Sunday, September 20, 2009

غيوم


اول امبارح كان عيد ميلادى اللى دايما عندى قدرة غريبة اني اقلبه نكد بيكون غصب عني بس كل ما تخيل ان العمر بيجري يااااه 25 سنة و زهققققققققققققققققققققققققققققققت يارب رحمتك

انا اساسا مش متخيلة اني هعدى ال30 ولا هكبر اكتر من كده خلاص احنا نتفق ان السنه الجاية لو كان ليا عمر اقولكم برضه انى 25 سنة هنثبت على كده يا ناس لالالالا مش بكدب على حد انا بكدب على نفسي عشان مش مستوعبه


اول يوم العيد النهاردة كالعادة بصحى متأخر ومش بحب الطقوس اللى بتكون فى البيت بقالى سنين مش بعرف افرح بيه . الفرحة ضايعة من زمان وعشان المفروض ان العيد فرحة ومش بلاقي الحاجات اللى كانت موجودة واحنا صغيرين بتفرحنا يمكن ده سبب انى ببقى متنكده عشان مش قادرة افرح فيه


وحاجة كمان بتضايقنى قوى خصوصا لما تحصل فى العيد ان النهارده تقريبا بداية الخريف اه انا بحب الفصل ده جدا وسعيدة ان درجة الحرارة قلت وان الجو بدأ يكون فى لسعة برد حلوة بس بكره بجد ان اصحى الاقى الدنيا مغيمة ومافيش شمس و كل ما افتح باب الشقة وملاقيش شمس قلبى يتقبض ويوجعني

كنت زمان بحب فصل الشتا جدا لكن مبقتش بستحمله لا نفسيا ولا جسديا بقى متعب ومرهق وكئيب قوى وما مفهوش شمس والسما مش بتكون صافية بحس ان روحى بتتسحب مني


مزاجى بقاله سنين مرتبط بالطقس قوى مش عارفه ليه؟

بيسو قالتلى امبارح ان عشان برجي ترابى فغاويه نكد فممكن يكون ده تفسير الحالة دى اممممم جايز يمكن ليه لاء


بس برضة لسه عندي القدرة انى اقولكم عيد سعيد ههههههههههه

كل سنة وانتوا طيبين

18 comments:

الازهرى said...

حاولى تصحى بدرى
صدقينى كنا زمان بنفرح واحنا صغيرين بحاجات معينه

حاليا فرحة العيد بتكون فى صلاة العيد ولقاء الأحباب والأصحاب

كل سنه وكل لحظه فيها عيد عليكى وعلى كل أحبابك وأصحابك
وكل سنه وانت عندك 25 سنه

موناليزا said...

كل سنة وانتى طيبة يا جميلة وعقبال110 سنة وتفضلى برضه عند سن25:)
ويارب يكون عيد سعيد عليكِ وعلى كل احبائك

Soul.o0o.Whisper said...

كل سنة و انتى طيبة يا سارة

و عيد سعيد عليكى

و بلاش العكننة دى عشان مش باطيق عكننة يوم العيد

اه خلينا كويسين

:))

كل سنة و انتى بكل خير يا جميل

قهوة بالفانيليا - شيماء علي said...

كل سنة و انتي طيبة يا سارة
ربنا يفرحك كل عيد و كل يوم :)
سارة ..
الشتاء فصل هادي اوي
و جميل اوي
انا مستغربة ازاي في ناس مش بتحبه !!
اليوم اللي بتغيب فيه الشمس .. مش ممكن تكونش مابتحبيهوش او بيضايقك
دة يوم رمادي :)
عارفة
انا بحب الشتويات الرمادية و البوت بتاع المطر و العطور الشتوية التقيلة و جلسات القهوة في الكوفي شوب مع صحابنا لما الشغل يقف بسبب سوء الجو
الله
الشتاء وحشني :)

norahaty said...

كل سنة وانت طيبة
مرتين مرة لعيد
ميلادك ومرة لعيد الفطر
وبعدين الخريف حيبتدى بكرة
أطمنى
وبعدين دا الخريف فى مصر
هو الربيع الحقيقى بتاعنا
انت عجبك الحرررررررررررررر
اللى كنا فيه ياسارة :حررررررررام

norahaty said...

سارة !!معذرة
حاولت انزل كتاب
احلام مستغانمي ولكن لم أفلح
هلا تأكدت من الرابط مرة اخرى؟
وشكراً جزيلاً

مسدس صغير said...

كل سنة وانتى طيبة
بمناسبة عيد ميلادك اولا
ثم بمناسبة عيد الفطر
عيدان سعيدان

norahaty said...

شــــــكراً
كتيرررررررر
ياسارة نزلت
الكتاب والحمد لله.

sameh ezzat said...

مش عارف ابدأ بأيه
بس تعالي نبدأ بالتفائل وننهي بالغيوم
كل سنه وانتي عشان عيد ميلادك
وكل سنهوانتي طيبه عشان العيد
ويمكن عشان كبرنا مش حسين بطعم العيد زي ما كنا صغيرين
بس مش لازم يعني تقليها غيوووم

Anonymous said...

مساء الخير عليكي وكل سنة وانت بخير صحة وسعاة يارب
اتبسطت لما لقيت اسمي مكتوب مع انو مقترن بحالة نكد بس مش مهم المهم انو مكتوب هههههههههه
احنا مش عارفين نفرح بالعيد عشان كبرنا بس ممكن لو حاولنا نعيش فعمرنا دا بقلب طفل يمكن نقدر نستعيد فرحتنا بالحاجات
مش عارفة ازاي بس لازم نحاول
ربنا يسعدك ويبعد عنك النكد والزعل يارب...
بيسو...

promise is promise said...

اولا كل سنه وانت طيبه بمناسبه عيد ميلاد وبمناسبه العيد


ثانيا احيييك انك مازلت عندك القدره انى تقولى عيد سعيد

وبعدين الدنيا مشمستهاله كل النكد ده

تعرفى ابن القيم بيقول كلمه حلوه قوى

بيقول ايه بقا

الدنيا لا تساوى غم ساعه فمابالك بغم العمر كله


روقى يا ستى وفكى كده
وخدى العيديه اهى منى علشان تفرحى وتحسى شويه بالعيد وهونى على نفسك

ودمتى بكل خير
والسلام ختام

romansy said...

كل سنه وانتى طيبه
عيد سعيد عليكى وعلى كل الامه الاسلاميه يارب
ان شاء الله تعيشى فى سعاده وهنا دايما
كلنا بنحس بالاحساس دا
بس ياترى مين اللى يقدر يهزمه
كل سنه وانتى طيبه المره دى علشان عيد ميلادك
يارب تحققى كل احلامك ومنياتك
يارب

rack-yourminds said...

السلام عليكم

الاخت العزيزه رحيل مكنش ينفع اقفل الجهاز غير لما اقولك

كل سنه وانت طيبه وعقبال مليار سنه

وهتثبتي يا بنتي علي سن 25 ههههه,وبعدين حرام عليكي مش يمكن حد من اللي بيقرالك عنده مثلا 27 او 28 هتعقديهم من حياتهم هههههههههه

الاخت العزيزه مره اخري كل سنه وانتي طيبه وبارك الله في عمرك وابعد عنك الهم والحزن

بسنت said...

كل سنه وانتى طيبه وعبقال 100 سنه
وعيد فطر سعيد
على فكره انا افضل الخريف والشتا عن الصيف ايضا
وان كان الشتاء فصلى المفضل
ولا اعتقد ان للنكد او الحزن دخل بذلك
دمتى بكل الخير

رحــــيـل said...

الازهرى

موناليزا

سوول

شيماء

دكتورة نور

مسدس صغير

سامح

بيسو

بروميس

رومانسى

ريك يور ميندز

بسنت


شكرا ليكوووو كلكو
وعيد سعيد عليكم جميعا

P A S H A said...
This comment has been removed by the author.
dr.gesho said...

احنا مش بطلنا اكتئاب من فتره واللا ايه؟
واللا هوا لو بطلنا نكتئب نموت
بلاش كده
وكل سنه وانتى طيبه
تحياتى

ذكري رحيل قلم said...

كل سنة وانت طيبة
وتقدمي كل جديد في عمر جديد العمر مش بالسنين لا باللي ممكن تقدميه ويفيد

ربنا يفرحك
دمتي بالف خير