Tuesday, August 19, 2008

سطرنا الأخير


عندما هممت أن
اكتب سطري الأخير معك
احترت كثيرا فيما اكتب
فأنا استقبلت حبك بأحرف من ذهب
ولكنك لم تعي كلماتي يوما
فلو كنت أدركتها
ما كنت الآن اكتب سطرنا الأخير

***********************
كنت أستمع للحن أهديته لك
قلت لك
أحب هذا اللحن وكلماته من أجلك
فحولت حديثنا لحوار أكثر واقعية
من لحن وأغنية

*********************
تذكرت وعدك بأنك لن تتركني
وها أنا اختم بكلماتي قصتنا وحدي
كما بدأتها بكلماتي
وليس معي
سوى ذكرى كاذبة
ماذا سأكتب ؟
لا ادري
لكنني أحببت
أن أهديك بعض ألم الكلمات
علها تصلك بصدق
لم تحسه أنت في كلماتي السابقة لك

***********************
اهرب من تذكرك لإزدحام الحياة
اهرب من همسك الباقي في أذنى
لضجيج العالم حولي
لضوضائهم وتداخل أصواتهم
اهرب من حنيني
لقسوتي وقسوتك
اهرب من هاتف داخلي
مازال ينادى عليك
و اقتل قلبا
مازال ينبض لك

*********************
تنتهي الحكايات وتمر الأيام
وتبقى دائما في القلب ذكرى
تؤلم أحياناً ونبتسم لها أحيانا
والاهم أنها صارت جزئا منا
واقع ملموس لا فرار منه
إلا لحياة أكثر هدوءاً وسعادة
لكنها حياة قد تأتى
أو

ًلا تأتى يوما

42 comments:

youma said...

انتي لاتستطيعين ان تتخيلي هذا الكم الهائل من الحزن المدفون بداخلك

ولن تستطيعي تخيل هذا الكم الهائل من تلك المشاعر المنطفئة والمتقدة في آن واحد

نحناستطعنا ان نقرأ كل ذلك العشق من بين شفتيك


فتحية لذلك القلب النابض بكل ذرة حب


برااااااافو هايل بجد

كاتب مصري said...

لمست ألما في كلماتك اخترق قلبي وهام في جوانبه حتى أتعبني
كلامك جميل بس الفراق صعب قوي حتى لو كان الغنسان بيحب حد وهو مش مقدرو بس الفراق صعب وكلمة مع السلامة كلمة قاتلة في دنيا الحب
ربنا يعين ويقوي
أنا رحت بوكس أند بينز يوم الإتنين بس كنت عارف ان اللقاء بتاع المدونين اتأجل عارفة من مين من أخويا..مش هأقولك هو مين بس هو مدون ومدونته انت عارفاها وبتزوريها كتير..لا وله كتاب منشور كمان..مجموعة قصصية وهو في الجيش اللوقتي وكان موجود في أجازة..شوية وأقولك إن اسمه محمد العدوي...هههههههههه
كل ودي بس للأسف انا بكرة في اسكندرية من الفجر..]لا خير أحضر معاكم في رمضان بأه إن شاء الله..وشكرا على إنك كنت أول تعليق لإن ده بجد شيء بسطني
طولت مش كده..
تحياتي

سنووايت said...

السطر الأخير رغم ترددك في اختيار كلماته بس اعتقد انك اخترتيها بعناية لانها المتني
دايما بيحمل السطر الاخير كل اوجاع الكلمات السابقة لانه بيكون فيه خلاصة كل شيء

ولكن يا سارة السطر الاخير دايما بيكون هو السطر الاول في صفحة جديدة

دمتي بكل خير وحب وسعادة يارب

ghoneem said...

السلام عليكم

كل عام وانت بخير
رمضان كريم

حبيت أشكر ليكي تعريفي بمدونتك وأشكر ليكي جدا جدا دعمك وتشجيعك وفعلاً أكتر حد لقيت منه دعم وتشجيع خلاني أكتب
....
:)
أشكر جدا جدا وأنتظر دوام التواصل

انقطاع عن التدوين والنت هتكون لبعد رمضان ان شاء الله
ربنا يتقبل منا ومنك ويغفر لنا في رمضان وينظر الينا ويرحمنا

دمتي بخير ودام حفظ الرحمن
تحياتي

بالتوفيق...................

Sherif said...

ياالله

كل هذا الألم ؟ ولم نلحظ الا ابتسامتك وجلدك ومقاومتك

وانكارك للحقيقة ورفضها بكل قوة .. فهكذا تقول كلماتك

تذكرى ان قلبا مثل الذهب مثلك .. يستحق قلبا أكثر لمعانا وضياءا ..

يقينى لايخدعنى

نوسه said...

انا خايفه من كتر المشاكل يبقى كلامك بيحكى عنى فى يوم ما
كلامك معبر اوى خلى قلبى يتقبض
مش عيب فى كلامك بالعكس ده لانه وصل اوى ليا

Gelaan said...

بعيونى اللامعه نظرت بهما الى السماء
فرايت كوكبنا يرصدنا من بعيد
ينادينا باسم الحب والصفاء والحنين
فقلت له اتبعني اذا كنت في هوايا سعيد
فقال اتبعك وكيف سيكون المسير
فقلت له استمع لقلبي ستعرف انك فيه تسير
فقال اذا معكي سنحكي الكثير
فارتفعنا واخذنا في الصعود
في منتصف الطريق شاء القدر ان يبعدنا وان ارصد كوكبنا الذى صار وحيد ولكنى جلست ع ابوابه صممت الا اطرق الباب حتى ياتى حبي الوحيد
اخذت ارسم حياتى وهو بجانبي سعيد واعد الخطوات لكى اعرف كم سيغيب ولكن مرت ايام كثيرة وليالي وهو بعيد وكل يوم اقول غدا سيظهر يوم جديد
غدا سياتى ويحدثنى من جديد
وساقص عليه كيف رسمت حياتنا معا وكيف سنعيش في كوكبنا الجميل
لكن
اليوم
جلست حزينه دموعي على وجهي تسيل وفي عيونى كوكبى الحزين وفي قلبي حبيبى الذى تركني وادمن المغيب
**************
دي خاطرة كنت كاتباها من زمان
مش عارفه ليه افتكرتها دلوقتى مع انها من ايام تانيه ثانوي
يمكن علشان قريت كلماتك وحسيت اد ايه انتى حزينه
اتمني بجد انك تكوني كتبتيها عادي يعني من وحي خيالك
واشك في دة
بس االى بجد اتمناه ليكي
انك تكوني مبسوطه وسعيدة ومش حزينه ابدا لانك حد كويس اوى وبحبه جدا
تحياتى واسفه ع الاطاله
جيلي كاستر

شهرزاد said...

للعقل كلمة اخيرة
هكذا شعرت عندما قرأت كلماتك
أحسست ان القلب قد سلم زمامه للعقل
فقد تعب وأنهكته الحياة وترك القرار الأخير للعقل كي يسطر آخر كلماته
لاتحتفظي يوماً بالذكريات المؤلمة واجعلي من كل لحظة مضت عبرة لأيام قادمة
تحياتي مدونة متميزة

ست البيت said...

تنتهي الحكايات وتمر الأيام
وتبقى دائما في القلب ذكرى
*************************
بصي فعلا ما في احلى من الذكريات
حتى المر فيها والمؤلم لما تتذكريها
تفرحي ..الذكرى لها لوعة في القلب
محببة
لكن من قال أن الغد لا يأتي بأفضل؟
فقط نحيا على امل
شعر جميل
أنا معرفش لا أوزان ولا قافية بس الكلام ليه معني ودا المهم عندي من أي بتنجان بيقولوا عليه شعر
وهو خاوي المعنى
دمت بحفظ الرحمن

منى said...

ما اقساه هذا السطر
لعلنا احيانا نهرب منذ البدايه
ولا نعيش اى حكايه
حتى لا نجد انفسنا نكتب تلك النهايه

أبعد الاحلام والامال
لا شئ

جبر الله القلوب الكسيره
ومنها الصبر
والقدره على الحياه من جديد

مزقتنى كلماتك يا رحيل

funckydoctor said...

انه يبدو كجرح غائر ينزف بلا انقطاع
هذا هو السطر الأخير كما قلتى
فلنبدأ صفحة جديدة ومن أول السطر :D

MKSARAT SAYED SAAD said...

صديقتى رحيل
السطر الاخير وفي علاقتنا ليبدأ تحولها لذكرى آثارها عباره عن وجوه متعددة الجنسيه لماضيه
تستمر في التعدد والتراكم طالما أن عنصر الزمن واقع مؤكد
أنها الذكريات التي تتكون لبناتها بين
قوسي الوجود والفراق في الحياه
فطالما لنا واقع وحاضر متوقع إذاً طبيعي أن يكون لنا ذكريات
ومهما تنوعت أو تلونت بصبغات أصطناعيه ستبقى
إما تشوهات غائره على جدارات حياتنا أو أوسمه نفتخر بها
دمتى بكل ود
سيد سعد

صوت من مصر said...

كلام جميل جدا تسلم الايادى الى كتبته ؟

حمامة said...

اهرب من تذكرك لإزدحام الحياة
اهرب من همسك الباقي في أذنى
لضجيج العالم حولي
لضوضائهم وتداخل أصواتهم
اهرب من حنيني
لقسوتي وقسوتك
اهرب من هاتف داخلي
مازال ينادى عليك
و اقتل قلبا
مازال ينبض لك



على الرغم ان الحل ده قاسى اوى
وبتيجى فيه على نفسك اوى
جربته
لكن افضل الحلول ف المرحلة دى
هتحسى انك حتى مش عايزة تشغلى مخلك لتفتكرى

لكِ تحياتي :)

lyssandra said...

عندما هممت أن
اكتب سطري الأخير معك
احترت كثيرا فيما اكتب
فأنا استقبلت حبك بأحرف من ذهب
ولكنك لم تعي كلماتي يوما
فلو كنت أدركتها
ما كنت الآن اكتب سطرنا الأخير

جميل جدا التعبير ده

==============


اهرب من حنيني
لقسوتي وقسوتك
اهرب من هاتف داخلي
مازال ينادى عليك
و اقتل قلبا
مازال ينبض لك

قاسي التعبير ده لكن يجب احتماله


================

ربنا يكرمك بحياة أفضل بإذن الله
والحياة الكريمة سوف تأتي بإذن الله

تحياتي

lyssandra

abo salah said...

بعد السلام عليكم

هذه أكثر من أن تكون كلمات خطها قلم مبدع

أنما هى كلمات خطها ألم وحزن دفين ظلت تسعى للهروب كى لا تختنق

فلم تجد أمامها الا أن تخط سطرها الأخير

دمتى مبدعة

وتحياتى
وكل سنة وأنتى طيبة وإلى الله أقرب

قطرات من شواطئ الحياة said...

وتبقى دائما في القلب ذكرى))
تؤلم أحياناً ونبتسم لها أحيانا
والاهم أنها صارت جزئا منا
واقع ملموس لا فرار منه
إلا لحياة أكثر هدوءاً وسعادة
لكنها حياة قد تأتى
أو
((لا تأتى يوما

_________________________________


متميزة .. راقية .. مبدعة ... دائما و أبدا

استمري

appy said...

فكرى فى الجديد ابعدى عن الذكريات المؤلمه
كلمات بسيطه بس حستها يمكن لحاله عندى بس وصلت

Eman Eltaher said...

تؤلمنا الذكريات
أكثر مما قد يتركه أبطالهم

لكن

ثمة وميض هناك قد يضئ ما تبقى من الطريق
و الطريق لا زال أمامنا

فلا تترددى
ان تنزعى أشواك الأمس

لتشعرى بعبير الحاضر و الغد

وحشتينى

يارب تكونى فاكرانى

شفقة هانم واحسان بك said...

ايه الخواطر الحزينة دى
لا المرة اللى جاية عايزة حاجة متفائلة

Zanooba (Zeinab sab9n) said...

البوست جميل أوي أوي أنا معرفش ليه الحزن الدفين اللي موجود بأعماقك لكن مشاعرك جميلة أوي و أنا متأكدة إنك كتلة مشتعلة و رقيقة من المشاعر ..أتمنى دوام التواصل

السلام عليكي

MY FATE said...

يااااااااااه
ليه الحزن ده كله بس؟؟
عامة عندك حق هيفضل الجرح موجود لحد ما تبدأ حياة تانية وقصة تانية تكون حقيقة أو حتى خيال بس غير كده بيفضل الجرح موجود وبيفضل إحساس الحب اللى راح موجود بس الأيام بتخفف الألم والحزن بتوديه الضحكة
وعلى رأي المثل بتاعي "كله بيقلب خير فى الاخر"
بس فعلا كلامك مؤثر قوى ما شاء الله عليكي
سلام

عايش ولكن said...

تنتهي الحكايات وتمر الأيام
وتبقى دائما في القلب ذكرى
تؤلم أحياناً ونبتسم لها أحيانا
والاهم أنها صارت جزئا منا
واقع ملموس لا فرار منه
إلا لحياة أكثر هدوءاً وسعادة
لكنها حياة قد تأتى
أو

ًلا تأتى يوما
.......................
الله عليكى بجد
دائما ما تعيش بداخلنا الزكريات منها المؤلم ومنها المفرح ولكن نتذكر كل منها على حسب حالتنا النفسيه
فلا نستطيع الفرار من هذه الزكريات

مدونتك اكثر من رائعه
دمتى مبدعه
علاء

دعاء مواجهات said...

كلماتك جميلة اوى ومعبرة

بجد عن فراق فيزيائى لكن الكيميائى مازال موجودة

تحياتى وتقديرى على الكلمات المختلفة

نورتينى

ســـهــــر said...

تنتهي الحكايات وتمر الأيام
وتبقى دائما في القلب ذكرى
تؤلم أحياناً ونبتسم لها أحيانا
والاهم أنها صارت جزئا منا
واقع ملموس لا فرار منه
إلا لحياة أكثر هدوءاً وسعادة
لكنها حياة قد تأتى
أو
ًلا تأتى يوما


وعندما كنت أخفي عنك ألمي
وأمارس خديعة الفرح
كنت أود الاحتفاظ بك

وعندما كنت أتعمد الانحناء بجانبك كي لاألمح فرق القامة بيننا
كنت اود الاحتفاظ بك

وعندما كنت ابرر قسوتك لعقلي خوفا
علي
مني
كنت أود الاحتفاظ بك

وحين كنت أرجوك ان لاأكرهك
كنت أود الاحتفاظ بك

عذرا ربما جاءت متأخرة جدا انت
لاتستحقني


بوست هايل
وكلمات صادقة تدخل القلب دون استأذان

دمتى بخير وكل عام وانتى بالف خير

موناليزا said...

سننسى وستستمر الحياة وتكون اجمل بكثير
كل سنة وانتى طيبة

mohamed ghalia said...

إنها الحياة والقادم أحلى بإذن الله
كل سنة وحضرتك طيبة
دمتى بود
فى رعاية الله
تحياتى وإعجابى

كاتب مصري said...

شفتي بأه يا ستي يلا خير مكنتش بطنشها والله بس محدش دهاني ليها حتى محمد نفسه
كل ودي لك ومستني جديدك باه

كاميليا said...

تذكرت وعدك بأنك لن تتركني
وها أنا اختم بكلماتي قصتنا وحدي
كما بدأتها بكلماتي
وليس معي
سوى ذكرى كاذبة
......

أمام هذا الجزء
وقفت كثيرا
لحظات ثقيلة
خرجت منها منهكة

انتظرت فى نهاية البوست السطر الاخير
ولكنى لم أجده
لم يٌكتب بعد!!!


مبعة يا سارة

وحشتينى

كل الحب

المحارب المتيم said...

رحيل


لماذا أجد الحزن دائما فى الفترة الاخيرة كلما دخلت عندك

يا صديقتى دعى كل الآمك جانبا أبداى حياة جديدة

اما عن كلماتك فهى تنبض دوووما مشاعرا راقيه واحاسيسا نقية

تحياتى

محمد الهادى غانم said...

ااكتب هذا السطر بالدم ام بالدمع
لا ليس حزنا عليك
بل حزنا علي انا
علي احلامي الوردية التي ذبلت
علي احساسي بالحب رغم خدعك
علي فكري المنهار بسبب غشك
علي ثقتي الهاربه من نفسي بسببك

لا لااحبك بل احزن علي نفسي

ولاء said...

تنتهي الحكايات وتمر الأيام
وتبقى دائما في القلب ذكرى
تؤلم أحياناً ونبتسم لها أحيانا
والاهم أنها صارت جزءا منا
واقع ملموس لا فرار منه
إلا لحياة أكثر هدوءاً وسعادة
لكنها حياة قد تأتى
أو
ًلا تأتى يوما

فاين المفر اذا ؟؟
فقد ننتظر تلك الحياة العمر كله ولا تاتي
وربما تكون عند اطراف اصابعنا ولا نستطيع القبض عليها والعيش فيها ابدا
فاين المفر اذا
بوست جميييل جدا وكلمات معبرة جداا
تحياتي لكي

ayman badr said...

بجد كلماتك معبرة جدا يا سارة وبجد كاتبة موهوبة ومش بجامل
ويا ترى بعد الكلمات الاخيرة المختلفة عن السابقة قاللك ايه؟

دمعاتي said...

حد ينالوني زمارة رقبه الجدع دا

هوه ايه مش بيحس

كلماتك جميله ياساره
مست وترا في قلبي

وجعلتني أفكر كثيرا

تسلم ايدك

رحــــيـل said...

يوما حبيبتى

هلا هلا هلا
طبعا انتي عارفه اني لما بنزل بوست كئيب بحب اقلب صفحة التعليقات تهريج
وانتى طبها بتضايقي مني لما بعمل كده وبتحسي انها سخافة منى
بس بجد بتكون محاولة انى اخرج الناس من المود الكئيب اللى بكون السبب فيه

مرسى ليكى كتير ولاحساسك العالى دايما بكلامى
*********************************************
كاتب مصري

اهلا اهلا
شكرا جدا لزيارتك ومتابعتك
بس اوقات كلمة مع السلامه بتكون الحل الوحيد
مفأجه مفأجه بجد انك طلعت اخو العدوى
اتمنى نشوفك اللقاء الجاى ان شاء الله

تحياتى لك
*****************************************
سنووايت

حقا انه يكون الخلاصة لكل شئ
شكرا كثيرا لكلماتك ووجودك

تحياتى وحبي
*********************************************
غنيم

وعليكم السلام
كل سنه وانت طيب وبخير
انت قعلا من اكثر المونين تميزا وفىانتظار كلماتك بعد رمضان
ربنا يتقبل منا ومنكم

تحياتي وتقديري
*****************************************
استاذ شريف

شكرا لتشجيع حضرتك ولكلماتك

لكى منى كل التقدير والاحترام

نورتنى ياافندم

رحــــيـل said...

نوسه

لا ياحبيبة قلبى بعد الشر
ان شاء الله المشاكل دي تاخد وقتها وتنتهر

يارب تبقى بخير دايما
خالص حبي ومودتي
***********************************************
جيلان

جميله جدا كلماتك
شوفى اى ان كان الحزن بياخد فتره وبيعدي
انا بخير ياقمر مش تقلقي

انا كمان بحبك
نورتيني
*********************************************
شهرزاد

اهلا بيكي فىاول زياره
ما خلاص القلب عمل اللي عليه وزياده
العقل يشتغل شويه
الاحتفاظ بالذكريات مش بايدنا غصب عننا موجود جوانا
شكرا على الزيارة
تحياتى
******************************************
ست البيت

الذكريات مؤلمة جدا اىان كانت لو ذكرى وحشه بنحزن لما نفتكرها
ولو حلوة بنحزن انها صعب ترجع
ههههههه شكرا لكلامك كثيرا
بس اعتقد انى مش بكت بشعر عشان بتوع الشعر ميرفعوش عليه قضيه
ويطلبوا تعويض انا اكتب لانني اريد ان اكتب دون مسميات

شكرا كثيرا
*********************************************
منى

اهلا منى البدايات اوقات لاتبشر بالنهايات
اوقات اخرى تبشر لكننا نأمل فى ان تغير ولا يتغير شئ
شكرا ليكى يامنى

دومت بكل خير

رحــــيـل said...

فانكي دكتور

اهلا بيك
معك كل الحق
فلنبدأ صفحة جديدة ومن اول السطر

شكرا لمتابعتك
****************************************
مكسرات سيد سعد
اهلا بك صديقى
كلمات وقفت عندها كثيرا
تحمل بين طياتها من المعانى الكثير

أنها الذكريات التي تتكون لبناتها بين
قوسي الوجود والفراق في الحياه
حقا لافرار من الذكريات

شكرا لك كثيرا وجودك
تحياتى لك
******************************************
صوت من مصر

اهلا يامحمد
تشلم انت شكرا ليك كتير

تحياتى
***************************************
حمامة

اهلا اهلا بعروستنا القمر
شكرا كثيرا لكلماتك ووجودك
اوقات مش بيكون فى حل غير كده رغم قسوته

ربنا يتمملكم على خير
يارب
تحياتى وحبى
*******************************************
ليساندرا

منوراني

شكرا لكي
فمرورك وكلماتك تسعدني
تحياتي وووحبي

رحــــيـل said...

ابو صلاح

بعد وعليكم السلام
شكرا لك وجودك
وكلماتك
ومتابعتك

دومت بكل خير
ورمضان كريم
***********************************************
قطرات من شاطئ الحياة

ياهلا ياهلا
منوره
شكرا جدا ليكى
تحياتي
**************************************************
ابى

الذكريات لا فرار منها سوى فى الانشغال التام
فى الحياه

شكرا لكي مرورك
تحياتي وتقديري
**********************************************
ايمان الطاهر

حمد الله على السلامه
اشكرك كثيرا لوجودك
طبعا فاكراكى

شرفتينى
**************************************************
شفقه هانم واحسان بك

اهلا بيكم نورتونى
شكرا جدا على مروروكم
تحياتى

رحــــيـل said...

زنوووبا

اهلا بيكي شككككرا جدا لكلامك
حالةالحزن اكيد بتعدى
زي اى حاجه بتعدي

تحياتى وتقديري
*****************************************
My fate

اهلا اهلا بيكي
نورتينى بجد

انتى فعلا كلامك صح الايام بتخفف كتير

شكرا لمرورك
تحياتى
***************************************************
عايش ولكن

اهلا علاء
شكرا على زيارتك ومرورك
ولكلماتك
اتمنى تكرار الزياره
تحياتى لك
**************************************************
دعاء موجهات

اهلا يادعاء
منورانى بجد
لامش تقلقى بكهر يبقى فراق فيزيائى وكميائى

شكرا جدا على زيارتك
************************************************
سهر

بل الاروع من البوست
كلماتك عزيزتى
احسستها بشده

شكرا لكى كثيرا جدا جدا
تحياتى وحبى

رحــــيـل said...

موناليزا

اتمنى ذلك

وانتى طيبه وبالف خير

يارب يكون خير على الجميع
تحياتى لكى
***************************************************
Mohamed ghalia

شكرا لمرورك
وانتى طيب وبالف خير

تحياتى لك
كاتب مصرى

اهلا بيك مره اخرى
طيب هنستناك بعد رمضان ان شاء الله
وجديدى غالبا بعد رمضان برده

تحياتى
************************************************
كاميليا

الف حمد لله علىا لسلامه
يارب تكونى بخير
كامى دائما تشعرى بما وراء الكلمات

لابد للسطر الاخير ان يكتب يوما

تحياتى وخالص حبى لكى دوما
************************************************
المحارب المتيم

عرفه
حاله وهتعدى
اكيد هتعدى
شكرا جدا جدا لكلامك

ربنا يخليك يارب

رحــــيـل said...

محمد الهادي غنيم

اهلا بيك يافندم
احييك بشده على كلماتك
وشكرا على زيارتك ومرورك

تحياتى لك
******************************************************
ولاء

اهلا بمرورك عزيزتى
لا مفر انها الحياه هكذا
بذكرياتها والامها
دومت بكل خير
شكرا لكى مرورك
*****************************************************
ايمن بدر

اهلاااااااااااااااااااا
اصدق يعنى مش مجاملة ؟؟؟؟؟؟؟؟
هههههههههههههههههه
مالك انت باللى اتقال واللي متقلش
مش جايز اصلا متقلش اى حاجه
وان البوست ده مجرد خيييال
وانت اصلا مقرتش حاجه
دئ تهيؤات يابنى
هههههههههههههههههه
******************************************
سامح باشا

ياسامح غالبا مفيش رجاله بتحس
وش بيطلع لسانه
ههههههههههههههههه
لالالالا بلاش تهور شكلك عايز زماره رقبتى انا بس احنا قرايب هصعب عليك وكده
منور ياسامح

Sara said...

*********************
تذكرت وعدك بأنك لن تتركني
وها أنا اختم بكلماتي قصتنا وحدي
كما بدأتها بكلماتي
وليس معي
سوى ذكرى كاذبة
ماذا سأكتب ؟
لا ادري
لكنني أحببت
أن أهديك بعض ألم الكلمات
علها تصلك بصدق
لم تحسه أنت في كلماتي السابقة لك
***********************



أحب الأول أحيي فيكي الموهبة لاني اول مرة اخش مدونتك وشدني قوي البوست ده
والفقرة اللى اقتسبتها دي بالنسبة لي احلى واحدة كلامك سهل من غير كلاكيع لكن بيبان فيه موهبةكبيرة
تحياتي