Sunday, July 18, 2010

تبرع بالدم يليه لقاء مدوني الدقهلية

تحديـــــــــــــــــــث
التجمع الصبح هيكون الساعة عشرة صباحاً
امام مستشفى الاطفال بالمنصورة
للتواصل طوال اليوم ده رقم ابراهيم العدوي
0169640593
وده رقم شيماء صبرني يارب 

 0126379796
وده رقم محمد الغرباوي
0104123835 

وزي ما صبرني قالت بالظبط كنا ناويين اللقاء ده يبقى صغير من غير ايفينت ولا حاجة عشان نقابل ايناس نهر الحب ونسمة بما انهم داخل حدود محافظة الدقهلية وبعدين قولنا نعمل ايفينت وبعدين قولنا طالما ممكن عدد يحضر - آملين طامعين فى حضوركم الكريم - يبقى نعمل تبرع بالدم  - ولو مش هاتيجوا عشان اللقاء تعالوا عشان التبرع بالدم للأطفال - ويبقى ضربنا عصفورين بحجر ان احنا نتقابل وكمان نتأكد ان لسه عندنا دم :) ايون الواحد بيحتاج يتأكد من وقت للتاني مبقاش فى حاجة مضمونة فى البلدي يا بشر لذا قررنا الاتي
انه فى يوم الجمعة الموافق 23-7-2010
  ولو موافقش برضه هنتقابل ان شاء الله :))
تبرع بالدم لمستشفى أطفال المنصورة يليه لقاء مدوني الدقهلية 
هنا الدعوة ع الفيس بوك
بالتنسيق مع بنك دم المدونين
هنتقابل الساعة 10 ونص صباحاً وان شاء الله التفاصيل قريبا 
هنا او عند شيماء صبرنى اللى هى حاليا ندي الياسمين
وعلى الايفينت ع الفيس بوك 

6 comments:

MR.PRESIDENT said...

جاري محاولة الحضور
وربنا يكرمكوا يارب
ويجعل الحملة في ميزان حسناتكم

كاتب مصري said...

حلوة دي الواحد بيحب يتأكد من فترة للتانية ههههههههههههههههههه طيب انا مش هتبرع باه أنا متأكد ان عندي شوية دم يكملوا معايا للآخر ويقوموا بالواجب
على قدي يعني ههههههههههههههههههههههه
ان شاء الله تعالى انا جي

فاتيما said...

ان شاء الله
موفقين

لو قدرت آجى
مش هتآخر يا رحيل


وان شاء الله
أقدر

تحياتى
يا جميلة الروح و الشكل

!!! عارفة ... مش عارف ليه said...

إن شاء الله يكون يوم جميل

زي المرة اللي فاتت

ويسيب إنطباع طيب عن مدونين المنصورة


تمنياتي القلبية بالتوفيق للجميع

وليد

rack-yourminds said...

الاخت الغاليه رحيل

لولا اني راجع من المصيف كنت فكرت اكون معاكم مره تانيه ان شاء الله

--------
في امان الله

رحــــيـل said...

بسام

:) عرفت اسمك اهو
شكرا على اتصالك وان شاء الله المره الجاية تكون معانا
--------------------------
ابراهيم

:)
احنا المهر الجاية هنديلك كام كيس وانت مروح ان شاء الله
نتقابل على خير دايما
-----------------------------
فاتيما

افتقدناكي حقيقى انت وخالد همس الاحباب

نشوفكم على خير دايما
----------------------------------
عارفة .. مش عارف ليه

وليد
شكره جدا على مرورك وتعليقك هنا وهناك :))
والمره الجاية تكون هنا ومعانا ان شاء الله
---------------------------------
وحيد

هعتبر ده وعد ونستناك المره الجاية
غالبا هيكون فى بورسعيد
:)
شكرا ليك