ازيكم .. وحشتوني .. اكيد الغياب عن المدونة غربة والرجوع ليها بعد وقت وفي ظروف مختلفة برضة غربة لان الاكيد اننا بنتغير بتتغير وجهات نظرنا للأمور بتتغير مشاعرنا بتتغير مقايسنا واهتمامتنا مسئوليتنا .. وبتفضل الاحلام أحلام عشان كده يمكن تكون هي الخيط الرفيع اللي بيربطنا بوطننا اللي اختارناه هنا من زمان لما كنا لسه مش نعرف بعض وبندون بأسامي اختارناه احنا مش لاقيناها مفروضة علينا لما بدانا تدوين كان في براح اكتر من دلوقتي بس حاليا احنا بنتعامل بمسئولية اكتر تجاه اللي بنكتبه
سعيدة بناس كانت غايبة من زمان ورجعت تاني بفرح جدا لما اشوف في الريدر بوست جديد ليهم بحس فى كتابتهم بروح غايبة عن التدوين الوقتي كانت موجودة اول ما بدأنا وناس تانية غابت
مافيش موضوع معين عايزة اكتب فيه بس حسيت انى محتاجة ارجع لمدونتي اكتب فيها لنفسي قبل ما اكتب لغيري .. في بداية شهر يونيو في حملة للتدوين اليومي هحاول اشبط فيها وارجع اكتب
10 انتو كمان حاولوا معايا:
الف حمدالله علي السلامه
مفيش حاجه اسمها عوده مؤقته نتمني تكتبي دايما علي طول ولو بوست كل اسبوع او اسبوعين
حضرتك من الشخصيات الجميله في عالم التدوين ,نتمني لكي كل الخير والسعاده مع زوجك الكريم
يا مسهل
أولا عودا حميدا
وحظاً مجيدا
وقلبا وقالبا سعيدا
يحويه الأمجد
وأنا كمان نفسي أعمل حاجة ترجعني للتدوين
الفيس الغبي الادماني خادني من المدونة ومن متابعة ناس بعزهم
وحيد
الله يسلمك
شكرا كثير جدا على سؤالك الدائم
اما بالنسبة للكتابة على طول والله انا نفسي فعلا ارجع تاني زي الاول هحاول اكيد
شكرا ليك وربنا يكرمك وتلاقي بنت الحلال اللى بتعرف تطبخ :D
--------------------------------
بسام
ايون انا ملاحظة فعلا نشاطك ع الفيس بوك
وتقريبا بحقد عليك لاني مش عارفة برضه اتابع هناك زي الاول ومن حقدي ده تزهق منه وترجع للتدوين
:)
انتهز فرصة شهر 6 وحاول ترجع
شكرا ليك يا بسام
اهلا بيكى مره تانيه
وحمد لله على السلامه
فعلا الفيس دا خدنا كلنا بس كلنا ما عرفناش نتواصل زى المدونات
انا كمان رجعت للمدونه بعد ما اخدنى الفيس بوك لكن رجعت تانى والحمد لله
الف حمد لله على السلامه
ناس كتير هربت على الفيس بوك
لكنها بترجع تاني للتدوين اللي مفيش احلى ولا اعمق منه :)
مش عارف ليه انا مش باحب حكاية التدوين اليومي دي ولكنا تبقى (مجرد) وجهة نظر :)
حمد الله على السلامة :)
صديقتي العزيزة
افتقدت كتاباتك وتواصلك
اسعدني جدا ان اجد تحديث بأنكِ كتبتي جديداً حتى لو الحقتي به كلمة مؤقتاً
اتمنى ان يكون دائما ان شاء الله
كوني بكل خير
محبتي
السلام عليكم
غاليتي ما أنت فيه وضع طبيعي فحياتك الجديدة لا بد أن تأخذك بعيدا لأنها تستحق أن تأخذ الوقت الكافي للتعرف عليها
قليل من النت يصلح هذا الإبتعاد
:)
أضحكتني مغامرة الفرخة في صينية البطاطس
:)
والأستاذ أمجد لا بد أن يتحمل ف لاجل الورد تنحرق البطاطس
:)
ربنا يهنيكم و يقر
أعينكم بالذرية الصالحة , اللهم آمين
فشكول
اهلا بحضرتك يا افندم
الفيس بوك مشكلة فعلا وانا متفقة معاك ان للتدوين جو تاني خالص عشان كده بنرجعله دايما مهما غيبنا عنه
شكرا لحضرتك
----------------------------------
تيمو
اهلا بيك
الفيس ادمان فعلا مش فكرة هروب بس كان جديد فى وقت ما اعتقد ان الناس بدأت ترجع تاني للتدوين
بالنسبة للتدوين اليومي هو ليه عيوب اكيد منها ان البوست مش بياخد حقه كقراءه وان الكتابة اوقات بتكون سريعة وناقص حاجة بس برضه ليه ميزه مهمة بتخلى الناس اللى بتكسل زي حالاتي تشد حيلها شويه فى الكتابة :)
شكرا لمرورك
الجميلة هدى
حقيقى انا فرحت جدا بعودتك للتدوين انتى من الناس اللى قريبين جدا ومدوناتهم مهمه جدا بالنسبالي
رجعوك من الاسباب اللي شجعتني فعلا انى افكر ارجع
انا كمان افتقدك جدااا
حمد الله ع سلامتك انتي كمان نورتي الدنيا هنا وع الفيس
-----------------------------------
مجداوية
اهلا بحضرتك يا افندم
انا فعلا لسه مش عارفه اظبط اموري وارجع تاني للتدوين زي ماكنت
بالرغم انهم اصلا يدوب تقريبا 3 اصناف اللى بطبخهم ومش كل يوم كمان :) وبرضه مش لاقية وقت اعقد ع النت
شكرا جدا لدعواتك بنا يكرمك ويوفق حضرتك للي فى الخير
الحمدلله على السلامة ..
سعيدة بمروري في مدونتك لاول مرة واسمع هالاخبار الحلوة .. في انتظار المقالات اليومية ان شاء الله ..
تقبلي خالص احترامي وان شاء الله من المتابعين
دمت بخير
Post a Comment