Thursday, May 21, 2009

ذكريات


احتراق داخلي تفوح منه رائحة الذكريات العفنة
تلك الذكريات التي لا تعدو عن كونها بقايا لأحداث كانت ذات يوم واقع ملموس قد مر عليها زمن فأصبحت أسيرة في عقولنا أو نحن من أصبحنا لها أسرى
لحظات ظننا لوهلة أنها الحياة ذاتها ولكن مع مرور الوقت نكتشف أنها لم تكن أكثر من لحظات واهمة نستشعر قسوتها كلما مرت الأيام وبرغم صدق قد أحسسناه ذات يوم بها إلا أننا أيضا مع الوقت نتيقن أن ما حدث لم يكن سوى كذبة اخترعناها نحن وصدقنها
نحيي على أمل أن ينطفئ هذا الحريق الداخلي ذات يوم ليتبقى رماد أكذوبتنا فننثره مع ريح الندم لتأخذه بعيداً عن أرواحنا المحترقة
تأتينا الذكريات رغما عنا تفاصيل صغيرة أو كلمات عابرة أو حتى حنين مقهور يتسلل هاربا من عشق مدفون في عمق الروح كل هذا قد يعيدها من جديد كأننا لازلنا نحيا فيها فلا نملك أمام هذا سوى بقايا دموع حارقة وبعض الألم في الروح و كثيراً من الندم على أن هذه اللحظات كانت واقع ملموس ذات يوم مع أمنياتنا أنها لو لم تكن سوى مجرد خيالات في عقولنا فهي لم تخلف ورائها سوى شوكاً في الذاكرة وأنين مكتوم لصرخة أحلامنا الموؤدة
ولكن كل العجب حين يأخذنا الشوق لنفلب نحن بأيدينا فى بعض التفاصيل الصغيرة لنعيد نحن كل هذا الألم من جديد بدافع ما قد نسميه فضولاً لا يزيدنا في أخر الأمر إلا حسرة على هذا العمر الضائع في كذبة مريرة
وددت لو كان بيدي أن اقتلع كل اللحظات الماضية من حياتي لأصبح بلا ذاكرة معبئة بذكريات أصابها عفونة الزمن تفوح منها رائحة كريهة تزيد الروح اختناقا فلا تجد سوى الموت مفراً للهروب من هذا الاختناق
حقا تبا لكل الذكريات
----------------------------------------------
بحاول اسبح ضد تيار الحزن اللي في روحي يارب مغرقش فيه

21 comments:

سلوى said...

لوعلمتم الغيب لأخترتم الواقع

ومهما كانت الذكرى مؤلمه فهي أرحم من أشياء أخري

تفاءلي خير واضحكي للدنيا تضحك لك

وزي مانت كاتبه ع الميل بتاعك
لا تبكي فلا أحد يستحق دموعك
ومن يستحقها لن يجعلك تبكي

رحــــيـل said...

سلوى

لا عادى كله بيعدى مانتى عارفه
انا بس الجمله اللى انا كنت كاتبها على الفيس بوك من كام يوم كانت عجبانى وعايزه اكتب فيها موضوع فكتبت مش تقلقى

احتراق داخلي تفوح منه رائحة الذكريات العفنة

رحله البحث said...

انا فعلا متفق معاك ان فيه ذكريات منيله بس اعتقد ان اللى بيبقى فى الذاكره وبنستحضره كل فتره هى الذكريات الجميله حتى لو استحضارها هيسبب الم
لكن صدقينى المعفنين وسورى على الكلمه دى بعد شويه هيتمسحوا من ذاكرتك واحساس بالانخداع والطيبه وربما الهبل الذى كان هيتنسى برضه ومش هيفضل غير ذكريات اللى يستاهلوا ان تتخزن ذكرياتهم فى المخ الغالى اوى ده اما الباقى فالى مزبله التاريخ فورا
كلماتك فى البوست منتقاه جدا احييكى عليها

dr.gesho said...

رغم اننا واخدين على حالات الاكتئاب و بوستات الكابه
بس المره دى اعتقد انه اكثرها كابه
عشان كده النسيان نعمه
بس اكيد فيه ذكريات جميله برده
من جديد لنفلب
لنقلب
بذكريات أصابها عفونة
اصابتها
تحياتى

رحــــيـل said...

رحلة البحث

ههههههه مش مصدقه التعليق التالت على تدوينات ورا بعضها
لاء تتحسد
ده انا كنت كل فيييييييين وفييين لما اشوفلك تعليق
عارفه انك مشغول يعنى
ربنا يوفقك دايما وتكون بخير

عارفه مشكله الذكريات الجميله اوقات ان نهايتها مش بتكون جميله فغصب عنك بتكره حتى اللحظات الحلوه او اللى انت كان بيتهيألك انها حلوه لانها فى الاخر قلبت بجرح

بس انت معك حق فى كلامك بجد

شكرا ليك على متابعتك
__________________________________________
دكتور جيشو

ياهلا ياهلا تصدق انا كذا حد كان فى بالى النهارده ظهروا كلهم
فييييينك يارب تكون بخير

طبعا انت متعود على الكأبه من اول بوست فى المدونة والله بجد كتر خيرك انك لسه صابر وعندك القدره انك تتابعنى لحد الان

تصدق لو قولتلك انى مش مكتئبه ههههه ومش تسالنى التدوينه دى اتكتبت ازاى

منوووور يااحمد حقيقى

ادم المصرى said...

جميله الذكريات المحزنه دى الحمد لله على نعمت النسيان بس كويس انك مش بتنسيها لئنها احيانن مفيده

احساس طفلة محبة للرومانسية بس واقعية said...

لكن كل العجب حين يأخذنا الشوق من جديد لنفلب نحن بأيدينا فى بعض التفاصيل الصغيرة لنعيد نحن كل هذا الألم من جديد

ساعات ممكن نقلب فيها عشان نتعلم
مش دائما الذكريات مؤلمة
ولو كانت مش بتألمنا زى ما المتنا وقتها
عارفة لو المتنى يبقى كان ليها تبعيات
او كان بسبب خطاء عملناه ولسة مستمرين علية

الاسلوب والتشبيهات عجبتنى جدا
بحب حالة شجن الاقيها فى ذكريات بس الم لا
خالص ربنا يبعدو عنا وعنك

تقبلى مرورى

موناليزا said...

ولكن كل العجب حين يأخذنا الشوق من" جديد لنفلب نحن بأيدينا فى بعض التفاصيل الصغيرة لنعيد نحن كل هذا الألم من جديد بدافع ما قد نسميه فضولاً لا يزيدنا في أخر الأمر إلا حسرة على هذا العمر الضائع في كذبة مريرة"

ان مما ييضاعف من حجم المصائب ان تكون من صنع ايدينا

حقا ابدعتى ياجميلة

رحــــيـل said...

ادم المصرى

شكرا جدا على مرورك
ومتابعتك دايما

نورتنى
-----------------------------------------------------
احساس طفله محبه للرومانسيه

اهلا اهلا ياقمر
شوفى مش دايما بنكون مدركين الخطأ اللى بنعمله فى وقتها لان بحسن نيه بنتعامل مع الناس واحنا متخيلين ان هما كمان بيتعاملوا بحسن نيه وفى الاخر نكتشف ان احنا غلطانين لاننا امنا لحد فده بيخلى اى لحظه جميله عيشناها فى وقتها مش اكتر من ذكرى مؤلمه
اكيد الواحد بيتعلم
بيتعلم كتير جدا جدا

شكرا لمرورك وتعليقك
-----------------------------------------------
موناليزا

بلدياتى الجميلة

فعلا ياموناليزا اصعب حاجه ان احنا اللى نوجع نفسنا بنفسنا
اكيد مش مشكله حد غيرنا طالما احنا بس اللى حاسين بيها

منورانى دايمااااا

zezo said...

الذكريات كلمة تحمل احداث السنين بل العمر كله
علي فكرة يا سارة مفيش حاجه اسمها ذكريات اليمة او حزينه
لان الذكري ال الواحد بيحتفظ بيها غالبا بتكون زكري حلوة
انا بقي مش عارف الناس كلها كل مايحصلها موقف وحش يتاثر بيه اوي ويعتبرة ذكرى مؤلمة وبقي عاوز يعملة عيد ميلاد مش عارف ليه رغم ان المفروض ينساه
الذكريات كلمة قليلة الحروف كثيييييييييرة الاحداث مااقسى بعض الذكريات كالعلقم عند مرورها او تذكرها
يبقي ليه بقي نفتكر احداث تخلي المزاج وحش
انا عارف طولت في كلام مش مفيد بس اقولك حاجة عيشي حلو الدنيا بس وتجنبي ال يضايقك هتعشي حياة جامدة

ديالا said...

رحيل

عارفه فعلا يارتينا كلنا ننسي ذكرياتنا حلوه بقي او وحشه بس لازم ننساها لانها بتوقفنا كتير اوي في مكانا بس لازم نقول بكره اجمل من النهارده والكلمتين دول عشان نصبر نفسنا هنعمل ايه يعني


مع خالص تحياتي

Soul.o0o.Whisper said...

السلام عليكم و رحمة الله و بركاته

رحيل الجميلة

بصى حبيبتى
مهما كانت قسوة الحياة
فدائما برايى أن لنا يد فيما نشعر به من أسى و اختناق

و أديكى قلتى بنفسك
"ولكن كل العجب حين يأخذنا الشوق لنفلب نحن بأيدينا فى بعض التفاصيل الصغيرة لنعيد نحن كل هذا الألم من جديد"

صح يا سارة
للأسف بنكون سبب فى جرح نفسنا اوقات من غير ما نحس

أستعينى بالله يا قمر
و اعملى اللى انتى شايفاه صح و بس
و سيبك من كل اللى يتكلم




تحياتى ليكى يا جميلة

الازهرى said...

قديما قالوا ان الانسان من النسيان
وللاسف لا تصدق تلك العبارة دوما
فنجد انفسنا غير قادرين على محو ذكرياتنا
والاسوا أننا أحيانا نعيش بداخلها فنخسر الاستمتاع بليوم والحلم للغد

تحياتى دوما

بسنت said...

أنها لو لم تكن سوى مجرد خيالات في عقولنا -- الخيالات اللى زى دى هى اللى نقولها عليك اللعنه فعلا
ولكن ليس بكل الذكريات سيئه
لفهم معنى الندم على ذكريات تسبب لنا الالم ونستحضر نحن هذا الالم لانه يذكرنا بشئ لم يكن واقعى
هذا هروب كما احب ان اسميه
الواقع لازم نعيشه بكل ما فيه بلا هروب منه لذكريات لم تكن موجوده
استحضرى الامل فى يومك
تحييه كأجمل ذكريات للمستقبل
دمتى بكل الخير

حاول تفتكرنى said...

هي الحياة

بحنوها وقسوتها

يجب أن نعيشها بالنقيضين


تصوير بابداع

أحييك بشدة

رحــــيـل said...

زيزو

اهلا زيزو
شوف مش موضوع ان احنا ننسى حاجه وحشه ونفتكر حاجه كويسه
مش بايدينا
الذكريات جزء منا للاسف مفيش مفر منها
الحزن مش بيكون على حاجه غير على الوقت والمشاعر اللى استنفزت فى كدبه احنا عشانها تخيلنا للحظه انها هتكون شئ كويس
اتمنالك موود حلو دايما بالطريقه اللى بتفكر بيها تقريبا انا هبتدى احقد عليك هههههه
ربنا يكرمك يارب
--------------------------------------------------------------------
ديالا

حبيبة قلبى
منووووره ياقمر
فعلا ياااااااريت نقدر ننسى
بس عادى فى ناس بتنسى وتعيش حياتها ولا كأن كان فى حاجة
تصدقى احنا اللى نستاهل ههههههههههههههه
-----------------------------------------------------------------
سول

وعليكم السلام
ياهلاااااااااااااااااااا سولى
طبعا انا موافقه على كلامك الموضوع بيكون عايز قوة وان احنا منحاولش نجرح نفسنا
بس الحقيقى ان محدش يستاهل فعلا اى لحظة الم ممكن نعيشها

هحاول اكيد وكمان بقيت انفض للى بيكلموا هههههههههه مانتى عارفه بقى اللى فيها
منووووووره ياسولى دايما
ربنا يخليكى

رحــــيـل said...

الازهرى

اهلا بيك
عجبنى كلامك جدا
حقيقى انا موافقه عليه بشده
والاسوا أننا أحيانا نعيش بداخلها فنخسر الاستمتاع بليوم والحلم للغد
فعلا دى المشكله

تحياتى وتقديرى
-----------------------------------------------------------
بسنت

اهلا اهلا
هروووب؟؟؟؟؟؟
ممكن فعلا يابوسى يكون كده
بس للاسف بنهرب للمكان الخطأ والاكثر الما

تحياتى ياجميله
شكرا ليكى كتير
--------------------------------------------------------------
حاول تفتكرنى

اهلا اهلا ياافندم
نورت المدونة والبلوج سبوت من جديد
حقا انها الحياه

Diyaa' said...

من غير الذكريات دي أيا كان مسماها ..ما كانتش خبراتنا هتبقي اللي موجودة دلوقتي وكانت شخصيتنا ربما هتبقي سطحية أكتر :)
أكيد لكل ذكري جانب إيجابي ربما ندركه بعد الإختناق أو الغرق..وربما ندركه قبل كده بكتير..وأنا بتمنالك الأخيرة طبعاً..بس كتابة محيرة ومعبرة

وبالمناسبة :) اعتبري الفضول تسلية واتحكمي فيه :) ميخرجش غصب عنك..ساعتها هيبقي تأثيره أفضل بكتير

والسلام ختام

رحــــيـل said...

ضياء باشا

منووووور
شوف ياضياء انا معاك طبعا جدا ان الذكريات دى هى رصيد الخبرات بتاعنا وانها لولاها هنبقى فى منتهى السذاجه
بس الغريب ان الواحد يفضل ساذج بعض الشئ بعد التجارب دى هههههههههه
اهو ده الهبل بعينه
بس ان شاء الله خلاص انتهى عصر الهبل

اما بالنسبة للفضول هعتبره فعلا مجرد تسلية لان فى ناس مش شايفينو اكتر من كده
هحاول اكيد
شكرا جدا ليك

Diyaa' said...

منورة بأصحابها يا ريسة :))
ومش هبل ولا حاجة :) مجرد حسن نية زيادة بس :)

والعفو :P
تعالي كل يوم

ميرام said...

بكل قوتك جدفي
وحاولي يكون حد معاك
كتير قوي في اوقات زي دي بناخد بعضنا ونهرب
ننزوي .. ننطوي
بتبقى دموعنا علينا أسهل ..
حاولي بجد تخرجي نفسك من الحالة
(:
دع الذكريات لهم ...
لأنهم حتما غير جديرين بها
(:
تقبلي مروري