Monday, March 9, 2009

عودة مع الذكريات



أول معرفتي بعالم التدوين كان من خلال جريدة الدستور التى كانت تفرد له صفحة اسبوعية فى صيف 2007 وفى شهر يوليو بدأت اولى محاولات لعمل مدونة على موقع مكتوب بالاتفاق مع ابنة عمتي وصديقتى ميرا صاحبة مدونة تهيؤات واتفقنا على ان تحمل المدونة إسم أحلام عمرنا ومن خلالها كنا قد قررنا ان نتحدث عن الأحلام أحلام الأطفال والمراهقين والشباب وأحلامنا نحن فى مختلف مراحل عمرنا وقمنا بعملها ولكن لم يسعف احدنا الحظ ان تتابعها بإستمرار فكانت مدونة - حالها واقف-

بعد ذلك بدأت فى دخول عالم بلوج سبوت والذى أبهرنى بشدة بدأت كمتابعة لبعض المدونات والمدونين واضافة تعليقات على التدوينات التي تشدني واتفاعل معها , وكان من أوائل المدونات التى تابعتها رسالة مواطن زهقان , ارهاصات فكرية , جيفارا مات , حقل التيوليب ، الكلام رزق , تأملات من هنا وهناك , علاء سالم ، فبدال مانطق لهدى عبد القادر

وبعد نشر اول تدوينتين لدي بدات التعرف أكثر على مدونات اخرى من خلال التعليقات لدي من خلال لينكات المدونين لدى بعضهم البعض

تعجبت لانني وجدت اننى لست بمفردي التي ابحث عني مثلي كثيرون يعانون مثلما اعانى من حيرة قد أصابتني من مجمتع متناقض يبطن غير ما يظهر مطلوب منا قتل الأحلام لمسايرة الواقع الذى نحياه مفروض علينا أحلام اخرى ليست لنا ولكنها كانت لمن سبقونا منهج ودستورا عادات ينقشوها فى اذهاننا منذ الصغر على أنها قيما ومبادئ ولكنها ليست اكثر من تقاليد بالية او ليس لنا الحق فى تشكيل حياتنا كما حلمنا وكما نريد؟؟؟؟؟؟؟

كانت الكثير من الأسئلة تدور فى عقلي ولا أتوقف عن التفكير لحظة فى تناقضات اوقعتني فى حيرة من أمري واذا بي اجد اننى لست وحدي غيرى كثيرين

وجدت بعض مني فى سطور وكلمات كثير من المدونين والمدونات التي عشقت كتباتهم لصدقها ولانها كانت مراة لنا جميعا فكل منا يحمل بداخله نفس التساؤلات والأحلام والألام بشكل وبأخر تابعنا معا التغيرات التي طرأت علينا وعلى حياتنا خلال العام والنص الذى مضى

ازداد التواصل لاكثر من تعليقات وتعارف بعضنا وتشاركنا الأفراح والأحزان والأمنيات , أعتز كثيرا جدا بتلك المجموعة التى عرفتها فى بدايات تدويني, أفرح بتعليقاتهم عن اى تعليقات اخرى فلكأننا مجموعة واحده حملنا قطار التدوين معا

ولكن لا تأتي الرياح بما تشتهى السفن وعلمت ان الحياه هنا هى فيلم مصغر من حياتنا الخارجية لكنها اكثر صدقا لأننا تكلمنا من خلال كلمات وسطور وآتينا هنا بمحض إرادتنا وكل منا بداخله ما يحمله من هموم وأفكار وأحلام يريد ان يطرحها ليشاركه الأخرون

للقطار محطات لذا مع الوقت اختار البعض محطاتهم وتركوا عالمنا وعادوا لعالمهم من جديد بإختيارهم او شغلتهم الحياة وأرغمتهم على البعد او لأنهم كما قال البعض لم نجد فى التدوين حلاً لما نعانيه ، ولكنى ارى انه مجرد التواصل يكفي على الاقل لدي ومنا من يصيبه الارهاق من هنا ومن الكتابة كأي شئ اخر يرحل وقتا ويعود وقتا

حقا اشتاق لايامى الاولى فى التدوين لهؤلاء الذين تركوا أثراً رائعاً لدي، كم كنت أشعر بصدق كلماتهم فى مدوناتهم او فى تعليقاتهم لدي بعيدا عن تلك المجاملات التي أشعر انها انتشرت كثيراً الأن ، كانو اصحاب فكرا وقلبا ومشاعر رائعة

منهم من هو باق بيننا الى الأن لازال حقا وجودهم يعطينى دافعا للإستمرار

لا أنكر أيضا أنه غير مجموعة البدايات عرفت خلال تلك الفترة مجموعة أخرى جميلة جدا ذات حس رائع وأسلوب مهذب وفكر متحضر

اظنني لولا هذا العالم الرائع لما عرفت تلك المجموعة الرائعة من الاصدقاء التي لو كنت قضيت عمري بأكمله هنا فى بلدتى ماكنت عرفتهم يوما ما ولكنت بقيت وحدي أحصى أحلامي الهاربة مني ظنا أنني وحدي

شكرا لهذا العالم الرائع وشكرا لكل اصدقائي الذين عرفتهم من هنا الباقين منهم والذين تركوا قطارنا لانى احسستنى لديهم وبين كلماتهم ولأنني كنت أجد بعض مني ما بين أحاسيسهم الرائعة

اما عني اتمني الا أرحل عن هنا قد تشغلنى الحياة حينا قد أمل حينا وقد يصيبنى بعض الحزن فأرحل اوقات ، ولكني دوما أعرف أنى عائدة دوما فكل مساحة فى مدونتي تحمل جزءاً ، مني تحمل ذكرى وكل حرف يحمل احساس قد كان ، فهنا فرحت وحزنت وحلمت واحببت وقسوت واحتفلت بمناسبات عديدة

وأخيراً تبقى كلماتى مجرد مشاعر مسكوبة على ورق كلمات مرسوم بين سطورها ملامحى واحرف ابحث فيها عن ذاتي الحائرة مرأتي التي اراني فيها حقيقة مؤكدة فقط هى انا التى ابحث عنها


25 comments:

صوت من مصر said...

للاسف يا استاذه اللهم لو سبتى التدوين مصر هتخسر كتير جدا جدا
وللاسف كلنا بنرضى بماشعرنا الى بنكتبها بجد شكرا
اول تعليق

موناليزا said...

المدونة بيت كل فرد فى هذا العالم
اجدها لاتختلف كثيرا عن العالم الواقعى
ففيه جميع الانماط البشرية
واجمل حاجة كسب الاصدقاء والتعرف على ناس جميلة زيك كده:)

بسنت said...

اللى قلتى عليه تقريبا كانت بدايه كل منا
انه يقول اراء او احلام او حتى مراحل تمر ومرت به ويشوف فى حد تانى بيشاركه او بيفهم اللى بيقوله ولا لا
دايما فى عالم التدوين تجدى من يفهمك
بل العكس ربما كمان يشرح ويوجه تفكيرك للاحسن انا عن نفسى استفدت جدا من معرفه افكار وتفسير بعض حاجات لم اكن اعيها من مدونين آخرين
اما البعد او التدوين فاعتقد دا شئ فيه حريه حتى لو بعدتى من اثرتى فيه باى كلمه ان شالله شكر
ما اعتقد ممكن ينساكى

اخيرا مدونتك جميله سعدت اوى بالتعلق هنا
دمتى بخير

ســـهــــر said...

ازيك يا رحيل عاملة اية
وحشانى يا قمر
بالنسبه للبوست المدونة يا رحيل المنفس الوحيد لينا بنقدر نتكلم فيها بحريتنا بنتكلم من غير منلون ونزيف
بنقول اللى بنحسة من غير منخاف من مين هيعجبة كلامنا ومين لا

انا بحب اوى تسمية الشاعر الجميل احمد فؤاد نجم للمدونات

عارفة قال اية ؟
بصى يا ستى قال المجونة دى عبارة عن مكّنه
اة دى المكنه بتاعتنا بنفضفض ونعيط ونصرخ ونفرح فيها
وبنلاقى اللى يحسنا ويخفف عننا

وكتييييييييييير بنحب ونتعلق بمدونين عن طريق التعليقات والتواصل ونحس انهم اخواتنا واصدقائنا بجد

طولت عليكى عارفة بس وحشانى بقا اعمل اية ويارب دايما منورة عالم التدوين كله

حنان سعيد said...

كلامك متهيقلي بيحكي ذكريات كل مودن مع مدونته
بجد بحس ان المدونه دي بيتي الحقيقي
بكون فيه على حريتي
بقول كل الي نفسي فيه
وبكل تلقائيه
وديما ببقى مستنيه اصقائي واخواتي المدونيني
وسعات ببقى حاسه ان راحتي بين كلماتهم
بحس ان ليا عيله كبيره اوووي
كلا واحد ليه فكره وحياته
بس متفقين في ان وسيله اتصلنا نقيه نابعه من احساسنا
شويه لاقي نفسي بين احرف احدهم
ويمكن عد شويه اختلف
ويمكن هنا اكتسب ثقافه..وهنا اشارك حد زعله..وهنا اطير من الفرح لحد تاني
بجد انا بعشق عالم التدوين

شجر الليمون said...

حمدالله علي سلامتك نتمي تكون رحلتك موفقة من غير ملل ولا علل
الرسم بالكلمات

ريهام العربي said...

اظن ان ده اول كومنت ليا هنا

عالم التدوين عالم واسع بتختلف اوجهه يعني في المدونات الشعريه والقصصيه والفكاهيه والواقعيه واللي بتعلم حاجه معينه او بتروج لحاجه معينه و في الاغلب كلهم بيتشاركو نفس الافكار
والانتقادات وان اختلف التعبير

بجد انا بحب التدوين جدا لاني احيانا بحسو بيظهر مكنونات الناس ومعادنهم او علي الاقل افكارهم رغم ان في البعض منهم بيتصنعو وبيقتبسو الافكار عشان يبانو في احسن صوره (وده من وجهه نظري قمه الغباء ) بس بيبان


اسعدتني مشاركتي في بلوجتك دمه خفيف بجد

وان شااء الله مش تكون الزياره الاخيرة:)

كاتب مصري said...

انت عارفة فكرتيني ببدايتي في عالم التدوين وبالذات مع بلوج سبوت كانت حكاية..مكنتش مفكر إن حد هيتابعني ويديني من وقته واهتمامه بالي بكتبه كنت داخل ومش مطمن ومفكر اني مش هكمل شهر في العالم ده والحمد لله حصل العكس تماما..صحيح مش بدون من كتير ده حتى لسة مكملتش سنة يدوب عشر شهور بس حاسس فعلا ان العالم ده أحسن بكتير من العالم الخارجي سواء في الناس الي عايشين فيه أو في مفردات الحياة الي فيه
يارب تفضلي معانا كده علطول ومتسيبيش التدوين انتي كمان زي كتير من الناس والي زعلت بجد جدا على قرارات اعتزالهم..
أتمنى ألا أكون منهم يوما ولا إنتي كمان ولا حد من أبناء هذا العالم بس أبناءه البارين مش الناس الي ولا مؤاخذة يعني
مودتي

Sherif said...

ليس بالضرورة ان تكتبى كثيرا .. لكن الضرورى أن تظلى متواجدة

يمكن ان تنشغلى .. وتبعدى لتجيئى مرة أخرى

لكن اصدقاؤك يظلون اصدقائك .. تتقاسمين معهم احلامك ومشاعرك كما نتقاسم لقمة جميلة وحتة جبنة .. تجعلها اللمة خروفا سمينا

هذه هى الحقيقة .. فارواحنا قبل اجسادنا تحتاج الى غذاء من نوع خاص .. ودفء نشعره مع التواصل والمؤانسة .. ولو من حين الى حين

سلوى said...

عبرتي بكل إحساس يا ساره

مفيش إضافه أضيفها

ربنا يوفقك
وتكوني دايما مع كل اللي عرفتيهم واكتسبتي صداقتهم في هذا العالم الإفتراضى

dr.Roufy said...

كأنك بتاخدى الكلام من بالى يا سارة
بجد نفس الى كان ممكن اكتبه
الاضافة الوحيدة ان مدونتك بالنسبة لى كانت من المدونات الى بجد وجودها بيحسسني بألفة ودفء

كل التحية

zezo said...

بصي يا رحيل الكتابة بشكل عام جميلة جدا بمعني انها بتقدر توصلنا للاحساس ال احنا عاوزينة سواء في فرحنا او حزننا او لعبنا بتحسي بشعور جميل وانت بتكتبي بيختلف من شخص لاخر وعلي العموم ربنا يوفقك في حياتك في عالم التدوين

mohammed alsha3r said...

نورتي عالم التدوين
واضافتى عليه ..بأسلوبك الأدبي ياساره

سلم مداد قلمك
وبارك الله فيكى وفي أمثالك
وان شاء لله اكون معاكم اللقاء القادم

حاول تفتكرنى said...

ورقة بيضاء
وقلم
واحيانا سيف ودرع
هل نستطيع أن نستمر بدون هذا

تحياتي

ahmed_k said...

اختي رحيل السلام عليكم
لا أعرف بماذا أعلق على كلماتك هذه
ففيها كل الصدق
فالحياة حولنا لابد وأن تترك أثرها في ما نخطه هنا فهو ميراث تجارب وسنوات قضيناها وسط محيط الحياه

أحييكي على كلماتك الرائعه
وبالتوفيق دوما بإذن الله

rack-yourminds said...

الآخت العزيزه الرائعه رحيل,... السلام عليكم

أولا:كل سنه وانتي طيبه وبصحه وبسلامه
بمناسبة المولد النبوي الشريف
ثانيا:انا دخلت قبل كده عشان اشكرك علي سؤالك واسلم عليكي كمان بس لقيت التعليقات مقفوله ,المهم اتمني تكوني بخير وبسلامع يا رب

ثالثا :بمناسبة تدوينتك هذه بجد يا اخت رحيل وبدون مجامله انا سعيد اني اتعرفت من خلال التدوين علي اخت رائعه مثلك ربنا يحفظك

رابعا :انا بعتذر اني مقصر في زيارة مدونتك بس انتي عارفه اني في اجازه من التدوين وكمان بجد ظروفي وظروف شغلي سبب رئيسي في تقصيري هذا ,وعلي فكره تقصيري هذا مش من طبعي ويشهد علي ذلك بدايتي الاولي في التدوين كنت نشيط جدا في زيارة المدونات فين بقي ايام زمان ههههه

وبعدين تعالي هنا انتي بطلتي تبعتي اكل لييييييييييه هو انتي خصمتي جيرانا ولا ايه ههههه علي العموم هما منتظرين امدادات جديده

الاخت العزيزه الرائعه رحيل بشكرك جدا علي سؤالك الدائم وكما قلت سابقا وساظل اقول ده ان دل علي شئ فانما يدل علي قد ايه انتي انسانه رقيقه وجميله بل ارق واجمل واحن انسانه في التدوين كله

في حفظ الله

همس الاحباب said...

وكانكى تتحدثين بلسان حالنا جميعا
نعن احيانا نشعر بالمملل
احيانا نهوى الهروب
ولكن يوما سنعود
وكاننا اصبحنا سمك فى ماء
لا نستطيع الحياة بدون التدوين
دمتى بكل ود
تحياتى

حسن حنفى said...

عارفه اعتقد ان التدوين غير فينا كلنا حاجات كتير غير للاسوأ وللاحسن الشاطر اللي يخليه يغير فيه للاحسن اكتر

مدحت محمد said...

التدوين احلى مافى النت

فهو عالم ساحر حقا

the others said...

ازيك يا رحيل وحشاني ؟

بوست جميل جدا من قلبك وصل لقلوبنا
التدوين وسيلة بنوصل بيها صوتنا وكلمتنا لبعض في حين ان السياسة عندنا في مصر تقتضي الا نحلم أو نتكلم

شجر الليمون said...

السلام عليكم
اتمني أن يكون الإنقطاع عن مدونتي بسبب مشاغل الحياة ليس إلا لك كل التقدير سيدتي
الرسم بالكلمات

momken said...

كلامك عامل زى اغانى ام كلثوم

كل واحد فاكرها بتغنى له هو بس

انتى كمان كده
كلامك ينفع لكل واحد يقراه

هى هى المسئله وهو نفس الانفجار


بس المدونه ذنبها ايه

لو كل واحد قطه ودانه علشان سمع كلمه جارحه هنعيش من غير ودان
ولو قفل عينه لمجرد انه شاف حاجه وحشه هنعيش كلنا عمى

المدونه لمهاش ذنب

تحياتى

Soul.o0o.Whisper said...

رحيل

يااااااااااااااه
بجد خلتينى أحس أحساسى الاول فى المدونات
بجد هأعيط
كلماتك جميلة و هادئة
حسيت بكل كلمة فيها

بجد أصدقاء التدوين دول مايتعوضوش
مش هاقول ناس صافية
لكن بنحاول نكون صافيين
و صادقين
نتكلم عن نفسنا بصراحة

و يكفى بس اننا اتعارفنا دون مصالح
دا اللى بيخلى العلاقات متماسكة

كمان التعبير عن الواقع
لاننا عايشين نفس الواقع
فالغالب ان تعبيرنا عنه
سواء بالقبول او الرفض بيكون متقارب




بجد متشكرة جدا على بوستك دا
ومتأسفة على التأخير
بس بجد رائع رائع رائع



تقبلى مرورى

west said...

فعلا معاكى حق انا كمان مفتقد ايام بدايه التدوين
خلى بالك من نفسك وابقى طمنينا عليكى

Anonymous said...

معظم كلامك يا ساره حاسه انه بيعبر عنى
وعن معظم اللى دخلوا عالم التدوين
وفى النهايه
نكسب اه
نغيب يمكن
لكن نبعد..صعب
ربنا ميحرمناش من الصحبه الحلوه دى

ملحوظه
فين الصور يا هانم؟؟؟
منى
احاسيس