
سلوى ، LG
لكم منى كل الحب والود والتقدير
فى موضوع جديد هناك بعنوان نقول ولا منقولش


امبارح بليل
كنت سهرانه لوحدى
ويا القمر
بشكيله همى
واحكيله حكايات عشقى
وازاى قدرى كان معاندنى
طمنى قمرى
وضحك وقالى
ياعبيطه
ليه تحزنى
ده لسه ليكى عندى
مجنون فى ليل تانى
سهران بيحكيلى
وليلاتى بيناديكى
وبيسألنى عليكى
من غيرك تايه حيران
لعنيكى عاشق ولهان
مستنى معادِك يجى
ويقابلك صدفه
فى اى مكان
علشان
يخطفك ويجرى
وترسى معاه

على بر امان
فضحكت ودخلت انام

54 comments:

سلوى said...

هروح أقرأ وأرجعلك :)

سلوى said...

قمر ذوق ذوق ذوق

وكلامه حقيقي وصح

خليكي مصحباه دايما

youma said...

هههههههههههههههه
تصدقي ياسلوى ان القمر ده ذكي وبيفهم
والأحلى انه الوحيد لي بيتافهم معاها وله لغة حوار هايلة صراحة
هههههههههههه

بس احنى كده بهدلناها قوي

بس بجد يعني
بجد
القمر ده تحفة

وكلامك سلس وحلو وبسيط جدا جدا جدا
من بساطة بيدخل القلب على طول

ياعبيطة في حد تاني مستنيكي
ده صح
يلا احجزيلي كرسي تحت القمر بتاعك ده
اصله بيبعت عرسان

وش بيسبل
ههههههههههه

النجمة الصامدة said...

بسيطة
هادئة
رقيقة

.
.

جميلة كأنتِ
:)

oRiGiNaL HeArT said...

حلو اوى البوست دة
وخيالك جميل بجد

HANY YASSIN said...

الحم لله ان قمرك طمنك
اكيد فيه كتير
ويطمن قلبك دائماً
هاني يس

Anonymous said...

موضوع جميل ياسارة ورائع بجد ,
بالتوفيق ونشوف مواضيع جميله ليكي كالعاده.
*******
ملحوظه
*******
المهم التعليق وليس الإسم لذلك فضلت
Anonymous
خالص تقدري

A.SAMIR said...

رومانسية راقية ومفرطة كالعادة
تحياتي

smiley said...

7lwa awi :)

بيكر(baker) said...

يا سلام يا سلام
حلوه بجد

HARD TIMES said...

فضحكت ودخلت انام
هو انا حاسس انه العكس يا رايحل
هو علي ما أعتقد كان حلم وأحتمال الجو كان برد فقلب بكبوس هههههههههههه
معلش انا لساني فالت مني
بس بجد والله راااااائعه جداً جداً
كلماتك تحمل كثير من معاني الرومنسية للدرجه الجنون وعذابك في الحب وبعد الحبيب وحوارك مع القمر لدرجه انه قالك يا عبيطه تدل علي انه شخص عاقل له حكمه وذو مكانه
بجد احيكي علي عملك الجميل
وسعدت جداً اني قراءت هذا العمل وتبقي ادعيلي اني افتكر الذاكرة وأقدر اوصل هنا تاني اصلي تايه عن مدونتي ومش عارف اوصل ليها اصلي هجرتها من زمان

الحياه وانا said...

جمييييييييييله بجد
تسلمي

بنت الاسلام said...

والله احسن حاجة عملتيها

ادخلي نامي

هههههههههههههه


حلوة بجد

شكلك فاهمة الدنيا قووووووووووي

كاميليا said...

ههههههههه

أحلام سعيدة

بوست عسول خالص


تحياتى وحبى

كاتب مصري said...

حلوة قوي
ياريت انا بأه قمري يطمني ..المشكلة عندي أهلها مش هي..
بجد بسطني البوست ده فيه تفاؤل وأنا بحب الأمل والعيشة في الأمل والفرحة بيه..
كل ودي

ShimaaMahdy said...

ماشاء الله بوست جميل و كله تفائل

ربنا يرزق ان شاء الله بمجنون بجد يقدرك فعلا ويبقى معكى

و بجد قمرك دا بيفهم قوى

تحياتى ياقمر (:

dr.Roufy said...

الله
الله بجد ياسارة
كلماتك على قد بساطتها وقلتها
لكن بجد نقلت لى حالة رائعة وصورة متقنة

مودتي يا قمر

youma said...

ياجماعة خليكو محضر خير
متخفو شوية على القمر وصاحبة القمر

هما فاهمين بعض
انتو داخلين شمال ليه
ههههههههه
قال يعني بخلع بعد ما ولعتها

سنووايت said...

ههههههههههههه
جميلة وجديدة

لا بجد القمر دا اوعي تسيبيه دا لقطة
ربنا يكتر من اقمارك يا سارة

بجد انبسطت لما قريت الموضوع :)

المحارب المتيم said...

سارة

دا قمر قوى

اكيد القمر دا شغال خاطبة

طاب ما تشوفيلى قمر بردو انا التانى

القمر بتاعى مش شغال كويس اليومين دول

بس احسن حاجة عملتيها أنك رحتى نمتى

انا بعمل كدة بردو كتير وفى الاخر بحلم بكوابيس

يارب يبعد عنك اكوابيس

جميلة كلماتك كالعادة

وفى انتظار القمر

تحياتى

linda said...

في مرة كتبت على نفس الشيء حبعتهولك

سبحان الله ازاي بنتشارك لحظة معينة وبالتشابه دا

أحسن تـستاهـل said...

بنت الايييييييييييييييـه
:)

مها ميهوووو

ساعد نسرين الايمن said...

يا بختك
كم حسدت
يا سيدة الاقمار السبعة

لان قمرك طمنئك
بينما لا يحمل لي قمري الا القلق
والصمت
والانتظار

المشكلة ان عليا الان ان انتظر مرتين

مرة ان يطمنئي قمري كما فعل معك
ومرة سانتظر كتاباتك الشيقة اللذيذة
دمتي مبدعة

وعلي فكرة انا عرفت مدونتك عن طريقة العزيزة ليساندرا
فالشكر موصول لها

موناليزا said...

القمر قاللى كده برضه
هو احنا سألناه فى وقت واحد ولا كان عايز يريح دماغه من تساؤلاتنا
عموما مهما كان اللى قاله احنا هنصدقه وخلاص

دمعاتي said...

الله
جميله قوي ياساره
زي ما بيقولوا من جوه نخاشيش القلب
كلمات قصيره معبره
وتصل للقلب مباشره
بجد تسلم ايدك

zOzO said...

الله علي دا قمر
والله علي دي اغينه
والله عليكي يا ساره
ههههههههههه
حلوه دي
هههههههههههههه


حلوه اوي بجد
وفيها تفاؤل جميل اوي
الحمد لله
خرجنا من الشرنقه بناعتنا ع راي مصطفي
ههههههههههههههه
الحمد لله انك بخير ومتفائله اوي كدا

شهريار العشق said...

سارة

إن هذا القمر لذو شأن

ربما ننتظر معا كما بحثنا معا

أبحث عن قاتلة

ربما سيدبنى قمرك عليها

أرجو أن تزورينى ومعك القمر

وفى انتظار القمر

تحياتى

شهريار

و القادم....أجمل said...

:)
:)
:)
جميلة جميلة جميلة

طيب مش تخليكي فضولية
و تسأليه كام سؤال كده
:D

ربنا يوفقك يا جميلة

تقديري و حبي

رحــــيـل said...

سلوى

منوره اول تعليق
هههه قى القمر ذوق ماشى ماشى كل ده عشان قالى ياعبيطه
هههههههههه
انتوا شمتانين فيه ولا ايه
ادينى مصحباه لغايه لما اشوف اخرتها معاه

ربنا يخليكى ليا يارب
******************************************
يومتى حبيبتى

طبعا مصدقتى مسكه فى الكلمه انا عارفه
هههههههه
طيب اان هستناكى تحت القمر نعقد سوا
بس خليكى عارفه ان اى حد بيعقد تحت القمر بيقوله ياعبيطه
وش بيطلع لسانه

تنورى هيامى تحت القمر وتنورى الليل كله مكانه
******************************************
النجمه الصامده

اهلا بيكى مرورك الاول

شكرا لكلامك

تحياتى
**********************************
اروجينال هارت

ازيك ياقمر

تسلمى يارب
نورتيى المدونه وهستناكى تانى

تحياتى
*************************************
هانى يس

اهلا بيك
اه الحمد لله لما اشوف بقى بيكدب ولا لاء
هههههههههههههه
شكرا لمرورك

تحياتى وتقديرى

رحــــيـل said...

Anonmyous

اولا شكرا لمرورك
ثانيا يستمد التعليق اهميته من صاحب التعليق
لذا كنت افضل معرفه صاحب التعليق فهو اهم من التعليق ذاته
على الاقل بالنسبه لى
*****************************************
a.samir

شكرا كثيرا لكلماتك

ولمرورك

تحياتى لك
*********************************8
Smiley

شكرا لك

تحياتى
****************************************
بيكر

اهلا بيك

شكرا لك
**********************************8
Hard times

مصطفى حمدان منور يا باشا
بقى كابوس يامصطفى ههههههه اخرتها
يعنى الواحد بيصبر نفسه وانت فى الاخر تيجى تقولى كابوس
وكمان القمر حكيم وذو مكانه عشان قالى ياعبيط

ههههههههههههه طيب هبقى اديك العنوان مش تتوه
يابنى انقل وتعالى بلوج سبوت عنوناها سهل ومش هتوه
يالا مستنينك هنا

تحياتى وتقديرى
***************************************************
الحياه وانا

اهلا اهلا

شكرا جدا على متابعتك

تحياتى لك

رحــــيـل said...

بنت الاسلام

اهلا بيكى

اه من ناحياه احسن حاجه فعلا النوم اوقات كتير بيكون احسن حاجه
ههههههههههههه
يعنى شويه اللى يعيش ياما يفهم ويتعلم

شكرا لكى مرورك وتعليقك
*****************************************
كامى

اهلا ياقمر
شكرا ياكامى وجودك الدائم المبهج
والذى يسعدنى كثيرا بجد

تحياتى وحبى لكى
*********************************
كاتب مصرى

اهلا بمدونين الدقهليه بلدياتى
يارب قمرك يطمنك بس ابقى عرفنا يعنى
عشان نيجى نهنى ونفرحلك
وش بيغمز
شكر لك كثير
******************************************
شيماء مهدى

اهلا اهلا
ربنا يخليكى يارب
ادينى مستنيه المجنون بتاعى
ههههههههههههههههههههههه

شكرا لمرورك
****************************************
روفى

اهلا اهلا
منورانى
مرسى جدا ليكى ولكلامك
متبقيش تغيبى

تحياتى وحبى لكى

رحــــيـل said...

هيامى

هههههههههههههههه
نيتك مش صافيه هما بيقولوا زوق وبيفهم
عشان هو بيطمنى
مش بيقولى ياعبيطه
هههههههه
انا وقمرى حرين مع بعض وش بيطلع لسانه
وبعدين مانتى هتيجى تعقدى معايا
كده خلاص خالصين
***************************************
سنووايت

اهلا سنووا
لا لا اسيبه ايه انا ماسكه فيه بايديه وسنانى
هههههههههههههههههه
شكرا ليكى وجودك
تحياتى وحبى
****************************8
المحارب المتيم

اهلا عرفه ازيك
ههههههههههه بقى كده شغال خاطبه
مش كنت تقول كنت فضلت معاه للصبح
ههههههههه
اان هحجزلك معايا انا وهيامى هات كرسى وانت جاى
يمكن يطمنك انت كمان

نورتنى
تحياتى لك
***************************************
ليندا

هستنى اشوف كلامك
بنتشابه لان كلنا عندنا نفس الاحساس
والامل ان اللحظة دى تيجى

نورتينى
*********************************************
احسن تستاهل

اهلا مها ميهو
ههههههههههه
يعنى افهم من كده انها عجبتك
ههههه
عقبال قمرك

رحــــيـل said...

ساعد نسرين الايمن

اهلا اهلا بيك
كم اتمنى ان يطمئنك قمرك
ايها العاشق الحائر
فينتهى قلقلك وحيرتك وانتظارك

شكرا كثيرا لمرورك

تحياتى وتقديرى لك
**********************************
موناليزا

اهلا موناليزا
ايه ده تفتكرى كان بيرح دماغه بجد
يانهار مش فايت
وانا صدقته بقى عشت الدور
هههههههههههههههههههه
لا ان شاء الله يكون بجد
ربنا يسعدك يارب
*******************************************
دمعاتى

اهلا سامح ايه ياعم النور ده
شكرا شكرا
وش احمر ومكسوف
مع ان احنا قرايب بس قولت اعمل بقى مكسوفه كده
ههههههههههههههه
***************************************
زوزو

ازيك ياسكر
شوفتى تفاؤل اهو عشان محدش يضايق
ويقولى انى جايبلك اكتئاب وبتاع
دى حلاوه روح يابنتى
ههههههههههههههههههههههه
منوره يازوزو
***************************************
شهريار

اهلا بيك
يارب تلاقى قاتلتك
وكل واحد قمره يطمنه
اكيد هاجى

شكرا لمرورك
تحياتى لك
************************************
والقادم اجمل

اهلا يالولو
تعرفى اان كان نفسى اقوله طيب العنوان
التليفون
طيب ادينى مواصفات وانا ادور انا
هههههههههههههههههههههههههه
قولت بقى مش كله مره واحده
حاجه حاجه

منورانى
ربنا يخليكى يارب

rovy said...

الله جميله بجد يا رحيل تسلم ايديك حبيبتى

اتمنى ان اراكى على خير عند عودتى من الاجازه ...
سلامى لكى و تحياتى

ojg said...

أعتبر ده وعد يا رحيل؟؟
أدخل أنام يعني على ضمانتك؟؟
:)

كاتب مصري said...

ماشي هآجي بإذن الله لقاء المدونين في بوكس آند بينز بس ممكن أسلأل سؤال..هعرفك ازاي وهتعرفي اني أنا ازاي
كل ودي
ورمضان كريم

فاعل خير said...

قرب رمضان أغلق مدن أحقادك واطرق أبواب الرحمة والمودة فارحم القريب وود البعيد وازرع المساحات البيضاء في حناياك وتخلص من المساحات السوداء في داخلك ::: في رمضــــان ::: صافح قلبك ابتسم لذاتك صالح نفسك وأطلق أسر أحزانك وعلّم همومك الطيران بعيدا عنك وكل عام انتم جميعا بخير وإلى الله اقرب وعلى طاعته أدوم وأحرص

نهر الحب said...

صحيح لكل منا نصف الاخر الذى يبحث عنه
كلماتك جميلة ورقيقة ومتفائلة

شفقة هانم واحسان بك said...

البوست قصير اوى بس حلو اوى
بقولك ايه لو عايزة تهيسى ابقى تعالى المدونة عندنا

lyssandra said...

بوست خفيف أوي

بس إيه القمر اللي واخد باله منك ده ؟؟

لأ بس بيطمنك ويواسيكي

وأحلي حاجه انه خلاكي ضحكتي قبل ماتنامي

يارب تكوني حلمتي حلم جميل


..............

تحياتي

lyssandra

جوايا شئ نفسه يشوف النور said...

جمييييييييييييل جدا

اليكى تحياتى

رحيل

زُمُرده said...

حلووووووووووووووووه اوووي

بقى نمت وسبتيه

عيني في عينك

انا بحجز بس

نور الدين said...

طب كويس ان القمر طمنك
والنبى ممكن تساليهولى محدش مستنينى انا كمان
قوليله بس انت نور الدين
وابقى طمنينى لو بلغك بما انكم اصدقاء اصلى انا كنت مصاحب نجمة بس الظاهر تاهت فى السما
او انا اللى نسيت خريطة السما
تحياتى
نور الدين محمود

قهوة بالفانيليا - شيماء علي said...

:)
القمر بتاعك دة مايعرفش يقولي انا بيحصل معايا ايه؟؟
ممكن تسأليه الله يكرمك ؟؟
و تقوليله :
شيماء مالها عاملة كدة؟؟
ليه مكسورة كدة؟؟
اسأليه ..
:)
جايز يعرف .
تسلمي يا رحيل ..:)

الإتربي اللولبي said...

سارة

إزيك

طالما فيه قمر زي ده يبقى أنا اطمنت عليكي

ربنا معاكي

إبقي عدي على المدونه باركيلي

سلام عليكم

كوارث said...

سلامو عليكم
البناء كويس والفكرة ممتازة جدًا
الاسلوب مش بطال أبدًا
لكن الوزن - لو كشعر - مش متظبطك فيمناطق كتير وان كان الموضع ده بييجي بممارسة الكتابة
بس بجد ما شاء الله
بحب قوي القصايد اللي بتداعب نفساوية البني آدم

mostafa rayan said...

باين عليكي مش مصدقة القمر خالص
حاولي تصدقي
تحياتي لك

منى said...

بقى يقول الكلام ده وتسبيه وتقومى
انا لو منك افضل مع القمر لحد لما هو اللى ينام
هههههههه

بس قولى للقمر يستعجله شويه
احنا مش فاضيين
سلام وبلغى سلامى للقمر اصل انا مش بشوفه
تحياتى

رحــــيـل said...

rove

اهلا روفى

شكرا جدا ليكي وترجعي من الاجازه باليف سلامه يارب

كل سنه وانتي بألف خير
**********************************************************
ojg

لا مش وعد
ده كان بيريح دماغه وبيسكتنى
هههههههههههههههههههههه

بس بينى وبينك النوم اريح حل لما الدنيا تقفل

نورتيني
********************************************************
كاتب مصري

تنور اكيد بس المعاد اتاجل انا النت كان فاصل عندي ومعرفتش ابلغ حد
يارب متكونش روحت يوم الاتنين

تحياتى لك
*******************************************************
فاعل خير

جزاك الله خيرا

فحقا رمضان فرصة

كل عام والجميع بخير
************************************************************
نهر الحب

اهلا ايناس نورتي

شكرا جدا علي مرورك وتعليقك

تحياتى لكي

رحــــيـل said...

شفقة هانم واحسان بك

اهلا بيكم
نورتوني

اكيد هاجى اهيس عندكم

شكرا لمروركم
***********************************************************
ليساندرا

اه والله قمر فى الخير

شكرا جدا ليكى تعليقك وزيارتك
تحياتي وتقديري
**********************************************
جوايا شئ نفسه يشوف النور

اهلا دكتوره سوسو

شكرا ليكى
هنستناكي يوم الاربع ان شاء الله

تحياتي لكي
************************************************************
زمرده

اهلا اهلاااااااااااااااااااااااااااا
ازيك وحشاني يارب تكوني بخيير

ههههههههههههههههه
يابنتى انا اصلا مصدقت قولت ادخل انام وانا مزاجي حلو قبل القمر مايغير رأيه
هههه
مستنياكي******************************************************
نور الدين

بس كده من عنيا هساله بس اقطع انت فيزا وملكش دعوه
ههههههههههههههههههههه
ملهاش حق النجمة دور علي غيرها
شكرا جدا على زيارتك

تحياتى

رحــــيـل said...

قهوة بالفانيليا

اهلا شيمو

سألته وقالي مسيرها تروق وتحلي بس مش عارف امتى
يارب قريب ان شاء الله

ربنا يكرمك يارب ويفرح قلبك
*******************************************************
الإتربي اللولبي

اهلا حامد الف مبروك الخطوبة
ربنا يتمملك بخير

شكرا ليك
*****************************************************
كوراث

وعليكم السلام
شكرا جدا علىكلامك وعلي النصيحه

تحياتي لك
************************************************************
مصطفى ريان

اهلا بيك

طيب انت لو مكاني تصدق؟؟؟؟؟؟؟؟

نورتني

********************************************************
منى

هههههه يامنى ده بيصبرنى وبعدين هو فاضيلى اكيد سهران مع ناس تانيه
انا قولت اسيبه براحته
هههههه
مش جايز بيصبر المجنون اللى في ليل تانى
ههههههههههههه

شكرا ليكى يامنى

زُمُرده said...

انا حجزي لسه ولا راااااااااح

زُمُرده said...

اولا مبروك انضمامك لكلام بنات
وربنا يسعدكم دايما

---------------
جميل البوست ده
بالرغم من ان ناس ممكن تقول خيال
بس انا بيحصل معايا
واضحك على جناني

واقول ايه ادخل انام بسرعه لأتأخر عليه
هههههههههههه

عارفه لما بنقدر نحلم ونتخيل بنقدر نعيش ونستحمل ونصبر مهما نتألم

==========
وحشااااااااااني

عاشق الورد said...

على فكره القمر ده بجد بيهدى النفوس
بس كويس والله
طيب افرضى لو واحد عايز يخبى على حبيبته او حبيبه
دا كده القمر بتاعك يفضحه
بس
ابقى قوليلى القمر بتاعك ده فين
علشان ما اشكيله
:p