Monday, September 27, 2010

وأخيراً حلقة ثقافية كافية

باين كده فريق بساطة وشهم حلو :)
ايناس كلمتنى حالا تقولى الحلقة اتمسحت من عندها وقعت قلبي شوية
وبعدين قالتلى ان الحلقة اخيرا اتقطعت واترفعت ع اليوتيوب
واليكم تسجيل حلقة ثقافية كافية انا وايناس صاحبة مدونة اوتار
احم احم  ... راعوا ياجماعة ان دى اول مره لينا ونوعدكم طبعا فى المرات الجاية -حلوة المرات الجاية دى -ان هنبقى احسن كتيييير لان انا وايناس بنفكر فى الاحتراف :) شكرا لـ ايناس جدا على المجهود فى تقطيع الحلقة ورفعها
ولـ شفقة طبعا على تسجيلها

ج1



ج2



ج3

20 comments:

MR.PRESIDENT said...

يعني نحسد
انا لسه هتفرج علي اللقاء
بس الست الموووووذييييييعه غيظاني
نستحملها عشان خاطركوااااا
هفضل أأر من هنا لبكره بقي
:))

نهر الحب said...

يادى الفضايح
يابنتى كدة انا اتشهرت ههههههههه
طبعا انا كنت فى واد تانى خالص بس زى ما قالت سارة دى التجربة والحكم بالافلام القادمة
احم احم اقصد البرامج هههههههه

شكرا لسارة على الصحبة الحلوة
وشكرا لشفقة واحسان على التسجيل ولمحمد صديقى على مساعدته لى فى برنامج التقطيع


يالا يا شباب دى فرصتكم الكبرى للفرجة على :((

rack-yourminds said...

طبعا انا اتفرجت قبل كده وابديت رايي

ان شاء الله مزيد من التالق لانك تستاهلي كل الخير
___________

في امان الله

أحمد شريف said...

بالتوفيق وإلى الأمام
أهم الشيء الاستمرار

شفـقــة و إحســــان said...

مبروك يا سوسو عقبال ما تطلعوا فى البوتاجاز بس ايه مش اى حاجة لا ابو سته شعلة
هههههههههههههه
بجد مبروك ليكى انتى وانوسة
وتحب تقول ايه فى مناسبة زى دى؟؟
حسبى الله ونعم الوكيل

MR.PRESIDENT said...

احسن حاجة في اللقاء والله لما أمجد اتصل .. تعريف كلمة سعادة ظهر علي سارة .

تحياتي لكم بحياة كريمة سعيدة ميه ميه

كلمات من نور said...

ربنا يكرمكن يا فتيات ...........احنا حنراعي متقلقوش بس كنتم اخر حلاوة وجدعان قوي كمان

خالص تحياتي

ادم المصرى said...

الف مبروك نهر الحب والى الامام دائما ويارب يارب اشوفك على قناه المحو فى برنامج 90 دقيقه مع الواد ابن كريمه مخطار

جايدا العزيزي said...

حلو اووووووووى النجاح

والاحلى الاصرار عليه

اتمنى لكم النجاح دائما


تحياتى

رحــــيـل said...

بسام

استحمل بقى عشان خاطرنا
وبعدين والله كانت ظريفة ولطيفة ومتعاونة

وبعدين متأرش قوي استنى شوية لما نعمل كمان تلات اربع برامج فى قنوات مختلفة ههههه تقولش هنحل ازمة الشرق الاوسط
----------------------------
نوووسة

واى فضايح ههههههه انا كررت الكلام الكتير بلف وادور وارجع لنفس النقطة ان يا جماعة اللى جمعنا اختلافنا هههههههههههههه
ادى اخرة توقعات الاسئلة وتجهيز الردود

وبعدين عايزين نتقابل ضرورى عشان نبحث العروض الكتير اللى جاتلنا ونقرر هنحترف فى اى قناة
:D
انا بقول بقى اتنين فى قوتنا وابداعنا لازملهم قناة لوحدهم
نطلع طول اليوم نعمل
ششششششششششششششششششششششششششششششششش
احسن انا حاسه انى من زمان معدش فى قنوات بتوووووش لما تخلص
انا من زمان قوي باين ولا ايه
--------------------------------
وحيد

شكرا جدا ليك انك اهتميت وتابعتها لايف

ربنا يكرمك يااارب ونشوفك انت كمان فى التلافزيون بس بعيد طبعا عن القناة بتاعتى انا وايناس عشان احنا هنبقى محتاجين نوش براحتنا
---------------------------------
احمد الشريف

اهلا يا افندم
شكرا لحضرتك مرورك وتعليقك
تحياتى
----------------------------------
شفقة

بذمتك انا راضية ذمتك مين اللى يحسبن :D

وحشتينى يامنمن ووحشتنى اللمة الحلوة والله

شكرا ليكو جداااااا على كل حاجة
سلامي لمحمد وقوليله ساره نفسها تشوف الصور وهى لسه شباب
والنبى ياختى قبل ما الصور تحمض على موبيله
----------------------------------
بسام تانى

:)
ايون عايزه اقولك بقى انى اساسا مفهمتش بقى السؤال اللى قاله اتفاجأت وفقدت التركيز
وافتكرت نقطة خلاف بينا كانت فى اول لقاءات مدونين المنصورة من سنتين كده وقولت بس متصل ينكش فى اللى فات ع الهوا هههههههههه ورديت بقى على اساس اعتقادى لانى اصلا كان هيغمن عليا اول ما اتصل
المشكله بقى ان ايناس هى كمان ردت فى سكه تانيه خالص غير السؤال بتاعه برضه

انا مفهمتش غير وانا بتفرج ع الحلقة
----------------------------
كلمات من نور

ربنا يكرمك يارب ايون كده حد يرفع من روحى المعنويه انا والبت ايناس
ويشجعنا على الاستمرار الفظييييييع
:) وربنا يصبركم بقى

الله ربنا يسعدك ويكرمك
---------------------------------
ادم المصري

لاء لاء معتز لاء
انا عايزه منى الشاذلى
او ممكن اوافق على محمود سعد

لكن معتز لااااااااااء

شكرا جدا يا ادم
----------------------------------
جايدا

تسلمى يااارب ياقمر
شكرا جدا على تشجعيك وكلامك لينا

:)

رحــــيـل said...

ملاحظات ع الجنب مخصوص بقى للناس اللى علقت هههههههههههههههه

بالنسبة للمدخلات اللى جت
هما كلهم تبعنا بس فعلا مكناش متفقين ولا مخططين لده لان فى ناس تخيلت ان ده من قبل الحلقة متظبط مع القناة
لكن فعلا كانت الاتصلات كلها مفاجأت

عبد الحميد صديق ومدون بورسعيدي صاحبة مدونة الحياة ظبطنا جامد بصراحة:)

طلال مدون سعودي صاحب مدونة بقايا صديق لايناس

امجد زوجي العزيز :) اللى طبعا بان عليا فى ساعتها اول ما اتصل الاحراج بقى والكسوف وكده يعنى


روضة حبيبة قلبي اللى عرفت مصر كلها - قال يعنى حد شاف الحلقة غير اصحابنا -ان عيد ميلادى قد ان اوانه
روضه اخت ايناس ياجماعه هههه

وهى وامجد كانوا معانا اساسا مستنين تحت :D

فكل ماحد يتصل اقول بقى خلاص هيعقلوا ومحدش هيتصل تانى وهما مين ابدا بس بقى وقامت الحلقة خلصت

شكرا ليهم بجد على مدخلاتهم المفاجأة وليكم على تعليقاتكم واهتمامكم

وكل حلقة وانتم طيبين

نهر الحب said...

يا سارة انا موافقة على كل اللى يقولة ادم
يسمع من بؤه ربنا اى حاجة كدة على ما تفرج وبعدين نبقى نتامررررر
هههههههههههههههه

مجرد حلم صغنتوت said...

ما شاءالله
يا باشا يا باشا :D
زي الفل والله انتي وايناس
ما شاء الله واثقين من نفسكم كده واديتوا والله كويس

عقبال ما نشوفكم على باقي الفضائيات قريب :)

محمد ياسر (~) عاشق الأهلى (~) said...

** مين ادكم طالعين فى الشاشة الفضية انا اخرى قالوا اسمى بس عقبال ما اطلع على حبيبة قلبى قناة الاهلى لكن منورة الشاشة يا سارة **

محمد ياسر (~) عاشق الأهلى (~) said...

** ليه مدش منكم اتكلم عليا ؟ انا عاوز جواب كل كلامكم عن التدوين مفيش حاجة تانية **

قهوة بالفانيليا - شيماء علي said...

حلوة اوي :)
عجبتني جدا..
طريقة الكلام و الرد
البساطة في التعبير و في كل حاجة
بالتوفيق

رحــــيـل said...

نهر الحب

ماشي يا نوسه انا هوافق عشان خاطرك :)

-----------------------------
دعاء

تسلمى يا دودو ايون ادعى كده من بؤك لباب السما عشان نعرف نحترف بضمير
-----------------------------------
محمد

روح ذاكر يا محمد ولما تطلع من الثانوية ان شاء الله نبقى نجيب سيرتك لانك لسه مكملتش السن القانوني :D
---------------------------------
شيماء
احلى قهوة بالفانيليا

تسلمى يا شوشو

ربنا يخليكى يارب

حنان سعيد said...

ساره حبيبتي
بجد ماشاء الله
انا على طول متخيلاقي رقيقه وزي العسل
بس بجد ماتتخيليش لما شوفتك زاد تعلقي بيكي قد ايه
بجد ماشاء الله
حسيت براحه غريبه ليكي ولسماحه وجهك
ربنا يكرمك يارب وخلتيني نفسي اشوفك اكتر وكل المدونين كمان

منورين بجد انتي وانوسه
تحياتي حبيبتي

رحــــيـل said...

حنان حبيبة قلبى
ربنا يخليكى ياقمر
انا كمان نفسي اشوفك من زماااااااااان
:( بس حظى وحش انك معرفتيش تظبطى معانا ولا لقاء بس متعوضة ان شاء الله
ويارب اشوفك على خير

شمس العصارى said...

شوفت اجزاء من الفيديو
بالتوفيق
ـــــــــــــــــــــ
مدونات فى الميزان
حملة جميلة
http://shayunbiqalbi.blogspot.com/2010/10/blog-post_12.html