Wednesday, October 1, 2008

صورنا القديمة


مسكت صورنا القديمة

وإحنا صغيرين

لقيت الضحكة صافيه

والقلب مش حزين

والحلم لسه طالع

ضايع منه الأنين

وبالنا لسه رايق

مصابوش حزن السنين

وملامحنا بجد صادقة

مفيهاش خوف وحُرقة

وعيونا فيها لمعة

لمعة براءة وفرحة

و شوق لبكره

مستنينوا بكل لهفة

مهو احنا طبعا

فاكرينوا احلى

وجه بكره

وغيروا عدى

ومسكت صورنا القديمة

لاقيتنا مش إحنا
********************
البوست ده من شهر 5 اللى فات

50 comments:

دمعاتي said...

سأحاول جاهدا ان ارى الجانب المشرق من البوست.
اولا لا استطيع انكار سلاسته ورقة كلماته..
ثانيا بالفعل ونحن صغار كنا مختلفين . لاننا كنا أصغر :)
كنا متفائلين سعداء . وهذا هو الطبيعي .. فلا منطق في وجود طفل يائس او مكتئب .. او يكره الحياه او لا يريد مستقبل
بالعكس الطفل تملؤه سعاده ربانيه وحب للحياه
يظهر هذا كما اوضحتي في نظرة العين والضحكه الصافيه و البال الرايق
والان بداخل كل منا في الاعماق يوجد هذ الطفل الصغير الحالم .. ولكنه الان اكثر نضجا واكثر خبره وربما اكثر حكمه.
فهذا ليس تحولا للعكس بل تطورا وارتقاء وتماشي مع طبيعة ما يعشيه
فهنيئا لك بالطفلة التي كانت تعيش بداخلك يوما ما .. ولا تحزني فهي مازالت موجوده وحتى لو في الاعماق.

خالص تحياتي

رئيس جمهوريه نفسى said...

كل سنة وانتى طيبة يا رحيل يمكن لاننا لما بنكبر بتتوة ملامحنا
يمكن على راى على الحجار
وليل تبارحنا جارحنا
نتوة فى زحمة العالم
منلقاش نفسنا مالم
لروحنا نعود
ونبقى احنا
كتير لما بمسك صور القديمة بتوة وبدور على محمود بحس انة مات مع السنين
عيدك سعيد وفك الكئابة دى بقاء

رئيس جمهوريه نفسى said...

شوفتى على تعليقى اديكى شيلتى المورديشن :D

حسن حنفى said...

كل سنه وانتي طيبه يارب

بس احنا بادينا ممكن نخلي بكره احسن

وان شاء الله بكره يبقي احسن يارب

كل عام وانتم بخير

ghoneem said...

اهلا بيكي

كل سنة وانت بخير وعيد سعيد

ربنا يتقبل منا ومنك

مروري لشكرك علي سؤالك وللتهنئة بالعيد ولنا زيارة أخري ان شاء الله

تحياتي

بالتوفيق...........

حسن حنفى said...

من الحق انا ال4 سنين بتوعي ضاعوا تاني وانا عاوزهم مش ليا دعوه

:((

هاخد منك اريعه غيرهم عيديه بقي

:d

صوت من مصر said...

عارفه احلى حاجه وانا صغير مكنتش بيهمنى بكره ؟
ولا حتى بفكر
كنت عامل زى خنزيرصغير عايش ياكل وخلاص لكن التفكير يجعلنى انسان لدى قيمه افكربها
بوست هايل

زُمُرده said...

اولا



اولا............كل سنه وانت طيبه وبخير ويارب تحققي كل احلامك
وكل عيد وانت سعيده ووكل حبايبك حواليك
يااااااارب

------------
يعني ايه البوست ده من شهر 5
بتهددينا بقى ولا ايه
برضه حزين
بس صادق
وجمييييييييييييل
كتير بمسك الصور وافتكر وافكر
ممكن براءه الطفوله وراجه البال ترجع تان؟؟؟؟؟؟؟؟

بوسنك بجد جميييل
عارفه ساعات دلوقتي لما اتصور ومتعجبنيش صوره اخليها اقول بكره هتجي ايام نص الابتسامه اللي ف الصوره دي يمكن مقدرش الاقيها

دماغ بايظظظظظه
سلام
على فكره
فرحت موووووووووووت انك جيتي دقتي كحكي واخدت العديه
:)

فى القلب said...

كلنا شركاء البراه والضحكه الصافيه
وكلنا شركاء محاولات الأخرين تلويث أعماقنا وقتل برأتنا

أتسأل أحياناً ألى متى ستظل المقاومه
ربنا معنا

منى said...

تعرفى يا ساره
والله من فتره قريبه كنت بشوف الصور القديمه وحسيت نفس الاحساس ده

طبعا مترجمتوش بكلمات رقيقه زيك كده

بس قلت يااااه احنا اتغيرنا اوى
كل سنه وانتى طيبه وبكل خير ويارب ترجع الابتسامه تانى
تحياتى

رحــــيـل said...

دمعاتى

اهلا سامح
هههه على اساس ان فى جانب مشرق؟
شوف ياسامح كل يوم بيعدى الطفل الطفل اللى جوانا بيموت حبه بحبه
الدنيا ومشاكلها وصدمتها
كل ده بتخلينا حد تاني غير اللى كناااا زمان

شكرا لمرورك ولكلماتك
***********************************************
رئيس جمهورية نفسه

محمود باشا ازيك
وانت طيب يامحمود

انا بحب على الحجار فى اغانى ليه بجد ملهاش حل

افك الكابه؟
هههه
انا خايفه عليكم تدخلوا تلاقو بوست مش كئيب تقولوا انكم غلطو فى العنوان

منور يامحمود
**********************************************
حسن حنفى

اهلا حسن كل سنه وانت طيب

خليك متفائل ده المهم

اه على الفكره انا هبعتلك الاربع سنين بتوعك
هههههههه
واخلينى عشرين سنه بس

تحياتى لك
*************************************************
غنيم

اهلا اهلا اهلا يادكتور
عودا حميدا ياافندم
يارب يكون عيد سعيد عليك

فى انتظارك تانى

شرفتنى

رحــــيـل said...

صوت من مصر

اهلا محمد
كل سنه وانت طيب
بنتغير كل يوم
وكل لحظه

بس ياريت نكون بنتغير للاحسن
منوووووووورنى
**********************************************
زمردة

حبيبتى كل سنه وانتى طيبه وبخير دايما
شكرا جدا ليكى ولوجودك دايما

اه خدت عديتى وكلت الكحك
وش بيغمز

تسلمى ياقمره
******************************************
فى القلب

كلنا شركاء البراه والضحكه الصافيه
وكلنا شركاء محاولات الأخرين تلويث أعماقنا وقتل برأتنا


معكى كل الحق

شكرا جدا لمرورك ولتعليقك
******************************************
منى

اهلا منى
كل سنه اونتى بخير

انا فعلا كل لما بص فى الصور احس بنفس الاحساس ده
كانى مش انا وصفاء غريب جدا مبقاش موجود

نورتينى

كاتب مصري said...

البوست ده حقه يتسمى بين اليأس والأمل..أمل الطفولة العذبة ويأس الحياة المرة
عشان أعرف اعلق لازم أجيب لمبة أحطها ع الكلام عشان ينور شوية بدل كتلة الألم الي فيه مع انه في بدايته فرحة وبهجة لكن نهايته أطاحت بالفرحة دي وغيبتها وراء السنين
أحيانا بجد والله بأسأل نفسي هو انا لما كنت طفل هو انا اللوقتي ع فكرة الجواب لأ أيوة والله لأ هو مش عشان الجسم هو نفسه والهيكل يدوب كبر يبقى أنا هو أنا..لا دي كل حاجة جوايا وفيا اتغيرت حتى دمي وجلدي اتغيروا يجي آلاف المرات يبقى ازاي أفكارنا وعقولنا وقلوبنا واحساساتنا متتغيرش
عودا حميدا أختي الكريمة وأتمنى ان يدوم التواصل بيننا
كل ودي ومعذرة ع الإطالة

حمامة said...

وجه بكره

وغيروا عدى

ومسكت صورنا القديمة

لاقيتنا مش إحنا


حتى لو مبسطوين برضه
بتلاقى ف عنينا حزن
الزمن بيعجزنا بدرى
اطفال دلوقتى وبتلاقيهم عواجيز

كل سنة وانتى طيبة
مش بتيجى ليه يا وحشة :)

rovy said...

كل عام وانتى بخير

عيد سعيد عليكى و علي كل احبابك و كل الأمه

اطيب امنياتى

حزينه said...

قصدك جرحنا القديم
كل ذكرى من زمان بتجرح فينا
وبتزود الالام
احنا مش احنا و
ضحكتنا راحت
واحلامنا اتمحت
بقينا شويه دموع على انين مكتوم
واه من زمان
واه من الذكرى



حزينه

حاتم عرفه said...

لسه بكرة هانكبر أكتر

ومازلنا دلوقتى أصغر

دى الحاجة الوحيدة اللى نقدر نتمسك بيها دلوقتى ...

تحياتي لكلماتك الرقيقة

wessam kabil said...

جميل جدا يا سمسم

رقيقة قوى بجد

يارب حد يقدر كل الرقة دي

بس على فكرة الكلام متلحن جدا ممكن تكون اغنية

DayDreaming said...

اول ما شوفت العنوان توقعت انك كاتبه عن الصوره دي

كنت لسه مسكاها امبارح

فاكره؟

الازهرى said...

صديقتى العزيزة


صورنا زمان كانت فرحة
نفكر فيها من تانى وتتودع
بدمع العين
بتحكى الأيام الحلوة
وتجلى القلب من الوحشة
ونتحسر هترجع فين
احلامنا كانت هايلة
همومنا كانت خافية
وعدى سنين
لا الشفة بقت باسمة
ولا القلب بقى بقى يضحك
وادينا عايشين



تحياتى وكل سنة وانت طيبة

بيكر(baker) said...

معبر اوى اوى
تحياتى لكلماتك
و كل سنه و انتى طيبة

سنووايت said...

اجمل ما ي صورنا القديمة انها بتذكرنا بأشياء غالبا ما بتكون جميلة
بس حتي لو رحلت افتكرني ان هييجي وقت هتبقي صورتك دلوقتي صورة برده قديمة وهتحسي انك اصبحتي مختلفة وهتتكرر القصيدة من تاني
احنا مش بناخد بالنا مننا غير لما بنبص في الصور

دايما كلماتك رقيقة وجميلة
كل سنة وانتي طيبة وبخير ودايما مبدعه

romansy said...

كل سنه وانتى طيبه
بجد والله كلامك جميل وبسيط تسلم ايدك
لقيت الضحكه صافيه
والقلب مش حزين
روعه
مدونتك رائعه

احساس لسه حى said...

عزيزتى
كل سنه وانتى طيبه وعيد سعيد

عارفه الموضوع ده جميل اوى

وانتى فكرتينى باحساسى لما بشوف صورى القدينة وانا طفل

هتخلينا اكتب عنه يوم اكيد

اكيد كل ما بنكبر حملنا بيزيد وبشوف بلاوى كتيرة توجعنا ونشوف اوجاع الناس

وزى ما قولتى فى الاخر


ومسكت صورنا القديمة

لاقيتنا مش إحنا

ما بقنا احنا

تحياتى
سلام

كراكيب said...

بصي انا مش قادرة اقولك حبيت البوست ده قد ايه
علشان انا كل ما اطلع البوماتي بتاعت زمان واحاول اكتب عن الفرق الفظيع الشنيع مابين زمان ودلوقتي
ازاي كنا مبسوطين بنضحك مش شايلين هم حاجة ودلوقتي مدايقين ومخنوقين وشايلين هم كل حاجة... افضل اشخبط اشخبط وما اوصلش لشوية كلام مترتب في الاخر

انتي حد هايل بجد

miro el niro kwaniro

kafrawy said...

و مسكت صورنا القديمه






رائع



تحياتى يا افندم

ريم said...

جميلة قوي قوي
عارفة
انا كمان ساعات بحس بنفس الحاجة لما بشوف صوري و انا صغيرة
او اسمع الشرايط اللي كنت مسجلاها
ساعات بعيط هههههه
دمعتين كده ولا حاجة
..
بحس انه ياه قد ايه كنت نقية و جميلة و كلي بساطة و براءة
و قد ايه في كتير من ده اتشوه و اختفى مع مرور الايام
..
بجد كلماتك حلوة قوي
و استمتعت جدا بقراءة ما كتبت
تحياتي
و كل سنة و انت طيبة
و ينعاد عليكي و انت اجمل و ارق و انقى
:)

المحارب المتيم said...

سارة

انا شايف ان بكرة احلى طبعا

بس حاولوا وهنحاول معاكم

بس انتى مين فيهم

اقصد التلات بنات الحلوين اللى فى الصورة

ولا بتضحكى علينا وحاطة صور ناس تاننين

ههههههههههه

طبعا هتكونى احلى منهم

سلاموزز

funckydoctor said...

فعلا ماكناش زى كده ولا الحال هو الحال ولا شايلين أى هم ربنا يتوب علينا
بجد دايما بقول نفسى أرجع طفل

موناليزا said...

فكرتينى باغنية هشام عباس
زمان وانا صغير كنت بحلم ابقى كبير
ولما كبرت قلت ياريت لا كنت حلمت ولا تمنيت

قهوة بالفانيليا - شيماء علي said...

اه من الصور القديمة يا رحيل
انا كل ما امسك الصور القديمة
افتكر احلامي و انا صغيرة
اني اكبر و ابقى و ابقى و ابقى
في جزء كبير منها اتحقق
بس كمية السعادة اللي كنت متخيلاها مش هي خالص!!!!!
غير ان البراءة اختفت من جوة الناس ..!!
كنت افكرة هاكبر هلاقي الناس زي ماهمة لما كانوا اطفال !!
البوست رجعني انا كمان يا سارة :)

mostafa rayan said...

كلنا انتي في البوست دة
كلنا مش احنا

Sherif said...

طبيعى ان نختلف

من احلام جميلة بريئة ونحن صغار ..

فنكبر .. ويبدأ التنازل شيئا فشيئا .. وانت صغير تود لو كنت فنانا او مذيعا مشهورا .. و حتى رئيس جمهورية .. فالاحلام هى الحق المجانى الوجيد لكل واحد

وحينما يستمر بك العمر .. تتمنى فى النهاية .. طب وظيفة فى اى مكان .. والستر يارب

لكن تظل بداخلنا تلك الطفولة الجميلة وروحها .. وهنا لانفقد شيئا .. لان الثروة الحقيقية .. والانجاز الحقيقى .. هو جب الناس .. والدفء بهم ومعهم

ناس كثيرون رفضوا الغربة بكل مافيها من اجل ذلك .. انا واحد منهم

ناس كثيرة رفضت مراكز لانها تحرمهم من اولادهم ..

اذن .. نحن اختلفنا من الخارج فقط .. اما الداخل فهو هو

اما كل الحياة والدنيا فقد اختصرت فى كلام الله عز وجل

لكى لاتأسوا على مافاتكم ولاتفرحوا "
"بما اتاكم

كونى كما انت .. فما انقى الطفولة

مقتطفات من حياة فتاة said...

البوست جميل جدا
انا اول مرة اخش عندك ويريت تزوريني عشان انا محتاجة دعم عشان اكمل

Anonymous said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية :

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

أحسن تـستاهـل said...

:(

:(

:(

حلوة،، حلوة وربنا حلوة
لأ اوعي بأه احسن قلبتي عليا مواجع كتير
:(

رحيل.. كل سنة وانتي كويسة مبدعة بتكتبي وبتقولي اللي جواكي يا جميل
كل سنة وانتي زي العسل

مها ميهوووو

محمد عبد الباسط said...

والله موضوع رائع
مش عارف فكرتينى حضرتك بالمقولة اللى بتقول
تمتع بالسئ فالاسوأ قادم

لعل الله ان يفرج عنا ما نحن فيه
ودامت ايامكم عامره بالسعادة والمرح
تقبلونى زائرا لمدونتكم وتحياتى لكم

حلم كبير

سنيور محمد بدر said...

كلمات شاعر يحرك الكلمات كما يريد وله من الاسلوب رقة وعذوبة
ادعوك لزيارة مدونتي

علاء سالم said...

السلام عليكم

إزيك يا رحيل

البوست المرادي خطيييييير وفوق العادة
كلمات جميله بجد ومعاني صادقة وخارجه من القلب

وأجمل ما فيه آخرة وفكرة التغير اللي بيحصلنا مع مرور الزمن

تسنيم حسين said...

السلام عليكم

فعلا واحنا صغيرين ماكناش شيلين همّ حاجه
بس لما كبرنا قولنا ياريتنا كنا صغيرين
مفيش حد عجبه حاله الصغير عايز يكبر والكبير عايز يصغر ....ربنا يهدينا جميعا ونعرف فعلا ان لكل سن مسؤليه مختلفه....ويارب يعنا جميعا

والسلام عليكم

L.G. said...

عجبني نظم الكلام وكذلك الفكرة أحيانا برضه اطلع صور قديمة واشوف علاقات بين الناس كانت جميلة بس بحمد ربنا اني شفتلي يومين حلوين

MKSARAT SAYED SAAD said...

رحيل
كل سنة وانت طيبة
واحنا صغيرين يااااه اكيد كانت راحه البال اهدي بكتير
لكن لك لوقت اذان ولكل وقت حلاوته
دمتى بكل ود
سيد سعد

رحــــيـل said...

كاتب مصرى

ههههههه بقى كده انا طلامى ضلمه وعايز لمبه تنور
شووووووووووووكراااا
فعلا كل يوم بيتغير حاجات كتير جوانا كتير
لدرجة انى اوقات بستغرب لنفسى

لاداعي للاعتذار على الاطالة المدونة مدونتك

تحياتى وشكرا لك
************************************************************
حمامة

حتى لو مبسطوين برضه
بتلاقى ف عنينا حزن

صدقتى ياعزيزتى دايما فى حزن هوتركمات السنين

اسفه على التقصير ومبروووك على الخطوبه ياقمر
*************************************************
Rovy

كل سنه وانتى بالف خير

شكرا لمرورك

تحياتى
****************************************************
حزينه

نأمل جميعا ان تنتهي احزاننا يوما

مجرد امل نحيي عليه

شكرا ليكي
تعليقكك ومرورك
**********************************************
حاتم عرفه

اهلا حاتم ازيك

فعلا فى حاجات محتاجين نتمسك بيها
عشان متهوش منا

تحياتى لك وتقديرى

رحــــيـل said...

وسام قابيل

اهلا وسام ازيك

مرسى جدا ليكى ولتشجيعك
ربنا يخليكى يارب
***************************************
Daydreaming

ياااه مرمر معقول شوفتك هنا تانى
اخيرا هههههههههههههههه
وانا كنت عارفه انك اول متقرى البوست ده هتيجى فى بالك الصوره دى ههههههه
اه بس على فكره مش احنا اللى فى الصوره ياجماعه بس مصورين صورها زيها زمان
هههههههههههههه
*******************************************************
الازهري

شكرا كثيرا
لمرورك ولكلماتك

تحياتى
***********************************************8
بيكر

اهلا بيك

شكرا لك

تحياتى
************************************************8
سنووايت

اهلا اهلا ياقمر

نورتينى

شكرا لك
*****************************************************
رومانسي

وانت طيب رومانسي
شكرا جدا ليك

تحياتى

رحــــيـل said...

احساس لسه حى

وانت طيب ياحسام
ههه
تقريبا كل الناس عندها نفس الاحساس

شكرا ليك مرورك وتعليقك

تحياتى لك
*************************************************
كراكيب

ميرو ميرو
ازييييييييييييك
المهم انك بتشخبطى وتطلعى احساس جواكى

هو ده المهم

مرسى ليكى كلامك
ربنا يخليكى
****************************************************
كفرووواى


اهلا بيك


وشكرا ليك

تحياتى لك
**********************************************8
ريم

اهلا ريما ازيك

احساس مشترك للجميع
ان مع الايام احنا مش بنبقى احنا

شكرا ليكى
******************************************8
المحارب المتيم

اهلا عرفه
ههههههههههه

هى لينا صور زمان بنفس الطريقه

بس مش صورنا دووول

شكرا ليك
*****************************************
فانكى دكتور

كلنا نفسنا نرجع اطفال

ربنا معاك ويعدى امتحاناتك على خير

تحياتى

رحــــيـل said...

موناليزا
اهلا اهلا
تصدقى كان المفروض انزلها مع البوست ده

ماشيه مع الكلمات فعلا

نورتينى ياقمر
*********************************************8
شيماء على / قهوة بالفانيليا

انا كمان بفضل افتكر احلامى واتحسر عليها

اصلى مش لاقيه منها حاجه

منورانى ياشياء

شكرا ليكى
*******************************************88
مصطفى ريان

اهلا بيك

شكرا لك
*******************************************
استاذ شريف

اهلا بحضرتك
دائما تعليقك متميرز
يعطينى املا وتفاؤلا فى الغد

فحضرتك من الشخصيات االرائعه حقا

لك منى كل التقدير والاحترام
****************************************************
مقتطفات من حياه فتاة

اهلا بيكى
شكرا جدا لمرورك

****************************************************8
احسن تستاهل

مها ميهوووو اسفه انى قلبت عليمكى المواجع بجد

ربنا يخليكى ليه ةوكل ايامك تكون هنا يارب

تحياتى وحبى

رحــــيـل said...

محمد عبد الباسط

اهلا بيك
انا اول مره اسمع المقوله دى بس عجبتنى
تمتع بالاسوأ فالاسوأ قادم

شكرا لمرورك ياافندم

تحياتى
**********************************************
سنيور محمد بدر

اهلا بيك يامحمد

شكرا ليك بجد

تحياتى
*********************************************
علاء سالم

وعليكم السلام

اهلا اهلا بشاعرنا الكبير جدا علاء باشا
شكرا جدا جدا دى شهاده اعتز بيها لما تقولى على بوست جميل
بس يارب متكونش مجامله هههههههههههههههههههههههههههه
منور ياعلاء
*****************************************
تسنيم حسن

وعليكم السلام
لكل سن مسئوليه فعلا
هى تقريبا المسئوليه السبب فى ان همومنا زادت
وحزننا بقى واضح

شكرا تسنيم
******************************************8
l.g

ال جى وحشاااانى بجد
الحمد لله انى شوفتلى يومين حلوين
ههههه يعنى احاول اتبت فى اى يومين الايامدى
عشان احلف بيهم بعد كده
ههههههههههههههههههههههههههه
منووووووووووره
***********************************************
مكسرات سيد سعد

اهلا اهلا
وانت طيب ياسيد

شكرا لك مرورك وتعليقك

تحياتى لك

kAn _ 7Lm said...

كل سنه وانتى طيبة

وعيد سعيد عليكى

ويارب السنه الجايه يكون احلى

تحياتى لكى

رجل من غمار الموالى said...

جميلة

قلب شاعره said...

فعلا صورنا القديمه كانوا فيها ناس تانين مش احنا .. كلامك جميل ومدونتك اجمل .. ان شاء الله ازورها دايما ...