Monday, September 26, 2011

لقاء مدونين فـ المنصورة

واخيرا وكالعادة بعد غياب وبعد رسالة رايحة جاية اكتر من اسبوع بنشوف فيها 
اقتراحات لمكان اللقاء وبرنامج اللقاء ومطعم اللقاء وكافية اللقاء - وده غالبا سبب تأخيرنا فى اللقاءات - مع ان الموضوع في الاخر بيكون سهل وبسيط والمهم انه ممتع جدا اننا نتقابل ونقضي يوم سوا 
ولذا قررنا عمل لقاء اخيرا فى المنصورة يوم الجمعة القادم 30 -9هنبتدي نتجمع الساعة 10.30 صباحا فى كافية هاي لايت قدام بواية الجامعة اللى ع البحر يعنى الناس اللى جاية من برة المنصورة تقول للتاكسي بوابة الجامعة اللى ع البحر 
وبعد الغدا هنروح نادي الكهربا فى طلخا
ولو في وقت بعد كده فـ الغالب هناخد مركب في النيل
واحتمال مش اكيد اننا نروح دار ابن لقمان
للاستفسار والتواصل عشان محدش يقول اننا جيبنا المنصورة توهناه اتصلوا على رقم ندى الياسمين الرقم بيكون مفتوح ايام اللقاءات او من قبلها بيوم او اتنين هذا هو
 0126379796
 اللقاء ده بس عشان نتقابل ونشوف بعض لاننا من زمان مش اتقابلنا
أشوفكم على خير 
----------------
الصورة بعدسة ليساندرا

2 comments:

Lady E said...

ايه ده ايه ده ؟

طب قدموها شوية أسبوع مثلا لأن المعاد ده هكون سافرت ان شاء الله وعايزة أشوفكم علشانكم وحشتوني

عمرو يسرى said...

قصدك 30/9 احنا فى شهر 9 مش 10 الناس كده هتجيلكم الشهر الجاى مش الجمعه القادمه