Thursday, April 2, 2009

في مثل هذه الليالي الشتوية


جلست فى شرفتها فى احدى ليالى يناير الممطرة تراقب زخات مطرا تعشقه لكن البرد هذا العام قارص جدا يألمها بشدة فقط هو ما يعكر صفو استمتاعها بهذا الجو الرائع وتبسمت حين تسللت الى اذنيها تلك الاغنية التى أعادت الى خاطرها كل ذكرياتها معه فشغلتها الذكريات عن برد كانت قد قررت الهروب منه الي دفئ سريرها
كنا فى اواخر الشتا قبل اللى فات زى اليومين دول عشنا مع بعض حكايات
انا لما كنت احب اتونس معاه انا كنت باخد بعضى واروحلوا من سكات

لا تمنع نفسها اطلاقا من هذا الحنين الذى يعتريها بشده حين تسمع تلك الكلمات وتنساب الحانها بداخلها كشلال شوق جارف اليه والى ذكرياتها معه اغمضت عيناها وابتسمت بشوق وتنهدت بحب واستحضرت طيفه الهائم حول روحها باستمرار لتمر الذكريات امام عينها كأنهما معا من جديد
والناس فى عز البرد يجرو يستخبوا وانا كنت بجرى واخبى نفسى اوام فى قلبه
ولحد لما الليل يليل ببقى جمبه وافضل فى عز البرد وياه بالساعات

فى مثل هذه الليالى الشتوية التقت اعينهم ليبدأو حينها مشوار عشق ليته دام ، كان معها يحتضن دمعها ويسرى دفئه فى المكان فيذيب بردها ، فى مثل هذه اليالى الشتوية حلما معا بيوم لهم يكونوا فيه قلب واحد وروحا واحده لا يعرف لهما الفراق طريقا
على سهوه ليه الدنيا بعد ماعشمتنا وعيشتنا شويه رجعت موتتنا
والدنيا من يوميها ياقلبى عودتنا لما بتدى حاجات اوام تاخد حجات

فى مثل هذه الليالى الشتوية عرفت ان العالم كله فقط هو وان عيناه ملاذها وان قلبه مسكنها وان يداه موطنها وان عمره لها وحدها وانها هى مرساه الوحيد
فى مثل هذه الليالى الشتوية رسمته حياة ما بعدها حياه لونتها بلون الحب المتدفق من قلبها المجنون به وتفاصيلها منتهى العشق بينهما ، كانت ضحكته صوتها وصوتها غنوة يهواها ولحن يأسره
فى مثل هذه الليالى الشتوية لم تكن تشعر ببرد ولا ترى مطر غير امطار عشقه المنهمر بشدة على حياتها المتعطشة لمن يروى جفاف ايامها
وسط الشوارع ناس كتير مروحين والناس ياقلبى هما هما وهو فين
وانا ماشيه بتلفت بسال كل يوم بيعمل ايه دلوقتى وبيحلم بمين
فقط كان هو وحده معها فى مثل هذه الليالى الشتوية

28 comments:

صوت من مصر said...

لا للاسف احنا فى الربيع ولا ايه
عموما تسلم ايدك بوست هايل

youma said...

غبتي ورجعتي بقوة قوي
البوست هاااااااااااااايل
عجبني جدا وفكرني بنفسي قبل كم سنة
قلبتي المواجع يارحيل وخليتيني اقرأ وانا مبسوطة حسيت اني منفعلة مع الكلمات والبوست بشكل جميل مع ان الشتا خلاص راح بس حسيته فكلامك

بهنيك بوست حلو قوي

حاول تفتكرنى said...

ما بين تداول الاحوال على ليالي الشتاء

ستظل نابضة بما تحمله

تحياتي

kafrawy said...

للاسف فعلا دايما الواحد بيلاقى نفسه
مع نفسه و بس



دمتى بود

رحــــيـل said...

صوت من مصر

اهلا محمد اه فى الربيع بس اصلها مش فارقه كتير
على العموم انا اصلا كاتبها فى الشتا مش الايامدى
نورتنى
***************************************

يومتى حبيبتى

وتانى تانى رجعنا للمدونات تانى

هو انا دايما كده مقلبه المواجع عليكى
:(

تسلميلى دايما
******************************************
حاول تفتكرنى

اهلا بيك

شكر كثيرا على وجودك
تحياتى لك
*******************************************
كفراوى

بصراحه معاك حق جدا الواحد بيلاقى نفسه مع نفسه فعلا

شكرا ليك

همس الاحباب said...

مبدعة دائما
واختيارك لتلك الكلمات اكثر من رائع
احييكى على كلماتك واختيارك الموفق
تحياتى وتقديرى

شجر الليمون said...

السلام عليكم
ليالي طويلة .. برد قارس.. حب كبير..
في النهاية فراق
لاشي يبقي

هناك وهم كبير وسم لذيذ اسمه الحب

Soul.o0o.Whisper said...

رحيل

دائما ما تاسرناالذكريات

لنعيش معها أحلى اللحظات

قد تنسينا بعض الهموم

تلهينا عن قسوة الواقع



لكنها لا تدوم

و تذهب و تتركنا نعانى قسوة تركها هى لنا



البوست أكثر من رائع صراحة

و أتمنى لكى ما تتمنيه
:)



تحياتى يا جميلة

سلوى said...

والدنيا من يوميها يا قلبي علمتنا
زي ما تدي حاجات ... أوام تاخد حاجات

المهم
الفصول تتعاقب
سنه الحياه
التغيير
ولا شئ يبقى على حاله

دوام الحال من المحال حبيبتي

HAPPY said...

حتى الحزن فى يوم من الايام مش هيبقى موجود...

دمتى بود يا رحيل

رحــــيـل said...

همس الاحباب

اهلا خالد منور
شكرا جدا لمرورك وكلماتك

فى انتظارك نشوفك فى بورسعيد ان شاء الله

تحياتى وتقديرى
************************************************
شجر الليمون

اهلا احمد
يارب تكون بخير

مهو وهم احنا اللى بنصنعه وبنعيش نفسنا فيه بايدينا

تحياتى لك
**********************************************
سول

اهلا هلا بلدياتى
منوره ياقمر
و تذهب و تتركنا نعانى قسوة تركها هى لنا

فعلا انتى معاكى حق فى الجملع دى جدا

تسلمى ربنا يخليكى
*******************************************
سلوى

لولو لولو ازييييييييييك

لاشئ يبقى على حاله
طييييييييييييب
لما نشوووووف اخر حالنا ايه هههههههههههههه
*********************************************
هابى

اهلا بعروستنا الحلوه

يارب تكونى بخير دايما

شكرا جدا ليكى

نهر الحب said...

رحيل بجد عدتينى
انا كمان عايشة فى حالة من البرد النفسى
لما اشوفك ابقى افسرها لك
بس سلمت ايديكى بجد بوست هايل كالعادة يا بنت بلدى

نهر الحب said...

لقاء تدوينى يوم الجمعه 10/4
ببورسعيد اللقاء عبارة عن تجمع للتبرع للايتام المعاقين
ولقاء وتجمع تدوينى بعدها
ان شاء الله
ياريت تشرفنا
التفاصيل عندى وعند ماما امولة

حسن حنفى said...

حمد لله علي السلامه

تعود الذكريات في الليالي البارده وتعود معها الاهات للفراق او التيه خوفا منه مع كل ليه بارده تمر يزداد الخوف او يزداد الحنين ويزداد العاشق عشقا والتائه والخائف خوف وتمر الليالي حتي يعود دفئ الحب في النهايه ويعود العاشق الي احضان معشوقته وتستمر دوره الحياه

فكرة من الزمن ده said...

مشاعر دافئة في ليلة ممطرة واسلوب رشيق حقيقي استمتعت في قراءتي
تحياتي دمتي مبدعة

Anonymous said...

اهلا بجميل عودتك وردك علي ...........

حمامة said...

السلام عليكم و رحمة اله و بركاته
...............................

الذكريات
رغم ما تحمله من مشاعر عذبة
لكنها أيضاً تكون مؤلمة
فقط لأنها أصبحت ذكريات

تحياتي :)

فكرة من الزمن ده said...

رحــــيـل



صحيح معاكي حق هي صدفة غريبة وجميلة
من غير وش بيغمز
لاني حاسة كده من واراه كلام
هههههههه
بس لو تعرفي كمية الصدف اللي في حكايتنا مش هاتستغربي

dr.gesho said...

دايما مالكيش حل
تصدقى كانى اول مره اسمع كلام الاغنيه دى
تحياتى

Tamer Nabil said...

السلام عليكم

ازيك يارحيل حمد الله على السلامة

مش الواحد رجع كدة يجى يطمن اخواتة علية
ان شاء الله تكونى احسن الان
-----
بوست مميز
انا بحب الشتا اكتر

بس بحب الصيف ايضا

تحياتى

رحــــيـل said...

نهر الحب

اهلا بيكى
انا حاسه بموضوع البرد النفسى ده لما نتقابل ان شاء الله نتكلم فيه

معاكو يوم الجمعه بأذن الله
***********************************************
حسن حنفى

الله يسلمك

ياعينى ياعينى ع الرومانسيه ايه ياعم الكلام الجامد ده هههههه
شكرا بجد عل تعليقك يارب تكون بتذاكر كويس

نورتنى
***************************************************
فكره من الزمن ده

اهلا اهلا
شكرا جدا لوجودك وتعليقك
ربنا يخليكى
:)

******************************************
غير معروف

اهلا بيك وابقى علق بحسابك عشان اللخبطه ههههههههههههه
***************************************************
حمامه

وعليكم السلام اهلا ياقمر

تعرفى هى الذكريات فعلا دائما مؤلمه حتى لو ذكرى حلوه لان بنفتقدها
شكرا على تعليقك
دمت بكل الحب
*********************************************
فكره من الزمن ده


هههههههههه طيب ماتكتبى ياست الكل عن الصدف دى متخافيش انا هاجى ابخر المدونة لو خايفه من الحسد ههههههههههه
ربنا يوفقكو ويهنيكو يارب
************************************************
دكتور جيشو

اهلا اهلا
ايه النور ده تصدق كنت شاكة فى كذا كلمه بس قول بقى طالما انت جيت ومعلقتش يبقى كله تمام مفيش اخطاء
هههههههههه
شكرا يااحمد على متابعتك
***********************************************
تامر نبيل

اهلا بيك الله يسلمك

انا عارفه والله انى مقصره مع الجميع معلش بجد ظروف

انا بقى بحب الخريف اكتر لا الشتا ولا الصيف ههههههههههههههه

نورت المدونه

رحله البحث said...

ازيك يا رحيل
ايه اخبارك؟
فينك مستخبيه؟
البوست رائع بس الدنيا هنا بقت حر مع ان الكام اليوم اللى فاتوا كان مطر شديد
مفيش بوست بقى عن حر الصيف

رحــــيـل said...

رحلة البحث

اهلا محمد يارب تكون بخير
انا برضه اللى مستخبيه ههههههه
حر ومطر ربنا معاك
وترجع بالسلامه ان شاء الله

شكرا على سؤالك:)

الازهرى said...

تمضى الايام ويزداد مخزوننا من الذكريات بكلما تحويه
وحين نجلس الى اتفسن تون الذكريات زادنا تستثيره اقل المؤثرات وتخرجه الى وعينا
فنعيش معها ونسعد بها

تحياتى دوما

bent alqassam said...

بسم الله
السلام عليكم ورحمه الله
رحيا او ساره كيف حالك يارب تكونى بخير وصحه جيده عاوزة اقولك انك وحشانى كتير ومفتقداكى اكتر والله
كمان التمبليت القديم كان اجمل
اتمنى لكى التوفيق دائما ف كل حياتك
سلام الله عليكي

camara said...

تتشابه الليالي الشتوية ويختلف طعم المطر في الوحدة وبين الناس
في اقسي ليالي الشتاء بردا نشعر بالدفء بصحبة حبيب أو ذكراه اذا غاب
كونى بود وابداع

دعاء مواجهات said...

يااااه يارحيل

انا كمان ليا حاله خااصة جدا بعيشها كل ما اسمع الاغنية دى

وحشاانى اوى

تحياتى ليكى

رحــــيـل said...

الازهرى

اهلا بيك
شكرا لمرورك وتعليقكك

تحياتى وتقديرى لك
_______________________________________
بنت القاسم

اهلا جيلان فينك كنت مختفيه فين يارب تكونى بخير

بالنسببه لتتمبلت اهو تغير وخلاص
اللى فى ايدنا نغيره بنغيره
شكرا لسؤالك يارب تبقى بخير دايما
_____________________________________________
محمد عوض

اهلا بيك
وبتشبيهاتك الرائعه اعجبنى جدا يختلف طعم المطر حقا يختلف

تحياتى واحترامى لك
_____________________________________
اهلا دعاء

ازيك
يارب تكونى كويسه
هو كدها لشات دايما ليا ذكرياته معانا

كونى بخير دايما
نورتى