كان وجودك اليوم رائعا
النهاردة كان يوم رائع جدا جدا رغم قلقى طول الاسبوع اللى فات والحوارات اللى حصلت والضغوط كنت قلقانه كتير جدا كنت حاسة انى بحلم بس النهاردة انت اثبتلى ان وجودك فى حياتي واقع ملموس
رغم ظهورك المفاجئ والمدهش الا انك فى اسبوع واحد من بداية معرفتنا اثبتلى حقيقة واحدة كنت بحاول اثبتها لنفسى بقالى 25 سنة انى مش مجنونة وان تفكيرى فيك مكنش وهم رغم انى مكنتش اعرفك وكنت قربت افقد الامل فى كونك حقيقة موجوده فى دنيتي
لما حكيت لماما عنك يوم الاتنين لاقيتها بتسأل سؤال منطقى انتي تعرفيه كويس ؟ لاقيتنى برد بثقة آه طبعا عارفاه كويس رغم انى مكنتش اعرفك الا من 3 ايام الا انى حسيت انى مش محتاجه اعرف اكتر م اللى عرفته او بمعنى تانى احس اللى حسيته عشان اصدقك واصدق انه مش ينفع نضيع وقت اكتر من كده كفايه العمر اللى راح واحنا بندور على بعض
ورغم التفاصيل السخيفة والتقليدية والطبيعية اللى كانو بيحكو فيها النهاردة الا انى حسيت انى روحنا منفصلة تماما عن اللى بيحصل وكنت حاسه حوار بينا داير من غير ما نتكلم كنت سمعاك وبرد عليك وعارفة انك سامعني وحاسسني كنت فرحانة جدا وحاسه اليوم بيعدى بهدوء وبود بينا كلنا
غريب جدا الوقت اللى انت ظهرت فيه بجد شكرا انك لحقتنى فى اخر لحظة كنت بفكر اخوض تجربة انا عارفة انها مش بتاعتى بس عشان كنت زهقت وكمان عشان اريح اللى حواليا يااااااه فضلت طول الاسبوع اللى فات مش مستوعبة وجودك بالشكل ده مش مصدقة نفسى انى اخيرا لاقيتك وانك كنت بتدور عليا زى ما كنت بدور عليك بجد الحمد لله انك ظهرت فى التوقيت ده وان احنا لاقينا بعض
كنت بحتاج كل لحظة اكلمك عشان احس انك موجود فعلا وانى مش بحلم
شكرا على وعدك اللى ما قبل ما يكون كلام حققته فى لمح البصر وبقى فعل
شكرا لانك كملتنى بوجودك لانى حساك نصى التاني بجد
شكرا على اللحظات الجميلة الحقيقية رغم انها بقالها اسبوع بس الا انى حاسه انى اعرفك من سنين محستش بغربة لحظة واحده بينا
شكرا انك قدرت تحسني من قبل ما تكلمني او تعرفني بجد احساسك هزني جدا وصدقتك قوى وحسيتك جدا
شكرا لانك نورت حياتى وفرحت قلبي بجد كنت متخيلة ان صعب انى افرح تاني جايز ده كان سبب خوفى طول الاسبوع اللى فات بس النهاردة وجودك طمني كتير مبقتش خايفة
شكرا للحظة الجنون اللى كانت سبب فى وجودنا سوا النهاردة
شكرا على احساسك الرائع اللى بتمناه من زمان
شكرا علي حبك اللى غيرلي حياتي
شكرا على وجودك المدهش
شكرا على الاحساس اللى اتولد جوايا من جديد
يارب يتمملنا على خير ولا نفترق ابدا ابدا
39 انتو كمان حاولوا معايا:
يخرب بيت كده التعليق لي بكتبه بقالي ساعة راح لما عملت ريستارت
لاااااااااااااااااااااا
مش ممكن
انا مقريتش البوست بس عارفة لي فيها
اولا انا متغاظة انك حتسيبيني وتروحي
اهيييييييييء اهيييء اهيء
ثانيا بقى انا طلع عيني عشان اكتب التعليق ده
الجهاز بيهنج والكلام بيروح بعد مابكتبه
كل لي كنت عاوزة اقوله
مبروك يابت واخيراااااااااااا اتقلب حال المدونة وبقت فيها نوع من السعادة الدائمة ان شاء الله
مبرووووووووووك
واخيرا حأخلص من غلبك
وحيجي حد يطلع عينه في الطلبات لي مش بتخلص
هههههههههههه
بقولك ايه يا اسمك ايه
انت تداري عليها وتحطها فحباب عنيك
اصلي دي تحفة
انت عارف يعني ايه تحفة
يعني قد ماتبور عندك قصدي قد ماتطول عندك قد ماغلاوتها او قيمتها تزيد
وبقولك ايه حسك عينك تزعلها احسن والله والله
مش حأعمل حاجة هو ربنا بس لي حيغضب عليك
وانا اشيل النظارات بقى واتسند على حاجة واقعد عليها احسن انا منظري ولا اجدعها تيتة
سلام بقى
ومبروك للعرسان القمامير
ربنا يوفقكم
مبروك
مبرووووووووووك
وش بيغمز بس كفاية عليكى
اما تعليقى هيكون بوست ان شاء الله
مبروك يارحيل حالا هيكون ليكي بوست عندي في مدونتي ابارك لاجمل عروسه في العالم ربنا يهنيكي يارب
السلام عليكم ورحمه الله وبركاته
صديقتى ساره
بجد متعرفيش احساس بالفرحه عامل ازاى دلوقتى بجد
انتى عارفه كان نفسى وانا جاى على مدونتك اجد حاجه جميله من كلماتك العبقريه بس بجد ادتينى اجمل بوست فيه اجمل خبر
ربنا يتمملك بخير
يااااااااااااااااااااااارب
والله الموفق
ربنا يهنيكى يا رحيل
وبجد بكون سعيد لما بسمع ان زميله لينا فى التدوين سعيده ودخلت حيتها الجديده واتمنالك النجاح فيها والتوفيق مع شريكك فى باقيها
يوما
حبيبه قلبى هيامي
عارفه ياعينى انك حاجزه التعليق الاول منذ قديم الازل معلش يوما حصل خير ووصل تعليقك
ووصلت فرحتك من قبل التعليق
ربنا يخليكى ليا يارب دايما
------------------------------------------------------
عفراء
ههههههههههه مروه الوقتى بتقولى انتى قرصتى رشا فى ركبتها يوم خطوبتها ولا ايه؟؟؟؟؟
لاء وايه هنتغرب تانى مع بعض
وفى نفس المكان جميل جدا الصدف دى عشان افضل اقرف فيكى باقى عمرى ربنا معاكى يابنتى
هههههههههههه
فى انتظار البوست ان شاء الله
---------------------------------------------
ديالا
حبيبتى الله يبارك فيكى
ربنا يخليكى
مستعجله على ايه هههههههه
انا بس اللى استعجلت وحسيت ان الدنيا كلها عايزها تفرح معايا
ربنا يخليكى يارب
-----------------------------------------
غير معروف
وعليكم السلام ورحمه الله وبركاته
كنت اتمنى تعلق بحسابك او تقول انت مين
مع انى متوقعه
شكرا جدا جدا
ربنا يوفقك دايما للى فى الخير ليك
ويحققلك كل اللى بتتمناه
تحياتى وتقديرى
ادم المصرى
شكرا جدا ليك
ربنا يوفق الجميع يارب
عقبالك
تحياتى
بارك الله لكما وبارك عليكما وجمع بينكما في خير .
يارب يباركلكم
الف مليووووووووووووون مبروك
بارك الله لكما وبارك عليكما وجمع بينكما فى خير
يارب ماتتفرقوا ابدا ابدا ابدا يااااااااارب
يا الف نهار ابيض
يا الف نهار مبروك
الف مبروك ياحبيبتى وربنا يتمم بخير
الف الف مبررررررروك يالغلا
ربنا يجمع بينكم على خير ومايفرقكم ابدا
دمتي بحفظ الرحمن
رحيل
هذه أول زيارة لمدونتك الجميلة وأسعدنى أن يكون أول تعليق لى فى هذه المدونة يخص مناسبة سعيدة
بارك الله لكما وأتم عليكم السعادة والفرح
ألـــــــــــــــــــــــف
مبــــــــــــــــــبروك
تقبلى مرورى
أولا ألف مبروك ولو انها جت متأخرة شوية بس والله لسة يادوب عارف
ثانيا بعتذر عن غيابي الطويل عن المدونة هنا بس ده اعلان عودة
خالص تحياتي
P a s h a
امييييييييييييين يارب واياكم ان شاء الله
منور ياباشا
------------------------------------------------------
جيجي
اهلا بيكى
الله يبارك فيكى وعقابلك ان شاء الله
امين امين امييين
--------------------------------------------------------
موناليزا
ربنا يبارك فيكى ويسعد قلبك ويفرحك
انت بجد من الناس اللى الجميله اللى الواحد عرفها هنا
تسلمى وشكرا بجد على التهنئه الجميله
ربنا يخليكى ياموناليزا
-----------------------------------------------------
نوارة
الله يبارك فيكى
متشكره جدا على مرورك
ربنا يكرمك يارب
-----------------------------------------------------
المهاجر
اهلا بيك ياافندم
شكرا على مرورك ومباركتك
ربنا يوفقك ويكرمك دايما
-----------------------------------------------------
كاتب مصرى
ياهلا ياهلا
الله يبارك فيك لاء مش متاخره ولا حاجه
عودا حميدا للتدوين ويارب تكون بخير
انا كمان غايبه بقالى مده يارب ارجع بقى انا كمان
تحياتى وتقديرى
ربنا يتمملك بخير ياقمر يارب ويكون زوج صالح وتجيبو ذريه طيبه كده يارب
بس متنسيش الشكولاته
الف مبروك
السلام عليكم
الله عليكي يا استاذة
بجد احساسك عالي جدا ، شكله كده هو اللي كان بيكتب
الف مبارك
وإن شاء الله تكونوا أسعد زوجين ف العالم
تقبلي تحيتي
أووووووووووووووووووه
إيه بس الكلام الجامد ده ؟؟؟
كل ما الكلام بيبقى صادق و حقيقي و من جوه بيختلف كتيييييير عن الخواطر اللي بنكتبها من خيالنا
ألفين مبرووووووووووووووك يا أحلى سارة
و يا رب تدوم سعادتك و يتمملك على خير
و عقبال جوجو بقى عليها الدور
;)
يااااااااااااااااااه
اخيرا مسعووووووود
شوفتى بقى دعوتى فى بوست صوريصار وصلت بسرعه ازاى
انا اصلا مكشوف عنى الحجاب
يا ريت يكون فيه اكتر من مبروك عشان اقولهالك لانى شايفها ماتكفيش
عموما الف مليون مبروك وياريت احبابك ماينسوكيش اصحابك
وربنا يتملكوا على خير يا رب
والبوست الجاى بقى لازم نعرف تفاصيل العريس اللى وقع رحيل ده
هوا بلوجر واللا مش عشان نباركله ونوصيه عليكى
تحياتى
ماء تشرين
شكرا جدا جدا
ربنا يبارك فيكى ويسعدك
نورتي المدونة
-------------------------------------------------------
صوت من مصر
اهلا محمد ازيك عارفه انى مقصره جدا من زمان معاك
ومع كل الناس بس حقيقى كنت مشغوله كتير طول الشهر اللى فات
الله يبارك فيك وعقبالك يارب قريب نفرح بيك
-------------------------------------------------------
مصعب صلاح
وعليكم السلام
شكرا يامصعب ربنا يخليك
الله يبارك فيك
وعقبالك بس لما تخلص دراستك الاول طبعا
شكرا جدا لمرورك
----------------------------------------------------
قطرات من شواطئ الحياة
اهلا اهلا ياقمر ازيك
فعلا لما يكون احساس بجد حقيقى بيختلف كتير عن اى كلام بيكتب
وانتى كمان مبروووووك ليكى سمعت اخبار حلوه
جوجو ياستى تقريبا مهتصدق تخلص منى هههههههه
نورتي ياقمر
----------------------------------------------------
دكتور جيشو
ياهلا ياهلا
اه اخيراااااااااا لاقيت مسعود
كلمه اخيرا اول كومنت بسمعه من كل الناس فى الشغل وفى العيله واصحابى
ههههههههههه هو انا كنت قاعده على قلبكو وانا مش واخده بالى ولا ايه
ايون فعلا دعوتك كانت مستجابة واصل انا امنت عليها بضمير شويه
من غير ما يكون فى كلمة اكتر من مبروك عارفه والله ياافندم انك من الناس اللى بجد هتفرحلى حقيقى
ربنا يخليك واحضر فرحك قريب ولا مش ناوى تعزمنى زى الخطوبة ؟؟؟؟ هههههههه
وبعدين تفاصيل ايه اللى بتكلم فيها ياراجل المهم انى وقعت واللى كان كان هههههه
اممممم ايون هو بلوجر واكيد هيشوف تهنئة سعادتك هنا وهتوصله اما عن التوصية فهو مش محتاج ولا انا محتاجه حد يوصينى عليه
شكرا كتييييييييير جدا ليك
كفايه العمر اللى راح واحنا بندور على بعض
تعرفي ان عنيا دمعت اول ما قريت
فكرتيني اول ما اتعرفنا انا ومؤمن
بجد انا فرحانه خالص
خاصة انى بحبك من غير ما اعرفك والله
ربنا يتمملك على خير يا حبيبتي يااااارب
عايزين بقى اخبار تطمنا دايماً :)
احم احم
فرح مين سعادتك
انا اتجوزت الحمد لله من 4 شهور
و ولى العهد فى الطريق كمان
عقبالك ان شاء الله
انا عارف انك مش هتكونى ندله زيى و هتعزمينى
بجد فرحانلك جدا
مش عارف زى ما اكون كنت شايل همك
ههههههههه
تحياتى
حمامه
اهلا اهلا حبيبتى
انا كمان والله بحبك فى الله
ولما قريت خبر خطوبتكم فرحتلك جدا جدا
ربنا يهنيكم يارب ويسعدكم دايما
ربنا يخليكى يارب
ودعواتك لينا
-------------------------------------------------
دكتور جيشو
ممممممم بقى كده الناس اللى بتتجوز من غير مأتقول ولا تعزم حد
اى نعم انا بقى مش هبقى ندله وان شاء الله اعزمك
يارب ولى العهد يوصل بالسلامه وتفرح بيه طول العمر ويكبر ويبقى دكتور زى باباه
بجد متشكره جدا جدا ليك
:)
اذا أخيرا نجحت محاولات البحث عنك .. حتى وجدتيها
الحمدلله .. ربنا يحلى أيامك ويسعدك .. العبرة ليست بطول الاوقات والمعرفة .. العبرة بقوة هذه الاوقات وأثرها فى نفوسنا
وماأحسست هو كأنى ابتسم لابتسامتك .. وأسعد وانا ارى الفرحة فى عينى ابنتى
الف مبروك وربنا يتمم بخير
السلام عليكم ورحمة
الله تعالى وبركاته
والف مبروك يارحيل
ربنا سبحانه وتعالى
يتمم لك بالخير كله.
عرفت من موناليزا
بالخبر السعيد وحبيت
اباركلك بنفسى
والف مبروك
ايه دا ماحدش زغرط خااااااااالص
طيب بقى فرصة وجت لحد عندى
ولولولوىىىىىىىىىىىى
لولولولوىىىىىىىىى
لولولوىىىىىىىىى
عقبال البنات
كلهـــــن
كلهـــن
كلهــن
الف الف مبروك يا حبيبتى
ربنا يسعدك يا رب
و يحقق لك فيه كل اللى بتتمنيه
و يفرح قلبك به دايما
أبنتي الفاضلة /ساره
مبروك كلمة لا تكفي فأنتي تستحقين أسعد حياة و لا أجد كلمات تناسب التعبير عن فرحي لسعادتك بارك الله لكما و بارك عليكما و جمع بينكم في خير و أتمني أن أكون مدعو لفرحك بمشيئة الله
الف مليون مبروك
وربنا يتمم بخير
ربنا يسعدك ويحقلك كل امانيكى
وربنا يجمعكم على خير دائما
واسف جدا على التاخير
بس غصب عنى
تحياتى
الف الف الف الف مبروووووووووك ياقمرربنا يسعد ايامك يارب ويتمم لكم بخييييييييير
مبرووووووووووووووك ساره الغاليه
ربنا يتم على خير يارب
أخيرا يا مجنونه لقيتى ما تبحثى عنه
مجنون زيك وجرئ وماضيعش وقت
ربنا يسعدكم ويحفظكم
هنينا وباركنا
بطلى تسييح بقى
:))
ربنا يسعدكم يارب
انت تستحقي كل الحب والسعاده
الف مبروك يا سارة اتمني اني اشوفك دايما في احسن حالودايما في ابداعات متتالية وشخصية تنمو باستمرار لأنها تمتلك كل مقومات النمو
خلي بالك دايما من نفسك
سارة
انتي اجمل حاجة في الدنيا
الف مليون مبروك
بجد فرحت جدا لما عرفت الخبر
واتمنى لكم السعادة معا
ألف مبروك يا سارة
او يا رحيل لانك هترحلى وتسيبينا
بس مادام مبسوطة يبقى الف مبروك
وربنا يتمم لك بخير
السلام عليكم يا أخت رحيل
الحمد لله انه صادف دخولي مدونتك اني وجدت هذا الخبر السعيد بجد الف الف الف مليون مبرووووووووووك ,انتي بجد انسانه رائعه بكل ما تحمل هذه الكلمه من معني وتستاهلي كل الخير وده بجد مش مجامله ربنا يسعدك يا رب ويتتملك بخير امين يا رب ,بشكرك جداجدا علي السؤال ومره اخري الف الف مبروووك
wooooooow bgd 7elw awiiiiii 2lpost da :D :D
rabena ye5aliko leba3d
w bgd 2nty 3asoola awii
ta7eyaty...:D
استاذ شريف
ان محاولات البحث عن الذات لا تنتهى اظنها هكذا
ولكن ما تأكدت منه اننى حقا وجدت من يكملنى لانه وباختصار شديد
انا
وليكن هو رفيق دربى فى رحلة البحث التى لا تنتهي فوجوده بالتأكيد
سيهون كثيرا مشقة البحث ومتعة اخرى وسيجعل للحياة لون اخر بكل تأكيد
سعدت كثيرا لابتسامتك ولاحساسك الرائع
شكرا كثيرا جدا
تحياتى وتقديرى
--------------------------------------------
دكتورة نور
وعليكم السلام ورحمه وبركاته
اهلا بحضرتك ياافندم
الله يبارك فيكى ويسعدك دايما
شكرا على الزغروطه بجد
اول زغروطه هنا ولايف على فكره
عقبال كل البنات يارب
تحياتى وتقديرى
----------------------------------------------
قوس قزح
داليا الله يبارك فيكى ياحبيبتى
ربنا يخليكى يارب
اخبار الفارم ايه ياجارتى العزيزة؟
هههههههههههههههههه
تسلمى ليا دايما
----------------------------------------------
همس الاحباب
خالد بجد متشكره جدا على تهنئتك
ربنا يخليك ويفرحك بهمس دايما
ونباركلك يوم فرحها اللهم امين
ولا يهمك ع التأخير
ربنا يخليك
تحياتى واحترامى
-------------------------------------------
كيارا
الله يبارك فيكى ياجميله
متشكره جدا جاد ليكى
عقبالك يارب انتى وكل البنات
تحياتى
سلوى
لولو حبيبة قلبي
ربنا يخليكى دايما بجد ونفرح سوا على طول
ايون ايون اخيرا لاقيته هههههه يادى كلمة اخيرا اللى بسمعها ليلا ونهارا
هحاول ابطل تسيح مجرد محاولة
هههههههههههههههه هو ناوى ياخد بنصيحتك ويبطل تسيح
انما انا امممممممممم مش عارفه مش بعرف افرح واحب اوحتى احزن واخبى
هههههههههههههه بس هجرب
عقبالك يارب انتى كل البنات
---------------------------------------------------
غير معروف
الله يبارك فيك
متشكره جدا جدا
---------------------------------------------------
الازهري
الله يبارك فيك
عقبالك ان شاء الله
ربنا يكرمك ويوفقك دايما
-------------------------------------------------
ايمن باشا
الله يبارك فيك يا ايمن
ههههههههه مش هرحل الوقتى انا قاعده على قلبكوا شويه وبتاع هسيبلكم الدقهليه كلها وابقوا شوفو هتعملوا لقاءات من غيرى ازاى ههههههههههه
قال يعنى عارفين نعمل الوقتى ؟ شد حيلك لاء مش عشان نفرح بيك
شد حيلك وظبطلنا لقاء الناس زهقت يابنى هههههههههههههه
ربنا يوفقك يا ايمن ويكرمك وافرح بيك وبعيالك اللهم امييييييييييين
---------------------------------------------------
Rack-yourminds
وعليكم السلام ورحمه وبركاته
ياهلا ياهلا بالناس اللى محدش بيشوفها غير فين وفييييييين
كووويس انك بخير
ومتشكره جدا على تعليقك ومرورك
ربنا يكرمك ويوفقك فى حياتك دايما
دايما بتحرجنى بكلامك
شكرا ليك ياافندم
تحياتى واحترامى
-----------------------------------------------------
الحد المجنون
ياهلا بيكي المدونة ترحب بكل المجانين وتفتح ابوابها على مصرعيها لاستقبالهم الاستقبال الذى يليق بالمجانييييييييييين
لاء بجد مش تهريج خليكى على جنانك
مرسيى ليكى وعقبالك يارب بس لما تخلصى دراستك الاول
عشان انتى لسه صوغيوووره
شكرا ياجميله
Post a Comment