Monday, September 20, 2010

ميلاد جديد

قليلون هم.. هؤلاء الذين بإمكانهم خلق فرحة قلوبنا للحظات مسروقة من زمن ندرت فيه السعادة وممارسة طقوسا لاستحضارها من آن لآخر وبالرغم من قلتهم ، فهم إن وجدوا في حياتنا أناروا وجوهنا بابتسامات صادقة نابعة من قلوب تكن لهم كل الحب والامتنان و تخلد أوقاتهم فى ذاكرة الروح، نافذة نطل منها على عالم آخر وعلى أناس تحسبهم ملائكة.
اثنتان من هؤلاء البشر الذين إذا شاءت أقدارك لتعرفهم فيا حسن حظك

إيناس : نهر الحب .صاحبة مدونة أوتار والتي هي بالفعل نهر ٌللحب والعطاء
نهرٌ لاينضب .. ويصب في قلوب كل من تعرفهم.

واختها الجميلة نسمة. رقيقة تحيطك بهجتها وشقاوتها اينما حلت
فهي روضة تفوح منها رائحة الخير.

كنت أعلم أن يوم ميلادي هذا العام سيكون مختلفا 
كان يكفيني تلك البداية الجديدة التى أبدأها مع أمجد زوجي.

وكلانا ممتن لكما على هذا الاحتفال الرائع لهذا اليوم في قلب مياه النيل وانعكاس الاضواء عليها وتلك البلونات الحمراء التي اطلقنا بعضها فى النيل مودعين معها سنوات العمر الماضي و الحلوى اللذيذة وتورتة الشوكلاته التي احبها كثيرا وصحبتكم الرائعة.

واكتمال تلك الصحبة الدافئة بوجود صديقينا الزوجين شفقة واحسان: محمد ومنى
واللذين أضفى وجودهما مزيداً من المرح الممزوج بالود والطيبة والدندنة والشعر.

اكتمل بكم اختلاف تلك البداية

ما أجمل تلك اللحظات التى مرت سريعاً لكنها ستبقى فى ذاكرتي كالنقش على الحجر .

وما أجمل أن يحظى الانسان بأصدقاء صادقين

شكرا كثيراً أصدقائي.
كان يوم الجمعة بحق يوما مختلفا 
تصوير الحلقة وبعدها هذا الاحتفال الجميل
وبعدها سهرة طويلة مع أمجد حتى صلاة الفجر على قهوة البورصة 
انطلقت بعدها في رحلة عودتي وانا ممتلئة بكثير من المشاعر الرائعة

 وحين عدت من سفري زادت فرحتى بهذا الكم من التهاني الصادقة والدعوات الجميلة الطيبة ع الفيس بوك
شكرا لكل من تذكرني بكلمة طيبة
-----------------------------------
بالنسبة للحلقة الحمد لله تم تسجيلها 
اول ما تظبط هنزلها ان شاء الله

12 comments:

youma said...

كان نفسي جدا اشاركك فرحتك فاليوم ده بس للأسف ما قدرتش .. السنة الجاية ان شاء الله ابقى احسن مزاجياً ونفسياً واعملك بوست قد الدنيا على الاقل بس بجد كان نفسي
كل سنة وانتي طيبة ياقمر وكل سنة وانتي بخير وسعادة وحبايبك حوليكي

amgad elkahwagy said...

طبعا الصحبة كانت جميلة
منى ومحمد شكرا على اهتمامكم واللحظات الجميلة
نسمة وايناس شكرا علشان ربنا خلقكم
:)

دامت سعادتك ياست البنات يانور عيني
ودامت الصحبة الجميلة

rack-yourminds said...

الاخت الغاليه رحيل
_______________

كل سنه وانتي بخير ودايما ان شاء الله في تالق
وسعاده انتي وزوجك الكريم
________
في امان الله

MR.PRESIDENT said...

كل سنة اونتوا طيبين يا طيبن
وان شاء الله تعيشوا في خير وسعاده وصحة وعافيه

عودوا بالعافيه

همس الاحباب said...

كل سنة وانتى طيبة
وعقبال مليون سنة
ونعمة الصحبة الجميلة بالفعل
دمتم فى سعادة
تحياتى

ديالا said...

بوست كله مفاجات

مبدئيا عيد ميلادك كل سنه وانتي ورده كل المدونات

الحلقه الف مبروووووووووووك عليها

اما الجواز بقي

دي مفاجاه اكبر لاني معرفش انك اتجوزتي


فالف الف مبرررررررررررررروك

رحــــيـل said...

يوما

انتى كفاية عليا اتصالك بعد الحلقة بفكر بقى اسجل كل يوم طالما هسمع صوتك فرحتك كانت وصلاني رسايل وفون ربنا يخليكى ويروق بالك ياارب
-----------------------------------
امجد

:)

ربنا يخليك سبب سعادتي وفرحتى دايما
ويديم علينا الود و صحبة الناس الحلوة الطيبة
----------------------------------
وحيد

وانت طيب دايما و بخير .... شكرا ليك جدا
ولدعواتك الطيبة
----------------------------------
بسام .. ريسنا القادم

وانت طيب يا بلدياتنا
ربنا يكرمك فى حياتك ويوفقك

شكرا ليك
-----------------------------------
خالد

منور يا ابو همس :)
وانت طيب وبخير
ربنا يكرمك ونفرح ببنوتاتك وياك

شكرا جدا ليك
-----------------------------------
ديالا الجميلة

ازيييييك يا قمر
انتى بتغيبى فين كده ها ؟

هستنى رأيك فى الحلقة لما تنزل ان شاء الله
وكل سنة وانتى بخير

بالنسبة للجواز هو كتب كتاب ياقمر عقبااااااالك يارب

Lyssandra said...

كل سنة وانتي طيبة وسعيده يارب :)

still-searching said...

كل سنة وانتى طيبة وبألف خير
ويارب دايما الصبحة الحلوة والأيام الجميلة تدوم يارب
:)

ادم المصرى said...

كل سنه وانتى بخير وسعاده وجمال

نهر الحب said...

اية دا يا ست سارة
ادخل المدونة اقول اقرأ لاتعمل من تلك المتمكنة فى الحلقة ههههه ماشاء الله الاقىكى مشهرة بيا اية يابنتى كل الكلام الكبير دا ؟؟
انتى تستحقى كل الحب والاحترام بجد ومجرد معرفتك شرف لى
دا بجد مش فشر كمان انا بحبك لانك صافية من جوا ودا نادر


اما عن الانهار اللى انتى فتحتيها فدا لان عيونك حلوة بس فشايفة كل الاشياء جلوة

كل سنة وانتى طيبة وعيد ميلاد سعيد
وعقبال مليار سنة يارب
ومئات التسجيلات ان شاء الله
بس المرة الجاية ياريت نغير العتبة هههههههههه

رحــــيـل said...

ليسا

كل سنة وانتى بخير وطيبة وجمييلةومعانا :)

----------------------------------
مازال البحث جارى
:)
رفيقة البحث
وانتى طيبة وبخير دايما
ربنا يخليكى يا جميلة ونشوفك قريب
---------------------------------
ادم

وانت طيب وبخير يا ادم
شكرا ليك جدا
----------------------------------
انوووووووووووووسة

طيب انا بقول بقى بلاش نعزم على بعض بالكلام ده ونخلى اللى فى القلب فى القلب

وانتى ونسمة بجد ربنا اعلم بمعزتكم من زمان ده انا محسوه ضمن مدونين بورسعيد :)

ربنا يخليكو يارب