Friday, June 11, 2010

ربنا ينتقم من الظالم



خالد محمد سعيد
شاب مصري عنده 28 سنه من منطقة كليوباترا بالاسكندريه
و صاحب مكتب استيراد و تصدير
كان قاعد في سايبر في وقت متاخر بالليل
و دخل بتوع المباحث بيفتشو كل اللي قاعدين باستخدام قانون الطوارئ
خالد اعترض و قال احنا بنتفتش ليه
كان تمن السؤال البرئ ده ان اتنين مخبرين مسكوه و نزلو في ضرب في المحل و في الشارع و في مدخل عماره جنب السايبر قعدو يرزعو وشه في الرخام بتاع السلم و في مدخل العماره الحديد
و خدو جثته و حطوها في البوكس و بعد 15 دقيقه رجعو رموها ف الشارع و مشيو
كل واحد فينا ممكن يكون خالد
حنسكت ؟ ...... منقول من الجروب

وفي رواية اخرى هنا

المهم انه اتضرب واتعذب لحد ما مات
ومش اي تعذيب دول لو كفرة مش هيعملوا كده 
---------------------------------------------
انا من ساعة ماشفت صورته بعد التعذيب وقريت اللى حصله
وانا قلبي بيوجعني ومزاجي زي الزفت
حسبي الله ونعم الوكيل فى اللى عمل فيه كده
مش معقول يكونوا بني ادمين منهم لله ربنا ينتقم منهم
ربنا يرحم خالد ويصبر اهله
-----------------------------------
ياريت اى حد ادمن علي اى جروب ع الفيس بوك 
يبعت رسايل بـ لينك جروب
خالد -الله يرحمه- لكل الاعضاء

9 comments:

قلم رصاص said...

لاحول ولاقوة الا بالله

انا والله زيك بالظبط اول ماعرفت وقريت وشوفت الصور قلبي وجعني بجد وتعبت نفسيا

انا مش قادر افهم احنا عايشين فين بالظبط .. دي بقت غابه لا والله ماحصلتاالغابه
الغابه على الاقل ليها قوانين بتتسمي شريعة الغاب
انما عندنا مفيش غير البلطجه والاهانه وقلة القيمه من اللي من المفترض انهم يحموا الناس

صدقيني انا حاسس ان الناس بدأت تفوق والعداد شغال وبيزيد والناس هيجي عليها لحظه حاسمه هتفجر في وش كل كلب من الكلاب الضاله اللي بينهشوا في الناس الغلابه اللي حول ليهم ولاقوه

كل ذنبهم انهم مصريين


ان فلت المجرمون من حسابهم في الدنيا فلن يفلتوا يوم الحساب

والله المستعان

ربنا يصبر اهله
ويلهم الجميع الصبر وربنا يتقبله مع الابرار

AHMED SAMIR said...

مفيش كلام يتقال
الصورة اصدق من اي كلام
ربنا ينتقم منهم بحق الجمعة المباركة دي يارب العالمين

MR.PRESIDENT said...

ربنا يرحمه
وربنا علي الظالم والمفتري
واللي قتلوه ما هم إلا ... ولا بلاش اشتم زي امبارح لان الشتيمة فيهم عيب في الشتمية ذات نفسها
وحسبي الله ونعم الوكيل

قلــ"بـــلال"ــــــب فارس said...

الله ينتقم من اللى كان السبب

رحله البحث said...

خايف يكون الظلم ماله نهايه
ربنا يرحمه ويرحمنا

موناليزا said...

حسبى الله ونعم الوكيل

Lyssandra said...

حسبنا الله ونعم الوكيل

انا مش عارفة اقولك حاجه تانية
كان نفسي تكون الظروف أحسن من كده
بس انتي عارفة انا عاوزة أقولك إيه

ابقي اقري البوست عند إسراء

سلام يا سارة

Alaa Salim - علاء سالم said...

السلام عليكم

فعلاً الواحد لما سمع الخبر دا دمه إتحرق
ربنا يرحمة وينتقم من اللي ظلمة

صوت من مصر said...

دم خالد فى رقبة كل ساكت
كل مصرى