Saturday, June 13, 2009

سفر


هو انا باين مكسلة اكتب كان فى كام حاجة عايزه اكلم فيهم كتبت تدوينين ومرضتش انزلهم وحكيت مع نفسى تدوينة كنت حاسها مهمه جدا بس تقريبا كنت بتسلى فى الطريق وانا راجعة من السفر لحد ما وصلت البيت حسيت انى عشان اجمع كل اللى حكيته مع نفسي هيكون صعب جدا رغم انى من زمان عايزه احكي في الموضوع ده بس برضه تفضل نفسي اقرب حد ليا اكيد هيجي يوم واتكلم في اللى انا كنت عايزه اقوله كمان كان فى كام محاولة كتابة بالعامية عايزه انزلهم هنا بس برضه مش عارفه ليه او عارفه ليه مليش مزاج انزل حاجة جديدة كمان انا هغيب فترة - على اساس انى كنت موجوده اصلا هههه- انا مسافرة بورسعيد يوم الاتنين ان شاء الله ويوم الجمعة الجاية لقاء مدوني بورسعيد التفاصيل على مدونة نهر الحب وهرجع السبت وهسافر القاهرة التلات عشان المفروض ان فى تجمع يوم الاربع الصبح عشان راحة السويس هقضى اربع وخميس وجمعة هناك سعيدة جدا لانى اول مره اروح السويس رغم قلقي ان مش معايا حد اعرفه .الشهر ده زحمة جدا وفى احداث كتير بس حسيته بداية وفاصل عن الشهور اللى فاتت كانت كئيبة جدا بس الاكيد اني اتعلمت كتير . فرص السفر حسيتها جاية فى وقتها لانى محتاجة فعلا اغير جو كده يبقى فاضل لسه سفريتين فى الصيف ده وان شاء الله يكونوا قبل رمضان القاهرة اجازه تكون طويلة شوية وكمان اسكندرية وعلى المدونين والمدونات الذين لم تذكر اسماء محافظتهم فى الخطة يبعتوا دعوات ليا وانا مش هتاخر عنهم ههههههههههههههه اشوفكم على خير جميعا
ملحوظة
بالنسبة للقاء مدوني الدقهلية ان شاء الله هنسق مع المكتبة ويكون اخر الشهر هنحدد اليوم ونعمل ايفينت على الجروب بأذن الله

12 comments:

صوت من مصر said...

مش هقول غير يا بختك
يارتنى كنت انا

ادم المصرى said...

تدوينه رائعه انا كنت
حاسس انك بقالك فتره غيبه صح بردو

ولا انا فى غيبوبه ابقى طمنينا عليكى ديما

ولا احنا مش مهمين عن سيادتك يا مجستى

dandana said...

الله

يابختك بجد يا سوسة

بصى انتى تاخدينى معاكى سفرية السويس دى ..وأنا مش هاحقد عيكى ف موضوع القاهرة وأسكندرية

ايه رأيك

همس الاحباب said...

ايه ياعم ابن بطوطة حضرتك
واخد اليلاد من شرقها لغربها ومن شمالها لجنويها
هههههههه
ربنا يسهل واحتمال نشوفك فى لقاء بور سعيد
وربنا يسهله يا باشا
تحياتى

مصعب صلاح said...

السلام عليكم

ربنا معاكي يا استاذة ويوفقك في سفرياتك

تقبلي مروري

dr.gesho said...

كل دى سفريات
تروحى و تيجى بالسلامه
بس بشرط
ترجعى بدون اكتئاب
ماشى
ياللا باى

سجود said...

ياحظك .. خذينا معك
تحياتي لك

ديالا said...

رحيا وحشتنيني

معلش عارفه اني مقصره معاكي بس الكمبيةتر كان تعبان شويه فدخلناه المستشفي ولسه خارج حالا

يارب تكوني بخير ياقمر

Wish I were a Butterfly ... said...

:)
تروحي وترجعي بالسلامة ان شاء الله

فعلا السفر فرصة لتغيير الجو، وكويس إن الشهر دة فيه أحداث كتير وهتقابلي فيه ناس كتير جديدة لأن دة هيغير المود خالص ان شاء الله

أنا كمان هسافر الأسبوع الجاي:). بس الجديد اللي هشوفه هيكون البحر وبس...وبيني وبينك هو كفاية علي ساعات كتير

أتمنى تقضي أجازة سعيدة :)

حاول تفتكرنى said...

من بورسعيد للقاهرة للسويس ، للاسكندرية ، للدقهلية

فعلا رحيل


حفظك الله

أ / أحمد عبد المنعم said...

بسم الله الرحمن الرحيم
الأخت الفاضلة :
تشرفت بمعرفتك فى لقاء بورسعيد
وأرجو ان يستمر التواصل بإذن الله

رحــــيـل said...

صوت من مصر

اهلا يامحمد عقبالك تسافر كام سفريه كده تغير جو
شكرا ليك
_____________________________________
ادم المصرى

اهلا ادم فعلا بقالى فتره غايبه
ههههه بقى العادى تقريبا

طبعا مهمين لو مكنتوش مهمين مكنتش هرجع بعد كل غيبه

شكرا على سؤالك الدايم
تحياتى
------------------------------------------------
دندنا

مي وحشااااانى
طيب خلاص هاخدك السويس
عشان اضمن انك مش هتحقدى فى باقى السفريات
يارب نتقابل قريب
----------------------------------------------------
همس الاحباب

اهلا خالد كنت اتمنى بجد تكمل معانا بقيت اليوم قاعدنا قعده ظريفه جدا فى اخر اليوم كانت نقصاك فعلا
ربنا يكرمك يارب دايما
والمره الجايه تجيب همس معاك
:)
---------------------------------------------------
مصعب صلاح

وعليكم السلام
ربنا يخليك
شكرا على مرورك وتعليقك
------------------------------------------------
دكتور جيشو

الحمد لله رجعت ومن غير اكتئاب
يابنى محدش واخد منها حاجه بلا نيله
انا زى الفل
يارب انت كمان تكون بخير
شكرا كتير بجد على متابعتك دايما
---------------------------------------------------------
سجود

اهلا ياسجود
يالا جهزى شنطتك وتعالى
نورتى ياقمر
----------------------------------------------------------
ديالا

حبيبتى ازيك وانا بقول الغيبه دى كلها فين
كويس انك بخير
انا قولت انتى مشغوله مع البيبى الجديد بما انك خالتو
حمد الله على سلامة الجهاز
خلينى اشوفك
--------------------------------------------
Wish I were a Butterfly

الله يسلمك
يارب انىت كمان تقضى اجازه سعيده
انا قضيت فى بورسعسد كام يوم حلوين فعلا وقابلت ناس جميله جدا
عقبال باقى السفريات
يارب تكونى بخير دايما
-------------------------------------------
حاول تفتكرني

اه فعلا رحيل
:))
اشكرك على وجودك الدائم
تحياتى وتقديرى
--------------------------------------
أ\احمد عبد المنعم

اهلا بيك ياافندم
كانت فرصة طيبة فعلا رغم ان حضرتك مشيت بدرى جدا جدا
وان شاء الله يكون فى تواصل

تحياتى لك