Tuesday, July 27, 2010

رحم الله شعبا صار بلا وطن

حكومتنا مفترية


فن التعذيب


شعبنا قامت قيامته


لازم يبقالنا صوت
فى انتظار مثل هذا اليوم


وأخيرألف تحية للشعب السكندري
فيها حاجة حلوة

Monday, July 26, 2010

ثنائي راائع

تقول احلام مستغانمي عن جاهدة وهبي عندما تقوم بتلحين وغناء قصائدها
د"جاهدة وهبي ورطتني بالشعر , ما كنت أعرف قبلها أني اقترفت قصيدة , صوتها يمكنه أن يرفع أي نص إلى مقام الشعر , أكاد لا أتعرف على نصوصي عندما تغني"د 
--------------------
قصيدة يا ولدي ... انجبني
 ---------------
كنت سأنجب منك قبيلة
ياولدي .. و والدي .. وأبا أولادي
ياكبدي وكيدي ومكابدتي
يا سندي وسندياني وسيدي
قل (( يا بُنيتي ))
كي تكون لي قرابة بقدميك
عندما تقفان طويلاً للصلاة
فأدلكهما مساءً بشفتي
كما كنتُ بالقبل أغسل قدمي أبي
يازهو عمري .. كُن ابني
كي أُباهي بك
واختبر الأنوثة بوسامتك
عساها تطاردك رائحتي
ويحتجزك حضني
وتخذلك النساء جميعهن
فتعود مُنكسراً إلي
أنجبني...
كي تُنادي بين الرجال باسمي
كي أحمل جيناتك في دمي
واسمك على جواز سفري
وأنتسب إلى مسقط قلبك
ما كان لي قبلك من أحد


قصيدة كتبتني
 -------------
باليد التي أزهرت في ربيعك
بالقُبلات التي كنتَ صيفها
بالورق اليابس الذي بعثره خريفك
بالثلج الذي
صوبَكَ سرتُ على ناره حافية

بالأثواب التي تنتظر مواعيدها
بالمواعيد التي تنتظر عشّاقها
بالعشّاق الذين أضاعوا حقائب الصبر
بالطائرات التي لا توقيت لإقلاعها
بالمطارات التي كنتَ أبجديّة بواباتها
بالبوابات التي تُفضي جميعها إليك

بوحشة الأعياد كتبتني
بشرائط الهدايا
بشوق الأرصفة لخطانا
بلهفة تذاكر السفر
بثقل حقائب الأمل
بمباهج صباحات الفنادق
بحميميّة عشاء في بيتنا
بلهفة مفتاح
بصبر طاولة
بتواطؤ أريكة
بطمأنينة ليلٍ يحرس غفوة قَدَرِنا
بشهقة باب ينغلق على فرحتنا

كتبتني.. بمقصلة صمتك
بالدُّموع الْمُنهمِرة على قرميد بيتك
بأزهار الانتظار التي ذَوَت في بستان صبري
بمعول شكوكك.. بمنجل غيرتك
بالسنابل التي
تناثرت حبّاتها في زوابع خلافاتنا
بأوراق الورد التي تطايرت من مزهرياتنا
بشراسة القُبَل التي تفضُّ اشتباكاتنا
بِمَا أخذتَ.. بِمَا لم تأخُذ
بِمَا تركتَ لي من عمرٍ لأخذِهِ
بِمَا وهبتَ.. بما نهبتَ
بِمَا نسيتَ.. بِمَا لم أنسَ
بِمَا نسيتُ..ـ
بِمَا مازال في نسياني يُذكِّرني بكَ
بِمَا أعطيتك ولم تأبه
بِمَا أعطيتني فقتلتني
بِمَا شئت به قتلي
فمتّ به!ـ


قصيدة مذهول به التراب
---------------
خرج ذلك الصباح
كي يشتري ورقا ً وجريدة
لم يدري أحد
ماذا كان سيكتب
لحظة ذهب به الحبر
إلى مثواه الأخير
كان في حوزته رؤوس أقلام
وفي رأسه رصاصة
ولذا لم يضعو وردا ً على قبره
وضعوا ما اشترى من اقلام
ولذا لم يكتبو له شيئأ على قبره
تركوا له كثيرا ً من بياض الخيام
والآن لم تتعرفو إليه هناك
حيث كل القبور
لا شواهد لها سوى اقلام
وحيث كل نهار تستيقظ ايدي لتواصل الكتابة 

Sunday, July 25, 2010

عن لقاء يوم الجمعة



كتبت ومسحت وفتحت الصفحة من يوم الجمعة لحد الوقتي كذا مره حسيت انى هرغي رغي السنين فقولت بقى اقول رسايل صغيرة كده ومحددة عن لقاء يوم الجمعة في المنصورة اصل لو فتحت فى الكلام مش هخلص خصوصا فى التدوينات الخاصة باللقاءات

    بداية كنت سعيدة جدا بوجود أمجد معايا يومها وان شاء الله كل اللقاءات الجاية نكون سوا ، كمان دعوته لهيثم محفوظ حقيقى وجودهم فرق كتير سواء لإلقاء امجد لبعض قصايده او غنا هيثم والحانه 
  1. بشكر جدا هيثم محفوظ على تلبيته دعوة امجد وحضوره حقيقى استمتعنا كتير بصوته وألحانه على العود والكلام اللى مليان اللى غناه
  2. ايناس نهر الحب ونسمة كانوا حقيقى واحشنى كتير كل لما بشوفهم بكون سعيدة ومبسوطة بالود اللى بينا ربنا يديمه 
  3. داليا و باشهندس شرين الكردى وجودكم كان شئ جميل جدا وأضفى روح حلوة على اللقاء سعيدة انى قابلتكم للمرة التانية كنتوا منورييين مش تهريج يعنى لاء جد جد
  4. ندي الياسمين وبنوتتها العسولة ودعاء مجرد حلم والاء مازال البحث جارى - مش عارفة ايه موضوع الدقهلاوية فى البحث - بلدياااااااااااااااااتي يا جدعان ناس كده تحسها قريبة منك ومافيش اى حواجز وكأننا عارفين بعض بقالنا سنين .. بحبهم بغض النظر عن كيك ندي الرااااااائع
  5. اسماء مدونة حفلة تنكرية اصغر مدونة 14 سنة كان اصرارها ع الحضور شئ مبشر ان الجيل الجاى فى أمل بجد دماغها حلوة كبيرة مش صغيرة خالص
  6. الجميلة ليساندرا البنوووته دى بقى مش عارفه اقول كلام عنها بس حقيقى بحسها شبهى من جوا جدا يمكن عشان كده بحب وجودها الهادي الجميل
  7. ابراهيم العدوي كاتب مصرى بيكون مش عايز اللقاءات تخلص :) وأحسن حد بيكتب تدوينات لوصف اللقاءات
  8. محمد الغرباوي حضر اللقاء  بالرغم من انه كان راجع السعودية فجر السبت ويارب يكون وصل بالسلامه ويهون غربته
ده كان بالنسبة للقاء على المستوى الانساني كان فعلا يوم رائع وصحبة طيبة 
على مستوى التبرع بالدم من الواضح انى اتسرعت فى تنفيذ الفكرة من غير ما اعرف ظروف الناس اللى جاية لان كان فى تبرع قريب فى القاهرة ..... واللى يشوفنا واحنا بنتكلم مع الامن اللى كان رافض اننا ندخل كلنا بنك الدم وعايز بس الناس اللى هتتبرع واحنا بلطجنا ودخلنا وندي الياسمين وهى بتتفق معاهم وبتقولهم اننا المره اللى فاتت كنا 30 :)) مايشوفناااااش المره دي واحنا ما اتبرعش حد فينا غير أمجد....بس ان شاء الله متعوضة
شكرا للناس اللى اتصلت يومها 
ماما امولة ..... كنت اتمنى حضورك يارب تكوني بخير دايما والمره الجاية عندكم ان شاء الله
انا الريس ..... بسام ...  كويس كويس ان الواحد يبقى عارف اسم الريس الجديد بتاعه :) يارب تكون بقيت احسن وبعدين بقى ده اسمه كلام ياراجل فى رئيس دولة يجيله برد احنا معندناش رؤساء يتعبوا ده خارج قوانين بلدنا
تدوينات عن اللقاء
ابراهيم العدوى دخلنى التاريخ وكتب 23 طوبار 
اسماء فى حفلتها التنكرية كتبت عننا لما اتقابلنا من غير اقنعة
ندي الياسمين كتبت بتحكى ملخص اللى حصل :)  
وحكت بالتفصيل ما حدث وكان فى ملخص لقاء المنصورة
وع الهامش بعدسة ليساندرا لقاء المنصورة
---------
الصورة من مدونة حفلة تنكرية مش لاقيه ليساندرا اخد منها الصور ... كل الصور اللى موجوده حاليا صور ابراهيم وهو بياكل  ......  الصورة دي فى ادغال شجرة الدر على الحان هيثم ومراقبة النمل اللى كان فى المكان والتفاف الاطفال الصغار خصوصا جنة
انا قعدتهم ع الارض وبالرغم انى اقترحت قبل اللقاء نجيب ملاية نفرشها ع الارض ونتغدى من عند البغل ونجيب كولمن ميه ساقعه بس برضه ما حدش حس بقيمة اقتراحي غير بعد ما لفينا شجرة الدر ومش لاقينا اى مكان نقعد فيه غير جمب النمل 
بس برضه كان يوم حلو:))) 

Sunday, July 18, 2010

تبرع بالدم يليه لقاء مدوني الدقهلية

تحديـــــــــــــــــــث
التجمع الصبح هيكون الساعة عشرة صباحاً
امام مستشفى الاطفال بالمنصورة
للتواصل طوال اليوم ده رقم ابراهيم العدوي
0169640593
وده رقم شيماء صبرني يارب 

 0126379796
وده رقم محمد الغرباوي
0104123835 

وزي ما صبرني قالت بالظبط كنا ناويين اللقاء ده يبقى صغير من غير ايفينت ولا حاجة عشان نقابل ايناس نهر الحب ونسمة بما انهم داخل حدود محافظة الدقهلية وبعدين قولنا نعمل ايفينت وبعدين قولنا طالما ممكن عدد يحضر - آملين طامعين فى حضوركم الكريم - يبقى نعمل تبرع بالدم  - ولو مش هاتيجوا عشان اللقاء تعالوا عشان التبرع بالدم للأطفال - ويبقى ضربنا عصفورين بحجر ان احنا نتقابل وكمان نتأكد ان لسه عندنا دم :) ايون الواحد بيحتاج يتأكد من وقت للتاني مبقاش فى حاجة مضمونة فى البلدي يا بشر لذا قررنا الاتي
انه فى يوم الجمعة الموافق 23-7-2010
  ولو موافقش برضه هنتقابل ان شاء الله :))
تبرع بالدم لمستشفى أطفال المنصورة يليه لقاء مدوني الدقهلية 
هنا الدعوة ع الفيس بوك
بالتنسيق مع بنك دم المدونين
هنتقابل الساعة 10 ونص صباحاً وان شاء الله التفاصيل قريبا 
هنا او عند شيماء صبرنى اللى هى حاليا ندي الياسمين
وعلى الايفينت ع الفيس بوك 

لـ هذه الأسباب




على مدار ما يقرب من الثلاثة اعوام تحدثت في تدوينات متفرقة عن علاقتي بالتدوين والمدونين ، و منذ أيام وأنا أفكر في تلك الأسباب التي دفعتني إلى التدوين كنت أظن في نفسي وأعلن أن السبب هو رغبتي فى التواصل ومحاولة الاستفادة بشكل محدد من هذا الإنفتاح الذي يسببه عالم الانترنت
 وبعد مرور سنوات وبعد توقفي لفترات وعودتي الدائمة ، وبعد أن أصبح التواصل أكثر من مجرد كلمات وتعليقات ، أصبحت بيننا لقاءات تدوينية وعلاقات إنسانية  بعد أن انتقلنا من عالمنا الإفتراضي إلى واقعنا أيقنت أن هناك سبب آخر
ولعل ذلك الاحساس الذي ينتابني اثناء تلك اللقاءات التي تجمع أناس من كل المحافظات لم يكن لهم أن يلتقوا إلا من خلال مدوناتهم هو الذى دفعني لأعيد النظر فى تلك الأسباب التي جعلتني أدون ، والتي تجعلني أعود كلما توقفت ، أو كلما أحسست أنه لم يعد لدي ما أكتبه
إنه غياب الإحساس بالغربة فى تلك اللقاءات بالرغم من إختلاف محافظاتنا وأعمارنا ومجال دراستنا وأعمالنا
بالرغم من أنه لم نولد فى بيت واحد ، ولم نكبر سوياً ، ولم نذهب معاً للمدرسة ، ولم نلعب معاّ فى مرحلة الطفولة  ،وفى المراهقة لم نكن حافظي أسرار بعضنا البعض ، بالرغم من غياب الذكريات والعيش والملح من قبل
إلا أن الألفة التي تجمعنا والود الذي يسود اللقاءات بيننا كفيل بأن يصنع لنا أسباب لغياب الغربة التي نستشعرها فى تلك الأوطان التي نشأنا فيها
فنحن لم يفرض الواقع علاقاته علينا ، ولا تحكمنا صلة الدم ولا نبغى مصلحة من وراء معرفتنا ، إن تلك العلاقات التي نشأت بيننا فجعلتنا نشعر بالشبه ماهي إلا نتاج إغترابنا عن الواقع الذي دفعنا للبحث عن أخرين يعتنقون نفس أفكارنا ويملكون أحلاماً وردية ، وأيضاً للبحث عن أنفسنا كما هي دون حاجتنا لشرحها للأخرين وإيجاد أسباب ومبرارات لإقناعهم بإختلافنا وأحلامنا وأفكارنا
هنا نختلف ويتقبل كل منا إختلاف الآخر دون المساس بحريته ، ويحترم إختياراته ، أحلامه ، مشاعره ، أفكاره ،  دون الاهتمام بشكليات قد يفرضها علينا الواقع نتحرر منها دون لوم أو سخرية أو نظرات تعجب كأننا من سكان المريخ
لهذه الأسباب أعتقد أنني قررت التدوين منذ سنوات ، ولهذه الأسباب أعود كلما توقفت ، ولهذه الاسباب أواظب قدر إمكاني على حضور لقاءات المدونين ، ولهذه الأسباب أعلم أنني سأبقى هنا بمشيئة الرحمن ، لهذه الأسباب أشعر بسعادة بعد كل لقاء ، لهذه الأسباب كانت مدونتي وطن ، ولهذه الأسباب شكرا كثيراً لأصدقائي الذي هون وجودهم غربتي طيلة السنوات الثلاثة الماضية  

Sunday, July 11, 2010

ماكان بين البحر والـ سما


بداية الف مبرووك جدا خالص لاختي الصغيرة جوجو صاحبة مدونة امي ثم أمي نتجيتها ظهرت وجابت.5 88% كل دراجتها كويسة خالص ماعدا الرياضة للأسف ... المهم يعنى الف مبروك اخر حاجة


امبارح كان يوم دمه خفيف جدا بصراحة كنا فى رأس البر بدعوة من الجميلة ليساندرا قابلت سما الصبح في دمياط وركبنا عشان نروح رأس البر وكان محمد الغرباوي وايمان اخته وابراهيم العدوي وصلوا هناك قبلنا  وضياء المناضل القاهري جاى من 6 اكتوبر لوحده كان يدوب لسه واصل المنصورة وقدامه شوية عما يوصلنا 
وصلنا بسلام لأرض رأس البر واتجهنا كما هو متفق الى شاطئ الخليج :)) هناك معجبناش مستوى الخدمة خالص والشاطئ مش نضيف وكله اطفال معاهم عوامات فأحنا طبعا عشان سلامة الاطفال من حقدنا عليهم قررنا نسيبلهم المكان ونشوف مكان تانى
اتمشينا شويه لحد اول اللسان وهناك كان في كافتريا  على البحر حلوة قعدنا هناك فترة وضياء جالنا هناك وفضلنا بقى نرغى ونحكى ونجيب فى سيرة كل الناس اللى مجتش :)) بالخير طبعا

 نسيت اقولكم على حاجة مهمة جدا ان المينو كان فيها كل انواع العصائر حاجات والله انا اصلا اول مرة اعرف انها بتتعصر وكان اهمها انهم بيقدموا عصير جرجير ولما الشباب طلبوا قهوة اللى موجودة فى كل حته فيكى يامصر طلعت للاسف مش موجودة عندهم

قررنا نتقوم نتمشى فى اللسان رغم الحر بس كان وقت كويس جدا ومحافظ دمياط جه بنفسه يرحب بينا طبعا اذ فجأة تلات عربيات سود من بتوع افلام الاكشن ظهروا والميكرفونات اللى بتحكى عن اللسان اشتغلت وطبعا اول لما لف ورجعوا سكت الصوت اللى بيحكي و كمان كان في عربية جت لمت الزرع اللى كان موجود كده وكده


روحنا صلينا وقررنا نروح نركب مركب وفى الطريق ضياء اعلن انه مش عايز يتأخر عشان قدامه 6 ساعات سفر فقولنا نركب ونطلع على دمياط وطبعا قبل ما نمشى قررنا ان احنا ناخد جولة اختيارية طبعا- ماكنتش اجبارية خااااااااااااااالص- فى رأس البر وانا اصلا اعلنتها لليسا من اول ما وصلنا بما انها دمياطية ومرشدنا السياحي : احنا من ايديك دي لايدك دي وفين ماتودينا معاكي
وودتنا بصراحة سما ماحرمتنااااش من حاجة
:D 
رجعنا دمياط فى صاروخ ارض جو روحنا اتغدينا عند المتبولي اللى عرفنا انه فاتح بقاله 90سنة ورغم كده كوباياته مش نضيفة وكان شوية وهيطردنا لانه كل شوية يغيرها ويغسلها واحنا برضه مش عاجبنا بس الجمبرى بتاعه كان حلو جدا

ونزلنا بقى قعدنا ع الكورنيش نقرر مين هيروح فين واحلى حاجة بقى لما ضياء قرر انه يروح ومحمد راح يوصله لانه ماكنش عارف الموقف وبعد ما رجعلنا واتفقنا على ان محمد وايمان وحتى ابراهيم هيركبوا معايا المنزلة ويرجعوا يركبوا للمنصورة  اتمشينا لحد الموقف واذ فجأة اكتشف محمد انه نفس الموقف اللى وصل ضياء ليه من شوية
ووقفنا قدام الموقف شوية نكتب لليسا كلمات عن اليوم ونخبى من بعض وانا كنت مصممة اعرف كلهم كتبوا ايه
وبعدين سما مشيت وركبنا المنزلة وكملنا رغي فى المواصلات

ليساندرا .... شكرا بجد على اليوم الجميل جدا ده رغم انى لا انكر انى كمان احبطت شوية لما عرفت ان مدوني بورسعيد مش جايين بس حقيقى كان اكثر من رائع
ايمان اخت محمد ...... طبعا احنا المفروض نشكر محمد انه عرفنا عليكى ومستنين نشوفك دايما فى كل اللقاءات
محمد الغرباوي وابراهيم العدوي وضياء ...... مش عارفه اقول ايه بجد اكتر من انهم اخواتنا حقيقى اليوم كان جميل بيكم فعلا
--------------
ناس فعلا افتقدتهم وكنت اتمنى اشوفها
مدوني بورسعيد 
ماما امولة - ايناس نهر الحب - نسمة - اسراء
وكمان داليا قوس قزح
-----------------
الناس بقى اللى قالت بالتفصيل اهو مع انه مش تفصيل قوى يعنى
استحملوا بقى وعشان بعد كده تيجوا ومش تطلبوا اننا نحكي
الصور كلها بعدسة ليسا وهنا باقى الصور
 بعدسة ليسا :))
-----------------
ابراهيم كتب على كأني اتكلم ..... ليساندرا داي
محمد الغرباوي كتب ......يوم على جناح فراشة
ليساندرا كتبت .......رأس البر10-7-2010

Monday, July 5, 2010

بنك دم المدونين



انطلقت دعوة من الاخ محمد الغرباوى صاحب مدونة رحلة البحث
لعمل بنك دم من المدونين
ايه هو بقى بنك المدونين ؟ وايه الفرق بينه وبين الحملات اللى بتم كل فترة تحت اشراف بنت خيخة -اللى مش خيخه خالص-وهل قاصر ع المدونين فقط ؟ و ازاى هنطبق ده فى ارض الواقع ؟ وايه الجديد اللى هنقدمه بالرغم ان الفكرة طبقت من قبل ؟ وازاى هنتواصل وهنفذ فكرة بنك الدم؟
كل دي اسئلة مطروحة للنقاش هنا فى مدونة بنك دم المدونين اللي محمد بادر وانشأها جزاه الله خيرا 
 -----------------------------
هخلي النقاش فى كل اللى فات فى المدونة
بس هتكلم عن احساسي بفكرة التبرع بالدم كعمل خيرى خصوصا لما يكون التبرع لحالة بعينها فى الوقت اللى بتحتاجه ودى الفكرة الاساسية اللى هيقوم عليها مشروعنا
إغاثة الملهوف...... قد ايه فعلا الناس بتدوخ وبتتعب لما بتكون بتدور على كيس دم لحد تعبان والحد ده حياته متوقفة على كيس دم 
تخيل انك بتنقذ حياة انسان و بتسعد الناس اللى حواليه وبتهون عليهم معاناتهم وبتخفف عنهم مصاريف كيس الدم اللى بيتباع بأسعار غريبة ...الناس بقت بتاجر بكل حاجة حتى بأرواح البشر .....انا واثقة ان شاء الله اننا نقدر نعمل ده وعارفة اننا نقدر نجمع ناس عندها استعداد تتبرع وتكون تحت الطلب لاى حد محتاجها
------------------------
محتاجين ننشر الفكرة بين كل الناس اللى نعرفها من المدونين وغيرهم وخلينا كلنا ننتناقش فى أليات تنفيذ الفكرة وربطها بالواقع .... انا شايفة انها هتكون الخطوة الاصعب ان ازاى نوصل للناس اللى بتكون محتاجة دم فى التوقيت نفسه او ازاى هما يوصله لينا ويكون معروف اننا موجودين وقت ما يحتاجونا ..... خلينا ننتناقش هناك فى مدونة بنك دم المدونين