Saturday, June 20, 2009

رنة خلخالي


كل يوم م الصبح بدري

ألف ملايني على عمري

أداري دمعتي وحزني

وارسم بكحل العين

ضحكتي وفرحي

ولا أبين من لفتي غير خلخال

رنته نبض قلب الولهانين

وأنا نبض قلبي فيا سجين

ومن جمال العين أبين الرمش

فيلومني طبيب العاشقين

حني يا سمرا

ياللي ف الفضا سارحة

ده اللى يشوف سواد النني

بغيرك ما يحلمش

فأقوله وايه ذنبي

ده أنا اللى العشق بكاني

وخلاني في الهوا جارحة

وقسانى

على القلوب الدايبة م الفرحه

وأمشى فى خطوتي رقة ودلع

ومن ورايا ألف عاشق يتوجع

يقول الأه

أرد برنة الخلخال

مش أنت اللى عليك العين

ولا اللى القلب ليه مال

وليلاتي ينادي الحنين

ع الفارس اللى عدي مرة من سنين

ومن غير كلام كان الحديث واصل

وفى وجوده لاقيت الدفا حاصل

وفى عيونه

كانت حروف اسمي بترقصلى

وفى كف ايده كتب قصتي واصلي

وغاب القمر

لاقتنى وحدي معايا وعد

انه يعود بعد الغياب والسفر

ومن يوميها وقلبي دايب م السهر

لا قدر ينسى ولا ف يوم بقى حجر

ومن شوقي اللى ما ينتهى

بقيت كل يوم ألف ملايتى واجري

أدور بين عيون الناس

عن العاشق

اللى علمني الحب من صغرى

عن الغايب

اللى قلبه قوى على هجري

يا ترى فاكر ولا نسي يا ناس وعدي

18 comments:

ديالا said...

رحيل
وحشتيني جدا
إيه يابنتي كل ده فين!
البوست حلو أوي
وألفاظه ومعانيه روووووعة
وع فكرة
أنابعشق الخلاخيل جدا
متغبيش عننا تاني

thunder said...

ممممممممممممممممممم
اية النزعة الشعرية دى يعنى ان ولا عارف اكتب اى حاجة ويمكن شوية بعض الخواطر الاقى منافسة غير متاكفئة كدا بجد كلماتك اكثر من رائعة جدا واسلوبها عالى وجيد وكدا سوق خواطرى كما هيقف ما كفايا على شلة الاشرار اللى قافلين عليا منفذ الكتابة عاااااااااااااااا
دمت يارب بكل حب وود وفى رعاية وحفظ الله وبوست حلو يع يع كتير جدااااااا

ماء تشرين said...

جميله جدا
بجد تحفه

تقبلى مرورى

ادم المصرى said...

يااااااااه بجد زعلان جدا منك عشان زهبتى بلا عنوان حمدله على سلامتك رحيل؟

البوست روعه انتى ديما كده جميله فى كل شيئ

مصعب صلاح said...

السلام عليكم

أخيرا رجعت من السفر وابدعت المرة دي

كالعادة طبعا

تقبلي مروري

zizo said...

ازيك يا سارا
علي فكرة بوست تحفه فنيه رائعه جامد جامد يعني

romansy said...

صباح الخير
اكيد مش هيقدر ينسى وعد
طالما بتحبيبه كل الحب دا

كلامك جميل يا رحيل

عرفة فاروق السيوطى said...

السلام عليكم

الله الله الله

كل ده حصل فى غيابى طيب يا ستى ربنا يكتر
جميلة جداا القصيدة دى رائعة ورقيقة

بس بجد حرام عليكى تعذبينا معاكى

رمش وسواد عيون وسمار ورنه خلخال

دا افترا والله

عامة اسعدنى للغاية أن اراك على الطريق الصحيح اقصد طريق الكتابة بالطبع

خالص مودتى

همس الاحباب said...

حمد لله على السلامة
من بور سعيد
وعودا احمد للمدونة
الواضح ان زيارة بور سعيد كان ليها مفعول السحر
كلمات واسلوب اكثر من رائع
تسلم الابداعات دائما
تحياتى

سماء said...

كلامك جميل جدا

وغاب القمر

لاقتنى وحدي معايا وعد

انه يعود بعد الغياب والسفر

ومن يوميها وقلبي دايب م السهر

لا قدر ينسى ولا ف يوم بقى حجر

ومن شوقي اللى ما ينتهى

بقيت كل يوم ألف ملايتى واجري

أدور بين عيون الناس

عن العاشق

اللى علمني الحب من صغرى

عن الغايب

اللى قلبه قوى على هجري

يا ترى فاكر ولا نسي يا ناس وعدي

حمامة said...

وليلاتي ينادي الحنين

ع الفارس اللى عدي مرة من سنين

ومن غير كلام كان الحديث واصل

وفى وجوده لاقيت الدفا حاصل


جميل اوووووووووى

بجد جميل جميل

صحيح فى هفوات كده وتبقى جناااان

بس بجد بقيتي شاطرة مووووت

وحشتيني :)

او بالأصح وحشتينا

محمد فكري said...

حقيقي جميل يا سارة :)
..
أول مرة أقرألك شعر..
..
سعِدت بالمرور
..
تحياتي

ميرام said...

أرد برنة الخلخال
مش أنت اللى عليك العين
ولا اللى القلب ليه مال

(:
عجبتني ..
وأول مصافحة لمدونتك
لي عودة مع جديدك
تقبلي مروري
كل الود

محمد العدوي said...

المفروض يحطوا في المدونات حاجة زي
like
بتاعة الفيس بوك ..


علشان نمضي سريع سريع

جميلة يا سارة

احساس لسه حى said...

عزيزتى

يا ترى الفارس هيفضل فارس

ولا شبح فارس

الفارس ولا يبيع ولا يسيب ولا يخدع

تحياتى

سلام

حنان سعيد said...

بجد يا رحيل مش عارفه اقولك ايه
ولا ايه
الكلماتك رائعه بجد
تسلمي يا حببتي ويسلم قلمك واحساسك
بجد بجد تسلم ايدك
وحمد الله على سلمتك يا حببتي
وشكل بورسعيد وجوها عامل شغله
هههههههه
تسلمي يا حببتي
بجد انا حاسه اني هقرأ في كلمتك لغايه ما احفظها من كتر جمالها

صفاء said...

وفى وسط كل المعجبين دول
هى مش شايفه غيرة
مش بتدور على غيرة
اللى علمها ازاى تحب

رائع بجد
وجماله فى رقى عاميته

تحياتى لك

Soul.o0o.Whisper said...

السلام عليكم و رحمة الله و بركاته



سارة وحشتينى جدا جدا جدا بجد
أخبارك ايه؟؟؟

مش هاشوفك قريب؟؟
.........

القصيدة قمة فى الروعة بجد

دايما مبدعة
كفاية احساسك فى الكلمات


ربنا يبارك لك يارب يا جميل
و حددوا معاد بئا عاوزة أشوفكم



سلام