Saturday, November 8, 2008

امرأة عربية

الكلمات التالية كانت ردا على قصيدة بعنوان
فتاة غريبة للمدون الشاعر علاء سالم
وارجو ان يغفر تقصيرى
فأنا وان كتبت ملايين الكلمات فلن اصل بأحروفى الضئيلة
الى كتاباته الرائعة فقط فليعتبرها ردا على موضوع القصيدة
تحياتى وتقديرى للمدون علاء سالم ولكل مايخطه قلمه
هل ترضى أن تهوى
امرأة مجنونة؟
تهوى بجنون
تعشق بجنون
تحزن بجنون
تتنقل بين الحلم وأخر
بجنون
فأنا امرأة عربية
من كتب العشق هربت
وفى أزمنة الحب خٌلقت
أنا امرأة عربية
ملهمة شعراء فاقوا الوصف
رسموا لى بيوتا بسن وحرف
أنا شهرزاد الليالي العربية
وسندريلا الحكاوي الليلية
وأنا ليلى وعبلة
ولأجلى قامت حروبا أبدية
فأنا امرأة عربية
سمراء اللون
سوداء العين
بدوية
في عيني يسكن صبري
وأمام رجلي اظهر ضعفي
لكنى في الأصل
امرأة قوية
ولاني امرأة عربية
اتهموني وقالوا حجرية
أولا يدرون
أنى مهد الحضارات
أو لا يدرون
أنى ربيت أجيالا و رجالا
تخطوا الصعوبات
اتهموني وقالوا
كالثلج باردة وغبية
أولا يدرون
أنى حين أحب
أحب لبعد الحب
وأنى حين اعشق
اعشق فوق حدود العشق
فانا امرأة
على درب الحب تسير
وبين سحب العشق تطير
انقش اسم المحبوب
فوق جدار القلب
ارسمه حلما بين ثنايا العقل
اغرسه أملا أحييا به في الأرض
ولاني امرأة عربية
فأنا وحدي دون نساء الكون
مات لأجلى رجالا
قبل الموت بسنوات
وقامت لأجلى حروبا
صارت تاريخا وأمجاد

42 comments:

حمامة said...

اعتقد اول تعليق
ولا ايه ؟

فأنا امرأة عربية
من كتب العشق هربت
وفى أزمنة الحب خٌلقت


باعتقادى .. على الأرض ما وجد أروع من المرأة العربية
تحب وتعشق وتحرق وتغضب وتحن وتهدهد وتحتضن وتصادق وترافق وتربي
بجنون العقل


جميلة اوى
بجد كلها جميلة جداً
ماشاء الله كل ما بتتقدمى
كل ما بتكتبي احلى واحلى :)

المحارب المتيم said...

سارة

أول تعليق

أحجزة وأرجع

أنا قريت فعلا بس علشان اول تعليق

المحارب المتيم said...

انا طبعا اقبل أن اهوى أمرأة عربية

ان كانت تعشق بهذا الشكل

ابداع لا يضاهيه روعة الا ما يحمله من معانى

والله أجد كلماتك تفوق كلمات عمرو بن ربيعة وكلمات نزار

نعم ليست لموسيقى متزنة دوما ولكنها موجودة

أولا يدرون
أنى حين أحب
أحب لبعد الحب
وأنى حين اعشق
اعشق فوق حدود العشق

سلم لنا قلمك

ليتنى أجد من تفعل ذلك معى

فأنا وحدي دون نساء الكون
مات لأجلى رجالا
قبل الموت بسنوات

تستحقين كل هذا واكثر منه

تحيتى

المحارب المتيم said...

سارة للمرة الثالثة

لم يرضينى ما كتبت قبلا

فما كتبته أنت رائع بحق

صور ولا أجمل

اخيلة ولا اروع

معنى ولا أشرف

لفظ ولا ارق

أحنى لك رأسى اجلالا

وأنزع لك القبعة

تقبلى هذه الملاحظة البسيطة

راجعى النص مرة ثانية
فهو يحتاج الى الاهتمام بموسيقاه هى موجودة الفعل ولكنها تفلت أحيانا
تحيتى

نعم

لقد نشرت قصيدة سارة

وأنتظر تعليقك

رحــــيـل said...

حمامه

ايون ياقمؤ اول تعليق
رينا يخليكى على مرورك

فعلا اعتقدها امرأه ذات طابع خاص جدا

تحب بجنون وتحتمل الى اخر عمرها

شكرا جدا جدا ليكى
____________________________________
المحارب المتيم
عرفه فاروق

مش عارفه اقولك ايه بجد

وش احمر مكسوف جدا جدا

بالنسبة للموسيقى اللى مش موزونه
جايز لانى لا احترف الكتابه ولا اخذها الا لمجرد البوح والفضفضه لا اهتم بها

فأنا اقول دائما اننى لا اكتب شعر ولا نثرا ولا زجلا

ولا احب ان اضع مأاكتبه تحت اى مسمى
فما اكتبه ليس سوى احرف وكلمات متراصه اجدنى بينها
واراها تعكسنى

شكرا جدا لملاحظتك جايز فى يوم اقدر اوصل انى اكتب بمهاره معينه وجايز لاء

شكرا لاهتمامك
انا قريت قصيده ساره على فكره طبعا
هعلق اكيد

تحياتى لك

Sherif said...

ومن الذى يملك الرفض

والسحر أبدا هو فى الشرق

أساطيرنا التى علمتهم كيف يعشقون .. كيف حتى يتناجون

فمن اراد الالتحاق يأتينا

لهذه الاسباب

نعم أقبل

lyssandra said...

ولاني مرأة عربية
فأنا وحدي دون نساء الكون
مات لأجلى رجالا
قبل الموت بسنوات
وقامت لأجلى حروبا
صارت تاريخا وأمجاد

=======

عجبني أوي المقطع ده

قوي ومعانيه كتيرة أوي

تحياتي

ودمتِ امرأة عربيه

رئيس جمهوريه نفسى said...

سارة حمد للة على السلامة بعد غيبة من البلوج سبوت دة اولا
ثانيا: مش حجامل لو قلت انى كتبتى واحدة من اروع ما خطتة اناملك او ما قراتة لك على وجة التحديد عبرتى عن نظرة الرجل للمراة العربية وما تظنة المراة العربية فى نفسها
عنوان جانبى ( انتى مبدعة عربية )

حسن حنفى said...

بسم الله ماشاء الله

موناليزا said...

حمدالله على السلامة
كنتى غايبة ليه؟
كلماتك جميلة وفيها تعريف حقيقى لكل امرأة عربية
دومتى بخير غاليتى

HAPPY said...

سارة
كلماتك من اجمل ما قرأت..


هل ترضى أن تهوى
امرأة مجنونة؟
تهوى بجنون
تعشق بجنون
تحزن بجنون
تتنقل بين الحلم وأخر
بجنون

دايما بيقولوا المرأة العربية بارده كالثلج و مش عارفه جابوا الفكرة دى منين بالظبط؟؟
ولكن ماذا عن المرأة الغربية؟؟

صوت من مصر said...

امراتى انا عربيه وام ابوها عربيه ؟
طموحى ليها ملوش حدود
جميل يا رحيل

أسير الجراح said...

رحيل


بجد ماشاء الله عليكى


كلمات الزمتنى الصمت


كل التقدير


اسير الجراح

Anonymous said...

السلام عليكم ورحمة الله وبركاته
سارة
هداك الله
وفقك
رعاك
إلي لقاء

كلام حسام said...

كتبت رد طويل جدا سيدتي وايضا حاولت مساجلتك لكن لم يوفقني الحظ حين اعتمدت الرد فيبدو ان مشكلة ما حدثت
...
كنت في حالة ملل شديدة اطالع بعض المدونات من هنا وهناك وكلما طالعت مدونة ضربني اليأس فأنا ابحث عن مواهب حقيقة اتعلم منها كيف أكون حقيقي مثلهم ووجدت مدونتك هذه فاعتدلت من جلستي وتحسمت لقراءة قصيدتك مرتين واحسست بها مرات ومرات
دمت بكل خير

راجى said...

حلوة يا سارة

اقصوصه said...

كلمات القصيده

قويه

معبره

وبسيطه

ابداع احييك عليه

سعدت بمروري من هنا :)

علاء سالم said...

السلام عليكم

إزيك يا سارة

بجد مش عارف أقول إيه
كانت مفاجئة حلوه بجد ليا لما لقيت الرد دا في مدونتك
كلماتك جميله جداً وراقية جداً والمعاني أجمل وأجمل
دا غير الصياغه اللي بجد أذهلتني من قوتها وتماسك بنيانها

انتي يا سارة كعادتك دايماً مبدعه ومتألقة
ودايماً بنتعلم من فكرك الراقي وكتاباتك المتميزة
ودا مش جديد عليكي

خالص تحياتي لقلمك المبدع

mohamed ghalia said...

فأنا امرأة عربية
من كتب العشق هربت
وفى أزمنة الحب خٌلقت
كلماتك رائعة
وإحساسك رائعة
تقبلى تحياتى
ليكى تاج عندى بس تاج مختلف
دمتى بود وفى سعادة

youma said...

بجـــد بجد

حلو قوي ردك عليه

قصيدة رائعة جدا

حملت كل المعاني التي ممكن ان تكتب في المرأة العربية

اجدتِ الوصف

تحياتي

وحشااااااااااني

romansy said...

اسمحيى لى ان ارد بلا خجل

اهواك واحبك مهما كنت فانااعشق جنونك واذوب فيه اعشقه وانتى تحت الامطار تضحكين
ترقصين وتفرحين
احبك وانتى فى القلب تسكنين
احبك فى كتب العشق مهما هربتى فانا عاشقك انتى احبك فى ازمنه الحب المختلفه
احب فيكى جوليت برقتها
احب فيكى ليلى بقهرها
واحب فيكى عبله بصبرها
فانتى ملهمه كل العصور وكل الحضارات
وهل تقوم الحروب الاعلى الشئ الثمين
فانتى الوطن وانتى الكنز وانتى الاستقرار
ولا اعتقد انك تريدى رائ من حولك فيكفى رائ فيكى فانا اعلمك كما انتى واحبك كما انتى
فانتى من يمتلك قلبك يصبح ملكا على عرش الحب

حاول تفتكرنى said...

من الطبيعي أن ندهش كلما قرأنا لك

فحروفك دائما تنبض

تحياتي

DayDreaming said...

والله كويس انك كتبتي حاجه جديده مش مدية على كآبه بس لعلمك اي حد بيقول على النرأه العريه نص كلمة بيكون مجرد كلام عشان مفيش راجل شرقي بجد يوم ما يفكر يجوز بيجوز من امرأه غربيه وحتى لو فكر بيلف يلف ويرجع تاني

L.G. said...

اعتقد ان المرأة العربية عملة نادرة وقيمة ولكن لا يدرك قيمتها الرجل العربي ويبحث عن الرخص في المراة الغربية

فليهنأ بها صدقا اثارت حفيظتي قصيدة الأستاذ علاء سالم واعتبرتها اهانة للمرأة العربية

wessam kabil said...

سارة

نضج شاعري رائع وجميل

القصية دي مكتوبة ليا مش كده ؟

انا المجنونة بكامل قواها العقلية


تحياتي يا توأم جنوني

ghorBty said...

السلام عليكم ورحمة الله وبركاته

الله عليك

لا اجد كلمه اعبر بها غير ذلك

كلمات جميله واحساس اجمل

سعدت جدا بمروري بمدونتك

تقبلي مروري

واتمني التواصل

dr.gesho said...

أنى حين أحب
أحب لبعد الحب
وأنى حين اعشق
اعشق فوق حدود العشق
رائع
بس خير مفيش اخطاء املائيه ليه
تحياتى

رحــــيـل said...

العزيز شريف

اهلا بحضرتك

شكرا جدا ليك وجودك
ومتابعتك لى

تحياتى لك وتقديرى واحترامى
_________________________________________
ليساندرا

اهلا بيكى ياقمر
شكرا جدا لكى مرورك

تحياتى لكى
___________________________________________
رئيس جمهورية نفسه

اهلا محمود باشا منووووووووور

الله يسلمك

ربنا يخليك يارب ايه يابنى الكلام الجامد ده
هصدق واتغر ههههههه

شكرا يامحمود ربنا يخليك
_____________________________________________
حسن حنفى

اهلا اهلا بالناس اللى فى اجازه
وكمان قافل التعليقات

ماشى ياحسن
المهم ذاكر بس
منور
___________________________________________
موناليزا

اهلا ياقمر الله يسلمك
معلش ظروووف

اسفه على تقصيرى مع الجميع

شكرا لمرورك
____________________________________

رحــــيـل said...

هابى

اهلا بيك مرورك الاول
شكرا جدا لتعليقك

بالناسبه للمرأها لغربيه هما بيعجبهم تحررها اللى بينتقدوه فينا لو حصل بينا
مجتمع متناقض اصلا

نورتينى
____________________________________
صوت من مصر

اهلا محمد ازيك
يارب تكون بخير

شكرا ليك
_____________________________________
اسير الجراح

شكرا لمرورك
ولكلماتك

تحياتى لك
__________________________________
غير معروف

وعليكم السلام يامعروف
قصدى يامحمد

شكرا جدا ليك
تحياتى وتقديرى
_________________________________________
كلام حسام

اهلا بيك ياحسام
ولا يهمك بيتحصل كتير والنت بيهنج

هل فعلت كلماتى مافعلته معك؟؟؟

اسمح لى ان اشكرك كثيرا على تشجيعك لى
دومت بخير
_____________________________________
راجى

اهلا بحضرتك ياافندم

شكرا جدا لوجودك

تقديرى لك
___________________________________________
اقصوصة

اهلا بيك

اسعدنى وجودك ايضا

تحياتى واحترامى
___________________________________
علاء سالم

اهلا اهلااااااااااا منور يابشا

الشكر اولا واخير لك لان كلماتك هى التى اخط تلك الكلمات

تحياتى وخالص تقديرى
_________________________________________
محمد غاليه

شكرا جدا على مرورك وعلى ا لتاج
هستلمه اكيد مش تقلق

ربنا يخليك
(________________________________________
يوما حبيبه قلبى

وحشانى جدا يابت
انتى فينك

ربنا يخليكى ليها لعمر كله
___________________________________
رومانسى

رائع ماكتبت حقل
ياليت كل رجل شرقى يفكر هكذا
ويرى امراته كما ترها

تحياتى واحترامى
________________________________________
حاول تفتكرنى

شكرا كثيرا على مرورك الذى يسعدنى


تحياتى ياافندم
_____________________________________
اميييييييييييييييررررررره

مش معقول
اخيرا عدتى الى رشدك
قصدى الى عالم النت والمدونات
عودا حميدا

رجاله بقى يامرمر هنعمل ايه

اشوفك يوم الجمعه بقى ان شاء الله

رحــــيـل said...

ال جى

اهلا لولو

هى فعلا اهانه بس ياجماعه علاء غير العنوان
واقتنع بوجهات النظر وسماها مالا يقوله رجل فاضل
ههههههههههههه

يابنتى احنا الاصل برضه
____________________________________
وسام قابيل

اهلا ويسا ازيك ياقمر
ايوه ليا وليكى ولكل بنت زينا
مقهوره فى مجمتع ذكورى


تؤم جنونك.... اسعدنى هذا الوصف كثيرا
وهنيئا لنا بجنوننا
___________________________________________
غربتى

وعليكم السلام ورحمه الله وبركاتخ

اهلا بيك مرورك الاول

شكار كثيرا لك
نورتنى ياافندم

_____________________________________
د / جيشو

لالالالالالالا
مصدقتش نفسى
يمكن بحلم ولا جايز بحلم
ولا اكون بحلم هههههههههه
بجد اسعدنى وجودك من جديد
كنت مفتقده تعليقك
وبعدين مهو عشان عارفه ان مفيش حد هيصححلى اخطائى مضطره اصححها بنفسى
هههههههههههههه
نورتنى بجد

سنووايت said...

هايلة بجد
وخاصة اني فعلا قرأت قصيدة علاء



اتهموني وقالوا
كالثلج باردة وغبية
أولا يدرون
أنى حين أحب
أحب لبعد الحب
وأنى حين اعشق
اعشق فوق حدود العشق

بجد هايل يا سارة

دنيتى الجميله said...

ايه يا بنتى الحلاوة دى
انتى خلتينى مبسوطه انى امراة عربيه
تسلم اديكى على الكلمات الحلوة دى

mnoon said...

رائعه
رائــــــــــــعه
ليا الفخر إنى امراه عربيه
مدونه جميله جداً لأمرأه عربيه
تقبلى مرورى

rainbow said...

الصديقة الرقيقة سارة

لن اكذبك القول لقد ادهشتنى حقا وقرأتها عدة مرات اتعلمين عزيزتى اسلوبك قريب من روح نزار جدا فى تلك الابيات
المعانى نبيلة والمقاطع مرتبة بشكل تصاعدى داخلى يوحى بالبساطة الخارجية وداخله يكمن عمق بديع

اما عن اكثر ما لمسنى فيها فهو :0
فأنا وحدي دون نساء الكون
مات لأجلى رجالا
قبل الموت بسنوات
وقامت لأجلى حروبا
صارت تاريخا وأمجاد

رائع يا سارة مات لاجلى رجالا قبل الموت بسنوات
رائع

اما كلماتك الجميلة للاستاذ علاء فهو حقا جدير بها
وانا جد سعيدة لتلك الروح الجميلة بين الجميع ادامها الله علينا آمين

دمتى مبدعة وقريبة

بحبك هه

هدى

دمعاتي said...

من ذامن لم يهوى عيونا شرقيه
ليس تعصبا اعمى
ولكنهاالحقيقه الابديه
اجمل روح وارق ابتسامه
هي ابتسامه بنت شرقيه

:)

كلماتك جميله جدا ياساره
فيها انفعال وصدق
وتمكن في نفس الوقت

هيكنور said...

مش عارف انتي اساسا مش شرقية اصولك راجعة للويس ثانيا مش سمرا ولا فيكي اي ملامح السمار مع انهم قالوا الجمال سمار ثالثا ابعد حاجة انك تكوني متحجرة انتي فتاة غربية الطراز بس تنهي تناقض موجود جواكي ايوا الشرق فيه عبق غريب بس دايما بصبغة هلامية يمكن الف ليلة وليلة احتمال
من الأخر فتاة شرقية هي فتاة اوهام وخرافات وحرملك

ماما أمولة said...

رحيل حبيبتي ما اجمل كلماتك واحرفك

رائعة تسلم ايدك

في عيني يسكن صبري
وأمام رجلي اظهر ضعفي
لكنى في الأصل
امرأة قوية
ولاني امرأة عربية
اتهموني وقالوا حجرية
أولا يدرون
أنى مهد الحضارات
أو لا يدرون
أنى ربيت أجيالا و رجالا
تخطوا الصعوبات


بجد سعدت بالتعرف عليك حبيبتي

دمتي بكل الحب

Mahdi Mahdi said...

اناجديد ومن يؤمن بهدفى فليساعدنى على الانتشاربين الاصدقاء فى المدونات

وكل ما ارجوه الدخول الى مدونتى وقراءة كل حرف بامعان وان نكون جادين فجماعات الافساد متكتلة ومدعومة وشبابنا غارق فى الغزل والمجاملات السخيفة ارجو التريث وعدم الغضب

الازهرى said...

العزيزة رحيل

امرأة مجنونة؟
تهوى بجنون
تعشق بجنون
تحزن بجنون
تتنقل بين الحلم وأخر
بجنون


السؤال الاهم هل تتنازل هى وتقبلنى
فانا مهما بلغت لن اكون شيئا بجوارها


رااااااااااااااااائع
اقل ما يقال

تحياتى

أميرة ويلز said...

رائعة يارحيل وافكارك فيها مميزة

والاجمل انك تتأثري بشعر وتردي عليه بالحلاوة دي

ربنا يوفقك

وحشتينى على فكرة فينك ؟؟

رحــــيـل said...

سنووايت

اهلا بيكى

شكرا جدا لمرورك وتعليقك

تحياتى وحبى
__________________________________________
دنيتى الجميلة

اهلا اهلا حبيبتى

انا كمان مبسوطه انى امرأه عربيه

ربنا يخليكى يارب
__________________________________________
منووون

اهلا بيكى فى اول زيارة
اسعدنى تشريفك واعجابك بكلماتى

نورتينى
__________________________________________
رينبو

الصديقه الجميله هدى
تعليقك له رونق خاص وارئك تسعدنى بشده
دومتى صديقه رائعه بحق

علاء فعلا شاعر مذهل

شكرا ليكى ولتعليقك
__________________________________________
دمعاتي

سامح سامح ازيك
طبعا يابنى محدش زينا انت عندك شك
ههههههههههه
لو عندك قول ؟؟
احنا ديمقراطييين جدا

شكرا جدا جدا ليك
___________________________________

رحــــيـل said...

هيكنور

اولا طبعا منذ قراتى لكلماتك تلك
توقعتك انت فلا احد غيرك يرانى هكذا

تقول انى لست شرقيه الاصل وانى اصولى راجعه للويس
تعجبت كثيرا من قولك هذا من قال لك ذلك؟؟؟
اولا لم تعلم انى حفيدة المناضل حسن طوبار
الذى حارب الفرنسين اثناء الحمله الفرنسيه على مصر

اما بالنسبه لكلامك عنى بأنى فتاه غربيه الطراز
فاسمح لى فأنا ان كنت احمل بداخلى بعض التحرر
الا اننى اعلم يقينا انه
لتحررى حدود ولجنونى عقل ولتهورى ضمير
وقد قولت لك هذا من قبل
تناقضى الداخلى انا اعلم كيف اوجهه للطريق السليم
اعرف كيف اقوم نفسى لأصل الى حل معادلتى الصعبه فى ان اكون واكون
الفتاة الشرقيه مازلت موجوده بداخل كل فتاة منا وان ارهقها الزمن وان تغير مظرها الخارجى
ففى داخل منا تسكن ارواح الشرقيات القدامى وملكات الفراعنه

كتبت تلك الكلمات واقصد بها كل انثى عربيه وليست بشكل شخصي

شكرا لتعليقك اسعدنى رغم غرابته
_________________________________________
ماما امولة

اهلا ياست الكل
انا اللى سعيده انى اتعرفت على حضرتك
وعلى بنات بورسعيد اللى زى العسل بجد

شكرا جدا لوجودك الرائع وتشريفك لمدونتى
ربنا يخليكى
__________________________________________
مهدى مهدى

اهلا بك فى عالم التدوين
شكرا لك
_________________________________________
الازهرى

اهلا بيك
اذا كان رجلا بحق
فلا تملك اى امرأه شوى ان تقبله بكل الحب

شكرا كثيرا لوجودك
تحياتى وتقديرى
__________________________________________
اميرة ويلز

اهلا مرمر
ازيك
اسفه على تقصيرى

وشكرا جدا على مرورك وتعليقك
مرسيه ياقمر