Wednesday, November 4, 2009

اسئلة تبقى معلقة


لكي نفهم ما يحدث لنا لابد ان نؤمن انه عقاب علي اشياء لا نذكرها ,
و فيما بعد
سيتوالي ما قد يتعلق بما لا نذكره ايضا
منقول
من مدونة ذاكرة رحيل – بس مش رحيل انا
الجملة عجبتني وحسيتها جدا
جايز لانى مقتنعة بطريقة التفكير دى
او حسيت الجملة نفس موضوع البوست الجديد
ممكن جايز مش عارفه
************************

بين السماء والأرض تبقى هناك دوما أسئلة معلقة لا أجوبة لها

يعجز عقلنا عن الوصول بها من دومات بحر الاستفهام عنها إلى ميناء إجابة لها

قد تكمن في الإجابة عنها حكمة ما

فيقيني انه لا شئ يحدث عبثا فكل شئ مقدر وكل مقدر ورائه حكمة

حكمة قد ندركها على المدى القصير أو البعيد أو تبقى معلقة بين السماء و الارض

أوقات ينتابني حقد على هؤلاء الذين يملكون عقولا لا تعمل ليل نهار ولا تبحث عن ما بين السطور ولا تشغلها كثيرا تفاصيل الأحداث وعلاقتها ببعضها البعض وعلاقتها بما مضى وما سيأتي

ولا يتساءلون عن كيفية حدوث الأشياء بطريقة ما دون غيرها وفى توقيت ما دون أخر

أشخاص لا تعنيهم تلك الأسئلة المعلقة فغير المطر لا يهمهم ما بين السماء والأرض

بالتأكيد هم اسعد حالا واهنأ بالا واهدأ قلبا

من هؤلاء المجانين الذين يملكون عقلا يرهقونه ليل نهار

في البحث عن مسببات الأمور ونتائجها وعلاقتها الحقيقية أو تلك التي نستنتجها

************************
يوم الجمعة ان شاء الله
هيكون فى يوم للتبرع بالدم فى مستشفى اطفال المنصورة
وبعد كده لقاء تدويني
للتفاصيل
هنا علي الفيس بوك
او علي مدونة مسدس صغير

8 comments:

youma said...

فعلاً ايقنت عند قرائيتي لهذه السطور بأنني من اولئك الذين يرهقون انفسهم بالتفكير في التفاصيل المضنية ومتابعة المشاعرنا ومشاعر الاخرين واربتاطهم ببعض واختلاف العلاقات والمجريات ونحن من نحاول دائما ان نحول دون حصول اشياء ننبذها وينبدها غيرنا وياليتنا نقتنع بأنها متوقعة الحصول شئنا ام ابينا
وتحية لأصحاب العقول النائمة في سبات

حنان سعيد said...

رحيل حبيبتي
لكلماتك الان وفي ذلك الوقت بالتحديد تاثير كبير في حياتي
لاني حق من اولائك الذين تحيرهم كثير من تفاصيل الحياه
يضعون علمات استفهام هنا وهناك
واشعر حقا باني ارهق نفسي وتفكيري بالكثير والكثير
حتى يكاد عقلي يتوقف من كثره ما به من الافكار
واتمنى لو يبدأ عمله من جديد وقد فقد كل ما سبق من تساؤلات
تحياتي لك حبيبتي ولكلماتك

رحــــيـل said...

شريف

:))
احم احم
ايموشن بيعدل ياقة قميصة
اخجلتم تواضعنا يا افندم
اى خدمة اى كأبة اى نكد
لدينا كل ما يحتاجه المجانين
امثالى طبعا
فى انتظار التعليق حضرتك
ربنا يستر
---------------------------------------
يوما

ايون والله ياهيامي

تحية لاصحاب العقول النايمة
احسن خلاااااااااااااااااص
رحمتك يارب

وبعدين مش تقلقى حتى لو نقلت اقامتى للسريا الصفرا هدون من هناك
عشان يبقى الجنان لايف
------------------------------------
حنان سعيد

لكلماتك الان وفي ذلك الوقت بالتحديد تاثير كبير في حياتي

تصدقى وتأمنى بالله انا كنت هحتاجه اعمل تعليقك ده كوبى على تدوينتك الاخيرة

ربنا ييسرلك الخير يارب ويروق بالك ويريح قلبك ويهديلك نفسك

تعليقك انت ويوما بيكمل احساسى اللى معرفتش اطلعه كله فى كلامى بجد
تفكير تفكير تفكير
اتمنى لنا بحق هدنة كبيرة

سلوى said...

جميل يا ساره
فعلا في ناس مريحها دماغها
او دماغها مرياحاها
وناس تاعبين نفسهم وبس
ناس فاضيه
مش احنا هالص يعني
هههههههههه

dr.gesho said...

اخيرا و بعد محاولات مضنيه (حلوه مضنيه دى)
استطعت الوصول للبوست وقريته
مش عارف المدونه مالها المره دى
يمكن مش مصدقه نفسها ان حضرتك اخيرا افتكرتيها و عبرتيها بعد طول غياب
بس بجد البوست يستاهل العناء
جميل جدا
تحياتى

Sherif said...

عزيزتى رحيل

كنت اتمنى ان اتواجد بينكم .. لولا ظروف سفرى ..

الجايات كتير باذن الله

تحياتى لك وللجميع

كاتب مصري said...

ازيك .. اخبارك ايه بعد يوم الشقا ده هههههههههههههههههههه بس والل كان يوم جميل
أنا فرحت قوي قوي قوي لما شفتك واتعرفت على شخصيتك عن قرب

ربنا يكرمك يارب ويوفقك

ربنا يارب يفرحنا جميعا ويسعدنا ويجمعنا دايما على مرح وسعادة وهنا ياااااااااارب

كل تجمع واحنا كلنا بألف خير

رحــــيـل said...

لولو

ايون حلو قوى ناس دماغها مريحاها
ههههه
فعلا ناس فاضية مش احنا خالص خالص
رحمتك يارب
منوره يا لولو
كان نفسى اشوفك امبارح
-----------------------------------------
دكتور جيشو

مالها مدونتي
؟؟؟؟؟
ابقى اكشف عليها انت مش دكتور ولا ايه
وكشف مجانى بقى

عجبتني مضنية دى على فكرة
:))
شرفتنى يا دكتور
----------------------------------------
استاذ شريف

حقيقي كنت اتمنى وجود حضرتك جدا

فى المرة القادمة ان شاء الله

يارب تكون بخير
------------------------------------
ابراهيم

اها فعلا كان يوم شاق بس رائع جدا
انا لسه مرهقه قوى ودماغى بتلف

انا كمان سعيده انى اعرفت كل الناس عن قرب

تحياتى واحترامى