Monday, November 9, 2009

أوان الأحلام


كنت كثيراً ما أعانى من وقوعي المتكرر فى تلك الحيرة التي لا تنتهى بين معنى الرضا التام بقضاء الله وقدره وبين مفهوم الإستسلام لظروف قد تبدو قهرية فى ظاهرها

وما بين القناعة التى هي كنز لايفنى وبين طموح يلوح لي في الأفق من بعيد

ما بين أحلامى التى طالما راودتني منذ صغرى وما بين واقع فرض علي فاستسلمت له

رافعة رايات فشلي معلنة أنه قد فات أوان تحقيق الأحلام

و لكن هل حقاً هناك أوان لتحقيق الأحلام ؟

وهل تحقيقها يرتبط بفترة عمرية دون غيرها ؟ وبأشخاص بعينهم دون سواهم؟

عنى أيقنت أنه علي كل فرد منا أن يسعى لأن يكون له تجربة نجاح خاصة به وحده تصنع له اتزان نفسى وتكون له أرضاً صلبة يقف عليها شامخاً قوياً مهما توالت عليه زلازل الحياة ومن بعد نجاح تجربته الخاصة فلينطلق فى الحياة كيفما شاء باحثاً عن أى شئ أخر يرغب فيه بنفس سوية ورح هادئة

أيقنت مؤخراً أن الأحلام لا ترتبط بمرحلة الشباب بل مستمرة مدى الحياة كل ما علينا أن نستمر فى محاولاتنا للوصول لنجاح ما فى مجال نراه مناسباً لقدراتنا والمحافظة عليه طالما لازال فى قلوبنا نبض وفى أجسادنا صحة وفى أرواحنا براح للحلم

كنت أعتقد أن قدرتنا على الحلم تقل كلما تقدم بنا العمر أو كلما ازدات رقعة الحزن لدينا فالحزن يستهلك طاقات الحلم والقدرة على الحياة والاستمتاع بها فيلقى بنا فى دوامات يأس لا تنتهي

فقط عليك أن تحاول دون ان تنتظر احد يأتي ليحاول بدلاً منك

لأنك إذا كنت تنتظر من يمد لك يد العون ليخرجك من ظلمات نفسك إلى نور الحياة فتأكد أنه طالما أنك لا تملك القدرة على مساعدة نفسك فلن يستطع أحد أن يفعلها وينقذك من بئر أحزانك وفشلك ورواسبك الماضية فلا أحد يشعر بك مثلك ولا أحد أقدر على ما فهم دواخلك غيرك ولا أحد أقرب إليك منك ولن يحبك أحد ويتمنى لك نجاحاً اكثر مما قد تتمنى لنفسك

لا تنتظر من يصنع لك جنة على الأرض أو يهبك سعادة مطلقة أبدية فلا أحد يملك تلك العصاة السحرية التي يمكن لها ان تغير مجرى حياتك فى لحظات لابد ان يكون هذا التغير نابع من داخلك

جميعنا يبحث عن السعادة التي قد نفتقر من الأساس إلى معنى محدد لها ولعل ذلك راجع إلى غياب هدف نحيا من أجله و نسعى إليه ونسعد بتحقيقه

جميعنا يبحث عن سعادة حقيقية ونادرون جدا من يستطيعون إهدائها لغيرهم هؤلاء لابد وأنهم قد عرفوا أولاً الطريقة المثلى لإسعاد أنفسهم وتحقيق نجاحات شخصية صنعت لهم عالماً خاصأ ليس صحيحاً أنه خاليأ تماما من المنغصات ولكنهم اقدر على استيعابها بشكل اكثر صحة من هؤلاء الذين لا يملكون فى جعبتهم سوى رصيدأ من الفشل المتراكم خلال سنوات عمرهم مما يجعلهم يتعاملون مع هذه المنغصات على أنها كوراث قدرية جديدة لتعلية رصيدهم الفشلي اللا منتهي

************************************************

ملحوظة 1: هو انا اصلا كنت عايزه اكتب عن الفرق بين الرضا والاستسلام لان حقيقى مش بقدر افصل بينهم والموضوع عاملى تربنة فى عقلى - ومحدش يسأل يعنى ايه تربنة - بس لاقتنى سرحت فى الكلام

ملحوظه 2: بعد ما خلصت كتابة ضحكت بجد اكتشفت ان الكلام حقيقي مافيش اسهل منه هذا وان دل على شئ فبيدل على فشل برضه بس ده ما يمنعش ان فعلا مقتنعة جدا بالكلام اللى انا كتبته عشان وصلتله بعد تجربة حياتية عمرها 25 سنة يعنى انا دلوقتى يا ولاد بقدملكم خلاصة تجاربي فى الحياة على الله يطمر

34 comments:

ريمان said...

فى خيط رفيع بين الرضا وبين الاستسلام

يا ريت تكونى شايفاه


تحياتى ليكى

الشعب لابد له من حكومه تشكمه said...

امممممممممممممم البوست ده انا مقرتوش انا حسيته..
تعرفى انى بطلت احلم من زمان ..اه والله مبقتش بحب احلم باى حاجه ولا اتوقع اى حاجه علشان لو متحقققش الحلم متوجعش..تصدقى مش فاكرهاخر مره حلمت بحاجه كانت امتى:)

بالنسبه للرضا والاستسلام..تصدقى انا كمان مش عارفه احدد الفرق,...:)

همس الاحباب said...

هههههههه
ان شاء الله هيطمر ياحاجة
وربنا يديكى طولة العمر ونستفيد من تجاربك
بس فعلا متفق معك قلبا وقالبا
وخاصى فى تلك الجزئية
فقط عليك أن تحاول دون ان تنتظر احد يأتي ليحاول بدلاً منك لأنك إذا كنت تنتظر من يمد لك يد العون ليخرجك من ظلمات نفسك إلى نور الحياة فتأكد أنه طالما أنك لا تملك القدرة على مساعدة نفسك فلن يستطع أحد أن يفعلها وينقذك من بئر أحزانك وفشلك ورواسبك الماضية فلا أحد يشعر بك مثلك ولا أحد أقدر على ما فهم دواخلك غيرك
بجد تسلم الايادى
تحياتى

رحــــيـل said...

ريمان

اهلا بيكى
ايون ماهو انا عارفه ان فى خيط رفيع بينهم المشكله مش انى اشوفه لكن
المسه بأيدى واحسه كويس عشان اقدر اعرف الفرق بينهم
ربنا يهدينا جميعا

شكرا لمرورك
-------------------------------------
شيما

انا كمان ياشيماء بطلت احلم من زمان لنفس اسبابك بس لاقتنى بموت بجد
انا صريحة مع نفسى عارفه انى رجعت احلم مش عشان احقق حلمى ولا انه يكون دافع
بس رجعت للعبتى القديمة
انا بمارس لعبة الهروب للاحلام بحرفية عالية جدا
طول عمرى استاذه فيها هههههههههه
المشكلة بقى انى بفوق على كوابيس
مرسي ع الميل انا ضفتك ياقمر
------------------------------------
خالد باشا همس الاحباب

ههههههه اى خدمة يابنى انا بعمل كل ده عشانكم اومال انا عايشه لمين يعنى

ربنا يكرمك يا خالد يارب

خالص تحياتى واحترامى

sookra said...

رحيل اوساره
ههههههههههه
ازيك الاول وبعدين ياستوانا هيطمر انشاءالله
انا بحاول اوصل للفرق
ربنا معاكى ومعايا ومعانا كلنا اننا نعرف نوصل للفرق
اما عن الاحلام فهى موش منتهيه

قلب ارهقته الاحلام said...

هههههههه

يارب يطمر بس

دي اول زيارة ليكي بعد اللقاء ال انا مجيتوش :)

فعلا الكلام اوقات بيكون جميل اوي وبنكتبه واحنا مقتنعين بيه تماما

بس مش عارفه ليه مش بنفذه

احيانا بنفقد القدرة علي الاحلام لعدم القدرة علي التوقف عنها ؟

بس يمكن لو اعتبرناها طول الوقت احلام مش هنصاب بالاحباط

ع اساس اننا صحينا وعادي بأة وكده :D

وددت لو اتخلي يوما في حلم من احلامي

عن جزء مما يملؤ جعبة الفشل خاصتي ولكنني كالعادة أضفت لأرصدتي مزيد من الفشل

سوري حاسه ان الرد كئيب اوي ههههههه

بس بجد البوست يتحس اوي

تسلم ايديكي

رحــــيـل said...

سكرة

مبروك تغير اليوزر واسم المدونة
انا الحمد لله بخير والله
انتى ايه اخباراتك واهرامك
يارب نوصل للفرق قبل فوات الاوان

تسلميلى يارب
-----------------------------------------
قلب ارهقته الاحلام

اهلا غادة ازيك
ياستى ولا يهمك احنا بنفكر نعمل لقاء تانى ان شاء الله قريب عنصرى حريمى بس
هههههههههه

وبعدين تعليق ايه اللى كئيب
ده على اساس مثلا ان بوست كله هنا وسرور
:))
ادينا بنفضفض سوا
براحتك يابنتى ع الاخر
شكرا لمرورك

علاء سالم said...

السلام عليكم


والله كلامك صح يا سارة

بس الفرق بين الرضا والإستسلام واضح جداً ومافيش فيه اللبس اللي بتتكلمي عنه دا

الرضا بيكون بقضاء الله
لكن الإستسلام بيكون للناس

والقضاء هو الشيئ اللي بنحس إنه تدبير الله سبحانه وتعالى

أما الظروف اللي ممكن نغيرها هي الأشياء اللي من صنع البشر سواء إحنا أو غيرنا

موناليزا said...

ايه الكلام الجامد ده
والله توقعتك هتقولى فى الاخر انه منقول من أحد الكتاب الكبار
دمتِ كاتبة متميزة:)

Anonymous said...

استمتعت
هذا الامر شغلني تماما واقتنعت ان لا أشغل تفكيري بكل ما هو مقدر
تحية لكل مدوني المنصورة

عبد الجليل
المنصورة

رحــــيـل said...

علاء سالم

وعليكم السلام
اهلا علاء
الفرق اللى انت قولته بفكر فيه من لحظه ما قريته
المشكله ان فى حاجات ممكن تتفرض علينا من بشر غيرنا
نحاول نقنع نفسنا انه قضاء ربنا لان احنا مش بإيدنا نغيره
ممممممم فى حاجات ممكن تتغير بس بتكون صعبة واحنا اللى بنكسل او نتكاسل او نستسهل ونفضل نعيط
شكرا ليك جدا يا علاء
------------------------------------------------
موناليزا

اهلا يا حبيبتى
تسلميلى ربنا يخليكى

دومتي بود

------------------------------------------------------
استاذ عبد الجليل

اهلا بيك يا افندم
اتمنى لو اننى انا الاخرى لا اشغل تفكيرى بالمقدر

تحياتى واحترامى

صفــــــاء said...

الرضا والاستسلام
فكرة فعلا تلخبط
هل لو رضينا بالمقسوم او المكتوب نبقى كدة برضه استسلمنا للاحباط مثلا ؟

فضفضه جميله مع النفس

تحياتى لك

Tamer Nabil said...

ازيك رحيل اخبارك اية فينك من زمان

الانسان طول ماهو عايش لازم يحلم ويحلم ويكون عندة امل كبير فى تحقيق الاحلام


والاحلام غير مرتبطة بمرحلة عمر معين

ربنا يوفقك ويكرمك

مع خالص تحياتى

فاتيما said...

هيطمر هيطمر متقلقيش
إيه شغل الذل دا ؟!!!
ادلو بدلوى و خلاصة تجاربى انا كمان
فى الحياة و عالله يطمر برضو؟؟؟
طيييييييب
انا متفقة معاكى جدااااا يا رورى
و اول إيد تمتدلك عشان تساعدك لازم تكون إيدك انتى
كانلى صديقة طول الوقت تشكو من الحياة و مصاعبها
و تقريباً تشابهت انا و هى
فى كم القرف و الأخفاقات
و مع ذلك هيا دايما شايفة
مفيش بكرة
و انا شيفاه جاى
و انا اللى ممكن اجيبه كمان
ومش هستناه ....
الواحد لازم يبص للنعم اللى ربنا ادهاله و يستمتع بيها قدر الامكان
مش يبص على اللى ناقص
و تعويضه عاوز وقت و مجهود
طب لغاية ما الوقت يعدى
و المجهود يحصل
يقعد كئيب ؟؟!!
ناقم
و غاضب
و المرارة معلقمة فمه؟؟
لأ ..يرضى
سمعت زمان جملة
و عجبتنى قوى بتقول
الرضا ...نص المسافة
أيوه
الرضا نص المسافة لأى مكان عاوزة تروحيه
بحبك يا رورى قوى
قوى
قوى
و خلاصة تجربتك خلاصة مش سهلة
دى جامدة
و مليانة عبر و حكم
الواحد منبهر بكن يا بناااااات
بجد ما شاء الله
جمال و اخلاق و نضج
معرفتى بيكم تشرفنى جدا
جدا
جدا
سلامى لماما الغالية

dr.gesho said...

ما هو يا ماما طول ما احنا عايشيين لازم نحلم
اصل اللى ما بيحلمش يبقى ميت
ولازم نكون راضيين باللى ربنا كاتبهولنا
بس ده مش معناه اننا مانحلمش او مايكونش عندننا طموح
تحياتى

أميرة علي كوكب مهجور said...

اولا ازيك ياقمر ويارب تكوني بخير
لو بطلنا نحلم نموت لازم دايما يكون عندنا دافع يشجعنا اننا نكمل مرة قرات جمله عاجبتني اوي
"الروح هي القوي المحركه داخل الكائنات الحيه"
"ابدا لن يفوت الاوان كي تتمكن من تحقيق مرادك"
مفيش سن ولا عمر للاحلام احلمي انتي بس خليكي واثقه ان ربنا معاكي كاتبلك الخير :)

Soul.o0o.Whisper said...

ههههههههههههههههه
ايه يا سارة دا يا بنتى؟؟؟

أنا طبعا باضحك على الملاحظات
..........

بصى يا جميل
عاوزة أقولك انى كمان مقتنعة جدا باللى انتى قلتيه
لأنة أنا فعلا كمان وصلت له بتجارب فعلية فى الحياة

ان مكنتش انت وقود نفسك
و الحلم نابع من جواك
و جواك ارادة انك تحقق حلمك دا

فماتلومش الظروف و الوقاع المر
لأنك اصلا ماحاولتش
............

أما بئا يا سارة الفرق بين الرضا و الاستسلام
فبردوا من خلاصة تجاربى

كح كح ....
احم احم


ايوا يا بنتى كنا بنقول ايه؟؟؟

اه الرضا و الاستسلام

شوفى يا ستى
مثلا انتى بتحلمى بشئ معين

مثلا مثلا يعنى
عاوزة تكونى كاتبة صحفية مشهورة
لكن بمجهودك و مش بوسايط و لا كدا

انتى اجتهدتى -واخدة بالك من اجتهدتى دى ، يعنى بذل الأسباب - و عملتى اللى عليكى

لكن ماعرفتيش
صحيح هتزعلى حبة
بس هتقولى ايه ؟؟؟
أكيد ربنا مش رايد ليا الخير فى الطريق دا
يمكن أنا مش هأقدم شئ كويس لو كنت طلعت صحفية
أكيد اللى ربنا اختارهولى هو الخير
كدا
و تلاقيكى تقومى تدورى على حاجة تانية بدوا بتلاقى نفسك فيها

و مش بتكلى و لا تيأسى ، لأنك عارفة ان اكيد ربنا مش هيضيع تعبك
و انك اكيد ان شاء الله هتوصلى لشئ بتحبيه ، بس لازم نبذل الاسباب و نرى لربنا من انفسنا قوة

يعنى الرضا معناه عدم السخط على الواقع .. مع بذل الاسباب دائما للوصول للهدف

أما الاستسلام بئا فدا له خطين
الخط الاول انك تشوفى كل مثبطات الطريق فتقعدى من اولها و تقولى هى البلد دى حد يوصل فيها من غير واسطة
دا أنا باحلم بعيد اوى
و تقعدى زعلانة و تقهرى فى نفسك

يعنى سخط على الواقع و عدم بذل للاسباب

اما الخط التانى
فهو انك تحاولى انك توصلى
لكن ماعرفتيش بردوا مع انك بذلتى الاسباب
لكن هتقعدى تقولى
اهو حظى دايما كدا
يعنى ياربى حتى الحاجة الوحيدة اللى شايفة نفسى فيها ماحققهاش
هو المنحوس دايما منحوس
راضيين بالهم و الهم مش راضى بينا

و الكلام الكتير اللى بنسمعه دا

يعنى بذل أسباب لكن سخط على الواقع

فهمتى حاجة؟؟؟


يعنى يا بنتى من الاخر
الرضا بيخليكى دايما متفائلة لأن يقينك بربنا بيخليكى متأكدة انه مش هيخذلك مع بذل الاسباب طبعا

لكن الاستسلام بيكون نتيجة سخط على الواقع سواء بذلتى أسباب او لا

يارب تكونى فهمتى حاجة
دا أنا كتبت بوست كامل يابنتى
ربنا يعينك و تقرئيه بئا
ههههههههههههه


ياللا سلام

نهر الحب said...

ازيك يا قمر
والله وحشتينى جداا
عارفة وانتى بتتكلمى كأنك بتوصفى حالى

Anonymous said...

هيييييييييييييييييييييييييييه

هو دا الكلام

ما انتي جدعة اهو وبتعرفي تتفألي زي الناس الطبيعيين ايوة كدة يا شيخة
خليكي متفألة

أحسن لو بطلنا نحلم نموت على رأي منير
تحياتي
بيسو

رحــــيـل said...

صفاء

اهلا بيكي
فعلا متلخبطة بس بحاول اوصل
ربنا يهدينا جميعا
شكرا لمرورك
-------------------------------------------
تامر نبيل

اهلا تامر
انا هنا اهو فى الدنيا
والله انا شايفه ان الاحلام مهمه جدا حتى لو مش هنحققها
المهم نحلم ونحلم
شكرا ليك
-------------------------------------------------
فاتيما الجميلة

طيب كويس انه هيطمر ما الواحد موصلش لخلاصةا لتجارب دى بالساهل
هههههههههههههه
شكرا بجد الدلائك بدلو تجاربك يا أفندم
الصراع ده انا فيه حاليا بحاول اموت واحده من الاتنين اللى بيتخانقو جوا
انا كماااان مبسوطه بيكى جدا جدا
ربنا يكرمك ويسعد قلبك دايما
تسلمى يارب

رحــــيـل said...

دكتور جيشو

يا قهلا يا قهلا يا ابنى
فعلا اللى مابيحلمش يبقى ميت
انا قررت ارجع لاحلامى تانى عشان احس انى عايشه
نورت يا دكتور
---------------------------------------
اميرة على كوكب مهجور

اهلا مرمر ازيك
انا الحمد لله بخير
حاضر هحلم هحلم هحلم

شكرا جدا ليكى نورتينى
---------------------------------------
سووول

اى خدمه ادينى ضحكتك ع الصبح اهو هههههههههههههه
بجد بجد شكرا جدا على تعليقك
قريته مرتين على فكره
بس حسيته فرق معايا شويه ووضحلى الصورة
هحاول هحاول اخد بالاسباب الاول
شكراااااااااااااااااااا ليكى

رحــــيـل said...

نهر الحب

نوووسه ازيك
انتى كمان وحشانى حقيقى يارب يارب اعرف اجيلكم قريب
ربنا يسعدك ويفرحك دايما يارب
--------------------------------------------------------
بيسوووو

ده ايه النور ده بفرح بجد بجد بتعليقك
شوفتى ايه رأيك فى التفاؤل ههههههههههه
ربنا يستر اصل انا بحالات بس اديكى قريتى حاجه حلوخ اهو
عشان تحلفى بيها فى يوم م الايام محدش ضامن اللى جاى يا اوختى
نورتينى

lyssandra said...

طيب أقول إيه بعد الخلاصه دي ؟؟
:))

لأ بجد الله ينور يا سارة

وعندك حق
الكلام مفيش أسهل منه
بس بردو ما ينفيش ان كل اللي قلتيه مقنع

تحياتي لقلمك
واحتراماتي لعقلك
وحب كبير جداً .. لقلبك :)

مجرد حلم... صغنتوت said...

مقتنعة ان مفيش سن للحلم
ومفيش حد بيتعب في طريق حاجة ومش بيوصلها
ومقتنعة ان الواحد هو اللي بايده ممكن يموت حلمه او يصحيه من تاني
بس ليه مقتنعة بكل ده وساعات كتير بستهبل وبضيع حاجات مينفعش اضيعها؟؟ وبموت احلام مينفعش تموت؟؟ معرفش

تسلم ايدك على الكلام الواقعي اوي ده

دموع كابر said...

مساء الخير
انا مدونه لسه نونو ويسعدنى انك تشرفينى وتزورينى

صوت من مصر said...

محاولاتك كترت جدا جدا

Dr Ibrahim said...

الكلام عن الأحلام يطول وقد وضحت وجهة نظرى ووجهة نظر كبار المفكرين فى مقال ما أجمل أن نحلم من
هنا

فالحلم شىء جميل يسعى وراءه كل الناس ولا توجد حياة بدون حلم نحو هدف معين ولا حياة بدون هدف فمن لا هدف له لا يستحق أن يكون موجود بين الناس
أما بالنسبة للسعادة
أتذكر مقالة لدكتور مصطفى محمود من كتابه الروح والجسد
اقتطف بعض المقولات منها:-
"فالسعادة لا يمكن أن تكون في المال أو القوة أو السلطة بل هي في ماذا نفعل بالمال و القوة و السلطةوهى في النفس التي تستخدم المال و القوة و السلطة
السعادة ليست في البيت المفروش بالسجاجيد العجمي و الكريستال و لكن في النفس التي تسكنه.."

"نحن لم نوهب الشهوة لنشبعها أكلا و شربا و مضاجعةو تكديسا للمطامع و الثروات.. و إنما وهبنا الشهوة لنقمعهاو نكبحها و نصعد عليها كما نصعد على درج السلم فالجسد هو الضد الذي تؤكد الروح وجودها بقمعه و كبحه
و ردعه و التسلق عليه
و بقمع الجسد و ردعه و كبحه تسترد الروح هويتها كأميرة حاكمة
و تعبر عن وجودها و تثبت نفسها و تستخلص ذاتها من قبضة الطين و
تصبح جديرة بجنتها و ميراثها.. و ميراثها السماء كلها،
و مقعد الصدق إلى جوار الله.. و هذه هي السعادة الحقة"

والفرق بسيط جداً بين الرضا والإستسلام
فالرضا هو الإيمان والتسليم لكل ما كتبه الله لنا ولكن ما يفرقه عن الإستسلام هو أن الإنسان الراضى يستمر فى سعيه وعمله ومحاولة تحقيق أهدافه وحياته على الرغم الظروف المحيطة به اما الإستسلام هو اللامبالاة وعدم السعى وتسخير النعم التى منحها الله إياها

تحياتى لكم

الجبالى said...

السلام عليكم

السعادة فى الرضا والشقاء فى الاستسلام

هناك فرق بينهما

ولكن أن نبحث عن سعادتنا شئ وأن

نبحث عن أنفسنا شئ آخر

تقبلينى

خالص مودتى

عاشقه وغلبانه said...

ايه الجمال ده
الخلاصه بتوع ال25 سنه حلوه اوي
ربنا يديكي طوله العمر ياخلتي
ههههههههههههههههه
عموما هاعلق علي نقطه السعاده ومفهومها الغلمض واللي انتي ربطيه بوجوده هدف معين
مع اني ممكن اوصل لهدف انا اللي حطاه ووقت ماوصله مالقيش السعاده اللي انتي فاكراها
لاني احتمال وقتها احط هدف تاني
يمكن لو فضلنا نجري ورا اهداف بدون تركيز
بنحب نحققها وخلاص
ده يفقدنا احساس المتعه بيها
يبقي لازم كمان نرضي
يعني نحط اهداف
ونرضي بنتيجتها
يمكن نحس بالسعاده

_____________

وحشاني كتير

blue-wave said...

هو بالفعل موضوع شائك ومحير
لا يحله الا اللجوء الى الله
تحياتى

Anonymous said...

كنت أعتقد أن قدرتنا على الحلم تقل كلما تقدم بنا العمر أو كلما ازدات رقعة الحزن لدينا فالحزن يستهلك طاقات الحلم والقدرة على الحياة والاستمتاع بها فيلقى بنا فى دوامات يأس لا تنتهي


......................
الكلام حقيقي مافيش اسهل منه

................

سارة : بجد وحشتيني
وتسلم ايدك على الكلام الجميل ده
واشكرك على سؤالك
ويارب تكوني بخير دايما وفي نجاح مستمر

نورسين

Anonymous said...

كنت أعتقد أن قدرتنا على الحلم تقل كلما تقدم بنا العمر أو كلما ازدات رقعة الحزن لدينا فالحزن يستهلك طاقات الحلم والقدرة على الحياة والاستمتاع بها فيلقى بنا فى دوامات يأس لا تنتهي


......................
الكلام حقيقي مافيش اسهل منه

................

سارة : بجد وحشتيني
وتسلم ايدك على الكلام الجميل ده
واشكرك على سؤالك
ويارب تكوني بخير دايما وفي نجاح مستمر

نورسين

عاشقة وغلبانة said...

ايه الجمال ده
الخلاصه بتوع ال25 سنه حلوه اوي
ربنا يديكي طوله العمر ياخلتي
ههههههههههههههههه
عموما هاعلق علي نقطه السعاده ومفهومها الغلمض واللي انتي ربطيه بوجوده هدف معين
مع اني ممكن اوصل لهدف انا اللي حطاه ووقت ماوصله مالقيش السعاده اللي انتي فاكراها
لاني احتمال وقتها احط هدف تاني
يمكن لو فضلنا نجري ورا اهداف بدون تركيز
بنحب نحققها وخلاص
ده يفقدنا احساس المتعه بيها
يبقي لازم كمان نرضي
يعني نحط اهداف
ونرضي بنتيجتها
يمكن نحس بالسعاده

_____________

وحشاني كتير

rack-yourminds said...

الاخت العيزه رحيل,أولا كل سنه وانت طيبه وعيد سعيد عليكي يا رب وعلي الاسره كها ,وربنا يتممك بخير
ثانيا :بجد انا دخت عشان ادخل مدونتك هههههه,اصلي مليش كتير في التدوين واخيرا اهو نجحت ,بس بعد مطلعت عينيا

كان نفسي اقرا موضوعك واعلق عليه بس معلهش اصلي بجد مستعجل وكمان من بدري بحاول ادخل مدونتك اروح ارتاح شويه ههههه

علي فكره الاطفال منتظرين طوابير عشان العيديه اعتذرلهم ولا فيه امل ؟