Thursday, August 5, 2010

إن جالك الميري



منذ سنوات كان العمل الحكومي لا يعدو عن كونه كابوس ابعد ما يكون عن مخيلتي وواقعي ... ولكن لا تأتي الرياح بما تشتهي النفس ... فأصبح واقعا .. واقعا على أحلامي .... و عملاً بمبدأ حب ماتعمل حتى تعمل ما تحب كان لزاما علي ان اتعامل بما يتوافق مع شخصيتى ويرضي ضميري 
ومن أجل هذا الواقع المرير ولحين اشعار اخر قمت بإنشاء جروب بعنوان موظفون ولكن -قابل للتغير العنوان على فكرة - وذلك لسببين

أولاهما : هى دعوة لكل شاب وفتاة ساقتهم اقدارهم للعمل الحكومي ابتسموا فى وجوه عملائكم فقط لتهونوا عليهم الروتين الذي لا ذنب لكم فيه ولا لهم .... ولتتعاملوا معهم بشئ من اللين والرفق

ثانيا : لنناقش معاً أمورا عدة تتعلق بأحلامنا وطموحنا وعلاقتهما بالعمل الحكومي واخلاقيات الوظيفة و المرونة فى تطبيق الروتين 
شارك معنا اذا كنت موظفا حكوميا او مهتم بالموضوع ولديك ماتطرحه فيه

7 comments:

MR.PRESIDENT said...

ماشي يا ستي
دخلنا وسجلنا أهوا
بس أنا مش فيس بكاوي أوي
يعني بخش احط كام رابط ابعت رسالة
واخرج

تحياتي ليكي
وان جالك الميري اتمرغ في ترابه

رحــــيـل said...

منور با افندم

وبعدين كلنا ماكناش فيسبوكيين قوى ولا حاجه هى بس مسألة تعود

وبعدين وجودك مهم لان انت لسه ع البر :)) وعايزين نعرف موقفك من الميرى وترابه

ديالا said...

رحيل طب انا اعمل ايه

طب انا مش موظفه حكوميه

انا موظفيه منزليه ها مفيش جروب ليا

rack-yourminds said...

الاخت الغاليه رحيل
_________________
كون الوظيفه الحكوميه لا توفر الحد الادني من المعيشه هذه ليس مبررا لرفضها

_______________

اي شاب يريد ان يحقق طموح كبير لنفسه, الوظيفه الحكوميه وحدها لا تنسجم مع هذه الطموح ,,انا شايف ان المشاريع الخاصه بالمثابره والصبر ومعرفة كل ما يخص مشروعه قد يحقق الشاب كثير من طموحاته

_______________

احيانا بلتمس للموظفين العذر ,,حضرتك عارفه ان المرتب لا يغطي كل متطلبات المعيشه وكل يوم الاسعار بترتفع عشان كده لا ننتظر من هذا الموظف انه يكون ملاك ,,الموظف يا اخت رحيل هو نتاج للواقع اللي احنا عايشينه فبطبيعة الحال منطلبش منه فقط اللي هيكون استثناء ,

_________________

بجد اكتر حاجه بستفزني هي العلاقات التي تنشأ بين الموظفين والموظفات بحجة الزماله والصداقه هذا فضلا عن بيتخلل العمل ضحك وتهريج وكلام فاضي وكأنهم في مسرحيه مش في شغل

_____________________

مش هقدر ادخل علي الفيس بوك لانه مليش حساب عليه

______________________

في امان الله

رحــــيـل said...

ديالا

:)

نعملك جروب مخصوص عشانك ياقمر
والف الف الف مبروووووووووووووووك جدا

--------------------------------
وحيد

اهلا بيك

عارف هى مشكلة ماديات وبس لكن كمان لان العمل الحكومى بيموت جوانا اى طموح او قدرة على الحلم او امل فى التغير

انا لما اشتغلت كنت ومازلت مضايقه من شغلى لانه مش مجالى ومش طموحى وروتين وملل

المهم كنت لما اتكلم مع اصحابى بيفسروا ده على انه عدم رضا

الفكرة فى التطلع للافضل
----- متفقة معاك فى كلامك لكن بالنسبة لموضوع العلاقات اللى بينشأ بسبب الوظيفة فده مش مشكلة شغل حكومى ولا مشكلة اختلاط فى اى مكان
لان ده بيعتمد على الشخص نفسه والحدود اللى هو راسمها لشكل تعامله مع الاخرين فى اى مكان فى الشغل الحكومى فقط

الفيس بوك موقع جيد جدا فى التواصل والتعامل معاه بالتعود
ان شاء الله نشوفك هناك قريب

شكرا جدا على وجودك

still-searching said...

انا للأسف لسه جايلي الميري
ومن ملاحظاتي خلال اول اسبوع ميري
و الايام اللي قبليه
رغم انها صعبة بالذات في تخليص الورق والروتين

بس فعلا أهم حاجة الابتسامة
المشكلة انك تبدأ اول اليوم بابتسامة عريضة وتتعامل مع الناس كلها بشياكة
تيجي في الاخر والضغط يزيد حواليك والناس كلها عايزة تخلص مصالحها
غصب عنك بتلاقي الابتسامة راحت والصداع زاد
وتبدأ بقى تتنرفز

الحمد لله انا لسه متعرضتش لكده بس لاحظت زمايلي

عموما انا معاكي في كل الكلام ده
لو كل واحد اخد بمبدأ تبسمك في وجه أخيك صدقة
والدين المعاملة
الدنيا كلها هتبقى حلوة اوي
رغم كل المصاعب والمتاعب اللي فيها

رحــــيـل said...

شوفى يا لولا

انتى معاكى حق وانا بقالى 5 سنين ومش هقولك انى ملاك برئ يعنى
ههههههههههه
انا مؤدبة وزوق جدا طول ما اللى قدامى محترم

ويبقى نهاره اهله مش فايت اللى يفكر يطنطط عليا سواء حد جاى فى طلب ولا رؤسائي فى الشغل

لانى عمرى ماهكبر حد بيتعامل بشكل مش كويس

ولما بتعصب الناس مش بتصدق ان دى سارة الهادية الطيبة بتحووول يابنتى

بخصوص الضغط وكده معاكي حق خصوصا لو بتشتغلى فى مكان عليه ضغط كتير

بس تعرفى انا بحس كتير ان لما بتعامل مع الناس بشكل كويس وبهدوء
ربنا بيسرلى امورى لما بكون انا بخلص ورق من اى مكان ليا

ربنا يعينك ويصبرك على شغلك الجديد