Tuesday, September 22, 2009

سلام


احتارت كثيرا فى هذا الاسم الذى ستمنحه اياها منذ زمن سمعتهم يقولون لكل منا نصيب من اسمه دائما ما كان يتردد هذا المعنى بداخلها تريد ان تلقبها معنى يلازمها طوال سنوات عمرها تستشعره دائما لذلك لم تبحث بين الاسماء المستهلكة بل اكثر ما كان يشغلها البحث عن هذا المعنى الذى ستحتاجه دائما فى كل مراحل حياتها

وهاهى ذا وجدته ستمنحها سلاما وهل يحتاج احدنا ويبحث طوال عمره الا عن سلاما يسكن قلبه ويهدئ روحه الحائرة دوما

اذن لتكون حروف اسمها سلام

ارادت دائما ان تحبها بشكل مختلف لا تريد ان تحبها بشكل تقليدى فهى تكره كل ماهو تقليدى لا تريد ان تشعر بان حبها فرضا عليها بل تريد ان تحبها لانها فقط تحبها دون البحث فى اسباب وفرضيات لهذا الحب

تريد ان تمنحها حبها بحرية وخوفها بثقة ان تتعامل معها بعقل وخبرة سنوات عمرها وبقلب طفلة مازلت فى مثل عمرها تريد ان تتشكل من جديد هى الاخرى

تريد ان تحبها ككيان مستقل بذاتها كأنسانة تتعامل معها بمنهتى التحضر والرقي وليس لانها تراها مجرد تابع لها ستحبها بشدة دون ان تقتلها بهذ الحب

ستختار طريقة اخرى لتحبها بها وتتحرر حتما من فرضية ان حبها غريزة بدأت حين شعرت بها للمرة الاولى تتحرك بداخلها

لن تحبها لانها ابنتها بل ستحبها لانها مخلوقة جميلة صغيرة رقيقة كائن ينمو امامها ومعها فى سنواتها الاولى ستحيطها بحبها وحنانها ورعايتها وفى سنوات عمرها التالية ستعلمها ابجديات الحياة من حب و خير وعطاء ومبادئ واخلاق وتزرع فيها معاني العزة والكرامة ستبنيها كيانا رائعا وبعد هذا ستتركها دون قيود لتخوض تجربتها فى الحياة وحدها ستوجهها بعض الشئ لن تفرض عليها سيطرتها لمجرد انها امها ستتركها لتتعلم طالما هى واثقة فى هذا الكيان الذى كونته ستكون حتما صديقتها قبل ان تكون اما تشعر بان هذا الكيان الذى بنته على مدار سنوات عديدة ملكا لها فليس معنى انها كانت سببا فى مجيئها للحياة وانها شكلت هذا الكيان انها تمحوه متى ارادت هذا فقط لانها تتدعي انها هى اعلم بما يناسبها دون مراعاة ما تريده هى اوما تختاره بنفسها

لن تفعل هذا فهى تثق تماما انها ستحسن تربيتها مما يجعلها لا تتوجس خيفة من ان تلقى بها فى قلب الصراع الدنيوى فهذا افضل الف مرة من ان تغلق عليها باباها وقلبها خوفا عليها من هذا وذاك

فهي لها حق الحياة حق الاختيار و حق الخطأ و حق التعلم وحق الاستمتاع بالحياة كما يناسبها لا كما ترى امها

----------------------------------------------------

ملحوظة : العنوان مستوحى من اسم بطلة قصة قصيرة بعنوان خصام للكاتب محمود تيمور

ملحوظة كمان عشان اللخبطة : الكلمات السابقة كلماتى فقط هو الاسم المأخوذ عن اسم بطلة لقصة قصيرة قرأتها منذ سنوات فترك صدى فى نفسي

15 comments:

الازهرى said...

الرقابه
أحيانا ما تكون وسيله تقويم وتعليم وتربيه وبناء جيل جديد محملا بتراث من قبله وخبراته
ولكن
أيضا حين تزيد عن حدها تصبح وسيلة من وسائل الكراهيه والضغط وبناء جيل لديه عدم انتماء وثوره على كل ما يمت بصله لما هو قبله

والكارثه أن هذا فى الحالتين يحدث باسم الحب
ونسى الجميع الفرق بين الحب والإمتلاك

تحياتى دوما

رحــــيـل said...

الازهرى

الفكرة مش فكرة الرقابة نفسها
الاهم ازاى هتمارس الرقابة دى وازاى هتوجه وتقوم ازاى من غير ما تحسسهما نك بتفرض عليهم رأى او بتصادر رأيهم وحريتهم ورغباتهم


متفقه تماما فى اهمية التفريق بين الحب والامتلاك

لان ده سبب كل المشاكل والفجوات
ياريت فعلا نتعلم ونقدر نحب بحرية

شكرا كثيرا لمرورك وتعليقك

موناليزا said...

جميلة كلماتك
وياسلام لو كل أم راعت بأن تترك لابنتها مساحة من الحرية مع التوجيه وان تتعامل معها كما لو كانت فى عمرها

صوت من مصر said...

هايله بجد

ادم المصرى said...

انا مع الازهرى فى كل كلمه ولكن اتقد وبشده كلام موناليزا

لئن ده مش جائز بمجرد ان نتقط الحريه الحريه بحد زتها فى زمن مثل هذا غلط لئن اغلبيت الشباب او البنات بل اخص مش عرفين اى حاجه فى الحريه او مش عرفين هتتنفز اذاى فلما بينفزوها بتكون غلط وهيقابلهم مشاكل كتير واغلبيت المشاكل هتكون بأسم الحب

موضوع جميل جدا بجد

وكل عام وانتم بخير

أحسن تـستاهـل said...

وحشني قلمك... أوي

مها ميهوووو

حسن حنفى said...

عارفه لو كل ام فكرت كده سواء مع ابنها او بنتها مش كان فه اولاد كتير بتعمل كل حاجه تقريبا من ورا اهلها

dr.gesho said...

جمييييييييل
بداتى تستعدى من دلوقتى
ماشى
تحياتى

Muslim said...

كلام جميل

تحياتي

اقصوصه said...

كل عام وانتم بخير

SAYED SAAD said...

الرقابة الجيدة والتسلط متقاربان جدا العمل بحنكة وواحترافية مطلوب حتى لا يختلط الامر
الشئ الثاني عجبنى الامانى في عرض الملحوظة في اخر البوست

تقبلي مروري
سيد سعد

رحــــيـل said...

ادم المصرى

يا هلا يا هلا
وانا مع الازهرى وموناليزا
لان الاتنين كلامهم بيكمل وجهة النظر اللى بتكلم عنها
انت بتكلم على شباب وبنات مش عارفين حاجه عن الحرية لانهم اتربوا غلط
انا بتكلم على شباب وبنات من الاساس اتربوا بشكل مختلف واعيين ومدركيين لمعنى كلمة حرية
اومال احنا دورنا فين فى التربية يا ادم ؟
ما احنا ادركنا الفجوة اللى بينا وبين اهلنا عشان كده هنراعى ده ونربى بشكل مختلف

شكرا لتعليقك ومرورك
------------------------------------------------------
احسن تستاهل

انا بس نفسى اعرف يا مها ميهووو
مين اللى يستاهل ويستاهل ايه
هههههههههههههههه

وانتى كمان وحشتنيى
نورتى البلوج

-----------------------------------------------
حسن حنفي

الناس اللى مبقاش حد يشوفها غير فين وفين
على الله بس تكون بتذاكر يااااااااااااارب

ايووون هو ده اللى بكلم فى محدش يعمل حاجه من ورا اهله
عارف ده بيحصل كتير مع ان اصلا الحاجات اللى بيعمولها دى مش بتكون غلط
بس الاهل مش بيكونوا شايفين الموضوع غير من وجهة نظرهم وبس

منور يا حسن

رحــــيـل said...

دكتور جيشو

ها انا ذا عدت من جديد زى مانا بكأبتى هههههههههه
معلش اصلى مكسله ارد على الكومنت اللى فات هناك
فقولت ارد هنا اتنين فى واحد يعني
انا راضيه ذمتك وانت متابعنى من اول بوست اتكتب فى المدونة هنا من سنتين
مش اجمد حاجات كنت بكتبها وانا فى مووود كئيب طحن؟؟؟؟؟
مش فكرة بقى انى لو بطلت اكتئب اموت
بس لو بطلت اكتئب هبطل كتابه هههه
يرضيك يا عمده؟ قصدى يادكتور ههههههههه
ومين اللى يجيبلك اكتئاب ويكرهك فى الدنيا وفى التدوين
اى خدمة عشان تعرف انى خيري على مدونين مصر وليبيا طبعا وانهم من غيرى
كانو هيبقوا عايشين فى هنا وسرور
ولما يعيشوا فى هنا وسرور يفقدو الاحساس بالالم ولما يفقدو الاحساس بالام هيعشوا من غير احساس نهائى ولا حتى هيحسوا بسعادتهم وتبقى حياتهم ممله
شوفت بقى وعرفت وادركت اهمية الكأبه فى حياة كل مواطن ومواطنة ودورى طبعا الحيوى جدا
احم احم مش عارفة من غيرى كنتوا عملتوا ايه

نورت يا دكتور
انا همشى قبل ما اتحدف ببيض وطماطم
------------------------------------------------------------------------------
مسلم

ومرورك اجمل
مع انى معرفش انت مين

بس شكرا على التعليق
-----------------------------------------------
اقصوصة

وانتى بخير دايما
شكرا ليكى

منى said...

سلام
يا سلام
جميل الاسم والمعنى

وارتباط السلام بحريه امر حتمى فى ىاعتقادى
على المستوى الخاص والعام
سلام باختصار وضع مريح من الامن والهدوء النفسى وده مش هيحصل واحنا حاسين بفرض سطوه اخرين او ظلم واقع مش قادرين ندفعه او كلمه جوانا مش قادره تخرج
كل التحيه للعزيزه رحيل

حسن حنفى said...

هههههههه بذاكر في الاجازه اكيد

:d