Monday, July 5, 2010

بنك دم المدونين



انطلقت دعوة من الاخ محمد الغرباوى صاحب مدونة رحلة البحث
لعمل بنك دم من المدونين
ايه هو بقى بنك المدونين ؟ وايه الفرق بينه وبين الحملات اللى بتم كل فترة تحت اشراف بنت خيخة -اللى مش خيخه خالص-وهل قاصر ع المدونين فقط ؟ و ازاى هنطبق ده فى ارض الواقع ؟ وايه الجديد اللى هنقدمه بالرغم ان الفكرة طبقت من قبل ؟ وازاى هنتواصل وهنفذ فكرة بنك الدم؟
كل دي اسئلة مطروحة للنقاش هنا فى مدونة بنك دم المدونين اللي محمد بادر وانشأها جزاه الله خيرا 
 -----------------------------
هخلي النقاش فى كل اللى فات فى المدونة
بس هتكلم عن احساسي بفكرة التبرع بالدم كعمل خيرى خصوصا لما يكون التبرع لحالة بعينها فى الوقت اللى بتحتاجه ودى الفكرة الاساسية اللى هيقوم عليها مشروعنا
إغاثة الملهوف...... قد ايه فعلا الناس بتدوخ وبتتعب لما بتكون بتدور على كيس دم لحد تعبان والحد ده حياته متوقفة على كيس دم 
تخيل انك بتنقذ حياة انسان و بتسعد الناس اللى حواليه وبتهون عليهم معاناتهم وبتخفف عنهم مصاريف كيس الدم اللى بيتباع بأسعار غريبة ...الناس بقت بتاجر بكل حاجة حتى بأرواح البشر .....انا واثقة ان شاء الله اننا نقدر نعمل ده وعارفة اننا نقدر نجمع ناس عندها استعداد تتبرع وتكون تحت الطلب لاى حد محتاجها
------------------------
محتاجين ننشر الفكرة بين كل الناس اللى نعرفها من المدونين وغيرهم وخلينا كلنا ننتناقش فى أليات تنفيذ الفكرة وربطها بالواقع .... انا شايفة انها هتكون الخطوة الاصعب ان ازاى نوصل للناس اللى بتكون محتاجة دم فى التوقيت نفسه او ازاى هما يوصله لينا ويكون معروف اننا موجودين وقت ما يحتاجونا ..... خلينا ننتناقش هناك فى مدونة بنك دم المدونين

5 comments:

MR.PRESIDENT said...

يفضل عمل صورة مربوطة بلينك في المدونات لتعميم الفكرة .
ومشكورة وجاري المتابعة .

موجة said...

فكرة روعة طبعا
في انتظار زيارتك
خالص تحياتي
موجة

rack-yourminds said...

الاخت الغاليه انا لسه راجع من هناك

مجهود رائع بجد بارك الله فيكم

دايما سباقين الي الخير ان شاء الله


في امان الله

جايدا العزيزي said...

فكرة رائعه


انتظر زيارتك


متأكدة ات مدونتى ستروق لك


تحياتى

Malooka Yousef said...

فكرة حلوة بجد وربنا يباركلكوا