Saturday, October 25, 2008

حب مكتمل

تحديــــــــــث
لقاء مدوني الدقهلية الخامس
يوم الخميس الموافق6-11-2008 الساعه الرابعة عصرا
فى مكتبة بوكس اند بينزل بمدينة المنصورة



ماذا دهاها اليوم لم تنظر لمرأتها بتعجب وكأنها تراها للمره الاولى
لمن هذا الوجه الملئ بالتجاعيد وهذا الشعر الابيض؟
هل لها هذا الوجه وتلك الشعيرات؟
تبتسم ابتسامة يملأها الحزن حين تتذكر فجأة انها هي
ولكنها لم تعد فتاة العشرينات الجميلة كما عهدت نفسها
فقط هى لم تنظر لنفسها منذ كثير كانت تهرب من تلك اللحظه كثيرا
فمازال احساسها البكر كما هو برائتها ونقائها
احلامها وانطلاقها حماسها وتطلعها لغد رائع وحبيب منتظر
اه والف اه من هذا الحبيب التي اضاعت عمرها فى البحث عنه
كم كانت تتمنى ان تجده كما حلمت ورسمته فى خيالها
هذا الفارس الشجاع الذي يأتي على فرسه الابيض ليحررها من أسرها
ذلك العاشق المجنون بها الذي يجتاز كل الحصون من اجل عيونها
ذلك الرجل الذي ستحل من اجله ضفائرها لينساب شعرها الرائع على ظهرها
وترتدى له فساتينها التي اخفتها من الاعداء
حينما احتلوا مدينتها ونهبوا اشيائها الصغيرة واسروها
سترتديها له ليرقصا معا فى الليلة الاولى للقائهما
الذي سيخلد قصة حبهما وانتظارهما الطويلة
كم كانت احلامها وردية ورائعة
قالوا لها
لن يأتي فارسك النبيل فهو لا وجود له فقد هو في خيالك انت
لم تستمع اليهم ولم تأبه باحاديثهم السخيفة
كانت على يقين انها ستقابله فهي تعلم انه حتما يبحث عنها
ويجوب الارض شرقاً وغرباً من اجل ان يجدها
ويحررها
ويأسرها هو
فلا تشعر معه الا بمزيد من الحرية فى حبه اللامنتهى
تدقق النظر اكثر فى مرأتها فلا ترى سوى ابتسامة اكثر حزنا والماً
مرت سنواتها وضاع عمرها وهي تبحث عن هذا الحب المكتمل
الذي يرضي جنونها وتجده كما تمنت وحلمت وارادت
وحدها بقيت مع بقايا احلام وسراب لوهمها التي طالما عاشت له
هل كان الجميع على حق حينما كانوا ينهروها بشده
حين رفضت كل من ارادوا تحريرها
من اجل هذا الفارس الذى لم يأتي يوماً
هل تاه عنها فى الحياة وضل طريقه اليها؟؟
ام انه لم يكن له وجود سوى فى خيالها كما كانو يقولون لها؟
هل اخطأت حين رفضتهم جميعا من اجل وهم كان فقط فى خيالها هي ؟
لكنها لا تشعر بندم الان فهي خَلقت من اجل فارسها المنتظر
لم تخلق لرجل غيره ولانها كانت تعلم
انها لن تعطي لرجل غيره ما ستعطيه له
ولن تعشق رجل كما عشقته
فضلت انتظارها وحيدة حتي يأتي اليها أو ترحل هي اليه
******************************
انا بعتذر بشدة عن عدم ردى على التعليقات
وعن تقصيري مع الجميع الفترة دي
سامحوووني
وشكرا ليكو ربنا يخليكو ليه

46 comments:

سلوى said...

تفتكري هي غلط ولا صح؟؟

تفتكري ندمت ؟؟

طيب وهتكمل لوحدها خلاص؟؟

الله يسامحك وجه متغاظ

:)

رحــــيـل said...

سلوى

بجد مش عارفه

بس تفتكرى كان ممكن تتقبل اى حد فى حياتها وخلاص وتعيش مع اى حد غير اللي رسمته فى خيالها
تفتكرى هتكون مرتاحه نفسيا

اعتقد صعب
ربنا يخليكى ليه

نهر الحب said...

اه تصدقى بخاف
اوى تكون دى قصتى بس شكلها كدة
سبحان الله عموما كل واحد لازم يعيش حسب قناعتة هو واللى مقدر له
تحياتى
قصة جميلة
وفقك الله


على فكرة لقاء بورسعيد يوم 14/11
يارب تقدرى تجى

mohamed ghalia said...

هل كان الجميع على حق حينما كانوا ينهروها بشده
حين رفضت كل من ارادوا تحريرها
من اجل هذا الفارس الذى لم يأتي يوماً
هل تاه عنها فى الحياة وضل طريقه اليها؟؟
ام انه لم يكن له وجود سوى فى خيالها كما كانو يقولون لها؟
هل اخطأت حين رفضتهم جميعا من اجل وهم كان فقط فى خيالها هي ؟
لكنها لا تشعر بندم الان فهي خَلقت من اجل فارسها المنتظر
لم تخلق لرجل غيره ولانها كانت تعلم
انها لن تعطي لرجل غيره ما ستعطيه له
ولن تعشق رجل كما عشقته
فضلت انتظارها وحيدة حتي يأتي اليها أو ترحل هي اليه
بس أكيد هتندم إنها سابت كل دول عشان مجرد فارس لايزيد عن كونه حلم
تحياتى
دمتى بود وفى سعادة

حسن حنفى said...

انا اعتقد انها صح وانها مهما حصل مش كانت هتدي حد قد الفارس ده طالما هي منتظراه بشغف يبقي هتظلم اي حد لو وافقت عليه غير هذا الفارس :)

واعتقد انه سياتي عاجلا ام اجلا لها

تحياتي

romansy said...

عزيزتى رحيل
دعى المراه تظهر مميزاتك فقط لا تظهر عيوبك فانتى تنتظرى فارسك ولكنه أت لا محاله قد يكون ضل الطريق كما قلتى
او قد يكون يحارب من اجلك وهل تعلمين؟
فهل تقبلى ان تعيشى تعيسه طوال عمرك
فانتظرى قليلا ولا تسمعى لمن يحاولواقتل احلامك وهل بقى لنا شئ غير الاحلام حتى يقتلوها
فلا تشعرى بالندم فانتى على صواب وسيثبت هذا الزمان فدعيه يكون هو الفيصل بينكم

كاميليا said...

مش عارفة ..

هى صح ولا لأ؟

لكن اللى أعرفه .. انها مش هتقدر تكمل وحدها .. ده أكيد

جميلة حروفك كعادتك يا سارة

كل الحب

momken said...

القصه حلوة

بس وضعها حير
اعتقد انها مينفعش تاخد اى حد وخلاص

تحياتى

kafrawy said...

فضلت الانتظار....................!

youma said...

نزعت كل الكلمات التي كانت قد ترددت في صدى صوتي وكنت اعتقد بأني سأعلق بها

ولكنها ضاعت في خضم هذا الشجن

هذا هو حالنا وليس حالها فقط

إلى أن يأتي

وقد عسر مجيئه
وطال انتظاره

محبتي لكِ

جوجو said...

السلام عليكم

اهلا ازيك ياسارة
ازاى تنزلى بوست من غير ما اقرها قبل

ما ينزل مش اخوات احنا ولا ايه ههههههههههههههه
الا على النت
المهم نعلق بقى

هى فعلا غلطت جدااا انها عاشت فى وهم

والمفروض انها كانت تقبل لو كان حد كويس بس ايه كل الصفات دى فارس

دا انا مكنتش اعرف انك بتكتبى قصص قصيره

سلااااااااام

رحــــيـل said...

نهر الحب

اهلا نوسه منوره
فعلا لازم كل واحد يعيش حسب قناعاته هو

شكرا جدا لمرورك

واكيد ان شاء الله هاجى يوم لقاء بورسعيد
تحياتى
_________________________________________
Mohamed ghalia

اهلا محمد
وليه ميكونش حقيقه هى مستنياها؟

الله اعلم

شكرا لمرورك وتعليقك
تحياتى
___________________________________________
حسن حنفي

حسن باشا ازيك

هى فعلا هتظلم اى حد غيره
يبقى تستنى احسن
هههههههههه

شكرا ليك كتييييييييير
منور
___________________________________________
رومانسي

حقا هل بقى لنا سوى الاحلام
لم يعد لدينا سواها

شكرا كثيرا جدا على تعليقك
تحياتي
_________________________________________
كامليا

احلى كامليا منوره ياقمر

وانا كمان ياكامى عارفه بجد
اكيد كل حاجه وليها نهايه اى ان كانت

ربنا يخليكى يارب
__________________________________________
ممكن

شكرا ليك ولتعليقك
فعلا وضعها حير جدا

نورتنى ياافندم
__________________________________________
كفراوى


اه فضلت الانتظار
بينها مجنونه بقى

شكرا لوجودك الدائم
_____________________________________
يوما حبيبة قلبي

هذا هو حالنا وليس حالها فقط

انتى جيبتى من الاخر

تسلمى ليا دايما
___________________________________________
جوجو

وعليكم السلام
انتى يابت تجرى على مدونتك
هو انا المفروض استأذن قبل انزل بوست
طيب اصبرى عليه ياجوجو
روحى ذاكرى يالا جووووو

وشوفى مين هيذاكرلك كميا بعد كدا

عـــفـــراء said...

السلام عليكم
اهلا اهلا يارحيل ازيك
عارفة انى وحشتك هههههههه
حب مكتمل ....
تفتكرى اية هو الحب المكتمل من وجهة نظرنا !!
هل بتختلف كتير عن اللى فى القصة
ممكن تكون صح لانها بتحاول ماتظلمش قلبها او قلب غيرها
وممكن تكون هية غلط لان اهواء النفس او القلب بتكون اقوى من اى عقل
لية مش بتعطى لنفسها الفرصة تحاول تجرب
مش يمكن يكون ده افضل بكتير من اللى جواها
مش عارفة بجد تخيل صعب واحساس مميت
بس ماتنسيش فى النهاية انها عاشت اللحظة
تفتكرى اية بعد اللحظة ...
امممممممم
يكفيها شرف المحاولة .....

مش هقدر اقول
غير قدر ونصيب من الله ولاباالشعر الابيض ولا بتجاعيد الوش
ولا بالاهواء ولا بالميول
يعنى لن تبقى الحيرة ......
ولن تدووم الاهواء....
ويبقى فى النهاية قدر الرحمن
حلو اوى على فكرة وفهمت كدة معنى العنوان
تحياتى ...

حنين.. said...

......... عارفه
القصه جايه على الجرح
والله انا بحب كتاباتك اوى على رحيل
اووووووووووووى
بس تفتكرى هى ماندمتش

وازاى هتقدر تكمل وحدها؟
ازاى؟
رحيل القصه دى وجعتنى اوى
تسلم ايديكى
دمتى سالمه

حاتم عرفه said...

البني آدم مننا بيتولد نص..
ويفضل يدور على النص التاني بتاعه كتيييييييير
هو وحظه بقى يلاقيه متأخر يلاقيه بسرعة
يتكعبل فى السكة فى تمناية ولا ربعاية
ومين عارف يمكن يلاقي حاجة تلات إربع..
ماتمشيش معاه..
وممكن برضه يلاقي نص.. بس تبع نص تانى..
المهم ان الواحد لغاية ما يلاقي النص بتاعه هو..
لازم يكون اكمل نصه الشخصي (ذاته) كويس
ولما يوصل لنصفه الثاني هايعرف انه كان يستاهل التعب والانتظار ده كله

تحياتي لكلماتك الرقيقة

دنيتى الجميله said...

انتى ليه دايما بتحيرينى
وليه دايما بتعيشينى معاكى بكل وجدانى لما بقرألك قصة
هو انا هفضل كده على طول شايله همك ولا ايه
هههههههههههه
بوست جميل يا سارة
ورائع

Mahmoud farag said...

من رأيي انها غلطت جدا انها فضلت تنتظر فارس احلام خيالها

كل واحد مننا يتطلع في طرف اخر كامل والكمال لله و حده

تقبلي مروري و يسرني التواصل

Mohammed said...

السلام عليكم ورحمة الله وبركاته
رحيل أو سارة
كلماتك نحمل الكثير والكثير من المعاني
ربما يعيش الإنسان رحله طويلة باحثا عن الأمال العظيمة
ربما يضحي بالعديد من متع الحياة
ربما لا يقنع دائما
وذلك لأنه لا يريد ان يواجه الواقع وشكرا

Mohammed said...

إننا لا نشعر بقيم الأشياء إلا حينما نشارك في صنعها ولا ندرك قيم الأحاسيس إلا حينما نحرم منها
الحياة لا تحوي الكمال المطلق والإنسان المجد هو الذي يصنع من الليمونة الملحة ليموناده لذيذة

موناليزا said...

ايه الغيبة دى كلها؟لعل المانع خير
اذيك ياحبيبتى وحشتينى
اما عن البوست فهو قرار منها احتاج الى تحدى وجرأة غير عادية

philosopher said...

The life sense and share pain and hope don't stay alone you have to share some one.

dandana said...

نعتاد الانتظار ويعتادنا
حتى نتخذه صديقا او بديلا عما انتظرناه

وعندما ننتبه للأمر
لفداحة الخطأ

يكون قد فات الاوان للتراجع

أسير الجراح said...

انا كل اللى اقدر اقولة



هى صح ولا غلط



بس اكيد حستنى الرد



كل الود




اسير الجراح

صوت من مصر said...

لايوجد حب ناقص الا فى حاله عدم رضى الطرفين
كلامى صح ؟

قطرات من شواطئ الحياة said...

أراها لم تخطئ
أن تعيش في انتظاره _و إن كان لن يأتي _ أهون عليها من أن تعيش مع فارس غيره

ساعات بنبقى عايزين حاجة أوي و ممكن الحاجة دي تضيع كتير من عمرنا و ماتتحققش بس بيفضل بردو عدم تحقيقها أفضل بكتير من الاستسلام لحاجة غيرها أقل منها


لم تخلق لرجل غيره ولانها كانت تعلم
انها لن تعطي لرجل غيره ما ستعطيه له
ولن تعشق رجل كما عشقته
فضلت انتظارها وحيدة حتي يأتي اليها أو ترحل هي اليه
نهاية رائعة و مقنعة جدا .. أحييكي

L.G. said...

ايه الكلام الكبير ده
الله يا ست .. البنات طبعا

ده طبعا استقراء للمستقبل الحقي نفسك بأه
الشعر الأبيض ده مشكلة والتجاعيد وعيد الميلاد مشكلة كبيييرة
سيبك أحاسيها بتعجز وحماسها بينطفي

عجبني قوي التعليقات مهمة وفي الصميم بجد
خاصة حسن حنفي وكاميليالالالا
حرام كل التعليقات الصراحة قوية جداً ومهمة
ده دليل ان الموضوع يمس كل واحد فينا

way 2 go ya basha :))

طب ما هو ده كلام بنات برضه مبتكتبيش كده ليه هناك !! هه
العنس وحش والجواز الغير موفق برضه وحش كل واحد بيختار المشكلة اللي يقدر يتعامل معاها حسب قدراته

عن نفسي رأيي انها غلطانة أكيد بس هو ده اللي قدرت تعمله في حياتها

تحياتي لكل التعليقات بجد
ولصاحبة الموضوع طبعا

dr.Roufy said...

حين رفضت كل من ارادوا تحريرها
من اجل هذا الفارس الذى لم يأتي يوماً
هل تاه عنها فى الحياة وضل طريقه اليها؟؟
ام انه لم يكن له وجود سوى فى خيالها كما كانو يقولون لها؟
هل اخطأت حين رفضتهم جميعا من اجل وهم كان فقط فى خيالها هي ؟
لكنها لا تشعر بندم الان فهي خَلقت من اجل فارسها المنتظر
لم تخلق لرجل غيره ولانها كانت تعلم
انها لن تعطي لرجل غيره ما ستعطيه له
ولن تعشق رجل كما عشقته
فضلت انتظارها وحيدة حتي يأتي اليها أو ترحل هي اليه

_______________________

هذا المقطع غاص في قلبي..بعمق
لأني أعرفه تماما..صديقتي الجميلة

دائما مبدعة يا سارة
:)

Beram ElMasry said...

عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل

ساعد نسرين الايمن said...

سارة

لا طبعا هي صح
مش ينفع تكمل مع حد تاني

في اسطورة اغريقةي بتقول ان ربنا لما بيخلق اتين لبعض
بيدي لكل حد فيهم طرف خيط
ودورهم هم انهم يفضلوا يشدوا في الخيط ده لغاية لما يوصلوا للطرف التاني
اللي بيكون في ايد النص التاني

نحو حب مكتمل
يا ليت ده يكون شعور الناس كله
مش ينفع نبيع نفسنا رخيض
او لاي حد وخلاص
الحياة مش هتبقي حلوة كده
وقتها سنكون محاصرين بالتعاسة
لذلك فانا اشد علي يدها ان تنظر
هناك دائما مهدي منتظر في حياة كلا منا

ربنا يخليكي ليه

دمتي
مختلفة

المحارب المتيم said...

سارة

اممممممممممممم


انا مش عارف هو الجو اللى وحش

ولا الزمن هو اللى وحش

بس ليه يبعدوكوا عننا

مستنين

Anonymous said...

أحب ولكن
أعيش
أضحي
أبحث
أخطئ
لا أريد
فكيف
ستستمر الحياة
دمتي طيبة
والهواء لا يحمل الأكسجين فقط ولكن بعض مكوناته تكون ضرورية للبقاء أيضا
وكذلك لن تجدي رجلا دون منغصات
كما أنه لا يوجد إمراة خالية من شتي العيوب
والحياة تستمر بالتعاون
وإنكار الذات

البحث عن أنا شىء جنونى said...

وقفت شاردا بين حرف وكلمات وسطور ... وامراة تحمل من العشق عالم لا تحيطه البحور

بل يحيطه لشوق والامل والاحلام .. روح هائه على ارضى نائية مقفرة ..
ايتها الجميلة الرقيقة .. كل ما احتله ايمانك واسلمت له جوانحك اعلمى انه ليس خيال .. فكيف ياتى الخيال ويحتل كل الاماكن بلا مبرر .. كونى انتى فيروزية كنتى او من احد الاساطير القديمة .. كونى كما ترسمين دائما فى عالمك الوحيد .. ولا تتوجعين .. فهناك ادم على فرسه الابيض .. ينتظر فى اراضى ليست ببعيدة .. فهل هرولتى برفق وسط الزحام .. بخطوات واثقه ابتعدى عن الزحام .. فهناك يكمن آدم .. ربما تتلاقى القلوب فى يوم برد احتله الظلام .. ولكنه سيكون نور ايامك :)

بحق اسلوبك دائما ما يجعلنى ابتسم انه ما زال هناك امراة تحمل ملامحك :)

رحــــيـل said...

عفراء

وعليكم السلام
وحشاكى ايه يابت اومال لو مكناش الايامدى يوميا فى وش بعض
طبعا وحشانى مهو انا مش بتلم عليكى نص ساعه على بعضها
ههههههههههههه
حلوه قوى يكفيها شرف المحاوله
مش عارفه اعيط ولا اضحك

كله فعلا قدر ومكتوب وقسمه ونصيب
ومحدش عارفه نصيبه فين

نورتينى
___________________________________________
حنين

اهلا اهلا ياقمورتى
ازيييييييييك
انا اسفه انى وجعتك بجد
حقك عليا

ربنا مايحرمنى من طلتك هنا ابدا
تسلمى
_________________________________________
حاتم عرفه

اهلا بيك
فعلا ياحاتم كل واحد وهو حظه بس فى رحلة بحثنا عن النص التانى بنتعب كتير
وبنحتار ونتوه ويانوصل يامنوصلش
عجبنى جدا ان كل واحد لازم يكمل نصه الشخصي

شكرا لمرورك وتعليقك
__________________________________________
دنيتى الجميله

اهلا اهلا ازيك وازى سهيلة
يارب تكونوا بخير

ربنا يخليكى ومايحرمنى منك
مش قصدى احيرك بس يمكن حيرتى وصلتك
معلش

تسلمى دايما من كل حيره وشر
_________________________________________
محمود فرج

اهلا بيك يامحمود
عارف التطلع مش للكمال ولكن فقط
لاحساس بالامان والراحه والاستقرار
تطلع لنصف اخر يكملها بحق

تحياتى لك وتقديرى
_______________________________________

رحــــيـل said...

محمد

وعليكم السلام ورحمة الله وبركاته
ياهلا ياهلا

وممكن يكون واجه الواقع ومقدرش يتأقلم معاه
حاول وفشل
احلامه هى الواقع بتاعه ودنيته كلها اللى نفسه يحققها حتى لو فشل

إننا لا نشعر بقيم الأشياء إلا حينما نشارك في صنعها ولا ندرك قيم الأحاسيس إلا حينما نحرم منها

هناك مشاعر لاتصنع فقط وجودها امرر تلقائى وطبيعى فأن لم توجد وحدها فلن نستطيع خلقها
انا ارى ان السعاده غايه لا تدرك فى عدم وجود طرف مكمل لها

طبعا انا اول ما شفت التعليق عرفت انت على طووووول نورتنى بجد

شكرا جدا لمرورك وتعليقك
_____________________________________________________
موناليزا

اسفه على الغيبه سامحونى بجد
وادعيلى كتير ربنا يهدينى للى فى الخير

شكرا جدا ليكى ولسؤالك
ربنا يخليكى
__________________________________________
Philosopher

اهلا بيك
قرار انى اكون لوحدى او مع غيرى مش قرارى
ده قسمه ونصيب ومكتوب محدش عارف مين هيلاقى نصيبه ومين هيكمل لوحده

شكرا على مرورك
_______________________________________
دندنا

يكون قد فات الاوان للتراجع
ومش جايز ناخد قرار عشان زهقنا من الانتظار
ويكون قرار غلط ونندم عليه
وقتها هيكون الانتظار افضل بكتير
نورتينى وشكرا جدا جدا لوجودك
____________________________________
اسير الجراح

تعرف محدش عارف هى صح ولا غلط
عارف ليه
عشان كل واحد بس يقدر يحدد اذا يقدر يكمل لوحده او لاء
مش حد غيره

شكرا لمرورك
__________________________________
صوت من مصر

اهلا محمد اخبارك ايه؟
كلامك صح
اى حب المفروض يكون مكتمل

تحياتى وتقديرى

رحــــيـل said...

قطرات من شاطئ الحياة

اهلا بيكى
انتى معاكى بجد حق فى كلامك
انا مقتنعه بيه جدا

انا اللى بحيكى بشده عليه
تحياتى وحبي
___________________________________________
ال جى

حبيبتى
ايون استقراء عارفه انتى طبعا
كل واحد بيختار المشكله اللى يقدر يتعامل معاها حسب قدراته
جمله فى الصميم يالولو
ملهاش حل يخرب عقلك بالظبط كده

مش اكيد انها غلطانه تفتكرى كانت هتكمل مع غيره فارساها ازاى
بتحبه هى اصلا من قبل مايجى لما تشوفه هتعرفه من التكه الاولى
قصدى النظره الاولى
هههههههههههههههههه
لولو وحشاااااااااااااااانى انتى وسلوى ولمتنا مع بعض هاااااا فين ايام زمان
__________________________________________
د/ روفى

اهلا روفى وحشانى
اسفه على تقصيرى معاكى

شكرا جدا على مرورك وعلى تشجيعك
__________________________________________
بيرم المصرى

اهلا بيك
شكرا لمرورك
________________________________________
ساعد نسرين الايمن

شكرا جدا على تعليقك وكلامك
نورتنى بجد جدا

انا ايضا فى انتظار مهدى المنتظر
شكرا على تشيجعك كثيرا

_________________________________________
المحارب المتيم

اهلا عرفه

ولا انا عارفه ايه المشكله
معلش على تقصيرى

ادعيلى شكرا جدا ليك
__________________________________________
غير معروف اللى معروف
ههه
اهلا بيك مره تانيه

دائما كلماتك تحمل معنى تجعلنى اعرفك حتى وان لم تكتب اسمك
الهواء لا يحمل الاكسوجين فقط ولكن يحمل بعض مكونات تكون ضروريه للبقاء ايضا
معك كل الحق

تحياتى لك وتقديرى
___________________________________________
البحث عن انا شئ جنوني

اهلا اهلا
عذرا لتقصرى معك

تعليقك وكلماتك اسعدتنى بشده
شهادة اكيد اعتز بيها

شكرا جدا لمرورك الرائع وتواجدك لدى
تحياتى

حاول تفتكرنى said...

اللحظات الصعبة كثيرة ، ولحظات الاحتيار اصعبها

وانتِ - وبكل سهولة - تختارِ حرف يعبر تعبيرا صادقا ، يحملنا لنا سهول أختيار المحاولات للحبث عن أنفسنا هنا

تحياتي

sendbad said...

احساس الانثي الدائم البحث عن فارس الاحلام النبيل الذي يحقق احلام المشاعر هي معركة بين احلام الشاعر ومتطلبات العصر المادي
وللاسف محدش هايقدر يعرف الاجابة بوست وكانه لغز الالغاز
تحياتي

Anonymous said...

الحياة تبدأ حينما يتخللها شعور بالحب يشبه السحر يجعلها تمتاز في ذات اللحظة عن جميع لحظات العمر
لك السعادة دائما

رحــــيـل said...

حاول تفتكرنى

عودا حميدا ياافندم
فعلا اصعب اللحظات لحظات الاختيار

شكرا جدا لمرورك وتعليقك

نورتنى جدا
________________________________________

سندباد

ياهلا ياهلا

عاش من شافك هنا

حقا معركه
بين احلام المشاعر ومتطلبات العصر المادى

ويظل من حق كل انثى انتظار فارس احلامها

شكرا جدا لمرورك
______________________________________________

غير معروف اللى برضه معروف
هههههههههه

شكرا جدا على مرورك الدائم

حينها فقط تبدأ الحياه بحق

تحياتى الشديد لك ولمعانى كلماتك

SAYED SAAD said...

رحيل
ازيك
رسمت في خيالها كيان معين مختلف عن كيانات اخري حرمها من تقبل فكرة انه يوجد قلوب اخري يمكن ان تؤتمن

عفوا على سؤالي هذا
هلى اختفاء مدونت من القائمة لديكي
عن قصد ام عن دون قصد

تحياتي
سيد سعد

mohamed ghalia said...

أختى العزيزة
ليكى تاج عندى ياريت تقبلية
تحياتى

الازهرى said...

صديقتى العزيزة

اهلا بك من جديد

يارب تكون اخر مرة

عاشق الورد said...

سلام عليكم اخت رحيل
طيب ممكن سؤال التجمع اللى بتعملوه فى المنصوره ده
بيتكلم عن ايه
انا حتكلم بصراحه
خليكوا معايا بصراحه
انا دخلت على الجروب فى الفيس بوك
بصراحه الصوره الموجوده للجروب نفسه ما عجبتنى
دا رايى

.:.-=- ELGaZaLy-=-.:. said...

القصه حلوة اوى الحبكة مظبوطة يعنى ...

والنهاية ...

مش عارف اعلق بجد

رحــــيـل said...

سيد سعد

اهلا بيك انا بخير
حقا انه الخيال الذى لا مفر منه فيقودنا دوما لجنون اكيد

اجابه سؤالك
اساسا المدونه موجوده بالطبع
مش مختفيه لا عن قصد ولا غير قصد

تحياتى لك
___________________________________________
Mohamed ghalia

أهلا بيك مرورك مره اخرى

شكرا كثيرا على التاج

__________________________________________
الازهرى

اهلا بيك

بس هى ايه دى اللى يارب تكون اخر مره
؟؟؟؟؟؟؟؟؟؟
مش فاهمه

شكرا لحضورك
___________________________________
عاشق الورد

اهلا بيك
التجمع ده ادبى ثقافى بيكون فى مناقشه للتدوينات المدونين اللى بيحضروا
او القاء وسماع بعض الاعمال الشعريه والادبيه

انا مش عارفه صوره ايه اللى مش عجبتك حضرتك هى ايه المشكله فيها؟؟
مش فامه حقيقى اعتقد ان هناك سوء تفاهم
________________________________________
الغزالي

اسعدنى مرورك ورايك كثيرا

دومت بكل ود وخير

تحياتى وتقديرى

الرحيل الاخير said...

الفارس قد يكون محلقا حولها وهى لاتراه بل قد يكون هو أحد الذين تظن أنهم يحاولون تحريرها منه وهو فى الواقع يريد أن يحررها من انتظارها له وليس منه فهو يحررها من كل شيئ حتى انتطارها له كى تكون أسيرة له وحده ولا لشئ اخر معه