Wednesday, June 30, 2010

كلمتين لمصر

 تحديــــــــث 
تفاصيل لقاء مدوني دمياط على مدونة 
ع الهامش  .. ليساندرا

كلمات : احمد فؤاد نجم .... غناء فريق بساطة



كل عين تعشق حليوة
و إنتي حلوة في كل عين
يا حبيبتي قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مِـآمن يمشي فين
..........................
شابة يا أم الشعر ليلي
و الجبين شق النهار
و العيون بحرين أماني
و الخدود عسل و نار
و اللوالي ( اللؤلؤ) بابتسامتك
يحكوا أسرار المحار
يللي ساكنة القصر عالي
إمتى يهنالي المزار
كلميني يا صبية
طال علي َّ الانتظار
كلمتين يا مصر يمكن
هما أخر كلمتين
حد ضامن يمشي آمن
أو مِـآمن يمشي فين
.....................
قصرك المسحور غيلانو
أغبى من دود  الغيطان
بعد مص الغصن الاخضر
ينحتوا عضم العيدان
و اللي خلى الارض خضرا
و اللي خلى الدار آمان
عاش بجوعه ملو جوفه
مات بخوفه من الغيلان
روح الغلبان
ما قالش عن شقا العمر اللي كان
كلمتين بمصر يبقوا
هما أخر كلمتين
حد ضامن يمشي آمن
أو مِـآمن يمشي فين
....................
أدي كلمة من عذابي قلتهالك
باقي كلمة
من حنيني صنتهالك
في الضلوع من دنيا ظالمة
كنت خايف يلمحوها
يقتلوها في سكة ضلمة
شقشقت م النور بشاير بشاير
زهرة الصبار يا سلمى
يا نسيم الشوق يا طاير
خد لمصر في الصبح كلمة
طول ما يبقى الركب ساير
بالبصاير و العينين
يبقى ضامن يمشي آمن
يبقى شايف يمشي فين

5 comments:

MR.PRESIDENT said...

بالحق مبروك الحلة الجديدة للمدونة
انا نسيت
فلازم ابارك

MR.PRESIDENT said...

الفاجومي
رغم اني لا احترم شخصه
إلا انني اعشق كلامه
وزي ما انتي قولتي كلمته في كلمتين لمصر
أنا هرد بكلمته للي ماسك البلد
شيد قصورك ع المزارع

من كدنا وعمل إيدينا

الخمارات جنب المصانع

والسجن مطرح الجنينة

واطلق كلابك

في الشوارع

واقفل زنازينك

علينا

وقلّ نومنا في المضاجع

أدي احنا

نمنا ما اشتهينا

واتقل علينا بالمواجع

احنا اتوجعنا

واكتفينا

وعرفنا

مين سبب جراحنا

وعرفنا روحنا

والتقينا

عمال وفلاحين

وطلبة

دقت ساعتنا

وابتدينا

نسلك طريق

مالهش راجع

والنصر قريب من عنينا

النصر أقرب

من إدينا

حنان سعيد said...

حد ضامن يمشي آمن

أو مِـآمن يمشي فين
.............
حلوه اوووي الكلمات بجد
بس ياترى في عليها رد
حد ضامن يمشي امن؟؟؟؟

شفـقــة و إحســــان said...

حلوة اوى يا سارة نفسى اعرف بتجيبى الحاجات دى منين
وحشتينى يا سوسو

rack-yourminds said...

الاخت الغاليه رحيل

بطبيعة الحال تعلمين أن ثمة شعراء وكتاب ومثقفين تبدلت قناعاتهم ومواقفهم ,,قد يرجع هذا الي رغبتهم في التزلف الي السلطه لحقيق مصالهم أو بسبب الضغوط الي جابهتهم والضريبه الباهظه التي دفعوها لثمن مواقفهم الشريفه ,لكن الشاعر الكبير احمد فؤاد نجم من عينه اخري من الشعراءوالكتاب مازالوا قابضين علي الجمر ومتمسكين بمبادؤهم
ومواقفهم الشريفه
--------
الاخت رحيل بجد دايما موضوعاتك هادفه وجميله

----

في امان الله