Thursday, January 22, 2009

رسالة وداع


الورقة الخامسة التى تهم بتمزيقها تاهت منها كلماتها التي باتت ليلة امس تفكر فيها ضاعت كل ثورتها نحوه التي كانت قد اشتعلت بسبب قسوته وجفائه معها وقررت ان تلهب بها صفحات رسالتها اليه كي يعلم انه حتما لم يعد موجودا حتى فى ذاكرتها قررت ان تصب فيها كل غضبها منه
بدات رسالتها بـ.....
حبيبى
فتعجبت أمازال لديها بعض من الحب لتلقبه بحبيبها فلتحترقى ايتها الرسالة ولتذهبى للجحيم كباقى صفحاتك اللاتي مزقتهن من قبل وتمسك قلمها وتشتعل غضبا
سأبدأ بـ.... اليك انت يامن كنت حبيبي
هكذا وصفا يكاد ينطبق عليه ولكن هاهى تراجع نفسها فهى تردد دائما انه اذا انتهى هذا الذى كنا نظنه حبا لم يكن حب وقد انتهى امرهما معا وتركها واختار البعد عنها اذا لم يكن ولن يستحق يوما لقب حبيب فهو لا يعرف له معنى وتمزق الورقة من جديد
قررت الا تكتب رسالة له ولتنتهى حكايتهما فى هدوء كما ابتدأت ذات يوم ولكن لا لا تحتمل هذا الشعور بالألم والغضب الذى يعتليها لابد وان تكتب له رسالة ما حتى وان لم يقرأها يوما
تعودت هى تسجيل لحظاتها على ورق قد تمزقها هي يوما ما ولكن الان لابد وان تكتب
محاولة جديدة للكتابة وقررت ان تبدأ

بــ ...اليك انت
ليس لدى من الكلمات ما اصفك به فلست بحبيب ولم تعد صديق صرنا غرباء عن بعضنا البعض فلم اعد ادرى اى كلمة تناسبك الان؟
دعنا من هذا فلن اضيع وقتى ووقتك فى البحث عن كلمة اصفك بها
يا انت اعلم ان رسالتى تلك ليست اكثر من كونها رسالة وداع ليست عتاب او لوم فأنا بقدر اشتياقى اليك وبقدر كل الحنين السارى فى روحى اليك وبقدر كل امنياتى ان نجتمع من جديد وبقدر كل الحب الذى كان لك ذات يوم وبقدر كل لحظاتنا الجميلة معا بقدر كل هذا قررت ان انساك
اسدلت انت الستار على مسرحية عشقنا وكتبت كلمة النهاية على سطور روايتنا واحرقت دفاتراحلامنا واذبت كلمات حكايتنا وتركتنى اعانى الشوق وحدى فلا همك يوما المى ولا همك هذا الخراب الذى اخلفته فى روحى الواهنة من بعدك وانتظرتك ليال كثيرة وايام مرت كأنها دهرا انتظرت فيها ان تذكرنى ولو للحظات فأشعر ان ما كان بيننا لازال عالقا فى ذاكرتك وانك في البعد تتألم بعض الشئ لفراقى فلا اجد منك الا حوارا يزيد البعد سخافة ويقلب اشتياقى اليك قسوة ويجعلنى اعيد ترتيب بعض افكارى فى مفهومى لكلمة حب ربما فهمت انا ذات يوما تلك الكلمة بمعنى مختلف عما يفهمه الاخرون
وجعلتنى اتسائل وبقى سؤالى حائرا بلا اجابة شافية هل من احب حقا وعرف معنى الشوق والحنين وذاق روعة الحب وجنونه وقضى يومه يفكر في من احب وانه اخيرا قد وجد هذا الذي طالما عاش يبحث عنه ان يترك من وجده بكل تلك السهولة؟؟؟؟؟؟
ألم تسأل نفسك ذات يوم فقط سؤال واحد ؟ الا وهو هل احببتني بحق ؟ وهل ماشعرت به كان حبا ؟ ما لا افهمه حقا اى كلمة حب تفوهت بها انت؟ اكنت تدرى لها معنى؟ ام انها لم تكن سوى مجرد احرف فى لحظات وله واهمة ؟
من اجل كل هذا اعلم انني قررت ان اطوي صفحتك وحينما اقرر ان انتهي من شئ مضى واكتبه بشكل رسمي وادونه فى صفحات حياتى فأنا اعني قرارى هذا جيدا ولتعلم ايضا انه كلما زادت مساحات البعد انقلب حنينى قسوة لا عليك ولكن على نفسى التى كانت لك يوما ولانه كلما قسوت انت تأكدت انا من سخافة ما كان بيننا وتيقنت انه رغم حنينى اليك انك لم تستحق كل هذا العناء الذى سببته لى يوما
فعذرا لاننى لن استطيع يوما ان احتفظ بذكرى طيبة لك فحينما اتذكر لحظاتك الرائعة اشتاقك وحين اشتاقك افتقدك
وحين افتقدك ولا اجدك لا اذكر سوى قسوتك وجفائك وعذرا ايضا لست املك قلبا من ذهب سوى لمن يملكون قلوبا تنبض غير ذلك سامحنى فذكراك قد انتهت

انتهت من كتابة رسالتها او ظنت انها انتهت تركت قلمها وورقتها ازاحت كلماتها عنها بعض ثورتها غضبها او حتى اشواقها التي حاولت جاهدة الا تظهر فى رسالتها تلك باتت تقتلها كلما شعرت انها تحاول الوصول اليه اخمدت نارا تحرقها لفراقه لكن تقوى هي كلما تذكرت ما فعله وما تفوه به مؤخرا من حوارت ليس لها معنى فى حين انها لم تكن تنتظر منه سوى كلمة واحدة فقط حين كان يحدثها …… وحشتينى

47 comments:

سلوى said...

رااااااائعه
تصفيييييييييييق

أحيانا تأتينا تلك اللحظات
عندما نبصر ما كنا لا نراه
فنعلم وقتها مدى قسوة الآخرين
التى تولد لدينا قسوة لا إراديه

رحــــيـل said...

سلوى

يااهلا ياهلا منوره دايما هنا وهناك
ربنا يخليكى يارب

مش ملاحظه انك بقيتى ملهمتى تالت بوست اكتبه وانا بكلم معاكى على الميل

حقا قسوه لا اراديه
فالقسوه كما قلتى مسبقا لا تولد سوى قسوه

تحياتى وحبى

princess said...

حلوة اوى على فكرة انا كاتبة حاجة شابها فى ورق عندى واسمها الى يا من كنت حبيبى :)
بس معتقدش انها حلوة زى دى:)
تحياتى

سلوى said...

إطلاقــــــا
يا حبيبتي إنت عنك الفكر وروعته
يمكن بس لما بنتكلم
بنشوف أماكن أبعد
ونتطرق لأفكار تختبئ خلف اللامعقول
فتصبح معقول :))

حد فاهم حاجه
:)

موناليزا said...

أراها تبتسم ابتسامة النصر على نفسها حينما اخذت هذا القرار

رحــــيـل said...

princess

اهلا ياقمر شكرا لتعليقك

مستنيه اقرا اليك يامن كنت حبيبى

واكيد حلوه

تحياتى لكى
**********************************************
سلوى

حلوه قوى نتطرق لافكار خلف اللامعقول فتصبح معقول

تعرفى عرفت الوقتى سر ان احنا اصحاب
بس مش هنا بقى هبقى اقولك على الميل

منوره

رحــــيـل said...

موناليزا

اهلا بيكى

منورانى دايما

يارب تكونى بخير

شكرا جدا ليكى

Anonymous said...

بوست رائع
مش عارفة اقول عليه غير انه في منتهى الشفافية في قمة الأحساس بالحب ومصداقيته في منتهى الألم في احساسه بالفقد الواحد لمابيقراه مابيعرفش غير انه يحس بوصف المشاعر المنسابة في بساطتها لي بتاخدك إنك تعيش الموقف فتحس بالألم الحقيقي

عايزة اقولك برافو لأن لو انا بعرف اخليكي تحبي وتعيشي حالة حب فبرافو لأنك بتعرفي تعيشيني الألم برافو لأن الثانية اصعب من الأولانية بكثير واعمق في احساسها

بجد هايل

Hayamk
Youma

كاتب مصري said...

ياااه الرسالة دي مؤلمة قوي والله تخيلت ولو كإن حبيبتي كاتبهالي..يالله كنت هموت من أول كام سطر..البعد بيعلم الألم والألم بيعلم العذاب والعذاب بيعلم الجفاء والقسوة..الفراق صعب ووحش جدا وقاتل..بجد أنا هعيط من الرسالة دي بكره الفراق بكره سيرته بكره كلمة وداع بتعب قوي والله لما أسمع كلمة قاسية حتى لو مش ليا الحب احلى من كده ليه منسامحش ونعدي مرة واتنين ومليون الحب اروع من إن قلبين يبعدو عن بعض عشان واحد غلط لو مراااات كتير الحب يسمو فوق ده كله..يا ناس الحب ليه بنظلمه وسطنا ونقتله عشان غلط ولو كان كبير قوي الحب رقة احساس مينفعش أسيب حد بحبه أبدا ده يبقى لعب عيال مش حب..بس هنعل ايه أحيانا بنتغصب على حجات خاصة لما يتصرف الطرف التاني من نفسه..الحمد لله أنا ربنا رازقني بحب ربنا يديمه عليا ويحفظه من الزوال..
ربنا يستر باه وأعرف أنام بالليل والله عنيا دمعت وقلب اتحرق من الرسالة دي
بس بجد أسوبك حلو لدرجة انه هزني وخلاني أدمع
تقبلي مروري وتحياتي
مودتي

romansy said...

الهذا الحد تعلمتى القسوه ولا تدرى ما تكتبين فى بدايه حديثك
الهذا الحد انا مجهول بالنسبه لكى

فصدقينى انا لم اسدل الستار وانما تلك الدنيا هى التى غربتنا واسدلت الستار بيننا
فلا تتسالى كثير ولا تعيشى فى حيره فان قلبى هو الذى كان يتحدث معكى وليس انا الم تفهمى لغه القلوب الم تتحدثى بها معى
فان لا استطيع ان انساكى
ولا استطيع ان اعشق غيرك
فانتى كيانى
وقولت لكى مسبقا
اشتاق اليكى ولكن بداخلى من اشتاق اليه اكثر
انه وطنى
فسامحينى ان بعدت عنك


لو مكانه كنت هرد كده

على كلامك الرقيق دا بالرغم من انه قاسى

عاشقه الرومانسيه said...

البوست غايه فى الروعه
وكله احاسيس
احاسيس امراه انجرح كبريائها وانهار حبها
ورغم ذلك تثور على نفسها وعلى من جرحها فى محاوله منها للصمود امامه لتظهر بانها اقوى

ولكنى اشعر بها تريد ان تصرخ وتنعى حبها وقلبها ان امكن

تحياتى
ياصاحبه اقوى قلم وارق تعبير

رحــــيـل said...

مجهووووول

لا بجد ايه الحركات دى يابت خضيتنى
انتى عارفه انا موسوسه اساسا ههههههه
يوما حبيبتى انتى مكسله تفتحى حسابك ولا ايه

شوفى اى نكد انا تحت امرك بس بلاش تزودى فى حالات الحب اللى انتى بتعيشينى فيها
عقدتينى ياهيامى

منوره قلبى

___________________________________________
كاتب مصرى

اهلا بيك
انا كمان بكره الفراق جدا بس للاسف كان كتير فى حياتى
جايز عشان كده احساسى وصلك لانى عبرت عنه زى معشته بالظبط

انا متفقه معاك فى كلامك عن الحب بس للاسف اوقات كتير مش بنلاقى قدامنا غير قسوة

شكرا جدا جدا على تعليقك

تحياتى لك
_____________________________________________
رومانسى

صاحب وجهه النظر المختلفة دائما
نعم تعلمتها واتقنتها كما يتقنها غيرى
او تعلم لا الوم ابدا فى دنيا فرقت بين حبيبين
لانه دائما يكون الحب اقوى حين يكون صادقا

تحياتى وخالص شكرى لك
____________________________________________
عاشقة الرومانسية

اهلا بيك
اعجبنى تفسيرك للكلماتى
قد تكون هكذا حقا
شكرا لكى مرورك وتعليقك عزيزتى

arsenalwy said...

رحيل

جميل البوست وكلام ذات وقع أكثر من رائع

صوت من مصر said...

جميل جدا بس بتعبر عن حالتى صح ؟

Wish I were a Butterfly ... said...

من غير أي مجاملة خالص
!!!بتأسرني كلماتك

مش أول مرة أزور مدونتك. يمكن من كتيــــر علقت على أكتر من بوست لكن بعد كدة مش علقت تاني. من المدونات اللي بحبها جدا بس فعلا مش بلاقي أي كلام ممكن يتقال
إحساسك و أسلوبك راااائع ماشاء الله

بالنسبة للبوست دة... مش عايزة أقوللك رسالة الوداع دي فيه كتير نفسهم يكتبوها
ساعــات كتير بيبقى جوانا مشاعر وأسرار كاتمينها حتى عن نفسنا ومش عايزين نصارح نفسنا بيها..خوفا من الألم اللي هينتج بعدها. بس في النهاية لازم تقال
كل تحياتي لك

Tamer Nabil said...

لحظات مؤلمة

ولكن تدخل الينا عبر الكثير من الابواب

ومن نجد القسوة لدية ولاامل فية البعد عنة راحة اكيدة

ربنا يكرمك

تحياتى

رحــــيـل said...

Arsenalwy

أهلا اهلا بيك

شكرا جدا على مرورك

عااش من شافك هنا

تحياتى لك
************************************
صوت من مصر

اهلا محمد اخبارك ايه؟؟؟
هو انت حالتك كده الايامدى

ربنا يصبرك ويهون عليك ياااارب
*************************************
Wish iwere a butterfly

اهلا بيكى مجددا ودائما
شكرا جدا ليكى كلماتك ومرورك

الكتابه اوقات بتكون المنفس الوحيد لينا بدل مانفجر
عشان كده انا بكتب


تحياتى وتقديرى
****************************************
تامر نبيل

ياقهلا ياقهلا
اهلا تامر ازيك يارب تكون بخير؟
معك كل الحق

شرفتنى
تحياتى وتقديرى

ادم المصرى said...

سعات بتيجى علينا

لحظات مبنشفش فيها

او مش بنلاحظ او مبنسدقش عنينا

دائما حتى نمل من تكراره وحينأذ نقطنع اننا كنا على خطأ ونعلم مدا كان كوننا من الضعفاء ولكن نسئل الله رحمته علينا

بوست جميله جدا

ماما أمولة said...

ما اصدق كلماتك حبيبتي

رائعة التصوير

كأني اراى صاحبة الرسالة واحسها

تسلمي يا رحيل يارب

ومن عرف الحب لايستطيع غير الحب

تقديري

دعاء مواجهات said...

الرساله فى حد ذاتها تبض بذلك الحب الذى تعتقد هى انه كان فمازال قلبها ينبض رغما عنها


رد الفعل الافضل هو التجاهل والاقتضاب فى الكلام وليس الاسترسال

تحياتى لاسلوبك الجميل


ع فكرة انا موش عارفة ان كنت قولتلك ولا لا انى من اول مرة شوفت فيها اسم مدونتك عملت قصيدة بالاسم دة..

وهنزلها قريب اتمنى تبقى تشوفيها

بيس

gana magde said...

حبيبى

حان الوقت لانساك

وابدد فى الهوى ذكراك

لم أعد اتمنى لقياك

فقد مللت جفاك

وهذا البرود فى عيناك

فيامن كنت حبيبى

جاء اليوم لسلاك

ويكف قلبى عن ذكره لهواك

ويكف لسانى عن مناداك

فألان اعلن قلبى العصيان

وخرج من سجن السجان

وتاكد انك كنت نوبة هذيان

مرت على قلبى ثم تاب واناب

جميلة بجد كلماتك

تقبلى تحياتى

همس الاحباب said...

رائع جدا
بوست اكثر من روعة
كلمات واسلوب شيق للغاية
تسلم ايديكى
تحياتى

dr.Roufy said...

ياه يا سارة
انتي محللة نفسية بارعة لنفسية البنات فعلا
بسلاسة وبساطة بتوصلي للعمق من ضربة واحدة

بجد أحييكي
:)

the others said...

جميلة يارحيل احساس عالي ورسالة رائعة بيتهيألي الرجالة ما بيعرفوش يحبوا ..ممكن يقول بحبك بس هل يقصد الكلمة فعلا هل يعي معناها مسئوليتها ولا بيحب لمجرد الحب لمجرد انه يفوز بقلب ..دون السعي لاستحقاقه ؟؟ مش عارفه بيتهيأ لي كل حاجة بقت سهله سهل يقول بحبك سهل يقول هسيبك ...

dandana said...

لتأخذ وقتها
وفى النهاية
ستتعايش
لن تنسى لانها لا تستطيع ان تسقط شيئا من الذاكرة عمدا

ولكن

ما لا نتذكره لانتذكره

ارجو فقط ان تتوقف عن الكتابة اليه


نص جميل يا سارة
وحشنى كلامك

fashkool said...

السلام عليكم رحيل
هذه الكلمات الحالمه والقاسيه فى ان هيهات ان تتحقق .. فهى تقول فى كلماتها انها ستعود اليه حتما واعيدى قرائة هذه الكلمات
ا انت اعلم ان رسالتى تلك ليست اكثر من كونها رسالة وداع ليست عتاب او لوم فأنا بقدر اشتياقى اليك وبقدر كل الحنين السارى فى روحى اليك وبقدر كل امنياتى ان نجتمع من جديد وبقدر كل الحب الذى كان لك ذات يوم وبقدر كل لحظاتنا الجميلة معا بقدر كل هذا قررت ان انساك
هى قررت ان تنساه بقدر اشتياقها اليه وبقدر حنينها اليه ,, هو دا المدهول على عينه الحب اللى ما حدش بيقدر عليه
تحياتى

بنت الاسلام said...

نعم فليرحلوا عنا

عن خيالنا وعن ارواحنا الهائمة بهم

بلا مقابل

سوي عبارات قسوة

فليرحلوا عنا

وبلا حتي

نظرة وداع

تحياتي

مـجـنـووون said...

قصة في منتهي الروعه واسلوب أكثر من رائع

دائما مبدعة أن شاء الله

تقبلي مروري
مجنووون

رحــــيـل said...

ادم المصري

اهلا بيك

شكرا جدا لمرورك وتعليقك

تحياتى
*************************************
ماما امولة

اهلا اهلا بست الكل
يامرحبا

ربنا يخليكى يارب
وشكرا جدا على كلامك مرورك
*****************************************
دعاء موجهات

اهلا دعاء
معاكى فى حق فى كلامك

فى انتظار قصيدتك عزيزتى

تحياتى لكى
****************************************
جنى ماجد

اهلا بيكى جنى لاول مره عندى

كلماتك جميله
شكرا ليكى عليها

تحياتى لكى

رحــــيـل said...

همس الاحباب

اهلا خالد اخبارك

شكرا جدا جدا تشجيعك ليه
ربنا يخليك

تحياتى وتقديرى
****************************************
د / روفى

اهلا روفى حمد الله على السلامه
يارب تكونى بخير دايما
مش عارفه اقولك ايه رد على تعليقك الجميل ده

شكرا جدا جدا ليكى
*****************************************
The others

شيمو ازيك

فعلا الرجاله مش بيعرفوا يحبوا اطلاقا
شدى حيلك فى الامتحانات

نورتينى
***************************************
Dandana

اهلا ياقمر
اخبارك

يارب اشوفك قريب فى لقاء للمدونين

انتى كلامك صح للاسف مش بنعرف نقسط شئ من الذاكره عمدا
اما ان تتوقف عن الكتابه فلا اظنها فهى اولا واخيرا تكتب لنفسها
وليس لاحد

تحياتى وحبى

رحــــيـل said...

السيد فاشكول

وعليكم السلام
ستعود حتما كما تقول اذا كان هذا هو المقدر

اينعم انه المدهول على عينه الحب

شكرا كثيرا لمرورك

***************************************
بنت الاسلام

اهلا بيكى
نعم فليرحلوا اذ لم يحملوا لنا يوما حبا حقيقا
فالحب وحده الذى يبقى

شكرا لمرورك

تحياتى
****************************************
مجنوون

شكرا جدا ليك
مرورك وتعليقك

تحياتى

fashkool said...

العزيزه رحيل .. تحياتى
مبسوط جدا عشان التدوينه عجبتك وعجبت معظم المدونين .. انتظرى المزيد بعد ان تأخذ هذه التدوينه حقها من الاطلاع
تحياتى

شجر الليمون said...

اليك يا ثائرة بين حنايا قلبك
علي من لايملك دواة العشق
اليك يا من كنت هو
إليك با راحلة إلي العذاب انصح رغم قناعتي الشديدة أنه سيكره هذا التعليق بعد أن يقرأه
ولكن ليغفر لي فأنا رجل مثله
ربما لا أعرف سبب بعده ولكن من يخلف بعده قلبا بهذا الدمار لا يستطيع أن يعشق نملة فليكن لكي أو ليذهب بعيدا عن لفظ إنسان ولكم أتمني أن ينقطع الإتصال المفصول أو يتصل هذا الإنفصال الموصول .
هكذا قال المغني
وكأنه ساعيتها .. كان بيغني عني

أميرة الجنة said...

السلام عليكم
روووووووووووووووووووووووووعة
احساسك عالى قوى ولو لوداع لازم يبقى زى ما انتى قلتى مكنش فيه حب من الاول دمتى مبدعة

رحــــيـل said...

السيد فاشكول

اهلا بك مجددا
هى حقا فكره رائعه ان تقص علينا التاريخ بهدذا الاسلوب السهل

تحياتى كثيرا
وفى انتظار البقيه
_______________________________________________
شجر الليمون

اهلا اهلا باخى الكبير

احترت ماذا اقول ماذا اقول امام كلماتك

فأثرت الصمت

الكثير من الشكر والتقدير والاحترام لك
________________________________________________
اميرة الجنة

وعليكم السلام
اهلا بيكى

شكرا جدا ليكى مرورك وتعليقك

نورتى

momken said...

رائعه

جامد اوى اوى البوست ده

ماشاء الله عليكى

تسلم ايدك

تحياتى

zOzO said...

رساله وداع
دا ايه الكابه دي
الواحد مخلص امتحانات لسه بعد عناء
واجي هنا الاقي دا
بس بجد حلو
تسلم ايديك

وحشاااااااااااااااني مووووووووووت

القلم السكندري said...

ولكني لم أزل بعدُ ألمحُ حباتِ الجمر بين حروفها من تحت رمادِ الكلمات التي تتظاهرُ بالقسوة


الخائنُ لا يستحقُ أن نحرق أعمارنا بجمر ذكراه

فقط.. عليكِ بماء النسيان.. أعلمُ أنه ماءٌ عزيز

ولكن في ساحات الحياةِ متسع



رائعةٌ أحرفك



تقبلي تحياتي

west said...

وحين افتقدك ولا اجدك لا اذكر سوى قسوتك وجفائك وعذرا ايضا لست املك قلبا من ذهب سوى لمن يملكون قلوبا تنبض غير ذلك سامحنى فذكراك قد انتهت
عجبنى البوست جدا جدا ولا اتمنى ان يكون مبنى على مشاعر شخصيه وان يكون ابحار فى دنيا الخيال
والله حاولت من اكتر من مره اعلق بس مش عارف كانت ايه المشكله يومها حتى والله قبل ما تجى عندى لانى لما ادخل النت بادخل عندك اكيد حتى لو معلقتش تحياتى يا فندم من قلب الصحراء

Anonymous said...

سيدة القلوب الحائرة
لكي تقديري وإحترامي تواجدت هنا فقط لكي أقول انك لست أهلا لهذا الموضوع فكلماتك تحمل رقة لا يملكها رجل إلا حاول كيف يرضيكي فكيف يهرب منك إن كان هو كذلك فلن يعيش إلا ليثبت رجولته فقط مع من يتزوج أما انت فهنيئا لمن سيكون حبيبك .
وكم أتمني أن يجمعني الزمان بكي ولكن هيهات هيهات
لكي تقديري يا غاليتي علي هذه الكلمات ومن قبلها تقدير خاص علي هذه الأحاسيس

سفير الحب

حنان سعيد said...

يااااااااه يارحيل
قد ايه احساس صعب اوووي في الرساله
قد ايه بجد حبها حب نقي رقيق
قد ايه فعلا وبجد القسوه بتموت حجات كتير
اصعب شيء في الدنيا هو القسوه ممن نحب
تقتنا تدمي قلوبنا
ونود ان نتجاهالا
نحلم بان تكون تلك القسوه ماهي الا كاوبس نراه في منامنا ونستعيذ منه ونحمد الله بعد استيقاظنا
ولكن للاسف تكون هي الحقيقه
فيموت وحب وقد يموت القلب ندما على حبه

Soooo said...

في نفس اللحظة .. كان هو يجلس محاولا ان يحدثها ولو من خلال قلبه .. قلبه الذي ما زال ينبض بإسمها في كل دقة .. صعب عليه الحياة بدونها .. بل انه المستحيل ذاته
أيعقل أن يترك عمره وراؤه .. نعم .. هي عمره .. هي روحه كذلك .. هي كل ما كان يتمناه .. ولكن كيف حالت الامور بينهم لما هي عليه الآن ؟؟
نعم .. يعترف أنه أخطأ .. ولكن هل ستسامحه .. هل ستغفر له مافعل .. هل يمكن أن يعودا كما كانا من قبل
يتذكر أول مرة أمسك فيها يدها .. أول مرة قال لها .. أُحبك

قام من على كرسيه .. فتح النافذه لعله يستنشق هواء الفجر .. ليتخلل البرد بداخله .. برد الوحشه .. برد الخوف من المستقبل بدونها .. وأي مستقبل هذا .. وأي حياة تلك

قرر ان يكتب لها رساله .. يعتذرلها عن ما فعل .. يصارحها بأنه مازال يعشقها .. يحتاجها كما يحتاج الليل لنهار ينير له ظلمته
أمسك القلم .. وقبل أن يكتب كلمة واحده .. ارتعد خوفا .. هل يمكن أن نعود كما كنا من قبل .. إن كانت تحبني بحق .. فستسامحني .. نعم .. فالحب لا يعرف الذنوب .. الحب أسمى من كل شيء .. وانا احبها

حبيبتي .. آسف

هذا كل ما استطاع أن يكتبه .. ولكن .. هل ستسامحه؟؟؟

-----------

اعتقد ان اللي كتبته ده بيقولك انا قد ايه عجبتني الحالة اللي كتبتيها .. لدرجة اني تخيلت نفسي مكان الاخ ده

والله مدونتك ليها وحشه






سلاموووووووووز

Tamer Nabil said...

ازيك رحيل

اخبارك اية

فى انتظار جديدك

تحياتى

رحــــيـل said...

ممكن

اهلا بيك
شكرا جدا جدا مرورك وتعليقك

تحياتى لك
******************************************
زوزو

اخيرا ياقمر خلصتى امتحانات
معلش يازوزو انا عارفه انك اتخنقتى
تروحىوتغيبى
وترجعى تلاقينى بكتب حاجات كئيبه
يالا بقى معلش
منوره ياسكر
***************************************
القلم السكندري

اهلا بيك ياافندم زيارتك الاولى
اشكرك على كلماتك ومرورك
وفى انتظارك دائما

تحياتى
***************************************
West

غرباوى باشا ازيك
ولا يهمك المهم تكون بخير

ربنا يوفقك اينما كنت

تحياتى وتقديرى

رحــــيـل said...

المجهول المدعو سفير الحب

اولا شكرا لتعليقك وكان لى عليه بعض التحفظ مما جعلنى افكر مليا قبل ان اسمح بنشره مع التعليقات

ثانيا التدوينة اللى حضرتك كتبت على اساسها التعليق عمل ادبى بحت فلم يكن هناك اى داعى لتصورات ليس لها مكان فى واقعنا مما جعلك تفوهت بجملة لم يكن يصح ان تتركها فى تعليقك

ثالثا بفرض حتى ان كان هذا البوست من واقع شخصي فليس من حقك ان تحكم على اشخاص لست بمعرفة بهم وان تطاول عليهم بكلمات جارحة

رابعا ان التعليقات المجهولة لا تعنى لى الكثير لان التعليق يستمد قوته ومعناه واهميته من كاتبه فأذا كان من المدونين او احد على معرفة شخصية بى فهو يعرف اين يضع كلماته وانا اقدرها واضعها فى اعتباراتى لانه يعي ما يقول
وان كان قارئ لمدونتى دون معرفة فأهلا بوجوده ورأيه وحضوره وتعليقه على العمل بشكل ادبى دون ان يطلق العنان لخياله ليتصور ما يريد فيأتى تعليقه وكأنه يصدر احكاما على على اشخاص لا يعرفهم

خامسا فضلت انت ان تظل مجهولا فعذرا ان كانت كلماتى قاسية بعض الشئ فانا لا احب ان يرمى احد ببعض كلماته ويرحل وخاصة وان حملت معنى انه يعرفنى فلو انت هكذا وفضلت التخفى ورمى الكلمات من وراء ستار فسامحنى لا القى بالا لكلمات لا يتصف صاحبها بالشجاعه الكافيه ليعلن عن ذاته
اما اذا كنت لا تعرفنى ولا اعرفك فهذا فكما قلت مسبقا لا تطلق العنان لخيالك
***********************************************
بمناسبة التعليقات المجهولة مش ده التعليق الوحيد اللى جالى فى تلاته انا مش نشرتهم لعدم جديتهم ولانهم بعيدا عن وضوع التدوينة
واحد منهم شكله تايه ومفكر مدونتى الحزب الوطنى وداخل كاتب بحبك بحبك بحبك يامصر
مش عارفه ماله بصراحه
والتانى بقى مقضيها اشتغالات وده بقى انا بقوله لو انت تعرفنى وتعنى ما تقول حقا فسحقا لمن علمك الحب ذات يوم فالحب ليس كلمات تلقى فى طريق من نحب دون ان يدرى من صاحبها
اما بقى لو كنت تايهه زى صاحبنا بتاع بحبك يامصر فأنا شايفه انك توفر وقتك فى كتابة تعليقات لا تعني لي شيئا وان كنت انا رديت المره دى فده بس عشان انا بحب النقط على الحروف و بعد هذا كأنك لم تضع حرفا لدى لاذكره

رحــــيـل said...

حنان سعيد

حبيبتى ازيك
يارب يارب تكون بخير دايما
انا معاكى فعلا فى ان القسوة بتموت حاجات كتير جوانا
شكرا جدا على وجودك الدائم

لما بشوف اسمك عندى او بدخل مدونتك بجد بحس بتفاؤل
ربنا يكرمك يارب
تحياتى وحبى
******************************************
سوووو

لالالالالالالالالالالالالالا
مش معقول مصدقتش نفسى
من زمان فعلا محدش شافك عندى بس سعيده جدا لزياراتك
وكمان ان التدوينة عجبت وانفعلت معاها
وصورت الفكره من الجانب الاخر

اما اذا كانت ستسامحه ام لا فهذا سؤال
نجعله بلا اجابه فكل حبيب وحبيبه هما فقط ادرى فعشقهم

سعدت جدا بمرورك


خالص تقديرى واحترامى
************************************
تامر نبيل

اهلا بيك
شكرا على سؤالك

دومت بكل خير دائما

تحياتى وتقديرى

فتافيت said...

ما شاء الله
احساسك عالي اوي .. او يمكن جيتي على وتر عندي قرب يتقطع

مدونتك كمان حلوة جدا

اتمنى نتواصل

تقبلي مروري الاول وان شاء الله مايكونش الاخير